Baaghi TV

Tag: news

  • سلمان خان کی بہن ارپیتا کے گھر چوری

    سلمان خان کی بہن ارپیتا کے گھر چوری

    بالی وڈ‌ اداکار سلمان خان کی لے پالک بہن ارپیتا کے گھر چوری ہو گئی ہے اور کہا جا رہا ہے کہ ان کے گھر سے کسی نے پانچ لاکھ روپے کے زیورات چرا لئے ہیں، اداکار کی بہن نے پولیس میں‌ شکایت درج کروا دی ہے اور پولیس نے اس سلسلے میں تفتیش شروع کر دی ہے، پولیس نے ابتدائی طور پر سی سی ٹی وی فوٹیج کی مدد سے ایک ملزم کو گرفتار کر لیا ہے اور کہا جا رہا ہے کہ وہ ملزم ارپیتا کے اپنے گھر کا ملازم ہے، پولیس کا کہنا ہے کہ 30 سالہ ملزم کے خلاف تعزیرات ہند کی دفعہ 381 کے تحت مقدمہ درج کر لیا گیا ہے جبکہ مزید تفتیش کی جا رہی ہے۔ملزم کا نام سندیپ ہیگڑے ارپیتا خان کی رہائش گاہ سے تقریباً 5 لاکھ روپے کے زیورات لے کر فرار ہوا تھا۔پولیس کا کہنا ہے کہ ہم ہر

    پہلو پر تفتیش کررہےہیں اور جاننے کی کوشش کررہے ہیں کہ کون ارپیتا کے گھر میں داخل ہوا اور کس نے یہ کام کیا، تاہم پولیس کا کہنا ہےکہ ہم نے ارپیتا کے جس ملازم کو گرفتار کیا ہے یہ چوری اسی نے کی ہے ، ابھی تک ملزم نے قبول نہیں کیا کہ اس نے چوری کی ہے لیکن ہم تحقیقات جاری رکھے ہوئے ہین بہت جلد ہم چور کو عدالت کے سامنے پیش کریں گے.

  • شوبز سٹارپاکستان کے لئے متحد ہو گئے

    شوبز سٹارپاکستان کے لئے متحد ہو گئے

    پاکستان تحریک انصاف کے چئیرمین عمران خان کی گرفتاری کے بعد ملک میں ہنگاموں‌کا ایک دور شروع ہوا اور ہنگامے بھی پارٹی قیادت کے کہنے پر ہوئے. یہ سب دیکھ کر ہر پاکستانی کا دل افسردہ ہوا، شوبز ستارے جن کی ایک بڑی تعداد عمران خان کو سپورٹ کرتی ہے وہ بھی اس پر نالاں نظر آئی. اور عمران خان کی بجائے انہوں نے پاکستان کے ساتھ کھڑے ہونے کو ترجیح دی ہے ، اس کی بڑی مثال یہ ہے کہ تمام شوبز سٹارز جو کہ عمران خان کے حامی ہیں ان کے سوشل میڈیا اکائونٹس دیکھے جائیں تو ہر کوئی پاکستان اور اپنے ملک کی آرمی کے حق میں بات کرتا دکھائی دے رہا ہے. شوبز سٹارز نے ڈائریکٹ تو عمران خان اور ان کی پارٹی مذمت تو نہیں کی لیکن اتنا

    ضرور کہا ہے کہ توڑ پھوڑ کسی صورت منظور نہیں‌ہے نہ ہی آرمی پر حملے کو برداشت کیا جائیگا.سب نے ایک ہی پیغام دیا ، آرمی ہے تو ہم ہیں ، پاکستان ہے توہم ہیں. سب کا یہی کہنا ہے کہ پاک فوج کے جوان ملک کے حقیقی ہیرو قرار ہیں، پاک فوج ملک کی حفاظت کی ضامن ہے. ایسا لگتا ہےکہ عمران خان شوبز سٹارز کی حمایت بھی کھو رہے ہیں یا کھو چکے ہیں.

