سینئر اداکارہ ممتاز کے اعزاز میں ماضی کے خوبصورت اداکار شاہد حمید کے گھر ایک پارٹی کا اہتمام کیا گیا، پارٹی میں ممتاز بیگم ، سنگیتا بیگم ، فلمسٹارا میرا و دیگر نے شرکت کی اس موقع پر خوبصورت گانوں کی ایک محفل سجائی گئی ، اور ممتاز بیگم کو خوبصوت گانے سنوائے گئے، اس پارٹی کی تصاویر سوشل میڈیا پر گردش کررہی ہیں، ممتاز بیگم کا اس موقع پر کہنا تھا کہ کافی برسوں کے بعد شاہد حمید کے ساتھ ملاقات ہوئی ہے اور بہت اچھا لگ رہا ہے ان کے گھر آ کر، انہوں نے کہا کہ سنگیتا بیگم اور میرا نے جس طرح سے عزت افزائی کی ہے اور لاہوریوں نے ویلکم کیا ہے میں اس کے لئے سب کی شکر گزار ہوں.
”شاہد حمید نے کہا کہ ممتاز ایک بہترین اداکارہ تھیں” اور میں نے ان کے ساتھ کام کیا ہے، ان کی فنکارانہ صلاحیتوں کی جتنی تعریف کی جائے کم ہے. سنگتیا بیگم نے کہا کہ ہم نے ایک ساتھ کام کیا ہے، ممتاز بیگم کے آنے سے ماضی کی یادیں ایکبار پھر دل اور زہن کو معطر کر گئی ہیں. انہوں نے کہا کہ شاہد کے ساتھ بھی میں نے بہت کام کیا ہے آج یوں سب کا مل بیٹھنا بہت اچھا لگ رہا ہے.