دوحہ: ورلڈ بیچ گیمز 2019 میں شرکت کرنے والے واحد پاکستانی ایتھلیٹ انعام بٹ نے جارجیا کے مرشاگولی ڈاٹو کو 2-5 سے شکست دے کر گولڈ میڈل اپنے نام کرلیا ، ورلڈ بیچ گیمز کیلئے دوحہ جانے سے پہلے انعام بٹ نے ایک ویڈیو پیغام میں ہم وطنوں سے دعا کی اپیل کی تھی اور میڈل جتنے کی صورت میں اس میڈل کو کشمیریوں کے نام کرنے کا عزم بھی کیا تھا، اور آج انعام بٹ نے وہ کر دکھایا جو اور کوئی پاکستانی نہ کر سکا ،
Tag: Sports
نیشنل ایج گروپ سوئمنگ چیمئن شپ، پنجاب نے دھاک بٹھا دی
نیشنل ایج گروپ سوئمنگ چیمئن شپ پنجاب نے جیت لی تین روزہ چیمئن شپ میں مجموعی طور 22 نئے قومی ریکارڈ بنے سندھ کے علی مٹھا چیمپئن شپ کے بہترین تيراک قرار پائے
سپورٹس بورڈ پنجاب انٹر نیشنل سوئمنگ پول میں تین روز تک جاری رہنے والی قومی ایج گروپ سوئمنگ چیمئن شپ پنجاب کی واضح برتری کے ساتھ ختم ہوگئی ۔آخری روز ہونے والے فائنل مقابلوں میں انڈر 14 سو میٹر فری سٹائل میں پنجاب کے ابراہیم رشید،انڈر 16 سو میٹر بٹر فلائی میں پنجاب کے فیروز خواجہ ،انڈر 12 سو میٹر بیک سٹروک میں سندھ کے علی مٹھا ،انڈر 16 دو سو میٹر ریس میں سندھ کے ذیشان عباس، 50 میٹر بٹر فلائی انڈر 16 میں پنجاب کے فیروز خواجہ،انڈر 14 کے 50 میٹر فری سٹائل میں پنجاب کے دانیال غلام نبی نے فتح سمیٹی، ،،ٹیم ایونٹ میں انڈر 14اور انڈر 16 چار ضرب سو میڈلے ریلے رسیوں میں پنجاب نے پہلی پوزیشن حاصل کی
چیمئن شپ میں حصہ لینے والے کھلاڑیوں نے ایونٹ کو بہترین قرار دیتے ہوئے کہا کہ حکومت کرکٹ کی طرح سوئمنگ پر بھی توجہ دے تو بہتر نتائج آسکتے ہیں چمپين شپ کے آرگنائزر حفیظ بھٹی کا کہنا تھا کہ ایونٹ میں کئی باصلاحیت سوئمر سامنے آئے ہیں جو پاکستان کي بين الاقوامي سطع پر نمائندگي کرسکتے ہيں۔
مزید پڑھیں
مہمان ایسا نہیں کرتے ! پی سی بی کا سری لنکا کرکٹ کے صدر کے بیان پر مایوسی کا اظہار
کینیا کے ایتھلیٹ نے میراتھن ریس کا سب سے بڑا ریکارڈ اپنے نام کرلیا
آسٹریا کے دارلحکومت ویانا میں میراتھن ریس کا انعقاد کیا گیا جس میں دنیا بھر کے محتلف اتھلیٹس سے شرکت کی لیکن اس میراتھن میں کینیا سے تعلق رکھنے والے ایلود کپچو نے میراتھن جیتنے کیساتھ کم ترین وقت میں میراتھن پار کرنے کا ریکارڈ بھی اپنے نام کر لیا، ایلود کپچو نے میراتھن ریس کو 1 گھنٹہ 59 منٹ اور 40 سیکنڈ میں طے کیا، اس سے پہلے تیز ترین میراتھن دوڑ کا ریکارڈ بھی ایلود کے پاس تھا،
میراتھن جیتنے کے بعد ایلود کپچو نے سماجی رابطوں کی ویب سائٹ ٹوئٹر پر ٹویٹ کی جس میں انہوں نے دنیا بھر میں اپنے تمام چاہنے والوں کا شکریہ ادا کیا اور کہا "آج ہم چاند پر گئے اور زمین پر واپس آگئے ، میرے پاس الفاظ موجود نہیں جن سے میں اپنے چاہنے والوں کا شکریہ ادا کروں”Today we went to the Moon and came back to earth! I am at a loss for words for all the support I have received from all over the world.
