Tag: nisho

ماضی کی نامور اداکارہ نشو کے اعزاز میں دو روز پہلے ایک تقریب رکھی گئی جس میں انہوں نے اپنے گانے پر رقص کیا، انہیں جب سٹیج پر بلایا گیا توانہوں نے اپنے مشہور گیت وے سب توں سونیا ہائے وے من مونیا ، پر رقص کیا تو ہال تالیوں سے گونج اٹھا، نشو نے اسی انرجی سے ڈانس کیا جو انرجی فلم کے گیت میں دیکھنے کو ملی. نشو نے کالے رنگ کا فراک زیب تن کر رکھا تھا. اس موقع پر سینئر اداکارہ پنہ بھی موجود تھیں جو کہ اپنے زمانے کی مشہور اداکارہ و رقاصہ تھیں ، انہوں نے بھی نشو کے ڈانس کو بہت سراہا. دوسری طرف فلمسٹار رنگیلا کی بیٹی

بھی موجود تھیں جنہوں نے نشو کو بہت سراہا. یاد رہےکہ فلمسٹار نشو نے ستر کی دہائی میں اپنے کیرئیر کا آغاز کیا اور ندیم کے ساتھ فلم بازی میں‌کام کیا پہلی ہی فلم نے کامیابی حاصل کی اور نشو راتوں رات کامیاب اداکارائوں کی فہرست میں کھڑی ہو گئیں. انہوں نے اپنے دور کے تمام سپر ہٹ ہیروز کے ساتھ کام کیا اور نام کمایا. انہوں نے نیلو، زیبا، دیبا و دیگر کی موجودگی میں اپنا مقام بنایا اور ثابت کیا کہ وہ ایک باصلاحیت اداکارہیں جو کسی کا بھی اداکاری میں مقابلہ کر سکتی ہیں.

سینئر اداکارہ نشو بیگم جو آج کل ٹک ٹاک پر بہت زیادہ متحرک دکھائی دیتی ہیں، زیادہ تر سینر فنکار ٹک ٹاک پر دکھائی نہیں دیتے ہیں لیکن نشو بیگم باقاعدگی سے ٹک ٹاک پر وڈیوز میں نظر آرہی ہیں. نشو بیگم سے جب پوچھا گیا کہ ٹک ٹاک پر آنے کا خیال کیسے آیا تو انہوں نے کہا کہ ایسے ہی ایک دن ایک وڈیو بنائی سوشل میڈیا پر ڈالی تو لوگوں کا اچھا ریسپانس آیا اس کے بعد مجھے لگا کہ ٹک ٹاک پر جانا چاہیے لہذا اکائونٹ بنا لیا، میں ایک ہی دن تیار ہوتی ہوں اور چار پانچ گانے ریکارڈ کر لیتی ہوں، اور پھر ٹک ٹاک پر ڈالتی رہتی ہوں. نشو نے کہا کہ میں ٹک ٹاک صرف پاکستانی گانوں کے بناتی ہوں وہ گانے جو ہمارے دور کے تھے. میں ان گانوں کے زریعے اپنی یادیں تازہ کرتی ہوں. خوشی ہے کہ لوگ مجھے

پسند کررہے ہیں ، انہوں نے مجھے جو ھوصلہ دیا ہے اس کےلئے میں ان کی شکر گزار ہوں.نشو نے کہا کہ کس گانے پر وڈیو بنانی ہے یہ میری اپنی چوائس ہوتی ہے. میں پاکستانی ہوں اور پاکستانی گانوں پر ٹک ٹاک بنا کر انہیں پرموٹ کرنا میری زمہ داری ہے اور میں اس زمہ داری کو بخوبی نبھا رہی ہوں .