Baaghi TV

Tag: shahrukh khan

  • عمران خان کے ساتھ شادی کی خواہش کا اظہار ایک مذاق تھا میرا

    عمران خان کے ساتھ شادی کی خواہش کا اظہار ایک مذاق تھا میرا

    اداکارہ میرا جو ہر وقت خبروں میں رہتی ہیں، وہ کوئی نہ کوئی ایسی بات ضرور کر دیتی ہیں کہ جس سے وہ سرخیوں میں آجاتی ہیں، اداکارہ فضا علی کے ساتھ اپنے انٹرویو میں انہوں نے کہا کہ میں نے عمران خان کے ساتھ شادی کی خواہش کا اظہار مذاق میں کیا تھا، وہ سکرپٹڈ تھا سو میں نے بول دیا . عمران خان کی میں پرستار ہوں لیکن ان کے ساتھ شادی کرنے کی بالکل بھی خواہش نہیں ہے. میں ان کے نئے پاکستان کو بہت زیادہ انجوائے کررہی ہوں، فلمسٹار میرا نے مزید کہا کہ میرا نام استعمال کرکے لوگ پیسے کما رہے ہیں ، میرے بارے میں لکھتے ہیں بولتے

    ہیں جو لوگ، میں ان کی شکر گزار ہوں کہ وہ مجھے یاد رکھتے ہیں. فلمسٹار میرا نے کہا کہ میں ان سب کی شکر گزار ہوں جو مجھے اور میرے نام کو زندہ رکھے ہوئے ہیں. انہوں نے کہا کہ میں اگر میچ دیکھنے جائوں تو وہاں شائقین اور فوٹوگرافرز مجھے بہت زیادہ اہمیت دیتے ہیں، میں ان کی بھی شکر گزار ہوں. میرا نے کہا کہ میں تب تک شوبز کی خدمت کرتی رہوں گی جب تک میرے مداح مجھے دیکھنا چاہتے ہیں. میں‌ آج جو بھی ہوں اپنے مداحوں کی وہی وجہ سے ہوں.

  • اور جب منیشا کوئرالہ کو پتہ چلا کہ انہیں کینسر ہے…

    اور جب منیشا کوئرالہ کو پتہ چلا کہ انہیں کینسر ہے…

    بالی وڈ‌ اداکارہ منیشا کوئرالہ نے اپنے ایک انٹرویو میں کہا ہے کہ میں نارمل زندگی گزار رہی تھی ، مجھے نہیں پتہ تھا کہ میں کینسر جیسے مرض میں مبتلا ہوں. لہذا جب مجھے پتہ چلا کہ مجھے کینسر ہے تو میں بہت پریشان ہوئی ، میری فیملی تو یہ سن کر سکتے میں ہی آ گئی ، مجھے خود سمجھ نہیں آرہی تھی کہ کیا کروں. میں اس وقت نیپال میں تھی جب کینسر کا پتہ چلا ، ممبئی آئی اس کے بعد نیویارک گئی اور علاج شروع کروایا. میں نے ہمت باندھی میرے گھر والوں نے مجھے بہت زیادہ سپورٹ کیا ، اور میں اس بیماری کو شکست دینے میں کامیاب ہو گئی.

    منیشا کوئرالہ نے مزید کہا کہ میری فیملی میں کوئی سیاستدان ہے تو کوئی انجنئیر ہے، میں‌جس کو دیکھتی تو سوچتی کہ بس یہی بننا ہے ، اور میں اداکارہ بن گئی. منیشا نے کہا کہ میں نے ایک چیز سیکھی ہے کہ اگر انسان ٹھان لے کہ اس نے فلاں کام کرنا ہے تو خدا راستے بنا دیتا ہے. یاد رہے کہ منیشا کوئرالہ کنیسر جیسے مرض کو شکست دے چکی ہیں اور اب انہوں نے دوبارہ سے بالی وڈ کی سرگرمیاں شروع کر دی ہیں، ان کے مداح آج بھی ان کو دیکھنا چاہتے ہیں.

