Baaghi TV

Tag: news

  • میری چند دن کی بچی کا آپریشن ہوا بپاشا باسو

    میری چند دن کی بچی کا آپریشن ہوا بپاشا باسو

    بالی وڈ اداکارہ بپاشا باسو جن کی خواہش رہی ہے کہ شادی کے بعد ان کے ہاں فورا اولاد کی پیدائش ہو لیکن ایسا بہت جلدی نہ ہو سکا ، لیکن جب انہیں‌پتہ چلا کہ یہ ماں بننے والی ہیں ، ان کی خوشی کا ٹھکانہ نہیں تھا. انہوں نے اپنے حالیہ انٹرویو میں کہا ہے کہ میری بیٹی جب پیدا ہوئی تو اس کے دل میں 2 سوراخ تھے.انسٹاگرام لائیو چیٹ کے دوران اداکارہ رو پڑیں بولیں کہ بیٹی کی پیدائش کے محض تیسرے دن پتہ چلا کہ اس کے دل میں 2 سوراخ ہیں،

    ”میں نے یہ بھی سوچا کہ میں یہ بات دوسروں کو نہیں بتاؤں گی”. اُنہوں نے بتایا کہ ہمیں یہ سمجھ بھی نہیں تھی کہ ہماری بیٹی کے دل میں جو وینٹریکولر سیپٹل ڈیفیکٹ (VSD) ہے وہ کیا ہے؟ بہر حال ڈاکٹروں نے علاج شروع کیا ، پھر جب وہ محض تین ماہ کی تھی تو اسکی ’اوپن ہارٹ سرجری‘ ہوئی یہ سب بطور ماں میرے لئے بہت تکلیف دہ تھا.اُنہوں نے اپنی بات مکمل کرتے ہوئے کہا کہ اب بیٹی ٹھیک ہے لیکن اسے 6 گھنٹے کی طویل سرجری سے گزرنا پڑا تھا۔بے پاشا نے کہا کہ میری دعا ہے کہ کبھی کسی ماں باپ کو اوپر والا ایسے امتحان میں‌نہ ڈالے.

    کاجول کا شاہ رخ خان کے بارے میں ایک بڑا انکشاف

    عالیہ بھٹ نے جاوید اختر کا شکریہ کیوں ادا کیا ؟

    اور جب حمزہ شہباز نے وارث بیگ کو 17 گانے سنائے

  • ایک انجان عورت نے پیسے لینے کی خاطر پرچہ کٹوایا صبا فیصل

    ایک انجان عورت نے پیسے لینے کی خاطر پرچہ کٹوایا صبا فیصل

    سینئر اداکارہ صبا فیصل نے کہا ہے کہ بعض اوقات آرٹسٹو‌ں کو سافٹ ٹارگٹ سمجھ لیا جاتا ہے ، میرے ساتھ ایک ایسا واقعہ ہوا جس کو میں آج تک نہیں بھول سکی ، صبا فیصل نے واقعہ سناتے ہوئے کہا کہ ایک دہائی قبل میں لاہور کی ایک بڑی مارکیٹ میں شاپنگ کرنے چلی گئی وہاں میں جو جوتوں والی ایک دکان پر گئی اور جوتوں کے انتظار میں دکان کے صوفے پر بیٹھی تھی جہاں ایک اور خاتون بھی اسی صوفے پر موجود تھی،

    اس نے مجھے کہا کہ ”میرا پرس یہاں پڑا ہے زرا دور ہو کر بیٹھیں ”، مجھے اس کی یہ بات اچھی نہ لگی لیکن میں زرا دور ہو کر بیٹھ گئی. اس کے بعد میں‌نے جوتی لی اور گھر کی راہ لی گاڑی میں‌آکر بیٹھ گئی اور وہ عورت میرے پاس آئی میری گاڑی کا شیشہ کھٹکھٹایا میں‌نے کہا کہ جی بتائیے اب کیا ہے بولی میرا وائلٹ تھا جہاں آپ بیٹھی تھیں. آپ نےکیا دیکھا اسکو ؟‌ میں نے کہا کہ نہیں بہن، میں‌گھر آ گئی اس کے بعد اس عورت نے کہیں‌میری گاڑی کا نمبر نوٹ کیا اور پرچہ کٹوایا پولیس میرے گھر آئی ، میرے دو سال پولیس سٹشین جانے آنے جانے میں‌لگ گئے پھر میں نے ایک اثر و رسوخ والے انسان کو شامل کرکے مقدمہ ختم کروایا پتہ چلا کہ وہ عورت اکیلی نہیں تھی ایک پورا گینگ تھا جو اسی طرح‌لوگوں کو پھنسا کر پیسے لیتا تھا.

