Baaghi TV

Tag: news

  • شاہ رخ خان کا عفت عمر کے نام وڈیو پیغام

    شاہ رخ خان کا عفت عمر کے نام وڈیو پیغام

    بالی وڈ‌ کے کنگ شاہ رخ خان کی سوشل میڈیا پر ایک وڈیو وائرل ہو رہی ہے جس میں وہ عفت عمر کا نام لیکر انکو دعائیں دے رہے ہیں، اس وڈیو کے بارے میں بات کرتے ہوئے عفت عمر نے ایک انٹرویو میں کہا تھا کہ شاہ رخ خان مجھے نہیں جانتے تھے لیکن میرے ایک دوست نے ان سے میرے لئے ایک وڈیو پیغام لیا . اس وڈیو میں دیکھا جا سکتا ہے کہ شاہ رخ خان عفت عمر کا نام لیکر ان کو سلام کہہ رہے ہیں اور کہہ رہے ہیں کہ آپ ایک اچھی زندگی گزارو آپ کو بہت ساری خوشیاں ملیں ، خوش رہو خدا حافظ.

    عفت عمر کے لئے ان کے دوست نے یہ وڈیو پیغام کافی سال پہلے دیا تھا اور عفت نے اس وڈیو پیغام کو ایک بار پھر سوشل میڈیا پر جاری کرتے ہوئے کیپشن لکھا ہے کہ شاہ رخ خان پٹھان کی کامیابی پر آپ کو بہت مبارکباد. یاد رہے کہ شاہ رخ خان کی حال ہی میں فلم پٹھان ریلیز ہوئی ہے اس فلم نے ریکارد توڑ بزنس کیا. پٹھان اس سال کی ابھی تک کی سب سے بڑی فلم بن گئی ہے، کہا جا رہا ہے کہ فلم پٹھان کا ریکارڈ توڑنا اگلے کئی سال تک مشکل ہی نہیں ناممکن ہو گا .

  • شلپا شیٹی مکھن کی دیوانی

    شلپا شیٹی مکھن کی دیوانی

    اداکارہ شلپا شیٹی کا کہنا ہے جب سے ان کی شادی پنجابی فیملی میں‌ہوئی ہے وہ کھانے پینے کی شوقین بن گئی ہیں . انہوں نے ایک انٹرویو میں کہا ہےکہ ہمارے گھر ہر دوسرے دن پراٹھے بنتے ہیں اور وائٹ مکھن کے ساتھ کھاتے ہیں. انہوں نے کہا کہ راج کی فیملی پنجابی ہے تو وہ لوگ زیادہ تر پنجابی کھانے ہی کھاتے ہیں. میں تو اب ویجٹیرین بھی ہو گئی ہوں، انہوں نے کہا کہ میں دوپہر میں چاول روٹی سب کھاتی ہوں میرا دوپہر کا کھانا ٹھیک ٹھاک ہوتا ہے. شلپا شیٹی نے کہا کہ اپنی فٹس کا بہت زیادہ خیال رکھتی ہوں ، میں ایکسرائز ، واک اور یوگا باقاعدگی کے ساتھ کرتی ہوں. شلپا شیٹی نے کہا مجھے خود کچھ خاص کھانا بنانا نہیں آتا. شلپا شیٹی نے مزید یہ بھی کہا کہ جو دل کرے

    کھائیں ضرور لیکن ساتھ میں اپنی ایکسرسائز ، واک کو بھی جاری رکھیں، ایک بار وزن بڑھ جائے یا فیٹس چڑھ جائیں تو اسکا اترنا بہت ضروری ہوتا ہے. یاد رہے کہ شلپا شیٹی بالی وڈ کی وہ اداکارہ ہیں جو اپنی خوبصورتی اور سمارٹنس کی وجہ سے کافی مشہور ہیں. انہوں نے فلم بازیگر سے اپنے کیرئیر کا آغاز کیا اس کے بعد انہوں نے ٔیچھے مڑ کر نہیں‌دیکھا.

