Tag: PMLN

بلاول بھٹو نے بھی حکومت کی مدت کے اختتام کا عندیہ دے دیا
اسلام آباد میں ڈپلومیٹک کور کے اعزاز میں عشائیے کی تقریب سے خطاب کرتے ہوئے وزیر خارجہ بلاول بھٹو نے کہا کہ دنیا کے ساتھ اچھے تعلقات کے خواہاں ہیں اور ہمسائیہ ممالک کے ساتھ اچھے تعلقات چاہتے ہیں، 15 ماہ میں عالمی سطح پر خارجہ تعلقات میں بہتری آئی۔ بلاول بھٹو نے مزید کہا کہ ہم اپنی حکومت کی مدت کے اختتام کے قریب ہیں، بطور وزیر خارجہ دنیا کے مختلف ممالک کا دورہ کیا اور دنیا سے پاکستان کے تعلقات بہتر بنانے کی بھرپورکوشش کی۔
وزیرخارجہ کا کہنا تھا کہ موسمی تبدیلی کے باعث سیلاب سے بڑی تباہی کا سامنا کرنا پڑا، کوپ27 کانفرنس میں دوست ممالک نے تعاون کا وعدہ کیا جبکہ پاکستان نے آئی ایم ایف کے ساتھ کامیابی کے ساتھ معاہدہ کیا۔ جبکہ دوسری جانب حکومتی اتحاد میں شامل دو بڑی جماعتوں مسلم لیگ ن اور پیپلزپارٹی میں قومی اسمبلی تحلیل کرنے پر اتفاق کرلیا ہے۔ جبکہ فیصلے کے مطابق 12 اگست سے قبل قومی اسمبلی تحلیل کردی جائے گی اور الیکشن کے لیے 90 دن رکھے جائیں گے۔
تاہم خیال رہے کہ گزشتہ دنوں سابق وزیراعظم نوازشریف اور سابق صدرآصف علی زرداری کے درمیان حالیہ دنوں میں دبئی میں ہونے والی ملاقات انتخابات کے فوری انعقاد پر اتفاق ہوگیا جبکہ انتخابی اصلاحات اورنگران سیٹ اپ کے حوالے سے بھِی اہم معاملات طے پا گئے ہیں جبکہ ذرائع کا کہنا ہے کہ وفاق میں نگران سیٹ اپ میں ن لیگ کے تجویز کردہ افراد کی تعداد زیادہ ہوگی جبکہ پیپلزپارٹی اوردیگرجماعتوں کی نمائندگی تناسب کے حساب سے ہوں گی۔ نگران وفاقی حکومت الیکشن کمشن کے ساتھ مل کرانتخابات مقررہ وقت پرکرائے گی۔
مزید یہ بھی پڑھیں؛
پشاور ، حیات آباد میں دھماکا، 8 افراد زخمی
لون ایپ سے متاثرہ شہری کی خودکشی کیس،ملزمان کا ریمانڈ منظور
ہمارے ہاں 80% لوگ بے مقصد زندگی گزارتے ہیں زیبا بختیار
اسلام آباد؛ 8 سالہ بچی سے مبینہ زیادتی، مقدمہ درج
تاہم دوسری طرف وفاقی وزیر اطلاعات مریم اورنگزیب نے سماجی رابطے کی ویب سائٹ ٹویٹر پر 8 اگست کو قومی اسمبلی تحلیل کرنے کی خبروں کی تردید کردی۔ جبکہ دوسری جانب قومی اسمبلی کا اختتامی اجلاس 20 یا 21 جولائی کو بلائے جانے کا امکان ظاہر کیا جارہا ہے جبکہ قومی اسمبلی کا اختتامی اجلاس 20 یا 21 جولائی کو بلائے جانے کا امکان ہے، اور اس حوالے سے وزارت پارلیمانی امور نے سمری بھی وزیراعظم کو بھجوا دی ہے۔
