Baaghi TV

Tag: Pakistan latest

  • جو آئین کو نہیں مانتی ہم ایسی حکومت کو نہیں مانتے. لطیف کھوسہ

    جو آئین کو نہیں مانتی ہم ایسی حکومت کو نہیں مانتے. لطیف کھوسہ

    سینئر رہنماء پیپلزپارٹی اور معروف وکیل سردار لطیف کھوسہ کا کہنا ہے کہ جو حکومت آئین کو نہیں مانتی ہم ایسی حکومت کو ہی نہیں مانتے ہیں جبکہ 14 مئی کو الیکشن کیوں نہیں ہوئے ہیں چونکہ یہ عدلیہ کی توہین ہے لہذا سپریم کورٹ خود عدلیہ تذلیل کرنے کا نوٹس لے تاکہ آئین شکنی پر کاروائی ہو ان کا مزید کہنا تھا کہ ہم سر زمین بے آئین میں سانس لے رہے ہیں، جبکہ جتنی گھٹن آج محسوس کر رہا ہوں اتنی زندگی میں کبھی نہیں کی ہے۔

    خیال رہے کہ لاہور میں منعقدہ وکلا کنونشن سے خطاب کرتے ہوئے کہنا تھا کہ اس وقت ضیاء الحق کے ظلم سے زیادہ حالات خراب ہیں، اس دور میں بھٹو کو پھانسی لگائی گئی اور عوام کو کوڑے مارے گئے لیکن خواتین پر ہاتھ نہیں اٹھایا گیا، لیکن یہاں شیریں مزاری کو ایمان مزاری کی دھمکی دی گئی، جس پر بھی ایسا وقت آئے گا وہ توبہ کرکے جائے گا، ظلم کی ریاست چل سکتی ہے بے انصافی کی ریاست نہیں چل سکتی۔
    مزید یہ بھی پڑھیں:
    پاکستان کا ہر شہری اپنی افواج کو مضبوط دیکھنا چاہتا ہے،لطیف کھوسہ
    نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی
    پارلیمنٹ میں میرا جنسی استحصال ہوا، خاتون رکن پارلیمنٹ پھٹ پڑی
    9 مئی کے واقعات میں ملوث ملزمان کا جیل کے اندر ٹرائل کا فیصلہ

    بورس جانسن نے ارکان پارلیمنٹ کو گمراہ کیا. رپورٹ میں انکشاف
    حافظ نعیم کا حشر آج عمران خان جیسا ہوا ہے۔نثار کھوڑو
    9مئی میں ملوث شہریوں کوبےخطا گرفتار نہیں کیا گیا،امریکی رکن کانگریس کا صدر جوبائیڈن کوخط
    لطیف کھوسہ کا کہنا تھا کہ پاکستان کو قید خانہ بنا دیا گیا ہے، ہمیں دنیا سے بھکاری بن کر بھیک نہیں مل رہی، ایک مفرور شخص لندن سے بیٹھ کر ملک چلا رہا ہے، ہم پاکستان کو اشرافیہ کا ملک نہیں بننے دیں گے، اب دھرتی وکلا کو پکار رہی ہے، آئین اور قانون کے بغیر کالے کوٹ کی کوئی اہمیت نہیں ہے اسے اتار کر پھینک دو۔ جبکہ انہوں نے مزید کہا کہ آرمی ایکٹ کے تحت کسی شہری کا ٹرائل نہیں کیا جا سکتا، کیا فوجی عدالت عدلیہ سے اوپر بیٹھے گی، جو آئین کو نہیں مانتے ہم ایسی حکومت کو نہیں مانتے، جس نے جناح ہاؤس پر حملہ کیا وہ غدار ہے، اور جنہوں نے آئین کو روندا جنہیں نے قانون کو پامال کیا وہ کیا ہیں، ہم سپریم کورٹ جائیں گے اور آئین کو بحال کروائیں گے، دیکھتے ہیں کون سا جج مخالفت کرتا ہے، کون فون ٹیپ کرتا ہے کون ویڈیوز بنا رہا ہے۔

  • طوفان بپر جوائے نے دونوں پڑوسی سرحدی علاقوں سے ٹکرانے کا آغاز کردیا

    طوفان بپر جوائے نے دونوں پڑوسی سرحدی علاقوں سے ٹکرانے کا آغاز کردیا

    طوفان بپر جوائے نے دونوں پڑوسی سرحدی علاقوں سے ٹکرانے کا آغاز کردیا

    سمندری طوفان بپر جوائے پاکستان اور بھارت کے ساحل کی جانب پیش قدمی کر رہا ہے جبکہ دونوں پڑوسی ممالک بھارت اور پاکستان کے سرحدی علاقوں سے ٹکرانا شروع ہوگیا ہے محکمہ موسمیات پاکستان کے مطابق بپر جوائے طوفان کی شدت میں ایک درجہ اور کمی آئی ہے اور اب یہ ’بہت شدید سمندری طوفان‘ سے ’شدید سمندری طوفان‘ کی کیٹیگری میں آگیا ہے۔ طوفان کے مرکز میں ہواؤں کی رفتار 110 کلومیٹر فی گھنٹہ ہے۔


