اداکارہ شائستہ لودھی نے جگن کاظم کے ساتھ اپنے ایک انٹرویو میں کہا ہے کہ میری شادی میرے پھوپھو کے بیٹے کے ساتھ ہوئی اور میری دونوں شادیاں میرے والد کی مرضی سے ہوئیں. شائستہ لودھی نے بتایا کہ میری ، میری ساس کے ساتھ بہت بنتی ہے. ہماری بہت دوستی ہے ہم بہت زیادہ بولتی ہیں اور باتیں کرتی ہیں. لیکن میرا شوہر بہت زیادہ سنجیدہ رہتا ہے. انہوں نے کہا کہ میں اگر کسی بات پر ناراض ہوں اور خاموش ہوں نہ بات کررہی ہوں تو بات پوچھے بغیر ہی کہ میں کس بات پر ناراض ہوں میرا شوہر مجھے سوری کہہ دیتا ہے اس کے بعد مجھے مزید غصہ آتا ہے کہ بھئی آپ کو پتہ بھی نہیں اور پوچھا بھی نہیں کہ میں کس بات پر ناراض ہوں اور آپ نے مجھے سوری کہہ دیا. انہوں نے کہا کہ میرے شوہر بہت ہی شاندار بزنس مین ہیں وہ بات کو کھینچتے نہیں غلطی ہو یا نہ ہو سوری کہہ کر معاملہ رفع دفع کر دیتے ہیں. اداکارہ نے کہا کہ میرے تین بچے ہیں

اور میرے گھر میں کتے بلیاں بھی ہیں، مجھے گھر میں سجاوٹ کا بہت زیادہ شوق ہے ، اور میں اس کے لئے مختلف جگہوں سے سجاوٹ کی مختلف چیزیں گھر میں لاتی ہوں اور اگر کوئی پالتو جانور وہ چیز توڑ دے تو بہت غصہ کرتی ہوں اور چیز کی قیمت اپنے بچوں‌کو بتاتی ہوں کہ اتنی مہنگی لیکر آئی تھی ، تو میرے بچے آرام سے کہہ دیتے ہیں تو کیا ہوا امی ، تو مجھے اور غصہ آتا ہے. شائستہ نے کہا کہ میں بہت ہی اچھی زندگی بسر کر رہی ہوں نہایت خوش ہوں.