کراچی :انڈس موٹرز کمپنی (آئی ایم سی) نے معاشی غیریقینی، خام مال پر مہنگائی کے اثرات اور پیداواری لاگت میں اضافے کے پیش نظر ٹویوٹا گاڑیوں کی قیمتوں میں 2 لاکھ 80 ہزار سے 12 لاکھ روپے تک اضافہ کردیا۔انڈس موٹرز کی طرف سے قیمتوں میں اضافے کا سبب زرمبادلہ میں عدم استحکام، یوٹیلیٹی نرخوں میں اضافہ اور دیگر اخراجات بتایا گیا ہے۔

کمپنی کی طرف سے جاری کردہ نوٹی فکیشن میں کہا گیا ہے کہ حالات نے کمپنی کو موجودہ قیمتیں برقرار رکھنے میں مشکلات پیدا کردی ہیں اس لیے کمپنی مارکیٹ پر کچھ اثرات مرتب کرنے پر مجبور ہے۔کمپنی کے نوٹی فکیشن کے مطابق یارس 1.3 ایم ٹی کی قیمت میں 2 لاکھ 80 ہزار روپے اضافہ کرکے 38 لاکھ 19 ہزار کی گئی ہے جبکہ 1.5 سی وی ٹی کی قیمت 3 لاکھ 50 ہزار اضافہ کرکے 46 لاکھ 9 ہزار روپے کردی گئی ہے۔

کپمنی کی طرف سے نئی قیمتوں کا نوٹی فکیشن
کمپنی کے مطابق یارس 1.3 سی وی ٹی کی نئی قیمت 40 لاکھ 69 ہزار، 1.3 ایچ ایم ٹی کی 40 لاکھ 39 ہزار، 1.3 ایچ سی وی ٹی کی 42 لاکھ 39 ہزار اور 1.5 ایم ٹی کی نئی قیمت 43 لاکھ 99 ہزار روپے کردی گئی ہے۔نوٹی فکیشن کے مطابق کرولا 1.6 ایم ٹی کی نئی قیمت 3 لاکھ 70 ہزار اضافے کے ساتھ 49 لاکھ 39 ہزار، 1.8 سی وی ٹی 4 لاکھ 60 ہزار اضافے کے ساتھ 62 لاکھ 9 ہزار روپے مقرر کی گئی ہے۔

اسی طرح کورولا کے ماڈل 1.6 سی وی ٹی کی نئی قیمت 53 لاکھ 69 ہزار، یو پی ایس پی ای سی کی قیمت 59 لاکھ 9 ہزار اور 1.8 سی وی ٹی ایس آر کی نئی قیمت 61 لاکھ 69 ہزار مقرر کی گئی ہے۔نوٹی فکیشن کے مطابق ریوو وی اے ٹی کی قیمت 8 لاکھ 30 ہزار اضافے کے ساتھ ایک کروڑ 14 لاکھ 29 ہزار جبکہ روکو وی اے ٹی کی قیمت 8 لاکھ 70 ہزار کے ساتھ ایک کروڑ 20 لاکھ 49 ہزار روپے تک مقرر کی گئی ہے۔

کمپنی کے مطابق فارچونر ایل او پیٹرول، ہائی پیٹرول، ڈیزل اور ڈیزل لیجنڈر کی قیمتیں 9 لاکھ 30 ہزار کے ساتھ بالترتیب ایک کروڑ 25 لاکھ 9 ہزار، ایک کروڑ 43 لاکھ 19 ہزار، ایک کروڑ 50 لاکھ 99 ہزار، ایک کروڑ 59 لاکھ 9 ہزار روپے مقرر کی گئی ہیں۔گاڑیوں کی نئی قیمتوں کا اطلاق 12 جنوری کے بعد ہونے والے آرڈرز پر ہوگا۔

خیال رہے کہ اکتوبر میں پیداوار میں 30.56 فیصد کمی کے ساتھ حالیہ مہینوں میں آٹو انڈسٹری بری طرح متاثر ہوئی ہے۔بڑھتی ہوئی قیمتوں کے ساتھ ساتھ سود کی شرحوں میں اضافے کی وجہ سے فروخت میں بھی تیزی سے کمی آئی ہے جس سے لیز مزید مہنگی ہوگئی ہے۔