    محکمہ موسمیات کے مطابق سمندری طوفان بپر جوائے بھارتی ساحلی علاقوں سے ٹکرانا شروع ہوگیا ہے، طوفان بھارتی علاقے جھکاؤ پورٹ اورپاک بھارت سرحدی علاقوں سے ٹکرا رہا ہے، رات گئے طوفان کے بھارتی ساحلی اور پاک بھارت سرحدی علاقوں سے ٹکرانے کا عمل مکمل ہوجائےگا۔ طوفان کےزیراثر گجرات کے علاقے دوارکا میں طوفانی ہوائیں چل رہی ہیں جس کی وجہ سے متعدد درخت جڑوں سے اکھڑ گئے اور اشتہاری بورڈز گرگئے ہیں۔
    مزید یہ بھی پڑھیں:
    نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی
    پارلیمنٹ میں میرا جنسی استحصال ہوا، خاتون رکن پارلیمنٹ پھٹ پڑی
    9 مئی کے واقعات میں ملوث ملزمان کا جیل کے اندر ٹرائل کا فیصلہ

    بورس جانسن نے ارکان پارلیمنٹ کو گمراہ کیا. رپورٹ میں انکشاف
    حافظ نعیم کا حشر آج عمران خان جیسا ہوا ہے۔نثار کھوڑو
    9مئی میں ملوث شہریوں کوبےخطا گرفتار نہیں کیا گیا،امریکی رکن کانگریس کا صدر جوبائیڈن کوخط
    سمندری طوفان کا کچھ حصہ پاکستانی ساحلی علاقے کیٹی بندر سے بھی ٹکرائے گا۔ محکمہ موسمیات کا کہنا ہے کہ سمندری طوفان کراچی کے جنوب سے 245 کلو میٹر دور ہے، سمندری طوفان ٹھٹہ کے جنوب سے 200 کلو میٹر اور کیٹی بندر کے جنوب سے 150 کلو میٹر دور ہے۔ طوفان کے مرکز میں پر ہواؤں کی رفتار 100سے 120 کلو میٹرفی گھنٹہ تک جا رہی ہے، جھکڑ 130کلو میٹرفی گھنٹہ تک پہنچ رہے ہیں، سسٹم کے مرکز کے گرد لہریں 20 سے 25 فٹ تک بلند ہو رہی ہیں۔

    بھارتی میڈیا کے مطابق وارکا میں طوفانی ہواوں کےباعث درخت گرنے سے 3 افراد زخمی جبکہ جاکھاو، مانڈوی میں درخت اور بجلی کے کھمبے گرگئے، ٹین کی چھتیں اڑگئیں اور گجرات میں سمندری طوفان ٹکرانے کا عمل آدھی رات تک جاری رہے گا، بھارت میں گجرات کے علاقوں میں زبردست ہوائیں چل رہی ہیں کہیں بارش ہو رہی ہے چھتیں گر گئی ہیں مالی نقصانات کی اطلاعات موصول ہو رہی ہیں تا ہم ابھی تک جانی نقصان کی کوئی اطلاع سامنے نہیں آئی طوفان کی وجہ سے عوام میں خوف و ہراس ہے تا ہم حکومت کی کوشش تھی کہ کم سے کم جانی نقصان کے لئے شہریوں کو منتقل کیا جائے ۔ سمندر کے قریبی علاقوں سے عوام کو منتقل کیا جا چکا ہے پانچ سو کے قریب درخت طوفان کی وجہ سے گر چکے ہیں شہری اپنے ضروری سامان اور مویشیوں سمیت منتقل ہوئے ہیں بھارت میں طوفان کے حوالہ سے آگاہی مہم چلائی گئی تھی اور حفاظتی انتظامات بھی کیے گئے تھے تا ہم رات گئے طوفان کتنا نقصان کرتا ہے اسکا اندازہ صبح تک ہو گا امدادی اور ریسکیو ٹیمیں بھئ متحرک ہو چکی ہیں بھارتی نیوی بھی الرٹ اور ریسکیو میں شریک ہے

    جبکہ اس سے قبل حب میں پی ڈی ایم اے بلوچستان کے چیف ریسکیو آفیسر ڈاکٹر اکرم بگٹی نے کہا کہ طوفان کے رُخ میں تبدیلی کے باعث دباؤ میں کافی کمی آئی ہے۔ انھوں نے اس توقع کا اظہار کیا تھا کہ کل شام تک دباؤ میں زیادہ کمی آجائے گی۔ ان کا کہنا تھا کہ پانی کافی آگے آیا ہے لیکن گڈانی اور وندر میں آبادی کو کوئی خطرہ نہیں ہے۔

    ادھر این ڈی ایم اے کا کہنا تھا کہ طوفان تاحال سندھ کے ساحلی مقام کیٹی بندر تک نہیں پہنچا لہذا پاکستان کی ساحلی پٹی پر اس کے اثرات طوفان کی مزید پیشرفت سے واضح ہوں گے۔ بلوچستان کے ضلع گوادر میں پسنی کے علاقے کلمت میں بھی طوفان کے باعث بعض گھروں میں سمندری پانی داخل ہوا ہے۔ اسسٹنٹ کمشنر پسنی نے فون پر بتایا کہ کلمت میں سمندری لہروں میں تیزی کے باعث پانی گھروں کے قریب آیا تھا لیکن زیادہ تر گھر اس سے محفوظ رہے۔

