لاہور:پاکستان ریلوے نے گرین لائن ٹرین کے علاوہ دیگر تمام ٹرینوں کی تمام کلاسز کے کرایوں میں 8 فیصد اضافے کا فیصلہ کرلیا۔
باغی ٹی وی: ریلوے حکام کے مطابق ڈیزل کی قیمتوں میں حالیہ 15 فیصد اضافے سے پاکستان ریلوے پر یومیہ 11.725 ملین روپے کا اضافی بوجھ پڑا ہے، آپریشن کی بلا تعطل فراہمی کے لیے ادارے کے لیے کرایے کو ریشنلائز کرنا ناگزیر ہو چکا ہے۔
ریلوے حکام کے مطابق ریلوے انتظامیہ نے گرین لائن ٹرین کے علاوہ تمام ٹرینوں کی تمام کلاسز کرایوں میں 8 فیصد اضافے کا فیصلہ کیا ہے اور یہ اضافہ فوری طور پر نافذ العمل ہو گا۔
دوسری جانب گزشتہ روز اجلاس میں حکام نے قراقرم ایکسپریس کو بھی گرین لائن کی طرز پر اپ گریڈ کرنے کی ہدایت کی ہےباقی ٹرینوں کو بھی بتدریج اپ گریڈ کیا جائے گا علاوہ ازیں ریلوے لینڈ پر قائم دکانوں کی آکشن پر بریفنگ دی گئی اور پالیسی پر نظر ثانی کی ہدایت کی گئی-
کمپنیوں کی مارکیٹ ویلیو میں 74 ار ب ڈالرز کمی کے بعد بھارتی تاجر گوتم اڈانی اب ایشیا کے امیر ترین شخص نہیں رہے۔
باغی ٹی وی:امریکی جریدے فوربز کے مطابق جنوری کے اختتام پر گوتم اڈانی دنیا کے 10 امیر ترین افراد کی فہرست سےباہر ہوئے تھے اور اب ان سے ایشیا کے امیر ترین شخص کا اعزاز بھی چھن گیا ہے گوتم اڈانی کی جگہ ان کے حریف مکیش امبانی اب ایشیا کے امیر ترین شخص بن گئے ہیں۔
رپورٹ کے مطابق یکم فروری کو اڈانی گروپ کے حصص کی قیمت میں مزید کمی آئی جس کے نتیجے میں گوتم اڈانی کی دولت مزید گھٹ کر 72.8 ارب ڈالرز تک پہنچ گئی اور وہ دنیا کے امیر ترین افراد کی فہرست میں15 ویں نمبر پر پہنچ گئے۔
اس کے مقابلے میں ریلائنس انڈسٹریز کے چیئرمین مکیش امبانی 83.6 ارب ڈالرز کے ساتھ دنیا کے 9 ویں جبکہ ایشیا کے امیر ترین شخص بن گئے ہیں۔
گوتم اڈانی کی دولت میں تیزی سے کمی کی وجہ ایک امریکی شارٹ سیلنگ کمپنی ہندن برگ کی 25 جنوری کو جاری ہونے والی رپورٹ تھی اس رپورٹ میں کہا گیا تھا کہ اڈانی گروپ دہائیوں سے اسٹاک مارکیٹ میں ہیرا پھیری اور اکاؤنٹنگ فراڈ اسکیم میں ملوث ہے رپورٹ میں گوتم اڈانی کے لیے کارپوریٹ تاریخ کے سب سے بڑے دھوکے باز کے الفاظ بھی استعمال کیے گئے تھے۔
اس رپورٹ کے بعد آسٹریلیا کے ریگولیٹر ادارے نے کہا تھا کہ اس کی جانب سے الزامات کا جائزہ لیا جارہا ہے اور ضرورت پڑنے پر مزید تحقیقات کی جائے گی۔
اڈانی گروپ نے ان الزامات کی تردید کرتے ہوئے انہیں بے بنیاد قرار دیا تھا مگر اس تردید سے بھی سرمایہ کاروں کو اطمینان نہیں ہوا اور غیرملکی سرمایہ کاروں نے رپورٹ کے اجرا کے بعد سے اربوں ڈالرز کے حصص فروخت کیے ہیں اس رپورٹ کے اجرا کے بعد سے گوتم اڈانی کی دولت میں 46.2 ارب ڈالرز کی کمی آئی ہے۔
