Baaghi TV

Tag: politics

  • سیاسی جماعتوں کی فنڈنگ کیس میں تاخیر، ڈی جی لا کورپورٹ جمع کروانے کا حکم

    سیاسی جماعتوں کی فنڈنگ کیس میں تاخیر، ڈی جی لا کورپورٹ جمع کروانے کا حکم

    سیاسی جماعتوں کی فنڈنگ کیس میں تاخیر، ڈی جی لا کورپورٹ جمع کروانے کا حکم

    اسلام آباد ہائیکورٹ نے سیاسی جماعتوں کی فنڈنگ کیس میں تاخیر پر الیکشن کمیشن کیخلاف درخواست پر ڈی جی لا کو 10 روز میں رپورٹ جمع کرانے کا حکم دے دیا

    اسلام آباد ہائیکورٹ میں سیاسی جماعتوں کی فنڈنگ کیس میں تاخیر پر الیکشن کمیشن کیخلاف درخواست پر سماعت ہوئی،ڈی جی لا الیکشن کمیشن نے پیشرفت رپورٹ جمع کرانے کیلئے مزید وقت مانگ لیا ڈی جی لا نے کہا کہ انتخابی معاملات کی وجہ سے رپورٹ فائنل نہیں کر سکا ،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ احتساب سب کیلئے ایک جیسا ہونا چاہئے،عدالت نے ریمارکس دیتے ہوئے کہا کہ درخواست گزار کا موقف ہے پی ٹی آئی کیخلاف کیس میں جلدی دکھائی گئی،عدالت نے ڈی جی لا الیکشن کمیشن کو 10 روز میں رپورٹ جمع کرانے کا حکم دے دیا، بعد ازاں عدالت نے کیس کی سماعت 7 فروری تک ملتوی کردی ۔

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

    پی ڈی ایم اجلاس،عمران خان کے خلاف کارروائی سے متعلق غور

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    واضح رہے کہ تحریک انصاف نے ن لیگ اور پیپلز پارٹی سمیت دیگر جماعتوں کے فارن فنڈنگ کیس کے فیصلے جلد کرنے کے لئے عدالت میں درخواست دائرکر رکھی ہے، درخواست تحریک انصاف کے رہنما فرح حبیب نے دائر کی، اسلام آباد ہائیکورٹ میں دائر درخواست میں الیکشن کمیشن کو فریق بنایا گیا ہے، پی ٹی آئی کی درخواست میں موقف اختیار کیا گیا ہے کہ پی ٹی آئی کی طرح دیگر جماعتوں کے کیس سننے میں الیکشن کمیشن ناکام رہا پی ٹی آئی کی درخواست میں مزید کہا گیا کہ بنیادی حقوق کی خلاف ورزی ہو رہی ہے ،درخواست میں عدالت سے استدعا کی گئی ہے کہ جمہوریت کے تحفظ کیلئے پٹیشن میں اٹھائے گئے سوالات کا فیصلہ کیا جائے الیکشن کمیشن کو ہدایت کی جائے کہ دیگر جماعتوں کے ممنوعہ فنڈنگ کیسز کی روزانہ سماعت کی جائے

  • ہمارے لئے ریڈ لائن ہمارا دین، وطن، ہماری فوج ، سلامتی کے ادارے ہیں،طاہر اشرفی

    ہمارے لئے ریڈ لائن ہمارا دین، وطن، ہماری فوج ، سلامتی کے ادارے ہیں،طاہر اشرفی

    باغی ٹی وی کی رپورٹ کے مطابق پاکستان علماء کونسل کے چیئرمین اور وزیراعظم کے نمائندہ خصوصی حافظ طاہر اشرفی نے کہا ہے کہ سویڈن میں قرآن پاک کی بے حرمتی آزادی اظہار رائے نہیں بلکہ یہ دنیا کے امن کو خراب کرنے اور عالمی امن کو تباہ کرنے کے مترادف ہے، سویڈن کی حکومت کو اس واقعہ کے مرتکب مجرم کے خلاف کارروائی کر کے قرار واقعی سزا دینی چاہیے،