    ان کا کہنا تھا کہ کلمت میں چار کے قریب گھروں میں پانی داخل ہوا لیکن اس سے کوئی نقصان نہیں ہوا۔ انھوں نے کہا کہ اطلاع ملتے ہی ریسکیو ٹیم علاقے میں پہنچی اور لوگوں کو ریلیف کیمپوں میں منتقلی کی درخواست کی لیکن علاقہ مکین اپنے گھروں کو چھوڑنے کے لیے تیار نہیں تھے۔ اسسٹنٹ کمشنرکے مطابق کلمت میں آبادی کے گرد و نواح میں پہلے چار انچ پانی کھڑا ہوا تھا لیکن اب وہ کئی سو فٹ آبادی سے دور چلا گیا ہے۔ ادھر کراچی سے متصل بلوچستان کے ساحلی ضلع حب کے علاقے گڈانی میں حکام کے مطابق صورتحال معمول پر ہے۔

  • جماعت اسلامی نے ہمیشہ نفرت کی سیاست کی ہے. رہنماء پیپلزپارٹی

    جماعت اسلامی نے ہمیشہ نفرت کی سیاست کی ہے. رہنماء پیپلزپارٹی

    پیپلز پارٹی کی رکن صوبائی اسمبلی شرمیلا فاروقی کا کہنا ہے کہ جماعت اسلامی نے ہمیشہ نفرت کی سیاست کی ہے، چاہیے وہ تعلیمی ادارے ہوں یا کراچی کے حوالے سے، جماعت اسلامی لسانیت اور نفرت کی سیاست کرتی رہی ہے۔ نجی ٹی وی سے گفتگو میں شرمیلا فاروقی کا کہنا تھا کہ آج میئر کا انتخاب صاف اور شفاف تھا 12 جون کو پی ٹی آئی کے یونین کونسل کے چئیرمین اسد امان نے اپنے ویڈیو بیان میں کہا کہ ہم میئر الیکشن میں ووٹ نہیں ڈالیں گے، یہ وہ لوگ ہیں جو پی ٹی آئی کے ساتھ نہیں رہے ہیں یہاں ایک فارورڈ بلاک بناہوا ہے جس میں 33 کے قریب لوگ ہیں جنہوں نے ووٹ نہیں کیا انہوں نے پہلے ہی کہہ دیا تھا۔ یہاں یہ الزام لگانا کہ اغواء کرلیا، یہ جنگل کا قانون تھوڑی چل رہا ہے۔

    انہوں نے کہا کہ پیپلزپارٹی نے کام کیا توعوام نے ووٹ دیا ہے پی ٹی آئی میں فاروڈ بلاک بن گیا تو اس میں ہمارا کیا قصور ہے؟ پی ٹی آئی والوں نے پیپلزپارٹی کو ووٹ نہیں دیا، یہ عدالت جاکرٹائم ضائع کریں گے۔ جماعت اسلامی کی عائشہ سید نے شرمیلا فاروقی کے ردعمل میں کہا کہ پیپلزپارٹی والے جمہوریت کی بات نہ کریں آپ کا تو ایک ہی خاندان ہے جو مسلسل حکومتٓ میں ہے ایک ہی خاندان مسلسل سیاست میں چلا آرہا ہے جمہوریت میں پارٹی میں ہرایک کیلئے راستہ ہوتا ہے۔ انہوں نے کہا کہ 9 مئی کےواقعات کی ہم سب مذمت کرتے ہیں شرمیلا صاحبہ اپنے لئے کوئی اور پوائنٹ لیں جس کو وہ بہتر طرح سے بیان کرتے ہیں جماعت اسلامی نے کبھی گالم گلوچ کی سیاست نہیں کی ہم حوصلہ رکھتے ہیں کہ میئرکو ویلکم کریں۔
    مزید یہ بھی پڑھیں:
    ان شاءاللہ آج شام پاکستان پیپلز پارٹی کے جیالے بھرپور جشن منائیں گے۔سعید غنی

    نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی
    پارلیمنٹ میں میرا جنسی استحصال ہوا، خاتون رکن پارلیمنٹ پھٹ پڑی
    9 مئی کے واقعات میں ملوث ملزمان کا جیل کے اندر ٹرائل کا فیصلہ
    بورس جانسن نے ارکان پارلیمنٹ کو گمراہ کیا. رپورٹ میں انکشاف
    حافظ نعیم کا حشر آج عمران خان جیسا ہوا ہے۔نثار کھوڑو
    9مئی میں ملوث شہریوں کوبےخطا گرفتار نہیں کیا گیا،امریکی رکن کانگریس کا صدر جوبائیڈن کوخط
    جماعت اسلامی کی سابق رکن قومی اسمبلی عائشہ سید کا کہنا تھا کہ جماعت اسلامی نے کراچی کےعوام کیلئے بہت کام کیے مردم شماری، تعلیم اور بلدیاتی انتخابات کیلئے آواز اٹھائی جماعت اسلامی نے خدمت کی سیاست کی ہے اور جب بھی جماعت اسلامی کا میئرآیا عوام کی خدمت کی ہے۔ عائشہ سید نے یہ بھی کہا کہ آپ کے پاس تو15 سالوں سے کراچی ہے جس کو آپ نے تباہ کردیا، انہوں نے 15 جنوری سے دھاندلی شروع کردی تھی، ہماری شکایت پی پی پی کے لیڈر اور ورکرزسے نہیں بلکہ ان کے بنائے ہوئے الزام سے ہے۔

