Baaghi TV

Tag: Pakistan crimes

  • جنسی زیادتی کانشانہ بناکرخواتین کی قابل اعتراض ویڈیوز سوشل میڈیا پر شیئر کرنیوالا ملزم پولیس مقابلے میں گرفتار

    جنسی زیادتی کانشانہ بناکرخواتین کی قابل اعتراض ویڈیوز سوشل میڈیا پر شیئر کرنیوالا ملزم پولیس مقابلے میں گرفتار

    خیرپور کے علاقے کوٹ ڈیجی میں مبینہ پولیس مقابلے کے دوران بچیوں کوجنسی زیادتی کانشانہ بنانے اور خواتین کی قابل اعتراض ویڈیوز بنا کر سوشل میڈیا پر شیئر کرنے والے ملزم کو زخمی حالت میں گرفتار کرلیا گیا۔

    باغی ٹی وی: پولیس کے مطابق ڈاکو کوٹ ڈیجی کی مرکزی شاہراہ پر واردات کی نیت سے کھڑے ہیں، پولیس وہاں پہنچی تو ڈاکوؤں نے فائرنگ کر دی، جوابی فائرنگ کے بعد مطلوب ملزم غلام مہرانی کو زخمی حالت میں گرفتار کر لیا گیا-

    خاتون کو برہنہ کرکےتشدد کرنے والا مرکزی ملزم زین گرفتار

    ملزم سے غیر قانونی اسلحہ بھی برآمد ہوا ہے جبکہ ملزم کے 2 ساتھی فرار ہوگئے ہیں ملزم غلام مہرانی نے چند روز قبل بچیوں کے ساتھ زیادتی اور خواتین کی نازیبا ویڈیوز بنا کر سوشل میڈیا پر شیئر کی تھیں۔

    واضح رہے کہ پولیس نے سرکاری مدعیت میں پہلے ہی مقدمہ درج کرکے ملزم کی تلاش شروع کردی تھی۔

    دوسری جانب صفدر آباد میں خاتون کو برہنہ کر کے تشدد کرنے والا مرکزی ملزم زین گرفتار کرلیا گیا اور اس حوالے سے ایس پی انویسٹی گیشن عثمان منیر سیفی نے تصدیق بھی کردی ہے کہ پولیس نے جدید طریقہ کو بروکار لاتے ہوئے-

    ملک میں دہشت گردی کے خطرات کے پیش نظر ڈی جی خان ڈویژن میں بھی سیکورٹی ہائی الرٹ

    ملزم کو ڈرامائی انداز سے گرفتار کیا ، شیخوپورہ کے علاقے صفدرآباد میں ہونے والے اس واقعہ میں کے باقی ملزمان کی گرفتاری کے لیے پولیس ریڈ کر رہی ہے ۔ واقعہ میں ملوث تمام ملزمان کو قانون کے مطابق سخت سے سخت سزا دلوائیں گے۔

    یاد رہے کہ شیخوپورہ میں پیش آیا انسانیت سوزافسوسناک واقع شیخوپورہ کی تحصیل صفدر آباد کے نواحی گاؤں میں غنڈہ عناصر نے خاتون کو برہنہ کرکے تشدد کا نشانہ بنا ڈالا تھا، ملزمان نے خاتون کو برہنہ کرنے اور گالم گلوچ کرنے کی ویڈیو سوشل میڈیا پر بھی وائرل کر دی-

    ٹھٹھہ : ٹرین کی زد میں آکر مکلی کے رہائشی کی ٹانگیں کٹ گئیں

  • دنیا کے امیر ترین افراد ، 20 ویں نمبر کی فہرست سے بھی اڈانی غائب

    دنیا کے امیر ترین افراد ، 20 ویں نمبر کی فہرست سے بھی اڈانی غائب

    باغی ٹی وی کی رپورٹ کے مطابق بھارت کے معروف بزنس مین اڈانی گروپ کا ایسا دور شروع ہوا کہ دنیا کے امیر ترین افراد کی ٹاپ پانچ کی لسٹ سے غائب ہوئے، پھر ٹاپ ٹین میں بھی نہ رہے، اب اطلاعات ہیں کہ اڈانی گروپ دنیا کے امیر ترین ٹاپ بیس افراد کی فہرست میں بھی نہیں ہے، اڈانی گروپس کی دولت میں مسلسل کمی ہو رہی ہے،

