ڈیرہ غازی خان (رپورٹر: شاہد خان)
ڈپٹی کمشنر ڈیرہ غازی خان محمد عثمان خالد میگا پراجیکٹس کی مؤثر نگرانی جاری رکھے ہوئے ہیں۔ انہوں نے واسا کے تحت جاری ترقیاتی منصوبے کے سلسلے میں رات گئے پل ڈاٹ سے مانکا کینال تک بچھائے جانے والے 72 انچ قطر کے مین ٹرنک سیور کا تفصیلی معائنہ کیا۔اس موقع پر اسسٹنٹ کمشنر صدر تیمور عثمان، چیف آفیسر ضلع کونسل جواد الحسن گوندل اور دیگر متعلقہ افسران بھی ان کے ہمراہ موجود تھے۔ڈپٹی کمشنر نے ہدایت کی کہ واسا کے تمام جاری منصوبوں کو مقررہ مدت میں مکمل کیا جائے اور تعمیراتی معیار پر کوئی سمجھوتہ نہ کیا جائے۔ انہوں نے کام کی رفتار مزید تیز کرنے پر زور دیتے ہوئے کہا کہ شہریوں کو درپیش عارضی مشکلات کو ہر ممکن حد تک کم رکھا جائے۔انہوں نے کہا کہ سیوریج نظام کی بہتری سے شہریوں کو نمایاں ریلیف ملے گا، جبکہ ترقیاتی منصوبوں میں شفافیت اور اعلیٰ معیار کو ہر صورت یقینی بنایا جائے گا۔ ان کا مزید کہنا تھا کہ عوامی سہولیات کی بہتری ضلعی انتظامیہ کی اولین ترجیح ہے۔
Tag: Pakistan news
-
ڈیرہ غازی خان: ڈپٹی کمشنر محمد عثمان خالد کا رات گئے واسا میگا پراجیکٹ کا دورہ، 72 انچ مین سیور لائن کا معائنہ
-
اوکاڑہ: عید قرباں سے قبل تینوں تحصیلوں میں جدید مویشی منڈیاں قائم، انتظامات مکمل
اوکاڑہ (نامہ نگار ملک ظفر) حکومت پنجاب کی ہدایات پر ڈپٹی کمشنر احمد عثمان جاوید کی زیرِ نگرانی ضلع کی تینوں تحصیلوں میں عید قرباں کے موقع پر بیوپاریوں اور خریداروں کی سہولت کے لیے جدید سہولیات سے آراستہ مویشی منڈیاں قائم کر دی گئی ہیں۔ضلعی انتظامیہ کے افسران نے مختلف منڈیوں کے ہنگامی دورے کیے اور انتظامات کا تفصیلی جائزہ لیا۔ ایڈیشنل ڈپٹی کمشنرز نے سیکیورٹی، صفائی، پینے کے صاف پانی، لائٹنگ، چارے اور طبی امداد کے کاؤنٹرز کا معائنہ کیا۔افسران نے بیوپاریوں اور خریداروں سے ملاقات کر کے ان سے فیڈبیک بھی لیا جبکہ عملے کو سخت ہدایات جاری کی گئیں کہ شامیانوں، پارکنگ، روشنی اور دیگر سہولیات کو مزید بہتر بنایا جائے تاکہ شہریوں کو کسی قسم کی پریشانی نہ ہو۔ڈپٹی کمشنر احمد عثمان جاوید کا کہنا ہے کہ منڈیوں کے قیام کا مقصد شہریوں اور دور دراز سے آنے والے بیوپاریوں کو ایک ہی جگہ تمام بنیادی سہولیات فراہم کرنا ہے۔ انہوں نے واضح کیا کہ کسی بھی قسم کی ناجائز وصولی یا اوورچارجنگ برداشت نہیں کی جائے گی جبکہ سیکیورٹی کے فول پروف انتظامات کے لیے پولیس اور انتظامیہ مکمل طور پر الرٹ ہے۔
-