Thank you to all who gave me the opportunity. Asante. pic.twitter.com/0HTVBjB6YY
— Eliud Kipchoge – EGH🇰🇪 (@EliudKipchoge) October 12, 2019
نیشنل ٹی ٹوئنٹی کپ میں کونسا کھلاڑی کس ٹیم کی نمائندگی کرے گا ؟
نیشنل ٹی ٹونٹی کپ سیکنڈ الیون ٹورنامنٹ کا آغاز 13 اکتوبر سے اقبال اسٹیڈیم فیصل آباد میں ہوگا۔
ٹورنامنٹ سیکنڈ الیون ٹیموں میں شامل نوجوان کھلاڑیوں کو صلاحیتوں کے اظہار کا موقع فراہم کرے گا۔یہاں بہترین کارکردگی کا مظاہرہ کرنے والے کھلاڑیوں کو فرسٹ الیون ٹیموں میں بطور بیک اپ شامل کیا جاسکتا ہے۔
نیشنل ٹی ٹوئنٹی کپ میں شرکت کرنے والے کھلاڑیوں اور ان کی ٹیموں تفصیل کچھ یوں ہے،
بلوچستان:
حارث سہیل (کپتان)، عمران فرحت (نائب کپتان)، عاکف جاوید، علی شفیق، عماد بٹ، اویس ضیاء، بسم اللہ خان (وکٹ کیپر)، حسین طلعت،امام الحق، عمران بٹ، محمد اصغر، محمد طلحہٰ، شہباز خان، تیمور خان، عمر گل اور یاسر شاہ۔
سنٹرل پنجاب:
بابر اعظم (کپتان)، احمد شہزاد(نائب کپتان)، احمد بشیر، علی شان، بلال آصف، فہیم اشرف، حسن علی (فٹنس سے مشروط)، کامران اکمل، نسیم شاہ، رضوان حسین، سعد نسیم، سلمان بٹ، عمر اکمل، عثمان قادر، وقاص مقصوداورظفر گوہر۔
خیبرپختونخوا:
محمد رضوان (کپتان، وکٹ کیپر)، صاحبزادہ فرحان (نائب کپتان)، عادل امین، فخر زمان، افتخار احمد، اسرار اللہ، جنید خان، خوشدل شاہ، محمد محسن، محمد الیاس، مصدق احمد، عمر خان، عثمان خان شنورای، ذوہیب خان، عمران خان جونیئر، عرفان اللہ شاہ۔
ناردرن:
عماد وسیم (کپتان)، عمر امین (نائب کپتان)، علی عمران، آصف علی، حیدر علی، حماد اعظم، حارث رؤف، محمد عامر،محمد نواز، موسیٰ خان، نوید ملک، روحیل نذیر، شاداب خان، سہیل اختر، سہیل تنویر اور زید عالم۔
سندھ:
سرفراز احمد (کپتان ، وکٹ کیپر)، اسد شفیق (نائب کپتان)، عابد علی، احسان علی، انور علی، فواد عالم، کاشف بھٹی، خرم منظور، میر حمزہ، مرزا احسن جمیل، محمد حسنین، عمیر بن یوسف، سعد علی، سعود شکیل، سہیل خان اور ولید احمد۔
سدرن پنجاب:
شان مسعود (کپتان)، سمیع اسلم (نائب کپتان)، عامر یامین، بلاول بھٹی، محمد عرفان، محمد عباس(فٹنس سے مشروط)، محمد حفیظ، محمد عرفان (اسپنر)، راحت علی، سیف بدر،شعیب ملک، صہیب مقصود، عمید آصف، عمر صدیق، وہاب ریاض اور زاہد محمود۔
مزید پڑھیں
نیشنل ٹی ٹوئنٹی کپ ، تمام کپتان ٹورنامنٹ جیتنے کیلئے پرجوش
نیشنل ٹی ٹوئنٹی کپ ، تمام کپتان ٹورنامنٹ جیتنے کیلئے پرجوش
