Baaghi TV

Tag: pakistan

  • آسٹریلیا سے جیتنے کیلئے تمام کھلاڑیوں کو پرفارم کرنا ہوگا ، بابر اعظم

    قومی ٹیم کے کپتان بابر اعظم کا کہنا ہے کہ آسٹریلیا کا دورہ چيلنج ہے ۔ ہماری اسٹرینتھ باؤلنگ ہے ۔ سري لنکا کے خلاف کي جانے والي غلطياں نہيں نہيں کريں گے۔

    ميرے پر کپتانی کا کوئی دباؤ نہیں ہے بابر اعظم نے قذافی سٹیڈیم میں پریس کانفرنس کا آغاز 12 سال قبل قذافی اسٹیڈیم میں بطور بال بوائے کے آنے سے اب تک کی یادوں کو تازہ کرتے ہوئے کیا اور کہا کہ ان بارہ سالوں ميں ٹيم ميں جگہ بنانے کے ليے سخت محنت کي ہے اور کبھي ہمت نہيں ہاري ۔ ٹي ٹوينٹي ٹيم کے نئے قائد کا کہنا تھا کہ نوجوان ٹیم کے ساتھ جیت کا عزم لیے آسٹريليا جارہے ہیں ہماری سٹرینتھ باؤلنگ ہے جس میں محمد عامر، وہاب ریاض اور دیگر نوجوان کھلاڑی شامل ہيں ۔

    پی ایس ایل 2020 کا پاکستان میں بہترین سہولیات کیساتھ انعقاد کریں گے، وسیم خان

    بابر اعظم کا کہنا تھا کہ سرفراز احمد کی کمی محسوس ہوگی ليکن ان کي جگہ لينے والے رضوان کي کارکردگي بھي بہت بہتر ہے بابر اعظم کا کہنا تھا کہ کپتانی کا کوئی دباؤ نہیں، میرے سمیت تمام کھلاڑیوں کو پرفارم کرنا ہوگا۔قومی کپتان کا کہنا تھا کہ ٹی ٹونٹی کرکٹ فخر زمان کے ساتھ اننگ کا آغاز کریں گے جبکہ امام الحق تیسرے اوپنر کے طور پر ٹیم میں شامل ہیں ۔ ان کا کہنا تھا کہ ينگسٹر کو ليکر جانے کا فائدہ ہوگا وہ اپني جگہ بنانے کے ليے پرفارم کريں گے۔ عثمان قادر کے تجربے سے فائيدہ اٹھانے کي کوشش کريں گے۔ ان کا کہنا تھا کہ انہيں اندزہ ہے کہ اپنا رول کيسے ادا کرنا ہے ۔ ٹيم کا اچھا کمبي نيشن بنا ہوا ہے جيت کے واپس آئيں گے۔

    قذافی اسٹیڈیم میں تاریخ رقم کی جائے گی

  • بنگلہ دیش کے خلاف سیریز میں سخت مقابلہ ہوگا ، بسمعہ معروف

    قومی ویمنز کرکٹ ٹیم کی کپتان بسمعہ معروف نے کہا کہ سیریز سے قبل 30 روزہ کیمپ میں فیلڈنگ میں بہتری پر خاص توجہ دی گئی۔ انہوں نے کہا کہ اسکواڈ میں شامل بیٹرز اور باؤلرز بھی بھرپور فارم میں ہیں۔

    بسمعہ معروف نے کہا کہ بنگلہ دیش کے خلاف سیریز میں سخت مقابلہ ہوگا۔انہوں نے کہا کہ یہ سیریز پاکستان کے لیے سیزن اوپنر کی حیثیت رکھتی ہے جو آئندہ 2 ماہ کے دوران انگلینڈ اور ویسٹ انڈیز کے خلاف شیڈول سیریز کی تیاریوں میں مدد دے گی۔

