اداکار سمیع خان سے ان کے حالیہ انٹرویو میں سوال کیا گیا کہ آپ آج بھی ویسے ہی لگتے ہیں جیسے شروع شروع میں شوبز میں آئے تھے ۔ انہوں نے کہا کہ دراصل میرے ددیال والے عمر چور ہیں وہ اتنی عمر کے نہیں لگتے جتنے کے ہیں تومیں بھی ان پر گیا ہوں۔ انہوں نے کہا کہ ایکٹرز کی عمر نہیں بلکہ سکرین ایج معنی رکھتی ہے۔ انہوں نے کہا مجھے یہ بات بالی وڈ کے معروف فلمساز سبھاش گھئی نے کہی تھی جو کہ بہت ہی سچ ہے۔ انہوں نے کہا کہ میں بالی وڈ ایکٹر انیل کپور سے بھی ملا ہوں میں ان سے مل کر حیران رہ گیا کہ وہ اس قدر عاجز انسان ہیں کہ جتنا کہاجائے کم ہے، انہوں نے کہا کہ جن کو خدا نے نام اور مقام دیا ہوتا ہے وہ ایسے ہی نہیں ہوتا ان میں کوئی نہ خوبی تو ہوتی ہے۔
انہوں نے کہا کہ ضروری نہیں ہے کہ ہیرو لوگ ہی باصلاحیت ہوتے ہیں بہت سارے لوگ باصلاحیت ہوتے ہیں لیکن ان کو کام کرنے کے اس طرح سے مواقع میسر نہیں آتے شاید جیسے ہم لوگوں کو ملے ہیں۔ انہوں نے کہا کہ میری اہلیہ بہت اچھی ہیں انہوں نے مجھ پر بہت اعتما د کیا ہے یہ ان کی اعتماد کی وجہ ہے کہ میں آج ایک کامیاب انسان ہوں۔ میری اہلیہ کو بہروز سبزواری نے ایک بار کہا تھا کہ شوہر کو اگر گھر میں زہنی سکون دو گی تو وہ نہ صرف تمہارا رہے گا بلکہ کامیاب بھی بنے گا اور میری بیوی نے بہروز سبزواری کی اس نصیحت کو آج تک پلے باندھا ہوا ہے۔