  • نریندر مودی کیخلاف بی بی سی کی دستاویزی فلم چینی کمپنی سے پیسے لیکر بنائی گئی. مہیش جیٹھ ملانی

    نریندر مودی کیخلاف بی بی سی کی دستاویزی فلم چینی کمپنی سے پیسے لیکر بنائی گئی. مہیش جیٹھ ملانی

    نریندر مودی کیخلاف بی بی سی کی دستاویزی فلم چینی کمپنی سے پیسے لیکر بنائی گئی. مہیش جیٹھ ملانی

    لوک سبھا کے ممبر اور وکیل مہیش جیٹھ ملانی نے دعویٰ کیا ہے کہ نریندر مودی کیخلاف بی بی سی کی دستاویزی فلم چینی کمپنی سے پیسے لیکر بنائی گئی تھی انہوں نے مزید کہا کہ یہ پیسے بی بی سی نے چین کی مشہور کمپنی ہووے سے لیئے تھے تاکہ بھارت کے وزیر اعظم نریندرا مودی کیخلاف ایک دستاویزی فلم بنائی جائے.


    ان کا دعویٰ تھا کہ مجھے پورا یقین ہے کہ اس میں چین کا ہاتھ ہے اور اس بی بی سی کی دستاویزی فلم میں مکمل طور پر وہ لوگ ملوث ہیں اور اس کو بی بی سی کبھی بھی واضح یا تسلیم نہیں کرے گا کہ ان کے لنک ہووے سے ہیں. کیونکہ یہ کمپنی بھارت کیخلاف پروپیگنڈہ پھیلانے میں مکمل طور پر ملوث رہی ہے.
    مزید یہ بھی پڑھیں؛
    بچی کی مبینہ خودکشی؛ اسکول کی رجسٹریشن منسوخ کردی گئی ہے
    برطانوی ائیرلائن نے پاکستان کیلئے فضائی آپریشن بند کردیا
    نگران حکومت نے تونسہ شریف کو ضلع بنانے کا نوٹیفکیشن معطل کردیا گیا
    ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
    ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ


    دوسری جانب آج صبح بی بی سی کے ممبئی اور دہلی میں موجود دفاتر پر چھاپہ مارا گیا ہے جبکہ یہ چھاپہ اس لیئے مارا گیا کیونکہ بی بی سی نے مودی بارے یہ دستاویزی فلم جاری کی ہے جس پر ممبر لوک سبھا نے پیسے لینے کا دعوٰی کیا ہے.

  • ملالہ یوسفزئی کی ہالی ووڈ سُپر اسٹار ٹام کروز سے ملاقات

    ملالہ یوسفزئی کی ہالی ووڈ سُپر اسٹار ٹام کروز سے ملاقات

    لاس اینجلس: پاکستانی نوبل انعام یافتہ ملالہ یوسفزئی کی اکیڈمی ایوارڈ کی جانب سے دیئے گئے ظہرانے پر ہالی ووڈ سُپر اسٹار ٹام کروز سے ملاقات ہوئی جس کی تصاویر سوشل میڈیا پر وائرل ہو رہی ہیں۔غیر ملکی میڈیا رپورٹ کے مطابق دنیا بھر سے 95ویں اکیڈمی ایوارڈز کیلئے نامزد پروڈیوسرز، ڈائریکٹرز اور اداکاروں نے آسکرز کی جانب سے دیئے گئے ظہرانے میں شرکت کی۔

    اس ظہرانے میں ملالہ یوسفزئی نے بھی ہالی ووڈ دستاویزی فلم ’اسٹرینجر ایٹ دی گیٹ‘ کے ایگزیکٹو پروڈیوسر کے طور پر شرکت کی جہاں ان کی ملاقات ہالی ووڈ سپر اسٹار ٹام کروز، سٹیون سپیلبرگ اور کیٹ بلانشیٹ سمیت دیگر ہالی ووڈ لیجنڈز سے ہوئی۔ملالہ یوسفزئی نے اپنے سوشل میڈیا اکاؤنٹس پر ٹاپ گن ماورک اسٹار ٹام کروز اور دیگر ہالی ووڈ پروڈیوسرز اور ڈائریکٹرز کے ساتھ تصاویر شیئر کرتے ہوئے آسکرز کا حصہ بننے پر اکیڈمی ایوارڈز کا شکریہ ادا کیا۔