    کاجول کا شاہ رخ خان کے بارے میں ایک بڑا انکشاف

    عالیہ بھٹ نے جاوید اختر کا شکریہ کیوں ادا کیا ؟

    اور جب حمزہ شہباز نے وارث بیگ کو 17 گانے سنائے

  • ہسپتال میں پڑی تھی تو سسرال کو خاندان کی شادی میں جانے کی پڑی تھی آمنہ ملک

    ہسپتال میں پڑی تھی تو سسرال کو خاندان کی شادی میں جانے کی پڑی تھی آمنہ ملک

    اداکارہ آمنہ ملک نے اپنے حالیہ انٹرویو میں کہا ہے کہ میری چھوٹی عمر میں ہی شادی ہو گئی تھی ، میری ایک بیٹی اس وقت 20 سال کی ہے اور ایک بیٹی 13 برس کی ہے. میری پہلی بیٹی کی پیدائش کے بعد میرے تین حمل ضائع ہوئے ، میرا 7 ماہ کا بچہ مر گیا اور مجھے پتہ ہی نہیں تھا میں گھر میں کام کرتی رہی ، الٹراسائونڈ کروایا تو پتہ چلا کہ بچہ مر چکا ہے، ڈاکٹروں نے نارمل ڈلیوری کا مشورہ دیا، میں ہسپتال میں پڑی تھی ، میرے خاندان والوں کو میری فکر نہیں تھی ، نہ ہی میرے بچے کے مرنے کی فکر تھی ان کو بس خاندان کی ایک شادی میں‌جانے کی پڑی ہوئی تھی،

    انہوں نے کہا کہ ”دوسری طرف ایسے جاننے والے بھی تھے جن کو میری فکر نہیں تھی” بلکہ میرے بچے کے مرجانے کا زیادہ افسوس تھا. انہوں نے کہا کہ شوبز کیرئیر بنانے کا سوچا نہیں تھا لیکن مارننگ شو کی آفر ہوئی پہلے تو مارننگ شو منع کر دیا اس کے بعد کیا پہلے مارننگ شو کا معاوضہ ڈیڑھ لاکھ روپے ملا . انہوں نے کہا کہ مجھے مارننگ شو کرنے میں اعتراض اس لئے تھا کیونکہ اس میں‌ناچ گانا ہوتا تھا اور مجھے اور میرے والد کو یہ چیزیں پسند نہیں تھیں.

    کاجول کا شاہ رخ خان کے بارے میں ایک بڑا انکشاف

    عالیہ بھٹ نے جاوید اختر کا شکریہ کیوں ادا کیا ؟

    اور جب حمزہ شہباز نے وارث بیگ کو 17 گانے سنائے

  • ٹرین کو حادثہ ٹریک کے نٹ بولٹ کھولے جانے سے پیش آیا

    ٹرین کو حادثہ ٹریک کے نٹ بولٹ کھولے جانے سے پیش آیا

    کراچی سے راولپنڈی جانے والی ہزارہ ایکسپریس ٹرین کو پیش آنے والے حادثے کی ممکنہ وجہ سامنے آگئی ہے جبکہ ہزارہ ایکسپریس ٹرین کو حادثہ ممکنہ طور پر ٹریک کے نٹ بولٹ کھولے جانے کے باعث پیش آیا، جائے حادثہ سے لی گئی تصاویر کے مطابق ممکنہ طور پر ٹرین الٹنے سے پہلے ٹریک کے نٹ بولٹ کھول دیئے گئے تھے جس سے ٹرین کے انجن کے فوری بعد منسلک پہلی بوگی جام ہوگئی جس کےبعد دیگر نو بوگیاں بھی پٹڑی سے اتر گئیں ہیں۔

    جبکہ ٹریک حادثے کی انکوائری کرنے والے اداروں کی توجہ کا مرکز بن گیا ہے اور ریلوے ذرائع کے مطابق ٹریک پر چھوٹے پل کے بیٹھ جانے کے شواہد نہیں ملے، امدادی کاموں کیلئے لائی گئی ریلیف ٹرین کو کلورٹ پر ہی روکا کیا گیا ۔
    مزید یہ بھی پڑھیں؛
    ریلوے کیرج فیکٹری کو آؤٹ سورس کرنے کا منصوبہ
    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
    طالبان نے لڑکیوں پر کلاس 3 سے آگے پڑھنے پر بھی پابندی عائد کردی
    پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
    ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق

