باصلاحیت اداکارہ وینا ملک نے اپنے حالیہ انٹرویو میں کہا ہے کہ مجھے اگر کوئی فلم آفر ہوئی اور اسکا سکرپٹ اچھا ہوا تو میں یقینا ضرور کروں گی ، بڑی سکرین تو ہر آرٹسٹ کا جنون ہوتا ہے اور ہم نے تو صحیح معنوں میں شہرت حاصل کی ہی بڑی سکرین سے تھی. انہوں نے کہا کہ کافی سال ہو چکے ہیں کہ میں نے دیکھاہی نہیں کہ آج کیسا کام ہو رہا ہے ، یا کون کون کام کررہا ہے. سب فنکار اچھا کام کرتے ہیں ، وینا ملک نے کہا کہ میں نے 8 سال تک کام صرف اسلئے نہیں کیا کیونکہ مجھے اپنے بچوں پر توجہ دینی تھی میں سنگل پیرنٹ کے طور پر اپنے بچے پال رہی ہوں اور ان کو ایک اچھا انسان بنانے پر توجہ دے رہی ہوں،
وینا ملک نے کہا کہ” مجھے تنقید سے بالکل بھی فرق نہیں پڑتا، لوگوں کا کام ہے تنقید کرنا” ، میں پبلک فیگر ہوں اگر میری کسی بات یا کام پر کوئی تنقید کرتا ہے تو مجھے فرق نہیں پڑتا. انہوں نے کہا کہ میں ایک کامیڈی شو کررہی ہوں بہت مزا آرہا ہے، میں نے ہمیشہ اپنے کام پر توجہ دی ہے اور یہی وجہ ہے کہ میں جب بھی ٹی وی یا بڑی سکرین پر آتی ہوں میرے مداح مجھے پسند کرتے ہیں.