BISP سینٹر میرپور ماتھیلو میں مبینہ کرپشن، رشوت اور بدانتظامی کے سنگین الزامات ، عوام کا شدید احتجاج
تحصیل میرپور ماتھیلو میں Benazir Income Support Programme (BISP) سینٹر سے متعلق سنگین شکایات سامنے آئی ہیں۔مقامی شہریوں اور متاثرہ خواتین کے مطابق سینٹر میں مبینہ بدعنوانی، رشوت خوری، بدانتظامی اور سہولیات کی شدید کمی پائی جا رہی ہے۔ خواتین نے الزام لگایا ہے کہ انہیں گھنٹوں انتظار کروایا جاتا ہے، بار بار چکر لگوائے جاتے ہیں اور بعض افراد سے 2 ہزار سے 5 ہزار روپے تک رشوت طلب کی جاتی ہے۔مزید شکایات کے مطابق سینٹر میں نہ مناسب بیٹھنے کی جگہ ہے، نہ پینے کا صاف پانی اور نہ ہی کولنگ کا کوئی انتظام موجود ہے، جس سے خواتین، بچے اور بزرگ شدید مشکلات کا شکار ہیں۔عوامی حلقوں نے حکومت سے مطالبہ کیا ہے کہ فوری طور پر اعلیٰ سطحی انکوائری کی جائے، ذمہ داران کے خلاف سخت کارروائی کی جائے اور سینٹر میں شفاف اور باعزت نظام یقینی بنایا جائے۔
-
اوکاڑہ: پنجاب آرٹس کونسل کے زیرِ اہتمام یونیورسٹی آف اوکاڑہ میں شاندار تقریری مقابلے کا انعقاد
اوکاڑہ (نامہ نگار ملک ظفر) وزیراعلیٰ پنجاب مریم نواز شریف کے ویژن کے مطابق پنجاب آرٹس کونسل کے زیر اہتمام یونیورسٹی آف اوکاڑہ میں "ہم مائیں، ہم بہنیں، ہم بیٹیاں — قوموں کی عزت ہم سے ہے” کے عنوان سے تقریری مقابلہ منعقد کیا گیا۔تقریب میں ایڈیشنل ڈپٹی کمشنر ریونیو محمد شعجین وسطرو نے بطور مہمانِ خصوصی شرکت کی، جبکہ مختلف تعلیمی اداروں کے طلبہ و طالبات نے بھرپور انداز میں حصہ لیا۔ نوجوان مقررین نے خواتین کے کردار، عزت و وقار اور معاشرتی اہمیت پر مدلل اور پُراثر تقاریر پیش کیں۔مہمانِ خصوصی نے خطاب کرتے ہوئے کہا کہ خواتین کسی بھی معاشرے کی بنیاد اور طاقت ہوتی ہیں، اور ایسے پروگرامز نوجوانوں کی تخلیقی صلاحیتوں کو نکھارنے میں اہم کردار ادا کرتے ہیں۔مقابلے کے ججز ڈاکٹر شعیب سلیم اور ڈاکٹر بلال زاہد تھے۔ نمایاں کارکردگی دکھانے والے طلبہ کو بالترتیب 30,000، 25,000 اور 20,000 روپے کے انعامات سے نوازا گیا۔تقریب میں ڈپٹی ڈائریکٹر پنجاب آرٹس کونسل حماد احمد چیمہ اور اسسٹنٹ ڈائریکٹر پروگرام زاہد عقیل سمیت اساتذہ، طلبہ، والدین، معززین شہر اور میڈیا نمائندگان نے شرکت کی اور اس مثبت کاوش کو سراہا۔
-
اوکاڑہ میں ناپ تول کی خلاف ورزیوں کے خلاف کریک ڈاؤن، مارکیٹوں اور پٹرول پمپس کی چیکنگ
