Baaghi TV

Tag: news

  • طلاق کے بعد بھی ساس سے کھانا بنوا کر لیجاتی ہوں فضا علی

    طلاق کے بعد بھی ساس سے کھانا بنوا کر لیجاتی ہوں فضا علی

    اداکارہ فضا علی جن کی ان کے شوہر فواد کے ساتھ طلاق ہوچکی ہے انہوں نے اپنے حالیہ انٹرویو میں کہا ہے کہ میری طلاق ہو چکی ہے لیکن اولاد کے لئے بہت کچھ کرنا پڑتا ہے. میری اس کے باپ سے ملاقات صرف بیٹی کے لئے ہوتی ہے. میں نے کہیں جانا ہو تو میں اپنے گھر میں بچی کو اکیلا چھوڑ کر جانے کی بجائے اپنے سابق شوہر کو کال کرتی ہوں کہ گھر کے باہر گیٹ پر آجائو بچی کو لیجائو مجھے کام سے جانا ہے. انہوں نے کہا کہ طلاق سے پہلے اور بعد میں بھی میرے سابق شوہر نے میرا بہت خیال رکھا. اس نے ہمیشہ مجھ سے تہذیب سے بات کی. میری ساس نے میرے بہت لاڈ اٹھائے ، انہوں نے مجھے بیٹی کی طرح رکھا بہو تو کبھی سمجھا ہی نہیں. فضا علی نے کہا کہ میں آج بھی اگر مصروف ہوں یا

    کہیں‌باہر کے ملک سے واپس آئوں تو لینڈ کرتے ہی ساس کو فون کرتی ہوں کہ جو بھی بنایا ہے ڈبے میں ڈال دیں‌مجھے کھانا ہے. طلاق کے بعد میں نے فواد کے گھر کی دہلیز پار نہیں کی. لیکن بچی کے لئے جو کام کرنے ہیں وہ گھر کے باہر سے ہم دونوں کر لیتے ہیں. فضا نے کہا کہ میرے سابق شوہر کو بہت فکر ہوتی ہے کہ بیٹی کی فیس گئی ہے یا نہیں ، یا وہ سکول جاتی ہے تو ڈرائیور نے کیسے گاڑی چلائی ہو گی. فضا نے کہا کہ میرا سابق شوہر میرا اور میری بیٹی کا پورا پورا خیال رکھتا ہے.

  • قائداعظم زندہ بعد کل ٹی وی پر دیکھی جا سکے گی

    قائداعظم زندہ بعد کل ٹی وی پر دیکھی جا سکے گی

    نبیل قریشی کی ڈائریکشن میں بنی فلم قائداعظم زندہ باد جس نے گزشتہ سال سینما گھروں میں میلہ لوٹ لیا. یہ فلم کل ٹی وی پر لگنے جا رہی ہے. ماہرہ خان اور فہد مصطفی کے مداحوں کے لئے یقینا خوشخبری ہے جنہوں نے اس فلم کو پہلے سینما گھروں میں جا کر نہیں‌دیکھا وہ اب اس فلم کو اپنے گھروں کی سکرین پر دیکھ سکیں گے. فلم پاکستان سے محبت کے جذبے کو ابھارتی ہے . کہانی کو بہت ہی خوبصورت انداز میں‌لکھا گیا ہے. تمام اداکاروں نے بہترین اداکاری کی ہے. فلم میں مختلف قسم کے ایفکیٹس کا استعمال کیا گیا ہے جسے دیکھنے والوں کو نے بہت سراہا. اس فلم کے ساتھ گزشتہ برس ہمایوں سعید کی لندن نہیں‌جائونگا لگائی گئی ، دونوں فلموں نے اچھا خاصا بزنس کیا. اس فلم کے زریعے فہد مصطفی اور ماہرہ خان

    پہلی بار شائقین کو ایک ساتھ نظر آئے. فلم میں‌قوی خان نے ایک ایسے باپ کا کردار ادا کیا جو اپنے بیٹے کو وطن سے محبت کرنا سکھاتا ہے لیکن جب وہ دیکھتا ہےکہ اس کا بیٹا ایسا نہیں‌کررہا تو وہ دل شکستہ ہوجاتا ہے. فلم کا میوزک بھی کافی اچھا ہے ماہرہ خان اور فہد مصطفی کے ڈانسز نے گانوں کو خوب سجایا ہے. نئیر اعجاز نے اس میں ولن کا کردار بخوبی ادا کیا ہے.

