Baaghi TV

Tag: news

  • گوتم اڈانی سے ایشیا کے امیر ترین شخص کا اعزاز چھن گیا،اب امیر ترین شخص کون؟

    گوتم اڈانی سے ایشیا کے امیر ترین شخص کا اعزاز چھن گیا،اب امیر ترین شخص کون؟

    کمپنیوں کی مارکیٹ ویلیو میں 74 ار ب ڈالرز کمی کے بعد بھارتی تاجر گوتم اڈانی اب ایشیا کے امیر ترین شخص نہیں رہے۔

    باغی ٹی وی:امریکی جریدے فوربز کے مطابق جنوری کے اختتام پر گوتم اڈانی دنیا کے 10 امیر ترین افراد کی فہرست سےباہر ہوئے تھے اور اب ان سے ایشیا کے امیر ترین شخص کا اعزاز بھی چھن گیا ہے گوتم اڈانی کی جگہ ان کے حریف مکیش امبانی اب ایشیا کے امیر ترین شخص بن گئے ہیں۔

    رپورٹ کے مطابق یکم فروری کو اڈانی گروپ کے حصص کی قیمت میں مزید کمی آئی جس کے نتیجے میں گوتم اڈانی کی دولت مزید گھٹ کر 72.8 ارب ڈالرز تک پہنچ گئی اور وہ دنیا کے امیر ترین افراد کی فہرست میں15 ویں نمبر پر پہنچ گئے۔

    اس کے مقابلے میں ریلائنس انڈسٹریز کے چیئرمین مکیش امبانی 83.6 ارب ڈالرز کے ساتھ دنیا کے 9 ویں جبکہ ایشیا کے امیر ترین شخص بن گئے ہیں۔

    امریکی کمپنی کا ایشیا کےامیر ترین شخص گوتم اڈانی پر فراڈ ،ہیرا پھیری کرنے سمیت…

    گوتم اڈانی کی دولت میں تیزی سے کمی کی وجہ ایک امریکی شارٹ سیلنگ کمپنی ہندن برگ کی 25 جنوری کو جاری ہونے والی رپورٹ تھی اس رپورٹ میں کہا گیا تھا کہ اڈانی گروپ دہائیوں سے اسٹاک مارکیٹ میں ہیرا پھیری اور اکاؤنٹنگ فراڈ اسکیم میں ملوث ہے رپورٹ میں گوتم اڈانی کے لیے کارپوریٹ تاریخ کے سب سے بڑے دھوکے باز کے الفاظ بھی استعمال کیے گئے تھے۔

    اس رپورٹ کے بعد آسٹریلیا کے ریگولیٹر ادارے نے کہا تھا کہ اس کی جانب سے الزامات کا جائزہ لیا جارہا ہے اور ضرورت پڑنے پر مزید تحقیقات کی جائے گی۔

    اڈانی گروپ نے ان الزامات کی تردید کرتے ہوئے انہیں بے بنیاد قرار دیا تھا مگر اس تردید سے بھی سرمایہ کاروں کو اطمینان نہیں ہوا اور غیرملکی سرمایہ کاروں نے رپورٹ کے اجرا کے بعد سے اربوں ڈالرز کے حصص فروخت کیے ہیں اس رپورٹ کے اجرا کے بعد سے گوتم اڈانی کی دولت میں 46.2 ارب ڈالرز کی کمی آئی ہے۔

    پاکستان کی معیشت تباہی کے قریب پہنچ چکی ہے،امریکی اخبار

    انہوں نے 2023 کا آغاز 119 ارب ڈالرز کے ساتھ دنیا کے تیسرے امیر ترین شخص کی حیثیت سے کیا تھا اور ایک ماہ کے اندر وہ تیسرے سے 15 ویں نمبر پر پہنچ گئے ہیں۔

