بالی وڈ اداکارہ ہما قریشی نے اپنے حالیہ انٹرویو میں کہا ہے کہ میں مسلمان ہوں اس وجہ سے کبھی بھی مجھ پر کوئی دبائو نہیں آیا نہ ہی میرے ساتھ کوئی برا سلوک کیا گیا ہے. بھارت میں مسلمان محفوظ ہیں اور بالی وڈ تو بہت ہی محفوظ جگہ ہے، مجھ سے آج تک کسی نے ایسی بات نہیں کہ مجھے لگے کہ میں مسلمان ہوں شاید اس لئے میرے ساتھ ایسی بات کی جا رہی ہے یا سلوک کیا جا رہا ہے. انہوں نے کہا کہ میرا وزن اگر زیادہ ہے بھی تو مجھے اس سے مسئلہ نہیں ہے، مجھے میرے وزن کو کم کرنے کی تجاویز ملتی رہتی ہیں لیکن مجھے لگتا ہے کہ مجھے اپنا وزن کم نہیں کرنا چاہیے تو میںنہیں کرتی،.
انہوں نے کہا کہ میں جیسی ہوں ایسی ہی کسی کو اچھی لگتی وہں تو ٹھیک ہے. انہوں نے کہا کہ میں نے ہمیشہ کوشش کی ہے کہ اپنی پرفارمنس اتنی اچھی رکھوں کہ کسی کا دھیان میرے وزن پر نہ جائے. انہوں نے یہ بھی کہا کہ ”ہر انسان کی کوئی نہ کوئی انسپریشن ہوتی ہے میری انسپریشن وہ سب لوگ ہیں جو محنت سے کام کرتے اور آگے آتے ہیں”. یاد رہے کہ ہما قریشی بالی وڈ ی مقبول ترین اداکارہ ہیں اور بڑی فین فالونگ رکھتی ہیں.