ذرائع کا کہنا ہے کہ وزارت پارلیمانی امور نے قومی اسمبلی کے اختتامی اجلاس کے لئے وزیراعظم شہبازشریف کو سمری بھیج دی ہے، جس میں اجلاس کے لئے 20 اور 21 جولائی کی دونوں تاریخیں تجویز کی گئی ہیں۔ جبکہ ذرائع کے مطابق وزیراعظم اجلاس کی طلبی کے حوالے سے اپنی ایڈوائس صدر مملکت عارف کو جلد بھجوائیں گے ۔
جولائی 18, 2023
وزیراعظم سے آصف زرداری اور بلاول بھٹو کی ملاقات
وزیراعظم شہباز شریف سے سابق صدر آصف زرداری اور وزیر خارجہ بلاول بھٹو کی ملاقات ہوئی ہے جس میں نگراں سیٹ اپ پر مشاورت کی گئی ہے جبکہ سابق صدر آصف زرداری اور پیپلز پارٹی کے چیئرمین بلاول بھٹو وزیراعظم ہاؤس پہنچے جہاں انہوں نے وزیراعظم شہباز شریف سے ملاقات کی، جس میں ملکی سیاسی صورتحال پر تبادلہ خیال کیا گیا۔
ملاقات میں نگران حکومت کے قیام اور قومی اسمبلی کی تحلیل سمیت اہم امور پر گفتگو کی گئی علاوہ ازیں ملاقات میں پی ڈی ایم کا سربراہی اجلاس بلانے کی تجویز پر بھی تبادلہ خیال کیا گیا۔ دوسری جانب وفاقی وزیر خزانہ اسحاق ڈار نے کہا کہ پاکستان بالکل سیف زون میں ہے اور شہباز شریف حکومت کی مینجمنٹ کی وجہ سے ملک ڈیفالٹ نہیں کیا۔
مزید یہ بھی پڑھیں؛
پشاور ، حیات آباد میں دھماکا، 8 افراد زخمی
لون ایپ سے متاثرہ شہری کی خودکشی کیس،ملزمان کا ریمانڈ منظور
ہمارے ہاں 80% لوگ بے مقصد زندگی گزارتے ہیں زیبا بختیار
اسلام آباد؛ 8 سالہ بچی سے مبینہ زیادتی، مقدمہ درج
اپنے ایک بیان میں وزیر خزانہ نے کہا کہ کرنٹ اکاؤنٹ خسارہ 2 ارب 56 کروڑ ڈالر رہا ہے اور حکومتی کاوشوں سے کرنٹ اکاؤنٹ خسارے میں کمی آئی، جون میں کرنٹ اکاؤنٹ سرپلس 334 ملین ڈالر رہا، پچھلے 4 ماہ میں کرنٹ اکاؤنٹ سرپلس رہا اور مالی سال2022-23 کا کرنٹ اکاؤنٹ خسارا 2.56ارب ڈالر رہا جب کہ گزشتہ مالی سال کے مقابلے میں کرنٹ اکاؤنٹ خسارا تقریباً 14.65 فیصد کم ہوا۔
جولائی 18, 2023
ملک خدابخش لہڑی پیپلز پارٹی میں شامل
سابق ناظم اور میٹرو پولیٹن کارپوریشن کے اپوزیشن لیڈر ملک خدابخش لہڑی پیپلز پارٹی میں شامل ہوگئے ہیں جبکہ آئندہ عام انتخابات سے قبل ملک بھر میں سیاسی جوڑ توڑ کا سلسلہ جاری ہے، اور مختلف سیاسی رہنما ایک سے دوسری جماعتوں میں شمولیت اختیار کررہے ہیں، کوئٹہ کے سابق ناظم اور میٹروپولیٹن کارپوریشن کے اپوزیشن لیڈر ملک خدابخش لہڑی بھی پیپلزپارٹی میں شامل ہوگئے ہیں۔
اس موقع پر ملک خدا بخش لہڑی سیاسی اقدار اور کارکنوں کی قدر کرنے والی جماعت میں شامل ہورہا ہوں، کوئٹہ میں پارٹی کو مضبوط اور مستحکم بنائیں گے۔ میر چنگیز جمالی کا کہنا تھا کہ کوئٹہ سمیت بلوچستان بھر میں مسائل کے انبار ہیں، پیپلز پارٹی اقتدار میں آکر ان مسائل کے حل کی بنیاد رکھے گی، عام انتخابات کی تیاریاں شروع کردی ہیں عوام کی طاقت سے بلوچستان میں پیپلز پارٹی منتخب ہو کر حکومت بنائے گی۔
