Baaghi TV

Tag: Pakistan latest

  • بابراعظم کی ون ڈے میں پہلی، ٹی20 میں تیسری پوزیشن:تازترین رینکنگ جاری

    بابراعظم کی ون ڈے میں پہلی، ٹی20 میں تیسری پوزیشن:تازترین رینکنگ جاری

    دبئی: انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی، کپتان بابراعظم ٹی20 میں تیسرے نمبر پر آگئے۔

    اگر ایشیا کپ کیلئے بھارت پاکستان نہیں آتا تو بھاڑ میں جائے،ہمیں ہماری کرکٹ مل رہی…

    آئی سی سی کی جاری کردہ نئی رینکنگ کے مطابق مینز ون ڈے بیٹنگ پلئیرز رینکنگ میں کپتان بابراعظم 887 ریٹنگ پوائنٹس کے ساتھ سب سے آگے ہیں جبکہ جنوبی افریقہ کے راسی وین ڈیر ڈوسن 787 اور آسٹریلیا کے ڈیوڈ وارنر ایک درجہ ترقی پاکر بالترتیب دوسری اور تیسری پوزیشن پر قابض ہیں جبکہ ٹاپ ٹین میں شامل دوسرے پاکستانی امام الحق پانچویں نمبر پر موجود ہیں۔ون ڈے میں بھارت کے محمد سراج سر فہرست ہیں جبکہ قومی فاسٹ بولر شاہین شاہ آفریدی 8ویں نمبر پر براجمان ہیں۔

    ویڈیو:لاہورقلندرز کی ایچ بی ایل پی ایس ایل 8 کے لیے تیاریوں کا تیسرا روز

    دوسری جانب ٹی20 رینکنگ میں بھارت سوریا کمار یادیو کی بادشاہت ہے، پاکستان کے محمد رضوان کی دوسری جبکہ کپتان بابراعظم ایک درجہ ترقی پاکر تیسری پوزیشن پر آگئے ہیں۔

    ٹی20 رینکنگ میں ٹاپ ٹین بالرز میں کوئی پاکستانی شامل نہیں، حارث روف ایک درجے تنزلی کے بعد 15ویں اور شاہین آفریدی 16ویں پوزیشن پر پہنچ گئے ہیں۔

    ایشیاکپ پاکستان میں ہی ہوگا، پی سی بی ڈٹ گیا

    اس سے پہلے یہ بھی کہا جارہا تھا کہ ٹی20 رینکنگ میں بھارت کے سوریا کمار یادیو 908 ریٹنگ پوائنٹس کے ساتھ پہلے جبکہ محمد رضوان 836 پوائنٹس کے ساتھ دوسری پوزیشن پر قابض ہیں۔کپتان بابراعظم کی ٹی20 میں چوتھی پوزیشن پر جبکہ نیوزی لینڈ کے ڈیون کانوے 788 پوائنٹس کے ساتھ تیسرے نمبر پر براجمان ہیں۔

    دوسری جانب ون ڈے بولرز کی رینکنگ میں بھارت کے محمد سراج پہلے نمبر پر پہنچ گئے ہیں، ٹاپ 10 میں شامل واحد پاکستانی شاہین شاہ آفریدی کی آٹھویں پوزیشن ہے۔

  • عمران خان،گرفتاری ،قتل کا منصوبہ۔ہوم ورک مکمل

    عمران خان،گرفتاری ،قتل کا منصوبہ۔ہوم ورک مکمل

    عمران خان کی گرفتاری کے حوالے سے سنیئرصحافی مبشرلقمان کا کہنا تھاکہ عمران خان کی گرفتاری پکی ہے ، لیکن فی الحال توشہ خانہ کیس اور ایسے ہی ٹیریان کیس کا فیصلہ آنےدیں پھر پکی گرفتاری ہوگی ،ایک سوال کا جواب دیتے ہوئے ان کا کہنا تھاکہ ابھی تو اگرگرفتاری ہوتی ہےتوہوسکتا ہے گرفتاری کے بعد جلد ضمانت ہوجائے توایسے پھر درست نہیں ، پہلے فواد چوہدری گرفتار ہوئے پھرشیخ رشید اور اب باری عمران خان کی ہے کسی بھی وقت گرفتاری ہوسکتی ہے لیکن امکان یہ ہے کہ یہ گرفتاری عدالتی فیصلے کے بعد آئےگی،دوسروں کو جیل بھرو کی تحریک کا کہہ کراب پھرڈر گیا ہے یہ کئی بار یوٹرن لے گا

