Baaghi TV

Tag: politics

  • الیکشن کمیشن نے عمران خان کو بڑی خوشخبری سنا دی

    الیکشن کمیشن نے عمران خان کو بڑی خوشخبری سنا دی

    عمران خان کیجانب سے سات حلقوں میں ضمنی الیکشن کے اخراجات جمع نہ کرانے سے متعلق کیس کی سماعت ہوئی

    الیکشن کمیشن نے عمران خان کے تمام حلقوں سے نوٹیفکیشن جاری کرنے کا فیصلہ سنا دیا ،الیکشن کمیشن نے چیئرمین پی ٹی آئی عمران خان تمام نشستوں سے کامیاب قرار دے دیا ،عمران خان ضمنی الیکشن میں سات حلقوں میں کامیاب ہوئے تھے  الیکشن کمیشن نے انتخابی اخراجات جمع نہ کرانے ہر کارروائی شروع کی تھی، الیکشن کمیشن نے محفوظ شدہ فیصلہ سنا دیا، الیکشن کمیشن نے عمران خان کو تمام کامیاب سیٹوں سے کامیاب قرار دے دیا

    عمران خان کی جانب سے ضمنی انتخابات کے اخراجات جمع نہ کرانے کا معاملہ الیکشن کمیشن نے تفصیلی فیصلہ جاری کر دیا تفصلی فیصلہ چھ صفحات پرمشتمل ہے ،سات حلقوں میں کامیابی کا نوٹیفیکیشن جاری کرنے کا حکم دے دیا گیا، تفصیلی فیصلہ میں کہا گیا کہ عمران خان نے الیکشن اخراجات کی تفصیلات مقررہ وقت میں جمع نہیں کرائیں عمران خان کی طرف سے بروقت انتخابی اخراجات جمع نہ کرانے پر درگزد کی استدعا منظور کی جاتی ہے، عمران خان نے این اے 22, این اے 24, این اے 31, این اے 108 میً اخراجات کی تفصیل جمع نہیں کروائی تھی این اے 118, این اے 239 اور این اے 45 کی بھی اخراجات کی تفصیل جمع نہیں کروائی تھی قانون واضح کہ انتخابی اخراجات کی تفصیلات جمع کرانے تک نوٹیفیکیشن جاری نہیں ہو سکتا،

    عدم اعتماد کے بعد سپیکر قومی اسمبلی راجہ پرویز اشرف نے تحریک انصاف کے کچھ اراکین کے استعفے منظور کئے تھے جس کے بعد تمام سیٹوں پر عمران خان نے خود الیکشن لڑا تھا جبکہ ملتان کی سیٹ سے شاہ محمود قریشی کی بیٹی امیدوار تھیں، وہ ہار گئی تھیں تا ہم عمران خان سب سیٹیں جیت گئے تھے، عمران خان نے الیکشن کمیشن میں گوشوارے جمع نہیں کروائے تھے جس پر الیکشن کمیشن نے عمران خان کی کامیابی کا نوٹفکیشن روک دیا تھا، آج فیصلہ سنا دیا گیا ہے جس کے مطابق عمران خان ایک بار پھر رکن قوم اسمبلی بن چکے ہیں

    بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

    مالی نے خاتون کے ساتھ زیادتی کے بعد دوستوں کو بلا لیا،اجتماعی درندگی کا ایک اور واقعہ

  • صدر اور وزیراعظم کی جانب سےایرانی سرحد پردہشتگردوں کےحملےکی شدید مذمت

    صدر اور وزیراعظم کی جانب سےایرانی سرحد پردہشتگردوں کےحملےکی شدید مذمت

    اسلام آباد:صدر مملکت ڈاکٹر عارف علوی اور وزیر اعظم شہباز شریف نے بلوچستان میں دہشتگردوں کے حملے میں 4 سکیورٹی اہلکاروں کی شہادت کی شدید مذمت کی ہے۔