    دنیا کے امیر ترین افراد میں تیسرے نمبر پر رہنے والے اڈانی اب ٹاپ بیس میں بھی شامل نہیں رہے، بلومبرگ بلینر انڈیکس کی رپورٹ کے مطابق اڈانی اسوقت دنیا کے امیر ترین افراد کے 22 ویں نمبر پر پہنچ چکے ہیں، فیس بک کے بانی مارک زکر برگ کی دولت میں اضافہ ہوا ہے اور وہ اس فہرست میں 13 ویں نمبر پر پہنچ چکے ہیںَ، بھارت کے اڈانی گروپ مسلسل ڈاؤن ہوتا جا رہا ہے، کمپنیوں کا مجموعی مارکیٹ کیپ 100 ارب ڈالر سے زیادہ کم ہو گیا ہے ،اڈانی گروپ کو امریکی اسٹاک مارکیٹ سے بھی جھٹکا لگا ہے، اڈانی گروپ کی فلیگ شپ کمپنی اڈانی انٹرپرائزز کو ڈاؤ جونز سسٹین ایبلٹی انڈیکس سے ہٹانے کا فیصلہ کیا گیا ہے 7 فروری 2023 سے اڈانی انٹرپرائزز اس انڈیکس میں مزید تجارت نہیں کرے گی

    دوسری جانب اڈانی انٹرپرائزز کا معاملہ بھارتی سپریم کورٹ پہنچ گیا ہے۔ عدالت میں ایک مفاد عامہ کی درخواست دائر کی گئی ہے۔ درخؤاست میں امریکہ میں قائم فرم ہیڈنبرگ ریسرچ کے خلاف انکوائری کا مطالبہ کیا گیا ہے، جس کی رپورٹ سے اڈانی گروپ کے حصص میں زبردست کمی آئی ہے۔ بھارتی سپریم کورٹ میں درخواست دائر کرنے والے وکیل کا نام ایم ایل شرما ہے

    <a href=”https://login.baaghitv.com/a-person-missing-in-america/”>امریکا جانے والا ایک شخص لاپتہ ہوگیا</a>
    <a href=”https://login.baaghitv.com/shkh-rasheed-lal-haveeli-cealed-by-authority/”>شیخ رشید کی رہائش گاہ لال حویلی کو سیل کردیا گیا</a>
    <a href=”https://login.baaghitv.com/bijli-break-down-ki-nai-report-samny/”>بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا</a>
    <a href=”https://login.baaghitv.com/adnan-sidiqi-ka-mission-majnu-pr-rad-e-amal/”>ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل</a>
    <a href=”https://login.baaghitv.com/court-ne-moonis-ki-bv-ke-wakeel-ko-jawab”>عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی</a>
    <a href=”https://login.baaghitv.com/qabl-e-airtaz-mawad-jo-hata-saktey-thy-hata-diya/”>قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے</a>
    <a href=”https://login.baaghitv.com/care-taker-cabnet-will-be-totaly-a-political/”>نگراں کابینہ غیرسیاسی اور غیر جانبدارہوگی، شوکت یوسفزئی</a>

  • پاکستان اورآئی ایم ایف کےدرمیان مذاکرات کاچوتھادور:پیٹرول، ڈیزل اوربجلی مزید مہنگے ہونےکاامکان

    پاکستان اورآئی ایم ایف کےدرمیان مذاکرات کاچوتھادور:پیٹرول، ڈیزل اوربجلی مزید مہنگے ہونےکاامکان

    اسلام آباد:پاکستان اور عالمی مالیاتی ادارے (آئی ایم ایف) کے درمیان ٹیکنیکل سطح کے مذاکرات میں پیٹرول، ڈیزل اور بجلی کی قیمتیں بڑھانے اور سیلز ٹیکس کی شرح میں اضافے سمیت کئی پہلووں پر غور کیا گیا۔