    قتل کی سازش کے حوالے سے ان کا کہنا تھا کہ عمران خان کا کہنا ہے کہ جنوبی وزیرستان سے دوافراد کو میرے قتل کی ذمہ داری سونپ دی گئی ہے ، اس پر مبشرلقمان کا کہنا تھا کہ پہلے زرداری پرقتل کا الزام لگانے پرایک مقدمہ بن چکا ہے اب یہ پھرالزام لگا رہا ہے،ان کا یہ بھی کہنا تھا کہ عمران خان کسی کا خیرخواہ نہین ہےاس شخص نے سب کوپریشان کررکھا ہے

    باجوہ کی ایکسٹینشن کے متعلق ایک سوال کا جواب دیتے ہوئے ان کا کہنا تھا کہ عمران خان کا یہ کہنا ہے کہ اس سے باجوہ کوایکسٹیشن دینے کی بڑی غلطی سرزد ہوئی ، ان کا یہ بھی کہنا تھاکہ اب توپتہ چل گیاکہ باجوہ ایکسٹینشن نہیں چاہتے تھے ان لوگوں نے خود ایکسٹیشن دی ہے

     

    عمران خان کی نااہلی کے حوالے سے ان کا کہنا تھا کہ عمران خان نااہل ہوکررہے تھا کیوں کہ ٹیریان کے حوالے سے عدالتوں کے پاس اتنے مضوط شواہد آچکے ہیں کہ عدالتوں کے پاس اب اس کی نااہلی کے سوا کوئی راستہ نہیں ہے ،وہ کبھی ٹانگ کے زخمی ہونے کا بہانہ بناتے ہیں تو کبھی کوئی کہانی سنا دیتے ہیں ، وہ انٹریوتودے سکتےہیں مگرعدالت پیش نہیں ہوسکتے یہ کیسا زخم اور کیسا بہانہ ہے

    شیخ رشید کی ضمانت کے‌حوالے سے ان کا کہنا تھاکہ یہ وہی شیخ رشید ہیں کہ جو جب وزیرداخلہ تھے تو وہ بڑی بڑھکیں مارتے تھے اور اب تووہ پولیس والے کے سینے کے ساتھ چمٹ کررورہے تھے ، اب بھی پتہ نہیں کہ ضمانت کب ہوتی ہے، انہوں الزام لگایا تھا اب ثابت کریں یا پھرسزا کےلیے تیاررہیں‌، پنجاب اور کے پی میں الیکشن عام انتخابات کے ساتھ ہوتے نظرآرہے ہیں ، اگراب ہوتے ہیں توقوم کا اربوں روپے کا نقصان ہوگا

     

    افغانستان میں ڈالرکی اسمگلنگ کے حوالے سے ان کا کہنا تھا کہ عالمی جریدے کی رپورٹ میں انکشاف کیا گیا کہ تاجر اور دیگر ذرائع سے یومیہ 50 لاکھ ڈالرپاکستان سے افغانستان جارہے ہیںآئی ایم ایف کے حوالے سے ایک سوال کا جواب دیتے ہوئے ان کا کہنا تھا کہ آئی ایم ایف نے سخت شرائط عائد کی ہیں اورمطالبہ کیا ہےکہ بجلی کی قیمت دوگنی کی جائے حکومت اس پوزیشن میں نہیں لیکن اس کے سوا کوئی چارہ کار بھی نہیں ہے

  • کراچی : فشری میں لانچوں میں آگ لگ گئی

    کراچی : فشری میں لانچوں میں آگ لگ گئی

    کراچی کے علاقے فشری میں لانچوں میں آگ لگ گئی، فائر بریگیڈ کی 5 گاڑیوں نے آگ پر قابو پایا۔

    باغی ٹی وی: فائر بریگیڈ کے مطابق آگ کالا پانی کی برتھ نمبر سات اور آٹھ پر لگی،آگ لگنے سے ایک لانچ مکمل جل گئیں جبکہ 3 لانچوں کا نقصان پہنچا-

    فشری سکیورٹی حکام کے مطابق مختلف سینٹروں سے فائر بریگیڈ کی پانچ گاڑیاں آگ بجھانے میں مصروف رہیں، تیز ہوا کی وجہ سے آگ پھیل گئی تھی۔

