Baaghi TV

Tag: Pakistan economy

  • وزیراعظم کی غیرملکی سرمایہ کاری سے متعلق مواقع تلاش کرنے کی ہدایت

    وزیراعظم کی غیرملکی سرمایہ کاری سے متعلق مواقع تلاش کرنے کی ہدایت

    وزیراعظم کی زیر صدارت اسپیشل انویسٹمنٹ فسیلیٹیشن کونسل کی ایپکس کمیٹی کا اجلاس ہوا جس میں وزیر اعظم شہباز شریف نے معیشت کی بحالی اور سرمایہ کاری سے متعلق اقدامات پر اطمینان کا اظہار کردیا ہے جبکہ سرمایہ کاری کونسل کی ایپکس کمیٹی کے اجلاس سے خطاب کرتے ہوئے وزیراعظم نے غیرملکی سرمایہ کاری سے متعلق مواقع تلاش کرنے کی ہدایت کردی۔

    انہوں نے کونسل اور صوبائی حکومت کو مکمل تعاون کی یقین دہانی کرائی اور شرکا کو اپنے غیرملکی دوروں اور ملاقاتوں پر بھی اعتماد میں لیا۔ شہباز شریف نے معیشت کی بہتری کے لیے آرمی چیف کے کردار کی بھی تعریف کی جبکہ وزیراعظم کا کہنا تھا کہ اتحادی حکومت کو ورثے میں تباہ حال معیشت ملی۔مشکل اور دلیرانہ فیصلے ملک کو تعمیر و ترقی کی طرف واپس لا رہے ہیں لیکن ابھی بہت بڑے چیلنجز ہمارے سامنے ہیں۔ معاشی بحالی کے لیے براہ راست غیرملکی سرمایہ کاری کلیدی حیثیت رکھتی ہے۔ مؤثر عمل درآمد کے لئے وفاق اور صوبوں میں شراکت داری کا انداز اپنایا جائے گا۔

    مزید یہ پڑھیں؛
    وزیراعظم کی غیرملکی سرمایہ کاری سے متعلق مواقع تلاش کرنے کی ہدایت
    ڈی جی پی ٹی اے کے گھر چوری کی واردات
    شمالی وزیرستان؛ خودکش دھماکے میں 3 اہلکار شہید جبکہ 10شہری زخمی
    امریکی صدر کی سرکاری رہائش گاہ وائٹ ہاؤس سے کوکین برآمد
    اسحاق ڈار کی امریکی سفیر ڈونلڈ بلوم سے ملاقات
    لاہورمیں 285 ملی میٹر بارش ریکارڈ ہوچکی ہے،عامر میر
    سی پیک کے دس سال مکمل،وزیراعظم شہبازشریف کی چین اورپاکستان کو مبارکباد

    جبکہ اس سے قبل وزیر اعظم شہباز شریف کا کہنا تھا کہ اندرونی اور بیرونی عوامل کی وجہ سے پیدا ہونیوالے معاشی چیلنجوں کے پیش نظر پاکستان کو خصوصی سرمایہ کاری سہولت کونسل جیسے نمائندہ فورم کی ضرورت طویل عرصے سے محسوس کی جا رہی تھی، معاشی پالیسیاں وضع کرنے، دوست ممالک سے سرمایہ کاری کو راغب کرنے کیلئے اسپیشل انویسٹمنٹ فیسیلی ٹیشن کونسل کے قیام کا فیصلہ کیا گیا ہے۔

  • امید ہے کہ معاشی استحکام آئےگا. زبیر موتی والا

    امید ہے کہ معاشی استحکام آئےگا. زبیر موتی والا

    پاکستان اور آئی ایم ایف میں معاہدے پر معاشی ماہرین نے خوشی کا اظہار کیا ہے جبکہ بزنس کمیونٹی نے ڈیل کونیم مردہ معیشت کیلئے آکسیجن کے مترادف قرار دیا، معروف صنعتکاراورچیئرمین بی ایم جی زبیر موتی والا نےاپنے ویڈیو بیان میںپاکستان کی آئی ایم ایف کیساتھ ڈیل کو خوش آئند قرار دیتے ہوئے کہاکہ آئی ایم ایف ڈیل سےغیرملکی سرمایہ کاروں کااعتمادبحال، اسٹاک ایکسچینج بہتر، روپیہ تگڑا ہوگا۔