    پاکستان میں ایرانی سرحدوں سے دہشت گردی کے خلاف ڈاکٹر عارف علوی نے اپنے مذمتی بیان میں کہا کہ پنجگور میں سکیورٹی فورسز پر دہشت گرد حملے کی شدید مذمت کرتا ہوں اور سکیورٹی فورسز کے 4 اہلکاروں کی شہادت پر گہرا دکھ ہے، حملے سے دہشتگردی کے خلاف قوم کے غیر متزلزل عزم کو نقصان نہیں پہنچ سکتا۔

    صدر مملکت نے شہداء کی خدمات اور وطن کیلئے عظیم قربانی پر خراج عقیدت اور بہادری پر اُنہیں سلام پیش کیا، اس کے علاوہ انہوں نے شہداء کے بلند درجات کی دعا کی اور ان کے لواحقین سے ہمدردی کا اظہار کیا۔

     

    سماجی رابطے کی ویب سائٹ ٹوئٹر پر اپنے مذمت بیان میں وزیر اعظم شہباز شریف نے کہا کہ بلوچستان میں پاکستان ایران سرحد پر دہشت گردی کے نتیجے میں 4 سکیورٹی اہلکاروں کی شہادت پر شدید مذمت کرتا ہوں۔

    وزیراعظم نے مزید کہا قوم فرض کی ادائیگی میں شہید سکیورٹی اہلکاروں کی قربانیوں کو خراج عقیدت پیش کرتی ہے، ہم امید کرتے ہیں کہ ایران اس بات کو یقینی بنائے گا کہ اس کی سرزمین سرحد پار حملوں کیلئے استعمال نہ ہو۔

     

    یادر ہےکہ بلوچستان کے ضلع پنجگور میں دہشت گردوں نے ایران کی حدود سے حملہ کر کے 4 سکیورٹی اہلکاروں کو شہید کر دیا۔

    پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ واقعہ پاک ایران بارڈر کے چکاب سیکٹر پر میں پیش آیا جہاں دہشت گردوں نے ایرانی سر زمین سے سکیورٹی فورسز کو نشانہ بنایا۔

    آئی ایس پی آر کے مطابق سکیورٹی فورسز کے قافلے کو بارڈر پر گشت کے دوران نشانہ بنایا گیا، حملے میں پاک فوج کے 4 جوان شہید ہوئے، ایران سے حملے میں ملوث دہشت گردوں کے خلاف فوری کارروائی کا مطالبہ کیا گیا ہے۔

  • کوئٹہ سمیت مختلف علاقوں میں بارش اور برفباری، سردی کی شدت میں اضافہ

    کوئٹہ سمیت مختلف علاقوں میں بارش اور برفباری، سردی کی شدت میں اضافہ

    کوئٹہ:کوئٹہ سمیت بلوچستان کے مختلف اضلاع میں بارش اور برفباری کا سلسلہ وقفے وقفے سے جاری ہے، سردی کی شدت میں بھی اضافہ ہوگیا۔ موٹر وے پر مختلف مقامات سے برف ہٹانے کا کام جاری ہے۔شمالی بلوچستان میں بارش اور برفباری کا سبب بننے والا سسٹم داخل ہوگیا، کوئٹہ، چمن، زیارت، مسلم باغ، کان مہتر زئی، قلعہ عبداللہ، کوژک ٹاپ اور خانوزئی سمیت دیگر علاقوں میں بارش اور برفباری ہوئی۔

    شمالی بلوچستان کے بالائی علاقوں میں شدید برفباری کے باعث رابطہ سڑکیں بند ہوگئیں۔ محکمہ پی ڈی ایم اے نے تمام متعلقہ اضلاع میں ہائی الرٹ جاری کردیا، بالائی علاقوں میں شاہراؤں کی بحالی کیلئے ہیوی مشینری اور عملہ پہنچا دیا گیا۔حکام کے مطابق متعلقہ ادارے قومی شاہراؤں سے برف ہٹانے میں مصروف ہیں۔ محکمہ موسمیات کے مطابق آئندہ 24 گھنٹوں کے دوران کوئٹہ سمیت شمالی بلوچستان کے مختلف علاقوں میں مزید بارش اور پہاڑوں پر برفباری کا امکان ہے۔