  • آئی سی سی رینکنگ جاری،ون ڈے اور ٹی ٹوئنٹی میں بابر اور رضوان کونسے نمبر پر

    آئی سی سی رینکنگ جاری،ون ڈے اور ٹی ٹوئنٹی میں بابر اور رضوان کونسے نمبر پر

    انٹرنیشنل کرکٹ کونسل (آئی سی سی) نے ون ڈے اور ٹی ٹوئنٹی رینکنگ جاری کردی-

    باغی ٹی وی:آئی سی سی کی ون ڈے رینکنگ کے مطابق قومی ٹیم کے کپتان بابر اعظم 887 پوائنٹس کے ساتھ بدستور بیٹرز کی فہرست میں پہلے نمبر پر ہیں ، ون ڈے رینکنگ میں جنوبی افریقا کے روسی ون ڈر ڈسن دوسرے،کوئنٹن ڈی کک تیسرے نمبر پر ہیں امام الحق کا پانچواں اور فخر زمان کا گیارہواں نمبر ہے۔

    پی ایس ایل 8، ٹیموں کے تربیتی کیمپ اورغیر ملکی کھلاڑی کی آمد کا پلان

    دوسری جانب آئی سی سی نے ٹی ٹوئنٹی کی رینکنگ بھی جاری کی ہے جس میں بیٹرز کی فہرست بھارتی ٹیم کے سوریا کمار یادیو پہلے اور پاکستان کے محمد رضوان دوسرے نمبر پر ہیں جبکہ پاکستان کے کپتان بابراعظم کی چوتھی پوزیشن ہے۔


    علاوہ ازیں ون ڈے بولرز کی فہرست میں بھارت کے محمد سراج پہلے اور ٹی ٹوئنٹی میں افغانستان کے راشد خان ٹاپ پر ہیں۔

    شاداب خان کی بارات اور ولیمے کی تقریبات کب ہوں گی تاریخیں سامنے آ گئیں

  • شاہد خاقان نے اس لیے پارٹی عہدہ چھوڑا کہ مریم کو پورا اسپیس مل جائے،مفتاح اسماعیل

    شاہد خاقان نے اس لیے پارٹی عہدہ چھوڑا کہ مریم کو پورا اسپیس مل جائے،مفتاح اسماعیل

    باغی ٹی وی کی رپورٹ کے مطابق سابق وزیر خزانہ مفتاح اسماعیل نے کہا ہے کہ ایمرجنگ پاکستان سمینار کا مقصد عوام میں آگاہی پید اکرنا ہے ،ایوانوں میں عوامی مسائل پر بات چیت نہیں ہوتی ،30سال سے ہماری طرز حکمرانی بہت بری ہے ،
    سابق وزیرخزانہ مفتاح اسماعیل کا مزید کہنا تھا کہ خواتین ،بچے ،معیشت ،تعلیم ،صحت ،مہنگائی ،بے روزگاری پر وئی بات نہیں کرتا، ہمارے پاس آئی ایم ایف کے سوا کوئی راستہ نہیں ہمارے قرض کی ادائیگی آئی ایم ایف کے ذریعے ہی ممکن ہے آئی ایم ایف کے پیسوں کی قسط اہم نہیں ،اس کے پروگرام میں رہنا اہم ہے ہم پر 30 سال سے قرضوں کا بوجھ ہے قطر ،یواے ای ،یواین ،ایشیائی ترقیاتی بینک نے پاکستان میں سرمایہ کاری کی بات کی ،پاکستان قرض لے کر قرض ادا کرتاہے جو پرانی روش ہے ،پاکستان کے پاس معیشت چلانے کا بہتر پلان ہونا چاہیے ،میں نے آئی ایم ایف سے جو معاہدہ کیااسحاق ڈار نے آ کر توڑدیا،یہ تو ایسا ہے کہ ہم اپنے ہی خنجر سے زخمی ہوئے ہوں ،بجلی کی قیمتیں بڑھانی ہوں گی،