    زبیر موتی والا نے کہا کہ امید ہے اس سے ملک میں معاشی استحکام آئےگا۔ انہوں نے حکومت کو مشورہ دیا کہ اب ایکسپورٹ بڑھانے پر توجہ دی جائے۔ ایف پی سی سی آئی کے صدر عرفان اقبال شیخ کا کہنا ہے کہ معاشی بحران سے نکلنے کا راستہ آئی ایم ایف معاہدہ ہی تھا ۔ ورلڈ بینک ، ایشیائی ترقیاتی بینک سمیت دیگر ڈونر کے آنے کی راہ کھل گئی ۔ دس بارہ ارب ڈالر ان اداروں سے مل جائیں گے ۔
    مزید یہ بھی پڑھیں؛
    ایل پی جی کی قیمتوں میں کمی واقع
    گورنر ہاﺅس ہو یا میرا اپنا گھر عوام سے تعلق جڑا رہے گا. کامران ٹیسوری
    اعظم خان کو سی پی ایل 2023 کیلئے گیانا ایمازون واریئرز نے چن لیا
    قرض پروگرام کےحصول کیلئے وزیر اعظم نےاہم کردارادا کیا. اسحاق ڈار
    نرس کے ساتھ زیادتی،ڈاکٹر نے نازیبا ویڈیو بھی بنا لی
    چین نے پاکستان کو ڈیفالٹ ہونے سے بچایا،سری لنکن صدر نے بھی "مدد”کی وزیر اعظم
    بھارت میں جانوروں کے ساتھ جنسی تعلقات قائم کرنے کے واقعات میں اضافہ
    وزیراعظم نے ایف سی اور رینجرز کی تنخواہیں پاک فوج کے برابر کردیں
    ماہرین معیشت اور بزنس کمیونٹی کا مزید کہنا تھا کہ پاکستان کو ایکسپورٹ بڑھانے پر کام کرنا ہوگا ۔ اوراوورسیز پاکستانیوں کو زرمبادلہ ملک بھیجنے میں آسانی بھی فراہم کرنا ہوگی۔

  • وزیرِ اعظم کا موٹر سائیکل اور رکشا چلانے والوں کوسستا پیٹرول دینے کا فیصلہ

    وزیرِ اعظم کا موٹر سائیکل اور رکشا چلانے والوں کوسستا پیٹرول دینے کا فیصلہ

    اسلام آباد: وزیرِ اعظم شہباز شریف نے موٹر سائیکل اور رکشا چلانے والوں کو سستا پٹرول دینے کا اصولی فیصلہ کیا ہے-

    باغی ٹی وی: وزیرِاعظم کی زیرِصدارت غریب و متوسط طبقے کو مہنگائی کے اثرات سے بچانے کیلیے اقدامات پر اعلیٰ سطح کا اجلاس ہوا۔ اجلاس کو موٹر سائیکل اور رکشہ والوں کیلیے رعایتی پٹرول پر بھی بریفنگ دی گئی، اجلاس کو اس حوالے سے مختلف تجاویز پیش کی گئیں۔ وزیرِ اعظم نے پروگرام کو حتمی شکل دے کر جلد پیش کرنیکی ہدایت کی۔

    خاتون جج دھمکی کیس:عمران خان نے ناقابل ضمانت وارنٹ گرفتاری کو چیلنج کردیا

    شہباز شریف نے کہا کہ موٹر سائیکل اور رکشہ والے معاشی طور پر کمزور طبقے سے تعلق رکھتے ہیں اور حکومت ان کو مہنگائی سے بچانے کیلیے ہر ممکن اقدام کرے گی حکومت سالانہ 150ارب روپے کی سبسڈی کے ذریعے سستا پٹرول فراہم کرنا چاہتی ہے اور آئی ایم ایف کے اعتراض سے بچنے کیلئے سبسڈی کی رقم کارمالکان سے وصول کرنے کا منصوبہ ہے۔