    علماء کرام کے ہمراہ پریس کانفرنس کرتے ہوئے حافظ طاہر اشرفی کا کہنا تھا کہ ہم سمجھتے ہیں کہ کسی مذہب کے مقدسات کی توہین کرنا آزادی اظہار رائے نہیں بلکہ یہ دنیا کے امن کو خراب کرنے اور عالمی امن کو تباہ کرنے کے مترادف ہے۔ عالمی دنیا کو اسلاموفوبیا کے حوالے سے اپنے اقدامات اٹھانے چاہئیں اور سویڈن کی حکومت سے مطالبہ کرتے ہیں کہ وہ اس مجرم کے خلاف کارروائی کرے اور اس کو قرار واقعی سزا دی جائے ستر کروڑ مسلمانوں کے دل اللہ کریم کی محبت، انبیاء و رسل کی محبت پر موجزن ہے، ہمارے لئے تمام آسمانی کتابیں اور تمام انبیاء ایمان کا حصہ ہیں، کسی ایک کو بھی نہ مانیں تو مسلمان نہیں ہو سکتے، اس وقت تک پوری دنیا میں جس انداز سے اس واقعہ پر ردعمل آیا ہے وہ لائق تحسین ہے، حکومت پاکستان نے اس پر جس طرح احتجاج بلند کیا ہے اس کو ہمیں اچھے اور پر امن انداز میں آگے لے کر بڑھنا چاہیے تاکہ دنیا کو علم ہو سکے کہ یہ آزادی اظہار کا مسئلہ نہیں ہے بلکہ یہ ہمارے ایمان کا مسئلہ ہے گزشتہ روز پاکستان کے تمام مکاتب فکر کے علماء و مشائخ نے بیرونی دنیا سے پاکستان کے بارے میں عجیب و غریب فتوے بازی کر رہے تھے اور جو سوالات اٹھائے جا رہے تھے اس کا جواب دیا ہے

    ہم جنس پرستی کے مکروہ ایجنڈے کو آگے بڑھانے کی کوشش شرمناک ہے، تنظیم اسلامی

    خواجہ سرا کے ساتھ بازار میں گھناؤنا کام کرنیوالے ملزمان گرفتار

    خواجہ سراؤں پر تشدد کی رپورٹنگ کیلئے موبائل ایپ تیار

    ہ ٹرانسجینڈر قانون سے معاشرے میں خواجہ سرا افراد کو بنیادی حقوق ملے۔

     پاکستان میں 2018 سے قبل ٹرانسجینڈر قانون نہیں تھا،

    حافظ طاہر اشرفی کا کہنا تھا کہ شیخ الاسلام مولانا مفتی تقی عثمانی اور دیگر نے یہ بات واضح کر دی ہے کہ پاکستان کے حوالے سے پاکستان کے علماء و مشائخ کا جو موقف پیغام پاکستان میں آیا ہے وہی ہمارا موقف ہے۔ پاکستان کے سلامتی کے ادارے، پاکستان کی فوج، پولیس کے افسران و جوان اور دیگر اداروں پر حملے کسی بھی طرح شرعاً جائز نہیں ہیں، نہ پاکستان کے اندر کسی بھی طرح کی پرتشدد اور مسلح کارروائی کو جہاد کہا جا سکتا ہے مفتی تقی عثمانی اور دیگر اکابرین نے بہت واضح موقف بیان کر دیا ہے پاکستان کا موقف پاکستان کے علماء و مشائخ کا موقف وہی ہے جو پیغام پاکستان ہے پاکستان میں کسی بھی طرح کی مسلح یا پرتشدد کارروائی کا فرقہ وارانہ تشدد پھیلانے کی جو کوشش کی ہے وہ شرعاً قانوناً جائز نہیں ہے۔ پاکستان واضح موقف رکھتا ہے کہ ہم نے اپنے پڑوسی اور برادر اسلامی ممالک سے اچھے تعلق رکھنے ہیں لیکن پاکستان کے ایک ایک انچ کی حفاظت بھی پاکستان کا ہر شہری اس کے لئے اپنی جان و مال سب کچھ قربان کرنے کو تیار ہے ہمارے لئے ریڈ لائن ہمارا دین، مذہب، وطن، ہماری فوج اور سلامتی کے ادارے ہیں، اگر کسی کو اس بارے میں کوئی ابہام ہے تو وہ گزشتہ روز کی کانفرنس کے بعد واضح اور دو توک انداز میں دور ہو جانا چاہیے

  • حکم ہوا ہے کہ پچیس مئی والے آفیسرز فوری لگانے شروع کردیں۔ پرویز الہیٰ

    حکم ہوا ہے کہ پچیس مئی والے آفیسرز فوری لگانے شروع کردیں۔ پرویز الہیٰ

    سابق وزیر اعلی پنجاب چودھری پرویز الہیٰ سے اسپیکر پنجاب اسمبلی سبطین خان۔ سابق ارکان پنجاب اسمبلی کی مشاورتی ملاقات ہوئی ہے،

    ملاقات میں سابق ایم پی اے امیر محمد خان ، سابق ایم پی اے طلعت فاطمہ نقوی شریک تھے،ایڈووکیٹ جنرل احمد اویس ،ایڈووکیٹ عامر سعید راں اور ایڈووکیٹ امداد حسین چانڈیو بھی ملاقات میں شریک تھے،ملاقات میں موجودہ ملکی صورت حال سمیت دیگر سیاسی امور پر تبادلہ خیال کیا گیا، ملاقات میں سیاسی صورتحال، پنجاب میں عام انتخابا ت کے معاملات پر تبادلہ خیال کیا گیا،ملاقات میں الیکشن کمیشن کے کنڈکٹ پر شدید تنقید کی گئی، پنجاب میں نگران سیٹ اپ میں بڑے پیمانے ہر بیورو کریسی کی اکھاڑ پچھاڑ کی بھی مذمت کی گئی، پرویز الہیٰ کا کہنا تھا کہ حکم ہوا ہے کہ پچیس مئی والے آفیسرز فوری لگانے شروع کردیں۔

