Baaghi TV

Tag: news

  • زمرد خان کینسر سے لڑتے لڑتے زندگی کی جنگ ہار گئیں

    زمرد خان کینسر سے لڑتے لڑتے زندگی کی جنگ ہار گئیں

    فلم ٹی وی اور تھیٹر کی اداکارہ زمرد خان جو اپنی منفرد اداکاری کی وجہ سے پہچانی جاتی تھیں ، سٹیج پر بے ساختہ جملے کہنا اور سکرین پر حقیقت کے قریب اداکاری کرنا ان کا خاصا تھا ، ان کے حوالے سے چند روز قبل ان کی بیٹی پریا خان کا ایک انٹرویو سامنے آیا جس میں انہوں نے بتایا کہ میری ماں کو کینسر ہے اور ڈاکٹرز مزید علاج کے لئے جواب دے چکے ہیں . تاہم تازہ اطلاعات یہ ہیں کہ اداکارہ زمرد خان اب ہم میں نہیں رہیں وہ انتقال کر گئی ہیں. ایک لمبے عرصے سے اداکارہ کینسر جیسے موذی مرض سے جنگ لڑ رہی تھیں ، اور آخری وقتوں میں کینسر نے ان کو پوری طرح سے اپنی جکڑ میں لے لیا جس کے باعث ڈاکٹروں نے بھی ان کا علاج کرنے سے منع کر دیا. زمرد خان نے سٹیج پر معروف اداکاروں کے ساتھ کام کیا

    جس میں سہیل احمد ، ببو برال ، مستانہ ، افتخار ٹھاکر و دیگر کے نام قابل زکر ہیں. انہوں نے سٹیج پر بڑے فنکاروں کے برابر کھڑے ہو کر جملے بولے اور ان کی موجودگی میں شائقین سے داد وصول کی . انہوں نے پشتو فلموں میں بھی کام کیا ، وہ ایک بڑی پشتو فین فالونگ بھی رکھتی تھیں ، اس کے علاوہ انہوں نے اردو اور پنجابی فلموں میں بھی کام کیا . ان کی بیٹی پریا خان کا کہنا ہے کہ والدہ کی نماز جنازہ کا اعلان جلدی کر دیا جائیگا . زمرد خان کے انتقال پر شوبز حلقوں نے شدید رنج کا اظہار کیا ہے.

  • نور بخاری کے گھر بیٹے کی آمد

    نور بخاری کے گھر بیٹے کی آمد

    اداکاری کو خیرباد کہہ دینے والی نور بخاری جو کہ گھریلو زندگی گزار رہی ہیں انہوں نے گزشتہ روز اپنے فیس بک پر ایک پوسٹ شئیر کی جس میں انہوں نے اپنے مداحوں کو خوشخبری سنائی ، اور وہ یہ خوشخبری ہے کہ اداکارہ کے گھر بیٹے کی پیدائش ہوئی ہے. نور بخاری نے بچے کے پائوں کی تصویر شئیر کرکے لکھا کہ خدا نے مجھے بیٹے کی نعمت سے نوازا ہے اور میں بہت خوش ہوں کہ میرے گھر بیٹا پیدا ہوا ہے انہوں نے بتایا کہ میرے بیٹے کا نام محمد علی رضا ہے. نور بخاری کی اس پوسٹ پر ان کے قریبی دوستوں اور ان کے مداحوں نے مبارکباد کے

    کمنٹس کئے. نور کی پہلے دو بیٹیاں ہیں ایک بیٹی کا نام فاطمہ ہے اور دوسری کا نام شہربانو ہے، یہ دونوں بیٹیاں ان کے پہلے شوہر عون چوہدری سے ہیں ،سابقہ اداکارہ نے گلوکار ولی کے ساتھ علیحدگی کے بعد اپنے پہلے شوہر عون چوہدری کے ساتھ دوبارہ شادی کر لی، اور اب ان کے گھر بیٹے کی ولادت ہوئی ہے . یاد رہے کہ نور بخاری نے چند برس قبل یہ کہہ کر انڈسٹری چھوڑ دی تھی کہ وہ اب گھریلو زندگی پر توجہ دینا چاہتی ہیں انہوں‌نے بہت زیادہ کام کر لیا ہے.