انہوں نے 2023 کا آغاز 119 ارب ڈالرز کے ساتھ دنیا کے تیسرے امیر ترین شخص کی حیثیت سے کیا تھا اور ایک ماہ کے اندر وہ تیسرے سے 15 ویں نمبر پر پہنچ گئے ہیں۔
باغی ٹی وی کی رپورٹ کے مطابق سابق وزیر خزانہ مفتاح اسماعیل نے کہا ہے کہ ایمرجنگ پاکستان سمینار کا مقصد عوام میں آگاہی پید اکرنا ہے ،ایوانوں میں عوامی مسائل پر بات چیت نہیں ہوتی ،30سال سے ہماری طرز حکمرانی بہت بری ہے ،
سابق وزیرخزانہ مفتاح اسماعیل کا مزید کہنا تھا کہ خواتین ،بچے ،معیشت ،تعلیم ،صحت ،مہنگائی ،بے روزگاری پر وئی بات نہیں کرتا، ہمارے پاس آئی ایم ایف کے سوا کوئی راستہ نہیں ہمارے قرض کی ادائیگی آئی ایم ایف کے ذریعے ہی ممکن ہے آئی ایم ایف کے پیسوں کی قسط اہم نہیں ،اس کے پروگرام میں رہنا اہم ہے ہم پر 30 سال سے قرضوں کا بوجھ ہے قطر ،یواے ای ،یواین ،ایشیائی ترقیاتی بینک نے پاکستان میں سرمایہ کاری کی بات کی ،پاکستان قرض لے کر قرض ادا کرتاہے جو پرانی روش ہے ،پاکستان کے پاس معیشت چلانے کا بہتر پلان ہونا چاہیے ،میں نے آئی ایم ایف سے جو معاہدہ کیااسحاق ڈار نے آ کر توڑدیا،یہ تو ایسا ہے کہ ہم اپنے ہی خنجر سے زخمی ہوئے ہوں ،بجلی کی قیمتیں بڑھانی ہوں گی،
سابق وزیرخزانہ مفتاح اسماعیل کا مزید کہنا تھا کہ آئی ایم ایف نے سخت شرائط رکھی ہیں، بجلی کی قیمت بڑھانےکی شرط حکومت کے لیے پریشان کن ہے،افراط زر کی وجہ سے مہنگائی کم ہونے کے امکانات نظر نہیں آرہے 45 سال بعد بھی ہم آئی ایم ایف کے پاس جارہے ہیں،پاکستان میں جو بھی وزیرخزانہ آئی ایم ایف سے معاہدہ کرتاہے دوسرا آ کر توڑ دیتا ہے آئی ایم ایف نے پاکستان کے ساتھ کریڈایبلٹی دیکھنی ہے ، پرویز مشرف گئے تو پیپلزپارٹی الزام لگاتی رہی ،ن لیگ آئی تو اس کا بھی الزام یہی تھا،وزرا،بیوروکریٹ اچھے ہوتے ہیں طریقہ حکمرانی درست نہیں ہوتا،وزرا کوعہدوں سے ہٹانا پارٹی کے قائد کا صوابدید ہوتا ہے
شاہد خاقان عباسی نے پارٹی عہدے سے استعفی ٰدیا ہے،مفتاح اسماعیل نے تصدیق کردی ، مفتاح اسماعیل کا کہنا تھا کہ شاہد خاقان نے اس لیے پارٹی عہدہ چھوڑا ہے کہ مریم کو پورا اسپیس مل جائے،شاہد خاقان عباسی نے 3سال پہلے نوازشریف سے اپنے بارے میں بات کی تھی ،شاہد خاقان عباسی نے کہا تھا مریم نواز کے ہاتھ میں پارٹی کی کنجی دی گئی تو وہ مستعفی ہوں گے،شاہد خاقان عباسی پارٹی میں سینئر سیاستدان ہیں ،اب مریم نواز سینئر ہوگئیں شاہد خاقان عباسی نے خاموشی بہتر سمجھی اور ایک طرف ہوگئے
حکومت نے مائع پٹرولیم گیس (ایل پی جی) کےگھریلو سلنڈرکی قیمت میں اضافہ کردیا۔
باغی ٹی وی: آئل اینڈ گیس ریگولیٹری اتھارٹی (اوگرا) کی جانب سے ایل پی جی کےگھریلو سلنڈرکی قیمت میں اضافےکا نوٹیفکیشن جاری کردیا گیاہےنوٹیفکیشن کےمطابق 11.8کلو ایل پی جی کاگھریلو سلنڈر 703 روپے 24 پیسےمہنگا کر دیا گیاہےایل پی جی کےگھریلو سلنڈرکی قیمت میں اضافےکا اطلاق یکم فروی سے ہوگا۔