    کپتان قومی ویمنز کرکٹ ٹیم کاکہنا ہے کہ ندا ڈار اور ثناء میر کی عدم دستیابی کے باعث جونیئر کھلاڑیوں کوقومی ویمنز ٹیم میں جگہ دی گئی ہے، لہذا یہ سیریز نئی کرکٹرز کے لیے قومی اسکواڈ میں مستقل جگہ بنانے کے لیے بہترین موقع ہے۔
    انہوں نے کہا کہ پہلی بار قذافی اسٹیڈیم میں انٹرنیشنل ویمنز کرکٹ میچ کے انعقاد پر تمام کھلاڑی پرجوش ہیں اور بہترین نتائج کے لیے سخت محنت کریں گی۔ بسمعہ معروف کوامید ہے کہ اس تاریخی موقع پرویمنز کرکٹ کو اسپورٹ کرنے شائقین کرکٹ کی بڑی
    تعداد اسٹیڈیم کا رخ کرے گی۔

    قذافی اسٹیڈیم میں تاریخ رقم کی جائے گی

    بنگلہ دیش ویمنز کرکٹ ٹیم کی کپتان سلمہ خاتون نے کہا کہ پاکستان ٹیم اپنے ہوم گراؤنڈ پر آسان حریف نہیں ہے۔ انہوں نے کہاکہ وہ ایک بار پھر پاکستان آمد پر خوش ہیں۔ دونوں ٹیموں کے درمیان ہمیشہ سخت مقابلہ ہوتا ہے۔ سلمہ خاتون نے کہا کہ سیریز کے لیے متواز ی اسکواڈ موجود ہے۔ تمام کرکٹرز ایک یونٹ بن کر سیریز میں کامیابی حاصل کرنے کی کوشش کریں گی۔
    دونوں ٹیموں کے سکواڈ دعج زیل ہیں

    پی ایس ایل 2020 کا پاکستان میں بہترین سہولیات کیساتھ انعقاد کریں گے، وسیم خان

    اسکواڈز:
    پاکستان:
    بسمعہ معروف)کپتان(،عالیہ ریاض، سدرہ نواز، ناہیدہ خان ، ڈیانا بیگ،جویریہ خان، سدرہ
    امین، عائشہ ظفر، عمیمہ سہیل، ارم جاوید،ثناء میر، صبا نذیر، سعدیہ اقبال، کائنات امتیاز
    اور انعم امین۔

    بنگلہ دیش :
    سلمہ خاتون )کپتان(، عائشہ رحمٰن، ایکا مولک، فرگانہ حق، جہان آرا ءعالم،خدیجہ
    الکبرہ، لتا موندل، نگار سلطانہ، پنا گوش، رومانہ احمد، سنجیدہ اسلام،شمیم سلطانہ،شانجیدہ اختر، شرمین اختراورشرمین سلطانہ۔

  • قذافی اسٹیڈیم میں تاریخ رقم کی جائے گی

    تاریخ میں پہلی بار،پاکستان ویمنز کرکٹ ٹیم قومی کرکٹ کےگڑھ میں ایکشن میں دیکھائی دیں گی۔ پاکستان اور بنگلہ دیش کی ویمنز کرکٹ ٹیموں کے درمیان 3 ٹی ٹونٹی میچوں پرمشتمل سیریز کاآغاز 62 اکتوبر سے قذافی اسٹیڈیم میں ہوگا۔

    دونوں ٹیمیں 33 ماہ میں دوسری مرتبہ ایک دوسرے کے مدمقابل آئیں ۔ قومی ویمنز کرکٹ ٹیم نے گذشتہ سال اکتوبر میں بنگلہ دیش کا دورہ کیا تھا۔ 4 میچوں کی سیریز میں مہمان ٹیم نے 3 0 سے کامیابی حاصل کی۔ آسٹریلیا میں بگ بیش لیگ کھیلنے میں مصروف ندا ڈار سیریز میں شرکت نہیں کررہی ہیں۔تجربہ کار اسپنر ثناءمیر بھی بنگلہ دیش کے خلاف پہلے ٹی ٹونٹی میچ کے لیے دستیاب نہیں ہوں گی۔ دونوں کھلاڑیوں کی عدم دستیابی کے باعث بنگلہ دیش کے خلاف سیریز میزبان ٹیم کے لیےاپنے بیک اپ کھلاڑیوں کو آزمانے کا بہترین موقع ہے۔