    الیکشن کمیشن نے اعلیٰ سطحی اجلاس طلب کرلیا

    پاکستان اور آئی ایم ایف کے ٹینیکل سطح کے مزاکرات چوتھے روز اختتام پزیر ہو گئے ،مزاکرات کے خدو خال تیارکرلئے گئے ہیں جس پر پالیسی سطح کے مزاکرات میں مزید غور ہوگا۔ذرائع کا کہنا ہے کہ مذاکرات میں بجٹ خسارہ کم کرنے کی تجاویز پر غورکیا گیا، حکومت نے بجٹ میں 611 ارب روپے اخراجات کی کمی کی تجویز آئی ایم ایف دی گئی۔

    کرپشن، ٹیکس چوری اورمالی جرائم کے خلاف بڑی کارروائی کی تیاری

    اس کے علاوہ مختلف سیکٹر میں سبسڈیز ختم کرنے کی تجویز پر بھی غور کیا گیا، ٹیکنیکل سطح کی مزاکرات میں پیٹرول پر سیلز ٹیکس اور لیوی بڑھانے پر غور کیا گیا جبکہ آئی ایم ایف نے ڈیزل پر بھی ٹیکس لگانے کا مطالبہ کردیا ہے۔ذرائع کا کہنا ہے کہ مزاکرات میں بیرونی ادائیگیوں کے دبائو کو کم کرنے کے لے مختلف تجاویز پرغور سمیت آئی ایم ایف کو سبسڈیز کم کرنے کاپلان دے دیا گیا ہے۔

    پشاور،پولیس لائنز مسجد میں شہید امام کے بھائی نے پڑھائی نماز جمعہ

    ذزرائع کا مزید کہنا ہے کہ آئی ایم ایف کی سیلز ٹیکس کی شرح 17 سے بڑھا کر 18 فیصد کرنے کی تجویز اور سیلز ٹیکس کی 110 ارب روہے تک کی رعایتیں ختم ہونے کرنے پر بھی غور کیا گیا ہے۔ذرائع کے مطابق شرائط ماننے پر پیٹرول، ڈیزل ، بجلی مزید مہنگی ہوسکتی ہے تاہم تمام مشکل تجاویزپر حتمی فیصلہ وزیر اعظم کریں گے۔

  • افغانستان اور پاکستان کے دوہرے ٹیکس سے بچنے کیلئے معاہدے پر دستخط

    افغانستان اور پاکستان کے دوہرے ٹیکس سے بچنے کیلئے معاہدے پر دستخط

    اسلام آباد:پاکستان اور افغانستان نے دوہرے ٹیکس سے بچنے کے کنونشن پر دستخط کر دیئے،تفصیلات کے مطابق پاکستان اور افغانستان کے وفود کے درمیان فیڈرل بورڈ آف ریونیو میں مذاکرات کا تیسرا دور ہوا، دونوں وفود کے درمیان مذاکرات دوستانہ ماحول میں ہوئے، تفصیلی بات چیت کے بعد دونوں فریقین نے متفقہ مسودے پر اتفاق کر لیا، متفقہ مسودے پر دونوں وفود کے سربراہان نے دستخط کیے۔

     

    چیئرمین ایف بی آر عاصم احمد نے کہا کہ افغانی وفد کو پاکستان آنے پر خوش آمدید کہتے ہیں، کنونشن سے دونوں برادر ممالک کے درمیان اقتصادی تعلقات مزید مضبوط ہوں گے۔

    افغان وفد کی سربراہی ڈائریکٹر ریونیو لیگل سروسز ندا محمد صدیقی نے کی، پاکستانی وفد کی سربراہی ڈائریکٹر جنرل انٹرنیشنل ٹیکس آپریشنز، ایف بی آر کے ڈائریکٹر جنرل ساجد اللہ صدیقی نے کی۔

     

    اس سے پہلے آج گورنر ہاؤس پشاور میں وزیراعظم شہباز شریف کے زیرصدارت ایپکس کمیٹی کا اجلاس ہوا، اجلاس میں آرمی چیف جنرل سید عاصم منیر، ڈی جی آئی ایس آئی، وفاقی وزرا اور وزرائے اعلیٰ نے شرکت کی، وزیراعظم اور دیگر شرکاء کو امن وامان کی صورتحال پر بریفنگ دی گئی۔

