Baaghi TV

Tag: news

  • سلمان خان کو موقع ملے تو وہ کن تین سٹارز کو بگ باس میں بطور کنٹیسٹٰنٹ لائیں گے ؟‌

    سلمان خان کو موقع ملے تو وہ کن تین سٹارز کو بگ باس میں بطور کنٹیسٹٰنٹ لائیں گے ؟‌

    رئیلٹی شو بگ باس جس کی میزبانی کے فرائض بالی وڈ‌ اداکار سلمان خان گزشتہ 13 برس سے کررہے ہیں. اس شو کی مقبولیت میں سلمان خان کا کی میزبانی کا بہت بڑا ہاتھ ہے. ان سے پہلے بھی اس شو کی میزبانی امیتابھ بچن اور شلپا شیٹی کر چکے ہیں لیکن سلمان خان کی میزبانی ہی شائقین کو قبول ہے. بگ باس میں پہلی بار اداکارہ و میزبان سیمی گریوال نے شرکت کی . انہوں نے جہاں گھر کے تمام لوگوں سے سوالات کئے وہیں سلمان خان کے ساتھ بھی ان کا ایک سیشن رکھا گیا جس میں انہوں نے ان سے مختلف سوال کرنے کے ساتھ کہا کہ آپ دنیا کے بہترین میزبان ہیں .

    سیمی نے ان سے پوچھا کہ آپ کو موقع ملے تو آپ کن تین بالی وڈ سٹارز کو بگ باس میں لانا چاہیں گے. تو انہوں نے کہا کہ سنجے دت ، کترینہ کیف اور شاہ رخ خان کو گھر میں لانا چاہوں گا. میں چاہوں گا کہ یہ تینوں گھر میں آئیں ، سلمان خان نے یہ جواب دیکر یہ بھی ظاہر کیا کہ یہ تینوں فنکار ان کے بہترین دوست ہیں. یاد رہے کہ بگ باس بھارت کا وہ رئیلٹی شو ہے جسے بڑی تعداد میں پسند کیا جاتا ہے اس میں حصہ لینے والے تقریبا پارٹیسیپینٹس نے بہت شہرت پائی.

  • برسبین ون ڈے؛ آسٹریلیا کی پاکستان کو 8 وکٹوں سے شکست

    برسبین ون ڈے؛ آسٹریلیا کی پاکستان کو 8 وکٹوں سے شکست

    برسبین ون ڈے؛ آسٹریلیا کی پاکستان کو 8 وکٹوں سے شکست

     آسٹریلیا ویمن کرکٹ ٹیم نے پہلے ون ڈے میں ڈک ورتھ لوئس طریقہ کے تحت پاکستان ویمن ٹیم کو 8 وکٹوں سے شکست دے دی۔ برسبین میں کھیلے گئے پہلے ون ڈے کو بارش کے باعث 40 اوورز تک محدود کیا گیا۔ پاکستان ویمن ٹیم پہلے بیٹنگ کرتے ہوئے 8 وکٹوں کے نقصان پر 160 رنز بنا سکی۔ قومی ٹیم کی جانب سے ندا ڈار 59 رنز بنا کر نمایاں رہیں۔

    میزبان آسٹریلیا نے دو وکٹوں کے نقصان پر 161 رنز کا ہدف 29ویں اوور کی پانچویں گیند پر حاصل کر لیا۔ فوبی لیچ فیلڈ نے 78 رنز اور کپتان میگ لیننگ نے 67 رنز کی اننگز کھیلی۔ تین میچز پر مشتمل سیریز کا دوسرا ون ڈے 18 جنوری کو برسبین میں ہی کھیلا جائے گا جبکہ تیسرا ون ڈے 21 جنوری کو سڈنی میں ہوگا۔ ٹی ٹوئنٹی سیریز 24 جنوری سے شروع ہوگی۔