    30 روزہ دورے پر پاکستان آئی بنگلہ دیش ویمنز کرکٹ ٹیم 3 ٹی ٹونٹی میچوں کے علاوہ 6 ایک روزہ میچوں میں بھی شرکت کرے گی۔ پاکستان کو دسمبر میں ورلڈ چیمپئن شپ میں شامل میچز کے لیےملائشیا کے میدانوں میں انگلینڈ کی میزبانی کرنی ہے۔ قذافی اسٹیڈیم لاہور میں شیڈول سیریزدرحقیقت انگلینڈ کے خلاف سیریز کے لیےقومی ویمنز کرکٹ ٹیم کی تیاریوں میں معاون ثابت ہوگی۔
    خواتین کرکٹ کے فروغ کی پالیسی پر عمل پیرا پاکستان کرکٹ بورڈ نے 3 ٹی ٹونٹی میچوں پر مشتمل سیریز کے تمام میچوں کو لائیو اسٹریم کرنے کا فیصلہ کیا ہے۔

    مزید پڑھیں
    پی ایس ایل 2020 کا پاکستان میں بہترین سہولیات کیساتھ انعقاد کریں گے، وسیم خان

  • پی ایس ایل 2020 کا پاکستان میں بہترین سہولیات کیساتھ انعقاد کریں گے، وسیم خان

    پاکستان کرکٹ بورڈ کے چیف ایگزیکٹو وسیم خان کا کہنا ہےکہ ایچ بی ایل پاکستان سپرلیگ کے لیے مقامی کھلاڑیوں کی تجدید کا عمل مکمل ہونے سے ایک سنگ میل عبور کرلیا۔ایچ بی ایل پی ایس ایل 2020 کے تمام 41 میچوں کا انعقاد پاکستان میں کیا جائے گا۔

    چیف ایگزیکٹو پی سی بی نے کہاکہ دنیا بھر میں ٹی ٹونٹی لیگز کے انعقاد سے پاکستان سپر لیگ ایک مطلوب لیگ شمار کی جاتی ہے اور اس کا آئندہ ایڈیشن اسے اور شانداربنادے گا۔ انہوں نے کہا کہ ایچ بی ایل پی ایس ایل 2020 میں پاکستان اور بیرون ملک مقیم پی ایس ایل کے مداحوں کو دنیا بھر کے نامور کھلاڑی اعلیٰ معیار کی کرکٹ کھیلتےہوئے دیکھائی دیں گے،آئندہ سال فروری سے شروع ہونے والے ایونٹ کے دوران اسٹیڈیم میں بہترین سہولیات کا انتظام کرنے کے ساتھ ساتھ تمام میچوں کی براڈ کاسٹنگ بھی اعلیٰ معیار کے مطابق کی جائے گی۔

    نیشنل ٹی ٹوئنٹی کپ فائنل میں بلوچستان پر جرمانہ عائد

    علاوہ ازیں آئندہ ایڈیشن کے لیے کھلاڑیوں کی تجدید کے عمل میں کھلاڑیوں کی گذشتہ ایڈیشنز سمیت قومی اور بین الاقومی کرکٹ میں کارکردگی اور کرکٹر کی ٹی ٹونٹی فارمیٹ میں مقبولیت کو مدنظر رکھا گیا ہے۔ پاکستان کی نمائندگی کرنے والے کھلاڑیوں کی بنیادی کٹیگری گولڈ مقرر کی گئی ہے۔ نئے قوانین کے مطابق ہر ٹیم گذشتہ ایڈیشن میں شامل زیادہ سے زیادہ 8 کھلاڑیوں کو آئندہ
    ایڈیشن کے لیے برقرار رکھ سکےگی۔ کٹیگری مرحلے کے مکمل ہونے سے قبل قومی کرکٹ ٹیم کا حصہ بننے والے 24 سال
    سے کم عمر کھلاڑی ایمرجنگ کٹیگری کا حصہ نہیں ہوں گے۔

    اس کے علاوہ 24 سال سے کم عمر کھلاڑی 2 سال سے زائد عرصہ ایمرجنگ کٹیگری کا حصہ نہیں رہ سکتےتاہم 2 سالوں میں 4 یا اس سے کم میچ کھیلنے والے کھلاڑی ایمرجنگ کٹیگری میں برقرار رہ سکتے ہیں۔ ریٹینشن کے عمل کے مکمل ہونے سے قبل تمام ٹیموں کے پاس کھلاڑیوں کوریلیگیٹ کرنے کی درخواست کرنے کا حق محفوظ ہوگا۔ اگر کسی ٹیم کی جانب سے کھلاڑی کو
    ریلیگیٹ کرنے کی درخواست کی جاتی ہے تو ہر ٹیم کے پاس اس کھلاڑی کو بنیادی قیمت پر اٹھانے کا حق حاصل ہوگا۔اگر کوئی بھی ٹیم اس کھلاڑی کو بنیادی قیمت پر نہ اٹھائے تو اس کھلاڑی کی کٹیگری میں تنزلی کردی جائے گی۔

