Baaghi TV

Tag: press conference

  • بروقت الیکشن سے متعلق درخواست، الیکشن کمیشن کو نوٹس جاری

    بروقت الیکشن سے متعلق درخواست، الیکشن کمیشن کو نوٹس جاری

    پشاور ہائیکورٹ،بروقت الیکشن سے متعلق پی ٹی آئی کی پٹیشن پر الیکشن کمیشن اور گورنر کو نوٹسز جاری کر دیئے گئے

    دوران سماعت عدالت نے ریمارکس دیتے ہوئے کہا کہ گورنر اور الیکشن کمیشن کو نوٹس کرتے ہیں،جواب آنے کے بعد کیس کو سنتے ہیں،وکیل درخواست گزار نے کہا کہ آئین کے مطابق انتخابات کیلئے تاریخ دینا گورنر کی ذمہ داری ہے ،پشاور ہائیکورٹ نے استفسار کیا کہ اگر گورنر اپنی آئینی ذمہ داری پوری کرنے میں ناکام ہو،تو پھر کیا ہوگا،جسٹس عتیق شاہ نے استفسارکیا کہ آئین میں انتخابات کے حوالے سے گورنر کا کیا مینڈیٹ ہے؟گورنر کی جانب سے خط کا جواب کہاں ہے؟کیس کے ساتھ نہیں لگا،

    وکیل نے عدالت میں جواب دیا کہ گورنر کی جانب سے خط کا جواب ہم نے بعد میں جمع کیا،وکیل درخواست گزار نے کہا کہ گورنر نے جواب میں کہا کہ لاء اینڈ آرڈر کو مد نظر رکھا جائے، ضمنی انتخابات کیلئے شیڈول جاری کردیا گیا ہے،وہاں مسئلہ نہیں ، پشاور ہائیکورٹ نے ایڈوکیٹ جنرل کو ہدایت کی کہ ہمیں آپ کا جواب درکار ہے،پشاور ہائیکورٹ نے کیس کی سماعت 14 فروری تک ملتوی کردی

    فردوس عاشق کالہجہ تلخ تھا،مگرسرکاری ملازم صاحبہ کا ڈیوٹی سےچلےجانا،تکبر،انااورافسرشاہی نہیں تواورکیاہے

    مشیر نہیں بلکہ جہنم میں تھی، فردوس عاشق اعوان کی ایک بار پھر گندی گالیاں

    فردوس عاشق نے اپنے حلقہ انتخاب میں کیا کارنامہ سرانجام دیا، تہلکہ خیز انکشاف

  • منی لانڈرنگ کیس:چیئرمین نیب نے ابھی وزیراعظم کے داماد کے وارنٹ گرفتاری منسوخ نہیں کیے،نیب تفتیشی افسر

    منی لانڈرنگ کیس:چیئرمین نیب نے ابھی وزیراعظم کے داماد کے وارنٹ گرفتاری منسوخ نہیں کیے،نیب تفتیشی افسر

    لاہور: احتساب عدالت نے وزیراعظم شہباز شریف کے داماد ہارون یوسف کی گرفتاری مطلوب نہ ہونےکابیان دےدیا۔

    باغی ٹی وی: منی لانڈرنگ ریفرنس میں عبوری ضمانت کی میعاد ختم ہونے پر وزیر اعظم کے داماد ہارون یوسف احتساب عدالت میں پیش ہوئے، جہاں ان کی عبوری ضمانت کی درخواست پر سماعت ہوئی۔

    جیل بھرو تحریک ملک میں فساد اور انتشار پیدا کرنے کی سازش ہے،مریم اورنگزیب

    نیب حکام نے بیان دیتے ہوئے کہا کہ ترامیم کی روشنی میں ہمیں ہارون یوسف کی گرفتاری مطلوب نہیں ہے، ہارون یوسف کے وکیل امجد پرویز نے نیب تفتیشی افسر سے استفسار کیا کہ آپ واضح بات بتائیں۔

    نیب کے تفتیشی افسر نے کہا کہ چیئرمین نیب نے ابھی وارنٹ گرفتاری منسوخ نہیں کیے لیکن گرفتاری بھی مطلوب نہیں۔