    سابق وزیرخزانہ مفتاح اسماعیل کا مزید کہنا تھا کہ آئی ایم ایف نے سخت شرائط رکھی ہیں، بجلی کی قیمت بڑھانےکی شرط حکومت کے لیے پریشان کن ہے،افراط زر کی وجہ سے مہنگائی کم ہونے کے امکانات نظر نہیں آرہے 45 سال بعد بھی ہم آئی ایم ایف کے پاس جارہے ہیں،پاکستان میں جو بھی وزیرخزانہ آئی ایم ایف سے معاہدہ کرتاہے دوسرا آ کر توڑ دیتا ہے آئی ایم ایف نے پاکستان کے ساتھ کریڈایبلٹی دیکھنی ہے ، پرویز مشرف گئے تو پیپلزپارٹی الزام لگاتی رہی ،ن لیگ آئی تو اس کا بھی الزام یہی تھا،وزرا،بیوروکریٹ اچھے ہوتے ہیں طریقہ حکمرانی درست نہیں ہوتا،وزرا کوعہدوں سے ہٹانا پارٹی کے قائد کا صوابدید ہوتا ہے

    شاہد خاقان عباسی نے پارٹی عہدے سے استعفی ٰدیا ہے،مفتاح اسماعیل نے تصدیق کردی ، مفتاح اسماعیل کا کہنا تھا کہ شاہد خاقان نے اس لیے پارٹی عہدہ چھوڑا ہے کہ مریم کو پورا اسپیس مل جائے،شاہد خاقان عباسی نے 3سال پہلے نوازشریف سے اپنے بارے میں بات کی تھی ،شاہد خاقان عباسی نے کہا تھا مریم نواز کے ہاتھ میں پارٹی کی کنجی دی گئی تو وہ مستعفی ہوں گے،شاہد خاقان عباسی پارٹی میں سینئر سیاستدان ہیں ،اب مریم نواز سینئر ہوگئیں شاہد خاقان عباسی نے خاموشی بہتر سمجھی اور ایک طرف ہوگئے

    ‏عمران خان دی بندہ کی عزت کرسکدا اے….فواد چودھری کی آڈیو لیک

    پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں

    علی امین گنڈاپور اور امتیاز نامی شخص کے مابین آڈیو لیک

    عمران خان کی جاسوسی، آلات برآمد،کس کا کارنامہ؟

    آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

    مریم نواز سے قائم مقام برطانوی ہائی کمشنر زوئی وئیر کی ملاقات

    ،

  • برطانوی معیشت آنےوالےدنوں میں مزید زوال پزیرہوگی :آئی ایم ایف

    برطانوی معیشت آنےوالےدنوں میں مزید زوال پزیرہوگی :آئی ایم ایف

    لندن:آئی ایم ایف نے خبردار کیا ہے کہ رواں برس ترقی یافتہ ممالک میں برطانیہ وہ واحد ملک ہوگا جس کی معیشت ترقی کرنے کی بجائے سکڑے گی۔برطانوی نشریاتی ادارے کے مطابق آئی ایم ایف نے کہا ہے کہ برطانوی معیشت 2023 میں 0.6 فیصد تک سکڑ جائے گی ، برطانیہ کی شرح نمو اعشاریہ تین فیصد جبکہ جی ڈی پی اعشاریہ چھ فیصد تک گرنے کا خدشہ ہے۔

    آئی ایم ایف رپورٹ کے مطابق درست حکومتی اقدامات کے سبب آئندہ برس معیشت میں 0.9 فیصد ترقی کا امکان ہے۔آئی ایم ایف کے مطابق گیس کی قیمت و شرح سود میں اضافہ، رہن سہن کے بڑھتے اخراجات اور ٹیکسوں میں اضافہ برطانوی معیشت کی ترقی میں رکاوٹ ہے، چانسلر جیریمی ہنٹ نے دباؤ کے باوجود بجٹ میں ٹیکسوں میں کمی کا امکان مسترد کر دیا۔

    برطانوی میڈیا کےمطابق برطانوی وزیراعظم رشی سونک نےرواں برس مہنگائی کی شرح کو نصف کرنےکا وعدہ کر رکھا ہے۔ادھر برطانیہ میں مہنگائی کے خلاف مظاہرے بھی ہو رہے ہیں۔

