Baaghi TV

Tag: news

  • وانا کے کیڈٹ کالج پر حملہ ناکام، 5 خوارج ہلاک، طلبہ و اساتذہ محفوظ

    وانا کے کیڈٹ کالج پر حملہ ناکام، 5 خوارج ہلاک، طلبہ و اساتذہ محفوظ

    وانا کے کیڈٹ کالج پر افغان خوارج کے حملے کو سیکیورٹی فورسز نے جامع اور جرات مندانہ آپریشن میں ناکام بنا دیا۔ آپریشن کے دوران ایک خودکش بمبار سمیت کل 5 حملہ آور ہلاک کیے گئے جبکہ کالج میں موجود تمام طلبہ اور اساتذہ کو بحفاظت نکال لیا گیا۔

    سیکیورٹی ذرائع کے مطابق کالج میں تقریباً 650 افراد موجود تھے جن میں 525 کیڈٹس شامل تھے۔ کالج کی عمارت کو بارودی سرنگوں کے خدشے کے باعث کلیئر کیا جا رہا ہے اور علاقے کی حفاظتی نگرانی جاری ہے۔

    ذرائع نے بتایا کہ حملہ آوروں کی موجودگی کے پیشِ نظر کارروائی بہت احتیاط اور حکمتِ عملی سے کی گئی تاکہ کیڈٹس کی جانوں کو کسی قسم کا نقصان نہ پہنچے۔ ابتدائی اطلاعات کے مطابق 10 نومبر کو بھی کالج کے مرکزی گیٹ پر بارود سے بھری گاڑی ٹکرائی گئی تھی جس سے مرکزی دروازہ تباہ اور قریبی عمارتوں کو نقصان پہنچا تھا — اس واقعے میں پاک فوج کے جوانوں نے فوری کارروائی کر کے دو دہشت گرد ہلاک کیے تھے۔

    وفاقی وزیر اطلاعات عطا تارڑ اور وزیر داخلہ محسن نقوی نے حملے کے پیچھے بیرونی مداخلت کے الزامات کا ذکر کیا اور کہا کہ شواہد پیش کیے جا چکے ہیں؛ سیکیورٹی فورسز نے کہا ہے کہ دہشت گردی کے مکمل خاتمے تک آپریشن جاری رکھا جائے گا۔

  • سری لنکا جانیوالے آلوؤں کے کنٹینر سے ہیروئن برآمد

    سری لنکا جانیوالے آلوؤں کے کنٹینر سے ہیروئن برآمد

    کولمبو سری لنکا بھیجے جانیوالے آلوؤں پر مشتمل کنٹینر سے کراچی ائیرپورٹ پر بھاری مقدار میں ہیروئن برآمد ہوئی ہے.

    باغی ٹی تی وی کو ترجمان اے این ایف نے بتایا کہ مشکوک ریفریجریٹر کی تلاشی لینے پر 1198 تھیلوں میں سے 122 آلوؤں  میں مہارت سے چھپائی گئی مجموعی طور پر تقریباً 5 کلو ہیروئن برآمد ہوئی۔مجموعی طور پر 80 تھیلوں میں سے ہر تھیلے میں 1 سے 2 ہیروئن بھرے آلو مہارت سے چھپائے گئے تھے۔اے این ایف ٹیم نے اعلیٰ پیشہ ورانہ صلاحیت اور انتہائی مہارت سے ان تمام ہیروئن بھرے آلوؤں کی تلاشی لی.

    ابتدائی تفتیش کے ذریعے ایک ملزم کو گرفتار کر لیا گیا ہے۔مزکورہ کینٹنر ایک نجی کمپنی کی طرف سے بُک کروایا گیا تھا۔مزید ملزمان کی گرفتاری کیلئے چھاپہ مار کاروائیوں کا سلسلہ جاری ہے۔گرفتار ملزم کو اے این ایف پولیس اسٹیشن منتقل کر کے مزید تحقیقات کا آغاز کر دیا گیا ہے۔