رکن ایگزیکٹو کمیٹی سید حسنین ہاشمی کا کہنا تھا کہ سیاسی کارکن ہمارا اثاثہ ہیں، ان کی قدر کرتے ہیں، کارکنوں اور عوام کے اعتماد کو ٹھیس نہیں پہنچائیں گے، وزیراعلیٰ بلوچستان کے ساتھ ساتھ کوئٹہ کا میئر بھی پیپلز پارٹی سے ہوگا۔ دوسری جانب پشاور سے تعلق رکھنے والے سینئر سیاستدان حاجی شیر رحمان نے اے این پی کو خیرباد کہہ دیا، اور مسلم لیگ ن میں شمولیت کا اعلان کردیا۔
مزید یہ بھی پڑھیں؛
شاہراہ قراقرم؛ سیاحوں کی گاڑی کو حادثہ 6 افراد جانبحق
بیوی کے ساتھ کیسے پیش آیا جائے بیٹے کو بتاتی رہتی ہوں غزل صدیق
سلمان خان نےفالج کے بعد میرے اسپتال کے بل ادا کیے، اورکسی جگہ اس کی تشہیر بھی نہیں کی،راہول رائے
معیشت مضبوط ہوگی تو قرض سے نجات ملے گی۔ وزیراعظم
فضائی میدان میں 3 عرب ممالک 20 طاقتور ترین ملکوں میں شامل
9 خصوصی اقتصادی زونز پر کام جاری. احسن اقبال
شیر رحمان مئیر پشاور کیلئے اے این پی کے امیدوار تھے۔ وزیر اعظم کے مشیر اور مسلم لیگ ن خیبر پختونخوا کے صدر امیر مقام پشاور میں شمولیتی جلسہ سے خطاب کرتے ہوئے کہا کہ پاکستان کو ڈیفالٹ سے بچانے میں نواز شریف کا کرداراہم ہے، انہوں نے ہمیشہ ملک کو بحران سے نکالا، اور ایک مرتبہ پھر آئی ایم ایف کا کشکول توڑ دیں گے۔ امیر مقام نے کہا کہ آئندہ عام انتخابات میں مرکز اور صوبہ دونوں شیر کے ہوں گے۔
جولائی 16, 2023
عمران خان کی نفرت کی سیاست 9 مئی کو بے نقاب ہوگئی. رانا ثناءاللہ
وفاقی وزیر داخلہ رانا ثناءاللہ کا کہنا ہے کہ چیئرمین پی ٹی آئی نے آتے ہی نفرت کی سیاست شروع کی، جو 9 مئی کو کھل کر سامنے آگئی ہے خیال رہے کہ فیصل آباد کے نواحی گاؤں میں عوامی اجتماع سے خطاب کرتے ہوئے وزیرداخلہ رانا ثنااللہ کا کہنا تھا کہ اس وقت ملک بحرانی کیفیت میں ہے، آئی ایم ایف سے معاہدے میں ہمیں تقریبا ایک سال لگا ہے اور اب عمران خان کے آئی ایم ایف سے معاہدے کا خمیازہ پوری قوم نے بھگتا۔
رانا ثنااللہ نے مزید کہا کہ ماضی کی حکومت نے آئی ایم ایف سے بجلی پر تمام سبسڈی ختم کرنے اور گیس کے بل بڑھانے کا بھی معاہدہ کیا تھا، لیکن پھر اس معاہدے کی خلاف ورزی کی گئی، جس سے عام آدمی کی مشکلات میں اضافہ ہوا۔
مزید یہ بھی پڑھیں؛
شاہراہ قراقرم؛ سیاحوں کی گاڑی کو حادثہ 6 افراد جانبحق
بیوی کے ساتھ کیسے پیش آیا جائے بیٹے کو بتاتی رہتی ہوں غزل صدیق
سلمان خان نےفالج کے بعد میرے اسپتال کے بل ادا کیے، اورکسی جگہ اس کی تشہیر بھی نہیں کی،راہول رائے
معیشت مضبوط ہوگی تو قرض سے نجات ملے گی۔ وزیراعظم