    رپورٹ کے مطابق کوئٹہ میں کم سے کم درجہ حرارت منفی 4 اور قلات میں منفی 5 سینٹی گریڈ ریکارڈ کیا گیا ہے۔ محکمہ موسمیات کے مطابق آئندہ چند روز میں بلوچستان کے بالائی علاقوں میں سردی کی شدت میں مزید اضافہ ہوگا۔

    دوسری طرف کوئٹہ سمیت صوبے کے سرد علاقوں میں گیس پریشر انتہائی کم ہے، جس کے باعث گھریلو اور کمرشل صارفین کو شدید مشکلات کا سامنا ہے۔ شہر کے مختلف علاقوں میں بھی کئی کئی گھنٹے بجلی کی لوڈشیڈنگ بھی جاری ہے۔ترجمان موٹروے پولیس کے مطابق کان مہترزئی اور قلات مستونگ شاہراہ پر ہیوی مشینری کے ذریعے برف ہٹائی جارہی ہے جبکہ کوئٹہ ژوب اور چمن ہائی وے پر موٹروے پولیس نے خصوصی انتظامات کئے ہیں۔

    ترجمان کا کہنا ہے کہ کان مہترزئی کے مقام پر ممکنہ پھسلن سے بچنے کیلئے نمک کا چھڑکاؤ کیا جارہا ہے، شہریوں سے گزارش ہے کہ غیر ضروری سفر نہ کریں، ایمرجنسی کی صورت میں 130 کے ذریعے مدد لی جا سکتی ہے۔

  • بلوچستان میں مالی بحران سنگین،سرکاری ملازمین کی تنخواہ کےپیسےنہیں ہیں:وزیراعلیٰ بلوچستان

    بلوچستان میں مالی بحران سنگین،سرکاری ملازمین کی تنخواہ کےپیسےنہیں ہیں:وزیراعلیٰ بلوچستان

    کوئٹہ: وزیراعلیٰ بلوچستان عبدالقدوس بزنجو نے انکشاف کیا ہےکہ صوبےکا مالی بحران سنگین ہوگیا ہے، صوبے کے پاس سرکاری ملازمین کی تنخواہ کے لیے پیسے نہیں ہیں۔عبدالقدوس بزنجو نے وفاق سے فوری طور پر صوبےکا قومی مالیاتی کمیشن (این ایف سی) ایوارڈ کا حصہ جاری کرنےکا مطالبہ کیا ہے۔

    وزیراعلیٰ بلوچستان کا کہنا ہےکہ پیسے نہ ہونے سے صوبےکے ترقیاتی کام ٹھپ ہوکر رہ گئے ہیں، شدید سردی میں سیلاب متاثرین بحالی کے منتظر ہیں، صوبے کو اس کا حصہ مل جائے تو اپنے سیلاب متاثرین کو خود سنبھال سکتے ہیں۔

    عبدالقدوس بزنجو کا کہنا ہےکہ وزیراعظم ان کی بات سمجھ رہے ہیں لیکن متعلقہ محکمے معاملےکو سنجیدہ نہیں لے رہے، وزیراعظم سے اپیل ہےکہ متعلقہ محکموں کے ساتھ کوئٹہ آئیں اور مالی بحران کا خود جائزہ لیں۔

    دوسری جانب وزیراعلیٰ بلوچستان میر عبدالقدوس بزنجو نے کہا ہے کہ بلوچستان کی تمام مشینری برفباری کے دوران متحرک اور فعال ہے، متعلقہ اداروں کی کاوشوں سے قومی شاہراہوں پر ٹریفک کی آمد و رفت برقرار ہے۔

     

     

     

    وزیراعلیٰ بلوچستان میر عبدالقدوس بزنجو سے چیف سیکرٹری عبدالعزیز عقیلی نے ملاقات کی، ملاقات میں اہم امور سمیت برف باری کی صورتحال اور امدادی کارروائیوں پر بھی تبادلہ خیال کیا گیا۔

