Baaghi TV

Tag: pathan

  • دپیکا پڈوکون نے پٹھان کی کامیابی کے بعد شاہ رخ خان اور ان کی اہلیہ گوری خان کو کیا کہا؟

    دپیکا پڈوکون نے پٹھان کی کامیابی کے بعد شاہ رخ خان اور ان کی اہلیہ گوری خان کو کیا کہا؟

    بالی وڈ کے کنگ شاہ رخ خان کی فلم پٹھان جس نے ریلیز ہوتے ہی دھوم مچا دی ہے، اس سال کی پہلی سپر ہٹ فلم کی کامیابی کے سلسلے میں شاہ رخ خان اور گوری نے ایک پارٹی رکھی جس میں نامور ستاروں نے شرکت کی ۔ اس پارٹی میں فلم کی ہیروئین دیپیکا پڈوکون نے شرکت کی اور گوری اور شاہ رخ خان سے کہا کہ میں اس فلم کی کامیابی کے لئے بہت زیادہ دعائیں کررہی تھی یہ فلم مجھ سے زیادہ شاہ رخ خان کے لئے اہمیت کی حامل تھی۔ دیپیکا نے کہا کہ میرا شاہ رخ خان کے ساتھ ایک اچھا تعلق ہونے کی وجہ سے بھی میری خواہش تھی کہ پٹھان سپر ہٹ ہوجائے۔ یوں دیپیکا پڈوکون نے بتا دیا کہ وہ

    کس طرح سے اورکیوں پٹھان کی کامیابی کےلئے دعائیں کرتی رہیں۔ یاد رہے کہ دیپیکا پڈوکون نے اپنے کیرئیر کی پہلی فلم شاہ ر خ خان کے ساتھ کی ، اس فلم کی کامیابی نے ان کو بالی وڈ کی کامیاب ترین اداکاراﺅں کی صف میں لاکھڑا کر دیا۔ شاہ رخ خان اور دیپیکا نے چنائی ایکسپریس میں بھی ایک ساتھ کام کیا شائقین ان دونوں کی جوڑی کو سراہتے ہیں۔ حال ہی میںفلم پٹھان کی کامیابی نے شاہ رخ خان اور دیپیکا پڈوکون کی جوڑی کو شائقین کا فیورٹ بنا دیا ہے۔

  • کومل رضوی شاہ رخ کی دیوانی لیکن شاہ رخ انہیں بیٹی کہتے ہیں

    کومل رضوی شاہ رخ کی دیوانی لیکن شاہ رخ انہیں بیٹی کہتے ہیں

    اداکارہ و گلوکارہ کومل رضوی نے اپنے حالیہ انٹرویو میں کہا ہے کہ مجھے شاہ رخ خان بہت پسندہیں ، وہ میرا کرش ہیں، لیکن جب بھی وہ مجھے ملتے ہیں بیٹا بیٹا کہہ کر چلے جاتے ہیں. میں انڈیا آخری بار کرن جوہر کی سالگرہ کی پارٹی میں گئی ، وہاں شاہ رخ خان کو دیکھا اور میں ان کو دیکھ کر بہت زیادہ خوش ہوئی. میں نے ان کو سلام کیا وہ مجھے سلام کرکے حال پوچھ کر بیٹا کہہ کر چلے گئے. مجھے اچھا نہیں لگتا وہ مجھے بیٹا کہتے ہیں. کومل رضوی نے یہ بھی کہا کہ پاکستانی جذباتی ہو کر فیصلہ نہ کیا کریں ، اگر انڈیا ہماری فلمیں بین کرتا ہے تو ہم

    ان کی فلمیں بین کیوں کریں؟ ہم معاشی طور پر کمزور ہو رہے ہیں ، ہمیں ایسے فیصلے کرنے چاہیں جن سے اپنی اکانمی کو سہارا دے سکیں. انڈیا اور ہالی وڈ کی فلمیں لگیں گی تو سینما چلے گا ، سینما چلے گا تو پرڈیوسر مزید فلمیں بنائے گا. میں یہ تو نہیں جانتی کہ پٹھان فلم لگنی چاہیےلیکن میں‌اتنا ضرور جانتی ہوں کہ انڈین فلمیں ہمارے ہاں لگنی چاہیں اس سے ہمیں فائدہ ہو گا. ایسے تمام فیصلے رد کر دئیے جانے چاہیں جو صرف انا میں کئے جائیں.