    چوہدری پرویز الہی کا کہنا تھا کہ لوگوں کو گرفتار کرنے اور گھروں سے اٹھانے کا سلسلہ شروع کردیا گیا الیکشن کمیشن غیر جانبداری سے شفاف الیکشن کے لیے اپنی ذمہ داری ادا کرنے میں ناکام ہے الیکشن کمیشن کے نگران وزیر اعلی کی تقرری کے متنازعہ فیصلے کو عدلیہ میں چیلنج کر رہے ہیں پنجاب میں متنازعہ ترین آفیسر ز کو تعینات کیا جارہا ہے۔ پی ٹی آئی مخالف شہرت رکھنے والے آفیسرز کو اہم عہدوں ہر تعینات کیا جارہا ہے۔عمران خان کرپٹ مافیا کے آگے ڈٹ کر کھڑا ہے۔ انتخاب میں شکست پی ڈی ایم کا مقدر بنے گی۔ الیکشن کی تاریخ نہ دیکر آئینی ذمہ داری کی خلاف ورزی کی جارہی ہے۔

    دوسری جانب پی ٹی آئی احتجاج میں حماد اظہر نے خطاب کرتے ہوئے کہا کہ اس ملک میں زرداری اور شریف فیملی کا نہیں عوام کا راج ہوگا عوام کے فیصلہ کے سامنے دیوار نہ بنا جائے فرنٹ مینوں کی سیاست کرنے والو آکرعوام کا غصہ دیکھ لو ہم سیاسی لوگ ہیں مگرعوام کے غصے کو کوئی نہی روک سکتاآج نہ جمہوریت ہے نہ آزادی ہے، اگر رہ گیا تو صرف این آرو .عوام اب باہر نکلنے کو تیار ہے، اب تحریک چلے گی عوام کی

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    پنجاب کا نگران وزیراعلیٰ کون؟ قرعہ کس کے نام کا

     پارلیمنٹ کے فیصلے پارلیمنٹ کے اندر ہی ہونے چاہئیں،

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    عمران خان معافی مانگنے جج زیبا چودھری کی عدالت پہنچ گئے

  • 22 ملین سے زائد پاکستانی بچوں کا اسکول نہ جانا پوری قوم کے لیے لمحہ فکریہ ہے، بلاول

    22 ملین سے زائد پاکستانی بچوں کا اسکول نہ جانا پوری قوم کے لیے لمحہ فکریہ ہے، بلاول

    پی پی پی چیئرمین و وزیرِ خارجہ بلاول بھٹو زرداری نے تعلیم کے عالمی دن پر پیغام میں کہا ہے کہ ملک میں فروغِ تعلیم کے لیئے کردار ادا کرنے والے تمام اساتذہ اور شخصیات کو سلام

    وزیر خارجہ بلاول زرداری کا کہنا تھا کہ تعلیم کا فروغ پائیدار ترقی اور امن کی ضمانت ہے ،22 ملین سے زائد پاکستانی بچوں کا اسکول نہ جانا پوری قوم کے لیے لمحہ فکریہ اور چیلنج ہے دنیا کے شانہ بشانہ کھڑا ہونے لے لیے، ہمارے بچوں کو صرف تعلیم نہیں بلکہ معیاری تعلیم کی ضرورت ہے معیاری تعلیم کے حصول میں حائل رکاوٹوں کو جنگی بنیادوں پر ختم کرنا ہوگا بطور قوم ہمیں اپنے بچوں اور نوجوانوں میں سائنس اور ٹیکنالاجی کے علوم کی حوصلہ افزائی کرنا ہوگا پاکستان پیپلز پارٹی نے ہمیشہ تعلیم و تربیت کو اپنی اولین ترجیحات میں شامل رکھا ہے قائدِ عوام کے دورِ حکومت میں ماضی کے مقابلے میں سب سے زیادہ اسکول اور تعلیمی ادارے قائم ہوئے شہید محترمہ بینظیر بھٹو نے تعلیمی اداروں کے قیام کے ساتھ ساتھ خواتین کی تعلیم و تربیت پر خصوصی توجہ دی صدر آصف علی زرداری کی زیرِ قیادت پی پی پی حکومت نے ملک میں سب سے زیادہ یونیورسٹیاں قائم کیں 1973ع کا آئین تمام بچوں کو تعلیم کی یکساں سہولیات تک رسائی ان کا بنیادی حق ہے تمام بچوں اور نوجوانوں کو معیاری تعلیم کی بلاتفریق فراہمی پاکستان پیپلز پارٹی کا منشور ہے ہم صرف معیاری و جدید ٹیکنالوجی سے لیس نظامِ تعلیم کے ذریعے ہی پاکستان کو ترقی یافتہ اقوام کی صف میں کھڑا کر سکتے ہیں