    ادھرعالمی مالیاتی فنڈ (آئی ایم ایف) نے بنگلا دیش کے لیے 4.7 ارب ڈالرز کے قرضے کی منظوری دے دی ہے۔بنگلا دیش نے اقتصادی مشکلات کے پیش نظر جولائی 2022 میں آئی ایم ایف سے قرضے کے لیے رجوع کیا تھا اور عالمی مالیاتی فنڈ نے پاکستان اور سری لنکا کے مقابلے میں پہلے اس کی درخواست کی منظوری دی۔

    عدالت نے نیب ترامیم کی وجہ سے ختم ہونے والے کیسز کا ریکارڈ طلب کرلیا

    بنگلادیش نے آئی ایم ایف سے قرض مانگ لیاآئی ایم ایف پروگرام کے تحت بنگلا دیش کو 3.3 ارب ڈالرز کا قرضہ فراہم کیا جائے گا جس میں سے 47 کروڑ 60 لاکھ ڈالرز فوری طور پر دیے جائیں گے۔آئی ایم ایف بورڈ نے موسمیاتی تبدیلیوں کے لیے قائم نئے فنڈ کے تحت ایک ارب 40 کروڑ ڈالرز بھی بنگلا دیش کو دینے کی منظوری دی ہے، وہ اس فنڈ تک رسائی پانے والا پہلا ایشیائی ملک بھی ہوگا۔

    پشاوردھماکہ قومی سانحہ،دہشتگردوں کی حمایت کرنیوالے سیاست نہ کریں،مفتی منیب الرحمان

    آئی ایم ایف کے مطابق اس قرضے کو معاشی استحکام کے لیے استعمال کیا جائے گا جبکہ بنگلا دیشی انتظامیہ کو اصلاحات کو توسیع دینے میں مدد مل سکے گی۔عالمی ادارے کی جانب سے جاری بیان میں کہا کہ بنگلا دیش کی جانب سے غربت میں کمی اور معیار زندگی کو بہتر بنانے میں اچھی پیشرفت کی جارہی تھی، مگر کووڈ 19 کی وبا اور یوکرین پر روس کے حملے سے معاشی کارکردگی متاثر ہوئی۔

    آئی ایم ایف کا اضافی ٹیکس لگانے کا مطالبہ؛ اسحاق ڈار کی یقین دہانی

    بنگلا دیش کی جانب سے 2022 میں عالمی بینک اور ایشیائی ترقیاتی بینک سے بھی 2 ارب ڈالرز فراہم کرنے کی درخواست کی گئی تھی تاکہ زرمبادلہ کے ذخائر کو بہتر بنایا جاسکے۔گزشتہ مالی سال کے دوران بنگلا دیش کا کرنٹ اکاؤنٹ خسارہ 18.7 ارب ڈالرز تک پہنچ گیا تھا کیونکہ توانائی کی قیمتوں میں اضافے سے گارمنٹس کی برآمدات متاثر ہوئی تھیں۔

    بنگلا دیشی حکومت نے آئی ایم ایف سے رابطہ کرنے کے بعد حالیہ مہینوں میں ایندھن اور توانائی کی قیمتوں میں اضافہ کیا ہے جبکہ یکم فروری سے بجلی کی قیمت میں مزید 5 فیصد اضافہ کیا جائے گا۔

  • پٹھان کی کامیابی ، شہزادہ ایک ہفتہ تاخیر سے ریلیز ہو گی

    پٹھان کی کامیابی ، شہزادہ ایک ہفتہ تاخیر سے ریلیز ہو گی

    کارتک آریان بالی وڈ کے وہ سٹار ہیں جن کی گزشتہ برس ریلیز ہونے والی فلم بھول بھلیاں ٹو نے کامیابی کے ریکارڈز قائم کئے تھے. ان کی اس سال فلم شہزادہ ریلیز ہونے جا رہی ہے ، اس بارے میں کہا جا رہا ہے کہ اسکی ریلیز ایک ہفتہ کی تاخیر سے کی جائیگی ، تاخیر کی وجہ فلم پٹھان کی شاندار کامیابی ہے. فلم کے ڈائریکٹر روہت دھون نے کہا ہے کہ ہم شاہ ر‌خ خان کی بہت عزت کرتے ہیں بس اسی احترام میں ہم نے فیصلہ کیا ہے کہ شہزادہ کو ایک ہفتہ تاخیر سے ریلیز کیا جائیگا. فلم شہزادہ میں کارتک آریان کے ساتھ کریتی سینن، پاریش راول اور منیشا کوئرالہ بھی اہم