ایل پی جی کی فی کلو قیمت 263 روپے 95 پیسے ہوگئی ہے، اضافے کے بعد 11.8 کلوگرام کے گھریلو سلنڈرکی قیمت 3 ہزار 114 روپے67 پیسے مقررکی گئی ہے۔
جنوری کےلیے ایل پی جی کی فی کلو قیمت 204 روپے 35 پیسے تھی، رواں ماہ ایل پی جی کےگھریلو سلنڈرکی قیمت 2 ہزار 411 روپے 43 پیسے تھی ملک بھر میں ایل پی جی کی بلیک مارکیٹنگ عروج پر ہے اور من مانی قیمت پر ایل پی جی کی فروخت جاری ہے۔
چیئرمین ایل پی جی ایسوسی ایشن کا کہنا تھا کہ ملک میں جاری بحرانی حالات میں سرکاری گیس کمپنی مافیا بن گئی ہے، ملک میں یومیہ 5000 ٹن ایل پی جی فروخت ہورہی ہے اگر عوام کو سستی گیس فراہم کرنی ہے تو لوکل پلانٹ JJVL چلانا ہوگا، JJVL آپریشنل کرنے سے یومیہ 550 تا 750 میٹرک ٹن ایل پی جی کی پیداوار ہوگی جس سے مافیا کا خاتمہ اور صارفین کے لیے ایل پی جی کو مقررہ سرکاری قیمت پر لایا جاسکتا ہے۔
عرفان کھوکھر نے کہا کہ جے جے وی ایل کی 31ماہ سے بندش کے باعث 157 ارب روپے ریونیو خسارہ ہوچکا ہے، سرکاری گیس کمپنی نے جے جے وی ایل کی مستقل بندش کے لیے لابنگ جاری رکھی ہوئی ہے۔
دوسری جانب ملک میں سونے کی فی تولہ قیمت میں 9 ہزار روپے کی بڑی کمی ہو گئی ہے،سندھ صرافہ بازار ایسوسی ایشن کے مطابق اس بڑی کمی کے بعد ملک میں ایک تولہ سونے کی قیمت 2 لاکھ ایک ہزار 500 روپے ہے،اسی طرح 10 گرام سونے کی قیمت 7716 روپے کمی کے بعد ایک لاکھ 72 ہزار 754 روپے ہوگئی۔
ادھر پاکستان اسٹاک ایکسچینج میں آج کاروبار کا مثبت دن رہا اور 100 انڈیکس میں 80 پوائنٹس کا اضافہ ہوا،کاروبار کے اختتام پر 100 انڈیکس 40 ہزار 673 پر رہا، بازار میں 15 کروڑ شیئرز کا کاروبار 7 ارب 44 کروڑ روپے میں طے ہوا، اس کے علاوہ مارکیٹ کیپپٹلائزیشن 101 ارب روپے بڑھ کر 6394 ارب روپے ہے۔
ریکوڈک منصوبے پرکام کرنے والی کمپنی بیرک گولڈکارپوریشن نے منصوبےسے متعلق بلوچستان حکومت کو پہلی ادائیگی کردی۔
باغی ٹی وی: بیرک گولڈکارپوریشن کی جانب سے جاری اعلامیےکے مطابق بلوچستان حکومت کو نئی شراکت داری کے فریم ورک کے تحت تین ملین ڈالرکی ادائیگی کی گئی ہےریکوڈک پاکستان کےکنٹری منیجر علی رند نے سیکرٹری معدنیات کو 3 ملین ڈالرکا چیک دیا۔
واضح رہے کہ گزشتہ ماہ ہی وفاقی کابینہ نے ریکوڈک منصوبے کی حتمی ڈیل پر دستخط کرنےکی باضابطہ منظوری دی تھی۔
بیرک گولڈ کارپوریشن کے سربراہ کا کہنا تھا کہ ریکوڈک سے پہلی کمرشل پیداوار 2028 میں شروع ہوگی اور ریکوڈک کے ذخائرکی مدت 40 سال ہوگی اور اس سے سالانہ 80ملین ٹن کی پروسیسنگ کی جائےگی۔
