Tag: salman khan

ممبئی:بالی وڈ اداکار سنیل شیٹی نے اپنے داماد بھارتی کرکٹر کے ایل راہول سے 2019 میں ہونے والی اپنی پہلی ملاقات کی کہانی بتادی۔بھارتی ٹی وی شو پر بات کرتے ہوئے سنیل شیٹی نے کہا کہ اپنے داماد سے 2019 میں پہلی بار ملاقات کے بعد مجھے بہت حیرت ہوئی تھی کہ وہ میری بیٹی کو اور میری بیٹی انہیں جانتی ہیں اور دونوں آپس میں بات چیت بھی کرتے ہیں۔

انہوں نے بتایا کہ 2019 میں ان کی کے ایل راہول سے ائیرپورٹ پر اچانک ملاقات ہو گئی تھی، ملاقات کے دوران انہیں یہ جان کر خوشگوار حیرت ہوئی تھی کہ دونوں کا آبائی شہر منگلور تھا اور خوشگوار اتفاق یہ تھا کہ کے ایل راہول کے والدین کا گھر منگلور میں ان کی اپنی جائے پیدائش اور آبائی گھر سے چند کلومیٹرز کی دوری پر تھا۔

سنیل شیٹی کا کہنا تھا کہ میں نہیں جانتا تھا کہ میری بیٹی اور کے ایل راہول ایک دوسرے کو جانتے ہیں اس لیے ملاقات کے حوالے سے میں کافی پرجوش تھا، اسی جوش سے جب میں نے اپنے گھر آکر کے ایل راہول سے ہونے والی ملاقات کے حوالے سے بات کی تو اتھیا اور اس کی والدہ مَنا ایک دوسرے کو دیکھ کر مسکرانے لگیں۔انہوں نے کہا کہ دونوں کو مسکراتا ہوا دیکھ کر مجھے پریشانی ہوئی تو مَنا نے مجھے آکر بتایا کہ اتھیا اور کے ایل راہول ایک دوسرے کو جانتے ہیں اور آپس میں بات چیت بھی کرتے ہیں۔

انہوں نے کہا کہ میں حیران تھا کہ اتھیا نے یہ سب مجھے کیوں نہیں بتایا لیکن مجھے خوشی اس بات کی تھی کہ میں ہمیشہ اتھیا کو کہتا تھا کہ ساؤتھ انڈین لڑکوں سے جڑی رہا کرو اور دوسری خوشی یہ تھی کہ کے ایل راہول اور میں ایک ہی شہر کے رہنے والے تھے اور ہمارے گھروں کے درمیان کا فاصلہ چند کلومیٹرز سے زیادہ نہیں تھا۔

نئی دہلی :بھارتی اداکار اکشے کمار نے شدید تنقید کے بعد کینیڈا کی شہریت چھوڑنے کا فیصلہ کر لیا۔اکشے کمار کا کہنا تھا کہ میں نے زندگی میں جو کچھ کمایا ہے، جو مقام اور عزت حاصل کی ہے وہ مجھے اپنے ملک سے ملی ہے اور میں خوش نصیب ہوں کہ مجھے اس کے بدلے میں اپنے ملک کیلئے کچھ کرنے کا موقع ملا۔

ایک انٹرویو میں اداکار کا کہنا تھا کہ بہت تکلیف ہوتے ہے جب لوگ سچ جانے بنا آپ پر تنقید کرتے ہیں، میری کینیڈین شہریت کے معاملے پر بھی لوگوں نے ایسا ہی کیا اور اسباب معلوم کیے بنا ہی مجھے بے جا تنقید کا نشانہ بنایا گیا۔

اکشے کمار نے بتایا کہ 90 کی دہائی میں ان پر ایک بہت ہی برا دور آیا تھا جب ان کی ایک کے بعد ایک فلمیں فلاپ ہوتی گئیں اور لگاتار 15 فلاپ فلمیں دینے کے بعد وہ مایوس ہو گئے تھے۔انہوں نے بتایا کہ تب انہیں لگا کہ اتنی ناکامی کے بعد یہاں کام تو ملنا نہیں اور جینے کیلئے کام تو کرنا پڑیگا، اس دوران کینیڈا میں مقیم ایک دوست نے انہیں مشورہ دیا کہ وہ کینیڈا آجائیں۔

اکشے کمار نے بتایا کہ دوست کے مشورے پر انہوں نے کینیڈا جانے کیلئے درخواست دی اور ان کی درخواست قبول ہو گئی لیکن وہاں جانے کے بعد پیچھے رکی ہوئی ان کی دو فلمیں رلیز ہوئیں اور خوش قسمتی سے دونوں بہت بڑی ہٹ ثابت ہوئیں جس کے بعد دوست نے انہیں دوبارہ مشورہ دیا کہ میں واپس آکر اپنے کیرئیر کیلئے مزید محنت کروں اور پھر میں واپس آگیا۔

اکشے کمار کا کہنا تھا کہ میں تو بھول ہی گیا تھا کہ مجھے پاسپورٹ تبدیل کرنا چاہیے لیکن اب میں نے اپنی کینیڈین شہریت ترک کرنے اور اپنا پاسپورٹ تبدیل کرنے کیلئے درخواست دے دی ہے۔