فضائی میدان میں 3 عرب ممالک 20 طاقتور ترین ملکوں میں شامل
9 خصوصی اقتصادی زونز پر کام جاری. احسن اقبال
وفاقی وزیر رانا ثناء اللہ کا مزید کہنا تھا کہ یہ عمران خان کہتا تھا کہ 1 کروڑ نوکریاں دوں گا، 50 لاکھ گھر دوں گا، لیکن اس آدمی نے آتے ہی نفرت کی سیاست شروع کی، اور کہا کہ میں سب کو جیلوں میں ڈالوں گا، سوشل میڈیا پر گھٹیا مہم اس نے چلائی، اور گالم گلوچ بریگیڈ بنایا، وہ نفرت 9 مئی کو کھل کر سامنے آگئی۔
جولائی 16, 2023
نگراں حکومت 60 سے 90 روز میں انتخابات کرادے گی. وزیر دفاع
وزیر دفاع خواجہ آصف کا کہنا ہے کہ نگراں وزیراعظم کون ہوگا ابھی اس کا فیصلہ نہیں ہوا ہے، نگراں حکومت 60 سے 90 روز میں انتخابات کرادے گی۔ نجی چینل سے گفتگو کرتے ہوئے خواجہ آصف نے کہا کہ چیئرمین پی ٹی آئی سال سوا سال سے پراکسی وار کر رہے ہیں، اداروں کا ردعمل جانچنے کے لیے یہ اپنے لوگوں سے ٹویٹ کراتے ہیں، یہ چاہتے ہیں کہ پاکستان غیرمستحکم رہے۔
خواجہ آصف نہر میں چھلانگیں کب سے لگا رہے ہیں؟
بغیر سیکیورٹی کے خواجہ آصف کی نہر میں چھلانگیں pic.twitter.com/UctoUJRSO0
— Geo News Urdu (@geonews_urdu) July 13, 2023

وزیر دفاع نے کہا کہ چیئرمین پی ٹی آئی نے صرف دفاعی اداروں کو ہدف بنایا ہوا ہے،9 مئی کو زیادہ تر دفاعی اداروں کو نشانہ بنایا گیا، چیئرمین پی ٹی آئی کو جتنا ریلیف عدلیہ سے ملا آج تک کسی کو نہیں ملا۔ خواجہ آصف کا کہنا تھا کہ اسرائیل کا ایجنڈا چیئرمین پی ٹی آئی پورا کررہے ہیں، اسرائیل کو فکر ہے پاکستان میں ان کا ایجنڈا روکا جا رہا ہے۔
مزید یہ بھی پڑھیں؛
کبری خان اور میں شادی نہیں کررہے گوہر رشید
فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
ڈالر کے مقابلہ میں روپے کی قدر میں مزید بہتری
شہر یار آفریدی کی ہمشیرہ انتقال کر گئیں
ان کا مزید کہنا تھا کہ نگراں وزیراعظم کون ہوگا ابھی اس کا فیصلہ نہیں ہوا، نگراں حکومت 60 سے 90 روزمیں انتخابات کرادے گی۔ وزیر دفاع نے یہ بھی کہا کہ پاکستان نے افغانستان کی جنگ اپنی سرزمین پر لڑی ہے، افغان حکومت اپنی سرزمین کسی اور ملک میں دہشت گردی کے لیےاستعمال نہ ہونے دے۔
جولائی 14, 2023
عمران خان نے نواز شریف کو اپنے مقابلے میں الیکشن لڑنے کا چیلنج کردیا
سابق وزیر اعظم اور تحریک انصاف کے سربراہ عمران خان نے سابق وزیر اعظم، قائد مسلم لیگ ن، نواز شریف بارے اپنے ایک ویڈیو بیان میں کہا ہے کہ "میں نواز شریف کو چیلنج کرتا ہوں کہ وہ پاکستان آئے اور اپنی مرضی کے حلقے سے میرے ساتھ الیکشن لڑے، میں اس الیکشن کی کیمپین بھی نہیں کروں گا اور ان سے جیت جاؤں گا.”
