Tag: Pakistan vs india

بنگلادیش میں سعودی سفارت خانے کے دو اپم عہدیداران کو گرفتار کرلیا گیا

بنگلادیش میں سعودی عرب کے سفارت خانے کے دو اہم عہدیداروں سمیت 11 افراد کو ورک ویزا کے اجرا میں فراڈ اور کرپشن کے الزام میں گرفتار کرلیا گیا۔ عالمی خبر رساں ادارے کے مطابق گرفتار ہونے والوں میں بنگلادیش میں سعودی سفارت خانے کے قونصلر سیکشن کے سربراہ عبد اللہ الشاماری اور ان کے نائب خالد ناصرالقطانی، وزارت داخلہ کے 2 افسران، 8 بنگلہ دیشی باشندے، اور ایک سرمایہ کار شامل ہے۔

بنگلادیش میں سعودی سفارت خانے کے دونوں اہلکاروں پر الزام ہے کہ سفارت خانے میں کام کرتے ہوئے انھوں نے ورک ویزا جاری کرنے کے بدلے میں 14.4 ملین ڈالر (54 ملین سعودی ریاض) رشوت بٹوری۔ جبکہ اس فراڈ میں ملوث افراد کے گھروں سے چھاپوں کے دوران 5.38 ملین مالیت کا سونا اور گاڑیاں ملی تھیں جب کہ بقیہ رقم سے بیرون ملک سرمایہ کاری کی گئی۔
مزید یہ بھی پڑھیں؛
عورت مارچ کے انعقاد میں کوئی رکاوٹ نہیں ڈالی جائے گی،پنجاب حکومت
قانون کی حکمرانی کی بھاشن دینے والے آج عدالتی احکامات کی دھجیاں اڑا رہے ہیں،شرجیل میمن
میئر کراچی کیلئے مقابلہ دلچسپ، پیپلزپارٹی اور جماعت اسلامی کی نشستیں برابر ہوگئیں
مکیش امبانی کے ڈرائیورز کی تنخواہ کتنی؟ جان کردنگ رہ جائیں
سعود ی عرب :بچوں سے زیادتی کے مجرم سمیت 2 ملزمان کو سزائے موت
ورک ویزا کرپشن پر سعودی عرب کا اینٹی کرپشن ادارہ کئی ماہ سے کام کر رہا تھا اور شواہد جمع کرنے کے بعد ملزمان کو گرفتار کرلیا جنھیں کڑی سے کڑی سزا دلوانے کے عزم کا اظہار کیا گیا ہے۔

یوٹیوب نے نئی سہولیات کا خاکہ پیش کردیا.

بہت جلد یوٹیوب کا نظم ونسق نئے سی ای او نیل موہن کے ہاتھوں میں ہوگا جو اس کے نئے سی ای او بننے جارہے ہیں۔ اپنی آمد سے قبل ہی انہوں نے ایپ کے بارے میں اپنے نئے وژن اور تبدیلیوں کا ایک جائزہ پیش کیا ہے۔ جبکہ نیل موہن نے مونیٹائزیشن میں اضافے، اظہار کے نئے ٹولز، یوٹیوب ٹی وی، اے آئی، پوڈکاسٹ اور نوجوان یوٹیوبر کی سہولت پر بطورِ خاص زور دیا ہے۔ انہوں نے کہا ہے کہ وہ یوٹیوبر کی آمدنی میں اضافے کے خواہاں ہیں تاکہ وہ ایپ سے جڑے رہیں۔

انہوں نے کہا کہ لاکھوں چینل اس وقت یوٹیوب سے رقم بنارہے ہیں اور ہم نے اشتہارات سے ہٹ کر ان کے لیے آمدنی کا منصوبہ بنایا ہے۔ ان میں سبسکرپشن، شاپنگ، سرمایہ کاری اور دیگر سہولیات شامل ہیں۔ انہوں نے کہا کہ 60 لاکھ ناظرین رقم کے بدلے سبسکرپشن حاصل کرچکے ہیں اور ان کی تعداد میں اضافہ ہورہا ہے۔ جبکہ انہوں نے یوٹیوب وائے پی پی پروگرام کا ذکر کرتے ہوئے کہا کہ ہر سال تخلیق کاروں کو اس ضمن میں 10 ارب ڈالر کی رقم ادا کی جارہی ہے جو اشتہارات سے دی جاتی ہے۔ اب یہ سلسلہ یوٹیوب شارٹس تک پہنچ چکا ہے۔ اس کا مقصد ٹک ٹاکرز کو یوٹیوب کی جانب راغب کرنا ہے۔

