Tag: natasha ali

اداکارہ نتاشا علی جو کافی عرصے سے سکرین سے غائب ہیں انہوں نے اپنے حالیہ انٹرویو میں بتایا ہے کہ میں نے جب اداکاری شروع کی تو میری والدہ نے بالکل میرا ساتھ نہیں دیا، بلکہ مجھ سے بات کرنا چھوڑ دی تھی، انہوں نے کہا کہ اپنا کیرئیر بنانے کے لئے مجھے بہت ساری مشکلات کا سامنا رہا، میں جب نویں جماعت میں تھی تواداکاری کے شوق کی وجہ سے میں نے دو ڈرامے ایک ساتھ سائن کر لئے یوں میں کافی مصروف تھی ، نویں جماعت کے امتحان

میرے سر پر تھے لیکن ڈرامے سائن کر چکی تھی ان میں کام کررہی تھی، ہوا یہ کہ میں فیل ہو گئی ۔ مجھے بہت افسوس ہواکہ میں فیل ہو گئی ، میں کبھی بھی اپنی پڑھائی نہیں چھوڑنا چاہتی تھی اس لئے میں نے اداکاری کے ساتھ ساتھ پڑھائی کو جاری رکھا اور بی اے تک تعلیم حاصل کی۔ انہوں نے کہا کہ انسان اگر چاہیے تو وہ جو جو بھی کرنا چاہتا ہے کر سکتاہے ، میں نے ایکٹنگ بھی کی اور پڑھائی بھی مکمل کی اور اپنی والدہ کو بھی راضی کر لیا، آج میری والدہ مجھ سے بہت پیار کرتی ہیں اور میرے اداکاری میں آنے کے فیصلے کو ٹھیک قرار دیتی ہیں۔ میں نے کبھی بھی اپنے گھر والوں کی امیدوں اور غرور کو نہیں توڑا۔

اداکارہ نتاشا علی نے کہا ہے کہ میں نے جب شوبز انڈسٹری جوائن کر لی تو دو سال تک میری ماں نے مجھ سے بات نہیں کی تھی، وہ نہیں‌چاہتی تھیں کہ میں شوبز میں آئوں. ان کو غصہ تھا کہ میں نے ان کی بات نہیں‌مانی. دو سال تک تو یہ سلسلہ رہا کہ میں جب بھی گھر جاتی اور امی کھانا کھا رہی ہوتیں تو وہ کھانا کھا کر جلدی سے اٹھ کر اپنے کمرے میں چلی جاتیں اور مجھ سے بات ہی نہ کرتیں ، پھر جب میں کراچی شفٹ ہوئی اور انہوں نے دیکھا کہ یہ اپنے گھر میں اکیلی رہتی ہے اس کے باوجود اسکی شکایت نہیں آتی تو اسکا مطلب یہ ہے کہ میری بیٹی کوئی غلط کام نہیں کرتی نہ ہی کسی ایسے کام میں پڑی ہے. انہوں‌نے کہا کہ اس کے بعد میری ماں میرے ساتھ کچھ ٹھیک ہونا

شروع ہوئیں ، میں نے امی کو سونے کے کنگن بنا کر دئیے. انہوں نے کہا کہ اگر شوٹ ہو تو روزانہ گھر سے باہر نکلنا پڑتا ہے لیکن اگر شوٹ نہ ہوتو پھر میں‌گھر پر رہنے کو ترجیح دیتی ہوں، ٹی وی دیکھنا ، الماری ٹھیک کرنا ، کھانا کھانا ، یہ سب کرنے میں بہت مزا آتا ہےحالانکہ بہت سارے لوگ یہ کہتے ہیں‌کہ ہم تو گھر بیٹھ ہی نہیں سکتے لیکن میں ایسا نہیں کہتی بلکہ میں تو گھر پر رہنا ہی پسند کرتی ہوں.