ان کا کہنا تھا کہ ریکوڈک منصوبے میں ساڑھے 7ہزار لوگوں کو روزگار ملے گا اور منصوبے سے 4 ہزار طویل المدتی نوکریاں پیدا ہوں گی، یقینی بنارہےہیں کہ بلوچستان کو اگلے سال سے فوائد پہنچنا شروع ہوجائیں کمرشل پیداوار شروع ہونے پربلوچستان کو سالانہ 50 ملین ڈالرز تک رائلٹی ملےگی۔
ریکوڈک ایران اور افغانستان سے طویل سرحد رکھنے والے بلوچستان کے ضلع چاغی میں واقع ہے جس کو ’ریک ڈک‘ یا یعنی ریت کا ٹھیلہ کہا جاتا ہے۔ یہاں سونے کے ذخائر پائے گئے ہیں بعض رپورٹس کے مطابق ریکوڈک کا شمار پاکستان میں تانبے اور سونے کے سب سے بڑے جبکہ دنیا کے چند بڑے ذخائر میں ہوتا ہے۔
ریکوڈک کے بارے میں کہا جاتا ہے کہ وہاں سونے اور تانبے کے بھاری ذخائر ہیں جو پوری دنیا کے ذخائر کے پانچویں حصے کے برابر ہیںریکوڈک کے قریب ہی سیندک واقع ہے جہاں ایک چینی کمپنی ایک دہائی سے زیادہ عرصے سے تانبے اور سونے کے ذخائر پر کام کر رہی ہےتانبے اور سونے کے دیگر ذخائر کے ساتھ ساتھ چاغی میں بڑی تعداد میں دیگر معدنیات کی دریافت کے باعث ماہرین ارضیات چاغی کو معدنیات کا ’شو کیس‘ کہتے ہیں۔
باغی ٹی وی کی رپورٹ کے مطابق سابق صدر آصف زرداری مزدروں کی آواز بن گئے
سابق صدرمملکت پیپلز پارٹی پارلیمنٹیرین کے سربراہ آصف علی زرداری نے تجویز کیا ہے کہ محنت کشوں مزدوروں کی کم از کم ماہانہ تنخواہ 35000 ہزار مقرر کی جائے تاکہ مزدور محنت کش کی زندگی میں آسانیاں پیدا ہوں مزدور محنت کش کی 35000لازمی تنخواہ مقرر کرنے کا سرکاری سطح پر فیصلہ کیا جائے اصف زرداری نے مزید کہا ہے کہ حکومت عوام الناس کی مشکلات اور تکالیف کے ازالے کیلئے دورس اقدامات اٹھائے عوام الناس کے مسائل کو حل کرنا حکومت کی ترجیح ہونی چاہئے
واضح رہے کہ پاکستان میں مہنگائی بڑھ چکی ہے ، پٹرول کی قیمتوں میں مسلسل اضافے کی وجہ سے مہنگائی میں بے تحاشا اضافہ ہو چکا ہے،ضروریات زندگی کی اشیا کی قیمتیں آسمان کو چھو رہی ہیں، آٹا بھی مہنگا ہوچکا ہے، دالیں، چاول گھی، ہر چیز کی قیمتوں میں مسلسل اضافہ ہو رہا ہے جبکہ غریب کی آمدن میں کسی قسم کا کوئی اضافہ نہیں ہوا، مزدور کو مزدوری اتنی ہی مل رہی، آج آصف زرداری جو حکومت میں ہیں اور انکے بیٹے وزیر خارجہ ہیں، نے حکومت کو تجویز دی ہے کہ مزدور کی کم از کم تنخواہ 35 ہزار کی جائے
پاکستان پیپلز پارٹی جن جن ادوار میں حکومت میں رہی ان ادوار میں مزدوروں کی فلاح و بہبود کے لئے کام ہوئے ہیں۔ 2008 سے 2013 تک پیپلز پارٹی کی وفاقی حکومت کے دور میں مزدوروں کے لئے بہت سے قانون سازی کی گئی۔ اسی دور میں محکمہ محنت کو صوبوں کے تحت کیا گیا۔ صوبہ سندھ میں محکمہ محنت صوبے کے پاس آنے کے بعد تاریخی قوانین بنائے گئے ہیں۔ اس حوالے سے محکمہ محنت میں مزید کام کرنے کی ضرورت ہے اور اس پر کام کیا جارہا ہے۔ پیپلزپارٹی کی اعلی قیادت سے لے کر کارکنوں تک نے ہمیشہ مزدوروں کے حقوق کی جدوجہد کی ہے اور مزدوروں کے لئے آواز بلند کی ہے۔جس ملک کا مزدور خوشحال ہوتا ہے وہاں کی صنعت ترقی کرتی ہے اور ملک کی معیشت بھی ترقی کرتی ہے اور ملک کے حالات بہتر ہوتے ہیں ۔