  • آڈٰینز نے کبھی بھی سینما کا بائیکاٹ نہیں انوپم کھیر

    آڈٰینز نے کبھی بھی سینما کا بائیکاٹ نہیں انوپم کھیر

    فلم پٹھان جس نے باکس آفس پربہت بڑی کامیابی حاصل کی ہے سدھارتھ آنند کی ڈائریکشن میں‌بننے والی اس فلم سے ثابت ہو گیا ہے کہ اگر اچھی فلم بنی ہو تو شائقین سینما گھروں کا رخ ضرور کرتےہیں. فلم پٹھان کی کامیابی پر بات کرتے ہوئے انوپم کھیر نے کہا ہے کہ اچھی فلمیں بنا کر ہی شائقین کو سینما کی طرف واپس لایا جا سکتا ہے . انہوں نے کہا کہ بائیکاٹ کا ٹرینڈ‌کسی بھی فلم پر اثر انداز نہیں‌ہو سکتا .اگر اچھی بنی ہو گی فلم تو بائیکاٹ ٹرینڈ اپنی موت آپ مر جائے گا. انہوں نے کہا کہ پٹھان کو جس طرح سے لوگوں نے پذیرائی دی ہے اس کے بعد نہ صرف بائیکاٹ ٹرینڈ چلانے والوں کی ھوصلہ شکنی ہوئی ہے بلکہ بائیکاٹ ٹرینڈ نے دم توڑ دیا ہے. انوپم نے یہ بھی کہا کہ کورونا کے بعد شائقین کا سینما آنے کا

    رجحان بالکل ختم ہو گیا تھا لہذا ان کو سینما گھروں میں واپس لانے کے لئے اچھی اور ان کے مزاج کے مطابق فلمیں بنانا درکار ہے جس میں پٹھان کامیاب ہو گئی ہے. یاد رہے کہ پٹھان ابھی تک کی اس سال کی سب بڑی ہٹ ہے اور شاید اس فلم کا ریکارڈ اگلے کئی سال تک نہ ٹوٹ سکے. اس فلم کی کامیابی نے بالی وڈ کی ڈوبتی نئیا کو آسراء دیا ہے.

  • پٹھان کو دیکھ کر چھوٹا مداح مایوس

    پٹھان کو دیکھ کر چھوٹا مداح مایوس

    25 جنوری کو ریلیز ہونے والی بالی وڈ فلم پٹھان نے شاہ رخ خان کی بالی وڈ پر بادشاہت کو ایک بار پھر مضبوط کر دیا ہے. فلم نے بڑے پیمانے پر بزنس کیا ہے. اس فلم کو دیکھنے کےلئے جہاں شاہ رخ خان کے مداح بڑی تعداد میں سینما گھروں کا رخ کررہے ہیں. وہیں ان کے ایک سال کے مداح نے بھی فلم دیکھی. سوشل میڈیا پر ایک وڈیو وائرل ہو رہی ہے دیکھا جا سکتا ہے کہ ایک سال کے بچے سے اسکے والدین پوچھ رہے ہیں کہ آپ نے کونسی فلم دیکھی ہے تو بچہ جواب دیتا ہے کہ پٹھان ، پھر بچے سے والد پوچھتا ہے کہ آپ کو پٹھان فلم کیسی لگی تو بچہ کہتا ہے نہیں اچھی لگی. یوں شاہ رخ خان کا چھوٹا مداح فلم پٹھان دیکھ کر خوش نہ ہوا. سوشل میڈیا پر سرکولیٹ کرنے والی اس وڈیو کو بڑے پیمانے پر پذیرائی ملی

    ہے. فلم کو سدھارتھ آنند نے ڈائریکٹ کیا ہے جبکہ جان ابراہم اور شاہ رخ خان نے پہلی بار ایک ساتھ کام کیاہے. دوسری طرف دیپیکا پڈوکون اور شاہ رخ خان کی جوڑی کو ہمیشہ ہی بہت سراہا گیا. یاد رہے کہ ایکشن سے بھرپور اس فلم میں 57 سالہ اداکار (شاہ رخ‌ خان ) کی اداکاری اور کردار کو بہت پسند کیا جا رہا ہے فلم کا میوزک سپر ہٹ ہو چکا ہے اور دیپکا کا گانوں پر ڈانس کلاسک کہلایا جا رہا ہے ، کیونکہ کافی عرصے کے بعد کسی فلم اور اس کے میوزک نے ایکساتھ عوام میں پذرائی حاصل کی ہے.