    ملالہ نے تصاویر کے کیپشن میں لکھا کہ وہ اس سال کے تمام آسکرز کیلئے نامزد اُمیدواروں کے ساتھ مل کر بہت خوش ہیں اور اس اعزاز پر اکیڈمی ایوارڈز کی شکر گزار ہیں۔ ملالہ نے ہالی ووڈ اسٹار ٹام کروز سے ملاقات پر بےحد خوشی کا اظہار کیا،ملالہ یوسفزئی اور ٹام کروز کی تصاویر سوشل میڈیا پر صارفین کی توجہ کا مرکز بنی ہوئی ہیں۔ شوبز کے سب سے بڑے ایوارڈز آسکر کی پُروقار تقریب 12 مارچ کو لاس اینجلس میں منعقد ہوگی۔

    اسٹرینجر ایٹ دی گیٹ حقیقت پر مبنی ایک امریکی میرین کے سابق فوجی کے بارے میں ایک مختصر دستاویزی فلم ہے جس نے اپنے آبائی شہر میں ایک مسجد کو اڑانے کی منصوبہ بندی کی تھی تاہم وہ ایک مسلمان خاتون سے متاثر ہوکر اسلام قبول کرلیتا ہے۔یاد رہے کہ اسٹرینجر ایٹ دی گیٹ کو بہترین دستاویزی فلم کی کیٹگری میں 95ویں اکیڈمی ایوارڈز کیلئے نامزد کیا گیا ہے۔

  • نومولود بچی کے پیٹ پر "لال رنگ کا دل والا پیدائشی نشان”

    نومولود بچی کے پیٹ پر "لال رنگ کا دل والا پیدائشی نشان”

    نومولود بچی کے پیٹ پر ‘لال رنگ کا دل والا پیدائشی نشان جسے دیکھ کر والدین اور ڈاکٹرز بھی حیران رہ گئے-

    باغی ٹی وی :فروری میں پیدا ہونے والے بچے کے لیے شاید یہ سب سے موزوں علامت ہےاس لیے یہ کوئی تعجب کی بات نہیں ہے کہ جب جورجیا ویلچ کو دل کے سائز کے پیدائشی نشان کے ساتھ جنم دیا گیا توڈاکٹرز کو اپنی آنکھوں پر یقین نہیں آیا۔


    طبی ماہرین نے سٹوک آن ٹرینٹ سے تعلق رکھنے والی 37 سالہ ماں جین اور اس کے ساتھی جو کو بتایا کہ عمر کے ساتھ ساتھ دل غائب ہو جائے گا ا لیکن ایسا نہ ہوا، یہ نشان اسی سائز کا اب تک موجود ہے، نا ہی اس کا رنگ ماند پڑا-

    برطانوی میڈیا رپورٹس کے مطابق گزشتہ برس فروری کی 22 تاریخ کو ایک بچی کی پیدائش ہوئی جس کا نام جورجیا رکھا گیا، جورجیا کی پیدائش پر ڈاکٹرز سمیت اس کی والدہ حیران رہ گئیں حیرانی کی وجہ یہ تھی کہ اس کے پیٹ کے ایک طرف ایک مخصوص نشان تھا جس کی شکل دل جیسی تھی، عجیب بات یہ تھی کہ اس نشان کا رنگ بھی سرخ تھا۔

    جورجیا کی ماں 37 سالہ جین ویلچ نے بتایا کہ جب ڈاکٹرز اور نرسوں نے اس کے جسم پر یہ نشان دیکھا تو وہ پہلے یقین ہی نہیں کرسکے، جورجیا میری پہلی اولاد ہے جس کے اوپر یہ انوکھا پیدائشی نشان اس کو دوسروں سے مخصوص کرتا ہے۔

  • ترک صدر نے اسپتال میں زلزلے سے متاثرہ بچی کے کان میں اذان دی اور نام رکھا ،ویڈیو