    اجلاس میں تجویز دی گئی کہ کار مالکان کیلئے پٹرول قیمت بڑھا کر300سے325روپے لٹر جبکہ موٹر سائیکل سواروں کیلئے قیمت کم کر کے 225سے250روپے لٹر کر دی جائے سستا پٹرول دینے کیلئے ابھی کوئی میکنزم طے نہیں کیا گیا تاہم صارفین کو پری پیڈکارڈز یا نقد رقم دینے کے آپشنز زیر غور ہیں۔

    پاکستان میں سیاسی استحکام کے بغیر سرمایہ کاری کا ماحول پیدا نہیں ہوسکتا ہے،گورنر اسٹیٹ …

    وزیراعظم نے ہدایت کی کہ موٹرسائیکل والوں کو مہینے میں کم از کم ایک ہزار روپے کی پٹرول سبسڈی دی جانی چاہئے۔

    دوسری جانب ذرائع کے مطابق حکومت آئی ایم ایف اور اپنے ووٹرز کیساتھ جوا کھیل رہی ہے کیونکہ نہ تو آئی ایم ایف اس تجویز کی حمایت کر سکتا ہے اور نہ ہی کار مالکان اضافی رقم دینے پر راضی ہوں گے اور یہ امتیازی اقدام عدالتوں میں چیلنج ہو سکتا ہے۔

    کراچی: پولیس کی مختلف کارروائیوں میں 8 ملزمان گرفتار،نامعلوم افراد کی گولی سے ایک بچہ …

  • پاکستان میں سیاسی استحکام کے بغیر سرمایہ کاری کا ماحول پیدا نہیں ہوسکتا ہے،گورنر اسٹیٹ بینک

    پاکستان میں سیاسی استحکام کے بغیر سرمایہ کاری کا ماحول پیدا نہیں ہوسکتا ہے،گورنر اسٹیٹ بینک

    اسلام آباد: گورنراسٹیٹ بینک جمیل احمد کا کہنا ہے کہ پاکستان میں سیاسی استحکام کے بغیر سرمایہ کاری کا ماحول پیدا نہیں ہوسکتا ہے-

    باغی ٹی وی: گورنراسٹیٹ بینک جمیل احمد کا کہنا ہے کہ ملک میں پر ہر شعبے میں سرمایہ کاری کے مواقع موجود ہیں،پاکستان کو آگے بڑھانے کے لیے مل جل کر کام کرنا ہوگا،غیر ملکی سرمایہ کاری اسی صورت میں آئے گی جب مقامی سرمایہ کار مطمئن ہوگا،سرمایہ کاری کرنے والوں کو سہولت دینگے تو دیگر بھی سرمایہ کاری کریں گے-

    گورنر اسٹیٹ بینک نے کہا کہ براہ راست بیرونی سرمایہ کاری، انفراسٹرکچر کیلئے سیاسی استحکام ضروری ہے، سیاسی جماعتوں، تمام سٹیک ہولڈرز اور اداروں کو استحکام کیلئے کام کرنا ہو گا،سرمایہ کاری کیلئےسازگارماحول دینا تمام سٹیک ہولڈرزکی ذمہ داری ہے،سرمایہ کاروں کا ہاتھ پکڑنے کی ضرورت ہے انکے مسائل کے حل کی ضرورت ہے-

    گورنراسٹیٹ بینک جمیل احمد کا کہنا تھا کہ حکومتوں میں طویل مدتی پالیسیوں کا فقدان ہے،پائیدار اور طویل مدتی پالیسی نہ ہونا ملک ترقی میں رکاوٹ کا باعث ہے،دنیا بھر میں دنیا میں 2 ارب لوگوں کو پینےکا صاف پانی میسرنہیں،کوروناکی وبا کے بعدانفراسٹرکچرکے منصوبوں میں سرمایہ کاری کی ضرورت بڑھ گئی ہے-

    انہوں نے کہا کہ دنیا بھر میں بنیادی سہولیات کی فراہمی کیلئے 80ہزار ارب ڈالر کی سرمایہ کاری کی ضرورت ہے،پاکستان کو انفرسٹرکچر کے منصوبوں کی کمی کا سامنا ہے-