    پی ایس ایل سیزن 5 ، بیشتر قومی کھلاڑی کی کیٹیگریز کو تبدیل کر دیا گیا

    کھلاڑی کو ریلیگیٹ کرنے کی درخواست اس کی رضامندی کے بعد ہی کرنے کی اجازت ہوگی۔ جو مقامی کھلاڑی ایچ بی ایل پی ایس ایل 2020 میں شامل نہیں تھے ان کی فہرست بعد میں جاری کی جائے گی۔

  • پی ایس ایل سیزن 5 ، بیشتر قومی کھلاڑی کی کیٹیگریز کو تبدیل کر دیا گیا

    ایچ بی ایل پی ایس ایل 2020 کے لیے مقامی کھلاڑیوں کی کٹیگریزکی تجدید کا عمل مکمل کر لیا گیا،

    2 مرحلوں پر مشتمل تجدید کے عمل میں تمام فرنچائنز کےنمائندگان کی شمولیت کی ، قومی ٹی ٹونٹی ٹیم کے کپتان بابر اعظم، شاہین شاہ آفریدی اور عماد وسیم دیگر 14 مقامی کھلاڑیوں کے ہمراہ پلاٹینم کٹیگری کا حصہ ہونگے، امام الحق، حارث سہیل اور آصف علی ڈائمنڈ کٹیگری میں شامل کر دئے گئے، چیف ایگزیکٹو پی سی بی وسیم خان کا کہنا ہے کہ ایچ بی ایل پی ایس ایل 2020 کا انعقاد پاکستان میں ہوگا، شاندار ایونٹ کے کامیاب انعقاد کے لیے تیاریاں زور و شور سے جاری ہیں،

    ایچ بی ایل پی ایس ایل 2020 میں ملک بھر کے بہترین کھلاڑی شرکت کریں گے، اس سلسلے میں پاکستان کرکٹ بورڈ نے ایچ بی ایل پی ایس ایل کے گذشتہ ایڈیشن میں شامل مقامی کھلاڑیوں کی کٹیگریزکی تجدید کا عمل مکمل کرلیا ہے۔

    نیشنل ٹی ٹوئنٹی کپ فائنل میں بلوچستان پر جرمانہ عائد

    پلاٹینم کٹیگری میں سرفہرست نام قومی ٹی ٹونٹی کرکٹ ٹیم کے کپتان بابر اعظم کا ہے۔ نئی فہرست کے مطابق شاہین شاہ آفریدی، عماد وسیم، گذشتہ ایڈیشن میں سب سے زیادہ وکٹیں حاصل کرنے والے باؤلر حسن علی اور شاداب خان کو بھی ایچ بی ایل پی ایس ایل 2020 کی پلاٹینم کٹیگری میں شامل کرلیا گیا ہے۔ اس عمل کے مکمل ہوتے ہی آئندہ ایڈیشن کے لیےتمام ٹیموں میں کھلاڑیوں کی
    ریکروٹمنٹ کا عمل شروع ہوگیاہے۔

    اس عمل میں تمام فرنچائنززکی جانب سے ایک ایک نمائندے نے اپنا حق رائے دہی استعمال کیا۔ کسی فرنچائزکواپنی ٹیم میں شامل کھلاڑیوں کے حق میں ووٹ دینے کی اجازت نہیں تھی۔اس عمل کے اختتام پر تمام ٹیموں کو ری ویو کے لیے درخواست پیش
    کرنے کا حق حاصل تھا، جس کے بعد پلیئر ایکوزیشن اور منیجمنٹ کے سربراہ عمران احمد خان اور قومی کرکٹ ٹیم کی سلیکشن کمیٹی کے کوآرڈینیٹرندیم خان نےفہرست کوحتمی شکل دی۔