    ترک صدر نے اسپتال میں زلزلے سے متاثرہ بچی کے کان میں اذان دی اور نام رکھا ،ویڈیو

    انقرہ: ترک صدر رجب طیب اردوان اہلیہ کے ہمراہ بدترین زلزلے سے متاثرہ افراد کی خیریت دریافت کرنے اور صورتحال کا جائزہ لینے استنبول کے اسپتالوں کے دورے کررہے ہیں۔

    باغی ٹی وی : ترک میڈیا کے مطابق پیر کے روز ایک اسپتال کے دورے کے موقع پر ترک صدر نے زلزلہ زدگان خاتون کے ہاں بیٹی کی پیدائش پر اس کے کان میں اذان دی اور اس کا نام بھی رکھا ۔

    https://twitter.com/TurkeyUrdu/status/1625429435733143552?s=20&t=JuBxAOt–TKwoStyWX0v-wترک صدر سے بچی کی ماں نے درخواست کی کہ وہ ان کی بیٹی کا نام رکھیں جس پر انہوں نے ‘آئسے بیتول’ نام رکھا،جو نومولود کے کان میں تین بار بولا-


    صدر ایردوان ترکیہ کے جنوبی علاقوں میں آنے والے زلزلے کے متاثرین سے مل کر آبدیدہ ہو گئےانہوں نے کہا متاثرین کے دکھ اور غم کو سمجھ سکتا ہوں، حکومت تباہ ہونے والے شہروں کو دوبارہ تعمیر کرے گی


    واضح رہے کہ 6 فروری کو ترکیہ اور شام میں آنے والے 7.8 شدت کے تباہ کن زلزلے سے اموات کی مجموعی تعداد 37 ہزار سے تجاوز کرگئی غیر ملکی خبر ایجنسی کے مطابق زلزلے سے اب تک ترکیہ میں 31 ہزار 643 اور شام میں 5 ہزار 714 افراد ہلاک ہوچکے ہیں اور اموات کی مجموعی تعداد 37 ہزار 357 ہوگئی –

    ترکیہ میں 1939 کے بعد بدترین زلزلے نے 81 میں سے 10 صوبوں میں تباہی پھیلا دی ہے جب کہ زلزلے سے اموات کی تعداد 31 ہزار 643 ہوگئی ہے ترکیہ میں زلزلے سے تاریخی ڈرامہ سیریل کورولوش عثمان کے اداکار چاغداش چانکیا اور انکی اہلیہ زیلان تگریس بھی جاں بحق ہو گئیں،، زیلان ایک بہترین موسیقار تھیں جنہوں نے کئی ڈراموں اور فلموں کی موسیقی ترتیب دی-

  • پرتگالی کیتھولک چرچ میں 4,815 نابالغ بچے جنسی زیادتی کا نشانہ بنے

    پرتگالی کیتھولک چرچ میں 4,815 نابالغ بچے جنسی زیادتی کا نشانہ بنے

    پرتگالی کیتھولک چرچ کے اندر 1950 سےاب تک کم از کم 4,815 نابالغوں کو "جنسی تشدد” کا نشانہ بنایا گیا ہے۔

    باغی ٹی وی : ” العربیہ” کے مطابق گزشتہ سال 500 سےزیادہ شہادتیں سننےوالی آزاد کمیشن کےکوآرڈینیٹر چائلڈ سائیکاٹرسٹ پیڈرو اسٹریچ نے الزبن میں حتمی رپورٹ پیش کرنے کے دوران کہا کہ ان شہادتوں نے ہمیں متاثرین کے ایک بہت بڑے نیٹ ورک تک پہنچنےمیں مدد کی جس میں 4,815 سے زیادہ متاثرین شامل تھے۔

    بابری مسجد کیس کا فیصلہ سنانے والے ججوں پرنوازشات

    انہوں نے صحافیوں اور چرچ کے متعدد عہدیداروں کو بتایا کہ پرتگال میں نابالغوں کے خلاف جنسی تشدد کے حوالے سے اب ہر چیز کا برقرار رہنا مشکل ہے اور اس کے اثرات کو محسوس کرنا چونکا دینے والا ہے۔