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ آپ نے ہمیشہ سنا ہوگا کہ بھارت کے زرمبادلہ کے ذخائر پاکستان سے کئی گنا زیادہ ہیں اور بھارت ہر گزرتے دن کے ساتھ ترقی کی نئی منازل طے کر رہا ہے ۔ لیکن بھارت کے یہ دعوے نا صرف کھوکھلے ہیں بلکہ اب ان دعوو ں میں عملی طور پر ہوا نکلنا شروع ہو گئی ہے ۔
مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ امریکہ کے بعد اب بھارت کے کھوکھلے زرمبادلہ کے ذخائر کی حقیقت بے نقاب ہو نا شرو ع ہوگئی ہے اور آنے والے دنوں میں عین ممکن ہے کہ آپ امریکہ کے ساتھ بھارت کے ڈیفالٹ کی خبریں بھی سننا شروع کر دیں ۔ بھارت کے مشہور بزنس Tycoon گوتم اڈانی نے بھارت اور مودی حکومت کی تباہی کی باقاعدہ بنیاد رکھ دی ہے اور اب بھارت کی چولیں ہلنا شروع ہو چکی ہیں ۔۔آج سے چار دن پہلے ایک امریکی ریسرچ کمپنی کی طرف سے گوتم اڈانی کے فراڈوں کی ایک لمبی فہرست شائع کی گئی ۔۔ جس کے بعد بھارت میں ایک تہلکہ مچ گیا ۔ اس رپورٹ میں ایسا کیا تھا جس سے مودی حکومت کی صفوں میں ماتم کا سماں ہے ؟
مبشر لقمان کا کہنا تھا کہ رپورٹ کے بعد گوتم اڈانی کیسے امیر ترین لوگوں کی فہرست میں تیسرے سے ساتویں نمبر پر آگئے اور آ نے والے دنوں میں کیسے بھارت میں مہنگائی اور بے روزگاری کا نا ختم ہونے والا رقص شروع ہونے والا ہے جس سے ملک میں نئے دنگوں اور فسادات کے خدشات ہیں ؟امریکی ریسرچ کمپنی Hindenburg نے بھارت کے امیر ترین آدمیوں میں شمار ہونے والے گوتم اڈانی کے خلاف 32,000الفاظ پر مشتمل 413صفحو ں کی ایک لمبی رپور ٹ جاری کی ہے جس میں گوتم اڈانی اور ان کے خاندان پر کارپوریٹ تاریخ کے سب سے بڑے دھوکے اور فراڈ کا الزام لگا ہے ۔
امریکی ریسرچ کمپنی نے نا صرف رپورٹ شائع کی ہے بلکہ اس میں ایک ایک چیز کی تفصیلا ت ، ثبوت کے ساتھ بتائی گئی ہیں ۔ کس طرح اڈانی خاندان نے بھارت سے پیسہ باہر Money Londerکیا ۔۔ کیسے مودی حکومت نے اڈانی خاندان کے سر پر ہاتھ رکھا ۔۔ اور کیسے دونوں فریقوں نے مل کر بھارت کو کھایا یہ سب کچھ اس رپورٹ میں شامل ہے ۔۔ جب سے یہ رپورٹ شائع ہوئی ہے بھارت کے طول و عرض میں ایک شور برپا ہے ۔ بھارت کی کارپوریٹ انڈسٹری اور اس کے ساتھ ان کی Stock Exchangeمیں کافی غیر یقینی کی سی صورتحا ل ہے ۔سرمایہ کاروں نے اپنے پیسے نکالنا شروع کر دیے ہیں ۔ اور اس رپورٹ کے بعد صرف ایک دن میں ارب پتی گوتم اڈانی کی ٹوٹل دولت سے 20ارب ڈالر کا صفایا ہو چکا ہے ۔