    سابق صدر آصف علی زرداری نے تعلیم کے عالمی دن پر پیغام میں کہا ہے کہ سب کے لیئے تعلیم پاکستان پیپلزپارٹی کے منشور کا اہم نقطہ ہے شہید قاٸد عوام ذوالفقار علی بھٹو نے ملک کے کونے کونے میں تعلیمی ادارے قائم کیئے، محترمہ بینظیر بھٹو شہید نے طالب علموں کو کمپیوٹر ٹیکنالوجی کے علم کی نصیحت کی تھی ، بینظیر انکم سپورٹ پروگرام کے ذریعے غریبوں کیلئے وسیلہ تعلیم پروگرام شروع کیا، بینظیر وسیلہ تعلیم کا مقصد کم آمدنی والے شہریوں کے بچوں کو تعلیم یافتہ بنانا ہے ، جہالت کے خاتمے کیلئے تعلیم یافتہ معاشرے کی ضرورت ہے،طبقاتی احساس محرومی کے خاتمے کیلئے تعلیم بنیادی قدم ہے ،

    بینظیر کے افتتاح کردہ سنٹر کو تبدیلی سرکار نے بیچنے کا اشتہار دے دیا

    آصفہ زرداری کس صورت میں الیکشن لڑیں گی؟ بڑا اعلان ہو گئا

    بینظیر کا قتل پوری قوم کو قتل کرنے کی سازش تھی،بلاول

    بینظیر نے اپنی کتاب میں لکھا نواز شریف نے اسامہ بن لادن سے پیسے لیے،فرخ حبیب

    پی پی پی شعبہ خواتین کی مرکزی صدر و ایم پی اے فریال تالپور نے تعلیم کے عالمی دن پر پیغام میں کہا ہے کہ فرد ہو، خاندان ہو یا قوم، خوشحالی کی جانب ایک ہی راستہ جاتا ہے، جو تعلیم و ٹیکنالاجی کا راستہ ہے پاکستان میں تعلیم کے فروغ کے لیے اساتذہ اور سماجی شخصیات کا کردار تاریخ کا روشن باب ہے پاکستان پیپلز پارٹی کی قیادت اور حکومتوں نے ہمیشہ فروغِ تعلیم کو اپنی اولین ترجیحات میں شامل رکھا ہے قائدِ عوام، شہید محترمہ بینظیر بھٹو اور صدر آصف علی زرداری کی حکومتیں شعبہ تعلیم کے لیے سنہرے ادوار تھے پاکستان میں نظامِ تعلیم کو جدید خطوط پر استوار کرنے کے لیے پوری قوم کو ایک پیج پرآنے کی ضرورت ہے آج دنیا تعلیم کا دن منا رہی ہے، لیکن مقبوضہ کشمیر کے تعلیمی ادارے عملی طور بھارتی فوج کی چھاونیاں بنے ہوئے ہیں مقبوضہ کشمیر میں آج بھی درجنوں اساتذہ اور طلبہ قید و بند کی صعوبتیں برداشت کرنے پر مجبور ہیں مقبوضہ کشمیر میں طلبہ کا مستقبل کیا ہوگا، جہاں لوگوں کو آزادی سے سانس بھی لینے کی اجازت نہیں عالمی برادری مقبوضہ کشمیر کے بچوں و نوجوانوں کی تعلیم اور مستقبل کے لیے بھی اسی طرح سوچے جیسے وہ اپنے بچوں کے بارے میں سوچتی ہے

  • حکومت کا توشہ خانہ ریکارڈ پبلک کرنے کا فیصلہ

    حکومت کی جانب سے توشہ خانہ کا تمام ریکارڈ پبلک کرنے کا فیصلہ کیا گیا ہے۔

    باغی ٹی وی: تفصیلات کے مطابق وزیراعظم شہباز شریف کی زیر صدارت وفاقی کابینہ کا اجلاس آج منعقد ہوا جس میں 4 نکاتی ایجنڈے پر غور کیا گیا وزیراعظم شہبازشریف کی زیرصدارت وفاقی کابینہ کا اجلاس ہواجس میں ملکی سیاسی اورمعاشی صورتحال پرتفصیلی مشاورت ہوئی وزیرخزانہ اسحاق ڈارنے کابینہ کومعاشی صورتحال اوروزیرتوانائی خرم دستگیرنے بجلی بریک ڈاؤن پر بریفنگ دی-

    ملک بھر میں بجلی بریک ڈاؤن، وزیراعظم شہباز شریف کی قوم سے معذرت

    اجلاس کے دوران وفاقی کابینہ نے توشہ خانہ سے متعلق وزارتی کمیٹی کی سفارشات منظور کرتے ہوئے توشہ خانہ کا تمام ریکارڈ پبلک کرنے کی منظوری دے دی ہےتمام ریکارڈ پبلک کرنے کے فیصلے کے بعد کون سے حکمران نے کتنے تحائف لیے کتنی رقم ادا کی سب پبلک ہوگا۔

