Baaghi TV

Tag: pakistan

  • فٹ بال میچ؛ کتا بال اٹھا کر بھاگ گیا

    فٹ بال میچ؛ کتا بال اٹھا کر بھاگ گیا

    یہ دلچسپ واقعہ میکسیکن لیگ کے میچ کے دوران ایک کتے نے فٹبال کے میدان پر دھاوا بول دیا اور فٹ بال چھین کر کھلاڑیوں اور سیکیورٹی اہلکاروں کی دوڑیں لگوا دیں ہیں


    جبکہ مقامی لیگ کے 11ویں راؤنڈ میں ڈوراڈوس ڈی سینولا اور اس کے میزبان البرگیو ڈی اوکساکا کے درمیان ہونے والے میچ میں اسٹیڈیم کے اندر کتا گھس آیا اور سٹیڈیم میں نئے مہمان نے تعاقب کرتے ہوئے گیند پر قبضہ جمایا اور پھر اسے اٹھا کر بھاگ نکلا۔
    مزید یہ بھی پڑھیں؛
    ورلڈکپ کے لئے کمینٹیٹرز کے پینل کا اعلان
    سانحہ جڑانوالہ پر جے آئی ٹی نہیں بنائی جائے گی,محسن نقوی
    آئی ایم ایف کا انرجی سیکٹر میں اصلاحات میں بہتری کا مطالبہ

    تاہم ویڈیو میں دیکھا جا سکتا ہے کہ سکیورٹی اہلکار کئی منٹ تک اس کے پیچھے بھاگتے رہے۔ کتے کو بالآخر پکڑ لیا گیا جبکہ اس دوران شائقین سیٹیاں اور نعرے لگاتے ہوئے اس واقعہ سے محظوظ ہوتے رہے۔ یہاں تک کہ میچ کے کمنٹیٹر بھی پرجوش انداز میں بولتے رہے۔

  • کیا ٹائیگر3 میں سلمان خان مارے جائیں گے؟

    کیا ٹائیگر3 میں سلمان خان مارے جائیں گے؟

    بالی ووڈ اداکار سلمان خان کی نئی فلم ٹائیگر3 کا ٹیذر یعنی پرومو آج ریلیز کردیا گیا ہے اس حوالے صحافی ملک رمضان اسراء نے اپنے ویلاگ میں کہا ہے کہ یہ فلم سپرہٹ ثابت ہوگی کیونکہ اس میں دو ملکوں کیلئے ایک بہت ہی بہتر پیغام دیا گیا ہے۔ جیسا کہ سلمان خان کی ماضی کی فلمز جیسے ایک تھا ٹائیگر اور ٹائیگر زندہ میں کترنہ کیف نے پاکستان سے وفاداری نبھائی تھی اور سلمان خان نے بھارت سے لہذا یہ بھی اسی طرح کی کہانی ہے۔

    https://youtu.be/h0_4EPn7twI?si=u5-wukKiUm77lWnH

    ملک رمضان اسراء نے مزید کہا کہ سلمان خان نے ہمیشہ دونوں دیشوں بارے مثبت چیزیں پیش کی ہیں اور لبھی بھی انہوں نے پاکستان کے خلاف کوئی فلم نہیں کی جیسے کہ اداکار سنی دیول نے کی ہیں۔ تاہم خیال رہے کہ کیا اس فلم میں ٹائیگر یعنی سلمان خان مارا جائے گا تو ایسا نہیں ہے لیکن یہاں فلم میں ایک حصہ ایسا ہے کہ جس میں بھارتی ایجنسی راء انہیں مروانا چاہتی ہے اور بھارت میں انہیں غدار ثابت کیا جاتا ہے تاکہ مروایا جاسکے لیکن اس حملے میں سلمان خان زخمی ہوتے ہیں تاہم بچ جاتے ہیں۔