مبشر لقمان کا کہنا تھا کہ اڈانی گروپ کا نقصان دراصل صرف اڈانی گروپ تک ہی محدود نہیں بلکہ یہ بھارت کے وزیر اعظم نریندر مودی کا نقصان ہے ۔ کیونکہ گوتم اڈانی نریندر مود ی کے کافی قریب سمجھے جاتے ہیں گوتم اڈانی اور نریندر مودی کی دوستی کافی پرانی ہے ۔ لیکن اس میں تیزی اس وقت آئی جب نریند ر مودی کا نام گجرات کے فسادات میں آیا۔نریندر مودی نے جب گجرا ت میں فسادات کو ہوا دی اور وہاں ہزاروں مسلمانوں کا قتل عام کیا گیا تو بھارت کی کاروباری شخصیات مودی کے خلاف ہوگئے ۔یہ وہ وقت تھا جب نریندر مودی کو ہر طرف سے مزاحمت کا سامنا کر نا پڑ رہا تھا اور بالکل اسی وقت گوتم اڈانی نے مودی کا ہاتھ تھاما اور اسے تنازعات سے نکالنے کےلیے پیسہ پانی کی طرح بہانا شروع کر دیا ۔اڈانی نے مودی کو ہیرو ثابت کرنے کےلیے ہر حد عبور کی ۔اس کے بعد اڈانی خاندان اور مودی کے مراسم مزید قریب ہوتے چلے گئے ۔مودی اڈانی خاندان کو کاروباری فائدہ پہنچاتا رہا اور اڈانی وہ پیسے مودی کی سیاست میں لگاتے رہے ۔مارچ 2013میں نریندر مودی کو امریکہ میں وارٹن سکول آف بزنس کے ایک پروگرام میں مقرر کے طور پر بلایا گیا لیکن اساتذہ اور طلبا کے احتجاج کے بعد یہ دعوت نامہ منسوخ کر دیا گیا۔اس کے فوری بعد معلوم ہوا کہ اڈانی گروپ اس ایونٹ کا اہم سپانسر تھا جس نے مودی کو دیے جانے والے دعوت نامے کی منسوخی کے بعد اس تقریب کی مالی معاونت سے ہاتھ کھینچ لیا۔
وزیرخزانہ اسحاق ڈار سے آئی ایم ایف وفد کی ملاقات کا اعلامیہ جاری کر دیا گیا
جاری اعلامیہ میں کہا گیا کہ وزیرخزانہ اسحاق ڈار نے آئی ایم ایف وفد کا خیرمقدم کیا وزیرخزانہ اسحاق ڈار نے آئی ایم ایف وفد کو معاشی صورتحال پر بریفنگ دی،نویں اقتصادی جائزے کی تکمیل کے لیے مل کر کام کرنے کا عزم کیا گیا،آئی ایم ایف وفد کی سربراہی مشن چیف نیتھن پورٹر نے کی وزیرخزانہ اور آئی ایم وفد میں معاشی امور پر تبادلہ خیال کیا گیا ،
وزیر خزانہ اسحاق ڈار کا کہنا تھا کہ ماضی میں بھی آئی ایم ایف کا پروگرام کامیابی سے مکمل کیا تھا،توانائی کے شعبے میں اصلاحات متعارف کرائی جارہی ہیں موجودہ قرض پروگرام بھی مکمل کریں گے،نیتھن پورٹر کا کہنا تھا کہ امید ہے پاکستان نویں جائزے کی تکمیل کے لیے شرائط پر پورا اترے گا،امید ہے پاکستان مختلف شعبوں میں اصلاحات کے لیے پیش رفت جاری رکھے گا،توقع ہے پروگرام مقررہ وقت میں موثر طور پر مکمل ہوگامالی اصلاحات کے لیے پاکستان کے ساتھ مل کر کام کریں گے،
آئی ایم ایف کا جائزہ مشن پاکستان میں 10 روز قیام کرے گا، پہلے مرحلےمیں 3 روزکیلئے تکنیکی سطح کے مذاکرات ہوں گے، آئی ایم ایف کےساتھ پالیسی سطح کےمذاکرات 9 جنوری تک جاری رہیں گے۔ پاکستان کی جانب سے جولائی تا دسمبر 2022 کی معاشی کارکردگی سے آگاہ کیا جائے گا، سیلاب سے ہونے والے نقصانات اور اخراجات پر بریفنگ بھی دی جائے گی۔