    مزید یہ بھی پڑھیں؛
    کنگ عبدالعزیز سٹریٹ دنیا کی سب سے طویل خطاطی والی دیوار بن گئی
    سعودی عرب میں افراطِ زرکی شرح 3.3 فی صد؛ مکانات کی وجہ سے مہنگائی میں اضافہ
    کراچی کے بلدیاتی انتخابات کے نتائج میں تاخیر ،پیپلز پارٹی آگے
    پیپلز پارٹی اور الیکشن کمیشن نے دھاندلی کے سارے ریکارڈ توڑے ہیں: مسرت جمشید

    جبکہ خیال رہے کہ اس سے قبل گزشتہ دنوں نیوزی لینڈ نے بلے بازوں کی ذمہ دارانہ کارکردگی کی بدولت پاکستان کو تین میچوں کی سیریز کے تیسرے اور فیصلہ کن میچ میں 2 وکٹوں سے شکست دے میچ کے ساتھ ساتھ سیریز بھی 1-2 سے اپنے نام کرلی۔ اس سے قبل پاکستان نے فخر زمان کی سنچری اور محمد رضوان کی نصف سنچری کی بدولت نیوزی لینڈ کے خلاف مقررہ 50 اوورز میں 9 وکٹوں پر 280 رنز بنائے تھے۔

    کراچی میں کھیلے گئے سیریز کے تیسرے اور فیصلہ کن ون ڈے میچ میں پاکستان نے ٹاس جیت کر نیوزی لینڈ کو باؤلنگ کی دعوت دی۔ ٹاس کے موقع پر بابر اعظم نے کہا کہ وکٹ بیٹنگ کے لیے سازگار لگ رہی ہے اس لیے ہم زیادہ سے زیادہ رنز بنانے کی کوشش کریں گے۔

    پاکستانی اوپنرز نے ایک مرتبہ پھر ناقص آغاز فراہم کیا، اس دفعہ سیریز میں اپنا پہلا میچ کھیلنے والے شان مسعود دوسرے اوور میں صفر پر فرگوسن کی وکٹ بن گئے۔ کپتان بابر اعظم بھی جلدی آؤٹ ہوئے، کیوی باؤلر بریسویل نے میزبان ٹیم کے کپتان کو ساتویں اوور میں اس وقت آؤٹ کیا جب ٹیم کا اسکور محض 21 رنز تھا اور انہوں نے صرف 4 رنز بنائے تھے۔

  • چین میں کورونا وائرس سے نو سو ملین لوگ متاثر

    چین میں کورونا وائرس سے نو سو ملین لوگ متاثر

    چین میں کورونا وائرس سے نو سو ملین لوگ متاثر

    چین میں محکمہ صحت کے حکام نے کہا ہے کہ کورونا وائرس کے باعث ملک میں تقریباً 60 ہزار افراد ہلاک ہوئے ہیں۔‘ فرانسیسی نیوز ایجنسی اے ایف پی کے مطابق چین کی حکومت نے دسمبر میں کورونا وائرس کے حوالے سے پابندیاں ہٹانے کے بعد پہلی مرتبہ اموات کی تعداد بتائی ہے. نیشنل ہیلتھ کمیشن میں بیورو آف میڈیکل ایڈمنسٹریشن کے سربراہ جیاؤ یاہوی نے سنیچر کو پریس کانفرنس میں بتایا کہ ’8 دسمبر 2022 سے 12 جنوری 2023 تک 59 ہزار 938 افراد ہلاک ہوئے. جبکہ ممکمل طور 9 سو ملین لوگ متاثر ہوئے ہیں.