    ذرائع کے مطابق اجلاس میں سفارتی وفد افغانستان بھیجنے کا فیصلہ کیا گیا، سفارتی وفد افغان حکومت سے دوٹوک بات کرے گا، افغان حکومت کے سامنے کالعدم تنظیم کی کارروائیوں کے ثبوت رکھے جائیں گے، اجلاس میں دہشتگردوں کے خلاف انٹیلی جنس بیس آپریشن کا بھی فیصلہ ہوا۔

    اجلاس میں موجودہ صورتحال میں ملٹری کورٹس دوبارہ فعال کرنے پر بھی غور کیا گیا، ملٹری کورٹس کے حوالے سے تجویز آل پارٹیز کانفرنس میں رکھی جائے گی، سیاسی قیادت نے فورسز کے ساتھ مکمل طور پر کھڑے ہونے کے عزم کا اظہار کیا۔

  • پنجاب اورخیبرپختونخوامیں بلدیاتی نمائندے معطل کردیئےگئے

    پنجاب اورخیبرپختونخوامیں بلدیاتی نمائندے معطل کردیئےگئے

    اسلام آباد:الیکشن کمیشن آف پاکستان نے پنجاب اور خیبرپختونخوا میں بلدیاتی نمائندوں کو معطل کردیا۔الیکشن کمیشن کے مطابق بلدیاتی نمائندوں کی معطلی دونوں صوبوں میں قومی و صوبائی اسمبلی کی نشستوں پر انتخابات کی شفافیت یقینی بنانے کیلئے کی گئی ہے۔

    ای سی پی کا کہنا ہے کہ بلدیاتی نمائندوں کو آئین کے آرٹیکل 218 کی شق 3 کے تحت معطل کیا گیا ہے، کنٹونمنٹ بورڈز کے نمائندے بھی معطل رہیں گے۔الیکشن کمیشن کے مطابق پنجاب اور خیبرپختونخوا میں قومی و صوبائی اسمبلی انتخابات کے نتائج کے اعلان تک بلدیاتی عہدیدار معطل رہیں گے۔

    واضح رہے کہ پنجاب اور خیبرپختونخوا اسمبلیاں پاکستان تحریک انصاف نے تحلیل کی تھیں، تاہم کئی روز گزرنے کے باوجود اب تک انتخابات کی تاریخ کا اعلان نہیں کیا گیا۔

    الیکشن کمیشن آف پاکستان نے قومی اسمبلی کی مزید 31 نشستوں پر ضمنی انتخاب کا شیڈول جاری کردیا۔الیکشن کمیشن کے مطابق قومی اسمبلی کی 31 نشستوں پر پولنگ 19 مارچ کو ہوگی، امیدوار 10 سے 14 فروری تک کاغذات نامزدگی جمع کروا سکتے ہیں۔18 فروری تک کاغذات کی سکروٹنی کا عمل مکمل کر لیا جائے گا جس کے بعد مارچ کی 2 تاریخ کو امیدواروں کو انتخابی نشان الاٹ کیے جائیں گے۔

    ضمنی انتخاب والے 31 حلقوں کی تفصیل
    الیکشن کمیشن کے مطابق این اے 2 سوات، این اے 3 سوات میں ضمنی الیکشن ہوگا، این اے 5، این اے 6 اور این اے 7 لوئر دیر میں بھی ضمنی انتخاب کا انعقاد کیا جائے گا جبکہ این اے 8 مالاکنڈ، این اے 9 بونیر، این اے 16 ایبٹ آباد بھی ضمنی الیکشن والے حلقوں کی فہرست میں شامل ہیں۔

    این اے 19 صوابی، این اے 20 مردان، این اے 28، این اے 30 پشاور، این اے 34 کرک، این اے 40 باجوڑ میں ضمنی الیکشن کا شیڈول جاری، این اے 42 مہمند، این اے 44 خیبر، این اے 61 راولپنڈی میں بھی ضمنی الیکشن ہوگا، این 70 گجرات، این اے 87 حافظ آباد، این اے 93 خوشاب میں ضمنی الیکشن کا شیڈول جاری کیا گیا ہے۔

    این اے 96 میانوالی، این اے 107، این اے 109 فیصل آباد، این اے 135 لاہور، این اے 150 خانیوال، این اے 152 خانیوال میں ضمنی الیکشن ہوگا، این اے 158 ملتان، این اے 164، این اے 165 وہاڑی، این اے 177 رحیم یارخان اور این اے 187 لیہ میں بھی ضمنی الیکشن ہوگا۔