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پٹرول کی قیمت میں پینتیس روپے اضافہ ہو چکا ہے، ڈالر روپے کی عزت پامال کر کے اسے ٹکے ٹوکری کر چکا ہے، سفید پوش لوگ صدمے میں ہیں کہ پہلے گاڑی سے موٹر سائیکل پر آئے تھے کیا اب سائیکل پر آنا پڑے گا،
مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھاکہ ہر طرف تباہی کے آثار نمایاں ہیں، لیکن قوم کو ایسا بے حسی کا ٹیکا لگایا جا چکا ہے کہ ہر کوئی کبوتر کی طرح تباہی کو دیکھ کر آنکھیں بند کی ہوئی ہیں، تباہی کا ایک آتش فشاں ہے جس پر قوم کا ہجوم بے حسی سے کھڑا ایک دوسری کو نیچا دکھانے کی کوشش کر رہا ہے،ہر کوئی اس آتش فشاں کے پھٹنے سے ایسے بے خبر نظر آتا ہے کہ دماغ گھوم جاتا ہے،لیکن یہ طوفان آ رہا ہے، کہاں سے کب، کیسے اور کدھر۔ اس کا جواب اس کے نمودار ہوتے ہی مل جائے گا لیکن یہ ایک حقیقت ہے کہ یہ آ رہا ہے ۔ اور اس کے آنے سے پہلے ہی حالات اتنے دگر گوں ہیں کہ پاکستان اور یہاں کے لوگو ں کی حالت زار دیکھ کر اب مجھے آہستہ آہستہ اس بات پر یقین آنا شروع ہو گیا ہے کہ میرے ملک میں واقعی قیامت آ چکی ہے اور لوگ جہنم میں رہ رہے ہیں ۔ بلکہ ہمارے سامنے جو جہنم کا عکس کھینچا جاتا ہے وہ بھی شاید ہماری حالت کے سامنے کم پڑ جائے ۔ یہاں جو ظلم ہو رہا ہے ۔ جو لوگوں کو بربریت کا نشانہ بنایا جا رہا ہے ۔ جیسے لوگوں کی عزتیں پامال ہو رہی ہیں ۔جیسے لوگوں کے خوشحال گھر بنجر ہور ہے ہیں ۔ شہر لٹ رہے ہیں ۔۔ایسا تو شاید جہنم میں بھی نہیں ہوگا۔خدا ترس کھا لے گا لیکن اس کے بندے یہاں ترس نہیں کھا رہے
حاکم یہاں سب سے بڑے قصاب بنے ہوئے ہیں
مبشر لقمان کا مزید کہنا تھا کہ آج میری نظر سے اخبار کا ایک تراشہ گرزا اور اس کے بعد میرے سامنے ایک پوری ماضی کی کتاب کھل گئی۔ اخبارکی سرخی یہ تھی کہ مردان میں ایک شخص نے ریاست مدینہ کے امیرکو بد دعا دے دی اوراس کے بعد اس شخص پربد دعا دینے کی پاداش میں نا صرف ایف آئی آر کی گئی بلکہ اسے گھر سے اٹھا یا گیا او اسے سلاخوں کے پیچھے لایا گیا اسے عبرت کا نشانا بنایا گیا تا کہ ریاست میں کوئی بھی دوسرا شخصامیر المومنین کو بد دعا نا دے سکے وہ اپنے منہ سے کوئی ایسا جملہ نا نکال سکے جس سے حکمرانوں کی انا کو ٹھیس پہنچ سکے ۔اور اس لاچار شخص کو نا جانے کتنے د ن بعد اس شرط پر چھوڑا گیا کہ وہ آئندہ کے بعد عمران خان کی شان میں کسی قسم کی کوئی گستاخی نہیں کرے گا۔
