2006 میں ریلیز ہونے والی فلم ویواہ سے امریتا رائو کو راتوں رات سپر سٹار بنا دیا تھا، امریتا اپنے ہر انٹرویو میں اس فلم کے بارے میں بات کرتی ہوئی دکھائی دیتی ہیں. انہوں نے اپنے حالیہ انٹرویو میں ایک بار پھر سے اس فلم کے بارے میں بات کی ہے، انہوں نے کہا کہ فلم ویواہ کا کر کردار جادوئی تھا بہت سارے لوگ مجھ سے عشق کرنے لگے تھے. فلم ریلیز ہوئی تو اس کے بعد امریکہ اور کینڈا سے میرے لئے بہت سارے رشتے آئے، اس دور میں اسمارٹ فونز نہیں تھے لہذامجھے لڑکے خط بھیجتے ، اپنی تصاویر اپنے گھر کی تصاویر اور یہاں تک کہ اپنی ماں
کی تصویر بھی بھیجا کرتے تھے ، میں خط پڑھ کر ہنسا کرتی تھی. اس فلم نے میری زندگی یکسر تبدیل کرکے رکھ دی تھی، آج بھی میرے کیرئیر پر نظر ڈالیں تو ویواہ فلم الگ ہی نظر آتی ہے. انہوں نے کہا کہ شادی بیاہ کے فیصلے جلد بازی میں نہیں کئے جاتے ، میں آج زندگی کے جس بھی موڑ پر ہوں بہت خوش اور مطمئن ہوں. مجھے خوشی ہے کہ آج بھی لوگ مجھے پیار محبت دیتے ہیں اور مجھے سکرین پر دیکھنا چاہتے ہیں.