    وزیراعلیٰ کو چیف سیکرٹری کی جانب سے برف باری کے علاقوں اور قومی شاہراہوں پر اداروں کی جانب سے جاری کارروائیوں پر بریفنگ دی گئی، ملاقات میں پی ڈی ایم اے، لیویز اور ضلعی انتظامیہ کی کارکردگی پر اطمینان کا اظہار کیا گیا۔

    دوسری جانب کوئٹہ اور شمالی بلوچستان میں وقفہ وقفہ سے برف باری کا سلسلہ جاری ہے، پی ڈی ایم اے کی جانب سے کوئٹہ مستونگ نوشکی روڈ کو ٹریفک کے کلئیر کر دیا گیا۔

    پی ڈی ایم اے ترجمان کے مطابق ہیوی مشینری کے ذریعے سڑک سے برف ہٹا دی گئی، کوئٹہ چمن کوژک ٹاپ پر بھی برف ہٹانے کا کام جاری ہے، پی ڈی ایم اے نے انتباہ جاری کیا کہ عوام رات کے وقت کوئٹہ چمن اور خانوزئی کی جانب سفر سے گریز کریں۔

  • متحدہ عرب امارات نے 2 ارب ڈالر ڈیپازٹس رول اوور کر دیئے

    متحدہ عرب امارات نے 2 ارب ڈالر ڈیپازٹس رول اوور کر دیئے

    اسلام آباد:وزیر خزانہ اسحاق ڈار نے کہا ہے کہ متحدہ عرب امارات نے 2 ارب ڈالر ڈیپازٹس رول اوور کر دیئے ہیں۔

    سماجی رابطے کی ویب سائٹ ٹوئٹر پر اپنے بیان میں وزیر خزانہ اسحاق ڈار نے کہا کہ وزیر اعظم شہباز شریف نے اپنے دورہ یو اے ای کے دوران 2 ارب ڈالر رول اوور کرنے کا کہا تھا، اسحاق ڈار نے پاکستان متحدہ عرب امارات دوستی زندہ باد کا نعرہ بھی لگایا۔

     

    دوسری جانب گورنر سٹیٹ بینک جمیل احمد نے بھی متحدہ عرب امارات کی جانب سے 2 ارب ڈالر کے ڈیپازٹس رول اوور کرنے کی تصدیق کرتے ہوئے کہا کہ جو برآمدکنندگان اپنے بیرونی خریداروں سے سپلائر کریڈٹ یا پراجیکٹ فنانس حاصل کرسکتے ہیں انہیں اسٹیٹ بینک سہولت دے گا، بندرگاہ پر رکے ہوئے کنٹینرز کی مالیت کا اندازہ لگا رہے ہیں۔

    کراچی چیمبر آف کامرس اینڈ انڈسٹری میں تاجروں سے خطاب کرتے ہوئے گورنر سٹیٹ بینک نے کہا کہ رکے ہوئے کنٹینرز کے ڈیمریج و ڈیٹینشن کا حل نکالیں گے، تجارتی ایوانوں کی مشاورت سے درآمدات کی ترجیحی فہرست کا ریویو کر کے نئی فہرست جلد مرتب کی جائے گی۔ سٹیٹ بینک میں 2 جنوری سے مشینری امپورٹ کلئیرنس کا کوئی کیس نہیں آیا ہے۔

  • پی ایس ایل 8 : شاہین آفریدی ایک بار پھر میدان میں اترنے کیلیے تیار

    پی ایس ایل 8 : شاہین آفریدی ایک بار پھر میدان میں اترنے کیلیے تیار

    پاکستان سپر لیگ سیزن 8 کے میچز کا ابتدائی شیڈول جاری کردیا گیا، ایونٹ کا آغاز 13 فروری کو ملتان سے ہوگا۔اس حوالے سے پاکستان سپر لیگ (پی ایس ایل) 8 کا ابتدائی شیڈول اور میچز کی تفصیلات سامنے آگئی ہیں

    رپورٹ کے مطابق ایونٹ کا آغاز 13 فروری کو ملتان سے ہوگا، مجموعی طور پر 34 میچز کھیلے جائیں گے، فائنل 19 مارچ کو ہوگا۔