    تھر میں 5 ہزار میگا واٹ بجلی پیداکرنے کی صلاحیت ہے،مشاہد حسین سید

    امجد پرویز نے کہا کہ عدالت سےاستدعا ہے کہ اسے بحث کے لیے رکھ لیں اس پر جج نے کہا کہ نیب نے ابھی تلوار لٹکائی ہوئی ہے۔

    نیب کے تفتیشی افسر کا کہنا تھا کہ پہلے ہم نے ملزم ہارون یوسف کا کردار بے نامی دار لکھا تھا،ترمیمی قانون کے تحت نئی رپورٹ 17 فروری تک دینی ہے۔

    بعد ازاں عدالت نے کیس کی مزید سماعت 17 فروری تک ملتوی کردی۔

    الیکشن کمیشن نے فنڈنگ کیس میں پیشرفت رپورٹ عدالت میں جمع کرادی

  • الیکشن کمیشن نے فنڈنگ کیس میں پیشرفت رپورٹ عدالت میں جمع کرادی

    الیکشن کمیشن نے فنڈنگ کیس میں پیشرفت رپورٹ عدالت میں جمع کرادی

    اسلام آباد: الیکشن کمیشن کی جانب سے فنڈنگ کیس میں پیشرفت رپورٹ عدالت میں جمع کر دی گئی-

    باغی ٹی وی: چیف جسٹس اسلام آباد ہائیکورٹ عامر فاروق نے استفسار کیا کہ اسکروٹنی مکمل ہونے میں کتنا وقت لگے گا ؟جس پر ڈی جی لاء الیکشن کمیشن نے کہا کہ ہزاروں ٹرانزیکشنز کا معاملہ ہے ، ہم کام کررہے ہیں –

    ایک تاریخ بتادیں کہ عمران خان کب عدالت آئیں گے؟ ،سیشن کورٹ اسلام آباد

    سماعت کے دوران پی ٹی آئی کے وکیل نے کہا کہ کیسز بھی پی ٹی آئی کیساتھ شروع ہوئے تھے لیکن مکمل نہیں ہوسکے،الیکشن کمیشن کی رپورٹ کی کاپی ہمیں بھی فراہم کی جائے-

    چیف جسٹس عامر فاروق نے استفسار کیا کہ آپ اس میں ڈائریکشن ہی چاہ رہے ہیں کہ جلد ا سکروٹنی مکمل کی جائے ؟ جس پر پی ٹی آئی کے وکیل نے موقف دیا کہ پہلے ہی اتنا وقت گزر چکا ہے ، پی ٹی آئی کیساتھ امتیازی سلوک کیا گیا-

    ڈی جی لاء الیکشن کمیشن نے کہا کہ اسکروٹنی کمیٹی کو میں ہی ہیڈ کررہا ہوں ، اکاؤنٹنٹ بھی کمیٹی کا حصہ ہیں –

    فارن فنڈنگ کیس، پی ٹی آئی کی چوری پکڑی گئی، تہلکہ خیز انکشاف

    چیف جسٹس عامر فاروق نے کہا کہ الیکشن کمیشن کو چارٹرڈ اکاؤنٹنٹ اور فرانزک ایکسپرٹ کو بھی ہائیر کرنا چاہیے ، آج بھی کروڑوں کی ٹرانزیکشنز بیگز میں ہوتی ہیں،آئی ایم ایف بھی یہی چاہتا ہے کہ ڈاکیومنٹڈ اکانومی ہو،بڑے شہروں میں اربوں کی ٹرانزیکشنز پرچی پر ہورہی ہیں-

    بعد ازاں اسلام آباد ہائیکورٹ نے کیس کی سماعت 2 مارچ تک ملتوی کردی-

    واضح رہے کہ اسلام آباد ہائی کورٹ نے الیکشن کمیشن سے سیاسی جماعتوں کے فنڈنگ کیسز میں پیش رفت سے متعلق رپورٹ دس روز میں طلب کی تھی-

