Baaghi TV

Tag: shaan

  • بہشت نے جب گانے کی خواہش کا اظہار کیا تو والد شان کا کیا ری ایکشن تھاِ؟

    بہشت نے جب گانے کی خواہش کا اظہار کیا تو والد شان کا کیا ری ایکشن تھاِ؟

    شان شاہد کی بیٹی بہشت نے اپنے حالیہ انٹرویو میں کہا ہے کہ مجھے گانے کا شوق بھی تھا لیکن والد کے ساتھ کبھی اظہار نہیں کیا تھا. جب میں نے اپنے والد کو بتایا کہ میں گانا بھی چاہتی ہوں تو انہوں نے کہا کہ ہیں” توں اے وی ” . انہوں نے مجھے کہا کہ میں تمہارے ہر شوق میں‌تمہارے ساتھ ہوں ٹھیک ہے جم کر گانے کے لئے ریاضت کرو ، ریہرسل کرو، انہوں نے کہا کہ مجھے خوشی ہے کہ تم ملٹی ٹیلینٹڈ ہو. انہوں نے کہا کہ میری ماں نے مجھے ہر قدم پر سپورٹ کیا ہے، میری والدہ کو بہت زیادہ خوشی ہے کہ میں نے باقاعدہ اپنے کیرئیر کا آغاز کر دیا ہے.

    انہوں نے کہا کہ” گانا گانا آسان نہیں ہے یقینا بہت ہی مشکل کام ہے”، میں نے اب گلوکاری کے میدان میں قدم رکھ دیا ہے تو اسکو بھی ساتھ ساتھ لیکر چلوں گی ، باقی ابھی یہ نہیں کہہ سکتی کہ میں مستقبل میں کیا کروں گی اداکاری یا ڈائریکشن. انہوں نے کہا کہ جو بھی کروں گی بہت سوچ سمجھ کر کروں گی. پہلے گانے کی لانچ سے پہلے کافی نروس تھی لیکن لائیو پرفارمنس کے بعد کافی مطمئن ہوں.

    بیٹی بہشت کی خوشی میں خوش ہوں مسز شان شاہد

    شان شاہد کی بیٹی نے اپنا پہلا گانا لانچ کر دیا

    ماورا حسین کا چائلڈ لیبر کے حوالے سے وڈیو پیغام

  • بیٹی بہشت کی خوشی میں خوش ہوں مسز شان شاہد

    بیٹی بہشت کی خوشی میں خوش ہوں مسز شان شاہد

    سپر سٹار شان شاہد کی اہلیہ آمنہ بانڈے نے اپنے حالیہ انٹرویو میں کہا ہے کہ میں جانتی تھی کہ میری کس سے شادی ہو رہی ہے اور اسکا کام کیا ہے، وہ ہیروئنز کے ساتھ کام کرتے تھے کرتے ہیں تو مجھے اندازہ تھا اور ہے کہ سکینڈلز جھوٹے بنائے جاتے ہیں لہذا اس وجہ سے میں‌نے کبھی بھی اپنے شوہر شان سے جھگڑا نہیں کیا. وہ اپنے کام سے کام رکھنے والے انسان ہیں، انہوں نے کہا کہ میری ساس نیلو اور شوہر شان نے ہمیشہ ہماری بیٹیوں کو کھلے آپشنز دئیے اور کہا کہ جو آپ کا دل کرتا ہے آپ کیجیے ہماری طرف سے روک ٹوک نہیں ہو گی لیکن شرط یہ ہے کہ محنت کرنی ہے.

    انہوں نے کہا کہ” اپنی بیٹی کو لائیو دیکھ کر مجھے بہت خوشی ہوئی ہے” ، بیٹی کی پرفارمنس سے پہلے میں‌تھوڑی سے نروس بھی تھی لیکن اسکا اعتماد دیکھ کر مجھے حوصلہ ہوا ہے، اور مجھے بہت خوشی ہے کہ میری بیٹی اپنی دادی دادا اور باپ کے کام کو آگے لیکر چل رہی ہے. انہوں نے کہاکہ لڑکیوں کو انکی پسند کے کیرئیر میں جانے دینا چاہیے. میری بیٹی ایکٹنگ کرے گلوکاری یا لکھے میں اس کے ساتھ ہوں.