  • حکومت کا پٹرول کی پرانی قیمتیں 30جون تک برقرار رکھنے کا فیصلہ

    حکومت کا پٹرول کی پرانی قیمتیں 30جون تک برقرار رکھنے کا فیصلہ

    حکومت کا پٹرول کی پرانی قیمتیں 30جون تک برقرار رکھنے کا فیصلہ

    حکومت کا پٹرولیم مصنوعات کی قیمتیں برقرار رکھنے کا فیصلہ کیا ہے اورپرانی قیمتیں 30جون تک برقرار رہیں گی جبکہ وزیر خزانہ اسحاق ڈار نے بتایا کہ ایک ماہ میں پیٹرول کی قیمت میں20روپے اور ڈیزل کی قیمت35روپےفی لیٹرکم کی گئی،لہٰذا قیمتوں میں کوئی ردوبدل نہیں کیا جارہا ہے جبکہ آئندہ15روزکیلئےمٹی کےتیل کی قیمت164روپے7پیسے،ہائی اسپیڈڈیزل کی فی لیٹرقیمت بھی253روپےپٹرول کی موجودہ قیمت262روپےفی لیٹرپربرقرار رہے گی۔

    علاوہ ازیں اسحاق ڈار نے مزید بتایا کہ پرانی قیمتیں 30جون تک برقرار رہیں گی۔ تاہم یاد رہے کہ پندرہ روز قبل 31 مئی کو وزیرخزانہ اسحاق ڈار نے بتایا تھا کہ یکم جون سے اگلے پندرہ دن کے لیے ڈیزل کی قیمت میں 5 روپے کی کمی جا رہی ہے، جو258 روپے فی لٹر کی کمی کے بعد 253 روپے فی لٹر ہو گیا ہے۔ وزیر خزانہ اسحاق ڈارنے بتایا تھا کہ پٹرول کی قیمت 8 روپے کی کمی کر رہے ہیں، جس کی نئی قیمت 270 روپے سے کم ہو کر 262 روپے فی لٹر ہو گئی ہے۔

    مزید یہ بھی پڑھیں:
    نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی
    پارلیمنٹ میں میرا جنسی استحصال ہوا، خاتون رکن پارلیمنٹ پھٹ پڑی
    9 مئی کے واقعات میں ملوث ملزمان کا جیل کے اندر ٹرائل کا فیصلہ

    بورس جانسن نے ارکان پارلیمنٹ کو گمراہ کیا. رپورٹ میں انکشاف
    حافظ نعیم کا حشر آج عمران خان جیسا ہوا ہے۔نثار کھوڑو
    9مئی میں ملوث شہریوں کوبےخطا گرفتار نہیں کیا گیا،امریکی رکن کانگریس کا صدر جوبائیڈن کوخط
    ادھر سوشل میڈیا پر اس سے قبل دعویٰ کیا جارہا تھا کہ آج پٹرول 15 روپے تک سستا ہوسکتا ہے جس کے بعد ٹی ایل پی کا پٹرول کی قیمت والا مطالبہ تقریبا پورا ہوجائے گا کیونکہ جس قیمت کا مطالبہ کیا گیا تھا وہ قیمت 250 روپے لیٹر تھی۔ اسکے بعد تحریک لبیک کے باقی کے مطالبات بھی جلد مان لیئے جائے گے لیکن اب ہونے والا فیصلہ اس دعویٰ کے برعکس ہے.

  • اشیائے خوردونوش کی مہنگائی 53 فیصد تک متوقع ہے: حفیظ پاشا

    اشیائے خوردونوش کی مہنگائی 53 فیصد تک متوقع ہے: حفیظ پاشا

    پاکستان کو استحکام کے ساتھ ساتھ دیرپا ترقی کی ضرورت ہے۔حکومت کو میکرواکنامک پالیسی کے ساتھ ساتھ فلاحی اقدامات کرنا ہوں گے: وزیر مملکت ڈاکٹر عائشہ غوث پاشا