    جبکہ ابتدائی تحقیقات کے مطابق حادثے کے بعد ٹرین کے گھسٹینے کے شواہد بھی نہیں ملے اور تمام ڈبے ایک ہی جگہ پر پٹڑی سے اتر گئے اور اوور سپیڈ کا تاثر بھی اس لحاظ سے مسترد کردیا گیا جوکہ ایک سو پانچ کلومیٹر فی گھنٹہ کی منظور شدہ سپیڈ کے مقابلے میں حادثے سے پہلے سپیڈ پینتاليس سے پچاس کلومیٹرفی گھنٹہ تھی۔ تاہم یاد رہے کہ کراچی سے راولپنڈی جانے والی ہزارہ ایکسپریس کو گزشتہ روزحادثہ پیش آیا جس کے نتیجے میں 30 سے زائد مسافر جاں بحق جبکہ 50 سے زائد زخمی ہوگئے ہیں.۔

  • بی این پی نے ڈیجیٹل مردم شماری کے نتائج میں رد و بدل مسترد کردیا

    بی این پی نے ڈیجیٹل مردم شماری کے نتائج میں رد و بدل مسترد کردیا

    بلوچستان نیشنل پارٹی نے بھی ڈیجیٹل مردم شماری میں بلوچستان کی مجموعی آبادی کو کم کرنے کے فیصلے کو مسترد کردیا ہے جبکہ بلوچستان نیشنل پارٹی کے مرکزی سیکرٹری جنرل جان بلیدی، اور مرکزی سنئیر نائب صدر میر کبیر احمد محمد شہی، صوبائی صدر میر رحمت صالح بلوچ اور دیگر رہنماؤں نے رخشان ریجن کی تنظیمی صورتحال اور پارٹی کی عوامی مقبولیت اور انتخابی سرگرمیوں سمیت دیگر ایجنڈوں سے متعلق اجلاس میں خطاب کرتے ہوئے کہا کہ ڈیجیٹل مردم شماری کے نتائج میں رد و بدل کرنا اور بلوچستان کی مجموعی آبادی کو کم کرنا ناانصافی ہے جسےمسترد کرتے ہیں۔

    جبکہ اجلاس میں نیشنل پارٹی کے نائب صدر ڈاکٹر اسحاق بلوچ، مرکزی رہنما سردار اسلم بزنجو، حاجی فدا حسین دشتی، عبدالخالق بلوچ ، میر شاوس بزنجو، ڈاکٹر شمع اسحاق منظور اور راہی چراغ بلوچ سمیت ریجن کے صدور و جنرل سیکرٹریز نے شرکت کی تاہم پارٹی رہنماؤں نے کہا کہ ڈیجیٹل مردم شماری کے نتائج میں ردو بدل سے بلوچستان کی اصل ابادی کم ہوگئی جو صوبے کےلیے بہت بڑے نقصان کا باعث بنے گا اور اس گناہ میں وزیراعلیٰ بلوچستان اور وفاقی کابینہ میں بیھٹے قوم پرست وزراء شامل ہیں جنہوں نے وفاق کے ساتھ ملکر بلوچستان کے حقوق پر ڈاکہ ڈالا، تاریخ ان کو معاف نہیں کرے گی ۔

    انہوں نے کہا کہ رخشان ریجن کی انتخابی عمل میں پیسوں کا بے دریغ استعمال خطرناک ہے جو نہ صرف سیاسی عمل کے لیے نقصان کا باعث بنے گا بلکہ سماج میں بہت سے منفی اثرات و بگاڑ کو فروغ دے گا۔ ان کا کہنا تھا کہ کہ ریکوڈک پروجیکٹ رخشان ریجن میں واقع ہے لیکن پسماندگی و لاچارگی کا عملی نمونہ بھی یہی موجود ہے، اشرافیہ طبقہ مراعات و مفادات کے حصول میں مگن ہے تو عوام کو ایک وقت کی روٹی اور ڈسپرین میسر نہیں، رخشان ریجن کے عوام نے 2018 میں قوم پرستوں کو منتخب کیا لیکن انہی قوم پرستوں نے ریکوڈک پروجیکٹ کے خفیہ معاہدے میں حکمرانوں کا ساتھ دیا اور عوام کو اس سے لاتعلق رکھا۔
    مزید یہ بھی پڑھیں؛
    ریلوے کیرج فیکٹری کو آؤٹ سورس کرنے کا منصوبہ
    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
    طالبان نے لڑکیوں پر کلاس 3 سے آگے پڑھنے پر بھی پابندی عائد کردی
    پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
    ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق

    تاہم رہنماؤں کا کہنا تھا کہ نیشنل پارٹی رخشان ریجن میں انتخابات میں بھرپور حصہ لے گی اور اس حوالے سے عوامی موبلائزشن کے ساتھ ہم خیال سیاسی جماعتوں سے انتخابات میں الائنس کے حوالے سے بھی پیش قدمی کریگی تاکہ رخشان ریجن میں حقیقی عوامی نمائندوں کو کامیاب کرایا جاسکے۔ انہوں نے مزید کہا کہ نیشنل پارٹی آئندہ انتخابات میں بڑی جماعت کے طور پر کامیاب ہوگی اور حکومت بنائے گی۔