  • پی ایس ایل کے لاہور میچز، پی سی بی ،فرنچائزز کا پنجاب حکومت کو الٹی میٹم

    پی ایس ایل کے لاہور میچز، پی سی بی ،فرنچائزز کا پنجاب حکومت کو الٹی میٹم

    نجم سیٹھی کی زیر صدارت پی ایس ایل سے متعلق اجلاس ختم ہو گیا

    لاہور:اجلاس کی اندرونی کہانی سامنے آ گئی تمام فرنچائزز نے پی سی بی کے فیصلے کی تائید کی ،پی ایس ایل قومی ایونٹ ہے،پی سی بی اور فرنچائزز ایک پیج پر آ گئے،اجلاس میں کہا گیا کہ اس میں سکیورٹی اور لائٹوں کی مد میں اتنی خطیر رقم نہیں دی جاسکتی ،45 کروڑ کی خطیر رقم پنجاب گورنمنٹ کو ادا نہیں کی جائے گی، پی سی بی اور فرنچائزز نے نگران پنجاب حکومت کو فیصلے کیلئے کل تک کی ڈیڈلائن دے دی، نگران پنجاب حکومت کل تک 45 کروڑ کی ڈیمانڈ سےباز نہ آئی تو پی ایس ایل کے بقیہ میچز کراچی منتقل کر دیے جائیں گے اگر نگران حکومت نے پی سی بی کا موقف نہ اپنایا تو نیوزی لینڈ کے میچز بھی کراچی منتقل کیے جائیں گے

  • لگژری گاڑیاں، ہیلی کاپٹر خریدے لیکن شہید کے ورثا کو ادائیگی نہیں کی،عدالت برہم

    لگژری گاڑیاں، ہیلی کاپٹر خریدے لیکن شہید کے ورثا کو ادائیگی نہیں کی،عدالت برہم

    پشاور کے شہید کانسٹیبل کے لواحقین کو تنخواہ کی عدم ادائیگی سے متعلق کیس کی سماعت ہوئی

    جسٹس اطہرمن اللہ نے ریمارکس دیتے ہوئے کہا کہ ایک شہید قوم کیلئے قربانی دیتا ہے شہید کے ورثا کو انکا حق دینے میں خیبرپختونخوا حکومت نے لاتعلقی کا مظاہرہ کیا ہے، جن پولیس اہلکاروں نے قربانیاں دی ہیں انکے ورثا کو مقدمات کرنے پڑ رہے ہیں ،صوبائی حکومت لگژری گاڑیاں اور ہیلی کاپٹر تو خرید رہی ہے، خیبر پختونخوا حکومت کے پاس شہدا کے ورثا کو ادائیگی کیلئے رقم کیوں نہیں ہے؟حکومت معاوضہ ادا کرے تا کہ ورثا کو عدالتوں میں دھکے نہ کھانے پڑیں،شہدا پیکج 2003 تک لاگو ہوتا ہے ،اہلکار 2001 میں شہید ہوا، 2001 کی گرانٹ میں پوری تنخواہ اور الاونسز شامل نہیں تھے،

    عدالت نے ریمارکس دیتے ہوئے کہا کہ شہید کے بھائی کو اے ایس آئی کی نوکری دی گئی جو ترقی پا کر اب ایس ایچ او بن گیا،شہید کے وارث کو نوکری دے دی گئی ہے ، یہ درخواست خارج کی جاتی ہے،عدالت نے درخواست گزار کو ہدایت کی کہ فیصلہ خلاف ہونے کی صورت میں عدالت آجائیں،ثبوت کے ساتھ امتیازی سلوک کی درخواست اپنے محکمے کو دیں،

     سارہ گِل نے پاکستان کی پہلی خواجہ سرا ڈاکٹر کا اعزاز اپنے نام کرلیا ہ

    خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

    علی امین گنڈاپور اور امتیاز نامی شخص کے مابین آڈیو لیک

    عمران خان کی جاسوسی، آلات برآمد،کس کا کارنامہ؟

  • پاکستان اور امریکا کے درمیان تجارت اور سرمایہ کاری کیلئے پاکستانی وفد واشنگٹن روانہ

    پاکستان اور امریکا کے درمیان تجارت اور سرمایہ کاری کیلئے پاکستانی وفد واشنگٹن روانہ