    فارن فنڈنگ کیس، سکروٹنی کمیٹی نے پی ٹی آئی کی استدعا مسترد کر دی

  • وزیراعظم کے دورہ ترکیہ کی وجہ سے اے پی سی کانفرنس ایک بار پھر مؤخر

    وزیراعظم کے دورہ ترکیہ کی وجہ سے اے پی سی کانفرنس ایک بار پھر مؤخر

    اسلام آباد: آل پارٹیز کانفرنس 9 فروری کو بھی موخر کر دی گئی-

    باغی ٹی وی: وفاقی وزیر اطلاعات مریم اورنگزیب کا کہنا ہے کہ وزیراعظم شہباز شریف کل صبح انقرہ روانہ ہوں گے، وزیراعظم تر کیہ کے صدرسے زلزلے میں نقصان پر اظہار افسوس اور تعزیت کریں گے،وزیراعظم شہباز شریف ترکیہ کے عوام سے یک جہتی کریں گے-

    ایک تاریخ بتادیں کہ عمران خان کب عدالت آئیں گے؟ ،سیشن کورٹ اسلام آباد

    مریم اورنگزیب نے کہا کہ وزیراعظم کے دورہ ترکیہ کی وجہ سے 9 فروری کو بلائی گئی اے پی سی مؤخر کردی گئی،اتحادیوں کی مشاورت سے اے پی سی کی نئی تاریخ کا اعلان ہوگا-

    دوسری جانب وفاقی وزیر داخلہ رانا ثنااللہ کا کہنا ہےکہ آل پارٹیز کانفرنس (اے پی سی) میں کسی جماعت کے شامل نہ ہونے سے معاملہ رک نہیں سکتا، اے پی سی میں تمام جماعتوں کی شرکت کےلیے دودن بڑھائے ہیں، یہ قومی معاملہ ہے اس پر تمام جماعتوں کو مل کر حل نکالنا ہوگا اے پی سی میں اتفاق رائےکے بعد حکومت دہشت گردوں کے خلاف کارروائی کا فیصلہ کرےگی۔

    رانا ثنااللہ کا کہنا تھا کہ عمران خان نے جیل بھرو تحریک کا اعلان کیا ہے، پہلے بھی ان کے ہتھکنڈے ناکام ہوئے ہیں، عمران کو معلوم ہی نہیں کہ جیل میں رہنا کتنا مشکل ہے، عمران خان نے اپنی سیاسی زندگی میں صرف ایک دن کی جیل کاٹی ہے، عمران خان کا مقصد سیاسی افراتفری ہے وہ اس میں ناکام ہوں گے۔

    ملک میں کھانےکو روٹی نہیں ،یہ الیکشن الیکشن کررہے ہیں،سعد رفیق

    واضح رہے کہ پاکستان تحریک انصاف کے مطالبے پرآل پارٹیز کانفرنس (اے پی سی) کی تاریخ اور مقام تبدیل کردیا گیا تھا کانفرنس 7 کے بجائے 9 فروری کو وزیراعظم ہاؤس کے بجائے صبح 11 بجے پارلیمنٹ ہاؤس میں ہونا تھا تاہم اب وزیراعظم کے دورہ ترکیہ کی وجہ سے کنفرنس ایک بار پھر ملتوی کر دی گئی ہے-

    کانفرنس کے ایجنڈے میں دہشت گردی کے مسئلے کے حل اور معاشی مسائل شامل ہیں۔ عسکری قیادت دہشت گردی کی حالیہ لہر پراجلاس کو بریفنگ دے گی،کانفرنس میں درپیش چیلنجز کےلیے مشترکہ حکمت عملی مرتب ہوگی اور دہشت گردی سے مؤثر طور پر نمٹنے کے لیے نیشنل ایکشن پلان پر نظرثانی ہو گی حکومت معاشی مسائل سے نمٹنے کے لیے اکنامک روڈمیپ پیش کرے گی جبکہ وزیرخزانہ اور ان کی ٹیم آئی ایم ایف سے مذاکرات پر اعتماد میں لے گی۔