    پاکستان کے زرمبادلہ کے ذخائر ملکی ضرورت سے 16 ارب ڈالر کم ہیں۔ پاکستان کا سب سے بڑا مسئلہ ملٹی لیٹرل قرض ہے۔ دوست ممالک کی جانب سے بڑے زرمبادلہ ڈیپازٹ کے بغیر پاکستان کا مسئلہ حل نہیں ہوپائے گا ۔ماہر معا شی امور اور سابق وفاقی وزیر ڈاکٹر حفیظ پاشا نے ان خیالات کا اظہار جرمنی کے معروف تھنک ٹینک Friedrich Ebert Stiftung (FES) کے زیر اہتمام "پاکستان کی معیشت میں اہم مسائل” پر اپنی کتاب کی تقریب رونمائی کے دوران کیا۔ تقریب میں ایف ای ایس پاکستان کے کنٹری ڈائریکٹر ڈاکٹر نیلز ہیگویچ اور وزیر مملکت برائے خزانہ اور محصولات ڈاکٹر عائشہ غوث پاشا نے بھی شرکت کی۔

    اس موقع پر ڈاکٹر حفیظ پاشا کا کہنا تھا کہ پاکستان کے پاس زر مبادلہ کے ذخائر ملکی ضرورت سے 16 ارب ڈالر کم ہیں۔ پاکستان کی سب سے بڑی مشکل ملٹی لیٹرل قرضے ہیں۔زیادہ قرضہ انہی ذرائع سے حاصل کیا گیا۔اس قرضے کی واپسی سب سے بڑا چیلنج ہے۔دوسرا بڑا چیلنج آئی ایم ایف کی شرائط پورا کرنا ہے۔ ان کا مزید کہنا تھا کہ 9 ہزار ارب روپے کے ترقیاتی منصوبے دہائیوں میں مکمل نہیں ہوسکے۔یہ منصوبے آئندہ 18 سالوں میں بھی مکمل نہ ہوسکیں گے۔
    ڈاکٹر حفیظ پاشا کے مطابق پی ایس ڈی پی ماضی میں جی ڈی پی کا 3 فیصد ہوا کرتی ہے۔اب یہ 1 فیصد سے بھی کم ہے۔

    آئی ایم ایف کے حوالے سے ان کا کہنا تھا کہ آئی ایم ایف کا بڑا اعتراض ٹیکس ایمنسٹی پر ہے۔ بجلی کی سبسڈی پر بڑا کٹ لگانا آئی ایم ایف کی بڑی ڈیمانڈ ہے۔ ڈالر کی قیمت مارکیٹ میں طے ہونا اس کی تیسری بڑی ڈیمانڈ ہے۔سالانہ 50 ارب روپے کا سرکاری اداروں کو خرچہ روکنا بھی ایک بڑا مطالبہ ہے۔
    ڈاکٹر حفیظ پاشا کا مزید کہنا تھا کہ قرضوں پر سود کی عدم ادائیگی بحرانی کیفیت اختیار کرچکی ہے۔ آئی ایم ایف کا پیکیج 3 نومبر 2022 کو مکمل ہونا تھا۔بیرون ملک پاکستانی اثاثے 14 ارب ڈالر منفی میں جاچکے ہیں ۔ 24 جون تک بجٹ پر نظر ثانی کرکے آئی ایم ایف سے معاملہ کرنے کا موقع موجود ہے۔

    ڈاکٹر حفیظ پاشا نے معیشت کی بگڑتی ہوئی صورتحال اور ڈیفالٹ کے خطرے کے حوالے سے اظہار خیال کرتے ہوئے کہا کہ ڈیفالٹ کے قریب پہنچے ہوئے دنیا کے 11 ممالک میں پاکستان کا نمبر نواں ہے۔ خوراک میں مہنگائی 53 فیصد تک جانے کا خطرہ ہے۔ اس کی بڑی وجہ ڈالر کی قدر میں بے لگام اضافہ ہے۔ 10 سے 11 فیصد مزید لوگ سیلاب کے باؑث بے روزگار ہوئے۔ان لوگوں کی تعداد 25 لاکھ کے قریب ہے۔ 1 کروڑ 10 لاکھ لوگ پہلے ہی بے روزگار تھے۔اڑھائی کروڑ لوگ غربت کی لکیر سے نیچے زندگی گزار رہے ہیں۔ حکومت کو اس غربت پر قابو پانے کے لیئے 2400 ارب روپےدرکار ہیں۔ مہنگائی سے بچانے کے لیئے تنخواہوں اور پنشن میں آئندہ سال 600 ارب روپے کا اضافہ کرنا ہوگا۔

    ڈاکٹر حفیظ پاشا کا کہنا تھا کہ حکومت کو تجارتی معاہدوں پر نظر ثانی کرنا ہوگی،پاک چین تجارت کا توازن 90 فیصد چین کے حق میں ہے۔
    اس موقع پر وزیر مملکت برائے خزانہ اور محصولات ڈاکٹر عائشہ غوث پاشا کا کہنا تھا کہ ہمیں معلوم ہے کہ پاور سٹرکچر میں کون سی قوتٰ ریفارمز کو روکتی ہیں۔ہم 100ویں سالگرہ پر بھی پاکستان کے مسائل کو رونا رو رہے ہونگے۔ ان کا مزید کہنا تھا کہ پاکستان کو معاشی شرح نمو بڑھانا ہوگی۔ اس مقصد کے لیئے پاکستان کو موزوں اقدامات کا فیصلہ کرنا ہوگا۔ ڈاکٹر عائشہ غوث پاشا نے زور دیا کہ پاکستان کو استحکام کے ساتھ ساتھ دیرپا ترقی کی ضرورت ہے۔حکومت کو میکرواکنامک پالیسی کے ساتھ ساتھ فلاحی اقدامات کرنا ہوں گے۔

