Baaghi TV

Tag: news

  • سلمان خان کی شادی کی جواب کونسے دو لوگ دے سکتے ہیں کترینہ نے بتا دیا

    سلمان خان کی شادی کی جواب کونسے دو لوگ دے سکتے ہیں کترینہ نے بتا دیا

    بالی وڈ اداکارہ کترینہ کیف جو کہ وکی کوشل کے ساتھ شادی کر چکی ہیں اور بہت ہی خوشگوار اذدواجی زندگی بسر کررہی ہیں ، وکی سے قبل کترینہ کیف کئی سال تک رنبیر کپور کے ساتھ ایک گھر میں رہتی رہیں ، رنبیر کپور سے پہلے ان کا نام سلمان خان کے ساتھ جڑا رہا اور کہاجاتا رہا کہ دونوں بہت جلد شادی کرنے والے ہیں لیکن ایسا نہیں ہوا بلکہ کترینہ کی وکی کے ساتھ شادی میں سلمان خان شریک ہوئے کچھ شادی کے انتظامات میں حصہ بھی لیا. کترینہ کیف کو سلمان خان کی بہت قریبی مانا جاتا ہے ، دونوں کو کپل شرما شو میں ایک ساتھ بلایا گیا اور کپل شرما نے کترینہ سے سوال کیا کہ سلمان خان کی پسندیدہ اداکارہ کونسی ہے تو کترینہ جواب دیتی اس سے پہلے ہی سلمان

    خان نے کہا کہ کترینہ کیف، اسی طرح سے کپل شرما نے کترینہ کیف سے پوچھا کہ سلمان خان کب شادی کررہے ہیں تو اس پر اداکارہ نے کہا کہ اس کا جواب صرف دو لوگوں کے پاس ہے ایک بھگوان ار دوسرا سلمان خان خود . کترینہ کیف کی بات سن کر سلمان خان ہنستے رہے لیکن کوئی جواب نہ دیا. یاد رہے کہ سلمان خان کی شادی نوے کی دہائی میں‌سنگیتا بجلانی کے ساتھ ہونے والی تھی لیکن شادی کینسل ہو گئی.

  • وکی کترینہ کی کس ادا پر فدا ہوجاتے ہیں؟

    وکی کترینہ کی کس ادا پر فدا ہوجاتے ہیں؟

    اداکار وکی کوشل جو کہ کترینہ کیف کے شوہر ہیں وہ اکثر اپنی اہلیہ کی تعریفیں کرتے ہوئے دکھائی دیتےہیں، حال ہی میں‌انہوں نے ایک انٹرویو میں کہا کہ میری اہلیہ کو پنجابی بولنی نہیں آتی لیکن چند ایک الفاظ ہیں جو انہوں‌نے بولنا سیکھ لئے ہیں، وہ جب میرے ساتھ بولتی ہیں تو میں ان کے انداز پر فدا ہوجاتا ہوں. انہوں نے کہا کہ میری اہلیہ مجھے خوش کرنے کے لئے کچھ نہ کچھ کرتی رہتی ہیں، انہوں نے مجھے خوش کرنے کے لئے ایک پنجابی گیت یاد کیا ، خود ہی اس گانے کو تلاش کیا اور یاد کیا، مجھے کہنے لگیں کہ میں نے آپ کے لئے ایک رومینٹک پنجابی سانگ یاد کیا ہے، میں‌بہت خوش ہوا میں‌نے کہا کہ ٹھیک ہے سنا دیجیے، انہوں نے جب سنایا تو میں حیران رہ گیا

    کیونکہ وہ رومینٹ سانگ نہیں تھا بلکہ اسکے لفظ کچھ ایسے تھے میرے راستے میں‌آئے تو میں گولی مار دوں گی ، میں نے ان سے کہا کہ مجھے آپ کی محبت نظر آگئی میں نے محسوس کر لی کیونکہ آپ نے پنجابی گانا یاد کیا ہے میرے لئے لیکن اس گانے کو پلیز کہیں اور نہ گنگنا دیجیے گا، لوگ مجھے باتیں کریں گے اور آپکا مذاق اڑائیں گے.