    پاکستان کے معروف نیزہ باز ملک عطا محمد خان کا یوم وفات

  • ملک میں کھانےکو روٹی نہیں ،یہ الیکشن الیکشن کررہے ہیں،سعد رفیق

    ملک میں کھانےکو روٹی نہیں ،یہ الیکشن الیکشن کررہے ہیں،سعد رفیق

    وفاقی وزیر ریلوے سعد رفیق کا کہنا ہے کہ وفاقی ملک میں عام انتخابات ایک ساتھ ہونے چاہییں-

    باغی ٹی وی: وفاقی وزیرسعد رفیق نےکہا کہ ملکی معاشی حالات ٹھیک نہیں،یہ بحران بھی سیلاب کی طرح ہے،ہم الیکشن سے بھاگ نہیں رہے ،ملک کسی اور بحران کا متحمل نہیں ہوسکتا،الیکشن کوئی عام بات نہیں ، مخصوص صورتحال میں بھی ہوئے ہیں-

    پاکستان سے ریسکیو ٹیم اور امدادی سامان کا خصوصی طیارہ ترکیہ روانہ ،یو اے ای کا بھی…

    وفاقی وزیر سعد رفیق نے کہا کہ ذاتی رائے ہے کہ ملک میں انتخابات ایک ساتھ ہوں،الگ الگ انتخابات سے تقسیم بڑھے گی،آئین کی پاسدار اپنی جگہ ہے، پہلے بھی کئی بار ملتوی ہوئے، ہم نے الیکشن بدترین حالات بھی لڑے،جبر کی بنیاد پر عمران خان کو ہمارے خلاف الیکشن لڑوایا گیا الیکشن سے پی ڈی ایم کی کوئی جماعت نہیں بھاگ رہی-

    سعد رفیق نے کہا کہ ملک کو مزید کسی نئےبحران کا شکار نہیں کرسکتے،الیکشن کوئی کھیل نہیں ہے ایک ساتھ ہوں گے تو اچھی بات ہے عمران خان کی ایک بات مانیں گے تو وہ دوسرا مطالبہ کرے گا ،کون سے ایسے حالات تھے کہ عمران خان نے پنجاب اور خیبرپختونخوا کی اسمبلی توڑ دی، ملک میں کھانے کو روٹی نہیں ،یہ الیکشن الیکشن کررہے ہیں،کیا سارہ سال یہی ہوگا؟-

    پولیس نے پرویز الہی کے گھر کا گھیراؤ کر لیا

    دوسری جانب وزیراعظم کے معاون خصوصی ملک احمد خان کا کہنا ہے کہ جب تک وفاق میں نگراں حکومت نہ ہو، دو صوبوں میں انتخابات ممکن نہیں،تحریک انصاف کسی کو مجبور نہیں کرسکتی کہ باقی اسمبلیاں تحلیل کرے۔

    انہوں نے کہا کہ یہ جیل بھرو تحریک شوق سے شروع کریں، ان کے تین چار لوگ جیل گئے اور روتے ہوئے باہر آئےعمران خان ،قاسم سوری ، عارف علوی، سرفراز چیمہ ، فوادچوہدری پر آرٹیکل 6 لگتا ہے۔

    وزیر اعظم کی وکی پیڈیا سے پابندی فوری ہٹانے کی ہدایت

  • پولیس نے پرویز الہی کے گھر کا گھیراؤ کر لیا

    پولیس نے پرویز الہی کے گھر کا گھیراؤ کر لیا

    گجرات: پولیس نے سابق وزیر اعلیٰ پنجاب اور مسلم لیگ ق کے رہنما پرویز الہی کے گھر کا محاصرہ کر لیا-

    باغی ٹی وی :پرویزالہٰی کے ترجمان اقبال چودھری نے دعوی کیا ہے کہ پولیس نے گجرات میں چودھری پرویز الہٰی کی رہا ئش گاہ کا محاصرہ کر لیا ہے پولیس کی جانب سے پرویز الہٰی کی رہائش گاہ کے اندر جانے کی کو شش کی جا رہی ہے-