  • مدیحہ امام نے شادی کر لی

    مدیحہ امام نے شادی کر لی

    پاکستانی ڈراموں کی معروف اداکارہ مدیحہ امام جو اپنی خوبصورت اداکاری کی وجہ سے پہچانی جاتی ہیں انہوں نے شادی کر لی ہے، گزشتہ روز ان کی شادی کی تصاویر انٹرنیٹ پر وائرل ہوئیں ان تصاویر میں دیکھا جا سکتا ہے کہ اداکارہ خوبصورت لال رنگ کے جوڑے میں اپنے شوہر کے ساتھ دکھائی دے رہی ہیں، ان کے شوہر شکل سے پاکستانی نہیں لگتے، تاہم اداکارہ مدیحہ امام نے اپنی شادی کی خبر خود اپنے مداحوں کے ساتھ اپنے انسٹاگرام اکائونٹ پر شئیر کی . انہوں نے بتایا کہ ہماری شادی یکم مئی کو انجام پائی ، لیکن انہوں نے اس پوسٹ میں اپنے دولہے کا زکر نہیں

    کیا کہ وہ کہاں کے ہیں یا ان کا تعلق کس ملک سے ہے . اداکارہ نے نہایت خوشی کا اظہار کرتے ہوئے اپنے مداحوں سے دعائوں کی درخواست کی انہوں نے لکھا کہ میرے مداح مجھے نئی زندگی کی شروعات پراپنی دعاؤں میں یاد رکھیں۔واضح رہے کہ مدیحہ امام کے کریڈٹ پر کم مگر معیاری کام ہے انہوں نے آج تک جتنا بھی کام کیا ہے وہ اس سے بے حد مطمئن ہیں انہوں‌نے دھانی،مقدر،زخم،عشق جلیبی،دل مومن،بابا جانی،دشمن جاں جیسے ڈراموں میں اداکاری کے جوہر دکھائے، ویسے تو ان کی آن سکرین جوڑی بہت سے اداکاروں کے ساتھ سراہی جاتی ہے لیکن محب مرزا کے ساتھ انہیں دشمن جاں میں بہت زیادہ پسند کیا گیا.

  • پاکستانی سفارتخانہ بھی کوئی تعاون نہیں کررہا، سوڈان ائیرپورٹ کے باہر مزدوروں کا شکوہ

    پاکستانی سفارتخانہ بھی کوئی تعاون نہیں کررہا، سوڈان ائیرپورٹ کے باہر مزدوروں کا شکوہ

    پاکستانی سفارتخانہ بھی کوئی تعاون نہیں کررہا، سوڈان ائیرپورٹ کے باہر مزدوروں کا شکوہ

    سوڈان میں پھنسےپاکستانی شہریوں نے حکومت سےمدد کی اپیل کر دی جبکہ میڈیا رپورٹس کے مطابق خانہ جنگی کی صورتحال میں گھرےملک سوڈان میں اب بھی پاکستانی شہری پھنسے ہوئے ہیں ، سوڈان ائیرپورٹ کےباہربےیارومددگارمددکےمنتظر پاکستانیوں نے حکومت پاکستان سے فوری مدد کی اپیل کی ہے۔

    پاکستانی شہریوں نے کہا ہے کہ ہم 30اپریل سے یہاں پھنسے ہوئےکھلےآسمان تلےبیٹھےہیں۔ شہریوں کا کہناتھا کہ 200کے قریب پاکستانی ابھی بھی یہاں پھنسے ہوئے ہیں،کوئی مددگارنہیں،پاکستانی سفارتخانہ بھی ہمارے ساتھ کوئی تعاون نہیں کررہا۔ جبکہ واضح رہے کہ سوڈان کے آرمی چیف اورآر ایس ایف کے کمانڈر کا 4 مئی سے سات روزہ جنگ بندی پراتفاق ہوگیا تھا۔
    مزید یہ بھی پڑھیں؛
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
    جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
    بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
    غیر ملکی میڈیا کی رپورٹ کے مطابق سوڈانی فوج کے سربراہ جنرل عبدالفتاح البرہان اور پیراملٹری سریع الحرکت فورسز(آر ایس ایف) کے کمانڈرجنرل محمد حمدان دقلو المعروف حمیدتی نے 4 مئی سے سات روزہ جنگ بندی پراصولی طور پر اتفاق کرلیا ہے.