    بشپس کانفرنس کے سیکرٹری جنرل کے مطابق فادر مینوئل باربوسا نے کہا پرتگالی بشپ مارچ کے شروع میں ایک میٹنگ کر رہے ہیں تاکہ آزاد رپورٹ کے نتائج کا مطالعہ کیا جا سکےاور "چرچ کی زندگی سے اس لعنت کو زیادہ سے زیادہ ختم کرنے” کے لیے ٹھوس اقدامات کیے جا سکیں۔

    سنہ2019ء میں پوپ فرانسس نے ان انکشافات کے بعد کہ پادریوں نے دنیا بھر میں ہزاروں جنسی حملوں کا ارتکاب کیا۔ ان الزامات کے بعد پادریوں کے ارکان نے ان کی پردہ پوشی کی۔ چرچ کے اندر بچوں سے زیادتی کے خلاف ایک "جامع جنگ” شروع کرنے کا وعدہ کیا دو گھنٹوں کے دوران پینلسٹس نے اپنی 512 شہادتوں کے خلاصے کے ساتھ ساتھ چرچ کے آرکائیوزمیں اپنی تحقیق اوراس کے اعلیٰ عہدیداروں کے ساتھ انٹرویوز کو تفصیل سے پیش کیا۔

    بھارت میں ہر 16منٹ میں ایک خاتون کی عصمت دری کی جاتی ہے، رپورٹ

    سنہ2021ء کے آخر میں پرتگالی چرچ کے حکام نے اسٹریچ کو ایک ٹیم تشکیل دینے کا حکم دیا جو اس کے اندر ایک محل پر حملے کے واقعے کی تحقیقات کرےگا۔

    اسٹریچٹ نے کہا کہ زیادہ تر لوگ جن کے بارے میں ہم نے سنا ہے کی کوئی اصلاح ممکن نہیں ہے لیکن وہ اپنے بدسلوکی کرنے والوں، یا ایک ادارے کے طور پر چرچ سے معافی کی توقع رکھتے ہیں۔

    پرتگال سے پہلے کئی ممالک نے اس رجحان کی حقیقت کو واضح کرنے کے لیے کام کیا، جن میں فرانس، آئرلینڈ، جرمنی، آسٹریلیا اور ہالینڈ شامل ہیں۔

    اپریل 2022 میں لزبن کے سرپرست اور پرتگالی چرچ کے آرچ بشپ، کارڈینل مینوئل کلیمینٹ نے کہا کہ وہ ماضی کی غلطیوں کو تسلیم کرنے” اور متاثرین سے "معافی مانگنے” کے لیے تیار ہیں۔ پیر کو انہوں نے آزاد کمیشن کی رپورٹ پیش کرنے کے لیے شرکت کی۔

    امریکی ریاست مشی گن کی یونیورسٹی میں فائرنگ،3 افراد ہلاک 5 زخمی

  • برطانوی شہزادی ایک سال میں دوسری بار کورونا میں مبتلا

    برطانوی شہزادی ایک سال میں دوسری بار کورونا میں مبتلا

    لندن:برطانوی بادشاہ شاہ چارلس سوم کی اہلیہ کوئن کنسورٹ کمیلا پارکر کورونا وائرس کا شکار ہوگئیں جس پر انھوں نے خود کو اہل خانہ سے الگ کرکے گھر میں ہی قرنطینہ کرلیا۔

    برطانوی میڈیا کے مطابق بکنگھم پیلس سےجاری بیان میں بتایا گیا ہے کہ کوئن کنسورٹ کمیلا پارکر کا معمولی علامات ظاہر ہونے پر کورونا کا ٹیسٹ کرایا گیا جو مثبت آیا ہے جس پران کے عالمی دورے منسوخ اور تمام مصروفیات معطل کردی گئیں۔بکنگھم پیلس کے مطابق 75 سالہ کوئن کنسورٹ کی حالت خطرے سے باہرہےاورانھوں نےکورونا ٹیسٹ مثبت آنےپرخود کو گھرپرقرنطینہ کرلیا۔ ماہر ڈاکٹرز کی ایک ٹیم ان کی نگرانی کر رہی ہے۔