    ذرائع کا کہنا ہے کہ 13 سے 25 فروری تک ملتان اور کراچی کی ٹیمیں 5، 5 ہوم میچز کھیلیں گی، سب سے زیادہ 11 گروپ میچز کی میزبانی راولپنڈی کرے گا۔رپورٹ کے مطابق کراچی میں 9 گروپ میچز کھیلے جائیں گے، ایونٹ کا فائنل 19 مارچ کو لاہور میں کھیلے جانے کا امکان ہے۔

    دوسری طرف فاسٹ بولر شاہین شاہ افریدی کا کہناہے کہ انجری کی وجہ سے کھیل سے دوری ایک مشکل ترین وقت تھا، وہ اب ایک بارپھر میدان میں اترنے کےلیے تیار ہیں۔بائیں ہاتھ کے شہرہ آفاق پیسر ان دنوں ان دنوں نیشنل ہائی پرفارمنس سینٹر میں مکمل فٹنس کے ساتھ ردھم اور فارم حاصل کرنے کےلیے سخت محنت کرنے میں مصروف ہیں۔

    نجی ٹی وی سے خصوصی گفتگو کرتے ہوئے شاہین شاہ آفریدی نے اس عزم کا اظہارکیا کہ فینز انہیں کم بیک کے بعد دوبارہ سے اسی لگن کے ساتھ بولنگ کرتے ہوئے دیکھ سکیں گے۔

    شاہین کے مطابق فٹنس مسائل کی وجہ سے ٹیم سے دوری نے بھی بہت کچھ سکھایا۔ فاسٹ بولرز کے لیے فٹنس برقرار رکھنا آسان نہیں ہوتا۔ رننگ اور بولنگ کے ساتھ بیٹنگ کی بھی بھرپور پریکٹس کررہا ہوں۔پی ایس ایل فرنچائر لاہور قلندر کے کپتان ایک بارپھر ٹرافی جیتنے کی خواہش رکھتے ہیں۔

    پاکستان سپرلیگ کا آغاز 13 فروری سے ملک کے چار سینٹر، لاہور، کراچی ، پنڈی اور ملتان میں ہورہاہے۔ شاہین شاہ آفریدی کی قیات میں لاہور قلندر نے گزشتہ سیزن میں ٹرافی اپنے نام کی تھی۔

  • سراج الحق کی نوجوانوں کے وفد سےملاقات،گفتگواورنصیحت بھی کی

    سراج الحق کی نوجوانوں کے وفد سےملاقات،گفتگواورنصیحت بھی کی

    اسلام آباد: امیر جماعت اسلامی سراج الحق نے مختلف شعبہ جات سے تعلق رکھنے والے نوجوانوں کے وفد سے ملاقات کی۔ وفد میں جماعت اسلامی یوتھ کے ذمہ داران بھی موجود تھے۔

    کراچی کو اگر بہتر کرنا ہے توعمران خان والی زبان نہ بولیں،نثار کھوڑو

    مرکزی صدر جماعت اسلامی یوتھ رسل خان بابر ، اویس اسلم مرزا مرکزی نائب صدر، شعبان صدیقی، صدر جے آئی یوتھ شمالی پنجاب یاسر علی گجر بھی موجود تھے۔ ملاقات میں ملک کو درپیش چیلنجز، مسائل سے نمٹنے کے لیے اقدامات، جدید دور میں میڈیا خصوصاً سوشل میڈیا کا کردار و دیگر امور پر تبادلہ خیال کیاگیا۔

    ایران کی حدود سےدہشت گردوں کا حملہ،4 سکیورٹی اہلکار شہید

    سراج الحق نے نوجوانوں سے گفتگو کرتے ہوئے کہا کہ ملک کو مسائل کا سامنا ہے. حکمرانوں کے پاس تمام مسائل کی چابی سودی قرضے اور قرضوں پر مزید قرضے ہیں۔ کرپشن بڑھی، بے روزگاری، غربت اور مہنگائی میں اضافہ ہوا اور عوام کی تکلیفیں کم نہ ہوئیں۔ انھوں نے اس امید کا اظہار کیا کہ رواں برس قوم آزمائے ہوئے ظالم جاگیرداروں، وڈیروں اور کرپٹ سرمایہ داروں سے نجات حاصل کر کے انتخابات میں جماعت اسلامی پر اعتماد کا اظہار کرے گی۔