    گجرات میں ظہورالہٰی ہاؤس پرپولیس کاچھاپہ،پرویزالہٰی کی تصدیق

    ترجمان نے کہا کہ پولیس کی بھاری نفری گجرات میں پرویز الہٰی کی رہائش گا ہ کے باہر موجود ہے پولیس سیڑھیاں لگا کر پرویز الہٰی کی رہائش گا ہ کے اندر جانے کی کوشش کر رہی ہے-https://twitter.com/MoonisElahi6/status/1622645844083187712?s=20&t=uQpufTsXw4-mCN4uk1rt4w
    پروایز لہی کے صاحبزادے مونس الہی نے پولیس محاصرے کی سی سی ٹی وی ویڈیوٹوئٹر پر شئیر کی اور کہا کہ پولیس، ایف آئی اے، اور دیگر ایک بار پھر کنجاہ ہاؤس میں بغیر وارنٹ کے چھاپے مارتے رہتے ہیں۔ ہمارے گھر پر چھاپہ مار کر آپ کو لگتا ہے کہ ہم عمران خان کا ساتھ چھوڑ دیں گے۔

    وزیراعظم شہبازشریف ترکیہ کا دورہ کریں گے

    اس سے قبل یکم فروری کو بھی گجرات میں پولیس نے ظہورالہی ہاؤس پر چھاپہ مارا تھا سابق وزیراعلی نے پرویزالہی نے کہا تھا کہ پولیس اہلکارسیڑھی لگا کرظہورالہی ہاؤس میں داخل ہوئے، ہمارے ملازمین کو ہراساں کیا گیا۔ ہمیں اس چھاپے کے بارے میں کچھ بھی معلوم نہیں تھا۔ یہ چاہتے ہیں کہ ہم عوامی خدمت نہ کریں، حکمرانوں کو الیکشن میں اپنی شکست نظر آرہی ہے اسی لیے یہ گھسے پٹے سیاستدان ایسی حرکتیں کررہے ہیں، ہمیں عدالتوں پر پورا یقین ہے انہیں عدالتوں سےسزا دلوائیں گے۔

    سیکرٹری پنجاب اسمبلی محمد خان بھٹی گرفتار

  • سیکرٹری پنجاب اسمبلی محمد خان بھٹی گرفتار

    سیکرٹری پنجاب اسمبلی محمد خان بھٹی گرفتار

    سیکرٹری پنجاب اسمبلی محمد خان بھٹی کو گرفتار کرلیا گیا-

    باغی ٹی وی: ترجمان ق لیگ نے دعویٰ کیا ہے کہ سابق سیکریٹری پنجاب اسمبلی محمد خان بھٹی کو حراست میں لے لیا گیا ہے،محمد خان بھٹی کو سندھ سے حراست میں لے لیا گیا،محمد خان بھٹی کو سندھ کے علاقہ مٹیاری سے حراست میں لیا گیا -ْ

    مونس الہی کا ایک اور دوست غائب

    اس حوالے سے سابق وزیر اعلیٰ چودھری پرویز الہٰی نے کہا کہ محمد خان بھٹی کو اس وقت حراست میں لیا گیا جب وہ حفاظتی ضمانت کیلئے سندھ ہائیکورٹ جارہے تھےخدشہ ہے محمد خان بھٹی کو بھی لاپتہ نہ کردیا جائے-

    پرویزالہی نے کہا کہ ہمارے لیگل ایڈوائزر عامر سعید راں ابھی تک لاپتہ ہیں،ایسے واقعات صوبوں میں نفرت کا باعث بنیں گے،وزیر اعلی ٰسندھ اس لاقانونیت کا فوری نوٹس لیں،یقین ہے وزیر اعلی ٰسندھ ایسے اقدامات کا راستہ روکیں گے –

    واضح رہے کہ گزشتہ ماہ کے آخر میں سابق سیکرٹری پنجاب اسمبلی محمد خان بھٹی کے خلاف محکمہ اینٹی کرپشن نےایک اور کارروائی کرتے ہوئے محمد خان بھٹی کو بیرون ملک فرار سے روکنے کیلئے نام ایگزٹ کنٹرول لسٹ میں ڈالنے کیلئے محکمہ داخلہ پنجاب کو خط لکھا تھا-