  • گوہر خان نے کس اداکار کے زریعے پاکستانیوں کو پیار کا پیغام بھجوایا؟

    گوہر خان نے کس اداکار کے زریعے پاکستانیوں کو پیار کا پیغام بھجوایا؟

    بالی وڈ کی نامور اداکارہ و ماڈل گوہر خان جو کہ پاکستان میں بھی کافی مقبول ہیں، بالی وڈ کی فلموں میں آئٹم سانگز کرنے کے ساتھ ساتھ رئیلٹی شو بگ باس کا بھی حصہ رہیں. انہوں نے بگ باس کی جیت کا ٹائٹل اپنے نام کیا. گوہر خان معروف فلم میکر کرن جوہر ہی منگیتر بھی رہ چکی ہیں. گوہر خان کو بالی وڈ میں خاصی عزت کی نگاہ سے دیکھا جاتا ہے انہوں نے معروف میوزیشن اسماعیل دربار کے بیٹے سے شادی رچائی ہے. پاکستانی اور انڈین شوبز سلیبرٹیز کا دبئی یا دیگر ملکوں میں مختلف تقریبات میں آمنا سامنا ہوتا ہی رہتا ہے. گزشتہ دنوں آریان خان اور سعدیہ خان کی ملاقات ہوئی اسی طرح سے اب گوہر خان اور پاکستانی اداکار یاسر حسین کی ملاقات ہوئی ہے. اس ملاقات کی تصویر خود گوہر خان نے اپنے

    سوشل میڈیا اکائونٹ سے جاری کی ہے. اور لکھا ہے کہ یاسر حسین کے ساتھ ملاقات بہت ہی اچھی رہی ہے اور میں ان کے زریعے اپنے پاکستانی مداحوں کو بہت سارا پیار بھیج رہی ہوں. واضح رہے کہ یاسرحسین پاکستان کی شوبز انڈسٹری کی وہ شخصیت ہیں جو بغیر سوچے سم جھے بولتے ہیں.وہ کبھی بھی کہیں بھی کچھ بھی بول دیتے ہیں. یہی وجہ ہے کہ تنقید کی زد میں بھی رہتےہیں.

  • مسلمان نہ ہوتا تو بچ جاتا شیزان خان

    مسلمان نہ ہوتا تو بچ جاتا شیزان خان

    ٹی وی اداکارہ تنیشا کی خود کشی کے بعد اداکار شیزان خان کے گرد دن بہ دن گھیرا تنگ ہو رہا ہے، اس کیس کی ھالیہ سماعت کے دوران شیزان خان کے وکیل نے عدالت میں‌ کچھ پیپرز جمع کروائے جن کے مطابق تنیشا جے پور کے کسی ڈاکٹر کی ہدایات کے مطابق کچھ دوائیاں لے رہی تھی. جبکہ تنیشا کے وکیل کا کہنا ہے کہ یہ دوائیاں شیزان خان کی ماں انہیں دیتی رہی ہے. شیزان خان کا کہنا ہے کہ مجھے ان کی والدہ نے ایکبار کہا تھا کہ یہ دوائیاں لا دو ڈاکٹر کا کہنا ہے کہ تنیشا کے لئے یہ دوائیاں بہت ضروری ہیں اور ایکبار انہوں نے مجھے کہا تھا کہ سیٹ پر یہ دوائیاں تنیشا کو دے دینا. دوسری طرف شیزان خان کی ضمانت پر فیصلہ محطفوظ ہو چکا

    ہے دیکھنا یہ ہے کہ شیزان خان کو ریلیف ملتا ہے یا نہیں‌. تنیشا کے وکیل کا کہنا ہے کہ شیزان خان کی طرف سے عدالت میں‌ جو پیپرز جمع کروائے گئے ہیں اس کے مطابق یہ لوگ خود ہی پھنس رہے ہیں‌. اب دیکھنا یہ ہے کہ یہ کیس کس طرف جاتا ہے اور تنیشا کی خود کشی شیزان خان پر ڈال دی جاتی ہے یا نہیں . انتہا پسند ہندئوں کی پوری کوشش ہے کہ شیزان خان کو اس کیس میں سزا ہوجائے.

