Baaghi TV

Tag: Pakistan cities

  • سرکاری اخراجات میں کمی کا مشن، 15 رکنی کفایت شعاری کمیٹی قائم

    سرکاری اخراجات میں کمی کا مشن، 15 رکنی کفایت شعاری کمیٹی قائم

    وزیراعظم شہباز شریف نے غیر ضروری سرکاری اخراجات میں کمی لانے کیلئے 15 رکنی کمیٹی قائم کردی، جس کا نوٹیفکیشن بھی جاری کردیا گیا۔

    نوٹیفکیشن کے مطابق ناصر محمود کھوسہ کمیٹی کے سربراہ ہوں گے جبکہ دیگر اراکین میں وزیر مملکت خزانہ، معاونین خصوصی اور مشیران، کابینہ، خزانہ، پاور اور ہاؤسنگ کے سیکریٹریز، چیئرمین سی ڈی اے اور صوبائی چیف سیکریٹریز کے ساتھ ماہرین معاشیات قیصر بنگالی، فرخ سلیم، زبیر خان اور نوید افتخار کو بھی کمیٹی کا رکن مقرر کیا گیا ہے۔

    پنجاب میں الیکشن کی تاریخ کا اعلان کیا جائے،بزدار کا گورنر کو خط

    نوٹیفکیشن میں مزید کہا گیا ہے کہ کمیٹی سربراہ کو سرکاری یا نجی شعبے سے مزید ارکان نامزد کرنے کا اختیار ہوگا، کمیٹی سرکاری اخراجات میں کمی اور مالی ڈسپلن کیلئے تجاویز دے گی۔

    جنگوں سے غربت ،افلاس اور بے روزگاری کے سوا کچھ نہیں ملا،بلاول

    رپورٹ کے مطابق غیر ضروری سرکاری اخراجات میں کمی کیلئے وزارتوں اور ڈویژنز سے بھی تجاویز لی جائیں گی، حکومتی حجم میں بھی کمی لانے کی تجاویز تیار کی جائیں گی۔

    گورنمنٹ گریجویٹ کالج میں پرنسپل نے غیر قانونی اکیڈمی کھول لی

    واضح رہے کہ عمران خان کی اپریل میں حکومت کے خاتمے کے بعد بننے والی اتحادی حکومت کو شدید مالی مشکلات کا سامنا ہے، ملکی زرمبادلہ ذخائر میں غیر معمولی کمی واقع ہوچکی ہے جبکہ مہنگائی نے بھی عوام کو پریشان کر رکھا ہے۔

  • نگران وزیراعلیٰ خیبرپختونخوا کی تقرری،مختلف نام زیر غور

    نگران وزیراعلیٰ خیبرپختونخوا کی تقرری،مختلف نام زیر غور

    پشاور:نگران وزیراعلیٰ خیبرپختونخوا کی تقرری پر مشاورت کے لئے وزیر اعلیٰ محمود خان اور اپوزیشن لیڈر اکرم درانی سپیکر ہاؤس پہنچ گئے ہیں، ملاقات میں دونوں رہنما اپنے اپنے نام پیش کریں گے۔

    پارٹی ذرائع کے مطابق حکومت کی جانب سے دو ریٹائرڈ بیوروکریٹس صاحبزادہ سعید اورجاوید اقبال کے ناموں پرغور کیا جا رہا ہے، پی ٹی ائی نے دو شخصیات پر اتفاق کر لیا ہے، حتمی منظوری سابق وزیراعظم عمران خان دیں گے۔

    پرویز الہی نگران وزیر اعلی کو کیسے نہیں چلنے دیں گے؟ ملک احمد خان

    جاوید اقبال خیبرپختونخوا کے چیف سیکرٹری، صاحبزادہ سعید اہم عہدوں پر کام کر چکے ہی، صاحبزادہ سعید خیبرپختونخوا کی پی ٹی ائی حکومت میں وزیراعلیٰ کے مشیر بھی رہ چکے ہیں، وزیر اعلیٰ محمود خان آج 2 نام اپوزیشن لیڈر اکرم درانی کے ساتھ ملاقات میں پیش کریں گے۔

    پاکستان گرل گائیڈزایسوسی ایشن، نیشنل کلینرپروڈکشن سینٹرکے درمیان مفاہمت کی یادداشت…

    دوسری جانب اپوزیشن نے سابق آئی جی ظفر اللہ خان اور سابق چیف جسٹس دوست محمد کا نام تجویز کیا ہے، ظفراللہ خان کا نام اے این پی جبکہ سابق چیف جسٹس دوست محمد کا نام جے یو آئی نے دیا ہے، وزیراعلی محمود خان اور اکرم درانی نے نگراں وزیراعلیٰ کے لئے دیگر نام بھی اپنے پاس رکھے ہوئے ہیں۔

    پنجاب میں الیکشن کی تاریخ کا اعلان کیا جائے،بزدار کا گورنر کو خط

    ادھر پنجاب میں نگران وزیراعلیٰ کے تقررکا معاملہ الیکشن کمیشن میں جانے پر پی ٹی آئی رہنماؤں نے کہا ہے کہ چاروں امیدواروں کے کردار کو سامنے رکھ کر بہتر شخص کا نام سامنے لایا جائے، اگر کسی ایسے شخص کا نام سامنے لایا گیا جو متنازعہ ہو تو عدلیہ سمیت ہر جگہ جائیں گے۔