    جبکہ اس میں کچھ تعداد سرکاری ہسپتالوں میں ہلاک ہونے والے افراد کی ہے اور یہ تعداد اس سے زیادہ ہو سکتی ہے۔ ان کا کہنا تھا کہ ان میں سے پانچ ہزار 503 اموات براہ راست کورونا وائرس کی وجہ سے اور 54 ہزار 435 اموات کورونا اور دیگر بیماریوں کی وجہ سے ہوئیں۔ گذشتہ برس دسمبر میں کورونا پابندیاں ختم کرنے کے بعد چین پر الزام لگایا جاتا رہا تھا کہ اس نے اموات کی درست تعداد نہیں بتائی۔
    مزید یہ بھی پڑھیں؛
    کنگ عبدالعزیز سٹریٹ دنیا کی سب سے طویل خطاطی والی دیوار بن گئی
    سعودی عرب میں افراطِ زرکی شرح 3.3 فی صد؛ مکانات کی وجہ سے مہنگائی میں اضافہ
    کراچی کے بلدیاتی انتخابات کے نتائج میں تاخیر ،پیپلز پارٹی آگے
    پیپلز پارٹی اور الیکشن کمیشن نے دھاندلی کے سارے ریکارڈ توڑے ہیں: مسرت جمشید
    چین نے اس سے قبل کورونا کی وجہ سے ہونے والی اموات کی کیٹیگری تبدیل کرتے ہوئے کہا تھا کہ ’وہ صرف انہی افراد کی ہلاکت کو شمار کرے گا جو کورونا کی وجہ سانس کی تکلیف میں مبتلا ہو کر ہلاک ہوں گے۔ تاہم عالمی ادارہ صحت نے اس پر تنقید کی تھی۔ ڈبلیو ایچ او کے سربراہ ٹیڈروس ایڈہانم نے کہا تھا کہ ’ان کا ادارہ چین سے کورونا کی وجہ سے ہونے والی ہلاکتوں اور ہسپتالوں میں داخل ہونے والے مریضوں کا قابل اعتبار ڈیٹا فراہم کرنے کا کہہ رہا ہے۔

    چینی محکمہ صحت کے حکام نے سنیچر کو کہا کہ ’ہلاک ہونے والے افراد کی اوسط عمر 80.3 برس ہے جن میں سے 90 فیصد افراد ایسے تھے جن کی عمر 65 برس سے زیادہ تھی۔ واضح رہے کہ چین میں 60 برس سے زائد عمر کے لاکھوں افراد کو ویکسین نہیں لگائی گئی۔

  • کنگ عبدالعزیز سٹریٹ دنیا کی سب سے طویل خطاطی والی دیوار بن گئی

    کنگ عبدالعزیز سٹریٹ دنیا کی سب سے طویل خطاطی والی دیوار بن گئی

    کنگ عبدالعزیز سٹریٹ دنیا کی سب سے طویل خطاطی والی دیوار بن گئی، مسجد حرام کے راستے عربی خطاطی سے مزین دیواریں

    مکہ مکرمہ کی سڑکوں پر روشن رنگوں میں عربی خطاطی سے مزین دیواروں نے شاندار جمالیاتی ذوق پیدا کر دیا ہے۔ عربی خطاطی کے فن کی مختلف شکلوں اور نمونوں کے ساتھ ان دیواروں نے زائرین کی زبردست توجہ حاصل کرلی ہے۔ کیپیٹل سیکریٹریٹ نے مکہ مکرمہ میں محبس الجن میں کنگ عبدالعزیز سٹریٹ پر دنیا کی سب سے طویل خطاطی والی دیوار بنا ڈالی ہے۔ رنگ و حروف سے تخلیق کردہ فن سے آراستہ یہ دیوار مقدس ترین مقام مسجد حرام کی طرف جاتی ہے۔ کنگ عبد العزیز سٹریٹ وہ خوبصورت نظارہ پیش کر رہی ہے جو لوگوں کے ورثہ، نظریات، تاریخ اور ثقافتی پیغام کو اپنے اندر لئے ہوئے ہے۔