  • ریمبو آج کے بچوں سے مایوس کیوں؟‌

    ریمبو آج کے بچوں سے مایوس کیوں؟‌

    اداکار ریمبو جن کے بارے میں مشہور ہیں کہ وہ اپنے والدین کی بہت عزت کرتے ہیں ، انہوں نے ہمیشہ والدین کی عزت پر زور دیا ہے ، انہوں نے اپنے حالیہ انٹرویو میں‌کہا ہے کہ آج کل کے بچے ماں باپ کی خدمت کریں یہ چیز تو دور ان کے پاس تو اتنا وقت ہی نہیں ہوتا کہ وہ والدین کے حال ہی پوچھ لیں ان کے پاس دو منٹ کےلئے بیٹھ جائیں ،انہوں نے کہا کہ ہمارے اور آج کے دور میں زمین آسمان کا فرق ہے ، آج نفسا نفسی کا دور ہے ہر کوئی اپنے معاملاتم یں‌مصروف ہے ، والدین جنہوں نے اپنے بچوں‌ کے لئے ساری زندگی محنت کی ہوتی ہے اور ان کو ایک

    اچھا مستقبل دیتےہیں انہی والدین کو نظر انداز کر دیاجاتا ہے، انہوں نے یہ بھی کہا آج والدین کی خدمت کرنے والے بچے ڈھونڈنے سے بھی نہیں ملتے، آٹے میں نمک کے برابر شاید یہ تعداد ہو گی. انہوں نے کہا کہ جب اولاد والدین کو اگنور کرے تو ان کو تکلیف ہوتی ہے لیکن وہ اس درد اور تکلیف کو اس وقت سمجھتے ہیں جب وہ خود والدین بنتے ہیں .انہوں نے کہا کہ میں بچوں سے یہی کہوں گا کہ والدین کی خدمت میں ہی عظمت ہے ، جو والدین کو اہمیت دیتےہیں خدا ان کو بہت کامیابی دیتا ہے.

  • کامران جیلانی نے شائقین کا دل جیت لیا

    کامران جیلانی نے شائقین کا دل جیت لیا

    نامور اداکار عدنان جیلانی کے چھوٹے بھائی کامران جیلانی جو کہ ایک بڑی فین فالونگ رکھتے ہیں وہ کافی عرصے کے بعد ایک بار پھر چھوٹی سکرین پر دکھائی دئیے ہیں، ان کا آج کل ڈرامہ بہروپ آن ائیر ہے، شائقین نے کامران جیلانی کو ایک بار پھر سکرین پر ویلکم کیا ہے، اور ڈرامے میں ان کے کردار کو بہت زیادہ پسند کیا جا رہا ہے، گو کہ ابھی حال ہی میں یہ ڈرامہ آن ائیر گیا ہے لیکن ڈرامے کی شروع کی اقساط نے ہی شائقین کو اپنا گرویدہ بنا لیا ہے. ڈرامے کی کہانی الگ اور ہٹ کر ہے ، اور کامران جیلانی کا کردار بھی روٹین سے بالکل مختلف ہے، اس ڈرامے کے ڈائریکٹر اکبر علی اور رائٹر رخسانہ نگار جبکہ پروڈیوسر پروڈیوسر عبد اللہ کادوانی اور اسد قریشی ہیں۔

    اس ڈرامے میں اپنے کردار کے حوالے سے کامران جیلانی کا کہنا ہےکہ مجھے کافی عرصے کے بعد ایک مختلف کردار کرنے کو ملا جس کی وجہ سے میں نے بہروپ پراجیکٹ سائن کر لیا، بہت خوشی ہے کہ ڈرامے نے آن ائیر ہوتے ساتھ ہی شائقین کی توجہ حاصل کرلی ہے. کہانی جیسے جیسے آگے بڑھتی جائیگی شائقین کی دلچپسی اس میں مزید بڑھتی جائیگی.اس میں تمام فنکاروں نے بلکہ پوری ٹیم نے بہت محنت کے ساتھ کام کیا ہے.