    لاہور میں سپیکر پنجاب اسمبلی سبطین خان کے زیر صدارت اجلاس میں حکومت اور اپوزیشن میں نگران وزیراعلیٰ پنجاب کیلئے ایک نام پر اتفاق نہ ہوسکا جس کے بعد نگران وزیراعلیٰ پنجاب کی تقرری کا فیصلہ اب الیکشن کمیشن کرے گا۔

  • پی آئی اے کے سی ای او کیلئے تیسری بار اشتہار شائع کرنیکا فیصلہ

    پی آئی اے کے سی ای او کیلئے تیسری بار اشتہار شائع کرنیکا فیصلہ

    اسلام آباد:پاکستان انٹرنیشنل ایئر لائنز (پی آئی اے) میں 3 سالہ کنٹریکٹ پر چیف ایگزیکٹو افسر کی ایک بار پھر تلاش کا آغاز کردیا گیا۔ قومی ایئرلائن کے بورڈ آف ڈائریکٹرز نےتیسری بار اشتہار جاری کرنے کی منظوری دیدی۔

     

    پاکستان انٹرنیشن ایئر لائنز کے بورڈ آف ڈائریکٹر نے قومی ایئر لائن میں 3 سالہ کنٹریکٹ پر چیف ایگزیکٹو افسر (س ای او) کی تعیناتی کیلئے اشتہار جاری کرنے کی منظور دیدی۔

     

    قومی ایئر لائن ایک سال سے کل وقت سی ای او سے محروم تھی، ممکنہ انتخاب سے قومی ایئرلائن کو ایک سال بعد کل وقتی سی ای او دستیاب ہوگا، موجودہ قائم مقام سی ای او عامر حیات 22 اپریل 2022ء سے اس عہدے پر فائز ہیں، عامر حیات کو سابق سی ای او ایئر مارشل ارشد ملک کی ریٹائرمنٹ پر یہ ذمہ داری دی گئی تھی۔

    واضح رہے کہ عامر حیات سابق سی ای او پاکستان انٹرنیشنل ایئر لائنز ارشد ملک کے ساتھ پاک فضائیہ سے آئے ڈیپوٹیشن افسران ٹیم کا حصہ تھے، وہ ان کی ایئرلائن میں تعیناتی کی مدت میں دوسری بار جون 2023ء تک اضافہ بھی کیا گیا ہے۔

    اس عہدے کیلئے درکار اہلیت اور تجربے کے حامل امیدوار کیلئے اشتہار اتوار کے قومی اخبارات میں شائع ہوگا، سابق سی ای او ارشد ملک کی تعیناتی سے اب تک نئے سی ای او کی تلاش کیلئے تیسری بار اشتہار جاری کیا جارہا ہے۔

  • نگران وزیراعلیٰ کیلئے متنازعہ نام سامنےآیا تو عدلیہ سمیت ہرجگہ جائیں گے: پی ٹی آئی

    نگران وزیراعلیٰ کیلئے متنازعہ نام سامنےآیا تو عدلیہ سمیت ہرجگہ جائیں گے: پی ٹی آئی

    لاہور:نگران وزیراعلیٰ کے تقرر کا معاملہ الیکشن کمیشن میں جانے پر پی ٹی آئی رہنماؤں نے کہا ہے کہ چاروں امیدواروں کے کردار کو سامنے رکھ کر بہتر شخص کا نام سامنے لایا جائے، اگر کسی ایسے شخص کا نام سامنے لایا گیا جو متنازعہ ہو تو عدلیہ سمیت ہر جگہ جائیں گے۔

    لاہور میں سپیکر پنجاب اسمبلی سبطین خان کے زیر صدارت اجلاس میں حکومت اور اپوزیشن میں نگران وزیراعلیٰ پنجاب کیلئے ایک نام پر اتفاق نہ ہوسکا جس کے بعد نگران وزیراعلیٰ پنجاب کی تقرری کا فیصلہ اب الیکشن کمیشن کرے گا۔

    اجلاس کے بعد پی ٹی آئی پارلیمانی پارٹی کے رکن راجہ بشارت نے میڈیا سے گفتگو میں کہا کہ نگران وزیر اعلیٰ کے لئے پارلیمانی کمیٹی بنائی گئی تھی اس کے اجلاس میں دو دو نام پر بات ہوئی، جو نام ہم نے دیے ان کو اگر کسی بھی پیمانے پر دیکھیں تو اپوزیشن سے بہتر ہیں، دو دنوں سے نامزد لوگوں کی درگت بن رہی ہے، وہ فیصلے کریں جو عوام کو قابل قبول ہوں، آج بھی جو نام ہم نے دیے وہ اپوزیشن کے ناموں سے ہر لحاظ سے بہتر ہیں۔

    ٹھٹھہ : سابق چیف جسٹس پاکستان عبدالحمید ڈوگرکا بیٹا ودیگر نے ہماری زمینوں پر قبضہ…