    دیوار وں پر ایک جمالیاتی پیغام ہے جو اچھے ذوق والی نظروں کو اپنی طرف مائل کر لیتا ہے۔ یہ دیواریں دستاویزی کاموں میں سے ایک کام کی نمائندگی کرتی ہیں جو خوشبو دار ماضی اور اصلیت سے متعلق ہیں۔ یہ ماضی کے تمام معانی کی حالت میں بات کر رہی ہیں ۔ یاد رہے دیوار آرٹ کو انسانی فن کی قدیم ترین شکلوں میں سے ایک کے طور پر جانا جاتا تھا۔ اس کی نشاندہی دنیا بھر کی قدیم ترین انسانی بستیوں میں غار کی پینٹنگز سے ہوتی ہے۔ قبل از تاریخ دور میں بھی دیواروں پر فن کا اظہار کیا جاتا تھا۔ قدیم انسانوں کی جانب سے دیواروں پر خاکہ کو مجسم کیا گیا تھا۔ تاریخ میں دیواروں پر ڈیزائن ہی اولین انسانی فنون میں سے ایک قرار دیا جاتا ہے۔

    یاد رہے مکہ مکرمہ کی میونسپلٹ مجسمہ سازی اور جمالیاتی نمونوں کی سرگرمی کے اندر دیواروں پر خاکے بنانے اور عربی حروف بنانے کے مقابلے کا انعقاد کرتی ہے۔ عربی خطاطی عرب اور اسلامی تہذیب کے اہم ترین مظاہر میں سے ایک ہے۔ عربی خطاطی کی بڑی وابستگی قرآن کریم سے بھی ہے۔ عربی خطاطی سب سے اہم تحریری اور بصری فنون میں سے ایک ہے ۔

  • روزا لکسمبرگ:فلسفی، ماہر معاشیات

    روزا لکسمبرگ:فلسفی، ماہر معاشیات

    پیدائش:05 مارچ 1871ء
    زاموسک
    وفات:15 جنوری 1919ء
    برلن
    وجۂ وفات:شوٹ
    طرز وفات:قتل
    شہریت:جرمنی
    سلطنت روس
    مادر علمی:جامعہ زیورخ
    زبان:جرمن

    روزا لکسمبرگ، جن کا مکمل نام روزالہ لکسمبرگ تھا، 5 مارچ 1871ء کو پیدا ہوئیں۔ آپ مارکس کے نظریہ سے متاثر تھیں اور ایک فلسفی، ماہر معاشیات اور پولینڈ کی یہودی تحریکوں کی کارکن تھیں، جو بعد میں ایک جرمن شہری بھی رہیں۔ روزا لکسمبرگ پولینڈ اور لیتھویانا کی سماجی جمہوریت، جرمن سماجی و جمہوری پارٹی، جرمنی کی سماج و جمہور پارٹی اور جرمنی کی کمیونسٹ پارٹی کی کارکن رہیں۔

    1915ء میں جب جمہور پارٹی نے جرمنی کی جنگ عظیم دوم میں شرکت کی حمایت کی تو روزا لکسمبرگ نے جنگ کے خلاف ایک اتحاد سپارتیس لیگ کے نام سے تشکیل دیا۔ یکم جنوری 1919ء کو یہ لیگ جرمنی کے کمیونسٹ پارٹی میں تبدیل کر دیا گیا۔ نومبر 1918ء میں جب جرمنی میں انقلاب برپا ہوا تو روزا لکسمبرگ نے سرخ جھنڈا کے نام سے ایک تحریک شروع کی جو سارتیس لیگ کی جدوجہد کا ہی حصہ تھی۔
    15 جنوری 1919ء کو ان کی وفات ہوئی۔

  • مارٹن لوتھر کنگ: یکساں شہری حقوق کا داعی

    مارٹن لوتھر کنگ: یکساں شہری حقوق کا داعی

    مارٹن لوتھر کنگ

    15 جنوری : یوم وفات
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    امریکی پادری مارٹن لوتھر کنگ جونیئر کالے امریکیوں کیلئے یکساں شہری حقوق کی تحریک کے اہم رہنما تھے۔ وہ اٹلانٹا، جارجیا میں 15 جنوری 1929ء کو پیدا ہوئے اور دوسرے سیاہ فاموں کی طرح تعصب کا نشانہ بنتے رہے۔

