پاکستانی فنکارہ سارا لورین جنہوں نے پاکستان کے ساتھ ساتھ بالی وڈ میں بھی کام کیا ، انہوں نے اپنی صلاحیتوں کا لوہا بالی وڈ میں بھی منوایا اور اے کلاس فلموں میںکام کیا، سارا لورین ایک عرصے سے دبئی میں مقیم ہیں لیکن پاکستانی آتی جاتی رہتی ہیں ، اپنے حالیہ انٹرویو میںانہوں نے کہا ہے کہ میں جہاں بھی رہوں لیکن میرا دل پاکستان میں ہی رہتا ہے میں کافی برس سے دبئی میںمقیم ہوں، لیکن پاکستان سے دل اداس رہتا ہے. پاکستان ہماری شناخت ہے اس نے ہمیں بہت کچھ دیا ہے ، حقیقت یہ ہے کہ میں آج جو کچھ بھی ہوں وہ میرے ملک کی وجہ سے ہے.
مجھے اپنے وطن سے بہت محبت ہے دنیا میں جہاں بھی چلے جائیں لیکن پاکستانیوں کا دل پاکستان کے لئے ہی دھڑکتا ہے. سارا لورین نے کہاکہ ”مجھے اگر پاکستانی فلموں میں اچھے کردار ملیں تو میں ضرور کروں گی.” میرے پاس ابھی بھی چند ایک سکرپٹس ہیں ان کو پڑھ رہی ہوں ، ہو سکتا ہے کوئی ایک فائنل کر لوں، میں وہی کردار کروں گی جو مجھے اچھا لگے گا اور یہ اصول میرا پورے کیرئیر میں ایسا ہی رہا ہے.