    محکمہ اینٹی کرپشن نے محمد خان بھٹی کو بیرون ملک فرار ہونے سے روکنے کیلئے ہوم ڈیپارٹمنٹ کو لکھے گئے خط کی کاپی ڈی جی ایف آئی اے کو بھی بھجوائی تھی اینٹی کرپشن نے محمد خان بھٹی کے خلاف کروڑوں روپے رشوت لینے پر مقدمہ درج کر رکھا ہے۔

    ترکیہ اور شام میں تباہ کن زلزلہ : ماہرین نے پاکستان اوربھارت کو بھی خبردار کر دیا

    اینٹی کرپشن نے محکمہ داخلہ پنجاب اور ایف آئی اے کو خط میں لکھا تھا کہ تفتیش سے بچنے کیلئے محمد خان بھٹی کے ملک سے فرار ہونے کا قوی امکان ہے، اینٹی کرپشن نے گرفتار ملزم ایس ڈی او محکمہ ہائی وے رانا محمد اقبال کا نام بھی ای سی ایل میں ڈالنے کی سفارش کی تھی ۔

    تفتیشی ٹیم نے ڈائریکٹر اینٹی کرپشن لاہور ریجن اے حسنین خالد کی وساطت سے ہیڈ کوارٹرز کو محمد خان بھٹی اور ایس ڈی او رانا محمد اقبال کا نام ای سی ایل میں ڈالنے کے لیے قومی شناختی کارڈ اور پاسپورٹ نمبرز ہوم ڈیپارٹمنٹ اور ڈی جی ایف آئی اے کو بھجوا دیئے تھے-

    اینٹی کرپشن نے خط میں لکھا تھا کہ محکمہ داخلہ پنجاب محمد خان بھٹی کا نام ایگزٹ کنٹرول لسٹ میں ڈلوانے کیلئے وفاقی وزارت داخلہ سے فی الفور رجوع کرے-

    جیل بھرو تحریک ملک میں فساد اور انتشار پیدا کرنے کی سازش ہے،مریم اورنگزیب

  • جیل بھرو تحریک سے حقیقی آزادی حاصل کریں گے،عمران خان

    جیل بھرو تحریک سے حقیقی آزادی حاصل کریں گے،عمران خان

    باغی ٹی وی کی رپورٹ کے مطابق تحریک انصاف کے چیئرمین عمران خان نے کہا ہے کہ قومیں قانون کے تحت چلتی ہیں، آئین فیصلہ کرتا ہے کیا جائز ہے کیا

    اپنے ویڈیو پیغام میں عمران خان کا کہنا تھا کہ ناجائزجب سے امپورٹڈ حکومت آئی آئین کی دھجیاں اڑائی گئیں، عدالت نے حکم دیا اسلام آباد بلدیاتی الیکشن 48گھنٹے میں کرائیں،مہینہ ہوگیا لیکن انتخابات نہیں ہو رہے، آئین بنیادی حقوق کی حفاظت کرتا ہے لیکن ہمارے لوگوں کو اٹھایا گیا،کئی لوگوں کا تشدد کے بعد ذہنی توازن ٹھیک نہیں ہوا، ایک ٹویٹ پر لوگوں کو اٹھایا گیا اورتشدد کیا گیا،25مئی کو پرامن احتجاج کرنے والوں پر تشدد کیا، قوم کا آئین اور قانون پر اعتماد اٹھتا جا رہا ہے، آئین میں واضح ہے کہ 90 دن میں الیکشن ہوں گے،پنجاب اور خیبرپختونخوا میں حکومتیں آئین کے تحت تحلیل کیں،ملک بحران اور سیاسی عدم استحکام کا شکار ہے، ہم نے 2 حکومتوں کی قربانی دیں،20سے 25دن ہوگئے الیکشن کمیشن اور گورنرز نے الیکشن کی تاریخ نہیں دی، اگر 90دن سے آگے گئے تو آئین میں واضح ہے کہ آرٹیکل 6 لگے گا، پوری قوم عدالتوں کی طرف دیکھ رہی ہے،نظریہ ضرورت سے ملک کا نیچے جانے کا سفر شروع ہوا،