    راجہ بشارت نے کہا کہ اپوزیشن دو ناموں پر اڑی رہی، ہم نے نصیر احمد کا نام بھی دیا، دو بیوروکریٹس کے نام دیے، فیصلہ یہ ہوا ہے کہ دونوں اطراف کے نام الیکشن کمیشن کے پاس جائیں گے، چاروں امیدواروں کے کردار کو سامنے رکھ کر بہتر شخص کا نام سامنے لایا جائے، ہمارے پاس سارے فورم موجود ہیں، اگر کسی ایسے شخص کو سامنے لایا گیا جو متنازعہ ہو تو عدلیہ سمیت ہر جگہ جائیں گے۔

    پاکستان دلدل میں پھنسا ہوا ہے، وکلا نکال سکتے ہیں،عمران خان

    میاں اسلم اقبال نے کہا کہ ہم نے نگران وزیر اعلیٰ پر فیصلہ کرنا تھا نوید چیمہ، احمد نواز سکھیرا اور نصیر احمد خان کے نام سامنے رکھے، جس کا کردار اچھا ہو ایڈمنسٹریشن کا تجربہ ہو اسے آگے لایا جائے، احمد نواز سکھیرا ہمارے اور ان کے دور میں بھی کام کرتے رہے، تجربہ کار لوگوں کو سامنے لایا جائے۔

    پرویز الہی نگران وزیر اعلی کو کیسے نہیں چلنے دیں گے؟ ملک احمد خان

    ہاشم جواں بخت کا کہنا تھا کہ 3 ماہ کے لئے غیر جانبدار الیکشن کروانے ضروری ہیں، ایسا نگران وزیر اعلیٰ ہو جس کا تجربہ ہو، ہمارے سارے نام غیر جانبدار ہیں، کاش اپوزیشن ہمارے ساتھ بات کرتی، اب الیکشن کمیشن میں فیصلہ چلا گیا ہے۔

  • وفاقی حکومت نے سپریم کورٹ کے اختیارات کم کر دیئے

    وفاقی حکومت نے سپریم کورٹ کے اختیارات کم کر دیئے

    وفاقی حکومت نے سپریم کورٹ کے اختیارات کم کر دیے
    قومی کمیشن برائے صنعتی تعلقات کے چیئرمین لگانے کا اختیارچیف جسٹس سپریم کورٹ سے لے کروفاقی حکومت کو دے دیا گیا،
    ترمیم کے بعد چیئرمین قومی کمیشن برائے صنعتی تعلقات اور ممبران کو کنٹرول رکھنے کیلئے وفاقی حکومت انہیں بغیر بتائے ایک ماہ کا نوٹس دے کر ہٹاسکے گی

    وزارت سمندر پار پاکستانیز نے قومی کمیشن برائے صنعتی تعلقات کے رولزمیں خاموشی کے ساتھ ترمیم کر دی، ذرائع کے مطابق قومی کمیشن برائے صنعتی تعلقات کے چیئرمین لگانے کا اختیار چیف جسٹس سپریم کورٹ سے واپس لینا سپریم کورٹ کے اس فیصلے کی خلاف ورزی ہے جو کہ سپریم کورٹ نے ریاض الحق بنام فیڈریشن آف پاکستان کیس میں دیا تھا۔باغی ٹی وی کی رپورٹ کے مطابق وفاقی حکومت نے قومی کمیشن برائے صنعتی تعلقات کے چیئرمین لگانے کا اختیار چیف جسٹس آف پاکستان سے لیکر وفاقی حکومت کو منتقل کردیا ترمیم کے بعد چیئرمین قومی کمیشن برائے صنعتی تعلقات اور ممبران کو کنٹرول رکھنے کے لئے وفاقی حکومت انہیں بغیر بتائے ایک ماہ کا نوٹس دے کر ہٹاسکے گی ۔ دستاویزات کے مطابق سپریم کورٹ نے ریاض الحق بنام فیڈریشن آف پاکستان کیس میں13جنوری 2013 فیصلہ دیا تھا کہ اس طرح کے ٹربیونلزو کمیشنز کے چیئرمین کی تعیناتی سپریم کورٹ اور ہائیکورٹس کے چیف جسٹس صاحبان سے مشاورت سے جائے گی، اس کے ساتھ معاشی اور انتظامی طورپر خود مختار ہونے چاہیں تاکہ قومی کمیشن برائے صنعتی تعلقات اور اس طرح کے ٹربیونلزآزادنہ طور پر فیصلے کرسکیں تاہم قومی کمیشن برائے صنعتی تعلقات نئے رولز میں سپریم کورٹ کے فیصلے کے برعکس چیف جسٹس کی مشاورت ختم کر دی گئی ہے اور،قومی کمیشن برائے صنعتی تعلقات کے چیئرمین و ممبران کو عہدے سے ہٹانے کے لیے بغیر وجہ بناتے 30دن میں ہٹانے کی شق بھی رولز میں شامل کردی گئی۔