    خیال رہے اس سے قبل 27 جنوری کو الیکشن کمیشن آف پاکستان کی جانب سے قومی اسمبلی کے 33 حلقوں کیلئے ضمنی انتخاب کا شیڈول جاری کیا گیا تھا۔

  • خاتون کو برہنہ کرکےتشدد کرنے والا مرکزی ملزم زین گرفتار

    خاتون کو برہنہ کرکےتشدد کرنے والا مرکزی ملزم زین گرفتار

    شیخوپورہ :صفدر آباد میں خاتون کو برہنہ کر کے تشدد کرنے والا مرکزی ملزم زین گرفتار کرلیا گیا ہے اور اس حوالے سے ایس پی انویسٹی گیشن عثمان منیر سیفی نے تصدیق بھی کردی ہے کہ پولیس نے جدید طریقہ کو بروکار لاتے ہوئے ملزم کو ڈرامائی انداز سے گرفتار کیا۔

     

     

    ایس پی انویسٹی گیشن عثمان منیر سیفی کا مزید کہنا تھا کہ شیخوپورہ کے علاقے صفدرآباد میں ہونے والے اس واقعہ میں کے باقی ملزمان کی گرفتاری کے لیے پولیس ریڈ کر رہی ہے ۔ واقعہ میں ملوث تمام ملزمان کو قانون کے مطابق سخت سے سخت سزا دلوائیں گے۔

     

    یاد رہے کہ شیخوپورہ میں پیش آیا انسانیت سوز افسوسناک واقع شیخوپورہ کی تحصیل صفدر آباد کے نواحی گاؤں میں غنڈہ عناصر نے خاتون کو برہنہ کرکے تشدد کا نشانہ بنا ڈالا تھا، ملزمان نے خاتون کو برہنہ کرنے اور گالم گلوچ کرنے کی ویڈیو سوشل میڈیا پر بھی وائرل کر دی

     

    ویڈیو میں دیکھا جا سکتا ہے کہ مسلح ملزمان خاتون کے زبردستی کپڑے اتار کر تشدد کا نشانہ بنا رہے ہیں

     

    پولیس نے 3 روزقبل مقدمہ تو درج کرلیا مگربااثر ملزمان کو گرفتارنہ کر سکی ،پولیس نے روایتی بےحسی کا مظاہرہ کیا خاتون انصاف کی منتظر،سوشل میڈیا پر ویڈیو وائرل ہونے پر نگران وزیر اعلی پنجاب محسن نقوی نے نوٹس لیکر ملزمان کی گرفتاری کا حکم دیدیا، نگران وزیر اعلی پنجاب نے آئی جی پنجاب سے فوری واقعے کی رپورٹ بھی طلب کر لی تھی ، جس کے بعد اپ پولیس نے مرکزی ملزم کو گرفتارکرلیاہے

  • اعلی عہدیدار کا پی اے ظاہرکر کے بھتہ مانگنے والا گرفتار

    اعلی عہدیدار کا پی اے ظاہرکر کے بھتہ مانگنے والا گرفتار

    راولپنڈی ،دھمیال پولیس کی اہم کاروائی، شہری کو دھمکا کر رقم لینے والا بھتہ خور گرفتار کر لیا گیا

    ملزم کی شناخت بابرنواز کے نام سے ہوئی، مدعی مقدمہ کے مطابق ملزمان نے گاڑی کی تلاش میں مدد کا کہا اور بعد ازاں ڈرا دھمکا کر رقم وصول کی،ملزمان نے خود کو اعلی عہدیدار کا پی اے ظاہر کیا، دھمیال پولیس نے وسیم نامی شہری کی مدعیت میں بھتہ خوری کی دفعات کے تحت مقدمہ درج کر کے ملزم بابر نواز کو گرفتار کر لیا، ملزم سے مزید تفتیش کر کے بھتہ کی صورت میں لی گئی رقم بھی برآمد کروائی جائے گی،ملزم کے دیگر ساتھیوں کو بھی گرفتار کیا جائے گا،گرفتار ملزم کو ٹھوس شواہد کے ساتھ چالان کرکے قرار واقعی سزادلوائی جائے گی،پولیس حکام کا کہنا ہے کہ کسی شہری کا استحصال برداشت نہیں کیا جائے گا،

    کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

    پولیس اہلکار نے لڑکی کو منہ بولی بیٹی بنا کر زیادتی کا نشانہ بنا ڈالا، نازیبا ویڈیو بھی بنا لیں

    دوستی کیوں نہیں کی؟ نوجوان نے لڑکی کو سیکس ورکربنا دیا

    سی پی او سید شہزاد ندیم بخاری کی ہدایت پر چونترہ کے علاقہ چھچھ میں پولیس کا دیگر اداروں کے ساتھ قبضہ مافیا کے خلاف آپریشن کیا گیا، آپریشن کے دوران قبضہ مافیا کے ناجائز تعمیر کردہ ڈیرے مسمار، دو ملزمان گرفتار، اسلحہ برآمد کر لیا گیا، ملزمان سعید اور سجاد سے دو کلاشنکوفیں برآمد ہوئیں، سرچ آپریشن میں ایس پی صدر بلال محمود کی سربراہی میں پولیس کمانڈوز سمیت بھاری نفری نے شرکت کی، اے سی صدر، آر ڈی اے کے افسران بھی آپریشن میں موجود تھے، سی پی او سید شہزاد ندیم بخاری کا کہنا تھا کہ قبضہ مافیا کے خلاف زیرو ٹالیرنس ہے جسے ہر صورت یقینی بنایا جائے گا، قبضہ مافیا کے خلاف راولپنڈی پولیس کا آپریشن بھرپور قوت کے ساتھ بلا تفریق جاری رہے گا،

  • گرفتاریوں اور مقدموں کی نئی لہر

    گرفتاریوں اور مقدموں کی نئی لہر

    گرفتاریوں اور مقدموں کی نئی لہر
    تحریک انصاف کے اراکین کی گرفتاریاں جاری ہیں، پنجاب اور خیبر پختونخواہ کی حکومت ختم ہونے کے بعد نگران حکومتیں قائم ہوئیں تو نگران حکومت نے آتے ہی فواد چودھری کے خلاف مقدمہ درج کیا اور انہیں لاہور سے گرفتار کر لیا ، فواد چودھری کو لاہور سے گرفتار کر کے اسلام آباد منتقل کیا گیا، جہاں عدالت نے انکی اس شرط پرضمانت دی کہ وہ اب مزید کوئی اداروں کے خلاف بیان نہیں دیں گے،

    تحریک انصاف کی جب سے وفاقی حکومت ختم ہوئی، انہوں نے اداروں کو نشانے پر رکھ لیا، عمران خان سے لے کر تحریک انصاف کے ایک کارکن تک ، سب نے ریڈ لائن کراس کر لی ہیں، جس کا جو بھی جی چاہتا ہے بول دیتا ہے خواہ وہ اداروں کے خلاف ہو، کچھ بھی ہو ، سوشل میڈیا پر بھی طوفان بدتمیزی برپا کیا گیا ہے، ایسے میں اگر ادارے حرکت میں آتے ہیں کسی پر مقدمہ درج ہوتا ہے یا قانون اپنا راستہ بناتا ہے تو اسے انتقامی کاروائی قرار دے دیا جاتا ہے ، اعظم سواتی، شہباز گل پہلے گرفتار ہو چکے، ضمانت پر رہا ہیں ، اب تحریک انصاف کے رہنماؤں شاندانہ گلزار، شبیر گجر پر مقدمہ درج ہو چکا ہے، شیخ رشید جو تحریک انصاف کے اتحادی اور عوامی مسلم لیگ کے سربراہ ہیں پر تین مقدمے درج ہو چکے ہیں عمران خان کے خلاف اندراج مقدمہ کی دوبارہ درخؤاست دی جا چکی ہے، پرویز الہیٰ کے خلاف بھی اندراج مقدمہ کی درخؤاست دی جا چکی ہے ، عمران خان زمان پارک میں ہیں اور وہ بنی گالہ جانے کا سوچ رہے ہیں تا ہم ہر روز رات کو شوشہ چھوڑ دیا جاتا ہے کہ آج رات عمران خان کو گرفتار کئے جانے کا امکان ہے اور پھر کارکنان کو بلا لیا جاتا ہے تا کہ کسی طریقے سے عمران خان کی گرفتاری نہ ہو