میں نواز شریف کو چیلنج کرتا ہوں کہ وہ پاکستان آئے اور اپنی مرضی کے حلقے سے میرے ساتھ الیکشن لڑے، میں اس الیکشن کی کیمپین بھی نہیں کروں گا۔۔۔۔ عمران احمد خان نیازی 🔥🔥🔥🔥#خان_کا_آنا_ضروری_ہے pic.twitter.com/kB3os9h3X1
— Ali Malik (@AliHasnainMalik) July 12, 2023
عمران خان نے مزید کہا کہ لیول پلائینگ فیلڈ تب ہوگی جب نواز شریف واپس آجائے گا لیکن اب سب کے کیسز تو ختم کروا دیئے ہیں پھر ایسی کونسی بات ہے کہ اب تک وہ واپس نہیں آرہے ہیں، چوری کرکے اب جیل سے ڈرتا ہے اور کہتا ہے کہ اگر مجھے جیل نہ بھیجا تو میں نے مر جانا ہے اگر مجھے برطانیہ نہ بھیجا گیا تو.
مزید یہ بھی پڑھیں؛
سیاسی جماعت پر پابندی،ایاز صادق نے اعلان کر دیا
یوکرینی وزیر خارجہ رواں ماہ پاکستان کا دورہ کریں گے
کوئی بتا دے ریاست پر حملہ کرنا جرم ہے یا نہیں؟ جاوید لطیف
جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
پاکستان اور سری لنکن بورڈ الیون کا دو روزہ میچ ڈرا
تاہم خیال رہے کہ ایسا پہلی بار نہیں عمران خان نے نواز شریف کو چیلنج کیا ہے جبکہ اس سے قبل نومبر 2021 میں بھی چیئرمین تحریک انصاف کے عمران خان نے نواز شریف کو چیلنج کیا تھا کہ تم جب بھی واپس آؤ گے، تمہارے حلقے میں تمہیں ہراؤں گا۔ عمران خان نے حقیقی آزادی مارچ کے شرکاء سے خطاب کرتے ہوئے کہا تھا کہ میں نواز شریف نہیں جو ملک سے باہر بھاگ جاؤں گا، نواز شریف نے مشرف کے گھٹنے پکڑ کر این آراو لیا تھا.
عمران خان نے یہ بھی کہا تھا کہ ہم سب ملکر ڈاکو نواز شریف کا استقبال کریں گے، سیدھا ایئر پورٹ سے تمہیں اڈیالہ جیل لیکرجائیں گے۔
جولائی 12, 2023
وفاقی حکومت کو 8 اگست کو تمام اسمبلیاں تحلیل کرنے کی تجویز
وفاقی وزیر تجارت نوید قمر کا دعویٰ ہے کہ وفاقی حکومت کو 8 اگست کو تمام اسمبلیاں تحلیل کرنے کی تجویز دے دی ہے واضح رہے کہ پارلیمنٹ ہاؤس میں غیر رسمی گفتگو کرتے ہوئے یپلز پارٹی کے رہنما نوید قمر کا کہنا تھا کہ وفاقی حکومت کو 8 اگست کو اسمبلیاں تحلیل کرنے کی تجویز دے دی ہے، اسمبلیاں تحلیل کرنے کا فیصلہ وفاقی حکومت کو کرنا ہے، تاہم انتخابات سے قبل انتخابی اصلاحات چاہتے ہیں، آر ٹی ایس سسٹم جیسے معاملہ اہم ہے۔
نوید قمر کا کہنا تھا کہ موجودہ سیٹ اپ میں مزید توسیع کی حمایت نہیں کرتے، نگراں سیٹ اپ کسی صورت آئینی مدت سے آگے نہیں جانا چاہیے، موجودہ اسمبلی میں توسیع پر قانون سازی پر اصولی موقف سے پیچھے نہیں ہٹیں گے۔ جبکہ ادھر دوسری جانب وفاقی وزیر قانون اور ن لیگ کے رہنما اعظم نذیرتارڑ نے میڈیا سے بات کرتے ہوئے کہا ہے کہ اسمبلی اپنی مدت پوری کرے گی، اور اس کی مدت میں کوئی اضافہ نہیں کیا جارہا، اسمبلی تحلیل سے متعلق علم غیب کسی کے پاس نہیں ہوتا، حالات کے مطابق فیصلہ ہوتا ہے۔