  • شاہ رخ خان کی اپنے مداحوں کو ایک نصیحت

    شاہ رخ خان کی اپنے مداحوں کو ایک نصیحت

    بالی وڈ کے کنگ شاہ رخ خان نے اپنے مداحوں کو ایک نصیحت کی ہے اور وہ نصیحت یہ ہے کہ کھانا بھوک رکھ کر کھائیں ، انہوں نے کہا کہ جب میں چھوٹا ہوتا تھا اس وقت میری ماں نے مجھے سکھایا تھا کہ کھانا ایک تو دسترخوان پر بیٹھ کر کھانا چاہیے اور دوسرا یہ ہے کہ بھوک رکھ کر کھانا چاہیے. انہوں نے کہا کہ میری شروع سے ہی عادت ہے کہ میں بھوک رکھ کر کھاتا ہوں ، میں یہ نہیں‌ کہتا کہ کھانا پینا چھوڑ دیں یا اتنا کم کھائیں کہ آپکی صحت ہی خراب ہوجائے لیکن بھوک رکھ کر کھانے سے انسان کی صحت کافی اچھی رہتی ہے. انہوں نے یہ بھی کہا کہ میں نہیں‌جانتا کہ جو میں‌کہہ رہا ہوں یہ میڈیکلی کتنا درست ہے لیکن مجھے یہی سکھایا گیا اور میں آج تک ایسے ہی کرتا ہوں.

    یاد رہے کہ شاہ رخ خان اپنی فلم پٹھان کی کامیابی کو انجوائے کررہے ہیں اور انہوں‌نے اس حوالے سے میڈیا سے متعدد مرتبہ گفتگو کرکے لوگوں کا شکریہ ادا کیا ہے اور کہا ہے کہ میں سوچ بھی نہیں سکتا تھا کہ میرے کیرئیر کے تیس سال کے بعد بھی آپ سب مجھے اتنا پیار دیں گے. فلم پٹھان نے بالی وڈ میں کامیابی کے جو نئے ریکارڈز قائم کئے ہیں اسکو توڑنا مشکل ہی نہیں ناممکن ہے.

  • سنجے دت بھی پٹھان کی تعریف کیے بغیر نہ رہ سکے

    سنجے دت بھی پٹھان کی تعریف کیے بغیر نہ رہ سکے

    بالی وڈ اداکار سنجے دت نے بھی فلم پٹھان کی تعریفوں کے پل باندھ دئیے ہیں ، انہوں نے اس فلم کی کامیابی پر خوشی کا اظہار کرتے ہوئے کہا ہے کہ یہ وقت سیلبریشن کا ہے . اور میں داد دیتا ہوں شاہ رخ خان سمیت انکی پوری ٹیم کو کہ وہ آڈینز کو سینما گھروں تک لانے میں‌کامیاب ہو گئے ہیں. سنجے دت نے کہا کہ کافی عرصے کے بعد کسی فلم نے شائقین کو سینما گھروں تک آنے کے لئے مجبور کر دیا ہے. انہوں نے شاہ رخ خان کی بھی دل کھول کر تعریف کی اور کہا کہ اب شائقین کے اس طرح سینما گھروں میں آنے کو مسلسل برقرار رکھنا ہو گا اور یقینا یہ ایک چیلنج ہو گا . انہوں نے کہا کہ مجھے بہت امید ہے کہ اب شائقین ہندی فلموں کو دیکھنے کےلئے سینما گھروں کا رخ کریں گےاور بائیکاٹ کلچر سے باہر نکل آئیں گے. سنجے دت نے کہا کہ پٹھان کی پوری ٹیم کے لئے تالیاں ہونی چاہیے.

    یاد رہے کہ فلم پٹھان بالی کی اس سال کی پہلی فلم بن گئی ہے جس نے اتنے بڑے پیمانے پر بزنس کیا ہے اب اس کے بعد جتنی بھی فلمیں ریلیزہوں گی یقینا وہ باقی سٹارز اور فلم میکرز کے لئے ایک چیلنج ہی ہوگا. فلم پٹھان ابھی تک 600 کروڑ سے اوپر تک کا بزنس کر چکی ہے اور مسلسل لوگ دیوانہ وار فلم کو دیکھنے کےلئے سینما گھروں‌کا رخ کررہے ہیں.