    جبکہ تقریب میں ڈاکٹر پرویز ہود بھائی کا کہنا تھا کہ پاکستان کی ترقی کو سٹرکچرل مسائل کا سامنا ہے۔اس ملک میں چند لوگوں کی مراعات ساری آبادی پر بھاری ہیں۔ انہوں نے مطالبہ کیا کہ حکومت کو اس مسئلے کا حل نکالنا ہوگا۔ تقریب میں سینئر سیاسی رہنماؤں، ماہرین اقتصادیات، سول سوسائٹی اور میڈیا کے نمائندوں نے بھی شرکت کی۔

  • جین میریٹ پاکستان میں بطور برطانوی ہائی کشمنر تعینات

    جین میریٹ پاکستان میں بطور برطانوی ہائی کشمنر تعینات

    برطانوی حکومت کی جانب سے پاکستان میں نئے ہائی کمشنر کا اعلان کردیا گیا ہے جبکہ جین میریٹ پاکستان میں بطور برطانوی ہائی کشمنر تعینات ، اعلامیہ برطانوی سفارتخانہ کی طرف سے جاری کیا گیا ہے، جبکہ جین میریٹ اس سے پہلے کینیا میں تعینات تھیں ، جو اب جولائی میں چارج سنبھالیں گی.


    جین میریٹ پاکستان میں پہلی خاتون برطانوی ہائی کمشنر ہوں گی۔ علاوہ ازیں اپنی تعیناتی پر انہوں نے کہا کہ پاکستان میں برطانوی ہائی کمشنر تعینات ہونے پر بہت خوش ہوں پاکستان اور برطانیہ کے تعلقات تاریخی ہیں۔ لہذا مجھے بہت فخر محسوس ہورہا ہے کہ مجھے اس کے لیئے نام زد کیا گیا ہے.
    مزید یہ بھی پڑھیں:
    نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی
    پارلیمنٹ میں میرا جنسی استحصال ہوا، خاتون رکن پارلیمنٹ پھٹ پڑی
    9 مئی کے واقعات میں ملوث ملزمان کا جیل کے اندر ٹرائل کا فیصلہ
    بورس جانسن نے ارکان پارلیمنٹ کو گمراہ کیا. رپورٹ میں انکشاف

    پاکستان میں یوکے کے کیمنیوکیشن ڈائریکٹر پیو ڈانڈے جین میرٹ کو خوش آمدید کہا اور ان کی تعنیاتی کو خوشگوار قرار دیتے ہوئے اس خبر کو اپنے لیئے خوشی قرار دیا ہے اور انہوں نے جین کی کافی تعریف بھی کی کہ وہ ایک قابل شخصیت کی مالک ہیں.
    خیال رہے کہ جین میرٹ اس سے قبل نیروبی، تہران اور کینیا وغیرہ سمیت برطانیہ میں مختلف عہدوں پر اپنی خدمات سرانجام دے چکی ہیں اور انہوں نے بہت ساری کامیابیاں بھی حاصل کی ہیں. واضح رہے کہ جین میریٹ کو ڈاکٹر کرسچن ٹرنر کے بعد پاکستان میں برطانوی ہائی کمشنر مقرر کیا گیا ہے جن کا تبادلہ ایک اور ڈپلومیٹک سروس میں ہوا ہے۔

  • سونے کی قیمت؛ عالمی مارکیٹ میں کمی، پاکستان میں اضافہ

    سونے کی قیمت؛ عالمی مارکیٹ میں کمی، پاکستان میں اضافہ

    عالمی مارکیٹ میں فی تولہ سونے کی قیمت میں کمی ریکارڈ کی گئی ہے جبکہ اس کے الٹ پاکستان میں مقامی مارکیٹ میں اضافہ ریکارڈ کیا گیا ہے۔ خیال رہے کہ بین الاقوامی مارکیٹ میں فی اونس سونے کی قیمت مزید 19 ڈالر کی کمی سے 1929 ڈالر کی سطح پر آگئی ہے لیکن لیکن اس کمی کے برعکس پاکستانی مارکیٹ میں صرافہ مارکیٹوں میں فی تولہ سونےکی قیمت میں 1700روپے اضافہ ریکارڈ کیا گیا ہے۔
    .
    ملکی سطح پر اس اضافہ کے بعد کراچی، حیدرآباد، سکھر ،ملتان ،لاہور، فیصل آباد، راولپنڈی ،اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت 2لاکھ 20 ہزار 700 روپے کی سطح پر پہنچ گئی ہے. جبکہ دس گرام سونے کی قیمت 1458روپے سے بڑھ کر 189215روپے کی سطح پر پہنچ چکی ہے۔ دوسری جانب فی تولہ چاندی کی قیمت بغیر کسی تبدیلی کے 2650روپے اور دس گرام چاندی کی قیمت بھی بغیر کسی تبدیلی کے 2271.94 روپے پر مستحکم رہی ہے۔
    مزید یہ بھی پڑھیں:
    نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی
    پارلیمنٹ میں میرا جنسی استحصال ہوا، خاتون رکن پارلیمنٹ پھٹ پڑی
    9 مئی کے واقعات میں ملوث ملزمان کا جیل کے اندر ٹرائل کا فیصلہ