    واضح رہے کہ نئی آنے والی فلم کا نیا ٹیزر جاری ہوتے ہی دھوم مچ گئی ہے اور کہا جارہا ہے کہ یہ منیش شرما کی ہدایت کاری میں بننے والی فلموں میں سے اب تک کی بہترین فلم ہوگی اور سب کی نظریں اس فلم کی ریلیز پر ہیں ۔ لیکن اس فلم کے کریکٹر سرٹیفکیٹ کو لیکر سلمان خان کے مداحوں میں پریشانی کی لہر دوڑ گئی تھی ، ان کا کہناتھا کہ بیس سال ملک کی خدمت کرنے کے بعد کیا ٹائیگر کو کریکٹر سرٹیفکیٹ کی ضرورت ہے، کیا ٹائیگر غدار ہے یا ٹائیگر محب وطن ہے ؟
    اس فلم کے ٹیزر میں اس بار جو ڈائیلاگ بولا گیا ہے اس میں سلمان خان کہتے دکھائی دیتے ہیں کہ کہ جب تک ٹائیگر ہمارا نہیں ، تب تک ٹائیگر ہارا نہیں، فلم کے ٹیزر کے بعد سلمان خان کے مداحوں میں اس فلم کو دیکھنے کےلیے بے چینی بڑھ گئی ہے اور ان کا اس فلم کا اب شدت سے انتظار ہے ۔
    یاد رہے کہ اس میگا ایکشن اور تھرلر فلم میں سپر سٹار سلمان خان ، کترینہ کیف اور عمران ہاشمی نظر آئیں گے اور اس دیوالی کے موقع پر ہوگی، ٹائیگر تھری سے پہلے 2012 میں ایک تھا ٹائیگر اور 2017 میں ٹائیگر زندہ ہے ریلیز ہوچکی ہیں ۔ ان دونؤں فلموں نے باکس آفس پر دھوم مچائی تھی ۔

  • ہر کوئی اس وقت اپنی بقاء کی جنگ لڑ رہا ہے حاجرہ یامین

    ہر کوئی اس وقت اپنی بقاء کی جنگ لڑ رہا ہے حاجرہ یامین

    معروف اداکارہ حاجرہ یامین نے اپنے حالیہ انٹرویو میں پاکستان میں روز بروز بڑھتی ہوئی مہنگائی پر بات کی ہے ۔ انہوں نے کہا ہے کہ اس وقت ہر کوئی اپنی بقاء کی جنگ لڑ رہا ہے کسی کو نہیں پتہ کہ آنے والا وقت کیسا ہوگا۔ کیونکہ مہنگائی کا جن بوتل سے باہر آچکا ہے۔ پیٹرول کی بڑھتی قیمتوں نے ہر کسی کی کمر توڑ کر رکھ دی ہے ہر کوئی مایوس ہے پریشان ہے۔انہوں نے کہا کہ یہ وقت نوجوانوں کے لئے بہت زیادہ مشکل ہے کیونکہ ان سے ان کی پڑھائی کے مواقع چھن رہے ہیں ، فیسیں بہت زیادہ ہو چکی ہیں ، مہنگے دور میں مہنگی پڑھائی کون کرے گا؟ نوجوان نسل میں اس حوالے سے شدید مایوسی کا عالم ہے جس کو دیکھ کر پریشانی ہوتی ہے۔

    دوسری طرف ”ہماری کرنسی دن بہ دن نیچے کی طرف جا رہی ہے” اسکی ویلیو ہی نہیں رہی تو غریب آدمی کیا اپنے بچوں کو تعلیم دلوائے گا۔ افسوس کہ سرمایہ کار اپنی سرمایہ کاری باہر منتقل کر رہا ہے ، سرمایہ کار کا پاکستان سے نکل جانا ہمارے لئے باعث تشویش ہونا چاہیے، اور حکومت وقت کو سوچنا چاہیے کہ ملک کے حالات کس طرح کنٹرول کرنے ہیں ورنہ تو حالات اس سے بھی برے ہو سکتے ہیں۔