  • آسٹریلوی کرکٹر پٹھان بن گئے

    آسٹریلوی کرکٹر پٹھان بن گئے

    فلم پٹھان نے ساری دنیا کو دیوانہ کر کے رکھ دیا ہے، اس فلم نے بھارت سمیت پوری دنیا میں 600 کروڑ سے زائد کا بزنس کر لیا ہے. فلم کامیابی سے سینما گھروں میں جاری ہے. پٹھان کی کامیابی نے شاہ رخ خان کی بادشاہت کو ایک بار پھر ثابت کر دیا ہے. جیسا کہ شاہ رخ خان کے مداح پوری دنیا میں پائے جاتے ہیں اور پٹھان کا جادو ہر کسی کے سر پر چڑھا ہوا ہے ایسے میں آسٹریلوی کرکٹر بھی کسی سے پیچھے نہیں رہے. آسٹریلوی کرکٹر ڈیوڈ وارنر نے شاہ رخ‌خان کا روپ دھار لیا ہے انہوں نے پٹھان میں جو شاہ رخ خان نے روپ دھارا ہے ویسا روپ دھار کر انسٹاگرام پر تصاویر شئیر کیں. ڈیوڈ وارنر کو شاہ رخ خان کے گیٹ اپ میں دیکھ کر

    ان کے مداحوں نے خوب سراہا، اس کے علاوہ شاہ رخ خان کے مداحوں نے بھی ڈیوڈ وارنر کو خوب سراہا. یاد رہے کہ ڈئوڈ ورانر نے جو تصاویر انسٹاگرام پر شئیر کی ہیں اس میں انہوں نے مکمل طور پر شاہ رخ خآن جیسی نہ صرف ڈریسنگ کی ہے بلکہ ہئیر سٹائل بھی ویسا ہی بنایا ہوا ہے . ڈیوڈ‌وارنر کی یہ تصاویر سوشل میڈیا پر کافی وائرل ہو وہی ہیں.

  • پٹھان نے 600 کروڑ کما لیا

    پٹھان نے 600 کروڑ کما لیا

    بالی وڈ کنگ شاہ رخ خآن کی فلم پٹھان نے بھارت سمیت دنیا بھر میں دھوم مچا رکھی ہے. پہلی ہی دن 600 کروڑ روپے سے زائد کا بزنس کرنے والی پٹھان ہر گزرتے دن کے ساتھ کامیابی کے نئے ریکارڈز بنا رہی ہے. پچھلا سال بالی وڈ کے لئے بہت مایوس کن رہا ، سوائے کارتک آریان اور عالیہ رنبیر کے کسی بھی بالی وڈ سٹار کی فلم کامیاب نہیں ہو سکی. یہاں تک کہ اکشے کمار کی رکشا بندھن اور عامر خان کی لال سنگھ چڈھا کو ناکامی کا سامنا کرنا پڑا. بائیکاٹ ٹرینڈ گزشتہ برس عروج پہ رہا. لیکن اس سال بائیکاٹ ٹرینڈ کو پٹھان نے کک آئوٹ کروا دیا ہے اور فلم سپر ہٹ ہو گئی ہے شاہ رخ خان کی توقعات سے زیادہ فلم نے بزنس کیا ہے. تازہ اطلاعات ہیں ایک ہفتے میں فلم میں 600 کروڑ روپے کا بزنس کر لیا

    ہے. اور مسلسل فلم سینما گھروں کے ہر شو میں رش لے رہی ہے. دیپیکا اور شاہ رخ خان فلم کی کامیابی پر نہایت خوش ہیں انکا کہنا ہے کہ ہم شکر گزار ہیں کہ ہمیں‌ہمارے مداحوں نے اسقدر عزت بخشی. دونوں ہی حالیہ انٹرویو میں فلم کی کامیابی پر خاصے ایموشنل نظر آئے.شاہ رخ خان کی آخری ہٹ فلم 2012 میں آئی تھی یوں دس سال کے بعد کنگ خان کی کوئی فلم سپر ہٹ ہوئی ہے.