    عمران خان کا مزید کہنا تھا کہ اب بھی وہی وقت ہے،اگر 90دن سے الیکشن آگے گئے تو انصاف کیلئے جیل بھرو تحریک کا فیصلہ کیا،جن پر کرپشن کے مقدمات تھے، انہیں جیل میں شاہانہ انداز میں رکھا گیا، مریم کو پانامہ انکشاف کے بعد جیل میں رکھا گیا، کوئی تشدد نہیں ہوا، ایک راستہ یہ ہے کہ ہڑتال کریں، پہیہ جام کریں، پتھراؤ کریں،ملک میں معاشی بحران ہے، اس لئے ہڑتال نہیں کر رہے، پرامن جدوجہد کے طور پر جیل بھرو تحریک کا فیصلہ کیا،جیل بھرو تحریک سے حقیقی آزادی اور حقیقی جمہوریت حاصل کریں گے،

    مریم نواز سے قائم مقام برطانوی ہائی کمشنر زوئی وئیر کی ملاقات

    ‏عمران خان دی بندہ کی عزت کرسکدا اے….فواد چودھری کی آڈیو لیک

    پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں

     بہاولپور کے شیروں کو سلام پیش کرتی ہوں نوازشریف نے لند ن سے آپ کیلئے سلام بھیجا ہے،

    علی امین گنڈاپور اور امتیاز نامی شخص کے مابین آڈیو لیک

  • تحریک انصاف کے مزید9ممبران نے پارلیمنٹ لاجز خالی کرادیئے

    تحریک انصاف کے مزید9ممبران نے پارلیمنٹ لاجز خالی کرادیئے

    پی ٹی آئی کے ڈی نوٹیفائی ہونے والے ممبران سے پارلیمنٹ لاجز خالی کرانے کا سلسلہ جاری ہے-

    باغی ٹی وی: تفصیلات کے مطابق تحریک انصاف کے مزید 9 ممبران نے پارلیمنٹ لاجز خالی کرادیئے،شیخ راشد شفیق، ڈاکٹر نوشین حامد،تاشفین صفدرنے لاجز خالی کردیئے-

    جس نے جرائم کیے اسے حساب تو دینا پڑے گا،مریم نواز

    آفتاب صدیقی، عالمگیر خان اور راجہ خرم شہزاد نے بھئ لاجز بھی خالی کر دیئے،مجموعی طور پر خالی ہونے والے پارلیمنٹ لاجز کی تعداد 24 ہوگئی-

    قبل ازیں کیپٹل ڈیولپمنٹ اتھارٹی (سی ڈی اے) نے پارلیمنٹ لاجز میں الیکشن کمیشن کی جانب سے ڈی نوٹیفائی کیے جانے کے بعد پی ٹی آئی کے اراکین قومی اسمبلی کے کمرے خالی کرانے کے لیے آپریشن کیا،پی ٹی آئی کے سابق رکن اسمبلی فرخ حبیب، ظہور احمد قریشی، شاندانہ گلزار، شاہد احمد خٹک، گل داد خان اور ارباب عامر ایوب نے پالیمنٹ خالی کئے تھے-

    سابق وفاقی وزیر تعلیم شفقت محمود، علی حیدر زیدی، علی امین خان گنڈا پور، ملیکہ علی بخاری اور فہیم خان نے رضاکارانہ طور پر اپنے کمرے خالی کردیے تھے۔

    ایسی چیزوں سے اجتناب کرنا ہو گا جس سے ملکی سالمیت کو خطرہ ہو،امیر مقام

    پی ٹی آئی کے 131 ارکان اسمبلی نے گزشتہ برس اپریل میں سابق وزیراعظم عمران خان کے خلاف تحریک عدم اعتماد کامیاب ہونے کے بعد اجتماعی طور پر استعفیٰ دے دیے تھے۔