    کرداروں میں نظر آئیں گے . اس فلم کو بھوشن کمار، کرشن کمار، امان گل، ایس رادھا کرشنا اور کارتک آریان نے مل کر پروڈیوس کیا ہے۔یاد رہے کہ فلم شہزادہ کے ھوالے سے کہا جا رہا ہے کہ یہ فلم بھی کامیابی کے ریکارڈز قائم کریگی اب دیکھنا یہ ہے کہ یہ فلم پٹھان جیسی کامیابی حاصل کرتی ہے یا اس سے بھی آگے کا کوئی نیا ریکارڈ‌بناتی ہے. فلم پٹھان اب تک 600 کروڑ کما چکی ہے اس فلم کی کامیابی بالی وڈ‌کی دیگر فلموں کے لئے چیلنج ہے.

  • آسٹریلوی کرکٹر پٹھان بن گئے

    آسٹریلوی کرکٹر پٹھان بن گئے

    فلم پٹھان نے ساری دنیا کو دیوانہ کر کے رکھ دیا ہے، اس فلم نے بھارت سمیت پوری دنیا میں 600 کروڑ سے زائد کا بزنس کر لیا ہے. فلم کامیابی سے سینما گھروں میں جاری ہے. پٹھان کی کامیابی نے شاہ رخ خان کی بادشاہت کو ایک بار پھر ثابت کر دیا ہے. جیسا کہ شاہ رخ خان کے مداح پوری دنیا میں پائے جاتے ہیں اور پٹھان کا جادو ہر کسی کے سر پر چڑھا ہوا ہے ایسے میں آسٹریلوی کرکٹر بھی کسی سے پیچھے نہیں رہے. آسٹریلوی کرکٹر ڈیوڈ وارنر نے شاہ رخ‌خان کا روپ دھار لیا ہے انہوں نے پٹھان میں جو شاہ رخ خان نے روپ دھارا ہے ویسا روپ دھار کر انسٹاگرام پر تصاویر شئیر کیں. ڈیوڈ وارنر کو شاہ رخ خان کے گیٹ اپ میں دیکھ کر

    ان کے مداحوں نے خوب سراہا، اس کے علاوہ شاہ رخ خان کے مداحوں نے بھی ڈیوڈ وارنر کو خوب سراہا. یاد رہے کہ ڈئوڈ ورانر نے جو تصاویر انسٹاگرام پر شئیر کی ہیں اس میں انہوں نے مکمل طور پر شاہ رخ خآن جیسی نہ صرف ڈریسنگ کی ہے بلکہ ہئیر سٹائل بھی ویسا ہی بنایا ہوا ہے . ڈیوڈ‌وارنر کی یہ تصاویر سوشل میڈیا پر کافی وائرل ہو وہی ہیں.