نیشنل ٹی ٹوئنٹی کپ کا آغاز کل سے اقبال اسٹیڈیم فیصل آباد میں ہو رہا ہے ، ایونٹ میں کل چھ ٹیمیں شرکت کریں گی، تمام ٹیمیں فیصل آباد پہنچ چکی ہیں،سدرن پنجاب کرکٹ ٹیم کے کپتان شان مسعود کا کہنا ہے کہ یہ ایونٹ قومی کرکٹ کو نئے ستارےدے گا۔ انہوں نے شائقین کرکٹ سے اسٹیڈیم آنے کی درخواست کرتے ہوئے کہا کہ پی سی بی نے جاوید میانداد انکلوژر کو فیملیز کے لیے مختص کیا ہے۔ امید ہےگراؤنڈ میں مداحوں کی بھرپور اسپورٹ میسر ہوگی۔
آج بروز ہفتہ فیصل آباد میں ٹرافی کی رونمائی کی گئی اور کھلاڑیوں نے ٹرافی کے ساتھ تصویریں بنوائیں، اور میڈیا ٹاک میں تمام کپتنانوں کے تاثرات ریکارڈ کیے گئے،
شان مسعود، کپتان سدرن پنجاب:سدرن پنجاب کرکٹ ٹیم کے کپتان شان مسعود کا کہنا ہے کہ یہ ایونٹ قومی کرکٹ کو نئے ستارےدے گا۔ انہوں نے شائقین کرکٹ سے اسٹیڈیم آنے کی درخواست کرتے ہوئے کہا کہ پی سی بی نے جاوید میانداد انکلوژر کو فیملیز کے لیے مختص کیا ہے۔ امید ہےگراؤنڈ میں مداحوں کی بھرپور اسپورٹ میسر ہوگی۔
احمد شہزاد، نائب کپتان سنٹرل پنجاب:
سنٹرل پنجاب کرکٹ ٹیم کے نائب کپتان احمد شہزاد نے کہا کہ شائقین کرکٹ کھیل کی جان ہیں۔ انہوں نے کہا کہ فیصل آباد کی عوام کرکٹ اور کرکٹر سے بے حد محبت کرتی ہے۔ سنٹرل پنجاب کرکٹ ٹیم کے اوپنر نے مداحوں کو اسٹیڈیم کا رخ کرنے کی درخواست کی ہے۔
عمران فرحت، نائب کپتان بلوچستان:
بلوچستان کرکٹ ٹیم کے نائب کپتان عمران فرحت کا کہنا ہے کہ ایونٹ میں شامل ٹیموں میں نوجوان اور باصلاحیت کھلاڑی موجود ہیں۔ انہوں نے کہا کہ بہترین کھلاڑیوں کی موجودگی میں فیصل آباد کی عوام کومعیاری کرکٹ دیکھنے کو ملے گی۔
سرفراز احمد، کپتان سندھ:
سندھ کرکٹ ٹیم کے کپتان سرفراز احمد نے کہا کہ نئےڈومیسٹک کرکٹ اسٹرکچر کے ماتحت پہلے ٹی ٹونٹی کپ میں معیاری کرکٹ دیکھنے کو ملے گی۔ انہوں نے والدین کو بچوں کےہمراہ جاوید میانداد انکلوژر کی نشستیں بھرنے کی درخواست کی ہے۔
سہیل تنویر، کھلاڑی ناردرن:
ناردرن کرکٹ ٹیم کے سینئر کھلاڑی سہیل تنویر کا کہنا ہےکہ فیصل آباد میں موجود کرکٹ کے مداح ہمیشہ کھلاڑیوں کی حوصلہ افزائی کرنے میدان کا رخ کرتے ہیں۔ انہیں امید ہے کہ شائقین کرکٹ اتوار سے شروع ہونے والے ایونٹ میں بھی اپنی روایت کو برقرار رکھیں گے۔
محمد رضوان، کپتان خیبرپختونخوا:
خیبرپختونخوا کرکٹ ٹیم کےکپتان محمد رضوان نے کہا کہ انہیں میچ کے دوران اسٹیڈیم میں موجود مداحوں کی حوصلہ افزائی کی ضرورت ہے۔انہوں نے کہا کہ نئے ڈومیسٹک اسٹرکچر کی منظوری کے بعد ہر ٹیم میں 10 سے 11 کھلاڑیوں کے پاس بین الاقوامی کرکٹ کا تجربہ ہے۔
مزید پڑھیں
نیشنل ٹی ٹوئنٹی کپ کا میلہ سجنے کو تیار، شائقین ایکشن دیکھنے کو بے قرار
ورلڈ بیچ گیمز 2019، پاکستان کی نمائندگی کرنے والے واحد کھلاڑی کون ہیں ؟