ڈالر کے اخراج کو کم کرنے کے لیے اسٹیٹ بینک کی جانب سے آٹو فنانسنگ پر پابندی اور لیٹر آف کریڈٹ نہ کھولنے کے نتیجے میں گاڑیوں کے پرزوں کی قلت پیدا ہوئی جس پر انڈس موٹرز اور پاک سوزوکی موٹر کمپنی جیسی بڑی کار ساز کمپنیوں نے گزشتہ چند ماہ کے دوران متعدد بار اپنی پراڈکشن سرگرمیاں معطل کی ہیں۔

پاکستان آٹو موٹیو مینوفیکچررز کے اعداد و شمار کے مطابق ٹویوٹا کرولا اور یارس کی فروخت میں 59 فیصد کی کمی ریکارڈ کی گئی ہے جو کہ رواں مالی سال کے ابتدائی 6 ماہ میں 29 ہزار 126 سے کم ہو کر 12 ہزار 65 یونٹس رہ گئی ہے۔ماہانہ فروخت گزشتہ ماہ کے ایک ہزار 933 کے مقابلے میں گزشتہ برس دسمبر میں گر کر ایک ہزار 879 ہوگئی۔

کراچی :متحدہ قومی موومنٹ (ایم کیو ایم) کے حکومت چھوڑنے کے خدشات کے بعد وزیر اعظم شہباز شریف،آصف علی زرداری اور مولانا فضل الرحمان نےالگ، الگ خالد مقبول صدیقی سے رابطہ کیا ہے۔ایم کیو ایم پاکستان کی رابطہ کمیٹی نے اپنے ارکان قومی اسمبلی سے استعفے طلب کرلیے ہیں، بہادرآباد میں ہونے والے رابطہ کمیٹی کے اجلاس میں ایم کیو ایم نے وفاقی کابینہ اور حکومت سے علیحدگی اور دیگر آپشنز پر غور کیا گیا۔

یکم فروری تک پارٹی الیکشن نہ ہوئے تو انتخابی نشان واپس لے لیں گے،الیکشن کمیشن

ایم کیو ایم رہنما خواجہ اظہار الحسن کا کہنا تھا کہ رابطہ کمیٹی کے بعض ارکان کی رائے ہے15 جنوری کو بلدیاتی الیکشن ہو تو حکومت سے علیحدہ ہوجائیں، حتمی فیصلہ کل ایم کیوایم کے جنرل ورکرز اجلاس میں ہوگا۔ذرائع کے مطابق ایم کیو ایم کی جانب سے حکومت چھوڑنے پر غور کیے جانے پر وزیر اعظم شہباز شریف نے خالد مقبول سے رابطہ کرتے ہوئے ان کے تحفظات دور کرنے کی یقین دہانی کرائی ہے۔

الیکشن کمیشن کے نوٹس پر سعید غنی پیش،دستاویزی شواہد فراہم کر دیئے

ذرائع کا کہنا ہے کہ وزیر اعظم نے خالد مقبول کو یقین دہانی کرواتے ہوئے کہا ہے کہ آج رات میں ہی تحفظات دور کیے جائیں گے ۔

دوسری جانب ٹیلیفونک رابطے میں سابق صدر آصف علی زرداری کی جانب سے خالد مقبول صدیقی کو یقین دہانیاں کراتے ہوئے مل بیٹھ کر تمام مسائل حل کرنے کی پیشکش کی ہے۔ پی ڈی ایم کے سربراہ مولانا فضل الرحمان نے بھی خالد مقبول صدیقی سے ٹیلیفونک رابطہ کرتے ہوئے خالد مقبول صدیقی کو صبر سے کام لینے کا مشورہ دیا ہے۔

بلدیاتی انتخابات شیڈول کے مطابق ہوں گے. ترجمان الیکشن کمیشن سندھ

علاوہ ازیں خالد مقبول صدیقی بہادر آباد مرکز سے روانہ ہوگئے، اس موقع پر انہوں نے غیر رسمی گفتگو کرتے ہوئے کہا کہ آصف زرداری سے رابطہ ہوا ہے، انہوں نےکہا ہمیں آپ کی مشکلات کا اندازہ ہے۔خالدمقبول صدیقی نے کہا کہ مطالبات پورے نہ ہونےکی صورت میں دو گھنٹے بعد دوبارہ بیٹھیں گے،انتخابات ملتوی کرنے کیلئے دو آپشن حکومت کے پاس موجود ہیں۔

ذرائع کا کہنا ہے کہ گورنر سندھ کا بھی آصف زرداری اور خالدمقبول صدیقی سے ٹیلی فونک رابطہ ہوا ہے۔