    اپرکوہستان میں بس اور کار کھائی میں جاگریں، 17 افراد جاں بحق

    دوسری جانب عید گاہ میں فائر بریگیڈ ہیڈ کوارٹر کی بجلی بند ہونے کی وجہ سے پانی کی فراہمی معطل ہوگئی تھی فائر بریگیڈ آپریٹر کا کہنا تھا کہ ہیڈ کوارٹر میں فائر ٹینڈرز میں پانی نہیں بھرا جا سکتا، کراچی پورٹ ٹرسٹ اور نیوی سے بھی مدد لی گئی ہے تاہم کچھ دیر بعد فشری میں لگنے والی آگ پر قابو پا لیا گیا جس کے بعد کولنگ کا عمل جاری ہے۔

    لانچ مالک کا کہنا ہے کہ ہم نے مختلف لوگوں سے ادھار لیکر لانچ تیار کی تھی،ہماری 20سال کی محنت ضائع ہوگئی ،حکومت مدد کرے ، پہلے بھی آگ لگی تھی ،اس وقت بھی کچھ نہیں کیا گیا تھا۔

    وندر میں مسافر کوچز سے لاکھوں روپے مالیت کا اسمگل شدہ سامان برآمد

  • شام زلزلہ متاثرین کیلئے خصوصی امدادی کھیپ روانہ

    شام زلزلہ متاثرین کیلئے خصوصی امدادی کھیپ روانہ

    ترجمان این ڈی ایم اے کے مطابق شام زلزلہ متاثرین کیلئے خصوصی امدادی کھیپ روانہ کر دی گئی ہے-

    باغی ٹی وی: این ڈی ایم اے کے مطابق شام زلزلہ متاثرین کیلئے سامان میں خیمے اور کمبل شامل ہیں ،سامان اسلام آباد سے خصوصی چارٹرڈ طیارے کے ذریعے دمشق بھیجا گیا،امدادی سامان شام میں تعینات پاکستانی سفیر شاہد علوی وصول کریں گے-

    پاک فضائیہ کا سی 130 طیارہ امدادی سامان لے کر ترکیہ پہنچ گیا

    ترجمان کے مطابق زلزلہ سے متاثر ین کیلئے مزید امدادی سامان جلد بھیجا جائے گا پاکستان نے مشکل کی اس گھڑی میں شام کو ہر ممکن تعاون کی یقین دہانی کرائی ہے،مزید امدادی سامان براستہ روڈ شام اور ترکیہ کیلئے جلد روانہ کیا جائے گا-

    دوسری جانب ترجمان ریسکیو کے مطابق پاکستانی ریسکیوٹیم نے ترکیہ میں آپریشن شروع کردیا ہے،پہلا آپریشن سیکٹر آدیامن میں قائم کردیا گیا ہے،اربن سرچ اینڈ ریسکیو کے ٹیم کمانڈر رضوان نصیر ہیں،دوسری جانب 51رکنی اربن سرچ اینڈ ریسکیو ٹیم انٹرنیشنل ریسپانس کا حصہ ہیں-

    ترکیہ میں ایک بار پھر شدید زلزلہ، شدت 5.6 ریکارڈ

    ترجمان ریسکیوکے مطابق ریسکیو ٹیم کے ارکان اربن سرچ اینڈ ریسکیو آپریشن کے ا سپشلائزڈ ہیں،اربن سرچ اینڈ ریسکیو ٹیم یونائیٹڈ نیشن انسراگ سے سرٹیفائیڈ ہے،مشکل کی اس گھڑی میں پاکستان ریسکیو، ترک بھائیوں کیساتھ ہے-

  • عمران خان کی متوقع گرفتاری، پی ٹی آئی کی ڈنڈا بردار فورس زمان پارک پہنچ گئی

    عمران خان کی متوقع گرفتاری، پی ٹی آئی کی ڈنڈا بردار فورس زمان پارک پہنچ گئی

    لاہور:عمران خان کی ممکنہ گرفتاری تحریک انصاف کے کارکنان کو ایک بار پھر زمان پارک پہنچنے کی اپیل کر دی گئی