    والد نے اداکاری کی اجازت شادی کرنے کی شرط پر دی حرا سومرو

    میرا جسم میری مرضی میں غلط ہی کیا ہے

    بہت سے لوگوں نے ہماری شادی تڑوانے کی کوشش کی جویریا سعود

  • سندھ کے کچے میں اینٹی ائیر کرافٹ میزائل کی موجودگی کا انکشاف

    سندھ کے کچے میں اینٹی ائیر کرافٹ میزائل کی موجودگی کا انکشاف

    سندھ کے کچے کے علاقے میں سرگرم ڈاکوؤں کے پاس اینٹی ائیر کرافٹ میزائل کی موجودگی کی خبریں پاکستان اور ملک کی فضائی حدود کیلئے شدید نقصان اور مسائل کا سبب بن رہی ہیں۔

    باغی ٹی وی : نجی خبر رساں ادارے جیو سے گفتگو کرتے ہوئے ڈائریکٹر جنرل سول ایوی ایشن اتھارٹی خاقان مرتضیٰ نے بتایا کہ گزشتہ ماہ پاکستانی میڈیا پرسندھ میں کچےکےڈاکوؤں کی سرگرمیوں سےجڑی خبروں میں ملزمان کےپاس اینٹی ائیر کرافٹ میزائلز کی مبینہ موجود گی کےحوالےدیئے گئےان خبروں کو جواز بناکر یورپین ایوی ایشن سیفٹی ایجنسی (ایاسا) نےپاکستانی فضائی حدود میں پروازوں کیلئے ایڈوا ئز ری جاری کی۔

    انہوں نے بتایا کہ پاکستانی فضائی حدود کی ایڈوائزری پر سول ایوی ایشن اتھارٹی نے یورپ سے اعلیٰ سطح پر رابطہ کیا اور حقائق کے ساتھ ایاسا کو آگاہ کیا کہ ایڈوائزری زمینی حقائق کی مکمل عکاسی نہیں کرتی، ایاسا کو باور کرا دیا ہے کہ پاکستانی حدود کی فضائی ایڈوائزری عجلت میں جاری کی گئی-

    عام انتخابات کونسے مہینے میں ہوں گے؟الیکشن کمیشن نے اعلان کر دیا

    ایاسا کی ایڈوائزری میں برطانیہ کی سابقہ ایڈوائزری کا حوالہ دیا گیا تھا جو کہ غلط تھا کیونکہ برطانیہ اپنی ایڈوائزری پہلے ہی واپس لے چکا ہے اور برطانوی فضائی ایڈوائزری کے باوجود برطانیہ سے پروازیں پاکستان آ رہی تھیں ایاسا کی ایڈوائزری پاکستانی ایوی یشن پر انتہائی منفی اثرات کا باعث بن سکتی ہے جس کیلئے مزید مثبت اقدامات کرنا ہوں گے۔

    نیب کا حساس اداروں کے افسران کی خدمات لینے کا فیصلہ

  • مشکل وقت میں ملک کو چھوڑ کر جانے والوں کے لئے احسن خان کا پیغام

    مشکل وقت میں ملک کو چھوڑ کر جانے والوں کے لئے احسن خان کا پیغام

    معروف اداکار احسن خان نے ایک پوڈ کاسٹ میں شرکت کی وہاں انہوں نے ملک کی خراب صورتحال پر پریشانی کا اظہار کیا . انہوں نے کہا کہ ملک اس وقت نازک دور سے گزر رہا ہے. ہمیں یہیں رہ کر اس ملک کے اچھے اور برے وقت دیکھنے چاہیں. اس ملک نے ہمیں بہت کچھ دیا ہے تو کیسے ہم اس کو چھوڑ‌کر باہر کے ملک میں جا سکتے ہیں. جو لوگ پڑھے لکھے ہیں پیسے والے ہیں باشعور ہیں اگر وہ اس ملک کو چھوڑ‌کر باہر کے ملکوں میں چلے جائیں‌گے تو پھر اس ملک کو کون چلائے گا. باہر جانے کی بجائے اس ملک میں‌ہی رہ کر اس کے مسائل کا سامنا کرنا چاہیے. انہوں نے کہا کہ مجھے بہت تکلیف ہوتی ہے یہ دیکھ کر کہ اس وقت ملک کا ہر شعبہ برے حالاتوں میں ہے. ٕ