  • شوہر اگر بیوی کو ہاتھ سے کھانے کا نوالہ کھلا دے تو ماں ہی خلاف ہوجاتی ہے کاشف محمود

    شوہر اگر بیوی کو ہاتھ سے کھانے کا نوالہ کھلا دے تو ماں ہی خلاف ہوجاتی ہے کاشف محمود

    اداکار کاشف محمود نے کہا ہے کہ مجھے بہت افسوس ہوتا ہے جب میں جا بجا گندگی دیکھتا ہوں. مجھے ایک بہت اچھے سکول نے بطور مہمان اپنے سکول بلایا میں گیا وہاں پر تو کیا دیکھتا ہوں کہ بچوں‌نے کھا پی کر چیزوں کے ریپر جا بجا پھینکے ہوئے ہیں ، ایسا لگ رہا تھا کہ جیسے بچوں کو سکھایا ہی نہیں گیا کہ یوں گندگی نہیں‌ پھیلانی ، حالانکہ صفائی نصف ایمان ہے. کاشف محمود نے کہا کہ ایمان صرف یہ نہیں ہے کہ خاتون پر پردہ ڈال دو چلو وہ بھی ضروری ہے لیکن صفائی بہت ضروری ہے. کاشف محمود نے مزید کہا کہ مسجد سے بڑا کوئی کمیونٹی سنٹر نہیں ہو سکتا. ویسے ہر کوئی عشق رسول کی باتیں‌کرتا ہے او بھئی دیکھیں تو سہی کہ وہ اپنی بیوی اور بیٹی کے ساتھ کیسے پیش آتے تھے یہاں کھلائیں ہاں بیوی کو اپنے

    ہاتھ سے نوالہ آپکی والدہ کو ہی سب سے پہلے اعتراض ہو جائیگا وہ ہی کہیں گی کہ یہ کیا کررہے ہو تم. کاشف محمود نے کہا کہ حرمت رسول پر بے شک جان بھی قربان ہے لیکن ان کے احکامات کو تو مانیں. ہم سب بس ہر وقت غیبت میں لگے ہوتے ہیں، ہمیں‌کوئی دوسرا کام ہی نہیں ہے ، میں تو آج کل سوچتا ہوں کہ مر کے اللہ کو کیا جواب دینا ہے کہ ہم کیا کرکے آئے ہیں اس لئے چھوٹی چھوٹی نیکیاں‌ کما لیں اپنے حصے کے کام کر لیں شاید اللہ تعالی ہمیں معاف ہی کرے دے بے شک وہ بہت غفور رحیم ہے.

  • 50 % منافع تو سٹارز کو چلا جاتا ہے کرن جوہر کا شکوہ

    50 % منافع تو سٹارز کو چلا جاتا ہے کرن جوہر کا شکوہ

    بالی وڈ کے معروف فلم میکر کرن جوہر جنہوں نے ایک عرصہ تک فلمیں ڈائریکٹ کیں اس کے بعد انہوں نے مسلسل فلمیں پرڈیوس کرنا شروع کر دیں کرن جوہر کے کریڈٹ پر بطور پرڈیوسر اور ڈائریکٹر بڑی سٹار کاسٹ کے ساتھ بڑی فلمیں ہیں. کرن جوہر نے بہت سارے سٹار کڈز کو متعارف کروایا جس میں عالیہ بھٹ قابل زکر ہے. پچھلے کچھ عرصے سے عالیہ بھٹ کرن جوہر کی پسندیدہ اداکارہ بنی ہوئی ہیں ان کی تقریبا ہر فلم میں‌عالیہ بھٹ ہی نظر آتی ہیں. کرن جوہر نے حال ہی میں ایک انٹرویو دیا ہے اس میں انہوں نے کھل کر بات کی ہے کہ کس طرح‌سے کسی بھی فلم کی کمائی فلم سے جڑی پوری ٹیم میں‌تقسیم ہوتی ہے . کرن جوہر نے کہا کہ اگر کسی فلم کی سٹار کاسٹ بڑی ہو تو پھر پچاس فیصد اسکو اور تیس

    فیصد ڈائریکٹر کو جاتا ہے جبکہ تھوڑا بہت رائٹرکو مل جاتا ہے. پھر بچپتا ہے پرڈیوسر اور جو بچتا ہے وہ اس کے حصے میں آتا ہے. یوں کرن جوہر نے بتایا کہ کس طرح سے ایک پرڈیوسر کو سب سے کم معاوضہ ملتا ہے. یاد رہے کہ کرن جوہر نے شاہ رخ خان کے ساتھ کافی فلمیں بنائیں جن میں کچھ کچھ ہوتا ہے اور کبھی خوشی کبھی غم قابل زکر ہے .

