معروف اور سینئر اداکارہ شگفتہ اعجاز نے حال ہی میںسوشل میڈیا پر ایک وڈیو شئیر کی ہے جس میں وہ اپنے مداحوں کو اپنی صحت کے حوالے سے آگاہی دے رہی ہیں. اس وڈیو میںوہ بتا رہی ہیں کہ میری بیٹی کی صحت کو لیکر کافی فکر مند رہتی ہیں ، میری والدہ چونکہ کینسر کے مرض سے سے لڑتے لڑتے اس دنیا سے چلی گئیں تھیں تو میری بیٹی کو لگتا ہے کہ مجھے اپنی صحت پر بہت زیادہ توجہ دینی چاہیے. انہوں نے کہا کہ میری بیٹی کے حساب سے اب تک مجھے 4 سے 5 بار” پیپ سمیر یسٹ” کروا لینا چاہیے تھا۔شگفتہ اعجاز نے کہا کہ میں نے اپنا ٹیسٹ کروا لیا ہے جس کی رپورٹ میں فائبرائیڈز ظاہر ہوئے ہیں.
لہٰذا اب میں ایم آر آئی کروائوں گی۔شگفتہ اعجاز نے مداحوں سے دُعاؤں کی اپیل کرتے ہوئے کہا کہ جیسے ہی میری ایم آر آئی’ کی رپورٹ آئے گی تو میں اپنے اگلے وی لاگ میں مداحوں کو لازمی آگاہ کروں گی۔شگفتہ اعجاز نے جیسے ہی یہ وڈیو شئیر کی تو ان کے مداحوں نے ان کے لئے صحت کی دعائیں کرنا شروع کردیں اور ان کے کمنٹس باکس میںدعائیہ کلمات لکھنا شروع کر دئیے.