    اپیل تحریک انصاف کے رہنماوں کی جانب سے سوشل میڈیا پر کی جا رہی ہے عمران خان وزیر آباد حملے کے بعد سے زمان پارک میں موجود ہیں۔ ہفتے میں دو یا تین دن رات کے وقت میں پی ٹی آئی کی جانب سے عمران خان کی ممکنہ گرفتاری کا شوشہ چھوڑ کر کارکنان کو سخت سردی میں زمان پارک بلا لیا جاتا ہے آج بھی ایسا ہی ہوا جب تحریک انصاف لاہور کے صدر و دیگر رہنماون کی جانب سے مسلسل یہ کہا گیا کہ آج رات عمران خان کو گرفتار کیا جا سکتا ہے کارکنان زمان پارک پہنچیں جس کے بعد پی ٹی آئی کے مزید کارکنان زمان پارک پہنچ گئے

    عمران خان نے ایک طرف جیل بھرو تحریک کا اعلان کر رکھا ہے اور کہا ہے کہ وہ خود بھی گرفتار ی دیں گے دوسری جانب گرفتاری سے بچنے کے لیے کارکنان کو ڈھال کے طور پر استعمال کیا جا رہا یے۔ عمران خان زمان پارک میں کارکنان کے محاصرے میں رہ رہے ہیں۔ پی ٹی آئی کے ٹکٹ کے امیدواروں کو کہا گیا یے کہ ٹکٹ چاہیے تو زمان پارک حلقوں سے بندے لائیں اور انکے قیام و طعام کا بندوبست کریں۔ زمان پارک میں باقاعدہ حاضری لگائی جاتی ہے اور کون سا رہنما کتنے بندے لے کر آیا نوٹ کیا جاتا یے۔

    عمران خان کی گرفتاری کب ہوگی اس بارے کچھ نہیں کہا جا سکتا البتہ پی ٹی آئی کی طرف سے ہفتے میں دو تین بار گرفتاری کی کال دے کر پی ٹی آئی رہنما شاید یہ چاہتے ہیں کہ عمران خان کو گرفتار کر ہی لیا جائے

  • پاکستانی طالب علموں کو امریکی یونیورسٹیز میں دیکھنا چاہتے ہیں. نمائندہ یو ایس قونصلیٹ

    پاکستانی طالب علموں کو امریکی یونیورسٹیز میں دیکھنا چاہتے ہیں. نمائندہ یو ایس قونصلیٹ

    کراچی میں امریکی قونصل خانے اور یو ایس ایجوکیشن فاؤنڈیشن کی جانب سے یونیورسٹی فیئر کا انعقاد کیا گیا۔

    کراچی میں امریکی قونصل خانے اور یو ایس ایجوکیشن فاؤنڈیشن کی جانب سے یونیورسٹی فیئر کا انعقاد کیا گیا۔ کراچی کے مقامی ہوٹل میں منعقدہ اس تقریب میں طلبا کی بڑی تعداد نے شرکت کی جس میں مشہور امریکی یونیورسٹیز نے اپنے اسٹالز لگائے اور طلبا کو داخلے کے حوالے سے معلومات فراہم کیں۔

    اس موقع پر امریکی قونصل خانے کی نمائندہ کا کہنا تھا کہ پاکستان میں باصلاحیت طالب علموں کی کمی نہیں ہے. اور امریکی یونیورسٹیز چاہتی ہیں کہ پاکستانی طالب علم ان کے کیمپس میں تعلیم حاصل کریں. اس وقت امریکی کالجز اور جامعات میں 7500 پاکستانی طلباء زیر تعلیم ہیں۔ امریکی قونصل خانے کی نمائندہ نے مزید کہا کہ ہم مزید پاکستانیوں کو اپنی اعلیٰ تعلیم کے حصول کے لیے امریکا کا انتخاب کرتے دیکھنا چاہتے ہیں، امریکہ میں تعلیم کے خواہشمند یو ایس ایجوکیشن کے کراچی آفس میں رابطہ کرکے رہنمائی حاصل کرسکتے ہیں۔
    مزید یہ بھی بڑھیں؛
    جسم پر ظاہر ہونے والی وہ علامات جو ڈپریشن کا نتیجہ ہوتی ہیں
    وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
    برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
    لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور
    کامران اکمل کا ٹیسٹ کرکٹ سے ریٹائرمنٹ کا اعلان
    پیسے دینے کے بہانے خاتون کے ساتھ جنگل میں تین ملزمان نے کیا گھناؤنا کام
    اپرکوہستان میں بس اور کار کھائی میں جاگریں، 17 افراد جاں بحق
    امریکی جامعات کے نمائندگان نے طلبہ کو ماسٹر پروگرام میں منتخب ہونے کے طریقہ کارسے آگاہ کیا اور اسٹوڈنٹ ویزا کی بنیاد پر کیمپس جاب میں کمانے کی قانونی پالیسی بھی بتائی تاکہ طلبہ اپنی فیس بھی دے سکیں اور اپنے دیگر اخراجات بھی پورے کرسکیں، پاکستانی طالب علموں نے اس یونیورسٹی فیر کو اپنے لئے ایک حوصلہ افزا قدم قرار دیا۔