  • نصیر الدین شاہ نے معافی مانگ لی

    نصیر الدین شاہ نے معافی مانگ لی

    بالی وڈ‌ اداکار نصیر الدین شاہ کو معافی مانگنی پڑ گئی ہے اپنے ہی بیان پر، انہوں نے اپنے حالیہ انٹرویو میں کہا تھا کہ پاکستان میں سندھی زبان نہیں بولی جاتی ، اس پر پاکستانیوں نے سوشل میڈیا پر بھرپور اھتجاج ریکارڈ کروایا جس کے بعد اداکار نے معافی مانگ لی اور سوشل میڈیا پر ایک پوسٹ لگائی جس میں لکھا کہ یہ کہنا میری غلطی تھی کہ پاکستان میں اب سندھی زبان نہیں بولی جاتی. انہوں نے کہا کہ ایسا لگتا ہے کہ دو مکمل طور پر غیر ضروری تنازعات پھوٹ پڑے ہیں، ان چیزوں پر جو میں نے حال ہی میں کہی ہیں، ایک پاکستان میں سندھی زبان کے بارے

    میں میری غلط بیانی سے متعلق، میں وہاں غلطی پر تھا اور دوسرا اس پر جو میں نے مراٹھی اور فارسی کے تعلقات کے بارے میں کہا تھا۔ میری نیت مراٹھی زبان کو نیچا دکھانا نہیں تھی، میرے درست الفاظ یہ تھے کہ بہت سے مراٹھی الفاظ فارسی کے ہیں، میرا مقصد ثقافتی تنوع کو بیان کرنا تھا، اردو زبان بھی ہندی، فارسی، ترکی اور عربی کا مرکب ہے۔یوں نصیر الدین شاہ حال ہی میں انٹرویو دیکر پھنس گئے ہیں شدید مشکل میں‌ اور انٹرویو کے محض دو دن کے بعد ہی ان کو معافی مانگنی پڑ گئی ہے.

  • ایوارڈز کیسے کیوں اور کس کو ملتے ہیں نصیر الدین شاہ نے بتا دیا

    ایوارڈز کیسے کیوں اور کس کو ملتے ہیں نصیر الدین شاہ نے بتا دیا

    بالی وڈ کے معروف اداکار نصیرالدین شاہ جو پھنس گئے کنٹرورسی میں ، انہوں نے کہا کہ پاکستان میں باقی ساری زبانیں بولی جاتی ہیں لیکن سندھی نہیں بولی جاتی ، پاکستانی فنکاروں نے بھرپور جواب دیا تو انہیں معافی مانگنی پڑ گئی. اداکار نے اپنے حالیہ انٹرویو ایوارڈز پر بھی کھل کر بات کی ہے اور آ گئے ہیں ایک بار پھر تنقید کی زد میں، انہوں نے کہا کہ میں کبھی بھی ان ایوارڈز یا ٹرافیز کو سنجیدگی سے نہیں لیتا نہ ہی میری نظر میں انکی کوئی وقعت ہے۔ انکا کہنا ہے کہ وہ اپنے فلم فیئر ایوارڈز کو اپنے فارم ہاﺅس کے واش روم کے ڈور ہینڈل کے طور پر استعمال کرتے ہیں۔ نصیرالدین شاہ نے کہا کہ وہ محسوس کرتے ہیں کہ یہ ایوارڈز انڈسٹری کے اندر موجود لابنگ کی وجہ

    سے ملتے ہیں ، بہت سارے ایسےفنکار ہیں جنہوں‌نے بہت اچھا کام کیا یا کرتے ہیں لیکن ان کو ایوارڈز نہیں ملتے ، لہذا ایوارڈز کا اچھی کارکردگی سے کوئی تعلق نہیں ہوتا بس تعلقات اچھے ہونے چاہیں ایوارڈز ملتے رہیں گے. انہوں نے کہاکہ میرا کیرئیر پانچ دہائیوں پر مشتمل ہے اس دوران مجھے ایوارڈز ملے لیکن میں اصل ایوارڈ عوام کی اس داد کو سمجھتا ہوں جو وہ سینما گھر میں بیٹھ کر دیتے ہیں.