قطر کے دارالحکومت دوحہ میں ورلڈ بیچ گیمز کا انعقاد ہونے جا رہا ہے جس میں پوری دنیا کے ایتھلیٹس شرکت کریں گے، اور پاکستان کی نمائندگی کا اعزاز پانے والے واحد کھلاڑی گوجرانوالہ سے تعلق رکھنے والے ریسلر انعام بٹ ہیں جنہوں نے ورلڈ بیچ گیمز 2019 کیلئے کوالیفائی کیا ہے، ورلڈ بیچ گیمز 12 سے 16 اکتوبر تک قطر میں کھیلی جائیں گی
اولمپک کوالیفائنگ راؤنڈ کے لیے قومی ہاکی ٹیم کا اعلان
انعام بٹ آج رات دوحہ روانہ ہونگے ، انعام بٹ کا کہنا تھا کہ "میں پاکستان کا پرچم پوری دنیا میں لہرانا چاہتا ہوں،میری خواہش ہے کہ پاکستان کا سافٹ امیج پوری دنیا میں پھیلے کہ پاکستانی کھیلوں سے پیار کرنے والے پرامن لوگ ہیں اور میں پوری کوشش کروں گا کہ میں یہ میڈل پاکستان کیلئے جیتوں اور یہ میڈل میں اپنے کشمیری بہن بھائیوں کے نام کروں گا، میری تمام پاکستانیوں سے اپیل ہے کہ مجھے اپنی خاص دعاؤں میں یاد رکھیں”
بڑے معرکے سے پہلے قومی خواتین کرکٹ ٹیم کا تربیتی کیمپ
بنگلہ دیش کے خلاف سیریز کے لیے قومی خواتین کرکٹ ٹیم کا تربیتی کیمپ 13 اکتوبر سے شروع ہوگا،
تربیتی کیمپ 23 اکتوبر تک لاہور کنٹری کلب مریدکے میں جاری رہے گا، کیمپ کے لیے طلب کردہ کھلاڑیوں میں عالیہ ریاض، انعم امین، عائشہ ظفر، ناہیدہ خان اور بسمعہ معروف شامل ہیں ، ڈیانا بیگ، فریحہ محمود، ارم جاوید، جویریہ خان، کائنات امتیاز اور عمیمہ سہیل کو بھی طلب کرلیا گیا، صباء نذیر، سعدیہ اقبال، ثناء میر، سدرہ امین اور سدرہ نواز کیمپ میں شریک ہونگی
سری لنکا سے واپسی پر قومی ایمرجنگ خواتین کرکٹرز بھی سلیکشن کے لیے دستیاب ہوں گی ،پاکستان اور بنگلہ دیش کے خلاف 3 ٹی ٹونٹی اور 2 ایک روزہ میچوں پر مشتمل سیریز 26 اکتوبر سے شروع ہوگی ، سیریز کے تمام میچز قذافی اسٹیڈیم لاہور میں کھیلے جائیں گے
یہ بھی پڑھیں
دورہ آسٹریلیا کے لئے قومی ٹیم کا اعلان کب ہو گا اور کون سے سینئر کھلاڑی ہوں گے شامل ، اہم خبر
پاک سری لنکا میچ کے دوران صدر عارف علوی نئے روپ میں نظر آئے
پاکستان بمقابلہ سری لنکا ٹی ٹوئنٹی سیریز کا تیسرا اور آخری میچ صدر پاکستان کی درخواست پر پی سی بی کی طرف سے بریسٹ کینسر کی اگاہی مہم کے طور پر پنک ڈے سے منسوب کیا گیا ،
صدر اسلامی جمہوریہ پاکستان ڈاکٹر عارف علوی نے میچ شروع ہونے سے پی سی بی جانب سے منعقدہ کینسر کی آگاہی کیلئے ایک تقریب میں بھی شرکت کی ، اور دونوں کپتانوں کو پنک ربن بازووں پر باندھے،
اس کے بعد میچ کے دوران صدر پاکستان کمنٹری باکس میں کمنٹیٹر رمیز راجہ کیساتھ کمنٹری کرتے ہوئے بھی نظر آئے ، دوران کمنٹری صدر پاکستان نے بریسٹ کینسر جیسے موضی مرض کی احتیاطی تدابیر پر روشنی ڈالی اور پاکستان میں انٹرنیشنل کرکٹ کی بحالی کو ملک کی تعمیر و ترقی کیلئے خوش آئند قرار دیا ، صدر عارف علوی کا کہنا تھا کہ پاکستان کے لوگ کرکٹ کے دیوانے ہیں اور ملک میں کرکٹ ہونے سے ان کے چہروں پر خوشیاں لوٹ آئی ہیں،