    بورس جانسن نے ارکان پارلیمنٹ کو گمراہ کیا. رپورٹ میں انکشاف
    حافظ نعیم کا حشر آج عمران خان جیسا ہوا ہے۔نثار کھوڑو
    9مئی میں ملوث شہریوں کوبےخطا گرفتار نہیں کیا گیا،امریکی رکن کانگریس کا صدر جوبائیڈن کوخط
    تاہم دوسری جانب ماہرین کا کہنا ہے کہ عالمی مارکیٹوں میں کمی ریکارڈ کی جارہی لیکن پاکستان میں مزید مہنگا ہوتا جاتا جارہا ہے ان کا یہ بھی کہنا تھا کہ پٹرول اور دوسری چیزوں میں بھی ایسا ہی کیا جاتا ہے کہ عالمی سطح پر قیمتیں کم ہوتی ہیں لیکن ادھر پاکستان میں کمی کے بجائے مزید اضافہ ہوتا جاتا ہے جو انتہائی افسوس ناک ہے.

  • نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی

    نواز شریف؛ بی اے کی ڈگری گم، پنجاب یونیورسٹی سے ڈُپلی کیٹ ڈگری مل گئی

    سابق وزیر اعظم میاں نواز شریف کی بی اے کی ڈگری گم ہوگئی تھی جس کے بعد انہیں پنجاب یونیورسٹی سے بی اے کی ڈُپلی کیٹ ڈگری مل گئی ہے. واضح رہے کہ سابق وزیراعظم نواز شریف نے بی اے کی ڈگری گم ہونے پر ڈپلیکیٹ ڈگری کے حصول کے لیے اپلائی کیا تھا. اور درخواست کے مطابق میاں محمد نواز شریف نے بی اے کی ڈگری 1968 میں حاصل کی تھی.

    خیال رہے کہ نواز شریف کی بی اے کی ڈُپلی کیٹ ڈگری کے لئے 2990 روپے نجی بینک میں جمع ہوئے تھے جبکہ ڈاکومنٹس کے مطابق نواز شریف نے بی اے 340 نمبر لیکر پاس کی تھی اور نواز شریف کی 55سال پہلے حاصل ہونے والی یہ ڈگری کہیں گم ہوگئی تھی، ڈگری گم ہونے کی صورت میں 7جون 2023کو ڈُپلی کیٹ ڈگری کیلئے اپلائی کیا تھا جس کے بعد اب نواز شریف کے مشیر نے اتھارٹی لیٹر دکھا کر خود ڈگری حاصل کرلی ہے کیونکہ خود سابق وزیر اعظم اس وقت پاکستان میں موجود نہیں ہیں.

    مزید یہ بھی پڑھیں:
    بورس جانسن نے ارکان پارلیمنٹ کو گمراہ کیا. رپورٹ میں انکشاف
    حافظ نعیم کا حشر آج عمران خان جیسا ہوا ہے۔نثار کھوڑو
    9مئی میں ملوث شہریوں کوبےخطا گرفتار نہیں کیا گیا،امریکی رکن کانگریس کا صدر جوبائیڈن کوخط

    خیال رہے کہ نواز شریف، شریف خاندان میں پیدا ہوئے تھے۔ اتفاق گروپ اور شریف گروپ کے بانی میاں محمد شریف ان کے والد اور تین بار وزیر اعلیٰ پنجاب رہنے والے شہباز شریف ان کے بھائی ہیں۔ جبکہ وہ خود بھی وزیر اعظم پاکستان رہ چکے ہیں، نواز شریف نے گورنمنٹ کالج ی‌ونیورسٹی لاہور سے تجارت کی تعلیم اور 1970ء کی دہائی کے آخر میں سیاست کا آغاز کرنے سے پہلے پنجاب یونیورسٹی لا کالج سے قانون کی تعلیم حاصل کی تھی۔

    تاہم اس وقت وہ لندن میں ہیں کیونکہ انہیں نااہلی کے بعد ملک میں کافی مسائل کا سامنا تھا کیسز بھی تھے اور پھر بظاہری طبیعت ناسازی کو جواز بنا کر وہ علاج کی غرض سے لندن گئے تھے جہاں ان کے بیٹے رہتے ہیں تاہم اس کے بعد سے اب تک وہ واپس نہیں آئے ہیں.

  • لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    سینئر ٹی وی میزبان مبشر لقمان نے اپنے پروگرام کھرا سچ میں فوزیہ قصوری سے سوال کرتے ہوئے کہا کہ ” یہ جو استحکام پاکستان پارٹی ہے مجھے تو اس سے کوئی زیادہ امید نہیں کیونکہ اکثریت وہی لوگ ہیں جو لوٹے ہیں اور محض بلند آوازوں کیلئے مشہور ہیں، جب کہ یہ کہیں پر بھی چلیں جائیں پارٹی کی وجہ سے جیت سکتے ہیں لیکن اپنے بل بوتے پر نہیں جیت سکتے ہیں.