    اس سے پہلے پرانے رولز کے مطابق چیئرمین لگانے کے لیے چیف جسٹس سے مشاورت ضروری تھی اور کسی بھی چیئرمین یا ممبر کو بغیروجہ بتائے ہٹایا نہیں جا سکتا تھا۔نئی ترمیم کے مطابق وفاقی حکومت خود چیئرمین قومی کمیشن برائے صنعتی تعلقات کے تعیناتی کرے گی، نئی ترمیم کے بعد وفاقی حکومت کی جانب سے چیئرمین کمیشن سپریم کورٹ یا ہائی کورٹ کا سابق وموجودہ جج لگایا جاسکے گا، نئے رولز کے تحت چیئرمین و ممبران کو تین سال کے لیے تعینات کیا جائے گاجس میں توسیع نہیں ہوگی،کمیشن ممبران کی تعیناتی تین سال کے لیے ہوگی۔وزارت اوورسیز پاکستانی اور وفاقی وزیر کے ساتھ باربار رابطہ کرنے کے باوجودکسی قسم کا موقف نہیں دیا،واضح رہے کہ پرانے رولز کے مطابق قومی کمیشن برائے صنعتی تعلقات کے چیئرمین کی تعیناتی پہلے صرف سپریم کورٹ کا جج چیف جسٹس کی مشاورت سے ہی کی جا سکتی تھی، سابقہ رولز کے مطابق کمیشن ممبران کی تعیناتی دو سال کے لیے ہوتی تھی۔

    رپورٹ ،محمداویس

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنرل ہسپتال میں بریسٹ کلینک، خواتین کیلئے بہت بڑی نعمت ہے: صوبائی وزیر صحت

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

  • کون ہو گا نگران وزیراعلی پنجاب،پارلیمانی کمیٹی فیصلہ نہ کر سکی

    کون ہو گا نگران وزیراعلی پنجاب،پارلیمانی کمیٹی فیصلہ نہ کر سکی

    نگران وزیر اعلیٰ پنجاب کی تقرری کا معاملہ پارلیمانی کمیٹی کے اجلاس میں ڈیڈ لاک برقرار،نگران وزیراعلی پنجاب کے حوالے سے پارلیمانی کمیٹی میں کوئی فیصلہ نہ ہو سکا

    نگران وزیراعلی پنجاب کی تقرری کا معاملہ اب الیکشن کمیشن میں جائے گا ،تحریک انصاف کے رہنما راجہ بشارت کا کہنا ہے کہ ہم نے کہا تھا ان کے نام نہ دیں جن کا کریمینل ریکارڈ ہو،انہوں نے ہماری درخواست سے اتفاق نہیں کیا،اب ان کے دونوں نام اور ہمارے دونوں نام الیکشن کمیشن کے پاس جانے ہیں،ہمیں ان کے ناموں پر جو بھی اعتراض ہوا وہ اپنے ناموں کیساتھ لف کریں گے، انہیں ہمارے ناموں پر اعتراض ہو تو وہ بھی اپنے اعتراضات جمع کرا سکتے ہیں،ہمارے نام ان کے دیئے ہوئے ناموں سے ہر لحاظ سے بہتر ہیں،توقع کرتے ہیں الیکشن کمیشن کو آزادانہ فیصلہ کرنا چاہئے،

    تحریک انصاف کے رہنما میاں اسلم اقبال کا کہنا تھا کہ کمیٹی اجلاس میں ہم نےنگران سیٹ اپ کیلئے نام فائنل کرنا تھا، صوبے کو ایسے شخص کے حوالے کرنا چاہتے ہیں جو معاملات بہتر طریقے سے چلائے، ہمارے ناموں میں سے کسی نام پر اتفاق ہو جاتا تو مشکل نہ ہوتی،جس کا کردار اچھا اورایڈمنسٹریشن کا تجربہ ہو اسے آگے لایاجائے،احمد نواز سکھیرا ہمارے اور انکے بھی کام کرتے رہے، ہاشم بخت جوان کا کہنا تھا کہ 3ماہ کےلئے غیر جانبدار الیکشن کروانے ضروری ہیں، ایسا نگران وزیر اعلی ٰہو جس کا تجربہ ہو،

    پیپلز پارٹی کے پارلیمانی لیڈر حسن مرتضیٰ کا کہنا تھا کہ آج ہم نگراں وزیراعلیٰ کے نام پر متفق نہیں ہو سکے،آج ہم کسی بھی چیز پر اتفاق رائے نہیں کر پا رہے،پارلیمانی کمیٹی نگران وزیراعلیٰ کے نام پر متفق نہ ہوسکی،ممبران کو ڈکٹیشن دے کر بھیجا جاتا ہے افسوس کی بات ہے کہ ہم اتفاق کے بغیر جا رہے ہیں،

    ن لیگی رہنما ملک احمد خان کا کہنا تھا کہ معاملات سیاسی طور پر حل ہونے کے مواقع ہوتے ہیں مگر یہاں نہیں ہیں،نگران وزیراعلیٰ کیلئے کسی نام پر اتفاق نہیں ہوسکا،عمران خان کی نیب نے احدچیمہ کو جیل میں ڈالا،احد چیمہ ایک قابل شخص ہیں، احد چیمہ کو3 سال حبس بے جا میں رکھا گیا، اپوزیشن نے نگران وزیراعلیٰ کیلئے دونوں قابل شخصیات کے نام دیئے،غیر جانبداری کا مظاہرہ کرنا چاہئے،احد چیمہ بہترین انداز میں انتخابات کر اسکتے ہیں، بدقسمتی سے معاملہ سیاسی طور پر حل نہ ہو سکا،