  • جاوید شیخ کس اداکارہ کے ساتھ دوستی کو آج تک یادگار مانتے ہیں ؟‌

    جاوید شیخ کس اداکارہ کے ساتھ دوستی کو آج تک یادگار مانتے ہیں ؟‌

    اداکارہ نیلی کا شمار پاکستان فلم انڈسٹری کی نامور اور حسین اداکارائوں میں ہوتا ہے ، وہ آتے ہی لالی وڈ کے افق پر چھا گئیں. نیلی کی جاوید شیخ کے ساتھ دوستی کے قصے بہت مشہور ہوئے، جاوید شیخ کی دوستی کے قصے فلمسٹار ثناء کے ساتھ بھی بہت مشہور ہوئے لیکن جاوید شیخ اگر کسی کے ساتھ اپنی دوستی کو یاد کرتے ہیں تو وہ ہے نیلی. ان کا کہنا ہےکہ نیلی کے ساتھ میری بہت اچھی دوستی تھی ، ہمارا بہت ملنا ملانا تھا، ہمارا آپس میں جو وقت گزرا وہ بہت اچھا رہا، میں آج بھی ان پلوں کو یاد کرتا ہوں تو دل خوش ہوتا ہے لیکن آج میں نہیں جانتا کہ نیلی کہاں ہے کیا

    کررہی ہے، میں ان سے رابطے میں‌نہیں ، لیکن میری دعا ہے کہ وہ ہمیشہ خوش رہیں جہاں رہیں خوشیوں سے ان کا دامن بھرا رہے. انہوں نے کہا کہ نیلی نہ صرف بہترین اداکارہ تھی بلکہ ایک خوبصورت انسان بھی تھی وہ بہت مخلص ہو کر چلتی تھی ، وہ دوسروں کا اپنے ساتھیوں کا بہت خیال رکھتی تھی. باقی اداکارائوں میں بھی یہ کوالٹی تھی لیکن نیلی اس میں سب سے آگے تھی. یاد رہے کہ نیلی دو دہائیوں سے سکرین سے غائب ہیں وہ کہاں ہیں کیا کرتی ہیں بہت کم لوگ جانتے ہیں.

  • چائلڈ پورنوگرافی؛ شکار کیلئے انٹرنیٹ، اور "ڈارک ویب” کا استعمال

    چائلڈ پورنوگرافی؛ شکار کیلئے انٹرنیٹ، اور "ڈارک ویب” کا استعمال

    پیڈوفائل، چائلڈ پورنوگرافی سے منسلک عناصر اپنے شکار تک پہنچنے کے لیے طویل عرصے سے انٹرنیٹ، نام نہاد "ڈارک ویب” کا استعمال کر رہے ہیں۔ جبکہ اگرچہ یہ کام برسوں سے جاری ہے لیکن اس بارے میں ایک نئی تحقیق میں چونکا دینے والے حقائق کا انکشاف ہوا ہے۔ امریکا میں سٹینفورڈ یونیورسٹی اور یونیورسٹی آف میساچوسٹس ایمہرسٹ کے محققین نے اس بات کی تصدیق کی ہے کہ انسٹاگرام سوشل میڈیا پلیٹ فارم میں استعمال ہونے والے "آپ کے لیے تجویز کردہ” الگورتھم نے بچوں کے ساتھ بدفعلی کرنے والوں کے وسیع نیٹ ورک کی مدد کی، اور ان کے لیے ایسے رجحانات رکھنے والے عناصر تک پہنچنا آسان بنا دیا ہے۔

    یہی نہیں انسٹاگرام نے ان کے لیے غیر قانونی جنسی مواد اور سرگرمیاں حاصل کرنے کے دروازے بھی کھول دیے ہیں۔
    انسٹاگرام ان سرگرمیوں کو فروغ دیتا ہے تحقیق کے مطابق انسٹاگرام صرف ان سرگرمیوں کی میزبانی نہیں کرتا ہے ، اس کے الگورتھم انہیں فروغ دیتے ہیں، "جس کی تصدیق وال اسٹریٹ جرنل کی تحقیقات سے ہوئی، جو اس نے ان محققین کے تعاون سے کی تھی۔ اخبار کے مطابق "انسٹاگرام پیڈو فائلز کو جوڑتا ہے اور اپنے سفارشی نظاموں کے ذریعے، جو مخصوص مفادات کا اشتراک کرنے والوں کو جوڑنے کے لیے بہترین ہیں، ایسا مواد بیچنے والوں تک ان کی رہنمائی کرتا ہے۔

