شاہدرہ، ڈکیتی کر کے فرار ہونیوالا ڈاکو زخمی حالت میں گرفتار
شاہدرہ ٹاؤن کے علاقہ میں پولیس کا ڈاکووں سے مقابلہ ہوا ہے، دوران پیٹرولنگ 15 کی کال ملنے پر دو مسلح ڈاکووں کا تعاقب کیا ڈاکو شہری سے موٹر سائیکل چھین کر فرار ہو رہے تھے پولیس کا پیچھا کرنے پر مسلح ڈاکوؤں نے سیدھی فائرنگ شروع کر دی فائرنگ رکنے پر ایک ڈاکو اپنے ساتھی کی فائرنگ سے زخمی جبکہ دوسرا موقع سے فرار ہو گیا ،زخمی ہونے والے ڈاکو کی شناخت عظیم کے نام سے ہوئی ساتھی علی رضا فرارہو گیا،
ڈاکؤوں نے اسلحہ کے زور پر شہری سے موٹر سائیکل چھینی اور فرار ہو رہے تھے ڈاکوں نے ایک روز قبل شہری صہیب کو دوران واردات فائرنگ سے زخمی کیا بند روڈ ٹی پوائنٹ کے قریب ڈاکؤوں نے پولیس کے پہچنے پر فائرنگ شروع کر دی ،ملزم عظیم اپنے ساتھی کی فائرنگ سے زخمی ہوا ،ملزم عظیم ڈکیتی چوری جیسی سنگین وارداتوں میں ریکارڈ یافتہ ہے
زخمی کو طبی امداد کے لئے ہسپتال منتقل کر دیا گیا ہے دوسرے ساتھی کی تلاش کے لیے علاقہ میں سرچ آپریشن کیا جا رہا ہے
دوسری جانب شاہدرہ انویسٹی گیشن پولیس کی کارروائی،3 ڈاکو گرفتار کر لئے گئے، گرفتار ڈاکوؤں میں عامر، عنصر اور اشفاق احمد شامل ہیں،گرفتار ملزمان کے قبضہ سے نقدی، موبائل فونز اور ناجائز اسلحہ بھی برآمد کر لیا گیا، ملزمان نے دوران تفتیش متعدد وارداتوں کا انکشاف کیا، ایس پی انویسٹی گیشن سٹی رضا تنویرکا کہنا تھا کہ جرائم پیشہ عناصر کیخلاف بلا امتیاز کارروائیاں جاری رہیں گی،
علاوہ ازیں تھانہ ماڈل ٹاون کے علاقے میں فائرنگ کا واقعہ . ملزم نے دوران لڑائی جھگڑا اپنے بھائی پر فائرگ کرتے ہوئے فرار ہونے کی کوشش کی،ماڈل ٹاؤن پولیس نے 15 کال پر کارروائی کرتے ہوئے ملزم کو اسلحہ سمیت گرفتار کر لیا ملزم وحید سے پستول میگزین و گولیاں برآمد کر کے مقدمہ درج کر لیا،
