Baaghi TV

Tag: saba qamar

  • نئی ڈرامہ سیریل تمہارے حسن کے نام کا ٹریلر جاری

    نئی ڈرامہ سیریل تمہارے حسن کے نام کا ٹریلر جاری

    صبا قمر اور عمران عباس کی ڈرامہ سیریل تیرے حسن کے نام کا ٹریلر جاری کر دیا گیا ہے. کہانی کو عمیرہ احمد اور سارا قیوم نے لکھا ہے جبکہ ڈائریکشن ثاقب خان کی ہے. کہانی محبت، پرانی یادوں اور اداسی پر مبنی ہے. یہ سیریز ایک محبت کے سفر کی کہانی ہے جو سماجی فرسودہ خیالات، جیسے اٹل بندھن کے ثبوت کیلئے انسان کے بیک گراؤنڈاور ذات پات کے خلاف لڑائی پر مبنی ہے۔کہانی میں واضح کیا گیا ہے کہ محبت وقت اور

    جگہ سے ماوراء ہوتی ہے، تمام چیلنجز اور رکاوٹوں سے لڑجاتی ہے اور محبت کرنے والوں میں ایک دوسرے کی عزت واحترام اور وفاداری کے اٹوٹ بندھن کو ثابت کرنے میں بھرپور کوشش کرتی ہے۔ صبا قمر اور عمران عباس کافی سال کے بعد ایک دوسرے کے ساتھ دکھائی دے رہے ہیں. شائقین ان کو ایک ساتھ دیکھنے کےلئے بےتاب ہیں. اس ڈرامے کے حوالے سے صبا قمر کہتی ہیں کہ مجھے بہت خوشی ہے کہ ثاقب خان کے ساتھ فلم گھبرانا نہیں ہے کہ بعد ڈرامہ سیریل تیرے حسن کے نام میں‌کام کرنے کا موقع میسر آرہا ہے اور مجھے امید ہے کہ شائقین ڈرامے کو بہت پسند کریں گے.

  • صبا قمراور عمران عباس کا ڈرامہ تمہارے حسن کے نام کا آفیشیل پوسٹر جاری

    صبا قمراور عمران عباس کا ڈرامہ تمہارے حسن کے نام کا آفیشیل پوسٹر جاری

    اداکارہ صبا قمر اور عمران عباس کافی عرصےکے بعد سکرین شئیر کررہے ہیں ان کے مداح ا دونوں کو ایک ساتھ دیکھنے کےلئے کافی بےتاب ہیں. صبا قمر اور عمران عباس ڈرامہ سیریل تمہارے حسن کے نام میں نظر آئیں گے. اس ڈرامے کا حال ہی میں‌پوسٹر جاری کر دیا گیا ہے. ڈرامے کی ڈائریکشن معروف ڈائریکٹر ثاقب خان کی ہیں. جبکہ لکھا عمیرہ احمد اور سارا قیوم نے ہے. صبا قمر اور عمران عباس کے ساتھ ڈرامے کی دیگر کاسٹ میں سلمان شاہد، اسد صدیقی اور سدرہ نیازی و دیگر شامل ہیں۔ ڈرامے کا آفیشل پوسٹر صبا قمر اور عمران عباس نے اپنے انسٹاگرام

    اکائونٹ سے جاری کیا. ڈرامہ سیریل تمہارےحسن کے نام کی شوٹنگ کراچی اور لاہور میں کی گئی ہے۔ اس کی کہانی سلمیٰ اور سکندر کی محبت پر مبنی ہے اور یہ ایک رومینٹک سیریزہے۔صبا قمر کا حال ہی میں سر راہ ڈرامہ بہت زیادہ پسند کیا گیا ہے. جبکہ اس سے پہلے ان کا میکال ذوالفقار کے ساتھ ڈرامہ سیریل فراڈ بہت زیادہ پسند کیا گیا. صبا قمر کی فلم کملی کو بھی مداحوں نے بہت سراہا اس میں صبا قمر اداکاری کی بلند ترین چوٹی پر نظر آتی ہیں.اب دیکھنا یہ ہے کہ صبا اور عمران عباس کی جوڑی کیا رنگ جماتی ہے.

  • صبا قمر، جگن کاظم اور رابعہ بٹ گناہ میں

    صبا قمر، جگن کاظم اور رابعہ بٹ گناہ میں

    اداکارہ صبا قمر ،جگن کاظم اور رابعہ بٹ ان تینوں کی صلاحیتوں سے کسی کو بھی انکار ممکن نہیں ہے . اداکارہ صبا قمر کا ھال ہی میں آن ائیر جانے والا ڈرامہ سر راہ بہت پسند کیا گیا ہے اس کے علاوہ ان کی کملی فلم میں اداکاری دیکھنے سے تعلق رکھتی ہے. اسی طرح سے جگن کاظم ایک عرصے سے شائقین کو کسی بھی پراجیکٹ میں نظر نہیں آئیں. رابعہ بٹ ڈراموں میں نظر آتی رہتی ہیں ، انہوں نے مایا علی کی ماں کردار نبھایا تو انہیں بے حد پسند کیا گیا