    اس کے علاوہ، اسٹینفورڈ انٹرنیٹ آبزرویٹری کے محققین کے مطابق ، انسٹاگرام نے نہ صرف سفارشی نظاموں کے ذریعے "چائلڈ اسٹاکرز” کو جنسی مواد بیچنے والوں سے منسلک کیا بلکہ صارفین کو نابالغوں کے جنسی مواد سے متعلق واضح ہیش ٹیگز کے ذریعے تلاش کرنے کے قابل بنایا اور پھر انہیں ایسے اکاؤنٹس سے منسلک کیا جو بچوں کے جنسی مواد کو فروخت کے لیے تشہیر کرنے کے لیے استعمال کرتے تھے۔ تحقیق میں یہ بھی انکشاف ہوا کہ کچھ فہرستوں میں بچوں کی خود کو نقصان پہنچانے والی ویڈیوز اور "نابالغ بچوں کی غیر اخلاقی جنسی حرکتوں میں ملوث ہونے کی تصاویر” کی قیمتیں بھی شامل ہیں۔
    میٹا چیک
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    دوسری جانب انسٹاگرام ایپلی کیشن کی مالک کمپنی میٹا کے ترجمان نے تصدیق کی کہ کمپنی "مسلسل اس رویے کو روکنے کے طریقے تلاش کر رہی ہے۔” انہوں نے وضاحت کی کہ اس نے ایک "اندرونی ٹاسک فورس تشکیل دی ہے جو ان الزامات کی تحقیقات کرے گی اور انہیں فوری طور پر حل کرے گی۔” جبکہ ادھر ایسا لگتا ہے کہ یہ دھچکا میٹا کے کاروباری حریف اور ٹویٹر کے مالک کے لیے کافی اہم ہے کیونکہ انہوں نے اخبار کی رپورٹ کل شام بدھ کو اپنے ٹوئٹر اکاؤنٹ پر شیئر کی اور لکھا کہ "یہ بہت پریشان کن ہے۔”

  • آئی سی سی ٹیسٹ چیمپئن شپ؛ فائنل میچ کا دوسرا دن بھی کینگروز کے نام

    آئی سی سی ٹیسٹ چیمپئن شپ؛ فائنل میچ کا دوسرا دن بھی کینگروز کے نام

    آئی سی سی ٹیسٹ چیمپئن شپ؛ فائنل میچ کا دوسرا دن بھی کینگروز کے نام

    آسٹریلیا اور بھارت کے درمیان جاری آئی سی سی ٹیسٹ چیمپئن شپ کے فائنل میں ٹیسٹ میچ کا دوسرا دن بھی کینگروز کے نام رہا۔ ٹیسٹ کرکٹ کا ورلڈ چیمپئن کون ہوگا؟ اس کا فیصلہ لندن کے اوول اسٹیڈیم میں بھارت اور آسٹریلیا کے درمیان جاری حتمی معرکے میں ہوجائے گا۔ جبکہ ورلڈ ٹیسٹ چیمپئن شپ کے فائنل میں بھارت اور آسٹریلیا کی ٹیمیں اوول میں مدمقابل ہیں۔


    دوسرے دن کھیل کے اختتام پر بھارت نے آسٹریلیا کے پہلی اننگز کے 469 رنز کے جواب میں 5 وکٹوں کے نقصان پر 151 رنز بنالیے۔اجینکیا رہانے 29 اور سریکار بھارت 5 رنز بناکر کریز پر موجود ہیں۔ اس کے علاوہ روہت شرما 15، شبمن گل 13، پجارا اور ویرات کوہلی 14،14 رنز بناکر آؤٹ ہوئے جبکہ رویندرا جڈیجا نے 48 رنز کی اننگز کھیلی۔

    آسٹریلیا کی جانب سے اسٹارک، کمنز، بولینڈ، کیمرون گرین اور نیتھن لائن نے ایک ایک وکٹ حاصل کی۔ بھارت کو آسٹریلیا کی پہلی اننگز کا خسارہ ختم کرنے کے لیے مزید 318 رنز درکار ہیں۔ جبکہ آسٹریلیا نے ٹیسٹ میچ کے دوسرے دن کا آغاز 3 وکٹوں کے نقصان پر327 رنز سے کیا تو اسٹیو اسمتھ نے شاندار سنچری اسکور کی جبکہ ٹریوس ہیڈ نے بھی 150 رنز کا سنگِ میل عبور کیا۔
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    تاہم ٹریوس ہیڈ 163 اور اسٹیو اسمتھ کے 121 رنز بناکر آؤٹ ہوگئے، آسٹریلیا کی پوری ٹیم پہلی اننگز میں 469 رنز بناکر آؤٹ ہوگئی۔ الیکس کیری 48 اور ڈیوڈ وارنر نے بھی 43 رنز کی اننگز کھیلی۔ بھارت کی جانب سے محمد سراج نے 4، محمد شامی اور ٹھاکر نے 2، 2 وکٹیں حاصل کیں۔