  • طالب نکئی سمیت متعدد سیاسی رہنماء آئی پی پی میں شامل

    طالب نکئی سمیت متعدد سیاسی رہنماء آئی پی پی میں شامل

    پنجاب کے مختلف سیاسی رہنماؤں نے استحکام پاکستان پارٹی میں شمولیت کا اعلان کیا ہے جبکہ استحکام پاکستان پارٹی کے ماڈل ٹاون سیکرٹریٹ میں قصور سے طالب نکئی ، ایاز نکئی اور راؤ شاہد سمیت دیگر رہنماؤں نے پارٹی چیئرمین جہانگیر ترین اور صدر عبد العلیم خان سے ملاقات کر کے آئی پی پی میں شمولیت کا اعلان کیا ہے۔

    میڈیا سے گفتگو کرتے ہوئے پارٹی چیئرمین جہانگیر ترین نے کہا کہ استحکام پاکستان پارٹی میں تمام رہنماؤں کو خوش آمدید کہتے ہیں اور یہ جماعت ملک کے استحکام کے لئے کام کرے گی جبکہ جہانگیر ترین کا مزید یہ بھی کہنا تھا کہ عام انتخابات دو چار دن آگے پیچھے ہونے سے کوئی فرق نہیں پڑے گا۔
    مزید یہ بھی پڑھیں؛
    ریلوے کیرج فیکٹری کو آؤٹ سورس کرنے کا منصوبہ
    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
    طالبان نے لڑکیوں پر کلاس 3 سے آگے پڑھنے پر بھی پابندی عائد کردی
    پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
    ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق

    جبکہ استحکام پاکستان پارٹی میں شمولیت کرنے والے رہنما طالب نکئی نے کہا کہ استحکام پارٹی میں شمولیت کا مقصد غریب عوام اور کسانوں کے لئے کام کرنا ہے ۔ اس موقع پر پارٹی صدر عبد العلیم خان نے چیئرمین تحریک کی گرفتاری پر رد عمل دیتے ہوئے کہا کہ جو اپنے ساتھیوں ، دوستوں اور بچوں کا نہیں وہ ملک کا بھی نہیں ہے، جب تکبر کی لعنت پڑ جائے تو یہی انجام ہوتا ہے، اصل کرپشن تو سابق وزیر اعلیٰ پنجاب عثمان بزدار اور فرح گوگی کی گرفتاری کے بعد سامنے آئے گی ۔

  • زراعت کے شعبے میں انقلاب لے کرآئیں گے. شہباز شریف

    زراعت کے شعبے میں انقلاب لے کرآئیں گے. شہباز شریف

    وزیر اعظم شہباز شریف کا کہنا ہے کہ سابق وزیر اعظم نوازشریف کو موقع دیا گیا تو وہ جان لڑا دیں گے اور پاکستان کو عظیم ترین بنائیں گے، اللہ تعالیٰ نے پاکستان میں کھربوں ڈالرکی معدنیات دی ہیں، زراعت کے شعبے میں انقلاب لے کرآئیں گے۔ جبکہ قصور میں جلسے سے خطاب کرتے ہوئے وزیر اعظم شہبازشریف نے کہا کہ آج بدقسمتی سے ٹرین حادثہ ہوا جس کے نتیجے میں 30 سے زائد افراد جاں بحق اور متعدد زخمی ہوئے، اللہ تعالیٰ جاں بحق افراد کوجنت الفردوس میں جگہ عطا فرمائے۔

    جبکہ شہباز شریف نے مزید کہا کہ جلسے میں عوام کا ٹھاٹھے مارتا سمندر دیکھ کر میری 16 مہینے کی تھکن اتر گئی جبکہ عوام کا سمندر گواہی دے رہا کہ اگلا وزیراعظم نواز شریف ہوگا جو ملک کی خدمت کرے گا، اللہ تعالیٰ نے نواز شریف کو موقع دیا تو 5 سال میں بجلی کے اندھیرے ختم ہوئے تھے، قائد مسلم لیگ ن، نواز شریف نے موٹروے، سڑکوں اور پلوں کا جال بچھایا۔ انہوں نے کہا کہ نوازشریف چین سے سی پیک لایا تھا، 30 ارب ڈالرکی سرمایہ کاری ہوئی، نوازشریف کے دور میں کرپشن اور سفارش کے بغیر لاکھوں لیپ ٹاپس فراہم کیے گئے، آج انہیں لیپ ٹاپس سےملک بھرمیں روزگارمل رہا ہے، انہوں نے دیامر بھاشا ڈیم اور داسو ڈیم کی بنیاد بھی رکھی۔