  • جی سی یونیورسٹی میں پانچ سو کلو میگاواٹ کا پراجیکٹ کا آغاز

    جی سی یونیورسٹی میں پانچ سو کلو میگاواٹ کا پراجیکٹ کا آغاز

    جی سی یونیورسٹی میں پانچ سو کلو میگاواٹ کا پراجیکٹ کا آغاز
    صوبائی وزیر توانائی و خوراک سردار حسنین بہادر دریشک نے کہا کہ سولر انرجی کی طرف منتقل ہونا وقت کی ضرورت ہے۔

    صوبائی وزیر توانائی و خوراک سردار حسنین بہادر دریشک کا کہنا تھا کہ پبلک سیکٹر کے لیے سولر پراجیکٹ اہم حکمت عملی ثابت ہوگی۔ صوبائی وزیر حسنین بہادر دریشک نے ان خیالات کا اظہار گورنمنٹ کالج یونیورسٹی لاہور میں سولر پراجیکٹ کی افتتاحی تقریب سے خطاب کرتے ہوئے کیا۔ اس موقع پر وائس چانسلر گورنمنٹ کالج یونیورسٹی لاہور پروفیسر اصغر زیدی، ایم ڈی پیکا عبدالرحمان، سربراہ شمس پاور اور فیکلٹی ممبران موجود تھے۔ صوبائی وزیر نے گورنمنٹ کالج یونیورسٹی لاہور میں 500 کلو واٹ سولر پراجیکٹ کا باقاعدہ افتتاح کیا۔

    اس موقع پر انکا کہنا تھا کہ بلا شبہ گرین ٹیکنالوجی کی طرف یہ ایک اور قدم ثا بت ہوگا جبکہ ماحول دوست توانائی کی ٹیکنالوجی کو فروغ مل سکے گا۔حسنین بہادر کا کہنا تھا کہ انرجی ڈیپارٹمنٹ نے 14 یونیورسٹیز کو سولر پر منتقل کرنے کا کام شروع کیا تھا، جن میں 12 یونیورسٹیز سولر پر منتقل ہو چکی ہیں، دیگر پر کام جاری ہے۔ صوبائی وزیر نے پیکا کے ایم ڈی اور انکی ٹیم کو مبارکباد بھی پیش کی۔ ایم ڈی پیکا عبدالرحمٰن نے شرکاء کو بریفنگ پیش کرتے ہوئے بتایا کی آج پانچ سو کلو میگاواٹ کا منصوبہ شروع کیا جا رہا ہے۔ جو سالانہ 9.2 ملین پاکستانی روپے بچت کا ذریعہ بن سکے گا۔ منصوبے سے سالانہ سات لاکھ یونٹ سالانہ بجلی پیداور ہو گی۔ایم ڈی پیکا نے کہا کہ حکومت پنجاب نے محکمہ توانائی کے ذریعے ایجینسی قائم کی۔ ایجنسی کا مقصد توانائی کی بچت اور تحفظ کو یقینی بنانا ہے۔ ضلعی ہیڈ کوارٹرز ہسپتال اور پبلک سیکٹر مستفید ہورہا ہے۔صوبائی وزیر کو دوران بریفنگ بتایا گیا کہ ایسکو ماڈل پر پبلک سیکٹر کے اداروں کو سولرائز کر رہا ہے۔ الشمس پاور کے سربراہ نے صوبائی وزیر کو بتایا کہ پیکا نے یہ منصوبہ نجی کمپنی شمس پاور کے اشتراک سے لگایا اور امید ہے کہ یونیورسٹی کو 25 سال میں 933 ملین روپے کا فائدہ ہو گا۔ملک میں بجلی کی قیمت 45 روپے سے زائد ہی جبکہ جی سی یونیورسٹی کو 17 روپے پر بجلی مل رہی ہے۔