  • فون سے پرہیز کریں شیبا بٹ کو ڈاکٹروں کا مشورہ

    فون سے پرہیز کریں شیبا بٹ کو ڈاکٹروں کا مشورہ

    اداکارہ شیبا بٹ جو کہ گزشتہ چند ہفتوں سے علیل ہیں ان کو دل کی تکلیف کے باعث ہستپال میں داخل کروایا گیا تھا جہاں ان کو پیش میکر لگایا گیا ، چونکہ اب ان کو ڈاکٹروں نے صحتمند قرار دیتے ہوئے ہسپتال سے ڈسچارج کر دیا ہے لہذا وہ گھر آچکی ہیں، لیکن ان کو ڈاکٹروں نے پیس میکر لگنے کی وجہ سے واک تھرو گیٹ اور میٹل ڈیٹکٹر سے استثنیٰ کیلئے خصوصی کارڈ جاری کر دیا یہ کارڈ وہ ہسپتال میں بھی دکھا سکیں گی. ڈاکٹروں نے شیبا بٹ کو

    خصوصی ہدایات دیں کہ وہ فون کا استعمال جتنا ہو سکے کم کریں، دوسری شیبا بٹ کا کہنا ہےکہ میں پہلے سے بہت بہتر ہوں ، میری جو ھالت ہوئی تھی مجھے لگتا ہے کہ خدا نے مجھے دوسری زندگی دی ہے، میں‌گھر پر آرام کررہی ہوں اور میری پوری کوشش ہے کہ ڈاکٹروں کی ہدایات پر عمل کروں، اداکارہ نے کہا کہ میرے مداحوں کی میں بہت شکر گزار ہوں کہ انہوں نے مجھے اپنی دعائوں میں یاد رکھا، میں اپنے مداحوں سے یہی گزارش کروں گی کہ وہ مجھے مسلسل اپنی دعائوں میں رکھیں .یاد رہے کہ شیبا بٹ کی عیادت کے لئے معروف ڈرامہ آرٹسٹ ہسپتال گئے جن میں‌سہیل احمد کا نام قابل زکر ہے .

  • شامی صدر بشارالاسد 12 سال بعد عرب سربراہ اجلاس میں شرکت کے لیے سعودی عرب پہنچ گئے

    شامی صدر بشارالاسد 12 سال بعد عرب سربراہ اجلاس میں شرکت کے لیے سعودی عرب پہنچ گئے

    شامی صدر بشارالاسد 12 سال بعد عرب سربراہ اجلاس میں شرکت کے لیے سعودی عرب پہنچ گئے

    شام کے صدر بشار الاسد عرب لیگ کے سربراہ اجلاس میں شرکت کے لیے جمعرات کو سعودی عرب کے ساحلی شہر جدہ پہنچ گئے ہیں۔ ان کا 2011 میں شام میں جاری تنازع کے بعد تیل کی دولت سے مالا مال سعودی عرب کا یہ پہلا دورہ ہے۔ جبکہ العربیہ ٹی وی اور شام کے سرکاری ٹی وی نے خبر دی ہے کہ عرب لیگ کے جمعہ سے شروع ہونے والے سربراہ اجلاس میں شرکت کے لیے متعدد عرب ممالک لیڈراور حکام جدہ پہنچ چکے ہیں۔

    اسلامی جمہوریہ موریتانیہ کے صدر محمد ولد شیخ احمد الغزوانی بھی لیگ آف عرب اسٹیٹس کونسل کے 32 ویں سربراہ اجلاس میں شرکت کے لیے جمعرات کو جدہ پہنچ گئے ہیں۔ لعربیہ ٹی وی کے مطابق تُونس کے صدر قیس سعید، مصر کے صدر عبدالفتاح السیسی اور بحرین کے شاہ حمد بن عیسیٰ آل خلیفہ سربراہ اجلاس میں شرکت کے لیے سعودی عرب پہنچ گئے ہیں۔ لبنان کے نگران وزیراعظم نجیب میقاتی، فلسطینی صدر محمود عباس اور یمنی صدارتی قیادت کونسل (پی ایل سی) کے صدر ڈاکٹر رشاد العلیمی کی بھی آمد ہو چکی ہے۔