مبشر لقمان کا مزید کہنا تھا کہ اس دورمیں اور کیا کیا ظلم نہیں ہوئے ۔لوگوں پر کیا کیا جبر کے پہا ڑ نہیں توڑے گئے ۔عمران خان ہمیشہ اپنے جلسوں میں کہتے تھے کہ میں غلامی سے نجات دلانے آیا ہوں میں لوگوں کو شعور دینے آیا ہوں ۔لیکن جس کے دور حکومت میں ایک شخص کو ریاست کو بد دعا دینے کی اجازت نا ہوکسی کے دل سے ڈر کی وجہ سے ہائے ہی نا نکل سکے ۔آواز اٹھانے کی اجازت نا ہو ۔۔ کیا وہ شخص لوگوں کو حقیقی آزادی دے سکتا ہے ؟اور یہ کوئی اس قسم کا ایک واقعہ نہیں تھا۔ آپ اس دور کے اخبار اٹھا کر دیکھیں ، اخبار بھرے ہوئے ہیں اس طرح کی خبروں سے ۔ مظالم کی لمبی فہرست ہے جو ختم ہونے کا نام نہیں لیتی ۔سیاستدان ، صحافی ، استاد، بیوروکریٹ ، عام شہری جس جس شخص نے اس دور میں تحریک انصاف پر تھوڑی سی بھی تنقید کی اس کو خاموش کروانے کےلیے ہر حد تک جایا گیا ۔ایسے ایسے مقدمے ہوتے رہے جس کے بارے میں سن کر عقل بھی شرما جائے ۔سینیٹر عرفان صدیقی کو دیکھ لیں ان کی عمر تک کا حیا نہیں کیا گیا ۔ انھیں بھی گرفتار کیا گیا ۔جرم ان کا یہ بتا یا گیا کہ انھوں نے اپنا گھر کرائے پر دیا ہے اور پولیس تھانے میں اطلاع نہیں دی۔اس سے بڑھ کر قانون اور انصاف کےلیے شرم کی بات کیا ہوسکتی ہے ؟پاکستان میں روز کتنے قتل ہوتے ہیں ؟کتنی چوریاں ہوتی ہیں کتنے گلے کاٹے جاتے ہیں کتنے بینک لوٹے جاتے ہیں کتنے پیسے باہر منی لانڈر کیے جاتے ہیں کتنے غریبوں کی زمینوں پر قبضے ہوتے ہیں کتنی بچیوں کی عصمت دری ہوتی ہے لیکن کیا وہ مجرم کبھی پکڑے گئے ہیں ؟ کیا انھیں کبھی سزا ملی ہے
چودھری پرویزالہٰی سے سابق وفاقی وزیر داخلہ بریگیڈئیر ریٹائرڈ اعجاز شاہ کی ملاقات ہوئی ہے
ملاقات میں سیاسی صورتحال، ملکی معاملات اور معاشی صورتحال پر بات چیت کی گئی، اس موقع پر چودھری پرویز الہیٰ کا کہنا تھا کہ مریم نواز کی واپسی پر اسحاق ڈار نے35روپے پیٹرول مہنگا کرکے سلامی دی،پٹرولیم مصنوعات کی قیمتوں میں اضافے کا کریڈٹ نواز شریف اور مریم نواز کو جاتا ہے،مہنگائی کا جن بے قابو،حکومت کوانتقامی کارروائیوں سے فرصت نہیں،امن و امان کی صورتحال تباہ ، جرائم میں تیزی سے اضافہ ہوچکا ہے،ملک میں اس وقت انتظامی گورننس نہ ہونے کے برابر ہے،ڈویلپمنٹ منصوبوں سے جو روزگار کے مواقع پیدا ہورہے تھے وہ بھی بند ہوگئے
قبل ازیں تحریک انصاف کی رہنما ڈاکٹر یاسمین راشد کا کہنا ہے کہ اسحاق ڈارمہربانی کرکے گھر چلے جائیں ،عمران خان نے ہمیشہ غریب عوام کاسوچا،پی ٹی آئی حکومت نے غریب عوام کو صحت کارڈ دیا انہوں نے حکومت میں آنے کے بعد راشن کارڈ بند کردیئے،ہر وہ منصوبہ جو عوام کی فلاح کیلئے ہواسے بند کردیا گیا،نگران حکومت کا کام نئی پالیسیاں بنانا نہیں بلکہ پرانی پالیسیوں پر عمل درآمد کرانا ہوتا ہے،11دن ہوگئے اسمبلی تحلیل ہوئے مگرالیکشن کی تاریخ نہیں دی جا رہی،امید ہے پیر کے روز الیکشن کی تاریخ کے حوالے سے ریلیف ملے گا،اسحاق ڈارکوغریب عوام کاخیال نہیں،اسحاق ڈار پاکستان میں رہتے تو انہیں غریب عوام کی تکالیف کا احساس ہوتا،