    اس حوالے سے وزیراعظم کا کہنا ہے کہ ہم عوام سے کوئی چیز نہیں چھپائیں گے ہر معاملے میں شفافیت کو یقینی بنائیں گے۔

    وزارت عظمیٰ کے امیدوار نواز شریف خود یا جسے وہ چاہیں گے وہ ہوگا،رانا ثنااللہ

    جبکہ کابینہ کو توانائی بچت پلان پر عملدرآمد پر بھی بریفنگ دی گئی ہے۔

    اس کے علاوہ وفاقی کابینہ میں بجلی بریک ڈاؤن پر بھی بات کی گئی جس دوران وزیراعظم نے بجلی کی طویل بریک ڈاؤن پر سخت برہمی کا اظہار کیا اس موقع پر وزیراعظم نے ذمہ داروں کے تعین کی ہدایت دی اور وزراء سے ناراضگی کا اظہار کرتے ہوئے کہا کہ بند کمروں میں بیٹھنے کے بجائے فیلڈ میں کام کریں اور جو وزیر اپنی ذمہ داری نہیں نبھا سکتا وہ عہدہ چھوڑ دے۔

    نواز شریف کے منجمد اثاثہ جات بحال کئے جائیں، عدالت میں درخواست

  • ملک بھر میں بجلی بریک ڈاؤن، وزیراعظم شہباز شریف کی قوم سے معذرت

    ملک بھر میں بجلی بریک ڈاؤن، وزیراعظم شہباز شریف کی قوم سے معذرت

    اسلام آباد: وزیراعظم شہباز شریف نے ملک بھر میں بجلی کے بڑے بریک ڈاؤن پرمعذرت کرتے ہوئے کہا ہے کہ عوام کو پہنچنے والی زحمت پر افسوس ہے-

    باغی ٹی وی: ٹوئٹر پر جاری بیان میں وزیراعظم شہباز شریف نے کہا کہ گزشتہ روز کے پاوربریک ڈاؤن پر شہریوں کوپہنچنےوالی تکلیف پر حکومت کی طرف سے معذرت خواہ ہوں، میرے حکم پر پاور بریک ڈاؤن کی تحقیقات جاری ہیں اور اس سلسلے میں ذمہ داروں کا تعین کیا جائے گا۔

    بجلی بریک ڈاون، وزیر توانائی کی ٹویٹ، استعفی کی بجائے ڈھٹائی

    قبل ازیں وفاقی کابینہ کا اجلاس منعقد ہوا تھا جس میں وزیر توانائی خرم دستگیر نے بجلی بریک ڈاؤن پر ارکان کو بریفنگ بھی دی۔ بجلی بریک ڈاؤن پر وفاقی کابینہ نے سخت اظہار برہمی کیا جس پر وزیراعظم نے کہا کہ ذمہ داران کے خلاف کارروائی کی جائے۔

    قبل ازیں اسلام آباد میں پریس کانفرنس کرتے ہوئے خرم دستگیر نے کہا تھا کہ ملک میں این ٹی ڈی سی کے 1112 گرڈ اسٹیشنز ہیں جن کو بحال کردیا ہے جس کے بعد ملک بھر میں بجلی کا نظام مکمل بحال کر دیا ہے گزشتہ روز صبح ساڑھے سات بجے تکنیکی خرابی ہوئی جس کا ابھی پتا نہیں چل سکا ہے۔

    بجلی کا تاریخی بریک ڈاؤن، 24 گھنٹے گزرنے کے بعد بھی بجلی مکمل طور پر بحال نہ ہو سکی

    خرم دستگیر نے کہا تھا کہ جوہری پلانٹ کو دوبارہ شروع ہونے میں 24 سے 48 گھنٹے چاہئیں جب کہ کوئلے کے پلانٹ کو بھی 48 گھنٹے چلانے کیلئے درکار ہوتے ہیں اس لیے اگلے 48 گھنٹوں میں ملک میں بجلی کی کمی رہے گی جس وجہ سے اگلے 48 گھنٹوں میں ملک میں لوڈشیڈنگ رہے گی، پرسوں تک سب کچھ بحال ہوجائے گا ملک کا ترسیلی نظام محفوظ رہا ہے، بجلی کے کارخانے چلانے کے لئے وافر مقدار میں تیل موجود ہے۔

    وفاقی وزیر کا کہنا تھا کہ خدشہ ہے اور تفتیش کرنی ہے کیا ہمارے سسٹم میں ہیکنگ کے ذریعےبیرونی مداخلت تو نہیں ہوئی، اس بات کی بھی تحقیقات کی جائیں گے البتہ انٹرنیٹ سے بیرونی مداخلت کے امکان کم ہیں، وزیراعظم نے تین رکنی انکوائری کمیٹی بنائی ہے جس کی سربراہی مصدق ملک کریں گے۔