    شاہ عبدالعزیز انٹرنیشنل ایئرپورٹ پہنچنے پر مکہ مکرمہ کے ڈپٹی گورنر شہزادہ بدر بن سلطان بن عبدالعزیز اور عرب لیگ کے سیکرٹری جنرل احمد ابوالغیط سمیت متعدد عہدے داروں نے عرب مندوبین کا پُرتپاک استقبال کیا۔ بشار الاسد کی اس سربراہ اجلاس میں شرکت سے توقع کی جا رہی ہے کہ 12 سال کی معطلی کے بعد شام کی عرب لیگ میں واپسی یقینی ہو جائے گی اور ایک عشرے سے زیادہ عرصے کی کشیدگی کے بعد اس کے دیگر عرب ممالک کے ساتھ تعلقات کا ایک نیا باب شروع ہو گا۔

    شام میں خانہ جنگی کے دوران میں سعودی عرب بشارالاسد کی حکومت کا تختہ الٹنے کی کوشش کرنے والے حزب اختلاف کے مسلح گروہوں کا ایک اہم حمایتی رہا ہے۔ تاہم، حالیہ مہینوں میں الریاض نے تنازع کے خاتمے کے لیے بات چیت پر زور دیا ہے۔ شام میں اس جنگ کے نتیجے میں میں پانچ لاکھ افراد ہلاک اور جنگ سے پہلے کی ملک کی نصف آبادی بے گھر ہو چکی ہے۔ بشارالاسد کی افواج نے ملک کے زیادہ تر حصے پر دوبارہ قبضہ کر لیا ہے۔ ان کے اہم اتحادیوں روس اور ایران نے طاقت کے توازن کو ان کے حق میں کرنے میں ہرطرح کی مدد مہیا کی ہے۔

    واضح رہے کہ شام اور سعودی عرب کے درمیان تعلقات سنہ 2000 میں بشارالاسد کے والد اور سابق صدر حافظ الاسد کی وفات کے بعد سے کشیدہ تھے۔ دونوں ممالک نے 2012 میں اس وقت تعلقات منقطع کر لیے تھے جب شام کا تنازع عروج پر تھا۔حالیہ سلسلۂ جنبانی کے بعد گذشتہ ہفتے انہوں نے اپنے سفارت خانوں کو دوبارہ کھولنے پر اتفاق کیا تھا۔ اپریل میں شامی وزیر خارجہ فیصل المقداد نے الریاض کا دورہ کیا تھا۔ جواب میں ان کے سعودی ہم منصب شہزادہ فیصل بن فرحان نے دمشق کا دورہ کیا تھا اورصدربشار الاسد سے ملاقات کی تھی۔ فیصل المقداد نے اجلاس سے قبل بدھ کے روز جدہ میں عرب وزرائے خارجہ کے اجلاس میں بھی شرکت کی۔

    سعودی ولی عہد شہزادہ محمد بن سلمان خطے میں امن کے لیے کوشاں ہیں اور گذشتہ مہینوں کے دوران میں الریاض نے ایران کے ساتھ اپنے تعلقات کے ساتھ چین کی ثالثی میں معاہدے کے تحت تعلقات بحال کیے ہیں، شام کے ساتھ تعلقات بتدریج بحال کر رہا ہے۔ نیز سعودی عرب یمن میں سالہا سال سے جاری جنگ کے مکمل خاتمے کے لیے کوشاں ہے۔ توقع کی جا رہی ہے کہ سعودی عرب اور ایران کے درمیان نئے تعلقات کے مشرق اوسط کے ممالک پر مثبت اثرات مرتب ہوں گے جہاں دونوں حریف گروہوں کی حمایت کرتے ہیں۔

    تاہم، جنگ زدہ شام میں سعودی عرب یا کسی عرب ملک کی فی الوقت سرمایہ کاری کا امکان نہیں ہے کیونکہ اسد حکومت کے خلاف مغرب کی عاید کردہ سخت پابندیاں برقرار ہیں اور تیل کی دولت سے مالا مال عرب ممالک کو تعمیر نو کے فنڈز جاری کرنے میں جلدی کرنے سے روک سکتی ہیں۔ واشنگٹن بشار الاسد کے ساتھ عرب ممالک کے تعلقات کو معمول پر لانے کی سخت مخالفت کرتا رہا ہے اور اس کا کہنا ہے کہ شام کے تنازع کا حل اقوام متحدہ کی سلامتی کونسل کی قراردادوں کی بنیاد پر ہونا چاہیے۔