انہوں نے کہا کہ شارٹس اور لائیو اسٹریمز کے لیے مونیٹائزیشن کو مزید بہتر بنایا جائے گا تاکہ لوگ شارٹس کی جانب راغب ہوں۔ فی الحال یوٹیوب شارٹس ویڈیو روزانہ 50 ارب مرتبہ دیکھی جاتی ہیں۔ اس کے علاوہ انہوں نے یوٹیوب ٹی وی پر مزید پروگرام اور کھیلوں کے مقابلوں پر بات کی ہے جن میں این ایف ایل شامل ہے. علاوہ ازیں انہوں نے شارٹس کے لیے ایک نئے تخلیق ٹول شامل کرنے کا بھی عندیہ دیا جس کی ایک جانب ویڈیو ہوگی تو دوسری جانب لے آؤٹ ہوگا اور اس طرح ویڈیو بنانے والوں کو بہت فائدہ ہوگا۔
مزید یہ بھی پڑھیں؛
معلوم نہیں عمران خان کی ٹانگ خراب ہے یا دماغ،اسحاق ڈار پھٹ پڑے
میاں نے پستول تو بیوی نے اٹھائی کلاشنکوف،براہ راست فائرنگ،دونوں کی موت
صحافیوں کے حقوق،مجوزہ قانون سازی کا ڈرافٹ تیار کرنے کیلئے پانچ رکنی کمیٹی تشکیل
آج کی نسل سیکھی سکھائی ہے سینئرز کو ان سے سیکھنا چاہیے ڈاکٹر یونس بٹ
یوٹیوب میں مصنوعی ذہانت کے استعمال پر نیل موہن نے کہا ہے کہ ویڈیو میں مجازی طور پر نئے کپڑے اور حلیہ بدلنا ممکن ہوگا جبکہ پس منظر میں خیالی بیک گراؤنڈ کا اضافہ بھی کیا جاسکے گا۔ یہ سہولیات اگلے ماہ متعارف کرائی جائیں گی۔

ناردرن آئرلینڈ پروٹوکول کے معاملے پر برطانیہ اور یورپی یونین میں اشیا کی ترسیل پر معاہدہ طے پا گیا۔

ناردرن آئرلینڈ پروٹوکول کے معاملے پر برطانیہ اور یورپی یونین میں اشیا کی ترسیل کے حوالے سے معاہدہ طے پا گیا۔ بریگزٹ کے بعد ناردرن آئرلینڈ پروٹوکول کے معاملے پر برطانیہ اور یورپی یونین کے درمیان تنازع کھڑا ہو گیا تھا تاہم اب برطانیہ اور یورپی یونین کے درمیان اس معاملے پر ڈیل ہو گئی ہے۔

جبکہ برطانوی وزیراعظم رشی سونک کا یورپین کمیشن کی صدر ارسلا وان ڈیرلئین کے ہمراہ مشترکہ پریس کانفرنس کرتے ہوئے کہنا تھا نئے منصوبے کے تحت اشیا کے لیے گرین اور ریڈ لین متعارف کرائی جائیں گی، گرین لین سے گزرنے والی اشیا کو چیک نہیں کیا جائے گا اور ان کی کاغذی کارروائی بھی کم ہو گی۔

رشی سونک کا کہنا تھا ری پبلک آئرلینڈ اور یورپین یونین جانے والی اشیا ریڈ لین سے گزریں گی اور چیک بھی ہوں گی، برطانیہ کی وی اے ٹی اور ایکسائز تبدیلیاں ناردرن آئرلینڈ پر بھی لاگو ہوں گی۔ تاہم برطانوی وزیراعظم کا یہ بھی کہنا تھا یو کے میں منظور شدہ ادویات بھی ناردرن آئرلینڈ میں ملیں گی، ناردرن آئرلینڈ اسمبلی کو ان قوانین پر رائے دینے کے علاوہ انھیں لاگو کرنے سے روکنے کی بھی آزادی ہو گی۔
مزید یہ بھی پڑھیں؛
عمران خان جن کے کندھے پر بیٹھ کر آنا چاہ رہا وہ کندھے اب نہیں رہے. مریم نواز شریف
راجن پور: این اے 193 میں ضمنی الیکشن کیلئے پولنگ کا وقت ختم
یہ وہی بینچ ہے جس نے عمران خان کےخلاف فیصلہ دیا،پھرشورشرابہ کیوں؟پرویز الہٰی
ہم کون سی صدی میں رہتے ہیں جہاں طاقتوروں نے نجی جیل بنائے ہوئے؟ شیری رحمان
بچوں کو سکول چھوڑنے والی سرکاری گاڑی بارکھان سیکنڈل کے مرکزی ملزم کے بیٹے کی ملکیت
شیخ رشید بتائیں،سسرال میں کوئی روتا ہے؟ حنیف عباسی
پی ٹی آئی رہنما عثمان ڈار اور جاوید علی کے وکیل کی مبینہ آڈیو منظر عام پر آ گئی
پی ایس ایل:ملتان سلطانز کے خلاف کراچی کنگز کی شاندار فتح
ان کا کہنا تھا ناردرن آئرلینڈ، یورپی یونین کے سامان کے قوانین کو لاگو ہونے سے روک سکے گا جبکہ برطانوی حکومت کو ویٹو کا اختیار ہو گا. اور برطانوی وزیراعظم کا کہنا تھا ڈیل کے حوالے سے پارلیمنٹ میں اراکین کی رائے ووٹنگ کے ذریعے معلوم کی جائے گی۔