    نگران حکومت کے قیام کے بعد تحریک انصاف ایک بار پھر دفاعی پوزیشن میں جا چکی ہے، شہباز گل، اعظم سواتی، فواد چودھری سمیت کئی رہنما ضمانتوں پر ہیں، اور اب حالات یہی بتا رہے ہیں کہ تحریک انصاف کے رہنماؤں پر مزید مقدمے ہوں گے اور گرفتاریاں بھی ہوں گی،

    ہ پشاور کا سانحہ دہشت گردوں کی مزاحمت کا تقاضا کر رہا ہے،

    وزیراعظم شہباز شریف پشاور پہنچ گئے،

    ہوسکتا ہے کہ حملہ آور پہلے سے ہی پولیس لائنز میں موجود ہو 

    نیشنل ایکشن پلین پر سختی سے عمل کرنے کی ضرورت ہے،

  • بہن کو نشے پرلگانے کا جرم، باپ نے بیٹے کو قتل کر کے بوری بند لاش گراؤنڈ میں پھینک دی

    بہن کو نشے پرلگانے کا جرم، باپ نے بیٹے کو قتل کر کے بوری بند لاش گراؤنڈ میں پھینک دی

    شہر قائد کراچی میں جرائم پیشہ عناصر کیخلاف پولیس کاروائیاں جاری ہیں
    کراچی کے علاقے مزار قائد سے متصل جناح گراونڈ سے تشدد زدہ لاش ملنے کا معمہ شرقی پولیس نے حل کرلیا، پولیس حکام کے مطابق لڑکے کے قتل میں باپ ہی ملوث نکلا،واقعہ کی تفصیلات بتاتے ہوئے ایس ایس پی ایسٹ زبیر نذیر کا کہنا تھا کہ جناح گراؤنڈ سے رواں ماہ نو جنوری کو ایک تشدد زدہ لاش ملی تھی جسے بوری میں ڈال کر گراؤنڈ میں رکھا گیا تھا، لاش کی شناخت فیصل مسیح کے طور پر ہوئی،پولیس نے تحقیقات کا آغاز ہوا تو انکشاف ہوا کہ فیصل کو اسکے باپ یعقوب مسیح نے قتل کیا ہے، ملزم نے اعتراف جرم کر لیا ہے، ملزم نے پولیس کو بتایا کہ اس کا بیٹا چوری اور ڈکیتی کی وارداتوں میں ملوث تھا مقتول نا صرف خود نشہ کرتا بلکہ اپنی بہن کو بھی نشے کا عادی بنا دیا تھا

    پولیس حکام نے واقعہ کےبارے میں مزید تفصیلات سے آگاہ کرتے ہوئے کہا کہ ملزم یعقوب نے اعتراف جرم کرتے ہوئے کہا کہ اس نے غصے میں بیٹے کو مارا ، اس پر تشدد کیا جس سے اسکی جان چلی گئی، اس نے بیٹے کی لاش کو بوری میں ڈالا اور گراؤنڈ میں پھینک دیا، ملزم منصوبہ بندی سے خود کو بچانا چاہتا تھا جسے آپریشن پولیس نے حکمت عملی سے گرفتار کر لیا.

    خواجہ سراؤں نے دوستی کے بہانے نشہ دے کر نوجوان کا عضو خاص کاٹ دیا

    غیرت کے نام پر جوڑا قتل،ورثا کا معاملہ دبانے کے بعد بھی پولیس کا ایکشن، 25 گرفتار

