ورسٹائل اداکار سہیل احمد نے گزشتہ روز گورنمنٹ کالج میں اپنی فلم کے گانے کی ریلیز کے موقع پر کہا کہ ہوئے تم اجنبی میں میرا کردار ایک ٹرانسجینڈر کا ہے، کردار بہت آسان نہ تھا لیکن کامران شاہد کافی ڈاڈھے ڈائریکٹر ہیں لہذا انہوں نے کام کروا ہی لیا. سہیل احمد نے کہا کہ میں کبھی بھی اپنے کسی بھی کردار سے خوش اور مطمئن نہیں ہوا . مجھے لگتا ہے کہ میں ابھی بھی بہتر کر سکتا تھا اور یہی بے چینی مجھے بہتر سے بہترین کام کرنے کی جستجو لگائے رکھتی ہے کتنا کامیاب ہوپاتا ہوں یہ فیصلہ تو آپ لوگ کر سکتے ہیں. انہوں نے یہ بھی کہا کہ میری اہلیہ مجھے کہتی ہیں کہ خانم جان کا کردار کرنے کا آپکو بہت فائدہ ہو گا کیونکہ اب ہر سگنل پر کھڑے ٹرانسجینڈر آپ کو پہلے سے زیادہ پیار کریں گے
کیونکہ آپ ان کی کمیونٹی کی فلم میںنمائندگی کررہے ہیں. انہوں نے کہا کہ ہمارے ہاں بہت ٹیلنٹ اگر ہم اسے ٹھیک جگہ استعمال کریں تو. نوجوان نسل بہت اچھا کام کررہی ہے جستجو رکھتی ہے آگے بڑھنے کی . کامران شاہد نے جو فلم بنائی ہے یہ نوجوان نسل کو یقینا بہت پسند آئیگی اور میں بہت خوش ہوں کے میں اس کا حصہ ہوں.