    ایسے میں ملک چھوڑ کر جانے والوں کی تعداد دن بہ دن بڑھتی جا رہی ہے جس کو میں ٹھیک نہیں سمجھتا. ”ہر قوم اچھے اور برے وقت کا تجربہ کرتی ہے لیکن ملک کو مشکل حالات میں چھوڑ کر جانا درست نہیں ہے”. یاد رہے کہ احسن خان ملکی حالات پر گہری نظر رکھتے ہیں وہ ہمارے سیاسی نظام پر بھی بہت سلجھی ہوئی اور فکر انگیز باتیں کرتے ہیں.

    میرے بارے میں ارجن کپور کے حوالے سے بکواس لکھا جا رہا ہے کوشا کپیلا

    اننیا پانڈے کس سینئر اداکارہ کی شخصیت سے متاثر ہیں ؟‌اداکارہ نے بتا دیا

    راکھی کی نازیبا وڈیو کبھی نہیں بنائیں عادل کا دعوی

  • انٹربینک میں ڈالر 302 روپے کا ہوگیا

    انٹربینک میں ڈالر 302 روپے کا ہوگیا

    پاکستانی روپے کے مقابلے میں امریکی ڈالر کی قدر میں اضافے کا سلسلہ بدستور جاری ہے جبکہ اسٹیٹ بینک آف پاکستان کی جانب سے سماجی رابطے کی ویب سائٹ ایکس پر جاری کردہ اعدادوشمار کے مطابق نئے کاروباری ہفتے کے پہلے روز انٹر بینک میں ڈالر مزید ایک روپے مہنگا ہوکر 302 روپے کا ہوگیا ہے۔

    جبکہ دوسری جانب کرنسی ڈیلرز کے مطابق اوپن مارکیٹ میں ڈالر 316 روپے کی تاریخی سطح پر پہنچ پر برقرار ہے تاہم یاد رہے کہ گزشتہ کاروباری ہفتے کے آخری روز ڈالر کی قدر میں 78 پیسے کا اضافہ ہوا اور ڈالر تاریخ میں پہلی بار 301 روپے پر بند ہوا تھا۔

    تاہم خیال رہے کہ نگران حکومت کے صرف دوہفتوں میں انٹربینک میں ڈالر 13 روپے مہنگا ہوا جبکہ اوپن مارکیٹ میں قدر 20 روپے بڑھی۔

  • آصف زرداری سے برطانوی ہائی کمشنر کی ملاقات

    آصف زرداری سے برطانوی ہائی کمشنر کی ملاقات

    پاکستان پیپلز پارٹی ( پی پی پی ) کے شریک چیئرمین اور سابق صدر آصف علی زرداری سے برطانیہ کی ہائی کمشنر جین میریٹ نے ملاقات کی ہے جبکہ سابق صدر آصف علی زرداری سے برطانیہ کی ہائی کمشنر جین میریٹ اور ڈپٹی ہائی کمشنر سارہ مونے نے ملاقات کی جس میں دوطرفہ تعلقات میں فروغ کے حوالے سے بات چیت کی گئی ہے۔