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    عمران خان معافی مانگنے جج زیبا چودھری کی عدالت پہنچ گئے

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    پنجاب کا نگران وزیراعلیٰ کون؟ قرعہ کس کے نام کا

     پارلیمنٹ کے فیصلے پارلیمنٹ کے اندر ہی ہونے چاہئیں،

  • پی ایس ایل8کی افتتاحی تقریب کہاں ہوگی؟نجم سیٹھی نےبتادیا

    پی ایس ایل8کی افتتاحی تقریب کہاں ہوگی؟نجم سیٹھی نےبتادیا

    لاہور:پی ایس ایل8کی افتتاحی تقریب کہاں ہوگی؟اس حوالےسے گفتگو کرتے ہوئے پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے کہا ہے کہ پی ایسل ایل 8 کی افتتاحی تقریب 13 فروری کو ملتان میں ہوگی جبکہ فائنل 19 مارچ کو لاہور میں ہوگا۔

    بابر اعظم کے خلاف مہم، پی سی بی کی آسٹریلوی ٹی وی چینل کو شٹ اپ کال

    لاہور میں پریس کانفرنس کے دوران نجم سیٹھی پی ایس ایل 8 کے شیدول کا اعلان کردیا جس کے مطابق پی ایس ایل 8 کا میلہ 13 فروری سے 19 مارچ تک سجے گا، افتتاحی میچ دفاعی چیمپیئن لاہورقلندرزاورملتان سلطانز کا ہوگا۔ٹورنامنٹ میں مجموعی طور پر 34 میچز کھیلے جائیں گے جس میں راولپنڈی میں 11 میچز ہوں گے، کراچی اور لاہور نو نو میچز کی میزبانی کریں گے، ملتان میں بھی پانچ میچز ہوں گے۔

    قیادت کرنے سے ہی آتی ہے کوئی نیچرل یا پیدائشی کپتان نہیں ہوتا. وسیم اکرم

    پی ایس ایل 8 میں بابر اعظم پہلی بار 2017 کی فاتح پشاور زلمی کی قیادت کریں گے۔ عماد وسیم 2020 کی فاتح کراچی کنگز کی کپتانی کریں گے۔شاداب خان دو بار کی چیمپئن اسلام آباد یونائیٹڈ اور شاہین شاہ آفریدی لاہور قلندرز کی کپتانی کریں گے۔ محمد رضوان ملتان سلطانز اور سرفراز احمد 2019 کی چیمپئن کوئٹہ گلیڈی ایٹرز کے کپتان ہوں گے۔

    ہر بیٹی کی پیدائش پر قسمت بدلتے دیکھا ہے،شاہد آفریدی

    ٹورنامنٹ میں 10 ملکوں سے تعلق رکھنے والے 36 سے زائد غیر ملکی کرکٹرز بھی ایکشن میں نظر آئیں گے۔راشد خان لاہور قلندرز، ایلکس ہیلز اسلام آباد یونائیٹڈ، ٹم ڈیوڈ ملتان سلطانز، جیسن رائے کوئٹہ گلیڈی ایٹرز، بھانوکا راجا پاکسے پشاور زلمی کی نمائندگی کریں گے۔

    نجم سیٹھی نے پریس کانفرنس کے دوران کہا کہ پاکستان سپر لیگ بھارت کی آئی پی ایل کے بعد ٹی ٹوئنٹی کا سب سے بڑا برانڈ ہے جو خوب کامیابیاں سمیٹ رہا ہے، اس بار ایسی پی ایس ایل ہوگی جو پہلے کبھی نہیں ہوئی۔نجم سیٹھی نے کہا کہ پی ایس ایل کے دوران 3 ویمن میچز بھی کرائیں گے جبکہ ستمبر میں ویمن پی ایس ایل کی لانچنگ کا بھی پلان ہے۔

  • پاکستان میں استعمال شدہ گاڑیاں بھی مہنگی

    پاکستان میں استعمال شدہ گاڑیاں بھی مہنگی

    پاکستان میں استعمال شدہ گاڑیاں بھی مہنگی

    پاکستان میں استعمال شدہ گاڑیاں بھی دن بدن مہنگی ہوتی چلی جارہی ہیں جبکہ گزشتہ سال درآمدی ڈیوٹیز بڑھنے سے استعمال شدہ گاڑیوں کی قیمت میں بھی لاکھوں روپے اضافہ ہو گیا تھا جس کے باعث ان کی فروخت نہ ہونے کے برابر رہ گئی تھی۔ جبکہ گاڑیوں کی فروخت میں مہنگائی کے سبب نمایاں کمی کے باعث نہ صرف کار ڈیلرز پریشانی کا شکار ہیں بلکہ بہت سارے خریدار اور صارف بھی جو گاڑی رکھنا چاہتے مگر گاڑیاں مہنگا ہونے کے سبب وہ خرید نہیں پارہے ہیں.