    ، ان تینوں کے مداحوں کے لئے خوشخبری ہے کہ یہ اب ایک ساتھ شارٹ ڈرامہ سیریل گناہ میں‌نظر آئیں گی . یہ ڈرامہ ایکسپریس اینٹرٹینمنٹ کے لئے بنایا جا رہا ہے. یاد رہے کہ رابعہ بٹ ، صبا قمر اور جگن کاظم ایک ساتھ پہلی بار دکھائی دے رہی ہیں اور ان تینوں کے مداحوں کے لئے خوشخبری ہے کہ انہیں ایک ہی ڈرامے میں ایک ساتھ دکھائی دیں گی. ڈرامے کی شوٹنگ اور دیگر کاسٹ کی تفصیلات آنا ابھی باقی ہیں.

  • صبا قمر عمران ہاشمی کے ساتھ کام کیوں نہیں کرنا چاہتیں ؟

    صبا قمر عمران ہاشمی کے ساتھ کام کیوں نہیں کرنا چاہتیں ؟

    باصلاحیت اور ورسٹائل اداکارہ صبا قمر کے انٹرویو کا ایک پرانا کلپ وائرل ہو رہا ہے جس میں میزبان نے ان کو چند بالی وڈ ہیروز کی تصاویر دکھائیں اور ان کے بارے میں ایک کمنٹ کرنے کو کہا ، سلمان خان کی تصویر دیکھ کر صبا قمر نے کہا کہ آپ چھچھورے ہیں ، آپ کا کوریوگرافر آپ کو کیا ڈانس سکھاتا ہے. اسی طرح سے انہیں جب عمران ہاشمی کی تصویر دکھائی اور پوچھا کہ ان کے ساتھ فلم کرنا چاہتی ہیں تو صبا قمر نے کہا کہ بالکل بھی میں ان کے ساتھ فلم نہیں‌کرنا چاہتی ، وجہ بتاتے ہوئے انہوں نے کہا کہ میں نہیں‌چاہتی کہ مجھے منہ کینسر ہو. ہرتیک

    روشن کی جب انہیں تصویر دکھائی گئی تو انہوں نے کہا کہ ہرتیک روشن دو بچوں‌کا باپ ہے اور مجھے دو بچوں‌کے باپ سے شادی نہیں‌کرنی ، ہرتیک روشن کی شادی نہ بھی ہوئی ہوتی تو مجھے ان سے شادی کرنی ہی نہیں‌تھی کیونکہ وہ میری ٹائپ کے نہیں ہیں . صبا قمر کا یہ انٹرویو 2015 میں لیا گیا جس میں انہوں نے بالی وڈ ہیروز کے متعلق اپنی رائے کا اظہار کیا . آج کل یہ کلپ کافی وائرل ہو رہا ہے اور سوشل میڈیا پر ان کی بالی وڈ ہیروز کے متعلق کہی گئیں باتیں زیر بحث ہیں.

  • آئی بروز بنوائیں تو ایسا لگا جیسے کوئی آپریشن ہو رہا ہے منیب بٹ

    آئی بروز بنوائیں تو ایسا لگا جیسے کوئی آپریشن ہو رہا ہے منیب بٹ

    اداکار منیب بٹ جنہوں نے ڈرامہ سیریل سر راہ میں ایک خواجہ سرا کا کردار ادا کیا ہے. اس حوالے سے انٹرویو دیتے ہوئے انہوں نے کہا ہے کہ اس کردار کو کرنے کے لئے میں نے اپنے طور پر کافی تیاری کی ، میں نے اپنے بازو ویکس کئے ، آئی بروز بنوائیں اور مجھے یاد ہے کہ جب میں آئی بروز بنوا رہا تھا تو مجھے ایسے لگ رہا تھا کہ جیسے میری کوئی سرجری ہو رہی ہے ، اس قدر تکلیف دہ پراسس ہے آئی بروز بنوانا ، مجھے اس روز احساس ہوا کہ آئی بروز بنوانے اور ویکس کروانے کی کتنی تکلیف ہوتی ہے. منیب بٹ نے کہا کہ میں نے اپنی بیوی اور سالی سالے سے بھی اپنے اس کردار کو لیکر ڈسکشن کی سب نے کہا کہ دیکھ لینا اس کردار کے بعد بہت زیادہ

    تنقید بھی سننے کو ملے گی تو میں نے کہا کہ بھئی میں نے اب تو کر لیا ہے اور میں تنقید سہنے کو تیار ہوں اچھے کردار کبھی کبھی ملتےہیں یہ چیلنجنگ کردار ہے اس لئے کرنا ضروری سمجھا. منیب بٹ نے کہا کہ مجھے لوگوں کا بہت اچھا ریسپانس مل رہا ہے. بطور ایکٹر رسک لینا مجھے بہت اچھا لگتا ہے اور وہ کام ہی کیا جس میں رسک نہ لیا جائے.