    نئے نیب قانون میں کچھ کوتاہیاں ہیں جسے ہم دیکھ رہے ہیں:چیف جسٹس آف پاکستان

    یاد رہے کہ کوئن کنسورٹ ایک سال قبل فروری کے ماہ ہی کورونا کا شکار ہوگئی تھیں اور اس دوران بھی ٹیسٹ منفی آنے تک خود کو قرنطینہ میں رکھا تھا۔ شاہ برطانیہ اور ان کی اہلیہ نے شہریوں سے کورونا کی ویکسین لگوانے کی اپیل کی ہے۔برطانیہ کے ادارۂ شماریات کے جنوری کے آخری ہفتے میں کرائے گئے سروے کے مطابق ملک بھر میں تقریباً 10 لاکھ افراد کورونا وائرس کے مرض میں مبتلا ہوئے تھے یعنی ہر 65 میں سے ایک شہری اس وائرس سے متاثر ہوا تھا۔

    برطانیہ میں ایک تازہ ترین اعداد و شمار سے پتہ چلتا ہے کہ کوئن کنسورٹ کیملا پارکر کی عمر کے (75 سے 79 سال کے درمیان کے تقریباً 96% افراد نے ویکسین لگوائی ہے جن میں سے 78 فیصد نے حال ہی میں 3 سے 6 ماہ قبل ویکسینیشن کرائی تھی۔

  • بھارت میں بی بی سی کے دفاتر میں انکم ٹیکس کے چھاپے،سیاسی رہنماؤں کا ردعمل

    بھارت میں بی بی سی کے دفاتر میں انکم ٹیکس کے چھاپے،سیاسی رہنماؤں کا ردعمل

    بھارت میں انکم ٹیکس ٹیموں کا بی بی سی کے دفاتر میں سروے آپریشن، ملازمین کے موبائل فون ضبط کرتے ہوئے انہیں گھر بھیج دیا گیا-

    باغی ٹی وی : میڈیا رپورٹس کے مطابق بھارتی انکم ٹیکس ڈپارٹمنٹ کے 15 عہدیداروں کی ایک ٹیم نے منگل کے روز بھارت میں برطانوی نشریاتی ادارے بی بی سی کے دفاترمیں سروے آپریشن کیا یہ کارروائیاں دہلی اور ممبئی کے دفاتر میں کی گئیں۔

    یہ پیشرفت ایسے وقت میں سامنے آئی ہے جب چند ہفتے قبل گجرات فسادات کے تناظرمیں بنائی جانے والی بی بی سی کی دستاویزی فلم پر بھارت میں تنازع کھڑا ہوگیا۔

    انکم ٹیکس نے بی بی سی کے ملازمین کے موبائل فون ضبط کرتے ہوئے انہیں گھر بھیج دیا ذرائع کا کہنا ہے کہ بی بی سی کے دہلی دفتر یں دوپہر کی شفٹ میں کام کرنے والے ملازمین کو گھر سے کام کرنے کے لیے کہا گیا تھا۔

    ذرائع کے مطابق بی بی سی کے دفاترکی تلاشی انٹرنیشنل ٹیکسیشن اور ٹرانسفر پرائسنگ بے ضابطگیوں کے الزامات سے متعلق تھی تلاشی کے وقت دفتر کے احاطے میں فنانس ڈیپارٹمنت کے عہدیداروں کے ساتھ اردو سروسز کے دو افراد موجود تھے۔

    بی بی سی کے دفاتر میں سرچ آپریشن پر سیاسی رہنماؤں کی جانب سے بھی ردعمل دیا گیا-

    بابری مسجد کیس کا فیصلہ سنانے والے ججوں پرنوازشات


    بھارتی اپوزیشن جماعت کانگریس نے بی بی سی کے دفتروں میں آئی ٹی عہدیداروں کے پہنچنے پر رد عمل میں کہا کہ حکومت بی بی سی کے پیچھے ہےاور ہم اڈانی کے عملے پر جے پی سی (مشترکہ پارلیمانی کمیٹی) کا مطالبہ کررہے پارٹی نے اے آئی سی سی کے جنرل سکریٹری جے رام رمیش کی ویڈیو بھی شیئرکی ۔