  • صدارتی محل کریملین پر ڈرون حملہ، یوکرین نے لاتعلقی کا اظہار کردیا

    صدارتی محل کریملین پر ڈرون حملہ، یوکرین نے لاتعلقی کا اظہار کردیا

    یوکرین کی جانب سے صدارتی محل کریملین پر ڈرون حملے کو صدر پیوٹن کو مارنے کی کوشش قرار دے دیا جارہا ہے جبکہ یوکرین نے حملے سے مکمل لاتعلقی ظاہر کردی ہے۔ عالمی خبر رساں ایجنسی کی خبر کے مطابق ماسکو نے دعویٰ کیا ہے کہ اس نے یوکرین کی جانب سے لانچ کیے گئے دونوں ان ڈرونز کو مار گرایا ہے جو روسی صدر کے لیے بھیجے گئے تھے۔ جبکہ ماسکو نے اس ضمن میں خبردار کرتے ہوئے کہا ہے کہ روس جب اور جہاں مناسب سمجھے گا جوابی کارروائی کرے گا جس کا وہ حق محفوظ رکھتا ہے۔


    علاوہ ازیں روس میں سوشل میڈیا اور ذرائع ابلاغ پر کیے جانے والے حملے کی بابت ایک ویڈیو وائرل ہوئی ہے جس میں کریملین سے دھواں اٹھتا ہوا دکھائی دے رہا ہے تاہم سرکاری طور پر اس کی بابت تاحال کچھ نہیں بتایا گیا ہے۔ وائرل ہونے والی ویڈیو کے متعلق کہا گیا ہے کہ وہ پڑوسیوں کی جانب سے حملے کے وقت بنائی گئی ہے۔

    جبکہ کریملن کے مطابق مبینہ حملہ ایک دہشت گردی کا منظم منصوبہ تھا جس کا بنیادی مقصد روسی صدر کی زندگی پر حملہ کرنا تھا۔ خبر رساں ایجنسی کے مطابق روس کا کہنا ہے کہ یوکرین کی جانب سے کی جانے والی کارروائی میں نہ تو روسی صدر زخمی ہوئے ہیں اور نہ ہی کریملین کی عمارت کو کوئی نقصان پہنچا ہے۔
    مزید یہ بھی پڑھیں؛
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
    جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
    بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
    واضح رہے کہ کچھ عرصہ قبل روسی صدر نے واضح طور پر کہا تھا کہ وہ یوکرین کےصدرزیلنسکی کی زندگی کو نشانہ نہیں بنائیں گے اور یہ بات انہوں نے سابق اسرائیلی وزیراعظم سے ہونے والی بات چیت میں کہی تھی۔ جبکہ دوسری جانب یوکرین نے روسی صدارتی محل کریملین پرڈرون حملے سے مکمل لاتعلقی ظاہر کرتے ہوئے کہا ہے کہ یوکرین کا ماسکو میں صدارتی محل پر ڈرون حملے سے کوئی تعلق نہیں، کریملین پر حملے سے یوکرین کو کچھ حاصل نہیں ہونا ہے۔

    یوکرین کے صدارتی دفتر سے جاری بیان میں کہا گیا ہے کہ کریملین پر حملے کے بہانے روس کے انتہائی سخت ردعمل کا اندازہ ہے۔ ترجمان کریملن دیمتری پیسکوف کا کہنا ہے کہ کریملن پر ڈرون حملے کے باوجود وکٹری پریڈ کی جائے گی، ماسکو میں وکٹری ڈے پریڈ طے شدہ پروگرام کے تحت 9 مئی کو ہوگی۔ واضح رہے کہ روس میں سوویت یونین کی نازیوں سے فتح کی یاد میں ہر سال وکٹری ڈے پریڈ کا انعقاد کیا جاتا ہے۔

  • میرا دل جیسا کرے گا میں ویسے ہی کروں گی صنم جنگ

    میرا دل جیسا کرے گا میں ویسے ہی کروں گی صنم جنگ

    اداکارہ صنم جنگ نے کہا ہے کہ میں سوشل میڈیا پر تب کوئی چیز اپلوڈ کرتی ہوں جب میرا دل چاہتا ہے، اور میں پرواہ نہیں کرتی کہ کوئی کیا کہہ رہا ہے ، لیکن اس کے باوجود اگر کوئی نیگیٹو کمنٹ کرے تو برا لگتا ہے دماغ وہیں اٹک کر رہ جاتا ہے ، بہت دیر تک نیگیٹو کمنٹس کا اثر مجھ پر رہتا ہے. انہوں نے کہا کہ سوشل میڈیا کی تو پتہ نہیں دنیا کیسی ہے کسی کے بارے میں کچھ بھی بول دیتے ہیں. میری تین بار طلاق کروا دی صرف اسلئے کیونکہ میرا شوہر کام کے سلسلے میں باہر رہتا ہے اور میں اپنے کام کے سلسلے میں زیادہ پاکستان میں رہتی ہوں تو لوگوں نے خود سے ہی