    پی ٹی آئی نے پارلیمنٹ کا حصہ نہ بننے کا فیصلہ کیا تھا کیونکہ ان کا دعویٰ تھا کہ پی ٹی آئی حکومت کو عالمی سازش کے ذریعے ہٹایا گیا تھا تاہم موجودہ حکومت کا مؤقف ہے کہ وزیر اعظم کو تحریک عدم اعتماد کے ذریعے ہٹانا آئینی اقدام ہے۔

    جن 131 ارکان اسمبلی نے استعفے جمع کرائے تھے ان میں سے 120 کے قریب ارکان اسمبلی کے استعفے اسپیکر قومی اسمبلی راجا پرویز اشرف نے منظور کر لیے قوانین کے مطابق الیکشن کمیشن کی جانب سے اراکین قومی اسمبلی کو ڈی نوٹیفائی کیےجانے کے بعد وہ پارلیمنٹ لاجز میں رہنے کے حقدار نہیں ہیں۔

    ٹریک کو ٹھیک نہ کیا تو 2،4سال میں بند ہو جائیں گے،وزیر ریلوے

  • ترکی میں زلزلہ، وزیراعظم کا ترک صدر سے رابطہ

    ترکی میں زلزلہ، وزیراعظم کا ترک صدر سے رابطہ

    وزیراعظم شہبازشریف نے ترکیہ کے صدر رجب طیب اردوان کو ٹیلی فون کیا ہے

    وزیراعظم نے صدر ترکیہ سے زلزلے سے ہونے والی تباہی پر اظہار افسوس کیا ،وزیراعظم شہباز شریف نے ترکیہ کے صدر سے ٹیلی فون پر گفتگو کرتے ہوئے کہا کہ قیمتی انسانی جانوں کے ضیاع پر بے حد رنجیدہ ہیں: غمزدہ خاندانوں سے دلی ہمدردی اور تعزیت کرتے ہیں آزمائش کی اس گھڑی میں پاکستان اپنے بھائی ترکیہ اور اسکے عوام کے ساتھ ہے زلزلے کی تباہی سے نمٹنے میں پاکستان ترکیہ کی حکومت اورعوام کے ساتھ بھرپور تعاون کرے گا موسمیاتی تبدیلیوں کی تباہی کی شدت بڑھ رہی ہے قدرتی آفات اور موسمیاتی تباہی کسی سرحد، خطے اور مخصوص قوم تک محدود نہیں

    اسامہ ستی قتل کیس، وفاقی کابینہ کا اہم فیصلہ، وزیراعظم کا دبنگ اعلان

    اسامہ ستی قتل کیس ، پولیس افسران ملزمان کو بچانے کے لیے سرگرم

    جس طرح تحقیقات کروانا چاہیں حکومت تیار ہے، شیخ رشید کا اسامہ ستی کے والد کو فون

    پولیس اہلکاروں کو بچانے کی کوشش کی جارہی ہے،مقتول اسامہ ستی کے والد کی درخواست

    وزیراعظم شہباز شریف نے جاں بحق افراد کی مغفرت ، اہل خانہ کے لئے صبر جمیل اور زخمیوں کی جلد صحت یابی کی دعا کی،ترکیہ کے صدر رجب طیب اردوان نے ٹیلی فون اور حمایت کرنے پر وزیراعظم شہبازشریف کا شکریہ ادا کیا اور کہا کہ آپ کے اور پاکستانی عوام کے جذبات کی قدر کرتا ہوں

    دوسری جانب ترک صدر رجب طیب اردوان نے کہا ہے کہ زلزلے سے ہلاکتوں کی تعداد912 ہو گئی ہے، زلزلے سے 5383 افراد زخمی ہوئے ،ہلاکتوں کی تعداد کہاں تک پہنچے گی ابھی اندازہ نہیں لگا سکتے زلزلے سے 2818 عمارتیں مکمل طور تباہ ہوئیں جبکہ 2470 افراد کو ملبے سے نکال لیاگیا، 9 ہزار ریسکیو ٹیمیں کام کررہی ہیں ۔علاوہ ازیں ترک نائب صدرکا کہنا ہے کہ زلزلے سے متاثرہ شہروں میں سکول ایک ہفتے کیلئے بند رہیں گے