  • میری بہن کینسر میں‌مبتلا ہو گئی ہے میں بہت پریشان ہوں میرا

    میری بہن کینسر میں‌مبتلا ہو گئی ہے میں بہت پریشان ہوں میرا

    فلمسٹار میرا نے کہا ہے کہ میں آج کل بہت پریشان ہوں میری فیملی مختلف مسائل کا شکار ہے. انہوں نے انسٹاگرام پر ایک وڈیو پوسٹ کی جس میں ان کی والدہ ہسپتال کے بستر پر لیٹی ہوئی نظر آ رہی ہیں. انہوں نے اپنی پوسٹ کے زریعے لوگوں‌کو لکھ کر آگاہی دی کہ میری والدہ کافی عرصے سے صحت کے مختلف ایشو ز میں گھری ہوئی ہیں،ان کی حال ہی میں‌سرجری ہوئی ہے. دوسری طرف انہوں نے یہ بھی بتایا کہ میری بہن کو کینسر کی تشخیص ہوئی ہے ، میں اپنی فیملی کے ان مسائل کی وجہ سے بے حد پریشانی میں‌مبتلا ہوں.

    یہاں تک کہ میں نے اپنے کیرئیر کو بریک بھی لگا دی ہے اور میں ابھی کچھ عرصہ تک شوبز میں‌کام نہیں کروں گی . ”میری ساری توجہ اپنی فیملی کے ایشوز کو حل کرنے پر مرکوز ہے”. میرا نے کہا کہ میں آپ سب سے درخواست کرتی ہوں کہ میری والدہ اور بہن کے لئے دعا کیجیے، میری فیملی میں‌میری جان ہے. میں‌اپنی فیملی کے بہت قریب ہوں انہوں نے میرا بہت ساتھ دیا ہے. یاد رہے کہ میرا کافی عرصے سے ڈرامے اور فلموں سے دور ضرور ہیں لیکن اس کے باوجود وہ شوبز کی دنیا میں‌ان رہتی ہیں.

    پاکستان اور ترکی کی کو پروڈکشن” صلاح الدین ایوبی” کا ٹیزر جاری کردیا گیا

    ماضی کی معروف ماڈل ماہم امجد کے والدکے قتل کیس کی اہم سماعت

    پاکستانی اداکار و ماڈل عامر شاہ "رن وے ماڈل یونیورس 2023″منتخب

  • ہم میں سے بہت سارے لوگ غلطی کرکے اسکا اعتراف نہیں کرتے عارف لوہار

    ہم میں سے بہت سارے لوگ غلطی کرکے اسکا اعتراف نہیں کرتے عارف لوہار

    معروف فوک گلوکار عارف لوہار نے اپنے حالیہ انٹرویو میں‌کہا ہے کہ ہم میں‌سے بڑی تعداد ایسے لوگوں کی ہے جو غلطی کرکے اس کا اعتراف نہیں‌کرتے. ہم لوگ غلطی کرکے اس پر ڈٹ جاتے ہیں اور غلطی ماننا تو اپنی توہین سمجھتے ہیں. انہوں نے کہا کہ ہم سب کو چاہیے کہ ہم سب ایک دوسرے کا ساتھ دیں . اور جتنا ہو سکے ایک دوسرے کی مدد کریں ٹانگیں نہ کھینچیں.مسلمان ہونے کے ناطے ہمیں ایک دوسرے کا سہارا بننا ہے لیکن ہم تو ایک دوسرے کے حقوق چھیننے پر لگے ہوتے ہیں.

    انہوں نے یہ بھی کہا کہ ہمارے اندر برداشت کی بہت زیادہ کمی ہو گئی ہے. میں‌مانتا ہوں کہ ہمارے ہاں بہت سارے مسائل ہیں جن میں‌ہم سب الجھے ہوئے ہیں، انہی مسائل کی وجہ سے ہم چڑچڑے پن اور زہنی مسائل کا شکار ہو رہے ہیں.” عارف لوہار نے کہا کہ ہمارے ملک میں جتنے بھی مسائل ہوں پریشانیاں‌ہوں لیکن اس جیسا ملک دنیا میں‌نہیں‌ہے. ”میں نے دنیا کے بہت سارے ممالک دیکھے ہیں لیکن جو سکون مجھے پاکستان میں ملتا ہے وہ کہیں اور نہیں ملتا.