مزید یہ بھی پڑھیں؛
سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار
سرکاری ملازمین کا دوسرے روز بھی مطالبات کی منظوری کے لئے احتجاج
پیپلز پارٹی کی حکومت نے شہر میں امن و امان بحال کیا،وزیراعلیٰ سندھ
چیئرمین پی ٹی آئی جیسا ڈکٹیٹر ملکی تاریخ میں پیدا نہیں ہوا، شرجیل میمن
موسم گرما میں حاملہ خواتین کے لئے قدرتی مشروبات
سویڈن میں اسلام دشمن سرگرمی پر جنرل ہسپتال میں ہیلتھ پروفیشنلز کی احتجاجی ریلی
کویت کا سویڈش زبان میں قرآن کریم کے ایک لاکھ نسخے شائع کرنے کا اعلان
وفاقی وزیر قانون نے کہا کہ الیکشن ایکٹ میں کچھ چھوٹی چھوٹی بے قاعدگیاں ہیں، الیکشن قوانین میں کوئی تبدیلی نہیں کرنے جارہے۔
جولائی 11, 2023
مولانا فضل الرحمان کے شکوے، وزیر اعظم سے ملاقات
مسلم لیگ نواز کے قائد نوازشریف، مریم نواز اوردیگر کی دبئی میں پاکستان پیپلزپارٹی کے شریک چیئرمین آصف زرداری اور وزیر خارجہ بلاول بھٹو زرداری کی ملاقاتوں اور ان میں آئندہ انتخابات سے متعلق ہونے والے مذاکرات پر تحفظات کے اظہارکے بعد مولانا فضل الرحمن اورمولانا اسعد محمود کی وزیراعظم شہبازشریف سے ملاقات ہوئی ہے جبکہ ملاقات میں ملکی موجودہ سیاسی صورتحال اوراتحادی امورپربات چیت پر وزیراعظم مولانا فضل الرحمان کو موجودہ صورتحال پراعتماد میں لیں گے۔
اس ملاقات میں دبئی مذاکرات ، آئندہ عام انتخابات اور مستقبل کی سیاسی حکمت عملی پر تفصیلی مشاورت ہوئی ، سربراہ پی ڈی ایم نےمستقبل کے سیاسی لائحہ عمل پر مشاورت نہ کرنے کے گلے شکوے کئے ۔ وزیر اعظم شہباز شریف نے پی ڈی ایم سربراہ اور جمعیت علمااسلام کے سربراہ کو میاں نواز شریف کا پیغام بھی پہنچایا، وزیر اعظم نے مولانا فضل الرحمان کو ، دبئی میں میاں نواز شریف کی ملاقاتوں پر بریف کیا ۔ اور یقین دہانی کرائی کہ نگران سیٹ اپ اور عام انتخابات کےحوالے سے فیصلے مشاورت سےکئےجائیں گے۔
وزیراعظم کا مشکل فیصلوں میں ساتھ کھڑے ہونے پرمولانا کو خراج تحسین پیش کیا۔اور کہا ملک کو معاشی مشکلات سے نکالنا اور آئی ایم ایف کے ساتھ معاہدہ کرنا اتحادیوں کے تعاون سے ممکن ہوا ۔ مولانا فضل الرحمٰن نے ملک کو معاشی مشکلات سے نکانے اور ترقی کی راہ پر گامزن کرنے پر وزیراعظم اور اتحادی حکومت کی تعریف کی ۔سویڈن میں قرآن پاک کی بے حرمتی کے واقعے پر حکومت کے سخت ردعمل کو درست قرار دیا ،سویڈن کے انتہائی افسوسناک واقعہ پر وزیراعظم کا بیانیہ قابلِ تعریف ہے ۔