    انہوں نے 1955ء کے منٹگمری بس بائیکاٹ کی قیادت کی ۔۔۔ بس بائیکاٹ کی یہ تحریک یکم دسمبر 1955ء کو منٹگمری، الاباما میں روزا پارکس کے بس ڈرائیور کے اس حکم کو ماننے سے انکار پر چلائی گئی تھی کہ وہ سیاہ فاموں کے لیے مختص بس کے حصے میں اپنی سیٹ سفید فام مسافر کیلئے چھوڑ دیں۔امریکی کانگریس نے بعد میں روزا پارکس کو ” شہری حقوق کی خاتون اول” اور ” تحریک آزادی کی ماں” قرار دیا تھا۔
    کنگ کی کوششوں کے نتیجے میں 1963ء میں واشنگٹن کی جانب مارچ کیا گیا، جہاں کنگ نے اپنی شہرۂ آفاق تقریر "میرا ایک خواب ہے” کی اور امریکا کی تاریخ کے عظیم ترین مقررین میں سے ایک کہلائے۔۔ ملاحظہ ہو اقتباس :
    I have a dream that one day this nation will rise up and live out the true meaning of its creed “We hold these truths to be self-evident, that all men are created equal.”

    I have a dream that one day on the red hills of Georgia , the sons of former slaves and the sons of former slave owners will be able to sit down together at the table of brotherhood.

    I have a dream that my four little children will one day live in a nation where they will not be judged by the color of their skin but by the content of their character.

    I have a dream that one day right there in Alabama little black boys and black girls will be able to join hands with little white boys and white girls as sisters and brothers.

    شہری حقوق کی مہم کے حوالے سے عوامی شعور اجاگر کرنے اور 1964 میں نسلی تفریق اور امتیاز کےخلاف شہری نافرمانی کی تحریک چلانے اور پرامن انداز احتجاج اپنانے پر لوتھر کنگ کو نوبل امن انعام سے نوازا گیا۔ وہ اس اعزاز کو حاصل کرنے والے سب سے کم عمر شخص تھے۔ 1968ء میں اپنے قتل سے پہلے غربت کے خاتمے اور جنگ ویت نام کی مخالفت کے لیے کوششیں کیں۔ 4 اپریل 1968ء کو میمفس، ٹینیسی میں لوتھر کنگ کو قتل کردیا گیا۔
    ان کے کچھہ اقوال:

    ۔۔ ستارے صرف تاریکی میں نظر آتے ہیں۔

    ۔۔۔ میں نے محبت کا ساتھہ دینے کا فیصلہ کیا ہے۔ نفرت کا بوجھہ اتنا زیادہ ہے کہ نہیں اٹھا سکتا۔

    ۔۔۔ جو فرد کسی مقصد کے لیے مر نہیں سکتا وہ زندہ رہنے کے لیے موزوں نہیں۔

    ۔۔۔ ہماری زندگی اس دن ختم ہونا شروع ہوتی ہے جب ہم ، اہم معاملات پر خاموشی اختیار کر لیتے ہیں۔

    ۔۔۔ معاف کرنا وقتی عمل نہیں، ایک مستقل رویہ ہے۔

    ۔۔۔ ہم تاریخ بناتے ہیں، مگر تاریخ بھی ہمیں بناتی ہے۔

    ۔۔۔ محبت ہی وہ طاقت ہے جو دشمنی کو دوستی میں بدل سکتی ہے۔

    ۔۔۔ جو معاف کرنے کے قابل نہیں وہ محبت کرنے کے بھی قابل نہیں۔

  • ہمیں راکھی کے اسلام قبول کرنے پر اعتراض نہیں راکھی کا بھائی راکیش

    ہمیں راکھی کے اسلام قبول کرنے پر اعتراض نہیں راکھی کا بھائی راکیش

    بالی وڈ اداکارہ راکھی ساونت جو جب سے شوبز انڈسٹری میں آئی ہیں وہ کسی نہ کسی کنٹرورسی میں گھری رہتی ہیں. وہ جہاں جاتی ہیں اپنے ساتھ کنٹرورسی کو لیجاتی ہیں . وہ گزشتہ چند روز سے ہیں خبروں میں . انہوں نے جیسے ہی عادل کے ساتھ اپنی شادی کا اعلان کیا تو عادل اپنی فیملی کے ڈر سے مکر گئے لیکن بعد میں ان کو اعتراف کرنا پڑا کہ انہوں نے راکھی کے ساتھ شادی کی ہے. عادل کے ساتھ شادی کرنے کے لئے راکھی نے اسلام تک قبول کر لیا اور اپنا نام فاطمہ رکھ لیا یوں اب راکھی کا نام فاطمہ درانی ہے. راکھی کی شادی اور اس کے مسلمان ہونے پر ان کے