  • ماہیما چوہدری نے کیمو کے دوران بھی فلمیں کیں ؟‌

    ماہیما چوہدری نے کیمو کے دوران بھی فلمیں کیں ؟‌

    بالی وڈ اداکارہ ماہیما چوہدری نے کپل شرما کے ساتھ ایک انٹرویو میں کہا ہے کہ جب مجھے پتہ چلا کہ مجھے کینسر ہے، میں بہت تکلیف میں آئی ، لیکن میں‌ منیشا کوئرالہ اور سونالی بیندرے کو دیکھ چکی تھی کہ وہ بہادری کے ساتھ اس بیماری کا مقابلہ کررہی تھیں، اور پھر انہی دنوں میں سنجے دت بھی کینسر سے جنگ لڑ رہے تھے ان سب کو دیکھ کر مجھے حوصلہ ہوا. میں باہر کے ملک میں علاج کروانے کے لئے چلی گئی ، مجھے کیمو لگنا شروع ہو گئیں ، تو میری طبیعت خراب رہنا شروع ہو گئی ، جب کیمو لگتی تو پانچ دن تک میں اٹھ ہی نہ پاتی تھی. پانچ دن کے

    بعد اٹھتی تو مکمل انرجی محسوس کرتی ، سر کے بال تو تھے نہیں اتر چکے تھے ، میں وگ پہن کر کیپ پہن کر باہر نکلتی ، زندگی کو انجوائے کرتی. کیمو لگنے کے دوران ہی انوپم کھیر نے فلم آفر کی ، میں نے ان سے کہا کہ میرے سر پر بال نہیں ہیں ، تو انہوں نے کہا کہ میں نے چھ سو فلمیں بغیر بالوں کے کر لیں اور تم ایک نہیں کر سکتی. تو میں نے ان کی فلم سائن کر لی ، انہی دنوں میں کنگنا رناوت کی فلم بھی سائن کی.

  • فضا علی کی بیٹی مہندی سے اپنے ہاتھ پر ڈیزائن کی بجائے کیا لکھواتی ہیں ؟‌

    فضا علی کی بیٹی مہندی سے اپنے ہاتھ پر ڈیزائن کی بجائے کیا لکھواتی ہیں ؟‌

    اداکارہ فضا علی نے اپنے حالیہ انٹرویو میں کہا ہے کہ مجھے تو بہت شوق تھا ہاتھوں پر مہندی لگوانے کا جب میں اپنی بیٹی کی عمر کی تھی. لیکن میری بیٹی فارال کو ایسا بالکل بھی کوئی شوق نہیں ہے. وہ اگر ہاتھ پر مہندی لگواتی بھی ہے تو ماں لکھواتی ہے یا کوئی سٹار بنواتی ہے. فضا علی نے کہا کہ عید خوشیوں بھرا تہوار ہوتا ہے. ہمیں اس کو پورے اہتمام کے ساتھ منانا چاہیے. اور ہمیں ان لوگوں کو ضرور یاد رکھنا چاہیے جن کے پاس کھانے کو نہیں ہوتا. یا پہننے کو کپڑے نہیں ہوتے. میری ہمیشہ سے یہ کوشش ہوتی ہے، میں ان بچوں کو کپڑے لیکر دوں جوتے

    لیکر دوں اور میں ایسا کرتی بھی ہوں. فضا علی نے کہا کہ عید کے روز میں اپنی سہیلوں سے ملتی ہوں ، رشتہ داروں کو ملتی ہوں، میں اپنی زندگی کو اپنی بیٹی کے ساتھ بہت زیادہ انجوائے کررہی ہوں. فضا علی نے مزید کہا کہ میری بہت خواہش ہے کہ میں اپنی بیٹی کو خود مختار بنائوں اور کل کو یہ اپنے پائوں پر کھڑی ہو کر نہ صرف لوگوں کی مدد کرے بلکہ اپنا گھر بھی خود بنائے.اور میں ابھی سے اس کے زہن میں یہ چیز ڈال رہی ہوں کہ اپنے پائوں پر کھڑے ہونا ہے.