    ایک کار ڈیلرز کے مطابق گزشتہ حکومت جو پاکستان تحریک انصاف کی تھی نے غیرملکی کاروں پر ڈیوٹیز میں اضافہ کردیا تھا اور اس وقت تو خریدار گاڑیوں کی قیمت سن کر ہی پریشان ہو جاتے جبکہ خریداروں کے مطابق گاڑی کا جو ریٹ آج سے ایک سال پہلے تھا اب اس میں کئی لاکھ روپے اضافہ ہو گیا ہے جس کی وجہ سے گاڑی خریدنا انتہائی مشکل ہو گیا ہے، خاص طور پر سفید پوش طبقے کی مشکلات بہت بڑھ گئی ہیں۔
    https://twitter.com/azfarhassan123/status/1581159155213037568
    ایک صارف نے ٹوئیٹر پر لکھا کہ "ہونڈا سیویک کا ایک اشتہار فیس بک پر دیکھا جس میں قیمت $1599 ڈالر بتائی گئی لیکن پاکستان میں ہم یہ استعمال شدہ گاڑیاں خریدتے ہوئے کتنی مہنگی قیمت پرسکون طور پر ادا کرتے ہیں. علاوہ ازین ایک اور صارف نے لکھا کہ مجھے بڑی شوق ہے کہ کوئی اچھی گاڑی خریدیوں لیکن پاکستان میں ایک تو اب استعمال شدہ گاڑیاں بہت مہنگی ہیں جبکہ نئی ان سے بھی مہنگی اور ان کے اندر جو لوہا ہے لگتا ہے کہ وہ لوہا نہیں بلکہ کسی ٹین سے بنائی گئی ہیں لہذا میں نے باہر سے منگوانے کا سوچا تو معلوم ہوا ادھر بھی لاکھو روپے کارگو اور پھر حکومتی ٹیکس ادا کرنے میں لگیں گے لہذا ارادہ منسوخ کرلیا ہے
    مزید یہ بھی پڑھیں؛
    جنوری2023 کیلیے 533.453ارب کا ٹیکس ہدف مقرر
    توشہ خانہ میں عمران خان کا گھٹیا کردار سامنے آیا ہے. وزیر داخلہ راناثنااللہ
    جنوبی ایشیا میں پاکستان روس کا اہم اتحادی ہے. صدر پیوٹن
    لیونل میسی کی پی ایس جی رونالڈوکی سعودی آل اسٹارزٹیم کے خلاف فتح
    وزیر خارجہ کی جنوبی افریقہ کے بین الاقوامی تعلقات اور تعاون کے وزیر سے ملاقات
    حدیقہ میمن کیس:اجتماعی زیادتی کا جرم ثابت ہونے پر چار ملزمان کو عمر قید کی سزا
    ایرانی سفیر کی دفتر خارجہ طلبی، دہشت گردانہ حملے پرتشویش کا اظہار

    ایک رپورٹ کے مطابق 800 سی سی تک کی جو گاڑیاں مارکیٹ میں 850000 روپے کی میسر تھی وہ اب 1164305 روپے اضافے کے بعد 2014305 روپے میں میسر ہو گئی ہیں ۔ جبکہ
    801 سے ہزار سی سی کی 2019 ماڈل کی جو گاڑی 1086310 روپے میں دستیاب تھی وہ اب 1328721 روپے کے اضافے کے بعد 2415031 روپے تک چلی گئیں ہیں ۔
    1001 سے 1300 سی سی کے 2019 ماڈل کی جو گاڑی 2696943 روپے تک میں میسر تھی وہ ڈیوٹی میں 2939450 اضافے کے بعد اب 5636393 روپے کو پہنچ چکی۔
    1301 سے 1500 سی سی تک کی 2019 ماڈل کی امپورٹڈ گاڑیوں کی قیمت 3798195 سے بڑھ کر 7937921 روپے ہو چکی ۔ 2019 ماڈلز کی ان گاڑیوں کی قیمت میں 4139726 روپے کا اضافہ ہوا۔
    1501 سے 1800 سی سی کی 2019 ماڈل کی گاڑیاں 4508446 اور 5586074 سے بڑھ کر 8731817 اور 10818938 روپے کی ہو چکی ہیں۔ اس کیٖٹیگری کی گاڑیوں کی قیمتوں میں نئی ڈیوٹی کے بعد 42 لاکھ اور 52 لاکھ روپے سے زائد کا اضافہ ہوا.
    1301 سے 1500 سی سی کی ہائبرڈ گاڑیوں کے 2019 ماڈل کی قیمت 2107121 سے بڑھ کر 4168960 ہو چکی ہیں۔ ان گاڑیوں کی قیمتوں میں 2061839 روپے کا اضافہ ہوا۔
    1501 سے 1600 سی سی کی ہائبرڈ گاڑیوں کی قیمت میں 2111686 روپے کا اضافہ ہوا، جس کے بعد پرانی قیمت 2254223 سے بڑھ کر 4365909 روپے ہو چکی جبکہ
    1601 سے 1800 سی سی ہائبرڈ گاڑیوں کے 2019 ماڈل کی قیمت 3093037 میں 2616430 روپے کا اضافہ ہوا جس کے بعد ان کی نئی قیمت 5709467 روپے تک پہنچی۔

    خیال رہے کہ پہلے استعمال شدہ گاڑیوں کے شورومز گاڑیاں خریدنے کے لیے خریداروں کی پسندیدہ جگہ ہوتے تھے جبکہ وہاں کوئی نہیں جاتا ہے کیونکہ یہ گاڑیاں بھی اس قدر مہنگی ہوگئیں کہ عام سفید پوش بندے کی خرید سے بھی دور ہیں.