واشنگٹن: امریکی خفیہ ادارے نے خبردار کیا ہے کہ ایران پابندیوں کے باوجود یورینیم کی 90 فیصد افزودگی سے محض چند ہفتوں کی دوری پر ہے۔ ذرائع کے مطابق امریکی خفیہ ادارے سینٹرل انٹیلی جنس ایجنسی (سی آئی اے) نے خبردار کیا ہے کہ ایران میں بیلسٹک میزائل کی تیاری تیز رفتاری سے جاری ہے جب کہ چند ہفتوں میں ایران یورینیم کی افزودگی 90 فیصد تک کرسکے گا۔

ان خیالات کا اظہار امریکی خفیہ ادارے سی آئی اے ڈائریکٹر بل برنز نے سی بی ایس کو دیے گئے انٹرویو میں کیا۔ ایک سوال کے جواب میں بتایا کہ یہ کہنا قبل ازوقت ہوگا کہ ایران کی 90 فیصد یورینیم افزودگی فوجی مقاصد کے لیے ہیں۔

اٹامک ایجنسی کی جانب سے یہ بیان اُس وقت سامنے آیا ہے جب ایرانی حکام نے یورینیم کو 60 فیصد سے زیادہ افزودہ کرنے کے لیے کی گئی تبدیلیوں سے متعلق آگاہ کیا تھا۔یوکرین جنگ سے متعلق پوچھے گئے سوال کے جواب میں ڈائریکٹر ’’سی آئی اے‘‘ بل برنز کا کہنا تھا کہ اگر چین، روس کو ہتھیار فراہم کرتا ہے تو اس کو نتائج بھی بھگتنا ہوں گے۔

ڈائریکٹر سی آئی اے کا کہنا تھا کہ چین اس وقت روسی افواج کو مہلک جنگی سازوسامان فراہم کرنے پر غور کر رہا ہے تاہم ابھی تک ترسیل کا آغاز نہیں ہوا ہے۔

تائیوان سے متعلق امریکی پالیسی پر بل برنز کا کہنا تھا کہ میرے خیال میں ہمیں تائیوان کے حتمی کنٹرول کے حوالے سے شی جنپنگ کے عزائم کو سنجیدگی سے لینے کی ضرورت ہےتاہم اس کا مطلب چین کے ساتھ فوجی محاذ آرائی نہیں۔

بنگلور: جی ٹوئنٹی ممالک یوکرین جنگ پر مشترکہ اعلامیہ جاری کرنے میں ناکام ہوگیا ہے، دنیا کی بڑی معیشتوں کا جی ٹوئنٹی اجلاس روس-یوکرین جنگ کے معاملے پر کسی اتفاق رائے پر پہنچے بغیر ختم ہو گیا، اعلامیہ جاری نہ ہو سکا۔اجلاس میں مغربی ممالک کی جانب سے زور دیا گیا کہ وہ اجلاس کے ایسے نتائج کی حمایت نہیں کریں گے جس میں یوکرین جنگ کی مذمت شامل نہ ہو

بھارت کے شہر بنگلورو میں ہونے والے جی ٹوئنٹی وزرائے خزانہ کے اجلاس میں روس اور چین کی جانب سے یوکرین پر روسی حملے کی مذمت کی مخالفت کی گئی جبکہ بھارت نے بھی روس کی مذمت سے گریز کیا۔

جی ٹوئنٹی کی صدارت کرنے والے ملک بھارت کی جانب سے یوکرین معاملہ اٹھانے سے گریز کے باوجود مغربی ممالک کی جانب سے زور دیا گیا کہ اجلاس کے ایسے نتائج کی حمایت نہیں کی جائے گی جس میں یوکرین جنگ کی مذمت شامل نہ ہو۔

یوکرین جنگ کی مذمت پر اجلاس میں اتفاق رائے نہ ہونے پر اجلاس کا اعلامیہ جاری نہ ہو سکا تاہم بھارتی وزیر خزانہ کی جانب سے اجلاس کی آؤٹ کم اسٹیٹمنٹ جاری کی گئی جس میں دور روز تک ہونے والی گفتگو اور اجلاس کے اختلاف کا ذکر کیا گیا۔

چین گزشتہ نومبر سے اس کوشش میں ہے کہ بیان میں استعمال زبان کو تبدیل کیا جائے اور متن سے لفظ ’’جنگ‘‘ کو خارج کیا جائے۔چین اس تنازع میں غیرجانبدار رہنے کے ساتھ ہی روس سے اسٹر یٹجک تعلقات بھی بر قرار رکھنا چاہتا ہے۔