    کانگرسی رہنما گوروگگوئی نے اپنی ٹویٹ میں لکھا کہ جس وقت ہندوستان کے پاس G-20 ممالک کی صدارت ہے، وزیر اعظم مودی بے شرمی سے ہندوستان کو آمریت کی طرف لے جانے کا مظاہرہ کررہے ہیںبی بی سی پر چھاپے، اڈانی کو کلین چٹ، امیروں کے لیے ٹیکسوں میں کٹوتی، لوگوں کے گھروں کو نقصان پہنچایا جا رہا ہے، عدم مساوات اور بے روزگاری میں اضافہ ہو رہا ہے۔

    ورجن اٹلانٹک کا لاہور اور اسلام آباد کے درمیان اپنی سروس معطل کرنے کا اعلان

    پی ڈی پی سربراہ محبوبہ مفتی نے لکھا کہ بی بی سی دفتر پر چھاپوں کی وجوہات اور اثرات بالکل واضح ہیں۔بھارتی سچ بولنے والوں کا بے شرمی سے تعاقب کر رہی ہے۔ چاہے وہ حزب اختلاف کے رہنما ہوں، میڈیا ہوں، کارکن ہوں یا کوئی اور۔ سچائی کے لیے لڑنے کی قیمت ادا کرنی پڑتی ہے-

    اس سے قبل 11 فروری کو بھارتی سپریم کورٹ نے وزیراعظم مودی پربنائی گئی بی بی بی سی کی دستاویزی فلم پر پابندی کی درخواست مسترد کی تھی ہندوانتہا تنظیم کی اس درخواست میں بی بی سی کی رپورٹنگ اوردستاویزی فلموں کوبھارت کیخلاف قرار دے کرمکمل پابندی کی استدعا کی گئی تھی تاہم بھارتی سپریم کورٹ نے درخواست کو غلط فہمی اورمیرٹ کیخلاف قراردیتے ہوئےدرخواست جمع کروانے والی تنظیم کے صدر کی سرزنش بھی کی تھی-

  • عادل درانی مزید پھنس گئے، ایرانی لڑکی نے جنسی زیادتی کا مقدمہ درج کروا دیا

    عادل درانی مزید پھنس گئے، ایرانی لڑکی نے جنسی زیادتی کا مقدمہ درج کروا دیا

    راکھی ساونت کے شوہر عادل درانی مزید پھنس گئے ہیں. راکھی ساونت کے بعد ان کی سابقہ ایرانی گرل فرینڈ نے جنسی زیادتی کا مقدمہ درج کروا دیا ہے. رپورٹس کے مطابق بھارتی شہر میسور میں ایرانی طالبہ نے عادل درانی پر ریپ کا مقدمہ درج کرایا ہے۔مقدمے میں کہا گیا ہے کہ میں مقامی ریسٹورنٹ کھانا کھانے جاتی تھی جہاں میری دوستی عادل سے ہوئی، عادل شادی کے بہانے 5 ماہ تک زیادتی کا نشانہ بناتا رہا اور بعدازاں شادی سے انکار کردیا۔لڑکی کا کہنا ہے کہ شادی کے اصرار پر عادل نے ناقابل اعتراض تصاویر اور ویڈیوز دکھا کر بلیک میل کیا اور جان

    سے مارنے کی دھمیاں دیں۔ پولیس نے مختلف دفعات کے تحت مقدمہ درج کرکے تحقیقات کا آغاز کردیا ہے۔یوں جیسے جیسے وقت گزر رہا ہے عادل درانی کی حقیقت لوگوں کے سامنے کھل کر آرہی ہے، عادل نے صرف راکھی ساونت کی ہی نہی بلکہ اور لڑکیوں کی بھی زندگیاں برباد کی ہیں، راکھی ساونت اس وقت کافی پریشان ہیں اور ان کا کہنا ہے کہ میں اب مزید عادل کے ساتھ نہیں رہنا چاہتی، ان یہ بھی ماننا ہے کہ عادل درانی کبھی بھی نہیں سدھرنے والا. راکھی کا کہنا ہے کہ ایک بار پھر اپنی نئی زندگی کی شروعات کروں گی.