Tag: press conference

اسلام آباد: مسلم لیگ ق کے رہنما اور پی ٹی آئی کے اتحادی چوہدری پرویز الہیٰ نے محسن رضا نقوی کی بطور نگراں وزیراعلیٰ پنجاب تقرری کو سپریم کورٹ چلینج کرنے کا اعلان کردیا جبکہ پی ٹی آئی نے بھی الیکشن کمیشن کے فیصلے کو مسترد کردیا۔

اس حوالے سے تحریک انصاف کے رہنما فواد چوہدری نے کہا کہ الیکشن کمیشن آف پاکستان (ای سی پی) نے اس بار بھی مایوس نہیں کیا، محسن نقوی جیسے متنازع سخص کو وزیراعلیٰ مقرر کرنے کے فیصلے کو مسترد کرتے ہیں۔ فواد چوہدری نے کہا کہ اس نظام کے خلاف سڑکوں پر جدوجہد کے علاوہ کوئی راستہ نہیں ہے اس لیے کارکنان تیاری کریں چیئرمین پی ٹی ای آئی عمران خان کی قیادت میں بڑی مہم چلائیں گے۔

دوسری جانب مسلم لیگ ق کے رہنما اور پی ٹی آئی کے اتحادی پرویز الہیٰ نے محسن نقوی کی بطور نگراں وزیراعلیٰ تقرری کے معاملے پر سپریم کورٹ جانے کا اعلان کرتے ہوئے کہا کہ الیکشن کمیشن کا فیصلہ متنازع اور ہر اصول و ضابطے کیخلاف ہے۔

محسن رضا نقوی کی بطور نگران وزیر اعلیٰ تقرری کے بعد ان کے دوستوں اور رشتہ داروں کی جانب سے گھر کے باہر جشن منایا گیا۔محسن رضا نقوی کے نگران وزیر اعلیٰ مقرر ہونے کے اعلان کے بعد انجمن تاجران کی جانب سے بھی ان کے گھر جشن منایا گیا، اس موقع پر خوشی میں ڈھول بجا رقص بھی کیا گیا۔

سید محسن رضا نقوی کی نگران وزیر اعلیٰ تقرری ہوتے ہی ان کے آبائی علاقے جھنگ میں انکی رہائش گاہ کے باہر مختلف طبقہ فکر کے لوگوں کا مبارکباد دینے کیلئے تانتا بندھ گیا۔

لاہور:الیکشن کمیشن کی جانب سے نامزد کیے گئے نگران وزیر اعلیٰ پنجاب محسن رضا نقوی امریکا سے اعلیٰ تعلیم یافتہ ہیں۔محسن رضا نقوی نے کریسنٹ ماڈل سکول اور بعد میں گورنمنٹ کالج لاہور میں تعلیم حاصل کی اور اعلیٰ تعلیم کیلئے امریکا چلے گئے، میامی میں رہتے ہوئے انہوں نے CNN میں انٹرن شپ کے ذریعے صحافت کا تجربہ حاصل کیا اس دوران وہ ایک پروڈیوسر کے عہدے پر فائز رہے، پاکستان میں CNN کے نمائندے کے طور پر خدمات بھی سرانجام دیں۔

نگران وزیر اعلیٰ پنجاب محسن رضا نقوی پاکستان میں ایک معروف میڈیا گروپ کے مالک ہیں، ان کو اپوزیشن لیڈر حمزہ شہباز کی جانب سے نگران وزیر اعلیٰ کیلئے نامزد کیا گیا تھا۔

پنجاب میں مسلسل تیسری بار اپوزیشن کے نامزد امیدوار کو نگران وزیر اعلیٰ مقرر کیا گیا ہے، تیسری بار ایک صحافی کو نگران وزیر اعلیٰ مقرر کیا گیا ہے، اس سے قبل 2018ء میں بھی الیکشن کمیشن کی جانب سے صحافی حسن عسکری کو نگران وزیر اعلیٰ کیلئے نامزد کیا گیا تھا۔

سابق وزیر اعظم عمران خان کا گزشتہ روز ہی اپوزیشن کے وزیر اعلیٰ کی نامزدگی کی مخالفت کرنے کا اعلان کرتے ہوئے کہنا تھا کہ ہم نے نگران وزیر اعلیٰ کیلئے پنجاب میں بہترین نام دیئے، نگران وزیر اعلیٰ وہ ہوتا ہے جو نیوٹرل ہو، اگر نیوٹرل شخص کو نگران وزیر اعلیٰ سلیکٹ نہ کیا تو قبول نہیں کریں گے۔