  • ملک بھر میں سلنڈر پھٹنے کے واقعات،قائمہ کمیٹی کا تشویش کا اظہار

    ملک بھر میں سلنڈر پھٹنے کے واقعات،قائمہ کمیٹی کا تشویش کا اظہار

    سینیٹ کی قائمہ کمیٹی برائے کیبنٹ سیکرٹریٹ کا اجلاس چیئرمین کمیٹی سینیٹر رانا مقبول احمد کی زیر صدارت پارلیمنٹ ہاوس میں منعقد ہوا ۔

    چیئرمین کمیٹی سینیٹر رانا مقبول احمد ملک بھر میں سلنڈر پھٹنے کے متعدد واقعات سے جانی نقصان پر شدید تشویش کا اظہار کیا۔ چیئرمین کمیٹی نے اوگرا، میڈیا اور پار لیمان پر زور دیا کہ وہ مل کر اس مسئلے سے نمٹنے کے لیے اقدامات اٹھائیں۔ انہوں نے کہا کہ غیر معیاری سلنڈروں کی فروخت کے گھناﺅنے کاروبار میں ملوث کے ذمہ داران اور منافع خور وں کو کیفر کردار تک پہنچایا جائے ۔ چیئرمین کمیٹی نے کہا کہ ذمہ داروں کے خلاف تادیبی کارروائی کو یقینی بنایا جائے۔ انہوں نے یہ بھی کہا کہ اس سلسلے میں قانون سازی اور قانون کے موثر نفاذ کو یقینی بنانے کی اشد ضرورت ہے۔ کمیٹی نے گیس سلنڈروں کے لائسنس اور سرٹیفیکیشن کے طریقہ کار کا جائزہ لینے کی ضرورت پر زور دیا۔چیئرمین اوگرا نے کمیٹی کو بریفنگ دی کہ ملک میں قدرتی گیس کم ہو رہی ہے۔ انہوں نے کہا کہ اس وقت 4000 سے 5000 ٹن ایل پی جی ملک بھر میں استعمال ہو رہی ہے اور سلنڈر چیک کرنے پر پتہ چلا کہ کئی سلنڈر جن کا وزن 9 کلو ہونا چاہیے تھا اس کے بجائے سلنڈر کا وزن 3 کلو تھا،

    انہوں نے کہا کہ مستقبل میں اس طرح کے حادثات وقوع پذیر ہونے کی روک تھام پر سختی سے کام کر رہے ہیں۔ کمیٹی کو بتایا کہ 280 ایل پی جی فلنگ کمپنیاں ہیں جنہیں لائسنس دیا گیا ہے اور کہا کہ ہم نے مقامی علاقوں میں ایل پی جی اسٹیشنز کو چیک کرنے کی ہدایات جاری کی ہیں۔ سینیٹر وقار مہدی نے کہا کہ سلنڈر خودکش حملہ آور سے زیادہ خطرناک ہیں، لوگ دکانوں اور گھروں میں بم لے کر بیٹھے ہیں، کمیٹی نے افسوس کا اظہار کیا۔ کمیٹی نے گزشتہ تین سالوں میں سلنڈر پھٹنے سے متاثرین کی تعداد کے بارے میں بھی دریافت کیا اور غیر معیاری سلنڈر فروخت کرنے والوں کے خلاف کارروائی کی تفصیلات بھی طلب کیں۔ کمیٹی نے سلنڈروں کی تیاری اور لائسنسنگ، دھماکوں کی وجوہات اور اس مسئلے کے تدارک کے لئے اقدامات کے بارے میں تفصیلی بریفنگ طلب کی۔

    جنوری2023 کیلیے 533.453ارب کا ٹیکس ہدف مقرر
    توشہ خانہ میں عمران خان کا گھٹیا کردار سامنے آیا ہے. وزیر داخلہ راناثنااللہ
    جنوبی ایشیا میں پاکستان روس کا اہم اتحادی ہے. صدر پیوٹن
    لیونل میسی کی پی ایس جی رونالڈوکی سعودی آل اسٹارزٹیم کے خلاف فتح
    وزیر خارجہ کی جنوبی افریقہ کے بین الاقوامی تعلقات اور تعاون کے وزیر سے ملاقات
    حدیقہ میمن کیس:اجتماعی زیادتی کا جرم ثابت ہونے پر چار ملزمان کو عمر قید کی سزا
    ایرانی سفیر کی دفتر خارجہ طلبی، دہشت گردانہ حملے پرتشویش کا اظہار