جبکہ اس سے قبل ترجمان جے یو آئی اسلم غوری نے مولانا فضل الرحمان کی گزشتہ روز کی صحافیوں سے غیررسمی گفتگو پرردعمل میں کہا کہ مولانا کی گفتگو کو سیاق و سباق سے ہٹ کر پیش کیا گیا، ‎دبئی مذاکرات سےصرف جےیوآئی نہیں پوری پی ڈی ایم لاعلم ہے۔ ترجمان جے یوآئی نے کہا کہ مذاکرات کے لیے اعتماد میں نہ لینے پر تحفظات ہمارا حق ہے،جےیوآئی کےنزدیک اسمبلیوں کی مدت بڑھانا اور الیکشن کا التوا سیاسی نقصان ہوگا، ‎پنجاب اورخیبرپختونخواالیکشن پر اتحادی حکومت کا موقف مشترکہ تھا،ہمارا موقف اسٹریٹ پاورسے حکومت گرانا اورالیکشن کرانا تھا۔
مزید یہ بھی پڑھیں؛
ایکسپریس ٹرینوں کی وقت کی پابندی 59فیصد سے کم
عالمی ریٹنگ ایجنسی کی رپورٹ میں پی ٹی آئی احتجاج کا بھی ذکر
سونا ایک بار پھر مہنگا ہونے لگا
سوات مینگورہ لینڈ سلائیڈنگ ،چار بچوں کی دب جانے کی اطلاع
ڈالر 250 روپے کی سطح پر آنے کی پیش گوئی
ترجمان اسلم غوری نے کہا کہ عدم اعتماد کا راستہ ہمارا نہیں آصف علی زرداری کا تھا،‎وقت بتائے گا عدم اعتماد کے موقف کے پیچھے کون کون سی طاقتیں تھی،‎وزیراعظم کا اسمبلیوں کی مدت کےخاتمےکا بیان باہمی مشاورت سےتھا۔
جولائی 10, 2023
عمران خان نے ہماری حکومت چلانے میں آسانیاں پیدا کیں۔ خواجہ آصف
وزیر دفاع خواجہ آصف نے بتایا ہے کہ کس طرح چیئرمین پاکستان تحریک انصاف عمران خان نے پاکستان ڈیموکریٹک موومنٹ (پی ڈی ایم) کو حکومت چلانے میں آسانیاں پیدا کیں ہیں جبکہ نجی ٹی وی سے گفتگو کرتے ہوئے وزیر دفاع خواجہ آصف کا کہنا تھا کہ چیئرمین پی ٹی آئی اس وقت پراکسی کے ذریعے پروپیگنڈا کر رہے ہیں، 9 مئی کو جو ان لوگوں نے کیا، اللہ کے فضل سے ناکام ہوا، ناکامی کے بعد دوبارہ یہ پلان پراکسی کے ذریعے لانچ کیا گیا ہے۔
ان کا کہنا تھا پچھلے سال سے چیئرمین پی ٹی آئی کو سیاسی یتیمی تنگ کر رہی ہے، عدم اعتماد کے بعد یہ اپوزیشن میں بیٹھ جاتے تو کیا ہماری گورنمنٹ 14ماہ چل سکتی تھی؟ اسمبلیاں توڑی گئیں تو ہمارے لیے آسانی پیدا ہوئی، اس شخص کو سیاست کی زیر زبر معلوم نہیں، اس شخص نے آرمی چیف کی تقرری پر بھی تماشا کیا۔
مزید یہ بھی پڑھیں؛
خطرناک اشتہاری ملزم کو دبئی سے گرفتار کرلیا گیا
چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
افغانستان کر کٹ ٹیم نے تین میچز کی سیریز اپنے نام کر لی
یونان کشتی حادثہ؛ جاں بحق 15 مزید پاکستانیوں کی شناخت
بے اولادی کے طعنے پر 3 پڑوسیوں کو قتل کرنے والا ملزم گرفتار
محمد رضوان کو سری لنکا کیخلاف ٹیسٹ سیریز میں کھلانے پر غور
انہوں نے مزید کہا کہ کل آئی ایم ایف کے ساتھ زوم پر جو لوگ تھے سب مفرور ہیں، ہم پر بھی مشکل وقت آیا، ہم نے عزت آبرو سےکاٹا، خدشہ ہے یہ شخص یہاں رکےگا نہیں، یہ انتہائی ڈپریسڈ شخص ہے۔ وزیر دفاع کا کہنا تھا مصیبت یہ ہے کہ اب ان کو کوئی گود لینے کو تیار نہیں ہے، ان کے خلاف ضرور اقدامات کیے جائیں گے، یہ ملک کے خلاف کھیل کھیل رہے ہی
جولائی 9, 2023
