کراچی:27 فروری 2019 کو2 بھارتی طیارے گرانے اور ایک پائلٹ کو گرفتار کرنے پر آج کے دن کو آپریشن سوئفٹ ریٹارٹ کے نام سے یاد رکھا جاتا ہے۔اس دن کی مناسبت سےقوم پاک فضائیہ کے شاہینوں کے اس مشن اورشاندارفتح پرسلام اورخراج تحسین پیش کرتی ہے
اس تاریخی دن کے موقع پر پاکستان کی صف اول کی ہوابازی کی بنیادی اور مرکزی درس گاہ اسکائی ونگز ایوی ايشن پاک فضائیہ کے شاہینوں کی طرف سے بھارتی غرور کوخاک میں ملانے اوروطن پاک کی سرحدوںکی حفاظت کرنے پر آپریشن سوئفٹ ریٹارٹ کوسرانجام دینے والے غازیوں کو زبردست خراج تحسین پیش کرتی ہے
27 فروری کے اس یادگاردن کے موقع پراسکائی ونگزایوی ایشن کےچیف ایگزیکٹوآفیسرعمران اسلم خان نے حسب روایت افواج پاکستان بالخصوص پاک فضائیہ کےہیروز کو زبردست خراج پیش کرنے کے لئے ایک بہت ہی منفرد اورقابل رشک اندازاپنایا ہےجس نے 27 فروری 2019 کے دن کی یاد تازہ کردی ہے ، عمران اسلم خان نے سیسنا جہاز کوایسا پینٹ کیا ہےکہ جس سے اس دن کوہونے والے اس واقعہ کا سارا منظرآنکھوں کے سامنے آجاتا ہے
اس حوالے سے اسکائی ونگز ایوی ایشن کے چیف ایگزیکٹوآفیسرعمران اسلم خان نے سیسنا جہاز پر بھارت کے پکڑے گئے ونگ کمانڈر ابھی نندن کی تصویر بناکر بھارت سے پوچھا ہے کہ ابھی نندن نے آپ کوبتایا ہوگا کہ پاکستان کی چائےکتنی مزیدار اورشاندار تھی
اس موقع پرصحافی کے ایک سوال کے جواب میں جس میں وہ پوچھتے ہیں کہ آپ نے یہ لکھا ہے کہ ابھی نندن کوجب پاک فضائیہ کی طرف سے بڑے احترام کے ساتھ چائے پیش کی گئی توابھی نندن نے چائے پیتے ہوئے کہا کہ چائے توبہت شاندارہے
مگرجوآپ نے یہ لکھا ہے کہ شاندارچائے کا”ایک کپ اور”تواس کا کیا مطلب ہے؟
اس پراسکائی ونگز ایوی ایشن کے چیف ایگزیکٹوآفیسرعمران اسلم خان کا کہنا تھاکہ وہ ابھی نندن اوربھارتی فضائیہ کویہ پیغام دینا چاہتے ہیں کہ اگردوبارہ ایسی غلطی کی توپھرمنہ توڑجواب ملے گا اورپھرابھی نندن کی طرح شاندارچائے کے اور کپ بھی پیش کیے جائیںگے ،ہم اپنے دشمن کے ساتھ بھی بڑے احترام کے ساتھ پیش آتے ہیں مگرپاکستان کے دشمنوں کو ایسی حرکتوں سے باز رہنا چاہیے، اس پراسکائی ونگز ایوی ایشن کے چیف ایگزیکٹوآفیسرعمران اسلم خان کا انٹریولینے والے صحافی نے اس بات کی توثیق کرتے ہوئے اعلیٰ ظرفی کوبہت پسند کیا
اسکائی ونگز ایوی ایشن چیف ایگزیکٹوآفیسرعمران اسلم خان نے 27 فروری کے دن کی مناسبت کےحوالے سے آگاہ کرتے ہوئے کہا کہ ایک سیسنا جہاز کو ایک بار کینوس میں تبدیل کر دیا گیا ہے۔ ان کا کہنا تھا کہ یہ طیارہ 27 فروری 2019 کے پاک بھارت تنازعے کی تصویر کشی کرتا ہے
27 فروری 2019 کے دن کی اس تاریخی فتح کے بارے میں عمران اسلم خان کا کہنا تھا کہ اس دن وطن پاک کے شاہینوں اورہمارے محافظوں نے دو ہندوستانی لڑاکا طیاروں کو اس وقت مار گرایاجب بھارتی ایئرفورس کےان جنگی طیاروں نے پاکستان کی فضائی حدود میں گھسنے کی کوشش کی۔