    ان کا کہنا تھا کہ نوازشریف نے ہندوستان کے 5 دھماکوں کے مقابلے میں 6 دھماکے کئے اور ملک کوایٹمی قوت بنا کر ہندوستان کے دانت کھٹے کیے، نوازشریف نے فوج کے ساتھ مل کر ضرب عضب آپریشن شروع کیا جبکہ ماضی کی حکومت اورکچھ لوگوں نے مل کرسوات میں دہشتگردوں کوبسنے دیا۔ انہوں نے کہا کہ مہنگائی میں اضافے کی کئی وجوہات ہیں، سوال ہی پیدا نہیں ہوتا کہ مہنگائی ہونے کاذمہ دار بنوں، ہمارا انٹرنیشنل مانیٹری فنڈ ( آئی ایم ایف ) پر تکیہ تھا، ان کی سخت شرائط تھیں، جو شہباز شریف مریضوں کیلئے دوائی لائے گا کیا وہ مہنگائی لائےگا؟۔
    مزید یہ بھی پڑھیں؛
    ریلوے کیرج فیکٹری کو آؤٹ سورس کرنے کا منصوبہ
    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
    طالبان نے لڑکیوں پر کلاس 3 سے آگے پڑھنے پر بھی پابندی عائد کردی
    پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
    ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق

    ان کا کہنا تھا کہ مجھے ڈیفالٹ کے خوف سے نیند نہیں آتی تھی، میری قبر پر لکھا جاتا کہ شہبازشریف کے دور میں ڈیفالٹ ہوئے، اللہ تعالیٰ کے فضل و کرم سے پاکستان ڈیفالٹ سے بچ گیا۔

  • ٹرین حادثے کی تحقیقات کا آغاز کر دیا ہے. مریم اورنگزیب

    ٹرین حادثے کی تحقیقات کا آغاز کر دیا ہے. مریم اورنگزیب

    وفاقی وزیر اطلاعات مریم اورنگزیب کا کہنا ہے کہ نوابشاہ میں اندوہناک ٹرین حادثہ پر عملے نے حادثے کی تحقیقات کا آغاز کر دیا ہے جبکہ کراچی پریس کلب میں میڈیا سے گفتگو کرتے ہوئے وفاقی وزیر اطلاعات کا کہنا تھا کہ دعا ہے کراچی پریس کلب اسی طرح ترقی کرتا رہے، پریس کلب آنے کا مقصد آپ لوگوں سے ملاقات کرنی تھی، میں ٹرین حادثے کی وجہ سے سیاسی بات نہیں کروں گی۔

    مریم اورنگزیب کا کہنا تھا کہ ٹرین حادثے نے سب کو دکھی کردیا ہے، وزیراعظم شہباز شریف نے ریسکیو عمل تیز کرنے کی ہدایت کردی ہے جس کے بعد حادثے کی جگہ پر ریسکیو کا عمل تیزی سے جاری ہے، شہید افراد کے لواحقین کے صبر کیلئے دعاگو ہوں اور ان سے اظہار تعزیت کرتی ہوں۔ انہوں نے مزید بتایا کہ متاثرہ علاقے میں ریلیف آپریشن بھی شروع کردیا گیا ہے جبکہ 2002 کا پیمرا آرڈیننس ایک آمر نے بنایا اس پرمشاورت جاری ہے، مشرف کا کالا قانوں نہیں چاہتے، ہم ایساکوئی کام نہیں کریں گے جس سے آزادی رائے پر قدغن ہو، پیمرا آرڈیننس پر ایسی قانون سازی نہیں ہوگی جس پر صحافیوں کو اعتراضات ہوں، میری جماعت اور میں میڈیا کی آزادی پر یقین رکھتے ہیں۔
    مزید یہ بھی پڑھیں؛
    ریلوے کیرج فیکٹری کو آؤٹ سورس کرنے کا منصوبہ
    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
    طالبان نے لڑکیوں پر کلاس 3 سے آگے پڑھنے پر بھی پابندی عائد کردی
    پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
    ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق

    انہوں نے کہا کہ ہم نے ایسی کوئی پالیسی اختیار نہیں کی جس میڈیا پر قدغن نہیں لگے، 12 ماہ کے مشاورتی عمل کے بعد میڈیا کیلئے قانون تیار کیا گیا ہے، جب تک ایک نقطے پربھی اعتراض ختم نہیں ہوگا قانون سازی نہیں ہوگی۔ انہوں نے مزید کہا کہ انتخابات کا انعقاد الیکشن کمیشن کی ذمہ داری ہے، ملک میں جمہوریت کا تسلسل رہنا بہت ضروری ہے، نگران وزیراعظم کا تقرر اپوزیشن لیڈر اور وزیراعظم کی مشاورت سے ہوگا، آئینی مدت پوری کر کے اسمبلی تحلیل کرنے کی سمری 9 اگست کو صدر کو ارسال ہوجائے گی۔