لاہور:پاکستان تحریک انصاف نے محسن نقوی کو نگراں وزیراعلیٰ پنجاب بنانے کا فیصلہ مسترد کردیا۔فواد چوہدری نے ٹوئیٹر پیغام میں لکھا کہ اس نظام کے خلاف سڑکوں پر جدوجہد کےعلاوہ کوئی راستہ نہیں۔ کارکنان تیاری کریں، عمران خان کی قیادت میں بڑی مہم چلائیں گے۔

دوسری جانب سیکرٹری جنرل تحریک انصاف اسدعمر نے کہا کہ محسن نقوی کی بطورنگراں وزیراعلیٰ تعیناتی آئین سے مذاق کے مترادف ہے، تحریک انصاف فیصلے کیخلاف عوامی احتجاج اور قانونی چیلنج بھی کرے گی۔

خائن کیلئے قرآن کریم میں سخت الفاظ استعمال ہوئے ہیں،چیف جسٹس

دوسری جانب رہنما ق لیگ چوہدری پرویزالہیٰ نے نگراں وزیراعلیٰ پنجاب کے تقرری سے متعلق الیکشن کمیشن کے فیصلے کیخلاف سپریم کورٹ جانے کا اعلان کردیا۔ٹویٹر پیغام میں چوہدری پرویزالہیٰ نے لکھا کہ الیکشن کمیشن کا متنازع فیصلہ ہر اصول اور ضابطے کے خلاف ہے۔ الیکشن کمیشن کے اس فیصلے کے خلاف سپریم کورٹ جا رہے ہیں۔ سابق وزیراعلیٰ پنجاب نے مزید لکھا کہ 25 لاکھ روپے کی پلی بارگین کرنیوالے شخص سے کیسے انصاف کی توقع ہوسکتی ہے۔

ٹیکساس کے پہلے مسلمان قانون سازوں نے صدیوں قدیم قرآن پاک پرحلف اٹھا لیا

خیال رہے کہ الیکشن کمیشن آف پاکستان نے محسن نقوی کو نگراں وزیراعلیٰ پنجاب مقرر کرکے محسن نقوی کی بطور نگران وزیر اعلیٰ پنجاب تقرری کا نوٹیفکیشن بھی جاری کر دیا ہے۔

واضح رہے کہ گزشتہ روز ایک ٹی وی انٹرویو میں چیئرمین تحریک انصاف کا کہنا تھا کہ پنجاب میں اپوزیشن کی طرف سے دیے جانے والے ناموں میں سے ایک نام ایسا بھی جس کا رجیم چینج میں باقاعدہ کردار تھا۔ ان کے مطابق اگر الیکشن کمیشن ایسے کسی شخص کا انتخاب کرتا ہے تو پھر اس فیصلے کو تسلیم نہیں کیا جائے گا۔

لاہور:چیئرمین پاکستان تحریک انصاف اور سابق وزیر اعظم عمران خان کی جانب سے سویڈن میں قرآن پاک کی بے حرمتی کے واقعے شدید مذمت کی گئی ہے۔

کل سویڈن میں احتجاج کے دوران قرآنِ کریم نذرِ آتش کئے جانے کی شدید ترین الفاظ میں مذمت کرتا ہوں۔گزشتہ برس مارچ میں ہماری حکومت کی کاوش کے نتیجے میں اقوامِ متحدہ کی جنرل اسمبلی نے اسلاموفوبیا کے انسداد کے عالمی دن کے حوالے سے او آئی سی کی تائید یافتہ تاریخی قرارداد منظور کی۔

— Imran Khan (@ImranKhanPTI) January 22, 2023

سماجی رابطے کی ویب سائٹ ٹوئٹر پر اپنے مذمتی بیان میں سابق وزیر اعظم عمران خان نے کہا کہ کل سویڈن میں احتجاج کے دوران قرآن کریم نذر آتش کئے جانے کی شدید ترین الفاظ میں مذمت کرتا ہوں۔انہوں نے کہا کہ گزشتہ برس مارچ میں ہماری حکومت کی کاوش کے نتیجے میں اقوامِ متحدہ کی جنرل اسمبلی نے اسلاموفوبیا کے انسداد کے عالمی دن کے حوالے سے او آئی سی کی تائید یافتہ تاریخی قرارداد منظور کی۔