  • عادل نے مجھے قتل کرنے کےلئے کسی کو پیسے دئیے ہیں راکھی ساونت کا دعوی

    عادل نے مجھے قتل کرنے کےلئے کسی کو پیسے دئیے ہیں راکھی ساونت کا دعوی

    ڈانسنگ کوئین راکھی ساونت نے حال ہی میں انکشاف کیا ہے کہ میرا شوہر عادل جو کہ اس وقت میسور جیل میں بند ہے وہ مجھے قتل کروانے کی منصوبہ بندی کررہا ہے اور اس نے جیل میں بیٹھے ہی ایک شخص کو پیسے بھی دے دئیے ہیں جو کہ مجھے قتل کر دے گا، لیکن میں دعائیں پڑھ رہی ہوں مجھے کچھ نہیں ہوگا نہ ہی عادل اپنے ایسے ارادوں میں کامیاب ہو سکے گا. راکھی نے کہا کہ اب میں عادل کے ساتھ نہیں رہنا چاہتی وہ مجھے کبھی بھی کہیں بھی مار دے گا، وہ جیل سے باہر آئیگا تو میں اس سے طلاق لے لوں گی. انہوں نے کہا کہ میں عادل سے بے حد ڈر چکی ہوں . لیکن میرا خدا میرے ساتھ ہے . یاد رہے کہ چند روز قبل راکھی نے کہا تھا کہ عادل نے

    انہیں جیل سے معافی کا پیغام بھجوایا ہے اور میں نے اس کی معافی رد کر دی ہے کیونکہ اب میں‌اسکے ساتھ نہیں رہنا چاہتی ، اس کے ساتھ رہنے کا مطلب ہے کہ میں اب خطرے میں ہوں. لہذا میں اب عادل سے طلاق لیکر اپنی زندگی بسر کروں گی مجھے عادل سے کوئی لینا دینا نہیں ہے تاہم اب انہوں نے انکشاف کر دیا ہے عادل نے انکو قتل کروانے کا حتمی منصوبہ بنا لیا ہے.

  • مادھوری ڈکشٹ کو کن دو ایکٹر زکا ڈانس پسند ہے

    مادھوری ڈکشٹ کو کن دو ایکٹر زکا ڈانس پسند ہے

    بالی وڈ میں اگر سب سے زیادہ ڈانس نمبر کسی کے ہاتھ لگے ہیں تو وہ ہیں مادھوری ڈکشٹ، ان کی ہر فلم میں انکا ایک ایسا ڈانس نمبر ضرور رہا ہے جس نے دھوم مچائی، ڈانس کے حوالے سے مادھوری بالی وڈ میں بہت زیادہ شہرت رکھتی ہیں، لیکن اپنے حالیہ انٹرویو میں انہوں نے انکشاف کیا ہے کہ انہیں دو ایکٹروں کا ڈانس بہت پسند ہے، انہوں نے کہا کہ ایک تو مجھے شاہ رخ خان کا ڈانس بہت پسند ہے دوسرا رنبیر کپور کا . انہوں نے کہا کہ شاہ رخ خآن کو بہت اچھا ڈانس کرنا نہیں آتا لیکن وہ ڈانس کے دوران جس طرح سے اپنے کو سٹار کو اور خود کو سنبھالتے ہیں وہ دیکھنے سے تعلق رکھتا ہے. میں‌شاہ رخ خان کی فنکارانہ صلاحیتوں کی بہت زیادہ معترف ہوں ، رنبیر کپور

    کی تعریف کرتے ہوئے انہوں نے کہا کہ رنبیر ڈانس کو انجوائے کرتے ہیں وہ بہترین ڈانسر ہیں بہترین اداکار ہیں میں نے ان کے ساتھ کام کیا ،ہمارا ایک ڈانس نمبر ہے جو کہ بہت پسند بھی کیا گیا ، میں سمجھتی ہوں کہ نوجوان نسل میں رنبیر کپور بہترین ڈانسر ہیں. مادھوری نے کہا کہ شاہ رخ خان کے ساتھ کام کے ھوالے سے میری بہت خوبصورت یادیں ہیں جو ہمیشہ دل کے قریب رہیں گی.