  • عالمی سطح پر درجہ حرارت میں تیزی سے اضافہ، ریکارڈ

    عالمی سطح پر درجہ حرارت میں تیزی سے اضافہ، ریکارڈ

    زہریلی گیسوں کے اخراج میں ریکارڈ اضافے اور فضائی آلودگی میں کمی کے باعث عالمی سطح پر درجہ حرارت میں تیزی سے اضافہ ہو رہا ہے۔ جبکہ یہ انتباہ 50 اہم ترین سائنسدانوں کی ایک تحقیق میں کیا گیا ہے اور تحقیق کے مطابق 2013 سے 2022 کے دوران انسانوں کے باعث ہونے والی موسمیاتی تبدیلیوں کے باعث درجہ حرارت میں ریکارڈ شرح سے اضافہ دیکھنے میں آیا۔

    تحقیق میں بتایا گیا کہ موجودہ شرح کو دیکھتے ہوئے عندیہ ملتا ہے کہ ہر دہائی میں 0.2 ڈگری سینٹی گریڈ کی شرح سے درجہ حرارت میں اضافہ ہو سکتا ہے، جبکہ اس عرصے میں ہر سال کے دوران زہریلی گیسوں کا اخراج بھی تاریخ کی بلند ترین سطح پر پہنچ گیا اور ہر سیکنڈ 1700 ٹن گیسوں کا اخراج ہو رہا ہے جو سال بھر میں 54 ارب ٹن بنتا ہے۔

    نجی ٹی وی کے اردو ترجمہ کے مطابق تحقیق کے نتائج میں عندیہ دیا گیا کہ 2015 کے پیرس معاہدے کے تحت درجہ حرارت میں اضافے کو 1.5 ڈگری سینٹی گریڈ تک محدود کرنے کے ہدف کا حصول بہت مشکل محسوس ہوتا ہے۔ محققین نے بتایا کہ ابھی درجہ حرارت میں صنعتی عہد سے پہلے کے مقابلے میں 1.5 ڈگری سینٹی گریڈ اضافہ نہیں ہوا، مگر زہریلی گیسوں کا اخراج جس شرح سے ہو رہا ہے وہ موسمیاتی حالات کو بدترین بنا دے گا۔

    انہوں نے کہا کہ درجہ حرارت میں اضافے کو کسی طرح 1.5 ڈگری سینٹی گریڈ سے نیچے رکھنے میں کامیابی حاصل ہونے پر بھی کاربن ڈائی آکسائیڈ، میتھین اور دیگر زہریلی گیسوں کے اخراج کی شرح میں کمی لانے کی ضرورت ہوگی۔ تحقیق کے مطابق پیرس معاہدے کے اہداف کے حصول کے لیے کاربن ڈائی آکسائیڈ کے اخراج کی شرح کو 2030 تک کم از کم 40 فیصد تک کم کرنا ہوگا جبکہ اس صدی کے وسط تک 100 فیصد کمی لانا ہوگی۔

    تحقیق کے ڈیٹا میں بتایا گیا کہ گزشتہ دہائی کے دوران چند سب سے بڑی موسمیاتی کامیابیوں میں سے ایک عالمی درجہ حرارت میں اضافے کی شرح میں کمی لانا ہے۔ کوئلے کے استعمال میں بتدریج کمی سے کاربن ڈائی آکسائیڈ کے اخراج میں اضافے کی شرح سست ہوگئی، مگر اس کے باعث زمین کو سورج کی شعاعوں سے تحفظ فراہم کرنے والی فضائی آلودگی کی شرح بھی گھٹ گئی۔

    تحقیق کے مطابق فضائی آلودگی سے مختصر مدت کے لیے درجہ حرارت میں نصف ڈگری سینٹی گریڈ کمی آتی ہے، مگر فضا زیادہ صاف ہونے سے سورج کی زیادہ حرارت زمین کی سطح پر پہنچ رہی ہے۔ محققین نے بتایا کہ موسمیاتی تبدیلیوں سے لاحق خطرات کو محدود کرنے کے لیے کیے جانے والے اقدامات ناکافی ہیں۔ انہوں نے کہا کہ زمین اور سمندر کی سطح کے درجہ حرارت میں گزشتہ 10 سال کے دوران اوسطاً نصف ڈگری سینٹی گریڈ کا اضافہ ہوا۔