    پنجاب کا نگران وزیراعلیٰ کون؟ قرعہ کس کے نام کا

    ہم چاہتے ہیں آئندہ انتخابات میں نوجوانوں کو ٹکٹ دیکر ان کے لئے اسمبلیوں کے دروازے کھولیں۔ جماعت اسلامی کی پالیسی ہے کہ با صلاحیت نوجوانوں کو آگے بڑھنے کے لئے عملی سیاست میں قدم رکھنا چاہیے

  • عمران خان نے توشہ خانہ کیس میں نااہلی کے فیصلے کیخلاف پٹیشن واپس لینے کی درخواست دائر کردی

    عمران خان نے توشہ خانہ کیس میں نااہلی کے فیصلے کیخلاف پٹیشن واپس لینے کی درخواست دائر کردی

    عمران خان نے توشہ خانہ ریفرنس میں الیکشن کمیشن کی جانب سے نا اہل قرار دیے جانے کے فیصلے کیخلاف اسلام آباد ہائیکورٹ میں دائر اپنی پٹیشن واپس لینے کےلیے درخواست دائر کردی۔

    درخواست میں مؤقف اختیار کیا گیا ہے کہ الیکشن کمیشن کے آرڈر کی قانونی حیثیت لاہور ہائیکورٹ میں چیلنج ہے، معاملہ لارجربینچ کے سامنے زیر التوا ہے۔ جابرعباس نامی شہری نے لاہورہائیکورٹ سے رجوع کررکھا ہے۔

    درخواست میں کہا گیا کہ توشہ خانہ کیس میں عمران خان کی نااہلی سے متعلق معاملہ زیرالتوا ہونے پر درخواست واپس لینے کی استدعا منظور کی جائے۔

    خیال رہے کہ لاہور ہائیکورٹ میں دائر پٹیشن عدالت سے چھپانے پر چیف جسٹس اسلام آباد ہائیکورٹ نے گزشتہ سماعت پر برہمی کا اظہار کیا تھا۔

    عدالت نے لاہور ہائیکورٹ میں دائر پٹیشن کو چھپانے سے متعلق کل جواب طلب کر رکھا ہے۔ چیف جسٹس نے ریمارکس دیے تھے کہ بیرسٹر علی ظفر جیسے سینئر وکیل سے اس کنڈکٹ کی توقع نہیں تھی۔

  • پنجاب حکومت کو غیر مسلموں کے طلاق سرٹیفکیٹ سے متعلق 90 روز میں رولز بنانےکا حکم

    پنجاب حکومت کو غیر مسلموں کے طلاق سرٹیفکیٹ سے متعلق 90 روز میں رولز بنانےکا حکم

    لاہور ہائی کورٹ نے غیرمسلم خاتون کی طلاق کے بعد والد کے نام سے شناختی کارڈ کے اجراء کی درخواست پر فیصلہ دے دیا، عدالت نے پنجاب حکومت کو غیر مسلموں کے طلاق سرٹیفکیٹ سے متعلق 90 روز میں رولز بنانےکی ہدایت کر دی۔جسٹس طارق سلیم نے شمائلہ شریف نامی خاتون کی درخواست پر فیصلہ جاری کیا۔

    وزیراعلیٰ سندھ کا حافظ نعیم کو فون،یقین دہانی کروا دی

    درخواست گزار نے عدالت کو بتایا کہ یونین کونسل غیر مسلموں کو طلاق سرٹیفکیٹ جاری نہیں کرتی جب کہ یونین کونسل کے طلاق سرٹیفکیٹ کے بغیر نادرا شناختی کارڈ میں تبدیلی نہیں کرتا۔