    بھائی راکیش کا بھی رد عمل سامنے آ گیا ہے انہوں نے کہا ہے کہ راکھی نے ساری زندگی بہت دکھ دیکھے ہیں پریشانیاں اٹھائی ہیں. پتہ نہیں ان کی قسمت ان کے ساتھ ہر بار ایسا کیوں کرتی ہے کہ وہ جب بھی شادی کرتی ہیں پریشانیوں میں گھر جاتی ہیں. انہوں نے کہا کہ مجھے راکھی کے مسلمان ہو نے کا نہیں پتہ لیکن اگر انہوں نے اسلام قبول کیا ہے تو یہ ان دونوں میاں بیوی کا معاملہ ہے ہم اس پر بات کیوں کریں. میری بہن گھر میں سب سے چھوٹی ہے لیکن اس نے ساری زندگی بہت دکھ اٹھائے ہیں . ہم اسکی خوشیوں کے لئے دعا گو ہیں .

  • واسع چوہدری شوبز میں کیسے آئے ؟‌

    واسع چوہدری شوبز میں کیسے آئے ؟‌

    احمد واسع نے اپنے حالیہ انٹرویو میں بتایا ہے کہ وہ شوبز میں کیسے آئے . انہوں نے کہا کہ میرے ایک کزن حسیب خان تھے وہ اداکاری کرتے تھے میں ایک دن اس کے ساتھ شوٹنگ پر گیا ، ان کے سیٹ پر ایک گارڈ کا رول کرنے والا نہ آیا میں وہاں کھڑا تھا ، حسیب سے اس کے ڈائریکٹر نے کہا کہ یہ گارڈ کا رول کر لے گا ؟‌تو اس نے مجھ سے پوچھا میں نے ہاں بول دیا پندراں سیکنڈ کا کردار کیا اس کے بعد بس سلسلہ چل نکلا. انہوں نے کہا کہ لاہور سے کامیڈی بن کر کراچی جایا کرتی تھی لیکن ایک وقت آیا کہ کراچی کے کچھ چینلز نے کامیڈی سٹ کامز لینا بند کر دئیے یوں پھر کس کے لئے کامیڈی سٹ کامز بنائے جاتے اس چیز نے لاہور سے بننے والے کامیڈی پراجیکٹس کو ایک بڑا دھچکا لگایا. واسع چوہدری نے کہا کہ اچھی کامیڈی کی جائے تو بہت مشکل ہے بری کی جائے تو بہت آسان ہے. انہوں نے مزید کہا کہ میں نے میں ہوں شاہد آفریدی ، جوانی

    پھر نہیں آنی ون اور ٹو لکھی. میں نے ہمایوں سعید کو ایک دن کہا کہ ایک کہانی ذہن میں آئی ہے سیریل بنا لو اس نے کہانی سن کر کہا کہ نہیں یہ تو فلم بنی گی جب ہمایوں نے ایسا کہا کہ فلم بنے گی تو میں نے سوچا کہ بس اب یہ سیریل بھی نہیں بنے گا . ہم میں ہوں شاہد آفریدی میں لگ گئے اس کے بعد ہمایوں نے کہا کہ تم نے ایک آئیڈیا سنایا تھا اس پر فلم بناتے ہیں پھر میں ندیم بیگ اور ہمایوں سعید ایک ساتھ بیٹھے اور فلم پر کام شروع کر دیا میں نے فلم لکھی بنی اور سپر ہٹ ہو گئی .