  • لاہور سے ڈرامہ کراچی کیسے شفٹ ہوا وسیم عباس نے بتا دیا

    لاہور سے ڈرامہ کراچی کیسے شفٹ ہوا وسیم عباس نے بتا دیا

    سینئر اداکار وسیم عباس جنہوں‌نے پاکستان ٹیلی ویژن پر بہت زیادہ کام کیا اور نام کمایا. انہوں‌نے اپنے حالیہ انٹرویو میں‌کہا ہےکہ لاہور میں ڈراموں‌کے حوالے سے بہت رونق ہوا کرتی تھی ، پی ٹی وی میں ڈرامے بنتے تھے ، لاہورمیں آرٹسٹوں‌کا ایک ہجوم رہتا تھا . لیکن یہ رونقیں ختم ہو گئیں اور چند ایک نا عاقبت اندیش لوگوں‌کی وجہ سے ڈرامہ اور ڈرامے کی رونقیں کراچی منتقل ہو گئیں میں اس چیز کے خلاف نہیں ہوں ، لیکن لاہور میں ایک عرصہ گزارا ہے اور یہیں سے کیرئیر کی شروعات کی تو کبھی کبھی یاد کرکے دل بھر آتا ہے.

    انہوں نے مزید یہ بھی کہا کہ اداکاری آسان کام نہیں ہے بلکہ بہت ہی مشکل کام ہے. میں تو کہتا ہوں کہ ساری زندگی اداکاری کے رموز و سوقاف سمجھنے میں‌نکل جاتے ہیں. انہوں نے کہا کہ فنکار تو ساری زندگی کام سیکھتا ہی رہتا ہے ، کوئی بھی فنکار یہ نہیں کہہ سکتا کہ اس نے سب سیکھ لیا ہے، یہ وہ کام ہے جو آخری سانس تک آرٹسٹ سیکھتا رہتا ہے. یاد رہے کہ ”وسیم عباس کے بیٹے علی عباس بھی ڈراموں میں کام کرتے ہیں ”وہ اپنی بہترین اداکاری کی وجہ سے جانے جاتے ہیں، وسیم عباس زیادہ تر سنجیدہ اداکار ی کرتے ہوئے دکھائی دیتے ہیں.

    پاکستان اور ترکی کی کو پروڈکشن” صلاح الدین ایوبی” کا ٹیزر جاری کردیا گیا

    ماضی کی معروف ماڈل ماہم امجد کے والدکے قتل کیس کی اہم سماعت

    پاکستانی اداکار و ماڈل عامر شاہ "رن وے ماڈل یونیورس 2023″منتخب

  • اسرائیلی بمباری میں معروف مصنفہ، شاعرہ اور ناول نگار حبا ابوندا شہید

    اسرائیلی بمباری میں معروف مصنفہ، شاعرہ اور ناول نگار حبا ابوندا شہید

    غزہ پر اسرائیلی بمباری کے نتیجے میں جہاں بہت ساری شہادتیں ہو چکی ہیں وہیں معروف مصنفہ، شاعرہ اور ناول نگار حبا ابوندا بھی شہید ہوگئی ہیں۔32 سالہ مصنفہ حبا ابوندا کو اپنے ناول ’’آکسیجن ازناٹ فاردی ڈیڈ‘‘سے شہرت ملی تھی جبکہ سوشل میڈیا پر حبا ابوندا کا ایک ویڈیو کلپ بھی وائرل ہورہا ہے۔وائرل ویڈیو میں حبا ابوندا سوال کر رہی ہیں کہ “ہم کس جہنم میں رہ رہے ہیں؟ ایسا کیسے کب تک چلے گا؟”غزہ کی معروف مصنفہ حبا ابوندا نے اپنی شہادت سے ایک روز قبل سوشل میڈیا پر پیغام جاری کیا تھا جس میں اُنہوں کہا تھا کہ ” اگر ہم مرجائیں تو جان لیں کہ ہم ثابت قدم ہیں اور ہم سچے ہیں”۔