  • کرن جوہر میری فلموں کے بیک گرائونڈ ڈانسرز جیسی ڈریسنگ کرتے ہیں فرح خان

    کرن جوہر میری فلموں کے بیک گرائونڈ ڈانسرز جیسی ڈریسنگ کرتے ہیں فرح خان

    بالی وڈ فلم میکر فرح‌ خان جو آج کل بگ باس 16 کے ویک اینڈ کے وار کی ہوسٹنگ کررہی ہیں اور اس وجہ سے کافی تنقید کی زد میں بھی ہیں. انہوں نے حال ہی میں دبئی میں ایک شو میں شرکت کی جہاں ان سے مختلف قسم کے سوالات ہوئے. ان کی چونکہ کرن جوہر کے ساتھ بہت اچھی دوستی ہے تو ان سے ان کے متلعق کوئی سوال ہوا تو فرح خان نے کہا کہ کرن جوہر کی ڈرینسگ میرے گانوں میں بیک گرائونڈ ڈانسرز جیسی ہوتی ہے وہ نہایت ہی مزاحیہ ڈریسنگ کرتےہیں سمجھ نہیں آتی کہ وہ ایسی ڈریسنگ کیوں‌کرتے ہیں. وہ بہت زیادہ گہرےاور چمکلیے رنگ زیب تن کرتےہیں جس کی وجہ سے ان کی ڈریسنگ مزاحیہ لگتی ہے. انہوں نے کہا کہ کرن جوہر اپنے ہی مزاج کے بندے ہیں. یوں انہوں نے کرن جوہر

    کی ڈریسنگ پر جم کر کی تنقید لیکن ہنستے مسکراتے ہوئے انہوں نے ایسا کیا. بعد میں‌یہ بھی کہا کہ کرن جوہر میرے بہت اچھے دوست ہیں ہمارا کافی پرانا تعلق ہے انہوں‌نے بہت اچھی فلمیں بنائیں. یاد رہے کہ کرن جوہر شاہ رخ خان اور فرح خان کی آپس میں گہری دوستی ہے تینوں ایک دوسرے پر مزاحیہ انداز میں تنقید کے نشتر بھی برساتے رہتے ہیں جس کو تینوں میں سے کوئی بھی سیریس نہیں‌لیتا.

  • فلموں کی ناکامی کے بعد ریسٹورانٹ کھولنے کا ارادہ کر لیا تھا شاہ رخ خان

    فلموں کی ناکامی کے بعد ریسٹورانٹ کھولنے کا ارادہ کر لیا تھا شاہ رخ خان

    بالی وڈ کنگ شاہ رخ خان جن کی آخری فلم 2012 میں ہٹ ہوئی تھی اس کے بعد ان کی کورونا سے پہلے تک جتنی فلمیں آئیں وہ فلاپ ہوئیں. شاہ رخ خان یقینا کافی پریشانی کا شکار تھے انہوں نے کورونا کی وجہ سے چار سال تک مسلسل کسی فلم میں‌کام نہیں کیا. اب چونکہ چار سال کے بعد ان کی فلم پٹھان سینما گھروں کی زینت بنی ہے وہ سپر ہٹ ہو چکی ہے. اس فلم کی کامیابی کا جشن منایا جان ابراہم ، شاہ ر‌خ خان اور دیپیکا پڈوکون نے انہوں نے ایک پریس کانفرنس رکھی اور میڈیا سے گفتگو کی ، شاہ رخ خان نے کہا کہ میری فلمیں پہ در پہ ناکام ہوئیں تو میں بہت مایوس ہو گیا تھا، اور میں‌نے سوچ لیا تھا کہ ٹھیک ہے اپنا کوئی ریسٹورانٹ کھول لیتا ہوں اورمیں نے ایسا پکا ارادہ کر لیا ہوا تھا. لیکن پٹھان کی

    کامیابی نے پوری دنیا میں بالی وڈ‌ کو ایک بار پھر زندہ کر دیا ہے اور میری فلم کے حوالے سے بائیکاٹ کے ٹرینڈز بھی چلائے گئے لیکن میں سمجھتا ہوں کہ ایسی چیزوں سے اچھی فلم کو فرق نہیں‌پڑتا. دیپیکا اور جان ابراہم نے کہا کہ فلم نے ایک ہفتے میں محض 600 کروڑ روپے کا بزنس کیا ہے ہم سب آپ کے شکر گزار ہیں .