  • اسپیکر قومی اسمبلی سے یونین کونسل موہڑہ نوری کے چیئرمین کی ملاقات

    اسپیکر قومی اسمبلی سے یونین کونسل موہڑہ نوری کے چیئرمین کی ملاقات

    اسپیکر قومی اسمبلی راجہ پرویز اشرف سے گوجر خان کی یونین کونسل موہڑہ نوری کے چیئرمین راجہ عرفان عزیز کی ملاقات

    سپیکر قومی اسمبلی راجہ پرویز اشرف سے گوجر خان کی یونین کونسل موہڑہ نوری کے چیئرمین راجہ عرفان عزیز کی ملاقات چیئرمین کا گوجر خان بلخصوص یونین کونسل موہڑہ نوری میں جاری ترقیاتی کاموں پر اطمینان کا اظہار کیا جبکہ اسپیکر قومی اسمبلی راجہ پرویز اشرف کی خصوصی کاوشوں سے گوجر خان میں متعدد موضعوں اور دیگر آبادیوں کو گیس کی فراہمی کے لیے گیس سپلائی لائن بچھانے کے لیے فنڈز کی منظوری پر یونین کونسل موہڑہ نوری کی عوام کا اظہار تشکر پہنچایا ۔

    اسپیکر قومی اسمبلی راجہ پرویز اشرف سے بدھ کے روز گوجر خان کی یونین کونسل موہڑہ نوری کے چیئرمین عرفان عزیز نے پارلیمنٹ ہاؤس میں ملاقات کی جبکہ ملاقات میں گوجر خان بلخصوص یونین کونسل موہڑہ نوری میں جاری ترقیاتی منصوبوں پر تبادلہ خیال کیا گیا۔ اسپیکر قومی اسمبلی راجہ پرویز اشرف نے اس سلسلے میں جاری اپنے بیان میں کہا کہ وہ عوامی خدمت پر یقین رکھتے ہیں اور ان کی ہمیشہ کوشش ہوتی ہے عوام کے مسائل کو ان کی دہلیز پر حل کیا جائے۔انہوں نے کہا کہ گوجر خان کی عوام نے آئندہ انتخابات میں اعتماد کا اظہار کیا تو علاقے کے مسائل کو حل کرنے میں کوئی کسر اٹھا نہیں رکھی جائے گی۔

    اسپیکر قومی اسمبلی راجہ پرویز اشرف نے کہا کہ گوجر خان میں یونین کونسل موہڑہ نوری کے موضع صابہ شیر خان، کرسال، میانہ صتحال، ڈھوک میکن، ڈھوک کشمیریاں، ڈھوک سیداں، ڈھوک پھگو، ڈھوک اعتبار، ڈھوک بلوچاں، ڈھوک مائر اور دیگر ملحقہ آبادیوں کو گیس کی فراہمی کے لیے مین گیس سپلائی لائن بچھانے کے لیے فنڈز کی منظوری دے دی گئی ہے۔گیس سپلائی لائن کی فراہمی کے اس منصوبے پر 8 کروڑ 55 لاکھ 60 ہزار روپے لاگت آئے گی اور اس سے یونین کونسل موہڑہ نوری کے موضع صابہ شیر خان، کرسال، میانہ صتحال، ڈھوک میکن، ڈھوک کشمیریاں، ڈھوک سیداں، ڈھوک پھگو، ڈھوک اعتبار، ڈھوک بلوچاں، ڈھوک مائر، اور دیگر ملحقہ آبادیوں کے عوام مستفید ہونگے۔انہوں نے مزید بتایا کہ مین لائن براستہ کالس ،چک چکوڑہ ،پیر پھلائی ،ٹبی سیداں سوھاوہ روڈ سے بچھانے کا مقصد ان آبادیوں کو بھی گیس کی سپلائی فراہم کرنا ہے تاکہ زیادہ سے زیادہ عوام مستفید ہو سکیں۔