     

    شان شاہد کی بیٹی نے اپنا پہلا گانا لانچ کر دیا

    ماورا حسین کا چائلڈ لیبر کے حوالے سے وڈیو پیغام

    خواتین اداکاروں کے خلاف سوشل میڈیا پر جھوٹی مہم کیس کی سماعت ملتوی

  • شان کے ساتھ کبھی کام نہیں کروں گا معمر رانا

    شان کے ساتھ کبھی کام نہیں کروں گا معمر رانا

    لولی وڈ کے اداکار معمر رانا نے اپنے حالیہ انٹرویو میں‌میزبان کے مختصر سوالوں کے جواب دئیے ہیں،اور جوابات کافی دلچپسپ ہیں‌، میزبان نے پوچھا کہ بھاری معاوضہ ملنے کے باوجود آپ کس اداکار کے ساتھ کام نہیں کرنا چاہیں گے تو معمر رانا نے کہا کہ میں شان کے ساتھ بالکل بھی کام نہیں کرنا چاہوں گا. میزبان نے دوسرا سوال کیا کہ کونسی اداکارہ یا اداکار بہت ہی بد تمیز ہے تو معمر رانا نے کہا کہ ریشم نہایت ہی بد تمیز اداکارہ ہیں اسکو کسی کا لحاظ نہیں ہے.

    سوال ہوا کہ فلم انڈسٹری میں کس کو اور ریٹٹد سمجھتے ہیں تو انہوں نے کہا کہ ”سمیع خان کو میں اور ریٹڈ سمجھتا ہوں.” ایک سوال کے جواب میں انہوں نے کہا کہ میں نے بہت سارے بیان ایسے دئیے جو بعد میں محسوس ہوا کہ نہیں دینے چاہیں تھے . اسی پروگرام میں ان کی اہلیہ مہناز معمر بھی موجود تھیں جب ان سے سوال ہوا کہ کبھی آپ نے کسی کو دھوکہ دیا تو انہوں نے کہا کہ میں نے کبھی کسی کو دھوکہ نہیں دیا ، زندگی ہی انسانوں کو دھوکہ دیتی ہے. مجھے جس نے بھی دھوکہ دیا میں نے ان سب کو معاف کیا.

    شاہد آفریدی کو ولن کا کردار دوں گا خلیل الرحمان قمر

    عالیہ کے ساتھ فٹبال نہیں کھیلنا چاہتا رنبیر کپور کا دو ٹوک اعلان

    صاحبہ کو جہاز کا سفر کرتے وقت کونسی باتیں یاد آتی ہیں؟‌

  • بھارت معافی مانگے ورنہ …. شان شاہد

    بھارت معافی مانگے ورنہ …. شان شاہد

    اداکار شان شاہد بھی بھڑک اٹھے ہیں بھارتی وزیر خارجہ جے شنکر کے بیان پر انہوں نے ٹویٹ کرتے ہوئے مطالبہ کر دیا ہے بھارت معافی مانگے اور اپنی حکومت سے کہا ہے کہ جب تک انڈیا معافی نہ مانگے، دونوں ملکوں کے درمیان معاملات آگے نہیں چلنے چاہیں، انہوں نے اپنے ٹویٹ میں واضح انداز میں لکھا کہ میں بحیثیت پاکستانی، حکومت پاکستان کے توسط سے بھارتی وزیر خارجہ کے بیان پر تحریری معافی نامے کا مطالبہ کرتا ہوں، اس وقت مزید سفارتی تعلقات نہیں، احترام باہمی ہونا چاہیئے۔ پاکستان کو مضبوط بیانیے کے ساتھ جواب دینا چاہیے. انہوں نے اس بات پر بھی

    زور دیا کہ ہم سب پاکستانی ہیں اور پاکستان پہلے ہے، اس کے بعد ہر چیز ہے. ہم سب کو پاکستان کے معاملے پر اکٹھے ہوجانا چاہیے اور سیاسی اختلافات کو بھلا کر انڈیا سے پر زور طریقے سے مطالبہ کرنا چاہیے کہ وہ معافی مانگے جب تک وہ معافی نہ مانگے تب تک ان کے ساتھ کسی قسم کی بات نہ کریں . شان شاہد کی اس ٹویٹ پر بہت سارے سوشل میڈیا صارفین نے کمنٹس کئے اور کہا کہ ہم شان شاہد کی اس بات سے اتفاق کرتے ہیں اور انڈیا جب تک معافی نہ مانگے تب تک مزید کسی معاملے پر کوئی بات نہ کی جائے.

