بالی وڈ کے سینئر اداکار نصیر الدین شاہ نے اپنے حالیہ انٹرویو میں کہا ہے کہ مجھے بہت افسوس ہے کہ ایسی فلمیں ہٹ ہو رہی ہیں جن کا کوئی سر پیر نہیں ہے اور بامقصد فلمیں ناکام ہو رہی ہیں۔ میں نے فلم آر آر آر اور پشپا دیکھنے کی کوشش کی لیکن میں نہ دیکھ سکا، اس میں جو دکھایا گیا ہے کہ میں اس سے اتفاق نہیں کرتا۔ انہوں نے کہا کہ یہاں تک کہ میں نے غدر 2 اور کشمیر فائلز تک نہیں دیکھیں اور نہ ہی دیکھوں گا۔ انہوں نے کہا کہ ہر فلم میں ایک ہائپر مرد کو دکھایا جا رہا ہے جو کہ کسی طور درست نہیں ہے۔ میں محسوس کرتا ہوں کہ
”مردوں میں عدم تحفظ بڑھ رہا ہے”۔ انہوں نے ایک سوال کے جواب میں کہا کہ ‘A Wednesday’ جیسی فلمیں بھی کامیاب ہوتی ہیں، جن میں کوئی ہائپر کردار نہیں دکھایا جاتا، سنسی خیز کہانی سے بھرپور فلمیں زیادہ مقبول ہوتی ہیں اور بالی ووڈ میں بھی اسی طرح کی فلمیں بننے کی ضرورت ہے۔ہم فارمولا فلمیں آج بھی بنانا چاہتے ہیں یہ نہیں دیکھ رہے کہ شائقین کا مزاج تبدیل ہو چکا ہے دنیا کہاں سے کہاں پہنچ چکی ہے اور ہم وہیں کے وہیں کھڑے ہیں۔