  • شوبز میں کام کرنے والوں کے لئے نرگس نے کہہ ایک بڑی بات

    شوبز میں کام کرنے والوں کے لئے نرگس نے کہہ ایک بڑی بات

    فلم اور سٹیج اداکارہ نرگس نے اپنے حالیہ انٹرویو میں کہا ہے کہ مجھے خود پہ اور ان لوگوں پر بہت اعتراض ہے جو یہ کہتے رہے اور کہتے ہیں کہ اللہ نے ہمیں شوبز میں بہت عزت دی ہے، اس کام کی کوئی عزت نہیں جو ہم کررہےہیں ، عزت صرف شوہر کے ساتھ رہنے میں ہے اور اسکے ساتھ زندگی گزارنے میں ہے.
    انہوں نے کہا کہ میں بہت خوش نصیب ہوں کہ عورتیں آج بھی مجھے بہت پیار کرتی ہیں ، میرے پاس سیلون میں تیار ہونے کے لئے آتی ہیں تو میرے ساتھ سیلفی بنواتی ہیں ، اور کئی عورتیں تو مجھے دیکھ کر کانپنا شروع کر دیتی ہیں. اللہ کا یہ احسان ہے کہ عورتیں آج بھی مجھے پیار کرتی ہیں خدا کرے ایسا ہمیشہ ہی رہے. نرگس نے کہا کہ

    میں اپنے شوہر کے عید کے کپڑے خود لیکر آتی ہوں ، غصہ تب آتا ہے کہ جب انہوں نے جو پیسے دئیے ہوں وہ کم پڑ جائیں اور مجھے اس شاپنگ میں اپنے پیسے شامل کرنے پڑیں. میرے میاں مجھے پیسے دے دیتے ہیں لیکن دو دن پیسے لینے میں‌لگ جاتے ہیں. نرگس نے کہا کہ مجھے گھر کے کام کرنا بہت اچھا لگتا ہے، پہلے میں لاکھ لاکھ روپے کی جوتی پہنتی تھی لیکن اب ایسا نہیں ہے مجھے لگتا ہے کہ لاکھ روپے کی جوتی پہننے سے بہتر ہے کہ ہم کسی غریب کی مدد کر دیں.

  • شہناز گل کا سب سے بڑا خواب کونسا تھا ؟‌

    شہناز گل کا سب سے بڑا خواب کونسا تھا ؟‌

    اداکارہ شہناز گل نے اپنے حالیہ انٹرویو میں کہا ہے کہ بالی وڈ میں کام کرنا میرا سب سے بڑا خواب تھا، اور وہ کسی کا بھائی کسی کی جان کے زریعے پورا ہونے جا رہا ہے. مجھے نہیں‌ پتہ تھا کہ بالی وڈ میں پہلی ہی فلم سلمان خان کے ساتھ ملے گی. ہم نے سیٹ پر خوب مزا کیا ، سلمان خان جیسے بگ باس کے سیٹ پرنظر آتے تھے ویسے ہی فلم کے سیٹ پر بھی نظر آئے ، ان میں‌کچھ خاص فرق نہیں دیکھا. سلمان خان بہت زیادہ پیار اور کئیر کرنے والے انسان ہیں، میری دعا ہے کہ سلمان خان اور پوجا ہیگڑے کو لوگوں کا اتنا پیار ملے کہ یہ فلم سپر ڈوپر ہٹ ہوجائے. کسی کا

    بھائی کسی کی جان کو فلم پٹھان کی طرح ریسپانس ملنا چاہیے. شہناز گل نے کہا کہ اگر آپ چاہتے ہیں کہ خدا آپ کآ ساتھ دے تو پھر محنت کریں ، آپ محنت کریں گے تو خدا بھی آپ کی مدد کریگا. شہناز گل نے کہا کہ میرا بالکل ارادہ ہے مزید بھی بالی وڈ‌ فلمیں کرنے کا ، یہ تو کردار اور کہانی پر منحصر ہے کہ مجھے کیا آفر ہو رہا ہے ، جو بھی آفر ہو گا اس میں جو بھی بہترین لگے گا یقینا کروں گی. فی الحال تو کسی کا بھائی کسی کی جان کی پرموشنز میں مصروف ہوں ابھی فی الحال کوئی پراجیکٹ سائن نہیں‌ کررہی.