  • تنقید کرنے والوں کی بھی فلمیں آرہی ہیں یاد رکھیں مانی

    تنقید کرنے والوں کی بھی فلمیں آرہی ہیں یاد رکھیں مانی

    اداکار مانی کے صبر کا پیمانہ لبریز ہو گیا ہے انہوں نے خبردار کر دیا ہے ناقدین کو انہوں نے اپنے حالیہ انٹرویو میں کہا ہے کہ ناقدین یاد رکھیں کہ ان کی بھی فلمیں آرہی ہیں اور ہم سے زیادہ پراپگینڈا کوئی اچھا نہیں کر سکتا. انہوں نے کہا کہ جو فلم پر مثبت تنقید ہے اسکو ہم لے رہے ہیں لیکن جو نیگیٹیو تنقید ہے اس پر میں یہی کہوں گا کہ بھئی یاد رکھیں آپکی بھی فلمیں آرہی ہیں پھر ہم سے گلہ نہ کرنا. انہوں نے کہا کہ شان شاہد کی میں نے بہت ساری فلمیں دیکھی ہیں انہوں نے گنز اینڈ روزز جیسی بنائی تھی وہ بہت کمال فلم تھی اگر میں نے کبھی فلم بنائی تو ایسی ہی فلم بنائوں

    گا. مانی نے کہا کہ کسی نے اگر بہت محنت کے ساتھ کام کیا ہے تو اسکی تعریف ہونی چاہیے . انہوں نے یہ بھی کہا کہ مجھے بہت خوشی ہو رہی ہے کہ لوگہ اس فلم کو دیکھنے کےلئے سینما گھر آرہے ہیں، عید پر ہماری فلم کے ساتھ اور بھی فلمیں آئیں اور چلی گئیں لیکن کسی کو ان کا نام تک یاد نہیں ہے کہ وہ کونسی تھیں کس کی تھیں‌. منی بیک پر بات ہی اسی لئے ہو رہی ہے کیونکہ یہ ایک کمال فلم ہے.

  • گلوکار شان کو عید مبارک کہنا مہنگا پڑ گیا

    گلوکار شان کو عید مبارک کہنا مہنگا پڑ گیا

    انڈین گلوکار شان جو کہ ایک بڑی فین فالونگ رکھتے ہیں انہوں نے ھال ہی میں انسٹاگرام پر ایک پوسٹ شئیر کی جس میں انہوں نے ایک تصویر لگائی جس میں وہ شلوار قمیض پہنے ہوئے دعا مانگ رہے ہیں ، اس کا کیپشن انہوں نے یہ لکھا کہ عید مبارک . انہوں نے جیسے ہی یہ پوسٹ کی تو ان کو تنقید کا سامنا کرنا پڑ گیا ، کیونکہ انہیں کہا گیا کہ آپ تو ہندو ہیں تو مسلمانوں کو عید مبارک کیوں کہہ رہے ہیں آپکا دماغ ٹھیک ہے؟ شان نے دوبارہ ایک پوسٹ لگا

    کر کہا کہ ہاں میں ہندو ہوں ، براہمن ہوں ، لیکن بچپن سے مجھے یہ سکھایا گیا کہ ہر مذہب کا احترام کرنا چاہیے ، اس لئے میں ہر مذہب کا احترام کرتا ہوں اور اگر کسی مذہب کا کوئی دن اہم ہو تو اسکو مناتا بھی ہوں اور مبارکباد بھی دیتا ہوں. شان نے کہا کہ ویسے آپ سب کی اطلاع کے لئے عرض ہے کہ میں نے جو تصویر لگائی ہے یہ میرے ایک گانے کی ہے. باقی آپ کی سوچ. میں نے عید مبارک کہا ہے اور آگے بھی کہتا رہوں گا.