Tag: shehnaz gill

سلمان خان کی چہیتی شہناز گل جن کے کریڈٹ پرابھی تک صرف ایک فلم ہے اور اس فلم کا نام ہے کسی کا بھائی کسی کی جان. لیکن اداکارہ کی شہرت آسمان کی بلندیوں کو چھو رہی ہے. لوگ دیوانہ وار ان کو پسند کرتے ہیں. حال ہی میں شہناز نے اداکار نواز الدین صدیقی اور نیہا شرما کی فلم جوگیرا سارا را را کی اسکریننگ کے حوالے سے منعقدہ تقریب میں شرکت کی ، اس تقریب میں جب ان کے چاہنے والوں نے انکو دیکھا تو ان کی خوشی کا کوئی ٹھکانہ نہ تھا، ہر کوئی ان کے ساتھ سیلفی بنانا چاہتا تھا، اس حوالے سے وڈیو بھی سوشل میڈیا پر وائرل ہو رہی ہے جس میں

دیکھا جا سکتا ہے کہ مداح شہناز کے پیچھے دیوانہ وار بھاگ رہے ہیں اور وہ ان کے ساتھ سیلفی بنانا چاہتے ہیں ، تاہم شہناز کسی ایک کا موبائل پکڑ کر سیلفی لیتی ہیں اور گاڑی میں بیٹھ کر چلی جاتی ہیں، باقی سارا ہجوم وہیں کھڑا کا کھڑا رہ جاتا ہے. اس وڈیو کے وائرل ہوتے ہی شہناز گل پر تنقید ہونے لگی اور سوشل میڈیا صارفین کی بڑی تعداد نے ان کو بد تمیز قرار دے دیا اور کہا کہ شہرت نے شہناز کا دماغ خراب کر دیا ہے، اس کو شہرت راس نہیں آئی ، بعض سوشل میڈیا صارفین نے تو یہاں تک کہہ دیا کہ بائیکاٹ کرنا چاہیے ایسی سلیبرٹیز کا جن کا اتنا دماغ خراب ہوجائے کہ وہ مداحوں کو ہی نظر انداز کردیں.

بالی وڈ اداکارہ شہناز گل نے اپنے ایک ھالیہ انٹرویو میں کہا ہے کہ مجھے کوئی نہیں ہرا سکتا ، جہاں‌میں ہوتی ہوں پھر میں ہی وہیں‌ہوتی ہوں کوئی اور نہیں‌آسکتا. شہناز گل کو ہرانا اتنا آسان نہیں ہے. میں جو جگہ بناتی ہوں اسکو بہت مشکل سے چھوڑتی ہوں. میں نے آج تک جو بھی کام کیا ہے بہت محنت سے کیا ہے . کبھی کسی کا حق نہیں مارا ، کبھی سازش نہیں کی اسلئے مجھے میرے رب کی ذات نے میری محنت کا بہت زیادہ پھل دیا ہے. میں خوش ہوں کہ مجھے اوپر والے نے اتنی کامیابی سے نوازا ہے. آج میرے پاس جتنی شہرت ہے شاید یہ کسی کا خواب ہی ہو سکتی ہے.

اداکارہ نے یہ بھی کہا کہ شہرت پانا آسان ہے لیکن اس شہرت کو برقرار رکھنا بہت مشکل ہے. میں کوشش کرتی رہتی ہوں کہ مجھے جو خدا نے شہرت دی ہے اسکو سنبھال سکوں. یاد رہے کہ شہناز گل کو بالی وڈ میں سلمان خان کی بہت زیادہ سپورٹ حاصل ہے اسی سپورٹ کی وجہ سے ان کو فلم میکرز اور لوگوں کی جانب سے توجہ مل رہی ہے. آج شہناز کیرئیر کی جن بلندیوں‌پر ہیں وہ سلمان خان کی دین ہے اگر یہ کہا جائے تو یقینا بےجا نہ ہو گا .

شہناز گل جو اس وقت بھارتی میڈیا میں سب سے زیادہ سرخیاں بٹورنے والی اداکارہ بن چکی ہیں،انہوں نے اپنے حالیہ انٹرویو میں بات کی ہے ان لوگوں کی جو زندگی میں کامیاب نہیں ہوتے ، خود کچھ نہیں کرتے لیکن دوسروں سے جلن اور حسد میں ا ن کی ٹانگیں کھینچتے رہتے ہیں۔ انہوں نے کہا کہ جو خود کچھ نہیں کر پاتے کسی مقام پر نہیں پہنچ پاتے۔ وہ یہی سوچتے رہتے ہیں کہ ان کے سرکل میں جو کامیاب انسان ہے اسکو کیسے نیچے گرانا ہے ، ایسے لوگوں کو نظر انداز کریں ان کو اہمیت نہ دیں ۔ کیونکہ ایسے لوگ قابل ترس ہوتے ہیں ان کو دعا کی ضرورت ہوتی ہے لہذا پریشان ہونے کی بجائے ان کے لئے دعا کیا کریں ۔ شہناز گل نے کہا کہ جو انسان جتنی محنت کرتا ہے خدا اسکو اتنا ہی دیتا ہے ، جو انسان محنت

کرنے پر یقین ہی نہ رکھتے ہوں بس شارٹ کٹ ڈھونڈتے ہوں اور دوسروں کی ٹانگیں کھینچنے پر یقین رکھتے ہوں وہ جہاں ہوتے ہیں وہیں رہتے ہیں۔ شہناز گل نے کہا کہ مجھے زندگی میں بہت سارے ایسے لوگ ملے ہیں جو میری خوشی میں کم خوش ہوتے تھے لیکن میں نے ان کو نظر انداز کر دیا اور آگے بڑھ گئی اور طریقہ بھی یہی ہے کہ ایسے لوگوں کو نظر انداز کریں اور آگے بڑھ جائیں۔ یاد رہے کہ شہناز گل کی کسی کا بھائی کسی کی جان حال ہی میں ریلیز ہوئی ہے اور اسے بے حد پذیرائی ملی ہے۔