  • شہناز گل اپنی ہی ایک فلم کے پریمئیر سے واپسی پر کیوں روئیں ؟

    شہناز گل اپنی ہی ایک فلم کے پریمئیر سے واپسی پر کیوں روئیں ؟

    آج کل شہناز گل کے بالی وڈ میں بہت زیادہ چرچے ہیں. سلمان خان کی سپورٹ کی وجہ سے شہناز گل کو ہاتھوں ہاتھ لیا جا رہا ہے. بگ باس سیزن 13 سے پہلے شہناز پنجابی فلموں میں کام کر چکی تھیں. لیکن جب سلمان خان کی انہیں سپورٹ ملی تو ان کے تو جیسے کیرئیر کی گاڑی ہی نکل پڑی ہو. شہناز گل نے اپنے حالیہ انٹرویو میں بتایا ہے کہ میں نے ایک پنجابی فلم میں کام کیا ، اس فلم کا پریمئیر ہوا مجھے بلایا ہی نہ گیا،فلم سے جڑی تمام کاسٹ کو بلایا گیا اور مجھے نہ بلایا گیا ، میں اس پریمئیر میں خود ہی چلی گئی ، جب فلم دیکھ کر نکلی تو میں نے دیکھا کہ کاسٹ

    ڈائریکٹر سب میڈیا کے سامنے تصاویر بنوا رہے ہیں اور مجھے کسی نے بلایا ہی نہیں ، اس دن میں بہت زیادہ مایوس ہوئی اور گاڑی میں جا کر بیٹھی اور خوب روئی کہ میرے ساتھ ایسا کیوں ہوا. لیکن اس واقعہ نے مجھے مضبوط بھی بنایا ہے. کیونکہ اس کے بعد میں نے بہت محنت کی اور آج میں جس بھی مقام پر ہوں اس میں میری مسلسل محنت کا بہت بڑا ہاتھ ہے. شہناز نے کہا کہ آپ سب کچھ بھول جاتے ہیں لیکن کسی کا آپ کو ڈی گریڈ کرنا آپ نہیں بھول سکتے.اس انٹرویو کے دوران شنہاز رو پڑیں.

  • میں پتہ لگا رہی ہوں میرا انسٹاگرام اکائونٹ کس نے ہیک کیا سعیدہ امیتاز

    میں پتہ لگا رہی ہوں میرا انسٹاگرام اکائونٹ کس نے ہیک کیا سعیدہ امیتاز

    ماڈل و اداکارہ سعیدہ امتیاز نے اپنے انتقال کی خبروں پر رد عمل دیتے ہوئے کہا ہے کہ میں بالکل خیریت سے ہوں اور آپ سب کا شکریہ ادا کرنا چاہتی ہوں جو میرے لئے فکر مند یا پریشان ہوئے. وڈیو پیغام میں سعیدہ امتیاز نے کہا کہ میرا انسٹاگرام اکائونٹ ہیک کر لیا گیا تھا ، میں پتہ لگا رہی ہوں کہ کس نے ایسا کیا ہے، مجھے بہت افسوس ہے کہ میرے حوالے سے غلط خبر پھیلائی گئی اور میری فیملی بہت پریشان ہوئی ، میرے مداح اور دوست بھی بہت پریشان ہوئے، میرے گھر پر لوگوں کا تانتا بندھ گیا. میں سو کر اٹھی تو دیکھا کہ فون پر بہت ساری کالز اور میسجز

    تھے ، مجھے تو ایکدم سے کچھ سمجھ ہی نہیں آیا کہ یہ سب کیا ہوا ہے. اور کس نے کیا ہے. مجھے حیرت ہے کہ کسی کو تنگ کرنے کے لئے اس حد تک گر جاتے ہیں لوگ. میں تو دعا ہی کر سکتی ہوں کہ اللہ ہدایت دے ان لوگوں کو جو دوسروں کو تنگ کرتے ہیں ان کے لئے پریشانی کا باعث بنتے ہیں. سعیدہ نے کہا کہ میں بہت جلد پتہ لگا لوں گی کہ میرا انسٹاگرام اکائونٹ کس نے اور کیوں ہیک کیا. انہوں نے کہا کہ آپ سب کی سپورٹ کا بہت شکریہ.