اب پی ڈی ایم کی ضرورت باقی نہیں رہی. مولانا فضل الرحمان
پاکستان ڈیمو کریٹک موومنٹ کے سربراہ اور جمعیت علمائے اسلام (ف) امیر مولانا فضل الرحمان نے کہا ہے کہ پی ڈی ایم ایک تحریک تھی اب اس کی ضرورت باقی نہیں رہی، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، دبئی میں ہونے والے میٹنگ میں پی ڈی ایم کو اعتماد میں کیوں نہیں لیا گیا۔
پشاور میں سینئر صحافیوں کے ساتھ غیر رسمی گفتگو کرتے ہوئے انہوں نے کہا کہ یہ سوال پی ڈی ایم میں موجود ہے کہ مسلم لیگ ن نے اب تک اتحاد میں شامل جماعتوں کو دبئی میں ہونے والی میٹنگ کے حوالے سے اعتماد میں کیوں نہیں لیا۔ دبئی مذاکرات اچانک نہیں بلکہ منصوبہ بندی سے ہوئے اس لیے سب کواعتماد میں لیا جانا چاہیے تھا۔ پی پی ہمارے اتحاد کا حصہ نہیں اس لیے دبئی مذاکرات کے بارے میں نہیں پوچھ سکتے۔پی ڈی ایم ایک تحریک تھی اب اس کی ضرورت باقی نہیں رہی۔
ایک سوال کے جواب میں مولانا فضل الرحمان نے کہا کہ عام انتخابات وقت پر ہوں گے، جلد مرکز، سندھ اوربلوچستان میں نگران حکومتیں قائم آ جائیں گی، ملک میں معیشت بہتر ہونا شروع ہو گئی ہے۔ جبکہ ایک اور سوال کے جواب میں پاکستان تحریک انصاف کے چیئر مین پر تنقید کرتے ہوئے پی ڈی ایم کے سربراہ نے کہا کہ عمران خان امریکا کوگالی بھی دیتاہے اور اس سے یاری بھی گانٹھی جارہی ہے، عجیب بات ہے کہ وہ عالمی برادری جو قران پاک کی توہین کرتی ہے وہی چیئرمین پی ٹی آئی کی حمایت بھی کرتی ہے۔چیئرمین پی ٹی آئی سی پیک اورسرمایہ کاری روکتا ہے اسکے قول وفعل میں تضاد ہے، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، چیئرمین پی ٹی آئی کو را اور موساد کی سپورٹ حاصل تھی اور آج بھی حاصل ہے۔امید ہے کہ قوم عام انتخابات میں اس فتنے سے ملک کومحفوظ رکھے گی۔
مزید یہ بھی پڑھیں؛
خطرناک اشتہاری ملزم کو دبئی سے گرفتار کرلیا گیا
چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
افغانستان کر کٹ ٹیم نے تین میچز کی سیریز اپنے نام کر لی
یونان کشتی حادثہ؛ جاں بحق 15 مزید پاکستانیوں کی شناخت
بے اولادی کے طعنے پر 3 پڑوسیوں کو قتل کرنے والا ملزم گرفتار
محمد رضوان کو سری لنکا کیخلاف ٹیسٹ سیریز میں کھلانے پر غور
علاوہ ازیں امیر جے یو آئی ف کا کہنا تھا کہ ہم 2018 اتخابات کے بعد اسمبلیوں کی رکنیت کاحلف نہیں اٹھاناچاہتے تھے تاہم اپوزیشن جماعتوں کی وجہ سے ایساکرنا پڑا۔ ہمارے لیے بے شمارمشکلات پیداکی گئیں مگر ہم نے تحمل سے کام لیا۔ ہم چیئرمین پی ٹی آئی کی حکومت کونہیں ہٹاناچاہتے تھے تاہم اپوزیشن کا ساتھ دینے کے لیے ان کے ساتھ کھڑے ہوئے۔ فوج ایک ادارہ ہے جس سے اختلاف ممکن نہیں البتہ شخصیات سے اختلاف ہوسکتا ہے۔
جولائی 9, 2023