  • اتحادی حکومت کا الیکشن میں تاخیر کیلئے عدالتوں میں درخواستیں دائر کرنے کا فیصلہ

    اتحادی حکومت کا الیکشن میں تاخیر کیلئے عدالتوں میں درخواستیں دائر کرنے کا فیصلہ

    اتحادی حکومت کا الیکشن میں تاخیر کیلئے عدالتوں میں درخواستیں دائر کرنے کا فیصلہ کر لیا ہے.

    پاکستان ڈیموکریٹک موومنٹ (پی ڈی ایم) نے صوبائی اسمبلیوں کے انتخابات میں تاخیر کیلئے حکمت عملی ترتیب دے دی۔ سب سے پہلے حکومت سندھ کی طرف سے عدالت میں رٹ پٹیشن دائرکی جائےگی پھر بلوچستان حکومت بھی رٹ پٹیشن دائر کرے گی. وزیراعظم شہباز شریف، سابق صدر آصف زرداری اور جمعیت علمائے اسلام کے سربراہ مولانا فضل الرحمان کی مشاورت سے فیصلہ کیا گیا ہے کہ اتحادی حکومت الیکشن میں تاخیر کیلئے عدالتوں میں درخواستیں دائر کرے گی۔

    ذرائع کے مطابق سب سےپہلے حکومت سندھ کی طرف سےعدالت میں رٹ پٹیشن دائرکی جائےگی اور دوسرے مرحلے میں بلوچستان حکومت بھی رٹ پٹیشن دائر کرے گی۔ ذرائع نے بتایا کہ دونوں درخواستوں میں مؤقف اپنایا جائےگا کہ الیکشن نئی مردم شماری کے بعد کروائے جائیں اور مردم شماری کے بعد نئی حلقہ بندیاں لازمی ہیں۔
    مزید یہ بھی بڑھیں؛
    جسم پر ظاہر ہونے والی وہ علامات جو ڈپریشن کا نتیجہ ہوتی ہیں
    وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
    برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
    لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور
    کامران اکمل کا ٹیسٹ کرکٹ سے ریٹائرمنٹ کا اعلان
    پیسے دینے کے بہانے خاتون کے ساتھ جنگل میں تین ملزمان نے کیا گھناؤنا کام
    اپرکوہستان میں بس اور کار کھائی میں جاگریں، 17 افراد جاں بحق
    واضح رہے کہ نئی حلقہ بندیوں کے عمل کیلئے آئینی طور پر کم سے کم 90 دن درکار ہوتے ہیں۔ جبکہ پنجاب اور خیبرپختونخوا کی اسمبلیاں تحلیل ہیں اور نگران حکومتیں کام کر رہی ہیں۔

  • وزیراعظم شہبازشریف کا دورہ ترکیہ ملتوی

    وزیراعظم شہبازشریف کا دورہ ترکیہ ملتوی

    وزیر اعظم شہباز شریف نے ترکیہ کا دورہ ملتوی کردیا۔

    ذرائع کے مطابق وزیر اعظم شہباز شریف کو کل ترکیہ کےلیے روانہ ہونا تھا، وزیر اعظم کے ترکیہ کے دورے کی آئندہ کی تاریخ کا اعلان بعد میں کیا جائے گا۔ خیال رہے کہ ترکیہ میں آنے والے تباہ کن زلزلے کے بعد وزیراعظم شہباز شریف نے ترکیہ جانے کا اعلان کیا تھا۔