    اگلے 48 گھنٹوں میں ملک میں بجلی کی کمی رہے گی،خرم دستگیر

  • سائفرکی تحقیقات کیلئے درخواست، جسٹس سردار طارق مسعود نے سماعت سے کی معذرت

    سائفرکی تحقیقات کیلئے درخواست، جسٹس سردار طارق مسعود نے سماعت سے کی معذرت

    سپریم کورٹ میں سائفرکی تحقیقات کیلئے دائر چیمبراپیلوں پر سماعت ہوئی

    جسٹس سردار طارق مسعود نے سائفر کی تحقیقات کیلئے چیمبر اپیلیں سننے سے معذرت کرلی سائفر تحقیقات کیلئے دائر اپیلیں واپس چیف جسٹس عمر عطا بندیال کو بھجوا دی گئیں، جسٹس سردار طارق نے ریمارکس دیتے ہوئے کہا کہ چیف جسٹس سائفر تحقیقات کیلئے ان چیمبر اپیل کسی اور جج کے سامنے مقرر کر دیں

    عمران خان کے خلاف جب تحریک عدم اعتماد جمع ہوئی تھی تو اسوقت ڈی چوک میں ایک جلسے میں عمران خان نے ایک خط لہرایا تھا اور کہا تھا کہ امریکی سازش کے نتیجے میں مجھے حکومت سے نکالا جا رہا ہے امریکہ نے دھمکی دی ہے ۔ اسوقت سے لے کر اب تک عمران خان اسی بیانیہ کو لے کر چل رہے ہیں اور قوم کو حقیقی آزادی کا سبق سکھا رہے ہیں، عمران خان نے اس سائفر کی تحقیقات کے لئے سپریم کورٹ میں بھی درخواست دائر کی تھی ، آج سماعت ہوئی تو جسٹس سردار طارق نے سماعت سے معذرت کر لی ہے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    سینئر قیادت پرہتک آمیز،انتہائی غیرضروری بیان پرپاک آرمی میں شدید غم وغصہ ہے،ڈی جی آئی ایس پی آر

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

  • نواز شریف کے منجمد اثاثہ جات بحال کئے جائیں، عدالت میں درخواست

    نواز شریف کے منجمد اثاثہ جات بحال کئے جائیں، عدالت میں درخواست

    لاہور احتساب عدالت میں سابق وزیراعظم نواز شریف کی جائیداد نیلامی کیخلاف حکم امتناعی سے متعلق درخواستوں پر سماعت ہوئی
    احتساب عدالت نے فریقین کے وکلاء سے درخواستوں پر دلائل طلب کرتے ہوئے سماعت 6 فروری تک ملتوی کر دی ،نیب نے درخواستوں پر جواب عدالت میں جمع کرا رکھا ہے ،نواز شریف کے عزیز یوسف عباس اور دیگر نے بطور اعتراض کنندگان درخواستیں دائر کر رکھی ہیں ،درخواست گزاروں کی جانب سے قاضی مصباح ایڈووکیٹ پیش ہوئے، درخواست گزار نے کہا کہ نواز شریف کی جائیداد کی نیلامی سے ہمارے حقوق متاثرہ ہو نگے نیب آرڈینس 2022 کے تحت یہ کیس احتساب عدالت کے دائرہ اختیار میں نہیں آتا پلاٹس الاٹمنٹ ریفرنس کے دیگر تمام ملزمان بری ہو چکے ہیں

    وکیل یوسف عباس نے استدعا کی کہ نواز شریف کو بھی بری کیا جائے اور منجمد اثاثہ جات بحال کیئے جائیں احتساب عدالت کو نئے قانون کے تحت 500 کروڑ سے کم مالیت کے کیس کی سماعت کا اختیار نہیں ہے اس ریفرنس میں ملزمان پر 13 کروڑ کی کرپشن کا الزام تھا عدالت نے سابق وزیر اعظم نواز شریف کی جائیدادوں کی نیلامی کا حکم واپس لے شمیم زرعی فارم اور دیگر جائدادیں کرایہ داروں کے پاس ہیں، نیلامی سے کرایہ داروں کے حقوق متاثر ہونگے،

    احتساب عدالت نے نواز شریف کی جائیداد ضبطگی اور نیلامی کا حکم دے رکھا ہے احتساب عدالت کے جج سید اصغر علی نے جائیداد ضبطگی کے احکامات جاری کیے تھے ،نوازشریف کے اثاثوں میں پراپرٹیز، گاڑیاں اور بینک اکاؤنٹس کی تفصیلات شامل ہے، سابق وزیراعظم کے نام پر لاہور میں 1650 کنال سے زائد زرعی اراضی شامل ہے،نوازشریف کی ملکیت میں مرسیڈیز، لینڈ کروزر اور 2 ٹریکٹرزبھی شامل ہیں،لاہورکےنجی بینک میں نواز شریف کے نام ملکی اور غیرملکی اکاؤنٹس کی تفصیلات بھی شامل کی گئی ہے،