    حکومت اپریل میں الیکشن کرانے پر مجبور ہو جائے گی،عمران خان

    عدالت نےقرار دیا کہ مسیحی برادری کی جانب سے یونین کونسلز کے سرٹیفکیٹ جاری نہ ہونےکی شکایات آرہی ہیں، پنجاب لوکل گورنمنٹ ایکٹ کے تحت رولز کا اجراء ضروری ہے، رولز بنائےجانے تک نادرا رجسٹریشن پالیسی کے تحت سہولت فراہم کرے۔

    دوران تفتیش گرفتار مبینہ دہشتگردوں نے اہم حقائق سے پردہ اٹھا دیا

    جسٹس طارق سلیم نے ہدایت کی کہ پنجاب حکومت 90 دن میں ضروری رولزبنائے۔عدالت نے درخواست گزارکو شناختی کارڈکےلیے دوبارہ نادراسے رجوع کرنےکی ہدایت کردی۔

    پاکستان روس بین الحکومتی کمیشن برائے تجارت،تکنیکی تعاون کا آٹھواں اجلاس شروع

  • پنجاب بھر میں نجی سود کاکاروبار کرنے پر پابندی عائد

    پنجاب بھر میں نجی سود کاکاروبار کرنے پر پابندی عائد

    لاہور:- وزیراعلیٰ چودھری پرویزالٰہی کی قیادت میں پنجاب حکومت کا تاریخ ساز اقدام۔ صوبے میں نجی سود کے کاروبار پر پابندی کا قانون نافذ العمل ہوگیا ہے اور ”دی پنجاب پروہیبشن آف انٹرسٹ آن پرائیویٹ لونز ایکٹ 2022“ (The Punjab Prohibation of Interest Loans Act) کا گزٹ نوٹیفکیشن جاری کردیاگیاہے۔

    عام انتخابات میں بھی عمران خان کو بدترین شکست دیں گے. شرجیل میمن

    وزیراعلیٰ چودھری پرویزالٰہی کا کہنا ہے کہ قانون نافذ ہونے کے بعد پنجاب بھر میں نجی سود کاکاروبار کرنے پر پابندی عائد کردی گئی ہے اورصوبہ بھر میں کوئی بھی نجی سود کے حوالے سے لین دین نہیں کرسکے گا۔نجی سود کا کاروبار کرنے والوں کو قانون کی گرفت میں لایاجائے گااورنجی سود کالین دین کرنے والوں کو 10سال قید اور 5لاکھ روپے جرمانہ ہوگا۔

    دوران تفتیش گرفتار مبینہ دہشتگردوں نے اہم حقائق سے پردہ اٹھا دیا

    قانون نافذ ہونے کے بعد ماضی نجی طورپرسود کی مد میں رقم لینے والا شخص اب صرف اصل رقم ہی واپس کرے گااوررقم لینے والے شخص کو اب ماضی میں لئے گئے سود کی مد میں اضافی رقم ادا نہیں کرنا پڑے گی۔اصل رقم کے علاوہ نجی سود کی مد میں اضافی رقم مانگنے پر متعلقہ شخص کے خلاف مقدمہ درج ہوسکے گا۔نجی سود کا کاروبار کرنے والوں کے خلاف کوئی بھی شہری تھانے جاکر ایف آئی آر درج کرا سکے گا۔نجی سود پر پابندی کا قانون نافذ ہونے کے بعد کئی گھر اجڑنے سے محفوظ رہیں گے۔

    وزیراعلیٰ سندھ کا حافظ نعیم کو فون،یقین دہانی کروا دی

    انہوں نے کہا کہ سود ایک لعنت ہے اور دین اسلام میں اسے اللہ کے خلاف جنگ قرار دیا گیاہے۔نجی سود کے حوالے سے پابندی کا قانون دین کی خدمت ہے۔اللہ اوراللہ کے رسولؐ کے احکامات کی تعمیل کر کے سرخرو ہوئے ہیں۔سود کا کاروبار کرنے والوں کو روزقیامت کالے منہ کے ساتھ اٹھایا جائے گا۔ہم نیک نیتی سے دین کا کام کررہے ہیں اورآئندہ بھی کرتے رہیں گے۔