    ملاقات کے دوران دونوں ممالک کے کاروباری تعلقات میں مزید استحکام کے حوالے سے بھی گفتگو کی گئی ہے اور اس موقع پر سابق صدر آصف زرداری نے سیلاب کے دوران متاثرین کی امداد کے حوالے سے برطانوی حکومت کے اقدامات کو سراہا۔
    مزید یہ بھی پڑھیں؛
    زمین تنازعہ؛ باپ پر تشدد کرنے والا ملزم گرفتار
    کے پی؛ لوئر دیر ضمنی بلدیاتی انتخابات میں پیپلز پارٹی کامیاب
    افغانستان میں سیاحتی مقام جانے پر خواتین کو روک دیا گیا
    وزیر اعظم کا عوام کو بجلی بلوں میں ریلیف دینے کا حکم
    سابق صدر سے برطانوی سفارت کاروں کی ملاقات کے دوران پی پی رہنما شیری رحمان اور سلیم مانڈوی والا موجود تھے۔ دوسری جانب پاکستان پیپلز پارٹی (پی پی پی) کی مرکزی قیادت نے ملک بھی کارکنوں کو بجلی کے اضافی بلوں کے خلاف عوامی احتجاج میں بھرپور طریقے سے شرکت کی ہدایت کردی ہے۔

    سیکرٹری جنرل پی پی پی نیر بخاری نے پارٹی کارکنوں کو بجلی بلوں کے خلاف احتجاج میں بھرپور شرکت کی ہدایت دیتے ہوئے کہا کہ منہگی بجلی کے خلاف سٹی، یونین کونسل اور تحصیل سطح پر احتجاج کیا جائے۔ نیر بخاری نے کہا کہ بجلی کی کمر توڑ قیمتوں کی وجہ سے ملک کا ہر شہری پریشان ہے، پیپلزپارٹی کے کارکن عوام کی آواز بن کر بجلی کی قیمتوں کے خلاف احتجاج شروع کریں۔

    واضح رہے کہ ملک میں بجلی کے اضافی بلوں کے خلاف عوام کا احتجاج تیسرے روز بھی جاری ہے، مختلف شہروں میں بجلی کے بلوں کے خلاف لوگ سڑکوں پر نکل آئے اور احتجاجاً بل جلائے۔ اسلام آباد، پشاور اور ملتان کی بجلی کمپنیوں نے مظاہرین کے ڈر سے پولیس بھی بلالی اور متعلقہ حکام کو خط لکھ کر تحفظ کا مطالبہ کردیا۔ جماعت اسلامی نے بھی 2 ستمبر کو ملک گیر پہیہ جام ہڑتال کا اعلان کیا ہے۔

  • ارشد ندیم نے ورلڈ ایتھلیٹکس چیمپئن شپ میں پہلا میڈل جیت لیا

    ارشد ندیم نے ورلڈ ایتھلیٹکس چیمپئن شپ میں پہلا میڈل جیت لیا

    پاکستان کے جیولن تھروور ارشد ندیم نے تاریخ رقم کرتے ہوئے ورلڈ ایتھلیٹکس چیمپئن شپ میں پاکستان کو پہلا میڈل دلوا دیا ہے جبکہ ہنگری کے شہر بڈاپسٹ میں ہونے والی چیمپئن شپ کے جیولن تھرو کے مقابلے میں ارشد ندیم نے سلور میڈل جیتا، وہ گولڈ میڈل جیتنے والے بھارت کے نیرج چوپڑا سے آدھے میٹر سے بھی کم فرق کی وجہ سے دوسرے نمبر پر رہے۔

    چیئرمین سینیٹ صادق سنجرانی کی انٹرینشل ایتھلیٹ ارشد ندیم کوسلور میڈل جیتنے پر مبارکباد دی جبکہ صادق سنجرانی کا شاندار کامیابی پر ارشد ندیم کے لئے دس لاکھ روپے انعام اپنے جیب سے دینے کا اعلان اور چیئرمین سینیٹ صادق سنجرانی انٹرنیشل ایتھلیٹ ارشد ندیم کے گھر جاکر انعام دیں گے

    جبکہ صادق سنجرانی نے کہا کہ ارشد ندیم کی کامیابی نے پاکستان نام ایک بار پھر روشن کردیا، ارشد ندیم نے کم وسائل کے باوجود عالمی فورم پر بہترین کارکردگی دیکھائی، اور انشاء اللہ مستقبل میں بھی ارشد ندیم پاکستان کےلئے ٹائٹل لیکر آئیں گے.