    اسلام آباد: پاکستان اور امریکا کے درمیان تجارت اور سرمایہ کاری کے لیے پاکستانی وفد واشنگٹن روانہ ہو گیا۔

    باغی ٹی وی: پاکستان اور امریکا کے درمیان تجارت اور سرمایہ کاری کے ٹریڈ اینڈ انویسٹمنٹ فریم ورک ایگریمنٹ (ٹیفا) کے تحت مذاکرات کیلیے پاکستانی وفد وفاقی وزیر تجارت نوید قمر وفد کے ہمراہ واشنگٹن روانہ ہو گیا جو 23 فروری کو واشنگٹن میں ہوں گے۔

    سیاسی بحران نےمعاشی بحران کو جنم دیا ہےاگلے 3 ماہ بعد اس سے بھی زیادہ حالات خراب ہوں گے،اسد عمر

    نوید قمر نے اپنے بیان میں کہا کہ ٹیفا مذاکرات 8 سال بعد ہونے جا رہے ہیں، مذاکرات پاک امریکا تجارتی و سرمایہ کاری بڑھانے کی ایک کوشش ہے۔

    وزارت تجارت کے مطابق ٹیفا مذاکرات سے پہلے وفاقی وزیر تجارت امریکی نمائندوں سے بھی ملاقات کریں گے۔

    مذاکرات میں وزیرتجارت سید نوید قمر پاکستانی وفد کی قیادت جبکہ امریکی وفد کی قیادت یوایس ٹی آر کیتھرائن تائی کریں گے۔

    انسداد دہشت گردی کی عدالت سےعمران خان کوبڑا ریلیف مل گیا

    خیال رہے کہ پاکستان اور امریکا نے دو طرفہ تجارت کو فروغ دینے کے لیے جون 2003 میں ٹیفا پر دستخط کیے تھے، مارچ 2022 میں، انہوں نے سامان اور خدمات دونوں میں تجارت اور سرمایہ کاری کو بڑھانے کے لیے ٹیفا کے عمل کو دوبارہ شروع کرنے کا فیصلہ کیا۔

  • اس سے بڑا ڈیزاسٹر کیا ہو گا کہ انتخابات نہیں ہو رہے، عدالت

    اس سے بڑا ڈیزاسٹر کیا ہو گا کہ انتخابات نہیں ہو رہے، عدالت

    اسلام آباد کے بلدیاتی انتخابات کے معاملے پر اسلام آباد ہائیکورٹ میں سنگل بنچ فیصلے کیخلاف انٹراکورٹ اپیلو ں پر سماعت ہوئی،

    ایڈیشنل اٹارنی جنرل عدالت میں پیش ہوئے اورکہا کہ پارلیمنٹ کے مشترکہ اجلاس سے یوسیز میں اضافے کا بل منظور کیا جا چکا ہے صدراب دستخط نہ بھی کریں تو 25 فروری تک بل قانون بن جائے گا ،عدالت نے ریمارکس دیتے ہوئے کہا کہ نئی ترمیم کے مطابق بھی یونین کونسلز میں اضافے کا اختیار وفاق کا ہے ، چیف جسٹس اسلام آباد ہائیکورٹ نے استفسار کیا کہ کیا گارنٹی ہے وفاقی حکومت پھر یوسیز کی تعداد نہیں بڑھائے گی؟ ایڈیشنل اٹارنی جنرل نے کہا کہ عدالت کو کمٹمنٹ اس لئے نہیں دے رہے کہ خدانخواستہ کوئی ڈیزاسٹر آجاتا ہے، چیف جسٹس عامر فاروق نے ریمارکس دیتے ہوئے کہا کہ اس سے بڑا ڈیزاسٹر کیا ہو گا کہ انتخابات نہیں ہو رہے اب آپ 125 یونین کونسلز پر الیکشن کرا دیں، کیا مسئلہ ہے؟عدالت نے ایڈیشنل اٹارنی جنرل سے استفسار کیا اب آپ اپنی اپیل واپس لے رہے ہیں؟ اب پرانا شیڈول تو رہا نہیں ، ہمیں کہیں تولکیر کھینچنا ہو گی