سویڈن میں قرآن پاک کی بے حرمتی ،وزیراعظم شہباز شریف کی شدید الفاظ میں مذمت

سابق وزیر اعظم اور چیئرمین تحریک انصاف عمران خان نے مزید کہا کہ اقوام متحدہ کی قرارداد کے ذریعے اقرار کیا گیا کہ اسلام اور شعائرِ اسلام کے خلاف نفرت انگیز اقدامات کو آزادی اظہار کا تحفظ حاصل نہیں۔

خائن کیلئے قرآن کریم میں سخت الفاظ استعمال ہوئے ہیں،چیف جسٹس

اس سے پہلے وزیر اعلیٰ پنجاب چودھری پرویز الہٰی کی جانب سے سویڈن میں قرآن پاک کی بے حرمتی کے گھناؤنے واقعہ کی شدید مذمت کی گئی ہے۔اپنے مذمتی بیان میں وزیر اعلیٰ پنجاب نے کہا کہ قرآن کریم کی بے حرمتی کا واقعہ بدترین اور انتہائی دل آزاری والا فعل ہے، مہذب معاشرے میں ایسے افسوسناک واقعہ کی رتی بھر بھی گنجائش نہیں، کسی بھی مہذب معاشرے میں الہامی کتاب کی بے حرمتی کے واقعہ کا تصور بھی نہیں کیا جا سکتا۔

ٹیکساس کے پہلے مسلمان قانون سازوں نے صدیوں قدیم قرآن پاک پرحلف اٹھا لیا

چودھری پرویز الہٰی کا مزید کہنا تھا کہ قرآن کریم کا احترام ہر مسلمان کے ایمان کا حصہ ہے، آزادی اظہار کی آڑ میں ایسا واقعہ ہر گز برداشت نہیں، کیا اربوں مسلمانوں کی دل آزاری سے آزادی اظہار کے تقاضے پورے ہوتے ہیں؟، سویڈن کے اس اقدام سے دنیا بھر کے مسلمانوں کی دل آزاری ہوئی ہے۔

لاہور:حکومت کی جانب سے ارکان قومی اسمبلی کے استعفوں کی منظوری کا جواب دینے کیلئے چیئرمین پاکستان تحریک انصاف عمران خان نے حکمت عملی تیار کر لی۔

پی ایس پی کے رہنماؤں نےایم کیوایم میں باوقارطریقےسے واپسی کی شرط رکھ دی

سابق وزیر اعظم عمران خان نے قومی اسمبلی سے استعفوں کی منظوری کے بعد انتخابی مہم کو تیز کرنے کا فیصلہ کرتے ہوئے کہا ہے کہ ڈاکٹروں سے اجازت ملنے کے بعد خود حکومت کو ٹف ٹائم دینے کیلئے میدان میں اتروں گا، چیئرمین پی ٹی آئی نے جلسوں کا شیڈول تیار کرنے کی ہدایت کر دی۔

ایم کیوایم پاکستان نے بلدیاتی الیکشن کے بائیکاٹ پرغورشروع کردیا

ذرائع کے مطابق انتخابی مہم میں رجیم چینج کے ساتھ مہنگائی کو ایشو بنایا جائے گا، ملک کو بدترین معاشی مشکلات سے نکالنے کیلئے پی ٹی آئی کے چیئرمین قوم کو روڈ میپ بھی دیں گے، اکنامک ٹیم کو معاشی بحران سے نکلنے کیلئے تجاویز تیار کرنے، سوشل میڈیا ٹیم کو حکومت کی ناکام معاشی پالیسیوں اور مہنگائی کو ایشو بنانے کی ہدایت کر دی گئی۔

مصطفیٰ کمال ایم کیوایم کی احتجاجی ریلی میں شرکت کیلئے رضا مند

عمران خان نے سپیکر قومی اسمبلی کی جانب سے 70 ارکان کے استعفے منظور کیے جانے کے بعد اسد قیصر کی قیادت میں دیگر رہنماؤں کو باقی استعفوں کی منظوری کیلئے بھی ٹاسک دے دیا، انتخابات سے پہلے تحریک انصاف کا پیغام گھر گھر پہنچنا چاہئے،عمران خان نے پارٹی کو الیکشن کراؤ ملک بچاؤ اور ڈور ٹو ڈور مہم میں مزید تیزی لانے کی ہدایت کر دی۔