اوکاڑہ (نامہ نگار ملک ظفر)اوکاڑہ ڈپٹی کمشنر احمد عثمان جاوید کی ہدایات پر ڈسٹرکٹ آفیسر انڈسٹریز، پرائسز ویٹ اینڈ میئرز خالد جاوید بھٹی کی مارکیٹوں اور پٹرول پمپس پر پیمانوں کی چیکنگ، انہوں نے متعدد مقامات پر وزن کے پیمانوں اور ناپ تول کے آلات کی چیکنگ کی اور کاروائی کے دوران مختلف کمرشل مراکز، مارکیٹوں اور پیٹرول پمپس پر استعمال ہونے والے پیمانوں کا معائنہ کیا گیا۔اس موقع پر ڈسٹرکٹ افیسر انڈسٹریز خالد جاوید بھٹی نے کہا کہ ناپ تول میں کمی سنگین جرم اور اخلاقی برائی ہے، جس کی کسی طور اجازت نہیں دی جا سکتی۔ انہوں نے کہا کہ تمام دکاندار اور پٹرول پمپ مالکان ناپ تول کے مقررہ اصولوں پر سختی سے عمل کریں اور کسی بھی قسم کی دھوکہ دہی سے کام نہ لیں۔ دکاندار یا کاروباری حضرات غیر معیاری اوزان یا کم وزن تولنے والے آلات استعمال کرنے سے پرہیز کریں، انہوں نے کہا کہ ناپ تول میں کرنے والوں کے خلاف سخت قانونی کاروائی عمل میں لائی جائے گی۔ انہوں نے ٹیموں کو ہدایت کی کہ وہ فیلڈ میں متحرک رہیں اور روزانہ کی بنیاد پر پیمانوں کی تصدیق کو یقینی بنائیں۔
-
گھوٹکی میں بدامنی کے خلاف شہری اتحاد کی ریلی، بہتر پولیس تعیناتی کا مطالبہ
میرپورماتہیلو با غی ٹی وی / نامہ نگار مشتاق علی لغاری -گھوٽکی میں شہری اتحاد کی جانب سے شہر میں بڑھتی ہوئی بدامنی، ڈکیتیوں، موٹرسائیکل چوری، جوا اڈوں، آئس اور منشیات کی کھلے عام فروخت، اوباش عناصر کی غنڈہ گردی، بلیک میلنگ اور پولیس کی نااہلی کے خلاف احتجاجی ریلی نکالی گئی۔ریلی کی قیادت چیئرمین شہری اتحاد رئیس الہوسایو گھوٹو، سرپرست مکھی کیکا رام اور سینئر وائس چیئرمین لالا قیصر زمان خان پٹھان نے کی۔ ریلی پریس کلب گھوٹکی سے شروع ہو کر پاکستان چوک تک پہنچی۔احتجاجی ریلی میں سینکڑوں دکانداروں اور شہریوں نے شرکت کی۔ مظاہرین نے مطالبہ کیا کہ شہر میں دیانتدار اور قابل پولیس افسران مقرر کیے جائیں تاکہ شہریوں کو جان و مال کا تحفظ فراہم کیا جا سکے۔
-
میرپورخاص میں شہید عظیم احمد طارق کی 33ویں برسی، قرآن خوانی و دعاؤں کا اہتمام
میرپورخاص میں شہید چیئرمین عظیم احمد طارق کی 33ویں برسی منائی گئی۔
ایم کیو ایم پاکستان میرپورخاص ڈسٹرکٹ کے تحت قرآن خوانی و فاتحہ خوانی کا انعقاد۔خصوصی دعائیں مانگی گئیں۔
سابق رکن رابطہ کمیٹی ڈاکٹر ظفر کمالی،انچارج سندھ تنظیمی کمیٹی سلیم رزاق، رکن ایس ٹی سی شفیق احمد، ڈسٹرکٹ انچارج خالد تبسم،
ڈسٹرکٹ جوائنٹ انچارجزآفاق احمد خان، سلیم میمن و اراکین ڈسٹرکٹ کمیٹی،
یوسیز و شعبہ جات کے ذمہ داران و کارکنان نے کثیر تعداد میں شرکت کی۔
میرپورخاص۔باغی ٹی وی نامہ نگار سید شاہزیب شاہ
