فلمی صنعت کی معروف اداکارہ انجمن اور شبنم بیگم ایک دوسرے کی بہت عزت کرتی ہیں اور ایک دوسرے کی خوشی میں خوش ہوتی ہیں. حال ہی میں اداکارہ شبنم بیگم کو ستارہ امتیاز کے لئے نامزد کیا گیا ہے. انجمن نے اپنی دوست شبنم سے ٹیلی فون پر ڈھاکہ رابطہ کرکے انکی فنی خدمات کا کھلے دل سے اعتراف کیا اور ان کے ساتھ نیک تمنائو ں کا اظہار کیاہے ۔انکا کہناکہ شبنم جی فن اداکاری کا انسٹی ٹیوٹ ہیں ،ہم نے ان کو دیکھ کر سیکھا ہے ۔یہ ایوارڈ شبنم جی کاحق تھا اور انہیں بہت پہلے مل جانا چاہیے تھا۔ مجھے جب تمغہ برائے حسن کارکردگی کے لیے نامزد کیا گیا ،میں نے اس وقت بھی یہ کہا تھا کہ مجھ سے پہلے یہ شبنم جی کاحق ہے۔
”اس وقت بھی میرا دل بوجھل تھا کہ آپ کو ایوارڈ کیو ںنہیں دیاگیا”۔انجمن کاکہنا تھا کہ ایوارڈ کیلئے آپ کی نامزدگی پر مجھے بہت خوشی ہوئی ہے ۔خیال رہے کہ انجمن بذات خود سلور سکرین کی سپر سٹار ہیں اور انہوں نے خود کو ایک ورسٹائل فنکارہ کے طور پر خود کو منوایا۔انجمن اور شبنم دونوں بہت اچھی دوستیں ہیں اور ایک دوسرے سے ٹیلی فون پر رابطے میں رہتی ہیں. شبنم جب بھی پاکستان آتی ہیں وہ انجمن ببگم سے ضرور ملتی ہیں.