    گوادر،غیر قانونی ماہی گیری بارے اجلاس میں ہوا بڑا فیصلہ

     بلاول بھٹو نے گوادر میں چینی شہریوں پر دہشت گرد حملے کی مذمت کی ہے

    وزیراعظم کے دورہ گوادر سے قبل چیئرمین سی پیلک اتھارٹی کا خصوصی پیغام

    وائس چانسلر گورنمنٹ کالج یونیورسٹی پروفیسر اصغر زیدی نے کہا کہ امید ہے یہ منصوبہ یونیورسٹی کے لیے فائدہ مند ثابت ہوگا اور باقی تعلیمی ادارے بھی ایسا نظام لائیں گے کہ بجلی کے ساتھ گرین توانائی کی پالیسی کو اپنائیں گی۔ انہوں نے اس بات پر زور دیا کہ کلین اینڈ گرین انرجی کو فروغ دینے کی اشد ضرورت ہے۔ انہوں نے تکنیکی معاونت فراہم کرنے پر توانائی کی ایجنسی پیکا کی ٹیم کو خراجِ تحسین پیش کیا۔ تقریب کے اختتام پر صوبائی وزیر توانائی اور پیکا ایجنسی کی ٹیم کو یادگاری شیلڈ پیش کی گئیں۔

  • ماسٹر پلان 2050 پر عمل درآمد روکنے کا تحریری حکم جاری

    ماسٹر پلان 2050 پر عمل درآمد روکنے کا تحریری حکم جاری

    لاہور ہائیکورٹ نے ماسٹر پلان 2050 پر عمل درآمد روکنے کا تحریری حکم جاری کردیا
    جسٹس شاہد کریم نے دو صفحات پر مشتمل تحریری حکم جاری کیا ، تحریری حکم میں کہا گیا ہے کہ عدالت نے 25جنوری تک ماسٹر پلان 2050 پر عمل درآمد روک دیا ہے ایل ڈی اے ،پنجاب حکومت سمیت تمام فریقین آئندہ سماعت تک جواب جمع کروائیں درخواست میں اہم قانونی نکات اٹھائے ہیں لاہور ڈویلپمنٹ اتھارٹی نے ایل ڈی اے ایکٹ 1975 کے تحت لاہور ڈویژن 2050 کے ماسٹر پلان کی منظوری دی ہے درخواست، گزار کے مطابق منصوبہ LDA ماسٹر پلان رولز، 2014 کی خلاف ورزی کرتا ہے

    درخواست گزار کے مطابق منصوبہ ماحولیاتی تبدیلیوں کو مدنظر رکھ نہیں بنایا گیا،درخواست میں ماحولیاتی اثرات اور لاہور کی مستقبل کی شہری منصوبہ بندی کے حوالے سے اہم سوالات اٹھائے گئے ہیں، درخواست کو سماعت کے لیے باقاعدہ منظور کیا جاتا ہے، فریقین کو کو ہدایت کی جاتی یے کہ 25 جنوری کو جواب جمع کروائیں، آئندہ سماعت پر لاہور کے ماسٹر پلان 2050 کے عملدرآمد کو روکا جائے،

    سیاسی استحکام کے لیے تمام جماعتوں کو ساتھ بیٹھ کر بات چیت کر نا ہوگی. خواجہ سعد رفیق
    کائنات کی ابتدا میں موجود ہماری کہکشاں سے مشابہ کہکشائیں دریافت
    سندھ حکومت کا ہیریٹیج اور آثار قدیمہ کی حفاظت کیلئے فنڈ قائم کرنے کا فیصلہ

    درخواست میں کہا گیا ہے کہ عدالتی حکم کے برعکس روڈا ادارہ بناکرلاہور کےماسٹر پلان 2050 کا نفاد کر دیا گیا ہے۔ماسٹر پلان کےتحت نہ صرف درختوں کو کاٹا جانے کا خدشہ ہے بلکہ ماحولیات تباہ ہوجائیں گی۔ درخواست میں استدعا کی گئی ہے کہ مبینہ ماسٹر پلان سے لاہور کے اردگرد زرعی علاقے ختم ہونے کا خدشہ ہے