    واضح رہے کہ پاکستان کی وفاقی کابینہ نے ترکیہ میں زلزلہ متاثرین کی امداد کے لیے وزیراعظم امدادی فنڈ قائم کرنے کی منظوری دے دی تھی۔ ایوان وزیراعظم کے مطابق امدادی فنڈ کے قیام کی منظوری منگل کو اسلام آباد میں ہونے والے وفاقی کابینہ کے اجلاس میں دی گئی تھی۔ اجلاس کی صدارت وزیراعظم محمد شہباز شریف نے کی۔ بعد ازاں وفاقی حکومت کے آفس آف دی کنٹرولر جنرل آف اکاؤنٹس نے ’وزیراعظم ریلیف فنڈ برائے متاثرینِ زلزلہ ترکیہ‘ کے لیے بینک اکاؤنٹ (جی 12166) کے قیام کا نوٹیفیکیشن بھی جاری کر دیا ہے۔
    مزید یہ بھی بڑھیں؛
    لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور
    کامران اکمل کا ٹیسٹ کرکٹ سے ریٹائرمنٹ کا اعلان
    پیسے دینے کے بہانے خاتون کے ساتھ جنگل میں تین ملزمان نے کیا گھناؤنا کام
    اپرکوہستان میں بس اور کار کھائی میں جاگریں، 17 افراد جاں بحق
    وزیراعظم محمد شہباز شریف نے پاکستان کے مخیر حضرات اور عام شہریوں کو بھی ترکیہ کے امداد کے لیے قائم کیے گئے فنڈ میں دل کھول کر عطیات دینے کی استدعا کی تھی.ترکیہ اور پڑوسی ملک شام میں پیر کی صبح ریکٹر سکیل پر 7.8 شدت کا زلزلہ محسوس کیا گیا تھا. جس سے دونوں ممالک میں مجموعی طور پر پانچ ہزار سے زیادہ اموات ہوئیں جبکہ 15 ہزار سے زیادہ افراد زخمی ہوئے۔ صرف ترکیہ میں تقریباً چھ ہزار عمارتیں زلزلے کے جھٹکوں کے باعث زمین بوس ہو گئیں، جبکہ ملبے کے نیچے پھنسے ہوئے لوگوں کو نکالنے کے لیے کاروائیاں جاری ہیں.

  • لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور

    لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور

    لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور کرلی گئی ہے۔

    لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور کرلی گئی ہے۔ لاہور چیمبر آف کامرس اینڈ انڈسٹری کے صدر کاشف انور نے تقریب سےخطاب میں کہا کہ ملک سیاسی عدم استحکام کا شکار ہے، ملک میں فوری میثاق معیشت پر دستخط کیے جائیں۔ انہوں نے کہا کہ معاشی مسائل ڈالر کی وجہ سے بہت بڑھ گئے ہیں، اس وقت سرمایہ کاری میں بہت کم ہو چکی ہے، ایل سیز نہیں کھل رہیں، ہزاروں کنٹینرز بندرگاہوں پر کھڑے ہیں، صنعتیں خام مال نہ ہونےکی وجہ سےبند ہو رہی ہیں۔
    مزید یہ بھی بڑھیں؛
    وزارت خزانہ کی جانب سے اسلامک نیا پاکستان سرٹیفکیٹ پر شرح منافع میں ردوبدل
    وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
    برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
    کامران اکمل کا ٹیسٹ کرکٹ سے ریٹائرمنٹ کا اعلان
    پیسے دینے کے بہانے خاتون کے ساتھ جنگل میں تین ملزمان نے کیا گھناؤنا کام
    اپرکوہستان میں بس اور کار کھائی میں جاگریں، 17 افراد جاں بحق
    صدرلاہورچیمبر نے مطالبہ کیا کہ جماعتیں میثاق معیشت پردستخط نہیں کرینگی تو ہم آئندہ الیکشنز میں بائیکاٹ کریں گے۔ بعدازاں تقریب میں ’پہلے معیشت پھر الیکشن‘ کی قراردادمتفقہ طورپرمنظور کرلی گئی۔ دیگر تمام چیمبرز اور فیڈریشن نے بھی قرار داد کی حمایت کی۔ تاجروں نے کہا کہ ان کو الیکشن کی پڑی ہے، ہمیں روٹی کی پڑی ہے، فیصل آباد میں آدھی انڈسٹری بند ہوگئی ہے. پشاور میں فوم یونٹ سے 900 ملازمین نکال دیے گئے، الیکشن نہیں ملک کی معیشت بچائيں۔

  • وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات

    وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات

    وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات

    عالمی بینک نے مشکل معاشی صورتحال سے نمٹنے کیلئے حکومت کی کوششوں کو سراہتے ہوئے معاشی استحکام کیلئے بینک کے مکمل تعاون کا یقین دلایا ہے۔ یہ بات عالمی بینک کے علاقائی ڈائریکٹر برائے منصفانہ نمو، مالیات وبنیادی ڈھانچہ میتھیوورغیس نے منگل کویہاں وفاقی وزیرخزانہ ومحصولات سینیٹرمحمداسحاق ڈارسے ملاقات میں کہی ۔

    ملاقات میں میکرواکنامک فریم ورک اورمستقبل کے ترقیاتی روڈ میپ پرگفتگو ہوئی۔عالمی بینک کے علاقائی ڈائریکٹر نے مشکل معاشی صورتحال سے نمٹنے کیلئے حکومت کی کوششوں کوسراہااورمعاشی استحکام کیلئے عالمی بینک کے مکمل تعاون کا یقین دلایا۔وزیرخزانہ نے سیلاب سے متاثرہ علاقوں کی بحالی اورتعمیرنومیں عالمی بینک کی کوششوں کی تعریف کی۔ وزیرخزانہ نے عالمی بینک کے تعاون سے پاکستان میں ترقیاتی منصوبوں میں مکمل تعاون کی پیشکش کی۔

    دوسری جانب وفاقی وزیرخزانہ ومحصولات سینیٹرمحمداسحاق ڈارنے ایشین انفراسٹرکچر اینڈ انویسٹمنٹ بینک کے چیف اکانومسٹ ایرک برگلوف سے بھی ملاقات کی اور کہا ہے کہ مشکلات کے باوجود حکومت معاملات کودرست کرنے اور معیشت کو مثبت سمت پر گامزن کرنے کے لئے پرعزم ہے۔ ۔اس موقع پرمعاون خصوصی برائے خزانہ طارق باجوہ، معان خصوصی محصولات طارق محمود پاشا اور فنانس ڈویژن کے سینئر افسران بھی موجودتھے۔

    وزیر خزانہ نے ایرک برگلوف کا خیرمقدم کیا اورانہیں ملک کے موجودہ معاشی منظرنامے، پائیدار اقتصادی ترقی اور معاشرے کے معاشی طورپرکمزورطبقات کی سماجی ترقی کے لئے حکومت کی معاشی پالیسیوں اور اصلاحات سے آگاہ کیا۔انہوں نے بتایا کہ معاشی مشکلات کے باوجود حکومت چیزوں کو درست کرنیاور معیشت کو مثبت سمت پر گامزن کرنے کے لئے پرعزم ہے۔ وزیر خزانہ نے وفد کو گزشتہ مون سون میں پاکستان میں تباہ کن سیلاب سے ہونے والے معاشی نقصانات اور متاثرہ علاقوں میں بحالی اور تعمیر نو کے کی سرگرمیوں کے بارے میں بھی بتایا۔
    مزید یہ بھی بڑھیں؛
    کامران اکمل کا ٹیسٹ کرکٹ سے ریٹائرمنٹ کا اعلان
    پیسے دینے کے بہانے خاتون کے ساتھ جنگل میں تین ملزمان نے کیا گھناؤنا کام
    اپرکوہستان میں بس اور کار کھائی میں جاگریں، 17 افراد جاں بحق
    ایشین انفراسٹرکچر اینڈ انویسٹمنٹ بینک کے چیف اکانومسٹ نے عوام کی سماجی ترقی کے لئے موجودہ حکومت کی معاشی پالیسیوں اور اصلاحات کو سراہا۔ انہوں نے بنیادی ڈھانچے کی ترقی کے منصوبوں اور سرمایہ کاری میں بینک کے کردار پر روشنی ڈالی اور پاکستان میں ترقیاتی منصوبوں میں مستقبل کے تعاون بالخصوص ماحول دوست اور موسمیاتی لحاظ سے موزوں بنیادی ڈھانچہ پر تبادلہ خیال کیا۔ وزیر خزانہ نے پاکستان کے لئے تعاون پر بینک کے چیف اکانومسٹ کا شکریہ ادا کیا۔