    ان کا کہنا تھا کہ طویل دورانیے کی شدید ہیٹ ویوز سے آنے والی دہائیوں میں جنوب اور جنوب مشرقی ایشیا میں اموات کا خطرہ بڑھ جائے گا جبکہ افریقا اور لاطینی امریکا کے خطے بھی متاثر ہوں گے۔ اس ڈیٹا کو رواں سال دبئی میں اقوام متحدہ کے زیرتحت شیڈول موسمیاتی کانفرنس کے دوران پیش کیا جائے گا تاکہ موسمیاتی تبدیلیوں کی روک تھام کے لیے پیرس معاہدے کے اہداف کے حوالے سے پیشرفت کا جائزہ لیا جاسکے۔

  • کیا کترینہ کیف کو طلاق دیں گے شوہر وکی سے سوال

    کیا کترینہ کیف کو طلاق دیں گے شوہر وکی سے سوال

    اداکار وکی کوشل جو کہ پچھلے دنوں‌فلم زرا ہٹ کے زرابچ کی پروموشن میں مصروف تھے ، وہ ایک جگہ گئے جہاں پر ان کے ساتھ سارا علی خان بھی تھیں، ان سے کسی نے سوال کیا کہ ہمارے ملک میں اگر دوسری شادی کرنی ہو تو ہندو مذہب میں دوسری بیوی کو طلاق دینی پڑتی ہے، تو اگر آپ کو کترینہ کیف سے کوئی بہتر لڑکی مل گئی تو کیا آپ ان کو طلاق دیکر دوسری شادی کر لیں گے، تو وکی کوشل ہنس پڑے انہوں نے کہا کہ بہت ہی خطرناک سوال کر لیا ہے آپ نے اور ایسے سوال آپ کررہے ہیں شام کو میں نے گھر بھی جانا ہے.وکی کوشل نے

    مزید کہا کہ جنموں جنموں تک کترینہ میری ہے اور میں اسکا ہوں اسکو چھوڑنے کا تو سوچ ہی نہیں سکتا وہ ایک بہترین انسان بیوی اور اداکارہ ہیں، مجھے ان سے بے حد محبت ہے. یاد رہے کہ وکی اور کترینہ کیف نے ڈیڑھ برس قبل شادی کی اور دونوں ایک اچھی اور خوشگوار زندگی بسر کررہے ہیں. کترینہ کیف کشمیری ہیں‌جبکہ وکی ہندو ہیں لیکن دونوں‌کی خوب بن رہی ہے وکی کی والدہ بھی کترینہ کی مداح ہیں.

  • ہمیں‌نئے ڈائریکٹرز اور رائٹرز کی ضرورت ہے ماہرہ خان

    ہمیں‌نئے ڈائریکٹرز اور رائٹرز کی ضرورت ہے ماہرہ خان

    ڈرامہ یکسانیت کا شکار ہے ایسی باتیں ایک عرصے سےچل رہی ہیں، لیکن کوئی بھی کھل کر بات کرنے کو تیار نہیں ہے کہ کون ہیں اس ساری صورتحال کے زمہ داران. ہمارے ڈرامے میں ورائٹی ختم ہو چکی ہے بہت کم ڈرامے ایسے بن رہے ہیں جو یقینا روٹین سے ہٹ کر ہوتےہیں لیکن ایسے ڈراموں کی تعداد آٹے میں‌نمک کے برابر ہے، ماہرہ خان جنہوں نے ٹی وی سے شہرت حاصل کی انہوں نے اپنے حالیہ انٹرویو میں کہا ہے کہ ڈرامے میں بہتری کے لئے بہت ضروری ہے کہ نئے رائٹرز اور ڈائریکٹر تلاش کیے جائیں ان کو موقع دیاجائے، نوجوان نسل کو آگے

    آنے کے بھرپور موقع دئیے جائیٰں ان پر انویسٹ کیا جائے، انہوں نے کہا کہ میں نوجوان نسل کو اداکاری اور اسی سے جڑے دیگر کام کرتے دیکھتی ہوں تو ان کی مہارت دیکھ کر حیران رہ جاتی ہوں. یوں ماہرہ خان نے اپنے اس انٹرویو میں اس بات پر زور دیا کہ ڈرامہ انڈسٹری کے پاس نئے رائٹرز اور ڈائریکٹرز ہونے چاہیں. یاد رہے کہ ماہرہ خان کا ٹی وی کا ابھی تک کا آخری ڈرامہ ہم کہاں‌کے سچے تھے تھا، اس کے بعد وہ فلم قائداعظم زندہ باد میں دکھائی دیں، بہت جلد ماہرہ خان ہمایوں سعید کے ساتھ دکھائی دینے والی ہیں.