    یاد رہے کہ” اس سے قبل اسرائیلی بمباری کے نتیجے میں وہ 12 سالہ فلسطینی یوٹیوبر عونی الدوس بھی شہید ہوگیا تھا جو یوٹیوب پر ایک لاکھ سبسکرائبرز مکمل ہونے کا خواب سجائے ہوا تھا”۔عونی الدوس نے غزہ پر اسرائیلی حملوں سے کچھ عرصہ قبل ہی یوٹیوب پر اپنا چینل بنایا تھا، وہ اپنے چینل پر “گیمنگ ویڈیوز” اپ لوڈ کرتے تھے اور اُن کا خواب تھا کہ وہ ایک مشہور اور کامیاب انسان بنیں۔شہید ہونے والی مصنفہ ایک بڑی فین فالونگ رکھتی تھیں.

    پاکستان اور ترکی کی کو پروڈکشن” صلاح الدین ایوبی” کا ٹیزر جاری کردیا گیا

    ماضی کی معروف ماڈل ماہم امجد کے والدکے قتل کیس کی اہم سماعت

    پاکستانی اداکار و ماڈل عامر شاہ "رن وے ماڈل یونیورس 2023″منتخب

  • اسرائیلی جارحیت ، کراچی گورنر ہاو س میں‌تقریب شوبز سٹارز کی شرکت

    اسرائیلی جارحیت ، کراچی گورنر ہاو س میں‌تقریب شوبز سٹارز کی شرکت

    اسرائیلی جارحیت کے خلاف اور مظلوم فلسطینیوں کی حمایت کے لئے شوبز سٹارز مختلف پلیٹ فارمز پر آواز اٹھا رہے ہیں ، گزشتہ روز اداکارہ اشناہ شاہ نے ایک ریلی میں شرکت کی ، اور اسرائیلی جارحیت کے خلاف آواز اٹھائی. اسرائیلی جارحیت کے خلاف اور فلسطینیوں کے حق میں‌یکجہتی دکھانے کےلئے آج گورنر ہاؤس کراچی میں تقریب کا اہتمام کیا گیا جس میں شوبز انڈسٹری کی نامور شخصیات نے شرکت کی۔شرکا میں اداکار قیصر خان نظامانی،مجاہد علی اصغر ،ندیم جعفری،عدنان جیلانی،ٹیپو،اسامہ غازی، یاسمین کاوش،ایاز خان اور بہروز سبزواری شامل ہیں۔شرکا نے اسرائیلی جارحیت کی بھرپور الفاظ میں مذمت کرتے ہوئے مطالبہ کیا کہ مسلم ممالک اور اقوام متحدہ فلسطینیوں کو ان کا حق دلوانے کے لئے اپنا کردار ادا کرنے کے ساتھ ساتھ جنگ بندی کے لئے بھی اقدامات کرے۔

    ان تمام شوبز فنکاروں نے یہ بھی کہا کہ ہم سب کو اسرائیلی جارحیت کے خلاف بلا امتیاز متحد ہو جانا چاہیے۔”فلسطین میں ہر طرف تباہی و بربادی کے مناظر نظر آ رہے ہیں”مسلسل بمباری میں بچوں اور خواتین کی بڑی تعداد شہید ہو چکی ہے لیکن دُنیا میں بعض ایسے ”انصاف پسند“ بھی ہیں جن کا دِل چند اسرائیلی بچوں کی موت پر تو دُکھی ہو جاتا ہےلیکن فلسطینیوں کی شہادت پر آواز اٹھاتے ہوئے ان کو تکلیف ہوتی ہے.