  • ٹی ٹین لیگ ، پاکستان کرکٹ بورڈ کا اچھا فیصلہ

    پاکستان کرکٹ بورڈ نے ٹی 01 لیگ پر بیان جاری کردیا۔ ٹی 01 لیگ متحدہ عرب امارات میں 01 سے 42 نومبر تک جاری رہے گی۔

    کھلاڑیوں کا ورک لوڈ اور پاکستان کے پریمیر کرکٹ ٹورنامنٹ، قائداعظم ٹرافی، میں ان کی شرکت کو مدنظر رکھتے ہوئے پی سی بی نے کھلاڑیوں کو جاری کیے گئےمشروط این او سی منسوخ کردئیے ہیں۔ کھلاڑیوں کی فٹنس اور میڈیکل صورتحال کا جائزہ لینے کے لیے کیمپ 01 سے 41 نومبر تک نیشنل کرکٹ اکیڈمی لاہور میں جاری رہے گا جبکہ قائداعظم ٹرافی کے ساتویں اور دسویں راؤنڈ کے میچز 00 نومبر سے 1 دسمبر کے درمیان میں جاری رہیں گے۔ ایونٹ کا فائنل میچ 9 سے 01 دسمبر تک کراچی میں کھیلا جائے گا۔
    پی سی بی نے یہ فیصلہ کھلاڑیوں اور ڈومیسٹک کرکٹ کے وسیع تر مفاد کو مدنظر رکھتے ہوئے کیا ہے جس کی کوریج تمام میڈیا میں کی گئی ہے۔

  • مہوش حیات کس اداکار سے شادی کرنے جا رہی ہیں ؟

    پاکستانی نژاد کینیڈین یوٹیوبر شاہ ویر جعفری اور مہوش حیات کی شادی کی تصاویر سوشل میڈیا پر گردش کررہی ہیں جنہیں دیکھ کر مداح حیران ہیں کہ کیا واقعی دونوں شادی کے بندھن میں بندھ گئے ہیں،

    یوٹیوب پر مزاحیہ ویڈیوز اپ لوڈ کرکے شہرت حاصل کرنے والے پاکستانی نژاد کینیڈین یوٹیوبر شاہ ویر جعفری نے اپنے انسٹاگرام اکاونٹ پر چند تصاویر شئیر کی ہیں جن میں مہوش حیات دلہن اور وہ خود دولہے بنے ہوئے نہایت خوش دکھائی دے رہے ہیں، جب کے دونوں کی گاڑی کے آگے "شادی شدہ” کا بورڈ بھی لگا ہوا ہے،

    دلچسپ بات تو یہ ہے کہ شاہویر جعفری نے تصاویر کیساتھ پیغام لکھا ہے کہ مہوش حیات تم سے شادی کرکے بہت اچھا لگا، پھر کبھی کہیں ملیں گے، حیرت کی بات تو یہ ہے کہ مہوش حیات نے شاہ ویر جعفری کو جواب دیتے ہوئے کہا ہے کہ جلد ہی ملیں گے
    شاہ ویر جعفری کی جانب سے شئیر کی گئی تصاویر پر ان کے مداح حیران ہیں، بعض لوگ تو برا مناتے ہوئے کہہ رہے ہیں کہ ہمیں شادی کا دعوت نامہ نہیں بھیجا جبکہ کچھ لوگ دونوں کو نئی زندگی کی نیک تمناؤں سے بھی نواز رہے ہیں

    انسٹاگرام پر شئیر کی گئی ایک اور تصویر میں شاہ ویر اور مہوش کیساتھ نامور پاکستانی گلوکار ابرار الحق بھی نظر آرہے ہیں جس سے ظاہر ہوتا ہے کہ دونوں نے حقیقی طور پر شادی نہیں کی بلکہ ہو سکتا ہے کہ دونوں ایک ساتھ کسی میوزک ویڈیو میں کام کر رہے ہوں جس کی تصاویر شاہ ویز نے مداحوں کیساتھ شئیر کی ہیں،