    احتساب عدالت، مریم نواز کے وکیل کے دلائل جاری، کہا مریم نواز کے کمرہ سے تعفن اٹھتا ہے

    تم کون ہوتے ہو میری ویڈیو بنانے والے؟ مریم نواز برہم

    حمزہ شہباز کی مریم نواز سے ملاقات،حکومت نے معیشت کا بیڑا غرق کر دیا،حمزہ شہباز

    نواز شریف چوتھی اور پانچویں بار بھی وزیراعظم بنیں گے، داماد کی پیشنگوئی

    مریم نواز کو جیل کے جس کمرے میں رکھا گیا تھا وہاں…..مریم اورنگزیب کا تہلکہ خیز انکشاف

  • وزارت عظمیٰ کے امیدوار نواز شریف خود یا جسے وہ چاہیں گے وہ ہوگا،رانا ثنااللہ

    وزارت عظمیٰ کے امیدوار نواز شریف خود یا جسے وہ چاہیں گے وہ ہوگا،رانا ثنااللہ

    اسلام آباد: وفاقی وزیرداخلہ رانا ثنا اللہ کا کہنا ہے کہ فیصلہ ہوگیا، نواز شریف پاکستان آرہے ہیں،آئندہ الیکشن میں وزارت عظمیٰ کے امیدوار نواز شریف خود یاجسے وہ چاہیں گے وہ ہوگا۔

    باغی ٹی وی: ایک بیان میں رانا ثنااللہ نے کہا کہ کل الیکشن کرالیں لیکن عمران خان نتائج تسلیم نہیں کرےگا، عمران خان کہتا ہے مجھے اقتدارنہ ملے توپاکستان پر ایٹم بم گرادو، اگر یہ اقتدار میں آ گیا تو ملک کا بھٹہ بٹھا دے گا۔

    تحریک انصاف کےمزید 43 ارکان قومی اسمبلی کے استعفے منظور

    وزیر داخلہ کا کہنا تھا کہ آئندہ الیکشن میں وزارت عظمیٰ کے امیدوار نواز شریف خود یا جسے وہ چاہیں گے وہ ہوگامریم نواز پارٹی کو منظم کریں گی، 26 جنوری کو برطانیہ سے روانہ ہوں گی، 27 جنوری کو دبئی میں قیام کریں گی اور 28 جنوری کو لاہور پہنچیں گی۔

    پاکستان مسلم لیگ (ن) کے مرکزی رہنما رانا ثنا اللہ نے کہا عمران خان روزانہ دھرنے کی کال دے رہے ہیں، انہوں نے سب کچھ کر کے دیکھا لیکن صرف ناکامی ہی ملی عمران خان صرف مہم چلا رہے ہیں کہ پاکستان کو کس طرح ڈیفالٹ کرنا ہے؟ حسن نقوی کا نگراں وزیر اعلی ٰبننے پر یہ اعتراض ہے کہ عثمان بزدار جیسا شخص کیوں نہیں بٹھایا؟عمران خان کا ایک ہی ایجنڈا ہے کہ وہ کسی طرح برسر اقتدار آ جائے، جب تک ووٹ کی طاقت سے اس کو مائنس نہیں کیا جائے گا ملک میں استحکام نہیں آئے گا۔

    پنجاب: نگران کابینہ کی تشکیل کیلئے مشاورت ،منتخب 6 وزرا کا آج حلف اُٹھانے کا امکان

    وفاقی وزیر داخلہ نے کہا کہ محسن نقوی کا نام پی ڈی ایم کی تمام جماعتوں نے مشاورت کے بعد دیا، نجیب اللہ قتل کیس کا فیصلہ عدالت نے کیا ہے، عدالت کے فیصلے پر اعتراض ہے تو ہائیکورٹ میں معاملہ جا سکتا ہے۔

  • چیف الیکشن کمشنر نے پنجاب اور خیبر پختونخوا میں انتخابات کےمعاملے پراہم اجلاس طلب کرلیا

    چیف الیکشن کمشنر نے پنجاب اور خیبر پختونخوا میں انتخابات کےمعاملے پراہم اجلاس طلب کرلیا

    اسلام آباد: چیف الیکشن کمشنر نے پنجاب اور خیبر پختونخوا میں عام انتخابات اور ضمنی الیکشن کے معاملے پر اہم اجلاس طلب کرلیا۔

    باغی ٹی وی : تفصیلات کے مطابق چیف الیکشن کمشنر سکندر سلطان راجہ کی زیر صدارت اہم اجلاس آج ہوگا، عام انتخابات اور ضمنی الیکشن کے اخراجات اور تیاریوں پر بریفنگ دی جائے گی۔

    الیکشن کمیشن نے پنجاب اور کے پی کے میں تقرریاں و تبادلوں پر پابندی لگادی

    ذرائع کا کہنا ہے کہ سیکیورٹی صورتحال کے باعث پنجاب اور خیبر پختونخوا میں عام انتخابات ایک ہی دن نہ کرانے کی تجویز دی جائے گی، حکام نے پنجاب کے عام انتخابات یکم سے 10 اپریل تک کرانے کی تجویز دی ہے جبکہ کے پی میں 10 سے 15 اپریل تک انتخابات کراوئے جاسکتے ہیں۔

