سینئر اداکار راشد محمود نے حکومت سے مالی امداد کی اپیل کر دی ، انہوں نے کہا ہے کہ میرے پاس اب علاج کےپیسے نہیں ہیں، مجھے نگران وزیر اطلاعات پنجاب عامر میر نے دو لاکھ روپے کا چیک بھجوایا تھا کہ اس سے میں اپنا علاج کروا سکوں. میں اس سال میں چار بار فالج کا شکار ہو چکا ہوں. اور آپ خود بتائیے کہ میں دولاکھ کے چیک کا کیا کرتا؟آج جتنی مہنگائی ہے اور جتنا علاج مہنگا ہو چکا ہے کیا اس میں دو لاکھ کیا کہتا ہے. میں نے ان کا چیک سنبھال کر رکھا ہوا ہے میں پنجاب گرنمنٹ کو واپس کروں گا،
اداکار راشد محمود نے کہا تھا کہ پاکستان کے جس گھر میں بھی ٹیلی وژن موجود ہے میں گزشتہ 4 دہائیوں سے اس گھر کا مکین ہوں۔راشد محمود نے کہا کہ میری صحت پہلے سے کافی بہتر ہے امید ہے کہ جلد صحیتاب ہو کر کام کرنے لگ جائوں گا. ”انہوں نے انتہائی دُکھ بھرے انداز میں کہا کہ ’جو لوگ اپنے لیجنڈز کو یاد نہیں رکھتے، ان قوموں کو بھی یاد نہیں رکھا جاتا”۔انہوں نے اپنے مداحوں سے اپیل کی کہ وہ ان کے لئے دعا کریں وہ کسی کا محتاج نہیںہونا چاہتے.
