پاکستان فلم انڈسٹری کے نامور فنکار رنگیلا کو ان کی بیٹی فرح دیبا نے آج ٹربیوٹ پیش کیا، الحمراء میں رکھے گئے اس ٹریبیوٹ میں فلمسٹار میرا ، نشو بیگم ، سید نور ، خلیل الرحمان قمر ، مسعود بٹ ، الطاف حسین نے خصوصی شرکت کی. میرا نے اک حسن کی دیوی سے مجھے پیار ہوا تھا پر پرفارم کیا جبکہ نشو بیگم نے وے سب توں سونیا پر پرفارم کیا.اسی طرح سے دیگر پرفارمنسز بھی ہوئیں، فلمسٹار رنگیلا کی فلمی زندگی پر ایک چھوٹا سا پیکج بھی دکھایا گیا. ان کی بیٹی نے کہا کہ میرے والد بہت مصروف رہتے تھے، ہماری ملاقات کم ہی رہتی تھی ، لیکن وہ جب بھی ہمارے پاس بیٹھتے تھے
تو ہم سے کہا کرتے تھے کہ ”آج رات جب سونا تو صبح اٹھ کر یہ ضرور سوچنا کہ ہم دنیا میںکیوں آئے ہیں”، انہوں نے کہا کہ میرے والد ایک بڑے فنکار ہونے کے ساتھ ایک بڑے آرٹسٹ بھی تھے. انہوں نے شوبز کیرئیر شروع کرنے سے پہلے کتابیں تک فروخت کی تھیں. وہ کامیڈی کے بے تاج بادشاہ تھے. پروگرام میں پاک فوج کے شہیدوں اور غازیوں کو بھی سلام پیش کیا گیا. نامور شخصیات کو ایوارڈز سے بھی نوازا گیا. یاد رہے کہ فلمسٹار رنگیلا ایک ورسٹائل اداکار تھے کامیڈی میں ان کو کوئی مات نہیں دے سکتا تھا.