    عدالت نے ریمارکس دیتے ہوئے کہا کہ آپ کے پاس یونین کونسلز میں اضافے کی کوئی ٹھوس وجہ نہیں تھی، ایڈیشنل اٹارنی جنرل نے عدالت میں کہا کہ الیکشن کمیشن نے انتخابات کرانے ہیں، نئی حلقہ بندیاں بھی ہونی ہیں ،ڈی جی لا الیکشن کمیشن نے کہا کہ 60 دن میں ہم نے حلقہ بندیاں کرنی ہوتی ہیں،اگلی تاریخ پر عدالت کو آگاہ کردیں گے کہ کب تک انتخابات ہو سکتے ہیں ،عدالت نے کہاکہ وزارت داخلہ کی طرف سے ذمہ دار افسر آئندہ سماعت پر جواب جمع کرائے کیس کی سماعت2 مارچ تک ملتوی کردی گئی

  • بجلی کی فی یونٹ قیمت میں اضافے کا امکان

    بجلی کی فی یونٹ قیمت میں اضافے کا امکان

    اسلام آباد: کراچی کے علاوہ ملک کے تمام صارفین کے لیے ماہانہ فیول پرائس ایڈجسٹمنٹ کی مد میں بجلی مہنگی ہونے کا امکان ہے۔

    باغی ٹی وی: سینٹرل پاور پرچیزنگ ایجنسی (سی پی پی اے) نے نیشنل الیکٹرک پاور ریگولیٹری اتھارٹی (نیپرا) کو فیول ایڈجسٹمنٹ کی مد میں بجلی کی قیمتوں میں اضافے کی تجویز دے دی ہے۔

    بجلی کی فی یونٹ قیمت میں 1روپے17 پیسے اضافے کی درخواست نیپرا میں دائر کر دی گئی۔

    سی پی پی اے نے جنوری کی ماہانہ فیول ایڈجسٹمنٹ کی درخواست نیپرا میں جمع کروائی ہے۔ نیپرا کی جانب سے سی پی پی اے کی درخواست پر 28 فروری کو سماعت کی جائے گی۔

    سی پی پی اے کی درخواست کا اطلاق کے الیکٹرک صارفین پر نہیں ہوگا۔

  • پی آئی اے کے نئے سربراہ کی تلاش جاری، 65 امیدواروں کی درخواستیں موصول

    پی آئی اے کے نئے سربراہ کی تلاش جاری، 65 امیدواروں کی درخواستیں موصول

    کراچی: نئے سی ای او پی آئی اے کیلئے قومی ایئرلائن کے شعبہ ہیومن ریسورسز کو 65 امیدواروں کی درخواستیں موصول ہوگئیں۔

    باغی ٹی وی: ذرائع کے مطابق پی آئی اے کے نئے سربراہ کی تلاش جاری ہے، نئے سی ای او پی آئی اے کے لئے 65 امیدواروں کی درخواستیں پی آئی اے شعبہ ایچ آر کو موصول ہوگئی ہیں۔

    باہمی اعتماد، عوام کی مرضی اور تمام اسٹیک ہولڈرز کے درمیان ہم آہنگی کی ضرورت ہے،آرمی چیف

    پی آئی اے بورڈ کی ایچ آر کمیٹی 20 فروری کو درخواستوں کی جانچ پڑتال کرے گی جس کے بعد شارٹ لسٹ امیدواروں کے پی آئی اے بورڈ انٹرویوز کرے گا۔

    واضح رہے کہ قومی ایئر لائن کے سی ای او کا عہدہ اپریل 2022 سے خالی ہے، ایئر وائس مارشل عامر حیات قائم مقام سی ای او کے طور پر ذمہ داری نبھا رہے ہیں ایئر مارشل (ریٹائرڈ) ارشد ملک تین سال کا کنٹریکٹ ختم ہونے پر سی ای او پی آئی اے کے عہدے سے سبکدوش ہوگئے تھے۔

    ایف آئی اے نے پی ٹی آئی رہنما فرخ حبیب کو طلب کر لیا

    پی آئی اے کے بورڈ آف ڈائریکٹرز نے اجلاس میں سی ای او پی آئی اے ارشد ملک کو مدت ملازمت توسیع کی پیشکش کی تھی۔ پی آئی اے کے سی ای او نے مدت ملازمت میں توسیع لینے سے معذرت کرلی تھی-