    خیال رہے کہ ورلڈ ایتھلیٹکس چیمپئن شپ کے جیولین تھرو فائنل میں ارشد ندیم نے تیسری باری میں 87.82 میٹرز کی تھرو کی جو تمام 6 تھروز میں سے ان کی سب سے بہترین تھرو تھی تاہم وہ 88.17 میٹر کی تھرو کرنے والے بھارت کے نیرج چوپڑا کو پیچھے نہ چھوڑ پائے ۔
    مزید یہ بھی پڑھیں؛
    زمین تنازعہ؛ باپ پر تشدد کرنے والا ملزم گرفتار
    کے پی؛ لوئر دیر ضمنی بلدیاتی انتخابات میں پیپلز پارٹی کامیاب
    افغانستان میں سیاحتی مقام جانے پر خواتین کو روک دیا گیا
    وزیر اعظم کا عوام کو بجلی بلوں میں ریلیف دینے کا حکم
    ارشد ندیم نے پہلی تھرو میں 74.80، دوسری تھرو میں 82.81، تیسری تھرو میں 87.82 ، چوتھی میں 87.15 جبکہ چھٹی تھرو میں 81.86 میٹر تک جیولن پھینکا ۔ پانچویں باری میں ان کی تھرو کو فاؤل قرار دیا گیا تھا۔ تاہم ارشد اور نیرج کے درمیان آخری تھرو تک گولڈ کیلئے کشمکش رہی، جب چوتھے نمبر پر آنے والے جولین ویبر نے اپنی آخری تھرو 79.01 میٹر کی، کی تو اس کے ساتھ ارشد ندیم کا میڈل یقینی ہوگیا اور پھر جیکب ویڈلیج بھی ارشد ندیم کو پیچھے چھوڑنے میں ناکام رہے۔

    آخری باری میں ارشد ندیم کو 88.17 میٹر سے بڑی تھرو کرنا تھی لیکن انہیں اس میں کامیابی نہ ملی اور ان کی آخری تھرو 81.86 میٹر کی رہی جس کی وجہ سے نیرج چوپڑا گولڈ اور ارشد ندیم سلور میڈل کے حقدار قرار پائے ۔

  • عمران خان کے بیرک میں لگے کیمرے رولز کے مطابق قرار

    عمران خان کے بیرک میں لگے کیمرے رولز کے مطابق قرار

    آئی جی جیل خانہ جات پنجاب میاں فاروق نذیر نے ڈسٹرکٹ جیل اٹک کا اچانک دورہ کیا اور تحریک انصاف کے چیئرمین عمران خان کی سیکیورٹی سمیت انہیں فراہم کی گئی سہولیات کا تفصیلی جائزہ لیا جبکہ آئی جی جیل خانہ جات پنجاب میاں فاروق نذیر نے اٹک جیل میں سیکیورٹی اور اسیران کو فراہم کی گئی سہولیات کا بھی جائزہ لیا ہے.

    جبکہ آئی جی جیل خانہ جات نے عمران خان کی بیرک اور بیرک میں لگے کیمروں کا جائزہ لیا۔کیمروں کی لوکیشن اور پرائیویسی کو خصوصی طور پر چیک کیا اور اسے رولز کے مطابق قرار دیا اور جیل حکام نے آئی جی جیل کو بتایا کہ چیئرمین تحریک انصاف کو قانون کے مطابق تمام تر سہولیات فراہم کی گئی ہیں۔ ان کے کمرے میں بیڈ، تکیہ، بیڈ، میٹرس، میز، کرسی، ائیر کولر، ایگزاسٹ فین، جائے نماز ، انگریزی ترجمے کے ساتھ قران پاک، مطالعہ کیلئے ایک درجن کے قریب کتابیں، اخبار، چائے تھرمس، کھجوریں اور پرفیوم وغیرہ مہیا کیا گیا ہے۔
    مزید یہ بھی پڑھیں؛
    زمین تنازعہ؛ باپ پر تشدد کرنے والا ملزم گرفتار
    کے پی؛ لوئر دیر ضمنی بلدیاتی انتخابات میں پیپلز پارٹی کامیاب
    افغانستان میں سیاحتی مقام جانے پر خواتین کو روک دیا گیا
    وزیر اعظم کا عوام کو بجلی بلوں میں ریلیف دینے کا حکم