کراچی :متحدہ قومی موومنٹ (ایم کیو ایم) پاکستان کی رابطہ کمیٹی نے اپنے ارکان قومی اسمبلی سے استعفے طلب کرلیے۔ذرائع کا کہنا ہے کہ بہادرآباد میں ہونے والے رابطہ کمیٹی کے اجلاس میں ایم کیو ایم نے وفاقی کابینہ اور حکومت سے علیحدگی اور دیگر آپشنز پر غور کیا۔

بلوچستان کے42پارلیمنٹرینزنےاپنےاوراہلخانہ کےاثاثوں کی تفصیلات الیکشن کمیشن کوجمع…

ذرائع کا کہنا ہے کہ ایم کیو ایم کی جانب سے 24 گھنٹوں میں اہم اعلان متوقع ہے، متحدہ نے کل پی آئی بی گراؤنڈ میں جنرل ورکرز اجلاس بھی بُلایا ہے۔ ایم کیوایم کے 2 وفاقی وزراء اور ایک معاون خصوصی نے استعفے ایم کیوایم رابطہ کمیٹی کوجمع کرادیے ہیں۔ وفاقی وزراء امین الحق اور فیصل سبزواری کی جانب سے استعفے رابطہ کمیٹی کو جمع کروائے گئے ہیں۔

بلوچستان کے42پارلیمنٹرینزنےاپنےاوراہلخانہ کےاثاثوں کی تفصیلات الیکشن کمیشن کوجمع…

ایم کیو ایم رہنما خواجہ اظہار الحسن کا کہنا ہے کہ رابطہ کمیٹی کے بعض ارکان کی رائے ہے15 جنوری کو بلدیاتی الیکشن ہو تو حکومت سے علیحدہ ہوجائیں، حتمی فیصلہ کل ایم کیوایم کے جنرل ورکرز اجلاس میں ہوگا۔انہوں نے کہا کہ میں نہیں سمجھتا کہ 15 جنوری کوالیکشن ہوپائیں گے، آئینی تشریح کی ضرورت ہے جس کیلئے عدالتوں سے رجوع کرنا پڑے گا، الیکشن کمیشن کل حلقہ بندیاں ٹھیک کروادے پرسوں ہم الیکشن میں حصہ لیں گے، ایم این ایزکی نشستیں پارٹی کی امانت ہوتی ہیں، پہلےدن ہی استعفیٰ پارٹی کو دے دیتے ہیں۔

یکم فروری تک پارٹی الیکشن نہ ہوئے تو انتخابی نشان واپس لے لیں گے،الیکشن کمیشن

خواجہ اظہار نے کہا کہ کراچی میں جماعت اسلامی ایم کیوایم کے مقابلے میں کبھی الیکشن نہیں جیتی، ایم کیوایم کے بائیکاٹ کے بعد جماعت اسلامی کے نمائندے کراچی میں جیتے۔خیال رہے کہ گزشتہ روز دھڑوں کے یکجا ہونے کے موقع پر میڈیا سے گفتگو کرتے ہوئے فاروق ستار نے کہا تھا کہ وفاقی و صوبائی حکومتوں سے باہر نکل آئيں، شارع فیصل پر دھرنا دیں دیکھتے ہیں کیسے 15 جنوری کو بلدیاتی الیکشن ہوتاہے۔

کراچی الیکشن، ایم کیو ایم کا تاخیر کا مطالبہ، کب ہوں گے کچھ نہیں کہہ سکتا، شرجیل میمن

ایم کیو ایم کے رہنما، سابق وفاقی وزیر فروغ نسیم نے کہا ہے کہ سندھ حکومت نے نئی یوسیز بنائی ہیں سندھ حکومت کی بنائی گئی یوسیز کی آبادی صحیح نہیں ہے