    مبشر لقمان کے سوال کیا یہ لوگ کوئی فرق لاسکیں گے؟ کے جواب میں فوزیہ قصوری نے کہا کہ جب میں پی ٹی آئی میں تھی تو اس وقت جو لوگ محنت سے کام کرتے تھے ان میں جہانگیر ترین اور علیم خان تھے کیونکہ وہ پارٹی کیلئے محنت کرتے تھے، ان کا مزید کہنا تھا کہ مجھے ان لوگوں کا نہیں معلوم کہ وہ کوئی تبدیلی لاسکتے ہیں، پہلے جب پارٹی کے اندر زیادتیاں ہوتی‌ تھیں تو ہم نے آواز بلند کی اور اسی لیے ہمیں پسند نہیں کیا گیا تھا.

    اس موقع پر مبشر لقمان کا کہنا تھا کہ فواد چودھری اپنی ضمانت ضبط کروائے گا جبکہ علی زیدی اور عمران اسماعیل بھی اپنی سیٹ‌ نہیں نکال سکتے ہیں کیونکہ یہ لوگ تحریک انصاف کی سیٹ پر جیتے تھے اور وہ بھی ان لوگوں کو جتوایا گیا تھا، جبکہ اسی طرح کے بہت سارے ایسے لوگ ہیں جن کا اپنے حلقے سے کوئی تعلق نہیں ہے، اس بات پر فوزیہ قصوری نے بھی سینئر اینکر سے اتفاق کیا اور انہوں نے کہا کہ یہ وہ لوگ تھے جنہیں پوری طرح سے نوازا گیا تھا.
    مزید یہ بھی بڑھیں؛
    لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی

    فوزیہ قصوری کا کہنا تھا کہ یہ کس قسم کے لوگ ہیں کیونکہ انسان کی آنکھ میں حیا ہوتی ہے لیکن ان کے اندر کوئی شرم و حیا ہے ہی نہیں، ( دراصل ان اشارہ یہاں فواد چودھری کی طرف تھا) کیونکہ کبھی سر پکڑ کر تو کبھی منہ چھپا کر بیٹھے تھے، اب یہاں واضح ہے کہ اللہ کی پکڑ بے نیاز ہے کیونکہ یہ لوگ بڑے بول بولا کرتے تھے لیکن آج منہ چھپا رہے ہیں جبکہ انہوں نے تھوڑا سا بھی صبر نہیں کیا ایک طرف پی ٹی آئی چھوڑی اور پھر دوسری طرف منہ چھپاتے ہوئے دوسرے پارٹی میں جابیٹھے.

  • امریکا اور برطانیہ سمیت یورپ کیلئے پروازیں شروع کرنے کا فیصلہ

    امریکا اور برطانیہ سمیت یورپ کیلئے پروازیں شروع کرنے کا فیصلہ

    باخبر ذرائع کے مطابق قومی ائیر لائن پاکستان انٹرنیشنل ائیرلائن یعنی پی آئی اے نےامریکا، برطانیہ اور یورپ کیلئے پروازیں جلد شروع کرنے کا فیصلہ کرلیا ہے جس پر بہت جلد عمل ہوجائے گا اور یوں پاکستان سے براہ راست ان ممالک میں جانا آسان ہوجائے گا جس سے مسافروں کو کافی بہتری محسوس ہوگی کیونکہ اب انہیں ان ممالک جانے کیلئے پہلے دبئی یا کہیں اور لینڈ کرکے جہاز تبدیل نہیں کرنا پڑے گا.

    واضح رہے کہ وزیرخزانہ اسحاق ڈارکی زیرصدارت ایوی ایشن امور پر اجلاس ہوا ہے جس میں سیکریٹری ایوی ایشن نے اس شعبے کو درپیش مسائل پر بریفنگ دی جبکہ سروسز کی فراہمی اور سیکیورٹی قوانین اور استعداد کاربڑھانےکےامورکا بھی جائزہ لیا گیا اور اجلاس میں امریکا، برطانیہ اور یورپ کیلئے پی آئی اے پروازیں جلد شروع کرنےکا بھی فیصلہ کیا گیاہے۔
    مزید یہ بھی بڑھیں؛
    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی
    وزیرخزانہ اسحاق ڈار نےاس مقصد کیلئےضروری اقدامات کی ہدایت کرتے ہوئےایوی ایشن کامعیار بہتر بنانے کیلئےہرممکن تعاون کی یقین دہانی کروائی ہے اور انہوں نے مزید کہا کہ حکومت کی طرف سے جتنی بھی مدد درکار ہو وہ کی جائے گی لیکن محکمہ بھی ضروری اقدامات کو فوری بروائے کار لائے تاکہ جلد از جلد ممکن بنایا جاسکے.

    ادھر ان ممالک میں سفر کرنے والوں کا کہنا ہے کہ یہ اقدام انتہائی ضروری اور قابل ستائش ہے کیونکہ اس سے بہت بہتری محسوس کی جائے گی کیونکہ اب ان ممالک میں پی آئی اے خود سروسز فراہم کررہی ہے.