    اسی طرح ضمنی انتخابات مارچ کے پہلے ہفتے میں کروانے کی تجویز زیر غور ہے تاہم عام انتخابات سے متعلق حتمی فیصلہ چیف الیکشن کمشنر کی زیر صدارت اجلاس میں ہوگا جبکہ عام اور ضمنی انتخابات میں اخراجات کا تخمینہ بھی لگا لیا گیا ہے تاہم دونوں صوبوں اور ضمنی الیکشن پر تقریبا 15 ارب روپے کے اخراجات آئیں گے۔

    الیکشن کےدوران پنجاب میں 53 ہزار، کےپی 17 ہزار پولنگ اسٹیشن قائم ہوں گےجہاں 7 لاکھ تک پولنگ اسٹاف کی ضرورت ہوگی، دونوں صوبوں کے عام انتخابات میں 5 لاکھ تک پولیس فورس تعینات ہوگی جبکہ عام انتخابات میں حساس اور انتہائی حساس پولنگ اسٹیشن پر فوج اور رینجرز تعینات کی جائے گی۔

    چیف الیکشن کمشنر کی زیر صدارت اجلاس کے بعد گورنر کو عام انتخابات سے متعلق خط لکھا جائے گا، جس کے بعد گورنرز الیکشن کمیشن کی مجوزہ تاریخ کا جائزہ لیکر حتمی تاریخ کا اعلان کریں گے۔

    سیف الملوک کھوکھر ن لیگ لاہور کے صدر مقرر

    دوسری جانب الیکشن کمیشن کی جانب سے پنجاب بھر میں ٹرانسفرپوسٹنگ پرپابندی عائد کر دی گئی ہے صوبائی الیکشن کمشنر پنجاب نے نگران سیٹ اپ کے لیے ہدایات جاری کرتے ہوئے چیف سیکریٹری پنجاب، آئی جی اور تمام متعلقہ حکام کو مراسلہ جاری کردیا۔

    مراسلے میں الیکشن کمشنرپنجاب نے ٹرانسفر پوسٹنگ کے علاوہ نئے ترقیاتی منصوبوں پربھی پابندی عائد کی ہےاور سابق وزیراعلیٰ اور سابق وزرا سے پروٹوکول سمیت سرکاری گاڑیاں بھی واپس لینے کے ساتھ ساتھ سرکاری رہائش گاہ، سرکاری ہاسٹلز وگیسٹ ہاؤسز کو بھی خالی کرانےکی ہدایات کی گئی ہے الیکشن کمیشن کی جانب سے نگران سیٹ اپ کو روٹین کا کام جاری رکھنے کی ہدایت بھی کی گئی ہے۔

    واضح رہے کہ الیکشن کمیشن آف پاکستان نے پنجاب اسمبلی میں اپوزیشن لیڈر حمزہ شہباز کی جانب سے نامزد کردہ محسن رضا نقوی کو نگران وزیر اعلیٰ پنجاب تعینات کردیا تھا اور بعد ازاں انہوں نے نگران وزیر اعلیٰ کے عہدے کا حلف اٹھا لیا تھا۔

    پنجاب: نگران کابینہ کی تشکیل کیلئے مشاورت ،منتخب 6 وزرا کا آج حلف اُٹھانے کا امکان

    گورنر پنجاب بلیغ الرحمٰن نے گورنر ہاؤس میں نگران وزیر اعلیٰ محسن نقوی سے عہدے کا حلف لیا، اس سے قبل الیکشن کمیشن کی جانب سے محسن نقوی کے تقرر کا نوٹی فکیشن جاری کردیا گیا تھا۔

    اس سے قبل نگران وزیر اعلیٰ پنجاب کے لیے اسپیکر پنجاب اسمبلی کی جانب سے بنائی گئی دوطرفہ پارلیمانی کمیٹی مقررہ وقت میں کسی نام پر اتفاق رائے میں ناکام رہی تھی جس کے بعد الیکشن کمیشن نے گزشتہ روز ہونے والے اجلاس میں نگران وزیر اعلیٰ پنجاب کا انتخاب کیا۔

    چیف الیکشن کمشنر سکندر سلطان راجا کی سربراہی میں کمیشن سیکریٹریٹ میں الیکشن کمیشن کےارکان کاخصوصی اجلاس ہوا تھا، اجلاس میں الیکشن کمیشن خیبر پختونخوا کے رکن اکرام اللہ خان، سندھ کے رکن نثار درانی، بلوچستان کے رکن شاہ محمد جتوئی اورپنجاب کے رکن بابر حسن بھروانہ نے بھی شرکت کی تھی۔

    تحریک انصاف کےمزید 43 ارکان قومی اسمبلی کے استعفے منظور