    یہ گمان کر لیا کہ طلاق ہو گئی ہے اور کئی بار مجھے وضاحت دینا پڑی کہ ایسا کچھ نہیں ہوا. صنم نے کہا کہ میاں بیوی دیر سے ملیں تو لڑائیاں‌کم ہوتی ہیں اور ایک دوسرے سے ملنے کی چاہت بھی زیادہ ہوتی ہے. جب میرے شوہر نے کام سے مہینوں بعد گھر آنا ہوتا ہے تو ہم دونوں‌بہت خوش ہوتے ہیں میں گھر کا پینٹ نیا کرواتی ہوں ، ہر چیز سیٹ کرتی ہوں میری بہن مجھے کہا کرتی ہے کہ ایسا لگ رہا ہے کہ جسیے تم لوگ پہلی بار مل رہے ہو تیاریاں تم اس قسم کی کرتی ہو.

  • شاہ رخ خا ن کی فلم ڈنکی کی وڈیوز لیک ہو گئیں ، اداکار پریشان

    شاہ رخ خان ان دنوں کافی پریشان ہیں کیونکہ ان کی نئی آنے والی فلم ڈنکی کی کچھ وڈیوز سوشل مٰڈیا پر لیک ہو گئی ہیں ، جو وڈیوز لیک ہوئی ہیں وہ فلم ڈنکی کا ایک گانا ہے، شاہ رخ خآن کافی زیادہ ڈپریشن اور غصے میں ہیں . اس سے پہلے ان کی فلم جوان کی بھی وڈیوز سوشل میڈیا پر لیک ہو گئی تھیں ، اس حوالے سے انہوں نے کورٹ سے رابطہ کیا تھا اور دہلی کورٹ نے کاپی رائٹ مواد سوشل میڈیا سے ہٹانے کا حکم جاری کیا تھا. اور حکم جاری ہونے کے بعد ہی کنگ خان کی نئی فلم ڈنکی کے گانے کی لیک ویڈیو سامنے آگئی ہے۔سوشل میڈیا پر اس کلپ کو شیئر کرتے ہوئے، صارف نے

    دعوی کیا کہ یہ شاہ رخ خان کی فلم ڈنکی میں اریجیت سنگھ کے گائے ہوئے گانے کا سین ہے۔کہا جا رہا ہے کہ وڈیوز لیک کس نے کی شاہ رخ خان اسکی تلاش میں ہیں اور وہ آج کل کشمیر میں‌ فلم ڈنکی فلم کی ہی شوٹنگ میں مصروف ہیں. یاد رہے کہ شاہ رخ خان کی دونوں فلمز ڈنکی اور جواب دونوں اسی سال ریلیز ہونے جا رہی ہیں اور اداکار انکی کامیابی کے لئے بھی بہت زیادہ پر امید ہے.

  • کنگنا رناوت نے دیا سلمان خان کو مشورہ

    کنگنا رناوت نے دیا سلمان خان کو مشورہ

    جیسا کہ ہم سب جانتے ہیں کہ آج کل سلمان خآن ہیں گینگسٹر بسنوئی کے نشانے پر ، انہیں مسلسل جان سے مار دینے کی دھمکیاں مل رہی ہیں اسی چیز کو دیکھتے ہوئے بھارتی حکومت نے اداکار کو ہیوی سیکیورٹی فراہم کر رکھی ہے. تاہم سلمان خان کہتے ہیں کہ اب تومیں اکیلا باہر بھی نہیں جا سکتا کیونکہ میرے اردگرد گولیان ہی گولیاں ہیں، گو کہ مجھے بہت زیادہ سیکیورٹی فراہم کی گئی ہے لیکن میں جب باہر نکتا ہوں تو سڑکوں پر ٹریفک صرف اس لئے بلاک ہوجاتی ہے کیونکہ میری سیکیورٹی بہت زیادہ ہوتی ہے لوگ تنگ ہوتے ہیں تو مجھے اچھا نہیں لگتا. کنگنا رناوت نے

    سلمان خان کے اس بیان کے بعد کہا ہے کہ سلمان خان کو حکومت نے سیکیورٹی فراہم کر رکھی ہے تو انہیں کس بات کا ڈر ہے ، ہمارا ملک محفوظ ہاتھوں میں ہے. اداکارہ نے سلمان خان کو مشورہ دیا کہ آپ پریشان نہ ہوں پورا بھارت آپ کے ساتھ ہے. مجھے بھی جب دھمکیاں موصول ہوئیں تھیں تو مجھے بھی مرکزی حکومت نے سیکیورٹی فراہم کی تھی . واضح رہے کہ کنگنا رناوت کا شمار بالی وڈ کی متنازعہ اداکارائوں میں ہوتا ہے، انہوں نے ہمیشہ اپنے بیانات کی وجہ سے خود کے لئے مشکلات کھڑی کی ہیں.