    وفاقی دارلحکومت اسلام آباد میں رینجرز تعینات

    اسلام آباد میں جرائم میں اضافہ، ڈاکو ایمبولینس گاڑی چھین کر فرار

    دوسری جانب پولیس نے کاروائی کرتے ہوئے کراچی کے ضلع وسطی میں اسٹریٹ کرائم کی متعدد وارداتوں میں ملوث ڈی جے گروپ سرغنہ ساتھیوں سمیت گرفتار کر لیا، گرفتار ملزمان گھروں،پیٹرول پمپ،میڈیکل اسٹور، ریسٹورنٹ سمیت دیگر مقامات پر متعدد وارداتوں میں ملوث ہیں ملزمان کو سی سی ٹی وی فوٹیجز کی مدد سے گرفتار کیا گیا۔ملزمان میں حنین،سہیل عرف ڈاکٹر اور سہیل عرف چھوٹو شامل ہیں، ملزمان نے چند روز قبل نیو کراچی میں کریانہ اسٹور لوٹنے جے دوران رکشہ ڈرائیور کو گولی ماری۔ ملزمان نارتھ کراچی میں میڈیکل اسٹور پر لوٹ مار کے دوران ایک شخص کو گولی ماری ملزمان نے نیو کراچی میں بریانی کی دکان کو لوٹا ملزمان نے اعتراف کیا کہ واردات کے دوران وہ نشے کی حالت میں تھے ملزمان نے نیو کراچی میں درجنوں وارداتوں کا اعتراف کیا۔ ملزم حنین نے ضلع وسطی میں 10 سے زائد گھروں کو لوٹنے کا اعتراف کیا۔ ملزمان نے پیٹرول پمپز پر لوٹ مار کے دوران گار ڈ کو گولیاں بھی ماری ملزم حنین ساتھیوں کو واردات کے لئے اسلحہ موٹر سائیکل اور تمام سہولیات فراہم کرتا تھا۔ملزمان سے اسلحہ اور دیگر سامان برآمد کر لیا گیا ہے

  • شیخ رشید کو گرفتار کرنے مری اور کراچی پولیس بھی اسلام آباد پہنچ گئی

    شیخ رشید کو گرفتار کرنے مری اور کراچی پولیس بھی اسلام آباد پہنچ گئی

    باغی ٹی وی کی رپورٹ کے مطابق سابق وزیر داخلہ، عوامی مسلم لیگ کے سربراہ شیخ رشید احمد پر وفاقی دارالحکومت اسلام آباد میں مقدمہ درج کر کے انہیں گرفتار کر لیا گیا ہے’

    شیخ رشید کی گرفتاری کے بعد مری اور کراچی میں بھی دو مقدمے درج ہو چکے ہیں، شیخ رشید جسمانی ریمانڈ پر اسلام آباد پولیس کی تحویل میں ہیں، سابق وزیر داخلہ شیخ رشید سے ملاقات کرنے انکے بھتیجے شیخ شاکر تھانہ آبپارہ پہنچ گئے شیخ شاکر کا کہنا ہے کہ شیخ رشید کی طبیعت کے حوالے خدشات ہیں،شیخ رشید صاحب سے ملاقات کرنا ہمارا قانونی حق ہے، شیخ رشید کے وکلا بھی تھانے میں موجود تھے

    آبپارہ تھانہ کے مقدمہ میں جوڈیشل ہونے کے بعد شیخ رشید کو مری پولیس کو مطلوب ہیں،مری پولیس نے تھانہ آبپارہ سے رابطہ کیا ہے اور کہا کہ مری پولیس نے شیخ رشید سے درج مقدمہ میں تفتیش کرنی ہے،شیخ رشید کو ہمارے حوالے کیا جائے، جس پر اسلام آباد پولیس کے حاکم نے کہا کہ مری پولیس کو اگر ملزم مطلوب ہے تو متعلقہ عدالت سے رابطہ کیا جائے،پولیس کا کہنا ہے کہ کراچی میں مقدمہ کے اندراج کا علم ہوا ہے، کراچی پولیس نے ابھی اسلام آباد سے شیخ رشید کی حوالگی کی درخواست نہیں کی،تا ہم اطلاعات یہ ہیں کہ کراچی پولیس بھی اسلام آباد پہنچ چکی ہے، کراچی پولیس شیخ رشید کو گرفتار کرنے کے لئے پہنچی ہے

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    جس میں وہ کرسی پر بیٹھے ہیں اور سگار پی رہے ہیں، شیخ رشید احمد کو لاک اپ میں بندنہیں کیا

     15 کلو ہیروئن نہیں ڈالی گئی

    شیخ رشید کے گھر بچے موجود تھے؟ ترجمان اسلام آباد پولیس کا ردعمل

    ہ شیخ رشید 73 سال کے ہیں کئی بیماریوں میں مبتلا 

     شیخ رشید کے خلاف کراچی میں بھی مقدمہ درج