پریس کانفرنس کرتے ہوئے فروغ نسیم کا کہنا تھا کہ ایم کیو ایم نے حلقہ بندیوں کو چیلنج کیا،بلدیاتی ایکٹ کے تحت سندھ حکومت نے حلقہ بندیاں بنائی ںمہاجرآبادی کے ووٹ کو تقسیم کرنے کی سازش کی گئی،حلقہ بندیوں کے معاملے پر سپریم کورٹ سے رجوع کیا سپریم کورٹ میں ایم کیو ایم کی بات سنی گئی،ایم کیو ایم نے جب قائل کیا تو سندھ حکومت نے 10دن کاآرڈرپاس کیا،جہاں ہمارا یک ووٹر تھا دوسرے حلقے میں 3ووٹرز تھے،سپریم کورٹ کے کہنے پر سندھ حکومت نے ہمیں قائل کرنے کی کوشش کی،پی ٹی آئی نے ہماری درخواست کو کاپی پیسٹ کیا،ہم کراچی کے حقوق کی بات کررہے ہیں،کچھ لوگوں کو بہت جلدی ہے کہ الیکشن ہوجائیں ،انہیں ایم کیو ایم کے دوبارہ متحد ہونے سے تکلیف ہے،اس جلد بازی سے انہیں بھی کچھ حاصل نہیں ہوگا،یہ چاہتے ہیں کہ کراچی اور حیدر آباد کے شہری مزید 5 سال ان مسائل کوجھیلیں ہم الیکشن سے بھاگ نہیں رہے آپ کو بھگائیں گے یہ ایم کیو ایم کا نہیں کراچی کا مقدمہ ہے ،

فیصل سبزواری کا کہنا تھا کہ کراچی کی حلقہ بندیاں شفاف نہیں ہیں غلط حلقہ بندیاں کرکے کراچی اور حیدرآبادکاحق مارا گیا،
ایم کیو ایم کے 51 ایم پی ایز کے علاقوں میں حلقہ بندی قانون کیخلاف کوئی نہیں کھڑا تھا ،2013میں پی ٹی آئی کے4 ایم پی ایز نےحلقہ بندی قانون کے حق میں ووٹ دیا تھا ،پی ٹی آئی آج بلدیاتی الیکشن کے حوالے سے چیمپئن بنی رہی ہے،ایم کیو ایم الیکشن سے نہیں بھاگ رہی،صاف وشفاف انتخابات کرانا الیکشن کمیشن کی ذمہ داری ہے،

فاروق ستار کا کہنا تھا کہ نہ تو ہم نے الیکشن کمیشن کی توہین کی اور نہ عدالت کی ،حلقہ بندیوں کے حوالے سے سپریم کورٹ کے فیصلےکا کیا کریں گے؟ ہمیں سپریم کورٹ نے ہی دونوں فورم سے رجوع کا حکم دیا تھا ،سندھ حکومت نے غلطی کا اعتراف کیا اور اس پر کمیٹی بنائی ہے الیکشن کمیشن کی جانب سے ایم کیو ایم تو کیاصوبائی حکومت کو بھی نہیں سنا گیا،

دوسری جانب تحریک انصاف کے رہنما فردوس شمیم نقوی کا کہنا ہے کہ ہمیں الیکشن کمیشن سندھ حکومت کے سامنے بےبس نظر آتا ہےہم انکے آرڈیننس کا انتظار کر رہے ہیں،آرڈیننس رات کے اندھیرے میں آئے گا،ہم ان کےکیخلاف عدالت جائیں گے،یہ پہلے ہی 4 مرتبہ الیکشن ملتوی کرچکے ہیں،آج الیکشن مہم کا آخری دن تھا اورامیدوار تذبذب کا شکار ہیں،

علاوہ ازیں سندھ کے صوبائی وزیر شرجیل میمن کا کہنا ہے کہ مجھے نہیں پتہ کہ 15جنوری کو الیکشن ہونگے یا نہیں،الیکشن کے حوالے سے قانونی ماہرین سے مشورہ کرکے رہے ہیں،بلدیاتی انتخابات رکوانے سے متعلق آرڈیننس کے حوالے سے کوئی علم نہیں،

رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
لیپ ٹاپ گم ہونے پر گاہک نےغصے میں اپنی کار ہوٹل پر دے ماری
نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ

واضح رہے کہ سندھ حکومت نے گزشتہ روز کراچی، حیدر آباد اور دادومیں 15 جنوری کو ہونے والے بلدیاتی انتخابات ملتوی کرنے کا اعلان کیا تھا جبکہ نئی حلقہ بندیوں سے متعلق نوٹیفکیشن بھی واپس لے لیا تھا۔ تا ہم الیکشن کمیشن نے سندھ حکومت کی کراچی اور حیدرآباد میں بلدیاتی انتخابات ملتوی کرنے کی درخواست مسترد کرتے ہوئے الیکشن 15 جنوری کو ہی کروانے کا فیصلہ کیا۔ سندھ میں 15 جنوری کو بلدیاتی انتخابات ملتوی کرنے سے متعلق الیکشن کمیشن کے ہنگامی اجلاس میں سندھ حکومت کے اقدام پر برہمی کا اظہارکیا گیا۔