  • ہم بھی آسٹریلیا کی طرح جارحانہ کرکٹ کھیلیں گے ۔ مصباح الحق

    ہم بھی آسٹریلیا کی طرح جارحانہ کرکٹ کھیلیں گے ۔ مصباح الحق

    لاہور: پاکستان کرکٹ ٹیم کے چیف سلیکٹرو ہیڈ کوچ مصباح الحق نے دورہ آسٹریلیا کیلئے قومی ٹیم کا اعلان کر دیا اور اس موقع پر پریس کانفرنس کرتے ہوئے کہنا تھا کہ آسٹریلیوی کرکٹ ٹیم اپنے جارحانہ انداز کرکٹ کی وجہ سے خریف کو زیر کرنے کی کوشش کرتی ہے ، ہم بھی آسٹریلیا کا مقابلہ جارخانہ انداز سے کرکٹ کھیل کر کریں گے،

    مصباح الحق کا کہنا تھا کہ جنوبی افریقا میں ٹیسٹ سیریز میں شان مسعود نے اچھا پرفارم کیا تھا ۔ عابدعلی اور امام الحق نے ڈومیسٹک کرکٹ میں اچھا پرفارم کیا ہے اس لیے ان کھلاڑیوں کو قومی سکواڈ میں جگہ دی ہے، مصباح الحق نے عثمان قادر کی سلیکشن کے متعلق سوال پر کہا کہ عثمان قادر اس وقت ٹی ٹونٹی کرکٹ میں اچھا پرفارم کررہے ہیں اور ستقبل کو مدنظر رکھتے ہوئے عثمان قادر کو موقع دیا ہے اس کیساتھ ہم شاداب خان کے ساتھ کام کررہے ہیں اور اس کی کارکردگی میں بہتری آرہی ہے، نوجوان کھلاڑیوں کی سلیکشن پر مصباح الحق نے کہا کہ ہم نے بیک اپ پر توجہ نہیں دی جس کا خمیازہ بھگت رہے ہیں

    دورہ آسٹریلیا کے لیے قومی ٹیسٹ اور ٹی ٹونٹی اسکواڈز کا اعلان

    فخر زمان اور آصف علی کی ڈومیسٹک میں غیر متاثر کن کارکردگی کے باوجود سلیکشن کے سوال پر مصباح الحق نے کہا کہ ڈومیسٹیک کرکٹ میں آصف علی اور فخرزمان کے علاوہ کسی بلے اسٹرائیک ریٹ140 کا نہیں ہے، محمد حفیظ اور شعیب ملک سمیت کسی بھی کھلاڑی کے لئے ٹیم کے دروازے بند نہیں ہیں ، بیک اپ وکٹ کیپر کے سوال پر مصباح الحق نے کہا کہ دورہ آسٹریلیا مختصر ہے اس لئے رضوان کے ساتھ دوسرا وکٹ کیپر نہیں لیا البتہ بیک اپ وکٹ کیپر ہمارے پاس موجود ہے،

    سپاٹ فکسنگ کیس میں سزا کاٹ کر اپنی فارم کی بحالی میں مصروف کرکٹر سلمان بٹ سے متعلق سوال پر مصباح الحق نے کہا کہ اس وقت تمام انٹر نیشنل اوپنرز پرفارم کررہے ہیں اس لئے سلمان بٹ کی جگہ نہیں بن پارہی ۔

    بنگلہ دیش انڈر 16 کرکٹ ٹیم پاکستان کے میدان آباد کرنے کو تیار

  • بنگلہ دیش انڈر 16 کرکٹ ٹیم پاکستان کے میدان آباد کرنے کو تیار

    بنگلہ دیش انڈر 16 کرکٹ ٹیم پاکستان کے میدان آباد کرنے کو تیار

    بنگلہ دیش انڈر 16 کرکٹ ٹیم پاکستان کے میدان آباد کرنے کو تیار ہے ، بنگلہ دیش انڈر 16 کرکٹ ٹیم 22 اکتوبر کو راولپنڈی پہنچے گی، مہمان ٹیم دورے کے دوران 2 تین روزہ اور 3 ایک روزہ میچز کھیلے گی

    تفصیلات کے مطابق پاکستان بمقابلہ بنگلہ دیش سیریز کے تمام میچز کے آر ایل گراؤنڈ راولپنڈی میں کھیلے جائیں گے،پہلا تین روزہ میچ 25 سے 27 اکتوبر تک کھیلا جائے گا جبکہ دوسرا تین روزہ میچ 30 اکتوبر سے یکم نومبر تک کھیلا جائے گا، پہلا ایک روزہ میچ 4 نومبر کو کھیلا جائے گا جبکہ دوسرا ایک روزہ میچ 6 نومبر اورتیسرا ایک روزہ میچ 8 نومبر کو کھیلا جائے گا، عالیان محمود دونوں فارمیٹ میں قومی ٹیم کی کپتانی اور محمد وقاص نائب کپتانی کریں گے