    چیئرمین یونین کونسل موہڑہ نوری راجہ عرفان عزیز نے گوجر خان بلخصوص یونین کونسل موہڑہ نوری میں جاری ترقیاتی کاموں پر اطمینان کا اظہار کرتے کیا۔انہوں نے اپنے اور یونین کونسل موہڑہ نوری کی عوام کی طرف سے اسپیکر قومی اسمبلی راجہ پرویز اشرف، راجہ جاوید اشرف اور راجہ خرم پرویز اشرف کی جانب سے یونین کونسل موہڑہ نوری کے موضع صابہ شیر خان میں گیس سپلائی لائن بچھانے کے لیے اٹھائے گئے اقدام پر خصوصی شکریہ ادا کیا۔انہوں نے کہا یونین کونسل موہڑہ نوری کے عوام آپ کے عوام دوست اقدامات کی دل سے قدر کرتے ہیں۔انہوں نے کہا کہ جس جذبے سے وہ عوام کے مسائل کو حل کرنے میں مصروف ہیں یونین کونسل موہڑہ نوری کی عوام بھی اسی جذبے سے آئندہ الیکشن میں انہیں بھرپور انداز میں کامیاب کر کہ ایک بار پھر عوام کی خدمت کا موقع فراہم کرنے کا عزم رکھتے ہیں۔انہوں نے کہا کہ پاکستان پیپلز پارٹی کا خاصہ ہے کہ وہ عوامی خدمت کی سیاست اور عوامی مسائل کو ان کی دہلیز پر حل کرنے پر یقین رکھتی ہے۔انہوں نے کہا کہ آئند الیکشن میں پاکستان پیپلز پارٹی جیت کر عوام کو درپیش مسائل کو ترجیح بنیادوں پر حل کرے گی۔انہوں نے راجہ پرویز اشرف، راجہ جاوید اشرف، راجہ خرم پرویز اور ان کی پوری ٹیم کو گوجر خان اور بلخصوص یونین کونسل موہڑہ نوری کے مسائل کو ترجیح بنیادوں پر حل کرنے کے لیے اٹھائے گئے اقدامات کو سراہا۔

    انہوں نے کہا کہ مندرجہ بالا موضعات کی عوام کا دیرینہ مطالبہ تھا جو راجہ پرویز اشرف اور ان کی پوری ٹیم کی خصوصی کاوشوں سے پورا ہونے جا رہا ہے۔ ان کا مزید کہنا تھا کہ اہل علاقہ راجہ پرویز اشرف کے عوام کے مسائل کو حل کرنے اور علاقے کو ترقی اور خوشحالی کے لیے قابل ستائش کردار ادا کرنے کو قدر کی نگاہ سے دیکھتے ہیں۔انہوں نے کہا کہ یونین کونسل موہڑہ نوری کے موضع صابہ شیر خان اور دیگر ملحقہ آبادیوں کے لیے گیس پائپ لائن منصوبے کے لیے فنڈز منظور کروا کر انہوں نے اہل علاقہ سے کیے گئے ایک اور وعدے کو پورا کر دیا ہے اور حقیقی معنوں میں اہل علاقہ کے دل جیت لیے ہیں۔

    دوسری جانب اسپیکر قومی اسمبلی راجہ پرویز اشرف نے یونین کونسل بیول میں سینئر صحافی شفقت علی کے گھر کا دورہ کیا۔ اس موقع پر ان کے ہمراہ صدر پاکستان پیپلز پارٹی آزاد کشمیر چوہدری محمد یاسین، امیدوار برائے صوبائی اسمبلی چوہدری اعظم پرویز اور صدر پی ایف یو جے افضل بٹ بھی موجود تھے۔اسپیکر قومی اسمبلی نے شفقت علی کے والد کی وفات پر گہرے دکھ اور افسوس کا اظہار کیا اور مرحوم کے روح کے ایصال ثواب کے لیے فاتحہ خوانی کی اور بلندی درجات کے لیے دعا مانگی۔انہوں نے کہا کہ والدین قدرت کا انمول تحفہ ہیں ان کا اچانک زندگی سے بچھڑ جانا بڑا صدمہ اور ناقابل تلافی نقصان ہے جسے مدتوں پورا نہیں کیا جا سکتا۔انہوں نے شفقت علی سے دلی ہمدردی اور یکجہتی کا اظہار کیا ۔انہوں نے کہا کہ دکھ کی اس مشکل گھڑی میں وہ ان کے غم اور دکھ میں برابر کے شریک ہیں۔ اسپیکر نے اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا کی۔