مزید پڑھیں
یہ سیریز ہمارے لیے بہت بڑا دھچکا ہے، مصباح الحق
سری لنکا نے پاکستان ٹیم کو چاروں شانے چت کردیا
یہ سیریز ہمارے لیے بہت بڑا دھچکا ہے، مصباح الحق
پاکستان بمقابلہ سری لنکا ٹی ٹوئنٹی سیریز میں بدترین وائٹ واش کے بعد قومی ٹیم کے کپتان سرفراز احمد اور ہیڈ کوچ مصباح الحق نے پریس کانفرنس کی اوراس وائٹ واش کو بڑا دھچکا قرار دیا ،
قومی ٹیم کے کپتان سرفراز احمد نے کہا کہ سری لنکا نے ہم سے بہت اچھی کرکٹ کھیلی اور ہمیں آوٹ کلاس کیا۔ اس سیریز میں بہت سی چیزیں سامنے آئی ہیں ۔جن پر کام کرناہے۔ سرفراز احمد کا مزید کہنا تھا کہ تیسرے میچ میں ہمارا پلان تھا کہ حارث سہیل آخر تک کھیلے ، بدقسمتی سے بابر اعظم کے بعد حارث سہیل کے جلدی آوٹ ہونے کے بعد پریشر میں آگئے ۔
سرفراز احمد کے بعد مائک مصباح نے سنبھالا اور کہا کہ کہ اس سیریز میں سری لنکا کی کارکردگی سے ہمیں سیکھنا ہوگا۔ ہمیں بہت سے سوالات کے جوابات تلاش کرنا ہیں اور تیزی سے یہ جوابات تلاش کریں گے ۔ یہ سیریز ہمارے لئے بہت بڑا دھچکا ہے۔
قومی ٹیم کے ہیڈ کوچ و چیف سلیکٹر مصاح نے کہا کہ اس وقت ہمارے پاس شاداب خان کا بیک اپ نہیں ہے ۔ سری لنکا کے لیگ اسپنر اس سیریز میں دونوں ٹیموں کے درمیان فرق ثابت ہوئے ۔ ہمارے ساتھ ساتھ بہت سے لوگوں کی آنکھیں کھلنا ضروری ہے ۔
یہ بھی پڑھیں
سری لنکا نے پاکستان ٹیم کو چاروں شانے چت کردیا
“ابھی نندن” کے بعد پاکستانی چائے کا نیا شوقین کون ؟
کھیلوں کے فروغ کیلئے کام کرتے رہیں گے ، صوبائی وزیر کھیل تیمور خان
لاہور: صوبائی وزیر کھیل، امور نوجوانان و سیاحت رائے تیمورخان بھٹی نے کہا ہے کہ پاک سری لنکا ٹی ٹونٹی کرکٹ سیریز کے لئے اعلیٰ سطح کے انتظامات کئے گئے۔اپنے بیان میں انہوں نے کہا ہے کہ شائقین کرکٹ کیلئے پارکنگ ایریا سے سٹیڈیم تک شٹل سروس کی گاڑیاں دستیاب رہیں،
پارکنگ کیلئے وسیع انتظامات کئے گئے، قذافی سٹیڈیم جانے کے لئے شائقین کرکٹ کے لئے جگہ جگہ بینر اور بورڈ لگا کر ان کی رہنمائی کی گئی جن کی مدد سے شائقین آسانی قذافی سٹیڈیم میں داخل ہوئے۔نشتر پارک سپورٹس کمپلیکس میں صفائی کا بھی بہترین انتظام کیا گیا، سپورٹس بورڈ پنجاب اور حکومت پنجاب کے دیگر اداروں کا عملہ شائقین کرکٹ کو سہولتوں کی فراہمی کے لئے اپنے فرائض سرانجام دے رہا ہے،تین میچزکی ٹی ٹونٹی کرکٹ سیریز سے عوام میچز کے ساتھ ساتھ سہولتوں سے بھی لطف اندوز ہوں گے۔سپورٹس کے فروغ اور ترقی کے لئے دن رات کام کررہے ہیں، مستقبل میں بھی ایسے ایونٹس کیلئے بہترین سہولتوں کی فراہمی کا سلسلہ جاری رکھیں گے۔