    دورہ آسٹریلیا کے لیے قومی ٹیسٹ اور ٹی ٹونٹی اسکواڈز کا اعلان

    بنگلہ دیش کیخلاف تین روزہ سیریز میں شرکت کے لیے قومی انڈر 16 کرکٹ ٹیم کا اعلان کردیا گیا، 16 رکنی اسکواڈ میں محمد شہزاد، علی حسن، اسیر مغل اور رضوان محمود شامل ہیں ، خالد خان، علی اسفند، عباس علی، احمد خان، ابرار افضل اور فرہاد خان بھی اسکواڈ کا حصہ ہیں ، ایاز شاہ، افضل منظور، حسیب عمران اور محمد سکندر بھی قومی تین روزہ انڈر 16 کرکٹ ٹیم میں شامل ہیں،

    ایک روزہ سیریز میں شرکت کے لیے قومی انڈر 16 کرکٹ ٹیم کا اعلان بھی کردیا گیا، محمد شہزاد، علی حسن، زین انور اور رضوان محمود اور 16 رکنی ایک روزہ اسکواڈ میں شامل ہیں،خالد خان، علی اسفند، عباس علی، احمد خان، اسیر مغل اور اسماعیل خان بھی ایک روزہ ٹیم کا حصہ ہیں، منیب واصف، زبیر شنواری، حسین اور ابتسام رحمٰن کو قومی ایک روزہ انڈر 16 ٹیم میں شامل کرلیا گیا ہے

    سجل اور احد کے نئےڈرامے کے ٹیزر پر سخت تنقید

    سیریز کے لیے قومی انڈر 16 کرکٹ ٹیم کی منیجمنٹ کا اعلان بھی کردیا گیا ہے، اعجاز احمد بطور ہیڈ کوچ اور منیجر جبکہ عبدالمجید اسسٹنٹ کوچ کی ذمہ داریاں نبھائیں گے، صبور احمد (ٹرینر)، حافظ نعیم الرسول (فزیوتھراپسٹ) اور عثمان ہاشمی (ٹیم اینالسٹ) بھی ٹیم منیجمنٹ میں شامل ہیں ، ڈائریکٹر انٹرنیشنل کرکٹ پی سی بی ذاکر خان نے کہا ہے کہ انڈر 16 کرکٹ ٹیم کو پاکستان بھجوانے پر بنگلہ دیش کرکٹ بورڈ کے مشکور ہیں اور یہ سیریز پاکستان میں انٹرنیشنل میچوں کے کامیاب انعقاد کی ضامن ہوگی،

  • پاکستان میں انٹرنیشنل کرکٹ ضرور واپس آئے گی ، سنگا کارا

    پاکستان میں انٹرنیشنل کرکٹ ضرور واپس آئے گی ، سنگا کارا

    سابق سری لنکن کپتان اور ایم سی سی کے اولین غیر برطانوی صدر کمار سنگا کارا کو امید ہے کہ پاکستان میں انٹرنیشنل کرکٹ ضررو واپس آئے گی اور اگر انہیں موقع ملا تو وہ بھی اس حوالے سے اپنا کردار کرنا چاہیں گے،

    پاکستان میں بین الاقوامی کرکٹ کی واپسی کی حمایت کرتے ہوئے کماراسنگا کارا کا کہنا تھا کہ انہیں حال ہی میں سری لنکن ٹیم کے پاکستان ٹور کی بہت زیادہ خوشی ہوئی اور انہیں قوی امید ہے کہ اس ملک میں ایک روز انٹرنیشنل کرکٹ کو مکمل طور پر واپس آنا ہے، واضع رہے کہ مارچ دو ہزار نو میں جب لاہور میں سری لنکن ٹیم پر دہشت گرد حملہ ہوا تھا تو کمار سنگا کارا بھی سری لنکن سکواڈ کا حصہ تھے ،

    قومی ہاکی ٹیم اولمپک کوالیفائرز میں شرکت کیلئے ہالینڈ روانہ