شہید چیئرمین عظیم احمد طارق کی 33ویں برسی کے موقع ایم کیو ایم پاکستان میرپورخاص ڈسٹرکٹ کے تحت ڈسٹرکٹ آفس میں قرآن خوانی و فاتحہ خوانی کا انعقاد ہوا جس میں سابق رکن رابطہ کمیٹی ڈاکٹر ظفر کمالی، انچارج سندھ تنظیمی کمیٹی سلیم رزاق، رکن ایس ٹی سی شفیق احمد، ڈسٹرکٹ انچارج خالد تبسم، ڈسٹرکٹ جوائنٹ انچارجز آفاق احمد خان، سلیم میمن و اراکین ڈسٹرکٹ کمیٹی، تمام یوسیز کے ذمہ داران و کارکنان، ایلڈرزونگ، شعبہ خواتین سمیت دیگر تمام شعبہ جات کے ذمہ داران و کارکنان نے کثیر تعداد میں شرکت کی۔بعدازاں شہید عظیم احمد طارق سمیت تحریک کے تمام شہداء کے بلند درجات،لواحقین کے لئے صبر جمیل،حق پرستانہ جدوجہد کی کامیابی و کامرانی،تحریک کے خلاف سازشوں کے خاتمے اور پاکستان کی ترقی و خوشحالی کے لئے خصوصی دعائیں مانگی گئیں۔ قبل اذیں خالد تبسم، آفاق احمد خان اور سلیم میمن نے کارکنان سے گفتگو کے دوران شہید عظیم احمد طارق کو خراج عقیدت پیش کرتے ہوئے کہا کہ غریب و مظلوم عوام کی خدمت شہید عظیم احمد طارق کی سیاست کا محور تھا اور انہوں نے جان کی بازی لگا کر نظریہ حق پرستی کی حفاظت کی جو ہمارے لئے مشعل راہ ہے۔ کٹھن حالات میں قید و بند کی صعوبتیں جھیل کر بھی وہ ثابت قدم رہے اور حق و صداقت کا پرچم بلند رکھا، شہید عظیم احمد طارق کا نام تاریخ سیاست میں ہمیشہ زندہ رہے گا۔ -
دیپالپور: شاہ پور میں نمبرداری جلسہ عام، میرٹ اور شفافیت پر زور، نادہندگان کے خلاف کارروائی کا حکم
اوکاڑہ (نامہ نگار ملک ظفر)دیپالپوراسسٹنٹ کمشنر فیصل شہزاد چیمہ کی زیر صدارت شاہ پور میں نمبرداری جلسہ عام کا انعقاد، جلسہ عام میں ریونیو افسران، نمبرداری کے درخواست گزاروں سمیت اہل دیہہ نے کثیر تعداد میں شرکت کی۔ اجلاس میں نمبرداری نظام کو مزید مؤثر بنانے، سرکاری امور میں بہتری اور عوامی مسائل کے حل کے سلسلہ میں نمبرداران کے انتخاب کے لیے درخواست گزاروں کے کوائف کا جائزہ لیا گیا، اسسٹنٹ کمشنر فیصل شہزاد چیمہ نے کہا کہ نمبرداران حکومت اور عوام کے درمیان اہم کڑی ہیں، لہٰذا وہ اپنی ذمہ داریاں ایمانداری اور فرض شناسی سے ادا کرنا انتہائی اہم ہے۔ انہوں نے کہا کہ نمبرداران کے انتخاب میں میرٹ اور شفافیت کو ملحوظ خاطر رکھا جائے گا جبکہ سرکاری واجبات کے ناد ہندگان کے ساتھ ہرگز کوئی رعایت نہیں برتی جائے گی، اجلاس میں سرکاری واجبات کی عدم ادائیگی پر سخت برہمی کا اظہار کیا گیا اور نادہندگان درخواست گزاروں کے خلاف قانونی کارروائی عمل میں لانے کے احکامات جاری کیے گئے۔ اسسٹنٹ کمشنر نے متعلقہ حکام کو ہدایت کی کہ واجبات کی ادائیگی سے گریز کرنے والے درخواست گزاروں کو فوری طور پر گرفتار کر کے قانون کے مطابق کارروائی کی جائے۔ انہوں نے مزید کہا کہ حکومتی ریونیو کی بروقت وصولی یقینی بنانے کے لیے تمام ممکنہ اقدامات کیے جائیں گے اور اس ضمن میں کسی قسم کی کوتاہی ہرگز برداشت نہیں کی جائے گی۔
-
دبئی ورک ویزہ فراڈ بے نقاب، ایف آئی اے کی کارروائی، ملزم گرفتار
ڈیرہ غازی خان میں فیڈرل انویسٹی گیشن ایجنسی (ایف آئی اے) نے انسانی اسمگلنگ کے خلاف بڑی کارروائی کرتے ہوئے دبئی ورک ویزہ کے نام پر فراڈ کرنے والے ملزم کو گرفتار کر لیا۔ملزم عابد حسین نے ایک شہری کو دبئی میں ملازمت کا جھانسہ دے کر 9 لاکھ روپے وصول کیے، مگر نہ ویزہ فراہم کیا اور نہ ہی وعدہ پورا کیا۔ایف آئی اے نے امیگریشن آرڈیننس 1979 کے سیکشن 22-B کے تحت مقدمہ درج کر کے ملزم کو حراست میں لے لیا ہے۔ حکام کے مطابق ملزم سے مزید اہم انکشافات اور اس کے نیٹ ورک کے بارے میں تحقیقات جاری ہیں۔ایف آئی اے نے عوام کو خبردار کیا ہے کہ بیرون ملک ملازمت کے لیے صرف مستند ایجنٹس سے رجوع کریں اور کسی بھی مشکوک پیشکش سے بچیں۔
-
ننکانہ صاحب: بیساکھی میلہ سیکیورٹی کیلئے گوردوارہ جنم استھان میں موک ایکسرسائز، تمام اداروں کی مشترکہ مشق
ننکانہ صاحب ڈپٹی کمشنر محمد تسلیم اختر راؤ کی ہدایت پر بیساکھی میلہ تقریبات کے حوالے سے تمام اداروں کی تیاری اور ریسپانس ٹائم چیک کرنے کے لئے مرکزی گوردوارہ جنم استھان میں موک ایکسرسائز کا انعقاد کیا گیا۔جس میں پولیس، ریسکیو 1122، پیرا فورس،سول ڈیفنس، ہیلتھ اور دیگر متعلقہ اداروں نے بھر پور حصہ لیا اور پیشہ ورانہ طریقے سے اپنی بہترین کارکردگی کا مظاہرہ کیا جہاں ڈسٹرکٹ ایمرجنسی آفیسر محمد اکرم پنوار نے ڈپٹی کمشنر محمد تسلیم اختر راؤ کو تفصیلی بریفنگ دی۔ڈپٹی کمشنر محمد تسلیم اختر راؤ نے ٹرامہ ایمرجنسی، عمارتوں کا منہدم ہونا، بم بلاسٹ اور متفرق فرضی مشقوں کے عملی مظاہرے کا جائزہ لیا اس موقع پر ایڈیشنل ڈپٹی کمشنر، ڈسٹرکٹ پولیس آفیسر، ڈسٹرکٹ ایمرجنسی آفیسر، اسسٹنٹ کمشنر اور دیگرمتعلقہ اداروں کے ضلعی افسران بھی موجود تھے۔موک ایکسرسائز کے اختتام پر ڈپٹی کمشنر محمد تسلیم اختر راؤ نے تمام اداروں کے درمیان باہمی کوارڈینیشن، جذبہ اور کارکردگی کو سراہا اور اس عزم کا اعادہ کیا کہ کسی بھی ناگہانی صورتحال کے پیشِ نظر ہم وطن عزیز کے دفاع اور تحفظ کے لئے شانہ بشانہ ہمہ وقت تیار ہیں۔