  • انٹرویو کے دوران دیپیکا پڈوکون کی آںکھیں چھلک پڑیں

    انٹرویو کے دوران دیپیکا پڈوکون کی آںکھیں چھلک پڑیں

    بالی وڈ اداکارہ دیپیکا پڈوکون جن کی فلم پٹھان نے کامیابی کے نئے ریکارڈ قائم کئے ہیں وہ اس کی کامیابی پر کافی خوش ہیں. حال ہی میں انہوں نے ایک انٹرویو دیا اس انٹرویو میں ان کے سامنے آڈینز موجود تھی جب انٹرویو کے دوران ہی انہوں نے دیپیکا کے نعرے لگانا شروع کر دئیے تو دیپیکا کی آنکھیں آنسوئوں سے چھلک پڑیں. انہوں نے کہا کہ فلم پٹھان کی کامیابی پر نہ صرف دل خوش ہے بلکہ ایسا لگ رہا ہے کہ جیسے ملک میں‌کوئی فیسیٹول ہے اور لوگ فیسٹیول منا رہے ہیں. مجھے بہت خوشی ہے کہ پٹھان نے ہمارے دیش کی جنتا کو ایک کر دیا

    اور سب ہی سینما گھروں کا نہ صرف رخ کررہے ہیں بلکہ اس فلم کے گیتوں اور ہر سین پر تالیاں بجا رہے ہیں. میرے مداحوں نے ہمیشہ مجھے بہت پیار دیا ہے اور اس بار جو پیار دیا ہے اس پر دل بے حد خوش ہے. یاد رہے کہ فلم پٹھان کی ریلیز کوایک ہفتہ ہو گیا ہے اور اس دوران اس نے ساڑھے پانچ سو کروڑ کے قریب بزنس کر لیا ہے. اور اس وقت بھارت میں صرف دو ہی سٹارز کے نام کا ڈنکا بج رہا ہے اور وہ ہیں شاہ رخ خان اور دیپیکا پڈوکون.

  • دکھ اور سکھ دونوں حالتوں میں اپنی بالکنی میں آجاتا ہوں شاہ رخ‌ خان

    دکھ اور سکھ دونوں حالتوں میں اپنی بالکنی میں آجاتا ہوں شاہ رخ‌ خان

    شاہ رخ خان جن کی فلم پٹھان نے پہلے ہفتے ہی پانچ سو کروڑ‌کما لیےہیں انہوں‌نے حال ہی میں دیپیکا کے ہمراہ ایک انٹرویو دیا ہے اس میں انہوں نے کہا ہے کہ میری فلم ہٹ ہو یا فلاپ مجھے لوگوں نے ہمیشہ بہت زیادہ محبت دی ہے . میری خوش نصیبی ہے کہ مجھے دنیا بھر سے لاکھوں کروڑوں اربوں لوگوں کا پیار ملتا ہے. جب میں اداس ہوتا ہوں یابہت خوش ہوتا ہوں تو اپنے گھر کی بالکنی میں‌چلا جاتا ہوں. مجھے لگتا ہے کہ میرے گھر کی بالکنی کا خدا نے مجھے ہمیشہ کے لئے ٹکٹ‌دے رکھا ہے. انہوں نے یہ بھی کہا کہ مجھے کسی نے کہا کہ جب آپ اداس ہوں تو ان کے پاس جائیں جو آپ کو پیار دیتے ہیں تو میں اداس ہونے پر ان لوگوں‌کے پاس چلا جاتا ہوں جن سے مجھے محبت ملتی ہے. انہوں نے کہا کہ فلم

    پٹھان کے سیٹ‌پر میرے ساتھ بہت تعاون کیا گیا میرے کو سٹارز ہوں یا ٹیکنیشنز سب یہی کہتے رہے کہ یہ فلم خدا کرے شاہ رخ کے لئے اچھی ثابت ہو جائے، اور ایسا ہی ہوا، آپ سب نے مجھے جتنی محبت ہمیشہ دی ہے میں اسکو نہیں بھلا سکتا. شاہ رخ خان نے کہا کہ میں دن میں کئی مرتبہ اداس ہوتا ہوں ، کئی مرتبہ گرتا ہوں پھر سنبھلتا ہوں لیکن کام کرنے کی کوشش جاری رکھتا ہوں میرا یہ یقین اور ایمان ہے کہ کامیابی اور ناکامی اللہ کے ہاتھ میں ہے.