    ”سول سرونٹس (ترمیمی) بل 2022“ پر بحث کے دوران سینیٹر مظفر حسین شاہ نے سرکاری ملازمین کی دوہری شہریت سے متعلق قانون پر سوال اٹھایا اور سرکاری ملازم کی دوہری شہریت کے قانون پر معلومات حاصل کیں۔ ”دوہری شہریت رکھنے والے افراد کے لیے کیا مجوزہ قانون ہے؟۔”سینیٹر مظفر حسین شاہ نے سوال کیا۔ سپیشل سیکرٹری اسٹیبلشمنٹ ڈویژن نے جواب دیا کہ سول سروس میں تقرری کے وقت صرف پاکستانی شہریت لکھی جاتی ہے ۔ سپیشل سیکرٹری اسٹیبلشمنٹ ڈویژن نے کہا کہ قانون کسی سرکاری ملازم یا اس کی شریک حیات کی دوہری شہریت پر پابندی نہیں لگاتا۔ سینئر جوائنٹ سیکرٹری اسٹیبلشمنٹ ڈویژن نے کہا کہ”حساس عہدوں پر تعینات دوہری شہریت کے حامل افسران سے حساس معلومات کے لیک ہونے کا خطرہ ہے۔اراکین کمیٹی نے مزید کہاکہ کمیٹی پہلے فیصلہ کرے گی کہ افسران کی دوہری شہریت ہونی چاہیے یا نہیں۔ سپیشل سیکرٹری اسٹیبلشمنٹ ڈویژن نے کہا کہ 2021 میں بھی اسی پر قومی اسمبلی میں بھی بل پیش کیا گیا تھا اور سینیٹ میں یہ بل آیا لیکن سینیٹ سے واپس ہو گیا تھا ۔قائمہ کمیٹی نے بل موخر کردیا کہ پہلے یہ تعین کیاجائے کہ سرکاری ملازمین کو دوہری شہریت کی اجازت ہے یا نہیں۔ چیئرمین کمیٹی نے کہا کہ فیصلے کے بعد قانون سازی شروع کر دی جائے گی۔

  • پرویز الہی نگران وزیر اعلی کو کیسے نہیں چلنے دیں گے؟ ملک احمد خان

    پرویز الہی نگران وزیر اعلی کو کیسے نہیں چلنے دیں گے؟ ملک احمد خان

    ن لیگی رہنما ملک احمد خان نے پنجاب اسمبلی کے باہر میڈیا سے گفتگو کرتے ہوئے کہا ہے کہ آئین کے دو آرٹیکل ہیں ایک 224 اور دوسرا 224A ہے،آرٹیکل 224 کہتا ہے کسی ایک پر اتفاق ہو سکتا ہے،

    ملک احمد خان کا کہنا تھا کہ گورنر پنجاب نے معاملہ حل نہ ہونے پر سپیکر کو معاملہ بھیجا، ہم نگران وزیر اعلی کےلئے وہی دو نام رکھے لیکن انہوں نے نوید اکرم چیمہ کا نام شامل کر لیا،اگر معاملہ آج حل نہیں ہوتا اور الیکشن کمیشن کے پاس جاتا ہے تو انہی چاروں نام پر غور ہوگا پانچواں نام شامل نہیں ہوگا، پرویز الہی نگران وزیر اعلی کو کیسے نہیں چلنے دیں گے، نہیں چاہتا تھا عمران خان وزیراعظم بنیں لیکن وہ ساڑھے تین سال وزیراعظم رہے، پرویز الہی کے چاہنے یا نہ چاہنے سے آئینی عمل کیسے رک سکتا ہے،

    قبل ازیں وزیراعلیٰ پنجاب چوہدری پرویز الٰہی کا کہنا تھا کہ اپوزیشن کا نگران وزیراعلیٰ کی نامزدگی سے متعلق رویہ ناقابل فہم اورسیاسی ناپختگی کے مترادف ہے،اپوزیشن نے ایک بار پھر معاملات کو متنازع بنایا نگران وزیراعلیٰ کی نامزدگی کے لئے اپوزیشن کا رویہ غیرسنجیدہ ہے نگران وزیراعلیٰ کی نامزدگی پر سیاست کرنے والوں کو شرم آنی چاہیے قوم دیکھ رہی ہے کہ نگران وزیراعلیٰ معاملے کو بلاوجہ کون طول دے رہا ہے کمیٹی کے ممبران سنجیدگی سے مذاکرات کرنا چاہتے ہیں، افسوس ہے کہ اپوزیشن نے ہمارے اچھے رویے کے باوجود منفی طرز عمل اپنایا چاہتے ہیں کہ ایسا نگران وزیراعلیٰ آئے جو شفاف اور صاف انداز میں حکومتی امور کو آگے بڑھائے

    پرویز الہیٰ کا مزید کہنا تھا کہ ہم نے کھلے دل سے نگران وزیراعلیٰ کےلئے بہترین شخصیات کے نام دیئے ہیں افسوس ہے کہ اپوزیشن نے ہمارے اچھے رویے کے باوجود منفی طرز عمل اپنایا،ہم چاہتے ہیں کہ ایسا نگران وزیراعلیٰ آئے جو شفاف اور صاف انداز میں حکومتی امور کو آگے بڑھائے

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    عمران خان معافی مانگنے جج زیبا چودھری کی عدالت پہنچ گئے

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    پنجاب کا نگران وزیراعلیٰ کون؟ قرعہ کس کے نام کا

     پارلیمنٹ کے فیصلے پارلیمنٹ کے اندر ہی ہونے چاہئیں،