    پاکستان اور ترکی کی کو پروڈکشن” صلاح الدین ایوبی” کا ٹیزر جاری کردیا گیا

    ماضی کی معروف ماڈل ماہم امجد کے والدکے قتل کیس کی اہم سماعت

    پاکستانی اداکار و ماڈل عامر شاہ "رن وے ماڈل یونیورس 2023″منتخب

  • تھپڑ کہانی اور سین کی ڈیمانڈ ہو تو مارنے میں‌کوئی مضائقہ نہیں یاسر حسین

    تھپڑ کہانی اور سین کی ڈیمانڈ ہو تو مارنے میں‌کوئی مضائقہ نہیں یاسر حسین

    اداکار یاسر حسین نے اپنے حالیہ انٹرویو میں‌ڈراموں میں‌تھپڑ مارے جانے پر بات کی. انہوں نے کہاکہ میرے لئے یہ کافی حیرانی کی بات ہے کہ اگر آج بھی ڈراموں میں‌ تھپڑ مارے جاتے ہیں، میزبان نے کہاکہ کیا آپ ڈرامے نہیں دیکھتے تو انہوں نے کہا کہ نہیں‌میں‌آج کے ڈرامے میں‌نہیں‌دیکھتا. انہوں نے مزید کہا کہ جب میں ڈرامہ سیریل دریچہ (2011) ڈراما کررہا تھا اس میں بھی تھپڑ مارنے کے بہت سین ہوتے تھے، میں نے خود بھی 6،7 تھپڑ مارے تھے، وہ میرا پہلا ڈراما تھا، اگر آج بھی ڈراموں میں تھپڑ مارے جارہے تو بتائیں میں کیوں دیکھوں؟

    انہوں‌ایک سوال کے جواب میں کہا کہ” اگر تھپڑ مارنا کہانی اور سین کی ڈیمانڈ ہو تو تھپڑ مارنے میں‌کوئی ہرج نہیں ہے”. جس پر میزبان نے یاسر حسین کو یاد دلایا ان کا گزشتہ سال کا ڈراما ’ایک تھی لیلیٰ‘ میں بھی تھپڑ مارنے کا سین تھا۔ جس پر یاسر حسین نے کہا کہ ’جی وہ کہانی کے لحاظ سے اس سین میں تھپڑ مارنا ضروری تھا۔یاد رہے کہ پاکستانی ڈراموں میں آج بھی مرد کی طرف سے عورت پر ہاتھ اٹھایا جاتا ہے، ایسے سینز اور کہانیوں کو لیکر سوشل میڈیا پر کافی بحث مباحثہ چلتا رہتا ہے. اور ڈراموں میں تھپڑ مارنے جانے کے عمل کو سخت ناپسند کیا جاتا ہے.

    پاکستان اور ترکی کی کو پروڈکشن” صلاح الدین ایوبی” کا ٹیزر جاری کردیا گیا

    ماضی کی معروف ماڈل ماہم امجد کے والدکے قتل کیس کی اہم سماعت

    پاکستانی اداکار و ماڈل عامر شاہ "رن وے ماڈل یونیورس 2023″منتخب

  • پاکستان اور ترکی کی کو پروڈکشن” صلاح الدین ایوبی” کا ٹیزر جاری کردیا گیا

    پاکستان اور ترکی کی کو پروڈکشن” صلاح الدین ایوبی” کا ٹیزر جاری کردیا گیا

    پاکستان اور ترکی کی کو پروڈکشن تاریخی ڈرامہ صلاح الدین ایوبی کا ٹیزر جاری کر دیا گیا ہے، ٹیزر خاصا مختصر ہے ، اور بہت پسند کیا جا رہا ہے۔ ٹیزر میں مرکزی کردار دکھایا گیا ہے اور صلاح الدین ایوبی کو اسلامی ریاست کا پرچم ہاتھ میں تھامے دوڑتے گھوڑے پر دیکھا جا سکتا ہے۔صلاح الدین ایوبی کے مناظر کے پس پردہ اغور غنیش کی آواز سنائی دیتی ہے جو کہ ترک زبان میں ہے، تاہم ٹیزر میں ترک زبان کا انگریزی ترجمہ دیا گیا ہے۔ٹیزر کے اختتام پر صلاح الدین ایوبی کو دور سے مسجد اقصیٰ کو دیکھتے ہوئے دکھایا گیا ہے۔ ڈرامے کے ٹیزر کو صلاح الدین ایوبی کا کردار ادا کرنے والے ترک اداکار اغور غنش سمیت ڈرامے کے پروڈیوسرز میں شامل پاکستانی اداکار عدنان صدیقی نے بھی اپنے اپنے انسٹاگرام اکاﺅنٹس پر شیئر کیا۔عدنان صدیقی نے ڈرامے کے ٹیزر کو شیئر کرتے ہوئے پاکستانی اور ترکیہ کے پروڈکشن ہاوسز اور پروڈیوسرز کا شکریہ ادا کیا اور انہوں نے پروڈیوسرز میں ہمایوں سعید کا نام بھی لکھا۔