  • سٹار کڈز ہونے کے فوائد تو ہیں جن کو میں مانتا ہوں اذان سمیع خان

    سٹار کڈز ہونے کے فوائد تو ہیں جن کو میں مانتا ہوں اذان سمیع خان

    عدنان سمیع خان اور زیبا بختیار کے بیٹے اذان سمیع خان جو کہ شوبز انڈسٹری میں قدم رکھ چکے ہیں وہ نہ صرف اچھا گاتے ہیں بلکہ اچھی اداکاری بھی کرتے ہیں. انہوں نے ڈرامہ سیریل عشق لاء میں اپنی اداکاری کے جوہر دکھائے اور ڈرامہ انڈسٹری میں قدم رکھتے ہی ان کو یمنہ زیدی اور سجل علی جیسی منجھی ہوئی اداکارائوں کے ساتھ کام کرنے کا موقع میسر آیا. اذان سمیع خان نے ندا یاسر کے ساتھ اپنے ایک انٹرویو میں کہا ہے کہ سٹار کڈز ہونے کے فوائد ہوتے ہیں جن کو میں بالکل مانتا ہوں . ہمیں وہ مواقع میسر آجاتے ہیں جو کسی عام انسان کو نہیں مل پاتے ، ہماری رسائی سلیبرٹیز تک زرا جلدی ہو جاتی ہے ، ہم ان کے ساتھ بیٹھ سکتےہیں بات کر سکتے ہیں. جیسے

    کہ میوزک انڈسٹری کا بڑا نام وقار ذکاء سے مجھے میوزک سیکھنا تھا میں ان کے سٹوڈیو جانا شروع ہو گیا تو یہ فوائد ہی ہیں. کوئی اگر نہیں مانتا تو میں کچھ نہیں‌کہہ سکتا لیکن اپنی بات کروں تو یقینا سٹار کڈز ہونے کے فائدے ہوتے ہیں. انہوں نے کہا کہ میں اگر کچھ بھی سیکھنا چاہتا ہوں فرض کریں کہ اگر میں ہوسٹنگ سیکھنا چاہتا ہوں تو میرے لئے آسان ہو گا بڑے اور نامور ہوسٹس کے پاس جا کر بیٹھنے میں، ازان نے یہ بھی کہا کہ میں بہت خوش ہوں کہ اس انڈسٹری نے مجھے ویلکم کیا.

  • عمرے کے ٹھیکیدارو تم خدا کی نظر میں زیرو اور میں نمبر ون ہوں راکھی ساونت

    عمرے کے ٹھیکیدارو تم خدا کی نظر میں زیرو اور میں نمبر ون ہوں راکھی ساونت

    راکھی ساونت نے حال ہی میں ایک انٹرویو کے دوران کہا ہے کہ میں اگر شلوار قمیض پہن کر نکلوں تو کہا جاتا ہے کہ میرا تو کیرئیر ہی ختم ہو گیا ہے اس لئے میں ایسا کررہی ہوں. دوسری طرف گلیمرس کپڑے پہنوں تو کہتے ہیں کہ ارے تم نے تو اسلام قبول کر لیا ہے ، تم ایسے کپڑے پہنتی ہو تمکو شرم نہیں آتی. کیا لوگ ہو تم ، جینے کیوں نہیں دیتے ، میں اگر کچھ غلط کروں گی تو میرا خدا مجھ کو روک لے گا ، تم خدا بننے کی کوشش نہ ہی کرو تو بہتر ہے. انہوں نے کہا کہ عمرہ کرنے کی بات کرتی ہوں تو کہتے ہیں کہ تم عمرہ کرکے آئو گی تو پھر بھی ایسے کپڑے

    پہنو گی؟ ابھی عمرہ کیا نہیں اور لوگوں کو پہلے ہی فکر لگ گئی ہے ، کیا میرے بینک میں پیسے تم لوگ ڈلوائو گے ؟ کیا میرے گھر کا کچن تم لوگ چلائو گے ؟ اگر تم لوگوں سے میں برداشت نہیں ہوتی تو آئو مجھے مار دو. راکھی نے یہ بھی کہا کہ جو مجھے بات کرتے ہیں وہ اللہ کی نظر میں زیرو اور میں نمبر ون ہوں کیونکہ میرے بارے میں بلاوجہ بات کی جاتی ہے مجھ پہ بلاوجہ الزامات لگائے جاتے ہیں . میرے گناہ کیوں اپنے سر لیتے ہو میری برائیاں کرکے مجھے گالیاں دیکر. جیو اپنی زندگی اور مجھے بھی جینے دو میری زندگی.