    علاوہ ازیں اسپیکر قومی اسمبلی راجہ پرویز اشرف نے گوجر خان میں گزشتہ دنوں وفات پانے والے افراد کے گھروں کا دورہ کیا، اسپیکر قومی اسمبلی نے اللہ تعالیٰ سے مرحومین کے روح کے ایصال ثواب کے فاتحہ خوانی اور مغفرت کے لیے دعا مانگی۔ اسپیکر قومی اسمبلی راجہ پرویز اشرف کی بیول میں قتل ہونے والے سابق کونسلر چوہدری شکیل کے گھر گئے، اس موقع پر ان کے ہمراہ امیدوار برائے صوبائی اسمبلی چوہدری اعظم پرویز بھی موجود تھے۔راجہ پرویز اشرف نے چوہدری شکیل کے قتل کی مذمت کی اور مرحوم کے اہلخانہ سے دلی تعزیت اور ہمدردی کا اظہار کیا۔انہوں نے مرحوم کی سیاسی و سماجی خدمات کو خراج تحسین پیش کیا۔انہوں کہا کہ وہ غم اور دکھ کی اس مشکل گھڑی میں غمزدہ خاندان کے غم میں برابر کے شریک ہیں ۔

    اسپیکر نے اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا کی۔ بعد ازاں اسپیکر قومی اسمبلی نے گوجر خان کی یونین کونسل بیول میں سابق کونسلر و دیرینہ ساتھی راجہ ریاض کی وفات پر تعزیت کے لیے ان کے گھر گے۔اسپیکر نے مرحوم کے اہلخانہ سے دلی تعزیت اور افسوس کا اظہار کیا۔اسپیکر قومی اسمبلی نے اپنے دیرینہ ساتھی راجہ ریاض کی سیاسی خدمات کو خراج تحسین پیش کیا۔انہوں نے کہا کہ راجہ ریاض کی سیاسی و سماجی خدمات کو ہمیشہ یاد رکھا جائے گا۔انہوں نے کہا کہ دکھ اور غم کی اس گھڑی میں وہ راجہ ریاض کے اہلخانہ سے یکجہتی اور دلی ہمدردی کا اظہار کرتے ہیں۔

    اسپیکر قومی اسمبلی نے اللہ تعالیٰ سے مرحوم کے روح کے ایصال ثواب کے لیے فاتحہ خوانی کی اور بلندی درجات، سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا مانگی۔ اس موقع پر اسپیکر قومی اسمبلی نے راجہ وسیم عاصم ،راجہ صغیر عاصم کی والدہ کی وفات پر تعزیت کا اظہار کیا اور مرحومہ کے روح کے ایصال ثواب کے لیے فاتحہ خوانی کی۔انہوں نے سوگوار خاندان سے تعزیت اور دلی ہمدردی کا اظہار کیا۔انہوں نے اللہ تعالیٰ سے مرحومہ کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا کی۔

  • امریکہ جا کر باورچن بن گئی میناکشی ششادری

    امریکہ جا کر باورچن بن گئی میناکشی ششادری

    بالی وڈ پر ایک زمانے میں‌ راج کرنے والی اداکارہ میناکشی ششادری نے اپنے حالیہ انٹرویو میں کہا ہے کہ جب شادی ہوتی ہے تو کوئی بھی اداکارہ نہیں ہوتی بلکہ وہ اس گھر کی بہو بیٹی اور بیوی ہوتی ہے ہر حال میں اس کو گھر کے کام کرنے اور کروانے ہوتے ہیں . میں‌نے جب 1995 میں شادی کی اور شادی کے بعد امریکہ میں جا کر اپنے شوہر کے ساتھ سیٹل ہو گئی تو پھر میں نے وہاں سارے کام کئے ، گھر سنبھالا جو کہ میری زمہ داری تھی، مجھے کھانا بنانا نہیں آتا تھا لہذا مجھے سب سے پہلے کھانا بنانا سیکھنا پڑا، جب میں‌نے کھانا بنانا سیکھ لیا تو بہترین کوکنگ شروع کر دی.

    اس کے بعد میں نے ہمیشہ کھانا خود ہی بنایا ، یوں ”میں شادی کے بعد امریکہ جا کر پہلے ہاتھ کک بن گئی تھی” لیکن مجھے خوشی ہے کہ میں‌نے اپنے شوہر اور بچوں کے لئے خود کھانا بنایا. انہوں نے کہا کہ انسان کو اپنے رشتے اور زندگی چلانے کےلئے بہت ساری چیزیں کرنی پڑتی ہیں اور ایک عورت کےلئے اس کا گھر سب سے زیادہ اہم ہوتا ہے. یاد رہے کہ میناکشی ششادری نے عین کیرئیر کے عروج پر شادی کی ، ان کی فلم دامنی نے ان دنوں بہت ہٹ تھی جب انہوں نے شادی کی اور پھر بالی وڈ سے کنارہ کشی اخیتار کر لی.

    کاجول کا شاہ رخ خان کے بارے میں ایک بڑا انکشاف

    عالیہ بھٹ نے جاوید اختر کا شکریہ کیوں ادا کیا ؟

    اور جب حمزہ شہباز نے وارث بیگ کو 17 گانے سنائے