پاکستان کے معروف گلوکار اور میوزک کمپوزر ساحر علی بگا کو بھی دبئی کا دس سالہ گولڈن ویزا مل گیا ہے۔گلوکار نے اپنی انسٹاگرام پوسٹ پر مداحوں کو خبر سے آگاہ کیا اور گولڈن ویزا دینے پرمتحدہ عرب امارات کی حکومت کا شکریہ ادا کیا ہے۔انہوں نے ایک تصویر بھی پوسٹ کی جس میں دبئی حکام انہیں گولڈن ویزا دے رہے ہیں اور ساتھ لکھا کہ یہ ان کیلئے کسی اچیومنٹ سے کم نہیں ہے۔
قبل ازیں آئمہ بیگ، مہوش حیات، ہمایوں سعید، صومیہ خان اور عاطف اسلم کو بھی دبئی حکومت کی جانب سے یہ خصوصی ویزا دیا جا چکا ہے۔
”گولڈن ویزہ ملنے کے بعد دبئی میںعام شہریوں کی طرح نہ صرف رہا جا سکتا ہے بلکہ کاروبار بھی کیا جا سکتا ہے. ”ساحر علی بگا گولڈن ویزہ ملنے پر کافی خوش ہیں. ان کا کہنا ہےکہ مجھے خوشی ہے کہ میرا شمار ان فنکاروں میں ہو گیا ہے جن کے پاس گولڈن ویزہ ہے. دبئی ہمیشہ سے ہی میرا پسندیدہ شہر رہا ہے. انہوں نے یہ بھی کہا کہ دبئی نہ صرف خوبصورت ہے بلکہ وہاں کاروبار کو لیکر کافی مواقع ہیں.