  • عروہ ایک سین کروا چکی تھی جب مجھے میرے پاس تم ہو کا کردار ملا حرا مانی

    عروہ ایک سین کروا چکی تھی جب مجھے میرے پاس تم ہو کا کردار ملا حرا مانی

    میرے پاس تم پاکستان ڈرامہ انڈسٹری کی تاریخ کا وہ ڈرامہ ہے جس نے بے حد مقبولیت حاصل کی ، اس ڈرامے کے ڈائیلاگز اور تمام اداکاروں نے شائقین کی خوب داد پائی. اس میں ایک کردار ایسا بھی تھا جس کے بارے میں حرا مانی کا دعوی ہے کہ انہیں ملا اور تب ملا جب عروہ حسین ایک سین شوٹ کروا چکی تھی . حرا مانی کہتی ہیں کہ میرے سے پہلے یہ کردار عروہ حسین کے پاس تھا ، ایک سین شوٹ کروانے کے بعد انہوں نے اس کردار کو کرنے سے منع کر دیا ، انہوں نے کیون یہ کردار چھوڑا اس چیزکا تو مجھے علم نہیں ہے. لیکن جب مجھے یہ کردار ملا تو میرے

    بھی کچھ تحفظات تھے لیکن مجھے ہمایوں سعید اور ندیم بیگ نے قائل کیا کہ یہ کردار بہت اچھا ہے تمہیں بہت شہرت دے گا ہماری بات مانو اور کر لو ان کی بات پہ بھروسہ کرتے ہوئے میں نے یہ کردار کر لیا اور وہی ہوا یہ کردار عوام میں بہت مقبول ہو گیا. اور مجھے فخر ہے کہ میں اس ڈرامے کا حصہ بنی. مجھے ندیم بیگ اور ہمایوں سعید کے ساتھ کام کرکے بہت اچھا لگا ، اور ہمایوں سعید کے پروڈکشن ہائوس میں بننے والے بہت سے ڈراموں حصہ بن چکی ہوں.

  • آئندہ شرٹ سوچ سمجھ کر پہنوں گا علی ظفر نے ایسا کیوں کہا ؟‌

    آئندہ شرٹ سوچ سمجھ کر پہنوں گا علی ظفر نے ایسا کیوں کہا ؟‌

    گلوکار علی ظفر پھنس گئے ایک اور مشکل میں یہاں تک کہ ان کو ایک وضاحتی بیان جاری کرنا پڑ گیا. علی ظفر جو ان دنوں کینڈا میں ہیں ، ٹورنٹو میں شو کی غرض سے ان کی خاصی مصروفیت ہے. علی ظفر کہیں سٹیج کی تیاری دیکھنے کےلئے ایک ایسی شرٹ پہن کر چلے گئے جس پر بلا بنا ہوا تھا ، شیر آیا شیر آیا لکھا ہوا تھا اس کے علاوہ بھی دیگر سیاسی جماعتوں کے نشان اس قمیض پر بنے ہوئے تھے. اس کے بعد میڈیا پر خبریں‌چلنا شروع ہو گئیں کہ شاید علی ظفر نے مسلم لیگ ن جوائن کر لی ہے کسی نے کہا کہ علی ظفر نے پی ٹی آئی جوائن کر لی ہے. شاید علی

    ظفر کو بھی اندازہ نہیں تھا کہ اس قسم کی شرٹ پہننے کے بعد وہ پھنس جائیں گے عجیب سی مشکل میں، پاکستانی میڈیا نے خوب اچھالا اس خبر کو یہ سب دیکھ کر علی ظفر نے اپنا ایک وڈیو پیغام جاری کیا اور اس میں‌انہوں نے کہا کہ میں گلوکار ہوں اور میرا سیاست سے کسی قسم کا تعلق نہیں ہے خدا کے لئے مجھے ان باتوں سے دور رکھیں آندہ میں شرٹ بھی سوچ سمجھ کر پہنوں گا، انہوں نے یہ بھی کہا کہ خبر چلانے سے پہلے کم از کم اس کے حوالے سے تحقیق تو کر لیا کریں. بھئی میں گلوکار ہوں میرا کیا کام سیاست سے.