    ”اسی ڈرامے کے حوالے سے اپریل 2023 میں ہمایوں سعید نے بتایا تھا کہ ممکنہ طور پر ڈرامے کو رواں برس کے اختتام تک پہلے ترکیہ میں نشر کیا جائے گا،” اس کے ایک سال بعد اسے پاکستان میں دکھایا جائے گا۔انہوں نے اس تاثر کو مسترد کردیا تھا کہ وہ ڈرامے میں مرکزی کردار میں دکھائی دیں گے، تاہم بتایا تھا کہ وہ کچھ اقساط میں مختصر کردار ادا کرتے دکھائی دے سکتے ہیں۔یاد رہے کہ اس ڈرامے کو دسمبر 2021 میں بنانے کا اعلان کیا گیا تھا ۔

    میں اور سدھارتھ اپنی نجی زندگی کو پرائیویٹ رکھنا پسند کرتے ہیں کیارا ایڈوانی

    جو بھی کہنا ہے مجھے کہیں میری فیملی کو کچھ نہ کہیں راج کندرا کی ..

    دلیپ تاہل کو دو ماہ کی قید ہو گئی

  • ماضی کی معروف ماڈل ماہم امجد کے والدکے قتل کیس کی اہم سماعت

    ماضی کی معروف ماڈل ماہم امجد کے والدکے قتل کیس کی اہم سماعت

    سندھ ہائی کورٹ میں اسٹیٹ لائف انشورنس کمپنی کے آفیسر امجد شاہ(ماضی کی معروف ماڈل ماہم امجد کے والد)کے قتل کیس کی سماعت آج کے دن ہوئی۔عدالت نے ملزم کو واپس لانے کی ہدایت دیکر سماعت 3 ہفتوں کے لیے ملتوی کردی۔عدالتِ عالیہ میں یو اے ای فرار ہونے والے ملزم تقی حیدر کی واپسی سے متعلق درخواست پر سماعت ہوئی۔دورانِ سماعت منسٹری آف فارن افیئرز کے حکام عدالت میں پیش ہوئے جنہوں نے پیش رفت رپورٹ عدالت میں پیش کی گئی۔

    رپورٹ کے مطابق ”یو اے ای حکام و دیگر کو ملزم کی واپسی کے لیے 11 اکتوبر کو ریمائنڈر بھیجا ہے”۔درخواست گزار ماہم امجد کے وکیل نے مؤقف اختیار کیا کہ ہر سماعت پر ایک ہی رپورٹ جمع کرا دی جاتی ہے۔عدالت نے وزارتِ خارجہ اور وزارتِ داخلہ کے حکام کو ملزم کو واپس لانےکی ہدایت کی۔وزارتِ خارجہ کے حکام نے بتایا کہ یو اے ای کے حکام کی جانب سے خط کا جواب موصول نہیں ہوا ہے۔عدالت نے وزارتِ داخلہ اور خارجہ کو ہدایت دیتے ہوئے کہا کہ ملزم کی ملک واپسی کے لیے کوششیں کی جائیں۔عدالت نے درخواست کی مزید سماعت 3 ہفتوں کے لیے ملتوی کر دی۔واضح رہے کہ درخواست گزار ماہم امجد کے والد کو 2008ء میں ان کے دفتر کے ساتھی نے قتل کر دیا تھا جو بعد میں متحدہ عرب امارات فرار ہو گیا تھا۔

    میں اور سدھارتھ اپنی نجی زندگی کو پرائیویٹ رکھنا پسند کرتے ہیں کیارا ایڈوانی

    جو بھی کہنا ہے مجھے کہیں میری فیملی کو کچھ نہ کہیں راج کندرا کی ..

    دلیپ تاہل کو دو ماہ کی قید ہو گئی