  • سونم کپور ممبئی کی ٹریفک سے بیزار

    سونم کپور ممبئی کی ٹریفک سے بیزار

    انیل کپور کی بیٹی بالی وڈ اداکارہ سونم کپور جو کہ بغیر سوچے سمجھنے بولنے پر مشہور ہیں. انہوں نے اپنے ھالیہ انٹرویو میں کہا ہے کہ میں ممبئی میں رہتی ہوں اور کہیں جانا ہو تو اتنا وقت لگ جاتا ہے آدھے گھنٹے کا سفر تین گھنٹوں میں طے ہوتا ہے . انہوں نے ایک ٹویٹ کے زریعے کہا کہ میں ممبئی کی آلودگی اور ٹریفک سے بہت بیزار ہوں شہر میں‌جگہ جگہ تعمیراتی کام ہو رہے ہیں اور آلودگی شہر میں بہت زیادہ بڑھ چکی ہے یہ سب کیا ہو رہا ہے. یوں سونم کپور برس پڑیں اپنے ہی شہر کی ٹریفک اور آلودگی پر. سونم کپور پہلی اداکارہ نہیں ہیں جنہوں نے ممبئی کی ٹریفک پر بات کی ہے اس سے پہلے بھی بہت سارے بالی وڈ اداکار ممبئی کی

    ٹریفک پر بات کر چکے ہیں. یاد رہے کہ سونم کپور نے بیٹی کی پیدائش کے بعد بالی وڈ کی فلموں سے کچھ عرصہ کے لئے بریک لیا ہے وہ کہتی ہیں کہ میں ابھی اپنے بے بی پر توجہ دے رہی ہوں تاہم فلموں میں‌کام کرنا نہیں چھوڑوں گی. میں نے ابھی یہ بھی پلان نہیں کیا کہ میری بیٹی کہاں تعلیم حاصل کریگی لندن یا ممبئی .

  • میں نے نہیں شوبز نے میرا انتخاب کیا ہے طوبی انور

    میں نے نہیں شوبز نے میرا انتخاب کیا ہے طوبی انور

    عامر لیاقت حسین کی سابقہ اہلیہ طوبی انور نے حال ہی میں ایک انٹرویو دیا ہے اس میں انہوں نے کہا کہ میں نے کبھی سوچا نہیں تھا کہ میں ماڈلنگ کروں گی یا اداکاری کروں گی . انہوں نے کہا کہ مجھے ماڈلنگ کی بہت زیادہ آفرز آتی رہیں ، پھر میں‌نے بھی سوچ لیا کہ ٹھیک ہے اتنی آفرز آرہی ہیں تومیں‌کرکے دیکھ لیتی ہوں ماڈلنگ کی تو اچھا لگا پھر مجھے مزید آفرز آنے لگیں اور یوں کام چل نکالا . اس کے بعد اداکاری کی بھی آفرز آنے لگیں پھر میں نے اداکاری میں بھی قسمت آزمائی تو یہاں بھی مجھے کامیابی ملی . طوبی انور نے کہا کہ میں نے تھوڑا سا وقفہ دینے کے بعد پھر سے اداکاری شروع کر دی ہے ، صبح دس بجے کام شروع ہوتا ہے اور رات کو دس بجے ختم ہوتا ہے یوں صبح سے لیکر شام تک کام

    کرنا پڑتا ہے اور کرتی ہوں خوشی سے. لیکن اتنی مصروفیت میں خود کے لئے وقت ہی نہیں ملتا یہ ہی دوستوں کے ساتھ بات کرنے اور ملنے کا موقع ملتا ہے لیکن پھر بھی میں اپنی زندگی میں کافی زیادہ خوش ہوں . یاد رہے کہ طوبی انور کو اس وقت شہرت ملی جب انہوں نے ڈاکٹر عامر لیاقت کے ساتھ شادی کی . انہوں نے بہت جلد ہی اپنے شوہر سے خلع لے لی تھی اور کام سے بھی بریک لے لیا تھا.