  • کام کی جگہ پر جنسی ہراسانی کے کیس میں ملزم کی اپیل مسترد

    کام کی جگہ پر جنسی ہراسانی کے کیس میں ملزم کی اپیل مسترد

    صدر مملکت نے کام کی جگہ پر جنسی ہراسانی کے کیس میں ملزم کی اپیل کو مسترد کردیا

    صدر مملکت نے وفاقی محتسب برائے انسدادِ ہراسیت کے فیصلے کے خلاف درخواست پر فیصلہ سنا دیا، فیصلے میں کہا گیا کہ نئے وکیل سے ایک بار پھر شکایت کنندہ کی جرح کرانے کی درخواست کی کوئی بنیاد نہیں،صدر مملکت نے کیس انسدادِ ہراسیت محتسب کو حتمی فیصلے کے لئے واپس بھیج دیا ،صدر مملکت کی جانب سے انسداد ہراسیت محتسب کے فیصلے کی توثیق کی گئی،صدر مملکت کا کہنا تھا کہ ملزم کی طرف سے دائر اپیل شکایت کنندہ کی تکلیف اور اذیت بڑھانے کی ایک کوشش ہے

    صدر مملکت کا کہنا تھا کہ پہلے ہی معاملے پر ملزم کی متفرق درخواستوں کی وجہ سے کافی وقت صرف ہوچکا ،قانونی چارہ جوئی کا ایک نیا دور شروع کرنا متعلقہ ایکٹ کی روح کے خلاف ہے ،شکایت کنندہ نے 27.05.2019 کو محتسب کے سامنے جنسی ہراساں کا کیس دائر کیامملزم نے صدر کو محتسب کے 23.09.2021 کے حکم کے خلاف درخواست دائر کی ،ملزم نے محتسب کے سامنے معاملہ زیر التواء ہونے کے باوجود اپیل دائر کی

    نور مقدم قتل کیس، ظاہر جعفر پر ایک اور مقدمہ درج

    مارگلہ کی پہاڑیوں پر تعمیرات پر پابندی عائد

    ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا

    جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

    قبل ازیں صدر مملکت نے یو بی ایل پرغیر سنجیدہ اپیل دائر کرنے، وقت اور وسائل ضائع کرنے پر جرمانہ عائد کر دیا ،صرف 20،000 روپے کے متنازعہ بینک لین دین کیس میں بینک کی جانب سے بینکنگ محتسب کے فیصلے کے خلاف غیر سنجیدہ درخواست دائر کرنے پر 20,000 روپے جرمانہ عائد کیا گیا ،صدر مملکت عارف علوی کا کہنا تھا کہ بینک اپنے صارف کو کھوئی ہوئی رقم واپس کرنے کے ساتھ ساتھ جرمانہ بھی ادا کرے بینک نے اپنے وسائل اور وقت ضائع کرنے کے ساتھ ساتھ بینکنگ محتسب اور ریاست کے سربراہ کا وقت ضائع کیا،

  • عمران عباس نے مہدی حسن کا گانا پکچرائز کروا لیا

    عمران عباس نے مہدی حسن کا گانا پکچرائز کروا لیا

    اداکار عمران عباس اور صبا قمر نے ھال ہی میں لاہور میں اپنے ایک ڈرامے کی شوٹنگ مکمل کروائی. ڈرامے کا آخری سین باغ جناح میں شوٹ کیا گیا. عمران عباس نے سین کروانے کے بعد باغ‌ جناح میں درختوں کے نیچے نہ صرف اپنی کچھ تصاویر بنوائیں بلکہ چند وڈیوز بھی بنائیں. عمران عباس اور صبا قمر کی انہی وڈیو میں ایک ایسی وڈیو ہے جس میں‌عمران عباس اور صبا قمر ایک دوسرے کے ساتھ چل رہے ہیں اور عمران عباس مہدی حسن کا گیت مجھے تم نظر سے گرا تو رہے ہو مجھے تم کبھی بھی بھلا نہ سکو گے ، گا رہے ہیں ، دونوں کی یہ وڈیو کافی وائرل ہو

    رہی ہے. صبا قمر نے اپنے انسٹاگرام اکائونٹ پر اس وڈیو کو شئیر کیا. تاہم عمران عباس نے لکھا کہ کاش مجھ پر مہدی حسن کا کوئی گانا پکچرائز ہوتا چلو گانا پکچرائز تو نہ ہو سکا لیکن شوق تو پورا کیا جا سکتا ہے .عمران نے یہ لکھا کہ لاہور سردیوں میں پاکستان فلم انڈسٹری کے سنہرے دور کو یاد کرتے ہوئے. انہوں نے اس پوسٹ کو صبا قمر کے آئی ڈی سے ٹیگ کیا. اس وڈیو کو بہت زیادہ سراہا جا رہا ہے. دونوں اس میں کافی خوبصورت نظر آرہے ہیں.