  • نیہا دھوپیا شادی سے پہلےماں‌بننے والی تھی والدین کو پتہ چلا تو انہوں نے کیا کہا؟

    نیہا دھوپیا شادی سے پہلےماں‌بننے والی تھی والدین کو پتہ چلا تو انہوں نے کیا کہا؟

    بالی وڈ کی بولڈ اداکارہ نیہا دھوپیا نے اپنے حالیہ انٹرویو میں بتایا ہے کہ میں شادی سے پہلے ہی ماں بننے والی تھی اور میں نے جب یہ بات اپنے والدین کو بتائی تو انہوں نے بہت زیادہ سخت رد عمل نہ دیا انہوں نے کہا کہ ہم تمہیں صرف 72 گھنٹے دے رہے ہیں جلدی سے شادی کر لو اس سے پہلے کہ ہم اس شادی کو قبول ہی نہ کریں ، نیہا نے کہا کہ میرا اور میرے بوائے فرینڈ کا شادی کا بہت جلدی ارادہ نہیں تھا لیکن والدین کی دھمکی سے ڈر کر میں نے شادی کر لی، کیونکہ مجھے ڈر تھا کہ میرے والدین نے اگر میری پریگننسی والی بات پر کچھ خاص رد عمل نہیں

    دیا تو اسکا مطلب یہ ہے کہ کوئی بڑا طوفان آنے والا ہے، اداکارہ نے کہا کہ میں نے اپنے بوائے فرینڈ انگت بیدی سے بات کی ، ہم دونوں نے 72 گھنٹے سے پہلے شادی کر لی اور ہمارے والدین نے ہماری شادی کو قبول کر لیا، میں بہت خوش ہوں کہ مجھے انگت جیسا جیون ساتھی ملا. مجھے اپنی گھریلو لائف بہت اچھی لگ رہی ہے، مجھے خوشی ہے کہ مجھے ایسا انسان ملا جس کو میں‌اور جو مجھے پسند ہے ، ہم ایک دوسرے کا بے حد خیال رکھتے ہیں.

  • ماڈٌلنگ سے تھک گئی صدف کنول اب کیا کرنا چاہتی ہیں ؟

    ماڈٌلنگ سے تھک گئی صدف کنول اب کیا کرنا چاہتی ہیں ؟

    شہزور سبزواری کی ماڈل اہلیہ صدف کنول نے اپنے حالیہ انٹرویو میں کہا ہے کہ میں نے ماڈلنگ بہت سال کی ہے اور ابھی تک کررہی ہوں ، ماڈلنگ کی دنیا میں مجھے بہت شہرت بھی مل چکی ہے یہاں تک کہ بہترین ماڈل کا ایوارڈ بھی مل چکا ہے، اب میں چاہتی ہوں کہ اداکاری کروں اور مجھے اچھے کردار آفر ہوں . انہوں نے کہا کہ اب اداکاری میری ترجیھات میں ہے، اگر مجھے کسی اچھی فلم کا سکرپٹ آفر ہوا تو کسی صورت نہیں چھوڑوں گی، انہوں نے کہا کہ ہر انسان کو حق ہے کہ وہ اپنے لئے بہتر سوچے

    میں‌سمجھتی ہوں کہ اب میں‌اداکاری کے موڈ میں ہوں تومجھے اداکاری ہی کرنی چاہیے. صدف کنول نے کہا کہ ڈراموں میں اداکاری کرنے پر بھی مجھے اعتراض نہیں اگر کردار کہانی اچھی ہو تو میں یہ بھی کروں گی. انہوں نے ایک سوال کے جواب میں کہا کہ شادی کے بعد میری زندگی میں کافی تبدیلی آئی ہے اور اس تبدیلی کو میں کافی مثبت دیکھتی ہوں. انہوں نے کہا کہ عورت کو اللہ نے بہت صلاحیتوں سے نوازا ہے وہ گھر کے ساتھ ساتھ باہر کے معاملات کو جیسے کے ملازمت کو بھی مینج کرتی ہے.