  • الگا یاگنک کا نیا ریکارڈ‌

    الگا یاگنک کا نیا ریکارڈ‌

    سوشل میڈیا کا دور ہے اس میں کس کو کتنا سنا یا دیکھا جا رہا ہے اس کا اندازہ لگانا بہت مشکل نہیں رہا ہے. بھارتی گلوکارہ الکا یاگنک جنہوں نے 80 کی دہائی میں گلوکاری کا آغاز کیا لیکن انہیں صحیح معنوں میں شہرت نوے کی دہائی میں جا کر ملی، ان کے گیت کمارشانو کے ساتھ کافی ہٹ ہوئے. الکا یاگنک نے ایک اور ریکارڈ‌قائم کر لیا ہے . انہوں نے بی ٹی ایس اور ٹیلر سوئفٹ کو پچھے چھوڑتے ہوئے یوٹیوب پر سب سے زیادہ اسٹریم ہونے والی گلوکارہ کا اعزاز حاصل کرلیا۔گینیز ورلڈ ریکارڈز کے مطابق بھارتی پلے بیک گلوکارہ کو 2022 میں 15 اعشاریہ 3 ارب مرتبہ اسٹریم کیا گیا جس کا روزانہ اوسط 42 ملین بنتا ہے۔بھارتی گلوکار ادت نارائن 10.8 ارب، ارجیت سنگھ 10.7 ارب اور کمار سانو نے 9.09 ارب

    اسٹریمز کے ساتھ ٹاپ فائیو میں جگہ پائی۔بھارتی میڈیا کے مطابق 2022 میں الکا یاگنک کی 80 فیصد اسٹریمز انڈیا سے تھی جبکہ پاکستان سے اسے 683 ملین اسٹریمز ملی ہیں۔الکایاگنک کے کریڈٹ پر سپر ہٹ گیت ہیں انہوں نے جو گیت گائے انہیں آج بھی سنا جاتا ہے. اور آج بھی ان کے مداح ان کو سننے کے لئے بےتاب رہتے ہیں. ویسے تو ان کے تمام گیت ہی مداحوں کو یاد ہیں لیکن ایک دو تین گانا ہو یا دل والے کے گیتوں کو آج بھی بہت زیادہ سنا جاتا ہے.

  • کیا زینب شبیر اور اسامہ خان کی شادی ہو چکی ہے؟ِ دونوں بول پڑے

    کیا زینب شبیر اور اسامہ خان کی شادی ہو چکی ہے؟ِ دونوں بول پڑے

    اداکار زینب شبیر اور اسامہ خان اکثر ایک دوسرے کے ساتھ دیکھے جاتےہیں دونوں ہر جگہ ایک ساتھ سفر کرنے کے علاوہ سوشل میڈیا پر اپنی تصاویر بھ یشئیر کرتے رہتےہیں. تصاویر اور ان کا ہر وقت ایک دوسرے کے ساتھ رہنے کے عمل کو دیکھنے کے بعد سوشل میڈیا پر یہی اندازہ لگایا جا رہا ہے کہ ان دونوں نے شادی کر لی ہے. دونوں سے ایک بار ندا یاسر نے بھی اپنے شو میں پوچھا تھا کہ کیا آپ دونوں نے شادی کر لی ہے تو دونوں نے انکار کر دیا تھا. حال ہی میں ان دونوں نے واسع چوہدری کے پروگرام میں شرکت کی وہاں بھی ان سے جب یہ سوال ہوا کہ کیا آپ دونو‌ں نے شادی کرلی ہے تو انہوں نے جواب دیا کہ نہیں ایسا بالکل بھی نہیں ہے ہم نے شادی نہیں کی ، ہم ایک دوسرے کے بہت اچھے دوست ہیں ایک ساتھ کئی ڈراموں میں‌

    کام کیا ہے بلکہ ایک ساتھ ہی شوبز کیرئیر کا آغاز کیا. ہمارے درمیان اچھی دوستی ہے جسے لوگ اکثر شادی کا ہی رنگ دیتے ہیں. شادی چھپانے والا عمل نہیں ہے جب کریں گے تو یقینا بتا دیں گے لیکن ابھی ایسا بالکل بھی کچھ نہیں ہے لوگ غلط اندازے لگا رہے ہیں. ایک دوسرے کے ساتھ کوالٹی ٹائم گزارنے کے مطلب یہ نہیں کہ انہیں سکینڈلائز ہی کر دیا جائے.