اسکائی ونگز ایوی ایشن کے چیف ایگزیکٹوآفیسرعمران اسلم خان کا کہنا تھا کہ اسکائی ونگز کا سیسنا 152 ٹرینر ہوائی جہاز جس کو تربیت کے لیے استعمال کیا جاتا ہے قوم کے اس عزم کو ظاہر کرتا ہے کہ دشمن کوہمیشہ منہ توڑ جواب دیا جائے گا اوراس ملک کی سرحدوں کی حفاظت کےلیے کسی قسم کی قربانی سے بھی دریغ نہیں کیا جائے گا
عمران اسلم خان نے اس موقع پر پاک فضائیہ اورپاک فوج کے تمام شاہینوں کوخراج تحسین پیش کرتے ہوئے کہا کہ ہم اپنے ہیروز کی عزت کرتے ہیں اوردنیا کوبتا دینا چاہتے ہیں کہ پوری قوم ان کے پیچھے سیسہ پلائی ہوئی دیوار کی طرح کھڑی ہے۔
اسکائی ونگز ایوی ایشن کے چیف ایگزیکٹوآفیسرنے آج کے اس تاریخی دن کی مناسبت سے سیسنا جہازکوایک خاص رنگ اورایک خاص جہت دینے کے حوالے سے بتایا کہ جہاز پر ایم ایم عالم اور حسن صدیقی کی تصاویر پینٹ کی گئی ہیں،جہاز پر بنی پینٹنگ میں 1965اور2019 میں ہندوستانی فضائیہ کے طیاروں کو مار گرانے کے دو واقعات کی علامتی عکاسی کی گئی ہے۔
عمران اسلم خان نے بتایا کہ جہاز پر کشمیر کی وادیوں کو پاکستان اور کشمیر دونوں کے جھنڈوں کے ساتھ دکھایا گیا ہے، ان کا کہنا تھا کہ اس دن کی مناسبت کےحوالےسے یہ بات عالمی برادری کوگوش گزارکرنا چاہتا ہوں کہ مسئلہ کشمیر کا پُرامن حل نکالا جائےاورخطے کوکسی بھی تنازعے سے دوررکھا جائے
اسکائی ونگز ایوی ایشن کے چیف ایگزیکٹوآفیسرعمران اسلم خان کا کہنا تھا کہ پاکستان کی طرف سے پرامن کوششوں کے باوجود کشمیر پر استصواب رائے کے لیے اقوام متحدہ کی 05 جنوری 1949 کی قرارداد پر عمل تاحال زیر التوا ہے،جس سے کشمیریوں کی بے چینی میںمسلسل اضافہ ہورہا ہے اورخطے میں دوجوہری طاقتیں تصادم کی طرف بڑھ رہی ہیں
ان کا کہنا تھا کہ عالمی برادری نے دوہرامعیاراپنا رکھا ہے ، کشمیرپرمجرمانہ خاموشی ہے جبکہ دوسری طرف مشرقی تیمور کے بارے میں اقوام متحدہ کی سپریم کورٹ کی 1999 کی قرارداد 1264 پر بہت تیزی سے عملدرآمد کیا گیا اوردیکھتے ہی دیکھتے مشرقی تیمور کو سوڈان سے الگ کردیا گیا
https://twitter.com/ResptectAlways/status/1630103983779110912
اسکائی ونگز ایوی ایشن کے چیف ایگزیکٹوآفیسرعمران اسلم خان نے آخر میں سیسنا طیارے پر کیئے گئے پینٹ کو امن اور محبت کا نام اورپیغام قرار دیا ہے اور یہ بھی پیغام دیا کہ ہم توامن وبھائی چارے کے خواہاں ہیں اورہمیشہ یہی مقصد رہا ہے بھارت بھی پاکستان کی امن کی کوششوں سے فائدہ اٹھائے اورخطے کوکسی بھی حادثے سے بچانے کےلیے ذمہ داری کا مظاہرہ کرے ، ان کا کہنا تھا کہ اسکائی ونگز کے سیسنا طیارے پر دونوں علامتیں پینٹ کی گئی ہیں یہ پاکستان کی خارجہ پالیسی کا مظہرہیں کہ پاکستان امن اورخطے میں سلامتی کا خواہاں ہے ،
ان کا یہ بھی کہنا تھا کہ اگربھارت اپنی حرکتوں سے باز نہ آیا توپھر پاکستان کی طرف سے پہلے سے بھی زیادہ سخت جواب آئے گا ، ابھی نندن سے پوچھیئے کہ پاکستان کے خلاف جارحیت پرکیسا جواب ملا ، ابھی نندن سے یہ بھی پوچھیئے گا کہ باوجود پاکستان کے خلاف جارحیت کے پاکستان نے کس طرح ابھی نندن سے سلوک کیا کہ وہ ابھی تک پاکستان کی چائے نہیں بھولا
یاد رہےکہ اسکائی ونگز کے اس ہوائی جہاز کو پینٹ مشہور ٹرک آرٹسٹ حیدر علی نے کیا ہے،