    علاوہ ازیں چیئرمین تحریک انصاف کے واش روم میں ویسٹرن کموڈ، بیسن، باتھ سوپ، ائیر فریشنر، تولیہ اور ٹیشو پیپر موجود ہیں اور جیل حکام نے بتایا ہے کہ منگل کے روز ان کی فیملی اور جمعرات کے روز وکلاء سے قانون کے مطابق ملاقات کرائی جاتی ہے۔ طبی سہولیات کی فراہمی کے لئے پانچ ڈاکٹر تعینات کئے گئے ہیں۔ آٹھ گھنٹے ڈیوٹی پر ایک ڈاکٹر ہمہ وقت موجود رہتا ہے۔

  • زمین تنازعہ؛ باپ پر تشدد کرنے والا ملزم گرفتار

    زمین تنازعہ؛ باپ پر تشدد کرنے والا ملزم گرفتار

    سوشل میڈیا پر ایک ویڈیو وائرل ہوئی تھی جو پاکپتن کے علاقہ گلشن فرید کالونی کی اور اس واقعہ میں چار کنال زمین کے لالچ میں بیٹا فہد رسول اپنے بوڑھے باپ غلام رسول پر بہیمانہ تشدد کرتا نظر آیا تھا جس میں ایک مزید نوجوان اور ایک عورت بھی انکے ساتھ شامل تھیں جبکہ باپ کے منہ پر لاتیں تک ماری گئی.
    https://twitter.com/MalikRamzanIsra/status/1695807974306906234
    جبکہ اس حوالے سے اب پاکپتن تھانہ فرید نگر پولیس نے کاروائی کرتے ہوئے جائیداد کے تنازعے پر ساتھی کے ہمراہ بوڑھے والد پر تشدد کرنے والے ملزم گرفتار کرلیا ہے.

    جاری اعلامیہ کے مطابق تھانہ فرید نگر کے علاقہ گلشن کالونی میں بدبخت اور نافرمان بیٹے فہد رسول نے اپنے ساتھی طیب کے ہمراہ جائیداد نام نہ لگانے پر اپنے بوڑھے حقیقی والد غلام رسول کو تشدد کا نشانہ بنایا اور قتل کر کے نعش نہر میں پھینکنے کی دھمکیاں دیں تھیں.


    مزید یہ بھی پڑھیں؛
    کے پی؛ لوئر دیر ضمنی بلدیاتی انتخابات میں پیپلز پارٹی کامیاب
    افغانستان میں سیاحتی مقام جانے پر خواتین کو روک دیا گیا
    پیپلز پارٹی نے بھی کارکنان کو بجلی بلوں کیخلاف احتجاج کا کہہ دیا

    تاہم پولیس نے افسوس ناک واقعہ کا نوٹس لیتے ہوئے ڈی پی او پاکپتن طارق ولایت نے تھانہ فرید نگر پولیس کو فوری طور پر ملوث ملزمان کی گرفتاری کا حکم دیا تھا اور تھانہ فرید نگر پولیس نے واقعہ کی اطلاع پر فوری ایکشن لیتے ہوئے تشدد میں ملوث دونوں ملزمان کو گرفتار کر لیا ہے، تھانہ فرید نگر پولیس نے تشدد کا شکار غلام رسول کی مدعیت میں مقدمہ درج کر لیا جبکہ گرفتار ملزمان سے تفتیش جاری ہے.